Preek oor: Die spreek in tale

Transcriptie

1 1 Preek oor: Die spreek in tale (Preek gelewer tydens erediens in Welkom-Noord op Sondag 19 Junie 2016) Voor die erediens Sing: Skrifberyming 9-4:1,2,3 Sing: Lied 530:1,2,3 Afkondigings Stilte Tydens die erediens: Votum Groetseën Loflied: Psalm 33-1:2,5,6 Geloofsbelydenis: Twaalf Artikels Die Wet van die Here: Matteus 22:37-40 Sing: Skrifberyming 9-3:1,2 Gebed Sing: Lied 255:1,3 Skriflesing: 1 Korintiërs 14:1-25 Fokus: 1 Korintiërs 14:12 Preek: Tema: Streef eerder na dit wat nuttig vir die gemeente is as na die spreek in tale. Gebed Diens van barmhartigheid Sing: Lied 528:1,2,3 Wegstuurseën Amen: Skrifberyming 13-3 Preek: Geliefdes in ons Here Jesus Christus, Inleiding Hoe belangrik is dit om in tale te praat? Ek gaan probeer om hierdie vraag vanuit 1 Korintiërs 14 te beantwoord. In die proses gaan ons kyk na die waarde van die spreek in tale en watter nut dit in die gemeente het.

2 Die spreek in tale is nie die belangrikste gawe in die gemeente nie 2 Paulus vergelyk in 1 Korintiërs 14 die spreek in tale met profesie. Hy wys dan op die volgende verskille tussen die spreek in tale en profesie: Iemand wat in tale spreek, praat nie met mense nie, maar met God. Hierteenoor praat iemand wat profeteer, met mense. (Sien 1 Korintiërs 14:2-3.) Iemand wat in tale spreek, stig homself. Hierteenoor bou iemand wat profeteer, die gemeente op. (Sien 1 Korintiërs 14:4.) Die een wat profeteer, is van groter betekenis as die een wat in tale spreek. Die rede is natuurlik dat die een wat profeteer, die gemeente opbou. Die een wat in tale spreek, kan ook hierdie waarde hê, indien hy sy tale ook uitlê, sodat die gemeente daardeur opgebou kan word. (Sien 1 Korintiërs 14:5.) Geliefdes, ek hoop dat dit hieruit vir julle duidelik is dat die spreek in tale nie die belangrikste gawe in die gemeente is nie. Tewens, dit is nie juis van veel nut vir die gemeente nie (1 Korintiërs 14:6). Dit is soos musiekinstrumente wat nie n melodie speel nie (1 Korintiërs 14:7). Musiekinstrumente wat nie n melodie speel nie, is niks anders as n geraas nie. Hierdie saak is mooi berym in Skrifberyming 9-4:1 wat ons vanoggend voor die erediens gesing het: Al sou k die skoonste taal kon spreek, in eng le lofstem uit kon breek, en k had die liefde nie daarby, dan was nogtans my stem en taal net maar n klinkende simbaal wat harteloos sy klank verbrei. So ook in Lied 530:1 wat ons ook vanoggend voor die erediens gesing het: Praat ek mense- eng le tale, maar dis nie uit liefde nie, is my woorde hol simbole klanke sonder melodie. Die spreek in tale wat nie uitgelê word nie, is soos n beuel wat n onduidelike sein gee (1 Korintiërs 14:8). Dit is onverstaanbaar en n gepraat in die wind (1 Korintiërs 14:9-11). Die belangrikste is om te doen wat nuttig vir die gemeente is Verlede Sondag het ek vanuit 1 Korintiërs 12:7 onder andere daarop gefokus dat die Heilige Gees aan elkeen van julle gawes gegee het, sodat almal van julle vir die gemeente tot nut kan wees. Vanoggend se fokusvers (1 Korintiërs 14:12) sluit hierby aan. Daar staan in die woorde van die 1983/92-Vertaling: Dit is ook op julle van toepassing. As julle julle toelê op die gawes van die Gees, streef dan na dié wat tot opbou van die gemeente dien, sodat julle daarin kan uitmunt. Kom ons kyk eers na die woorde: As julle julle toelê op die gawes van die Gees,... In 1 Korintiërs 12:1 staan daar: Lê julle toe op die gawes van die Gees,... Dit is dus n opdrag. Die 1933/53-Vertaling sê:... en beywer julle met die oog op die geestelike

3 3 gawes,... Dit is wel so dat dit die Heilige Gees is wat aan elkeen van ons gawes gee. Tog moet jy jou daarvoor beywer. Al kan jy dit nie verdien nie of die Heilige Gees dwing om dit vir jou te gee nie, moet jy jou beywer om dit wat Hy wel vir jou gegee het, aan te gryp en voluit te gebruik. Jy mag dit nie onder n maatemmer wegsteek nie. Jy mag dit nie verwaarloos nie (1 Timoteus 4:14). Jy moet dit soos n vuur aanblaas (2 Timoteus 1:6). Ek het verlede week die vraag gevra: Hoe ontdek n mens jou talente? Ek het toe geantwoord: Deur blootstelling. Deur dinge te doen. Solank as wat jy na binne gerig in jou gemaksone bly, gaan jy nooit ontdek watter gawes die Heilige Gees aan jou gegee het nie, én jy gaan hulle nooit ontwikkel nie. Dan doen jy nie wat God hier in 1 Korintiërs sê jy moet doen nie! Die punt van ons fokusvers (1 Korintiërs 14:12) en derhalwe ook hierdie preek is dat jy, wanneer jy jou beywer om die gawes wat die Heilige Gees vir jou gegee het, aan te gryp en voluit te gebruik, moet streef na dit wat tot nut van die gemeente is. Om te streef na dit wat tot nut van die gemeente is, is belangriker as om te streef na die spreek in tale. Die spreek in tale het juis hierdie tekortkoming, naamlik dat dit nie tot nut vir die gemeente is nie. Die groot vraag is: Dit wat jy in die gemeente doen, doen jy dit uit eersug om erkenning te kry, of doen jy dit om die gemeente op te bou? Die probleem in Korinthe was blykbaar dat baie van hulle probeer het om uit eersug erkenning te kry. Daarom was die spreek in tale vir hulle een van die belangrikste gawes, want dit was vir hulle n teken van iemand wat vol is van die Heilige Gees. Die liefde soek nie sy eie belang nie (1 Korintiërs 13:5). Jy moet eers liefde in jou hê, voordat jy sal ophou om uit eersug erkenning te soek. Jy moet eers liefde in jou hê, voordat jy sal streef na dit wat vir die gemeente tot nut is. Dit is daarom dat Paulus 1 Korintiërs 14 begin met die woorde: Julle moet die liefde nastreef. In die 1933/53- Vertaling staan daar: Jaag die liefde na. Soos n roofdier sy prooi met beslistheid agtervolg en aanhou agtervolg totdat hy dit ingehaal het, so moet jy die liefde najaag en nooit ophou nie. Die liefde alleen maak jou nuttig vir die gemeente. Vanoggend se fokusvers (1 Korintiërs 14:12) plaas ons voor dieselfde vraag as verlede Sondag: Wat beteken jy vir die gemeente? Watter nut het jy vir die gemeente? Of is jy n parasiet wat net wil ontvang en niks gee nie? Ek herhaal wat ek verlede Sondag gesê het: n Parasiet gee nie om of hy die liggaam doodmaak nie. Hy suig sy gasheer dood en gaan soek dan n volgende liggaam. Dit is wat soms in die kerk ook gebeur. Kom ons raak prakties. Wat is die dinge wat nuttig vir ons gemeente is? Kom ek noem n klompie dinge. Lidmate wat getrou is, is baie nuttig vir ons gemeente. Om getrou elke Sondag na die erediens toe te kom, is nuttig vir ons gemeente. Net jou hier wees is tot voordeel van die gemeente. Daarteenoor is lidmate wat sommer net wegbly, is nie van baie nut vir ons gemeente nie. Lidmate wat met warm harte vol liefde en vriendelikheid na die erediens toe kom, is baie nuttig vir ons gemeente. Ons is immers n gemeenskap van gelowiges. Lidmate wat in hulle harte deelneem aan die erediens en hartlik saamsing, is

4 4 nuttig vir ons gemeente. Kom ek herhaal die behoeftes van ons gemeente wat ek verlede Sondag genoem het. Ons het lidmate nodig wat kan help om lidmate wat nie vervoer het nie, na en van eredienste en ander aktiwiteite te vervoer. Hoe meer lidmate hiermee kan help, hoe meer kan meer kan ons dit regkry dat die wat hiermee help, dit nie elke Sondag hoef te doen nie, maar dat lidmate mekaar aflos. Ons het lidmate nodig wat besoekers en nuwe lidmate laat tuis voel by ons eredienste en in ons gemeente. Ons het lidmate nodig wat leiding kan neem met die sang tydens ons eredienste. Ons het lidmate nodig wat kan help om katkisasie te gee. Ons het lidmate nodig wat vir mekaar omgee en met mekaar meeleef. Om dit te bevorder, stuur ons, wanneer iemand siekte of beproewing beleef, sms e na almal in die persoon se wyk. Ons het lidmate nodig wat dan aan daardie persoon n sms van bemoediging stuur of daardie persoon bel of besoek. Ons het lidmate nodig wat betrokke kan raak by n diensgroep wat lidmate in die hospitaal gaan besoek. Ons het lidmate nodig wat diegene wat huisgebonde is, gaan besoek. Hierdie is maar net enkele van ons gemeentes se behoeftes. Julle sou sekerlik ook n klompie sake kon noem. Gaan dink wat jy kan doen om nuttig vir ons gemeente te wees. Lê jou daarop toe! Die spreek in tale is nie onbelangrik nie Wanneer ek sê dat jy eerder moet streef na dit wat nuttig vir die gemeente is as na die spreek in tale, probeer ek nie daarmee die gawe van spreek in tale afskiet of sê dat dit van geen betekenis is nie. Allermins. Paulus verwerp nie die spreek in tale nie. Hy plaas dit net in die regte perspektief. Die spreek in tale het ook n plek en dit is waarna ons nou gaan kyk. Die spreek in tale het n plek in gelowiges se gebedslewe. Toe ek vir julle gesê het watter verskille Paulus in 1 Korintiërs 14 tussen die spreek in tale en profesie aantoon, het ek gesê dat iemand wat in tale spreek, nie met mense praat nie, maar met God (1 Korintiërs 14:2). Die spreek in tale is n manier om met God te kommunikeer. Dit is n manier van met God praat, wat nie op die vlak van die verstand lê nie, maar die gees of die emosie (1 Korintiërs 14:14). Beide (die gees of emosie en die verstand) is belangrik, wanneer jy bid en wanneer jy sing (1 Korintiërs 14:15). Maar dan gaan dit veral oor jou binnekamer gebed, want in die openbare gebed moet die ander kan amen sê en hulle sal net kan amen sê, as hulle verstaan (1 Korintiërs 15:16). Die spreek in tale het waarde vir die gelowige se gebedslewe, want dit stig die gelowige (1 Korintiërs 14:4). Op n manier wat nie op die vlak van die verstand lê nie (1 Korintiërs 14:14), het dit te doen met die gelowige se persoonlike verhouding met God. Daar is ook n plek vir om met my gees en nie net met my verstand nie tot God te bid. Elkeen van julle het moontlik al in julle gebedslewe en persoonlike verhouding met God dinge ervaar wat nie op die vlak van die verstand lê nie. Maar dan is dit vir jou eie stigting en nie tot nut vir die gemeente nie. Dit is belangrik dat elkeen van ons n lewende persoonlike verhouding met God moet hê en dat hierdie verhouding dieper en dieper moet word. Al wat jy moet doen, is om te groei in jou lewende persoonlik verhouding met God en die res aan God oor te laat. Hy gee

5 5 soos Hy nodig ag en nie nodig ag nie. En vir sommige mag Hy dan die gawe van spreek in tale gee. Dit beteken nie noodwendig dat die gelowige wat nie in tale kan praat nie, nou n minderwaardige verhouding met God het of nog nie diep genoeg in sy verhouding met God gegroei het nie. Wat hierdie saak betref, moet ons oppas vir kategoriese uitsprake dat dit nie só kan wees nie of dat dit spesifiek só moet wees. Ons kan God en sy werk deur die Heilige Gees nie inbind of inperk nie. Behalwe vir die plek wat die spreek in tale in gelowiges se gebedslewe kan hê, kan dit ook dien as n teken vir die ongelowiges (1 Korintiërs 14:22). Om hierdie vers reg te verstaan, moet dit saamgelees word met die vorige vers (1 Korintiërs 14:21) wat n aanhaling uit Jesaja 28:11-12 is. In Jesaja 28:11-12 gaan dit daaroor dat die Israeliete nie na Jesaja wou luister nie. God het toe besluit om in n vreemde taal met hulle te praat. Maar hulle wou nie luister nie. Paulus se argument is dat vreemde tale n allerlaaste uitweg is om iemand so ver te kry om te luister. Vreemde tale is n teken van God se oordeel, nadat rasionele oorreding nie wou werk nie. Vir die heidene wat gewoond was aan dinge soos geestesvervoering en geesdrywery was dit n teken van God se grootheid en almag. Hoe dit ookal sy, die spreek in tale kan daartoe lei dat n ongelowige dink die gemeente is kranksinnig (1 Korintiërs 14:23). Profesie eerder as die spreek in tale lei uiteindelik daartoe dat n ongelowige tot die oortuiging kom: Waarlik God is hier teenwoordig. (1 Korintiërs 14:24-25). Slot Ek vat saam. Daar is mense wat dink dat sogenaamde buitengewone gawes soos die spreek in tale die bewys is dat jy met die Heilige Gees gedoop of vervul is. Nee, as jy n gelowige is, hét jy die Heilige Gees ontvang! Die bewys dat jy die Heilige Gees ontvang het, is die feit dat jy bely dat Jesus die Here is (1 Korintiërs 12:3). Die Heilige Gees wat in julle is, het aan elkeen van julle gawes gegee. Jy moet jou daarvoor beywer om hierdie gawes te gebruik. En jy moet dit gebruik tot nut van die gemeente. Dít is waarvoor jy moet werk! Jy kan dit slegs doen, as jy die liefde najaag. Slegs die liefde maak jou tot nut vir die gemeente. Amen.