TEKS: 1 Kronieke 28:3, 6 (Ook: 1 Kon 5:3-5; 1 Kron 22:7-9) Die Here gee vir elke geslag sy eie taak

Transcriptie

1 SKRIFLESING: 1 Kronieke 28 TEKS: 1 Kronieke 28:3, 6 (Ook: 1 Kon 5:3-5; 1 Kron 22:7-9) TEMA: Die Here gee vir elke geslag sy eie taak Psalm 92 : 1, 2 Psalm 32 : 1 Skrifberyming 75 (15-1) : 1, 2 Psalm 92 : 6, 7 Skrifberyming 78 (13-3)

2 2 Wat het God se saak in ons tyd nodig? En wat gaan God se saak in die toekoms nodig hê? Wat behoort óns óns geslag, die mense wat nóú besig is om hulle deel in die lewe te doen wat behoort óns vir die voortgang van God se koninkryk se doen? En wat gaan ons kinders die vólgende geslag se taak wees? Want dis iets wat ons hier in die Woord van die Here hoor: - hoe elke geslag van gelowiges sy eie taak het in die pad wat God met hierdie wêreld en met Sy kerk loop. Dís wat vanoggend se preek vir u wil uitlig uit die Woord: - dat die Here vir elke geslag sy eie taak gee. Kom ons kyk na 1. Dawid (en sy geslag) se taak; 2. Salomo (en sy geslag) se taak; 3. elkeen moet fokus op eie taak. 1. DAWID SE TAAK Die Here het in hierdie gang van Sy koninkryk deur die eeue vir Dawid n baie spesifieke taak gehad. Maar nie net vir Dawid self nie. Omdat Dawid die leier van die Here se volk was, het die taak wat daar vir hom gegee was, ook die mense oor wie hy koning was, geraak. As Dawid (byvoorbeeld) oorlog gaan maak het, het hy mos nie man-alleen gegaan nie. Die hele volk was betrokke in die voorsiening van soldate, in die vervaardiging van wapens, in die betaling van oorlogsbelastings, ens. Dit was juis die spesifieke taak wat Dawid en die geslag wat onder sy leiding moes lewe en werk, gehad het: om die oorloë van die Here te gaan voer. Onthou die geskiedenis? o Vandat Israel uit Egipte uit in die beloofde land, Kanaän, ingetrek het, is hulle gedurig deur die heidense volke en groepe wat nog daar rond was, getreiter.

3 3 o As n mens die boek Rigters lees, dan sien jy hoe van hierdie heidense volke by tye die oorhand oor Israel gekry het en die lewe vir hulle bitter gemaak het. o En alhoewel Saul, die eerste koning, begin het om die saak van Israel se fisiese veiligheid aan te spreek, het hy aan die Here ontrou geword en het sy koningskap op niks uitgeloop nie. En toe roep die Here vir Dawid as koning. En Hy maak hom n dapper mens, n gebore soldaat, n uiters bekwame militêre aanvoerder en leier van mense, en n diep-gelowige, wat niks sonder die Here se hulp aangepak het nie. En Hy skep vroeg al vir Dawid die geleentheid om vir hom militêr naam te maak dink aan die Goliat-episode; en op n jong ouderdom word hy een van die top-generaals in Saul se leër. En uiteindelik word hy koning van Israel, wie se groot taak dit word om die vyande van die Here se volk, wat hulle nie wou uitlos nie, 1 se mag te breek en hulle te onderwerp, sodat hulle nie langer Israel se veiligheid bedreig en hulle opbou belemmer het nie. 2 Dit was Dawid en sy geslag se taak: om die oorloë te voer wat nodig was tot voordeel van die Here se volk. 3 En Salomo wat was sý taak? 2. SALOMO SE TAAK Natuurlik het ook die taak wat Salomo by die Here gekry het, sy hele geslag geraak. 1 1 Kon 5:3 2 Vgl. 2 Sam 8, 10, 21:15 e.v., 22 3 Elke tydperk en elke taak het natuurlik sy eie tipiese versoekings: - die versoeking vir Dawid en sy geslag was dat hulle naderhand te maklik na die swaard sou wou en sommer alle probleme met die swaard sou wou oplos; - n mens sien tekens daarvan by Dawid self (bv. episode met Uria) en in talle optredes van Joab, een van Dawid se belangrikste vennote in hierdie oorlogstaak wat hy gehad het; - Dawid self het dan ook gesê dat die Here hom verbied het om die tempel te bou, o.a. omdat hy te veel bloed op die aarde laat vloei het! (1 Kron 22:8).

4 4 Die mense van sy tyd was op verskillende maniere betrokke by die groot bouprojekte wat hy aangepak het, onder andere die tempelbouprojek. Want juis dít was sý spesifieke taak: - hy en sy geslag moes die tempel van die Here daar in Jerusalem bou, en so die Ou Testamentiese diens aan God vir eens en vir altyd op n vaste voet plaas. 4 En om hulle geleentheid te gee om hierdie tempelbouprojek te kan uitvoer, het die Here in Salomo se tyd vir Israel rus en vrede gegee. 5 Hulle vyande was verslaan en die hele wêreld het respek en bewondering gehad vir die wysheid van Salomo en vir die rykdom en die voorspoed waarmee die Here Sy volk in daardie tyd geseën het. 6 Daar was rus en vrede, want hulle hande moes los wees om op hulle taak, tempelbou, te kom konsentreer. En dat die Here dit so beplan het, sien n mens al in die feit dat die naam wat die Here Dawid vir hierdie kindjie laat gee het, Salomo was, n naam wat gevorm is van die Hebreeuse woord vir vrede. 7 Die Here het alles so beskik en so beplan dat Salomo en sy geslag die tempelbouers sou wees. 8 Dit was húlle taak. 3. ELKEEN MOET EIE TAAK UITVOER Elke geslag doen nie alles nie. Natuurlik is daar sekere dinge wat elke gelowige geslag moet doen: die basiese aanbidding en gehoorsaamheid. 4 Die Here het dit al in Moses se tyd gesê, dat as die volk eendag in hulle land is, Hy vir hulle een plek sal aanwys waar Hy gaan woon en waarheen hulle almal dan moet kom om aan Hom te offer en om Sy feeste te kom vier (Deut 12). 5 1 Kron 22:9 6 2 Kron 9: Kron 22:9 8 Terloops, ook hierdie tyd en taak het sy eie tipiese versoekings gehad: - in tyd van grootskaalse vrede is daar altyd die versoeking om té vredeliewend te raak so vredeliewend dat jy naderhand met die verkeerde ook vrede maak, verbroeder; - n slaggat waarin Salomo ongelukkig getrap het u onthou seker hoe hy met heidense vroue getrou het aan hulle godsdienste ook begin deelneem het en selfs vir van die afgode ook heiligdomme gebou het

5 5 Maar elke tyd se gelowiges het ook spesifieke dinge wat húlle behoort te doen vir die voortgang van God se koninkryk. En die een geslag kan nie sommer doen wat die volgende geslag se taak gaan wees nie. Die Here het Sy eie tyd wanneer Hy dinge gedoen wil hê. Toe Dawid die tempel wou bou, het die Here hom nie toegelaat om dit te doen nie. Daar s baie duidelik vir hom gesê dat dit sy séún se taak sou wees. Natuurlik kan die een geslag solank die volgende geslag help voorbereidings tref vir hulle taak wat hullle eendag moet uitvoer. Dawid het vir seker vir Salomo bewus gemaak daarvan dat hý die tempel sou moes bou, 9 en hy t solank die tempelplanne vir hom geteken, 10 en hy t solank die meeste van die materiaal vir die bouery bymekaargemaak, 11 en hy t hom aanhou herinner aan hierdie taak wat vir hom gewag het en hom aangemoedig om dit in vertroue op die Here te begin en klaar te maak. 12 Maar hy wat Dawid is, en sy geslag, kon nie self die tempel bou nie. Dit was die volgende geslag se taak! Die Here het vir elke geslag n eie taak. Ons sien dit ook op ander plekke in die Bybel en in die kerkgeskiedenis: o Elia (byvoorbeeld) was die profeet wat die Here se volk streng moes terugroep tot die ware godsdiens, terwyl sy opvolger Elisa met talle wonderwerke weer die trou en die liefde van die Here moes wys. o Die Israeliete in ballingskap se groot taak was om Jerusalem nie te vergeet nie, terwyl die geslag wat uit die ballingskap teruggekeer het, Jerusalem weer moes opbou. o Net so het al die apostels en die eerste geslag Christene die evangelie orals bekend gemaak, 9 1 Kon 5: Kron 28:11-12, Kron 22: Kron 28:20

6 6 maar nie lank daarna nie was daar n geslag Christene wie se groot taak dit was om die evangelie teen vervalsings daarvan en teen die aanvalle van heidense denkers te verdedig. o In die geestelike donker tyd na die Middeleeue, toe grootskaalse hervorming van die kerk nodig was, het die Here eers vir Luther en sy geesgenote gebruik om die pad terug na die Bybel toe oop te kap, en toe later vir Calvyn en sy medewerkers om hierdie pad te kom verfyn en verdiep. 13 Natuurlik is die grense tussen verskillende geslagte nie altyd so maklik om te trek nie en die verskillende take ook nie altyd so duidelik af te baken nie; maar die feit bly staan dat die Here verskillende geslagte tot verskillende take roep. Dis ook opvallend hoe Dawid en sy geslag in hulle taak en Salomo en sy geslag in hulle taak elkeen heenwys na n faset van die groot werk van ons Verlosser, Jesus Christus. Dawid-hulle se oorloë teen die fisiese vyande van die Here se volk, wys heen na die geweldige stryd wat die Here Jesus vir ons teen die magte van die duisternis gevoer het, veral toe Hy daar in die donker ure aan die kruis gehang het. En Salomo se vrederyk en tempelbou wys heen na die vrede wat die Here Jesus se versoeningswerk vir elkeen wat in Hom glo, beteken, en na die opbou van die Nuwe Testamentiese tempel van God, die kerk, deur die kragtige werk van die Heilige Gees wat na Jesus se hemelvaart oor Sy kerk uitgestort is En so sal elke geslag se taak op een of ander manier met Christus te doen hê: met die boodskap van die verslossing deur Hom, met Sy kerk of met Sy wederkoms. Die Here gee vir elke geslag van gelowiges hulle eie taak, wat húlle dan moet uitvoer. TOEPASSING In die gang van God se koninkryk deur die eeue is ons ook ingeskakel; nie net ons as individue nie, maar ook ons as mense wat deel is van n sekere tyd/era in die geskiedenis van hierdie koninkryk gelowiges van n sekere geslag. 13 Soos pad oopskraap en pad teer.

7 7 Dis natuurlik groot genade. Om in Jesus Christus te kan glo en so n kind van God te wees, is n wonderlike geskenk wat die Heilige Gees ons deel aan laat kry het. Maar as jy deur die geloof aan die Here behoort, is jy nie net self n kind van die Here nie, maar ook deel van Sy dienskorps, deel van jou geslag van gelowiges wat saam met ander die taak van jou tyd en jou geslag moet uitvoer. En net so is ons kinders as gelowiges ook deel van die dienskorps van die Here, maar deel van n vólgende geslag, wat ook weer hulle eie taak gaan hê in hierdie gang van God se koninkryk. Hoor julle kindertjies dit? Net soos wat julle pappas en mammas nou sekere werk vir die Here moet doen, net so gaan daar vir julle ook werk wees wat julle vir die Here moet doen wanneer julle eendag groot is. Wat is ons taak en wat gaan hulle taak wees? Die antwoord op hierdie vraag skud n mens nie sommer net so uit die mou uit nie. Ek noem maar net twee moontlikhede om u, die huidige geslag en die volgende geslag, hieroor self aan die dink te sit voorbeelde rakende Woordverkondiging en barmhartigheidsdiens. In die eerste plek het ons, die ouer geslag gereformeerde gelowiges hier in Suid- Afrika, waarskynlik die groot taak gekry om die inhoud van die Woord van die Here suiwer aan die volgende geslag deur te gee. Ons is n geslag wat dramatiese veranderings beleef het: - n nuwe millennium; - n nuwe regering; - n nuwe grondwet. Maar dit beteken nou nie, soos wat party teoloë en ander Christene in ons tyd blykbaar dink, dat die Here se Woord ook moet verander nie! En ons geslag moet sorg dat ons, by alle veranderings wat plaasgevind het, die Woord van die Here en die boodskap daarvan, onveranderd suiwer vir die volgende geslag nalaat.

8 8 En dan gaan dit die reuse-taak van die volgende geslag wees om maniere te kry om hierdie suiwer Woord effektief in die oppervlakkige Afrika-Christendom in te dra en om met hierdie suiwer Woord die baie geestelik afvallige volksgenote onder ons weer terug te roep na die Here en na die suiwer godsdiens toe. n Tweede moontlikheid om aan te dink: Óns geslag het nie so baie diakonale werk gehad nie, want die Here het ons mense in hierdie dekades geseën. Maar dit het wel op ons pad gekom om ernstig te besin oor die hele saak van barmhartigheid, van hulpverleing aan mense in nood. Dit het byvoorbeeld in ons kerke gelei tot n verrykte siening oor die taak van die diakens. En ons is ook eintlik nog steeds besig met besinning oor Bybelse maniere waarop die die geweldige potensiaal van die vroue in die kerk by hierdie dienswerk ingeskakel kan word. Óns geslag is die tyd en die taak gegee om te besin. Maar die geslagte wat kom, gaan geweldig baie hê om te doen op diakonale terrein. Dink maar net aan die verskriklike werkloosheid en armoede, aan die effek wat vigs en die versteuring van die aarde se klimaat en die besoedeling van alle hulpbronne op alle mense in Suider-Afrika gaan hê, en dink aan iets soos die verskriklike eensaamheid van al hoe meer mense soos wat die sosiale strukture, soos huwelik en gesin, al hoe meer verbrokkel. en u sal begryp dat gemeentes in jare wat gaan kom, baie, baie meer op die terrein van barmhartigheid gaan moet dóén Maar hoe dan ook al: - in gehoorsaamheid aan die Here moet óns geslag ons werk bly doen, totdat die Here ons uitspan; - en in gehoorsaamheid aan die Here moet die volgende geslag nou opstaan, en solank die juk opneem wat húlle vir die koninkryk van die Here gaan moet dra.

9 9 Ook só laat die Here Sy koninkryk kom. AMEN