JOHANNES 19:26-27 NAGMAAL Votum en seën Psalm 118 : 2 Geloofsbelydenis: Twaalf Artikels Wet: Eksodus 20:1-17 (AV 1933/53) Psalm 4 : 3 Gebed Skriflesing: Johannes 19:17-27 (AV 1933/53) Teks: Johannes 19:26-27 (AV 1933/53) Preek: Jesus bly tot op die laaste gehoorsaam en vol liefde vir ons Verkorte Formulier vir die viering van die Heilige Nagmaal Psalm 103 : 6 By aanvang van tafelbediening: Johannes 6:54-56 Sang by tafels: Skrifberyming 10 (5-4) : 1, 2, 3, 4, 5, 6 Skriflesing by tafels: Joh 19:28-37; 19:38-42; 20:1-5; 20:6-13; 20:14-18 Gebed Kollekte Psalm 118 : 7 Seën Skrifberyming 78 (13-3) Ook: Sb 6 (5-1) : 3
Dit val n mens op hoe feitlik elke vers wat beskryf wat daar by die kruis gebeur het, op n eie manier die verhaal vertel, die evangelie, die goeie nuus oor wie Jesus is en hoe Hy is en wat Hy besig is om daar vir mense te doen. Soos hierdie tafereeltjie van ons teksverse, wat wys - hoe gehoorsaam Jesus aan Sy hemelse Vader is, tot op die laaste oomblikke en tot in die kleinste besonderheidjie toe; - en ook hoe omvattend Sy liefde vir mense is, tot op die laaste oomblikke en tot in die kleinste besonderheidjie toe. 2 Kom ons gaan kyk hierna eers na Sy gehoorsaamheid en dan na Sy liefde wat ons in hierdie verse sien. 1. JESUS GEHOORSAAM Die Here Jesus het nie net gekom om ons straf te dra nie om met óns sondepak op Sy skouers die vonnis opgelê te word wat daardie sondepak verdien en die vonnis te gaan uitdien nie. Hy t ook gekom om as n mens in ons plek te kom doen wat ons eintlik behoort te gedoen het, maar as gevolg van ons sondigheid nooit self sal kan doen nie: - om aan God gehoorsaam te wees; - om die wil van die hemelse Vader volmaak te doen. Hy t dít ook vir ons gedoen. Deur Sy hele lewe hier op aarde was Hy tot die laaste letter en kolletjie toe gehoorsaam aan al die gebooie van God. Hy t niks gedoen of gesê of gedink wat Hy nie mag gedoen of gesê of gedink het nie. En Hy t alles wat God wil hê dat n mens moet doen, stiptelik gedoen. Selfs hier aan die kruis, waar Hy so verskriklik gely het, nog steeds!
Vat byvoorbeeld die vyfde gebod, wat sê dat n mens jou vader en moeder moet eer, wat onder andere beteken dat jy vir hulle moet sorg wanneer hulle dit dalk sou nodig hê. 1 As oudste seun in n huisgesin waarvan die pa waarskynlik al oorlede was, het die Here Jesus n besondere verantwoordelikheid teenoor die ma gehad. En hier kom Hy Sy verantwoordelikheid teenoor haar na. Hier waar Sy tyd op aarde nou amper verby is en Sy aardse verhouding met Maria tot n einde gaan kom, gee Hy haar oor aan Johannes, met wie die Here Jesus n besondere band gehad het 2 en wie se hart en geldsake waarskynlik 3 ook só was dat hy vir Maria sou sorg. 4 3 Hier, waar die Here Jesus besig is om die gróót opdrag van Sy hémelse Vader uit te voer om Sy lewe vir die uitverkorenes af te lê dink Hy in Sy bitter lyding ook nog aan die vyfde gebod, aan dit wat Hy as Kind volgens hierdie gebod aan sy aardse ma verskuldig is. Selfs tot op die laaste is Hy nog tot in die kleinste besonderhede toe, aan God gehoorsaam. Ook Sy gehoorsaamheid in ons plek doen Hy enduit, volledig, volmaak 2. JESUS HET LIEF Hoe duidelik wys dit nie ook Sy liefde tot op die laaste en tot in die kleinste besonderhede toe nie. Selfs hier waar Hy aan die kruis hang, in die verskriklikste liggaamlike pyne en benoudheid, besig om met die angste en smarte van die hel te worstel, in die proses om deur God verlaat te word selfs hier gee Sy liefdevolle hart nog aandag aan die stoflike en emosionele behoeftes van n ander mens. 5 Hy gee vir Maria, 1 Mark 7:19-13; 1 Tim 5:4 2 Joh 13:23; 20:2; 21:7, 20 3 Vgl Mark 1:20 4 Die ander broers het waarskynlik op hierdie stadium nog nie in Hom geglo nie (Joh 7:5); later wel (Hand 1:14). 5 Vgl ook hoe Hy ook aan Sy kruisigers en aan die rower aan die kruis liefde bewys het (Luk 23:34, 43)
wat n kind verloor, deur wie se siel n swaard gaan, 6 n plaasvervangerseun, Johannes, wat sy soos haar eie kind sal kan liefhê en wat haar soos n eie seun sal liefhê. En Hy (Jesus) tref so voorsiening vir haar versorging: n huis en kos en klere in n gesin, waar sy ook die liefde en erkenning wat haar toekom, sal kry, want Johannes weet mos wie sy is: die moeder van sy Here! 7 Jesus is besig om vir die ewige saligheid van al God se mense van alle eeue en alle lande te worstel, en nog steeds gee Hy om vir hierdie gewone, alledaagse, tydelike stoflike en emosionele behoeftes van n mens wat Hy liefhet. Is dit nie liefde tot die laaste toe nie, en liefde tot in die kleinste besonderhede toe nie?! Enduit gehoorsaam. En enduit vol liefde 4 TOEPASSING Dis maklik om dit waarvan ons hier hoor, op onsself toe te pas. Sit net twee woordjies by: vir ons: - Jesus bly gehoorsaam en liefdevol tot die laaste en tot die kleinste besonderhede toe vir ons. Die ons is natuurlik elkeen wat dit wat die Here Jesus doen, verstaan en as die waarheid aanvaar en wat aan Hom vasgryp as jou enigste redding uit die ellende waarin die sonde alle mense gedompel het! Dis vir súlke mense, gelowiges, wat die Here Jesus daar aan die kruis hang en die straf van die hemelse Regter op hulle sonde dra, sodat hulle dit nooit sal hoef te dra nie. En dis in húlle plek wat Hy so enduit en volmaak aan God gehoorsaam is, sodat God hulle sal behandel asof hulle self so volmaak gehoorsaam aan Hom was. 6 Luk 2:35 7 Vgl Luk 1:43
En dis vir húlle want húlle is die mense wat deur die Gees van God verander word, sodat hulle dan ook nou begin om op voetspoor van Jesus aan God gehoorsaam te word en wat dus mense is wat die Here Jesus Sy broers en susters en moeders noem 8 5 dis vir húlle wat Jesus hier aan die kruis wys dat Hy liefdevol vir hulle sal sorg, nie net met n ewige saligheid nie, maar ook in ons alledaagse stoflike en emosionele behoeftes hier en nou Wat hierdie verse van Jesus wys, is Hy vir ons, vir elkeen wat in Hom glo. En vir elke hart wat smag na die sekerheid dat jy een van hierdie onse sal wees, is die nagmaal soos manna uit die hemel, n stukkie brood en n slukkie wyn waarmee die Heilige Gees ons verseker: - so seker as wat jy hierdie eet en drink, het Jesus vir jou aan die kruis gehang met alles wat dit beteken! Kom tel dan vanoggend van hierdie manna vir u smagtende hart op. En word seker dat die Here Jesus ook vir ú tot die laaste toe gehoorsaam was en tot die kleinste besonderheidjie toe lief is AMEN 8 Mat 12:50