Uittree-annuïteit en Bewaringsfondse

Transcriptie

1 FLITSFEIT Februarie 2014 FLITS 2 Cumulus Echo Uittree-annuïteit en Bewaringsfondse NUWE BESIGHEID EN OMSKAKELINGS Omskakelings vanaf Legacy na Cumulus Echo Gee universele en ander ou generasie (Legacy) uittree-annuïteite en bewaringsfondsplanne n nuwe lewe! Hoe? Deur hulle eenvoudig om te skakel na ons Cumulus Echo aftreespaarproduktereeks met ons unieke benadering tot die lojaliteitsbonuskonsep - die Echo Bonus! Unieke Echo Bonus persentasies: Elke omgeskakelde plan kry sy eie unieke reeks Echo Bonus persentasies wat die plan in dieselfde of n beter posisie by aftrede laat ná die omskakeling. Daarbenewens sal enige bydraeverhogings en ad hoc eenmalige byvoegings op die omgeskakelde plan presies dieselfde as nuwe besigheid Cumulus Echo hanteer word. Produkstruktuur: Omskakelings na Cumulus Echo is beskikbaar vir uittree-annuïteite en bewaringsfondsplanne. Die opsie om vir Professionele Persone en vir Gegradueerdes weergawes vir die Cumulus Echo Uittree-Annuïteit te selekteer, is ook beskikbaar op voorwaarde dat die kliënt aan dieselfde onderskrywingskriteria wat vir nuwe besigheid geld, voldoen. Indien die kliënt n Legacy Cobalt vir Professionele Persone Uittree-Annuïteit het, sal dit outomaties na n Cumulus Echo Uittree-Annuïteit vir Professionele Persone omgeskakel word. Die Omvattende en Omvattende R28 opsies is beskikbaar. Die Basiese opsie is nie vir Cumulus Echo omskakelings beskikbaar nie. 1

2 Beleggingsfondse Dieselfde reeks beleggingsfondse wat vir nuwe besigheid Cumulus Echo beskikbaar is, is vir Cumulus Echo omskakelings van toepassing. Soos vir nuwe besigheid, indien die Omvattende opsie gekies word, het die kliënt n keuse tussen beleggingfondse wat aan Regulasie 28 voldoen en beleggingsfondse wat nie daaraan voldoen nie. Die kliënt moet egter verseker dat die geselekteerde beleggingsfondse aan Regulasie 28 voldoen. Binne die Omvattende opsie kan die kliënt Omvattende R28 kies. Dit beperk die kliënt tot slegs beleggingsfondse wat aan Regulasie 28 voldoen. Die opsie sluit die Cumulus Echo Leeftyd Beleggingsopsie in. Dit is moontlik om enige tyd tussen Omvattende en Omvattende R28 te verander en dit is gratis. NOTAS Belangrike notas Legacy planne met aktiewe herhalende bydraes Indien herhalende bydraes tans op die Legacy plan gemaak word, is daar geen minimum vereistes vir die omskakeling van die plan nie. Die plan kan met sy huidige bydraevlak omgeskakel word. Legacy planne wat opbetaald is of met slegs eenmalige bydraes Indien die Legacy plan opbetaald is of slegs uit eenmalige bydraes saamgestel is, en die fondswaarde is minder as R10 000, moet n herhalende bydrae van ten minste R250 per maand met die omskakeling bygevoeg word om die omskakeling toe te laat. Herhalende bydraes moet van toepassing wees wanneer die plan omgeskakel word. Dit kan nie later bygevoeg word nie. Indien die fondswaarde van n Legacy bewaringsfondsplan minder as R is, word n omskakeling nie toegelaat nie. Minimum herhalende bydraeverhoging Soos vir Cumulus Echo nuwe besigheid is die minimum herhalende bydraeverhoging R150 per maand, maar ook onderhewig aan n minimum bydrae van R250 per maand na die omskakeling. Nota: Indien die Legacy herhalende bydrae voor die omskakeling laer is as die vorige hoogste bydrae en die bydrae word op omskakelingsdatum verhoog, sal n gedeelte van die heffing wat met die vermindering van die bydrae op die Legacy plan gehef is, indien enige, by die omskakelingswaarde gevoeg word. n Bydraevermindering word nie op omskakelingsdatum toegelaat nie. Die bydrae kan verminder word óf voor die omskakeling (dus op die Legacy plan) óf nadat die omskakeling afgehandel is. n Ad hoc eenmalige bydrae word nie op omskakelingsdatum toegelaat nie eers nadat die omskakeling afgehandel is. Die minimum ad hoc eenmalige bydrae is R

3 Minimum en maksimum termyne Jare Die minimum aftree-ouderdom is 55 volgende verjaardag Daar is geen maksimum aftree-ouderdom nie Die minimum termyn is 2 jaar, onderhewig aan die minimum aftree-ouderdom Indien die kliënt die termyn ten tye van die omskakeling wil verleng, word die maksimum termyn bepaal as die grootste van 65 minus werklike ouderdom tydens omskakeling, en 10 jaar. Legacy tabelkodes wat mag kwalifiseer UITTREE-ANNUÏTEIT BEWARINGSFONDS Universele lewens T334, T434, T534 T360, T361, T460, T461, T560, T Plus T125, T127, T128, T135, T136, T137 BIN T325, T425, T327, T427, T328, T428 Notas: Omskakelings na Stratus word nie meer toegelaat nie, insluitend omskakelings vanaf Reversionêre Bonusreeks planne. Die opsie om Reversionêre Bonusreeks planne na Cumulus Echo om te skakel sal op n later datum beskikbaar gemaak word. Legacy PPS Uittree-Annuïteite kan nie na Cumulus Echo omgeskakel word nie. Omskakelings na Stratus is steeds vir hierdie planne beskikbaar. n Legacy plan wat deel van n werknemerskema vorm, kan omgeskakel word. Kwytskelding van Bydraes by Ongeskiktheidvoordeel Die voordeel is opsioneel en kan slegs op omskakelingsdatum bygevoeg word. Dit kan nie bygevoeg word nadat die omskakeling afgehandel is nie. Volle mediese en beroepsonderskrywing sal van toepassing wees. 3

4 Heffingstruktuur Omskakelingsvlak Die heffingstruktuur van die omskakelingsvlak is presies dieselfde as vir nuwe besigheid Cumulus Echo behalwe vir die Echo Bonus persentasies en die faktor wat in die Echo Bonus berekening gebruik word. Elke omgeskakelde plan kry sy eie unieke stel Echo Bonus persentasies wat die plan in dieselfde of n beter posisie by aftrede laat ná die omskakeling. Die fondswaardes vóór en ná die omskakeling word geprojekteer, met inagneming van enige bestaande herhalende bydrae, indien enige, en verhoging, indien enige, op die datum van die omskakeling. Die Echo Bonus persentasies word bepaal wat soortgelyke fondswaardes lewer op vaste intervalle tussen die omskakeling en die aftreedatum vir beide scenario s. n Veronderstelde 10% per jaar beleggingsopbrengs word gebruik. Die opgeloste Echo Bonus persentasies word tot die hoër 2% opgerond. Byvoorbeeld: Indien die berekening soos hierbo verduidelik n Echo Bonus van 14,3% lewer, word dit tot 16% opgerond. Die faktor wat in die Echo Bonus berekening van die omskakelingsvlak gebruik word, is een. Belangrike notas rakende die projeksie: Enige herhalende bydraeverhoging wat op omskakelingsdatum gedoen word, sal geprojekteer word deur dieselfde heffingstruktuur en Echo Bonus persentasies wat op soortgelyke nuwe besigheid Cumulus Echo van toepassing is, te gebruik. Indeksplan (kontraktuele bydraegroei) wat die plan moontlik mag hê, word geïgnoreer want elke toekomstige Indeksplangroei is n nuwe betalingsvlak met dieselfde heffingstruktuur en Echo Bonus persentasies as wat op soortgelyke nuwe besigheid Cumulus Echo van toepassing is. Premies vir risikodekking wat moontlik op die Legacy plan is, word nie in ag geneem nie omdat die risikodekking wegval wanneer die plan omgeskakel word. Die berekening maak voorsiening vir enige Sanlam AftreeVersterker wat op die Legacy plan van toepassing kon wees. Die projeksie vóór omskakeling sluit die heffing vir reëlmatigheid uit vir Legacy planne wat in die Stabiele Bonusfonds belê. Die projeksie ná omskakeling gebruik dieselfde batebestuursheffing wat op die Legacy plan van toepassing is. Die projeksie gebruik die Omvattende R28 opsie vir die omgeskakelde plan. Die projeksie ná omskakeling sluit n eenmalige transaksieheffing van R600 in. Herhalende bydraeverhogings en eenmalige byvoegings op die omgeskakelde plan Hierdie bydraes word presies dieselfde as nuwe besigheid Cumulus Echo hanteer. Dit beteken dat elke verhoging of byvoeging n nuwe betalingsvlak sal wees met sy eie Echo Bonus persentasies soos wat van toepassing is op nuwe besigheid. Die faktor wat in die Echo Bonus berekening vir elke betalingsvlak gebruik word, word ook presies dieselfde as dié vir nuwe besigheid bereken. 4

5 Wysigingsheffing Vroeë beëindigingsheffing Die vroeë beëindigingsheffing is n monetêre bedrag wat op die omskakelingsdatum bereken word. Hierdie heffing is gelyk aan die vroeë beëindigingsheffing, indien enige, wat op omskakelingsdatum op die Legacy plan van toepassing is. Vir Legacy planne met slegs eenmalige bydraes Die heffing begin lineêr afloop na nul oor die kortste van die oorblywende termyn en 5 jaar Vir Legacy planne met herhalende bydraes of opbetaalde planne Die heffing begin lineêr afloop na nul oor die kortste van die oorblywende termyn en 10 jaar. Nota: Die vroeë beëindigingsheffing sal nie deur enige bydraeverhogings of ad hoc eenmalige byvoegings na die omskakeling geraak word nie. Hierdie vlakke het effektief n nul-wysigingsheffing. Betalingsverminderingsheffing Indien die herhalende bydrae gestop word, is die betalingsverminderingsheffing gelyk aan 50% van die vroeë beëindigingsheffing, indien enige, op daardie tydstip. Vir n bydraevermindering van minder as 100% word die heffing aangepas met die persentasievermindering in die bydrae. Byvoorbeeld: Indien die bydrae met 50% verminder word, is die betalingsverminderingsheffing 25% van die vroeë beëindigingsheffing, indien enige, op daardie punt. Nota: Indien die bydrae ná n vermindering steeds hoër is as wat die totale bydrae op die datum van omskakeling was, sal geen betalingsverminderingsheffing van toepassing wees nie. Die Echo Bonus faktor van die relevante betalingsvlak sal egter geraak word. 5

6 NB Belangrike oorwegings Die Stabiele Bonusfonds (300 Plus) is n reëlmatige bonustipe beleggingsfonds. Dit beteken dat die beleggingsopbrengs oor tyd gelykgestryk word. Tans is daar nie so n beleggingsfonds op Cumulus Echo beskikbaar nie. Indien n Legacy plan wat in die fonds belê na Cumulus Echo omgeskakel word, vind die gelykstryking van die beleggingsopbrengs nie meer op die plan plaas nie. Vir Legacy planne wat in die Stabiele Bonusfonds belê, word die fondswaarde, insluitend alle verklaarde bonusse, gewaarborg slegs op die uitkeerdatum van die plan en by die dood van die versekerde lewe. Op ander datums wanneer die Stabiele Bonusfonds oorbefonds is, word die fondswaarde aangepas met n markwaarde-aanpasser wanneer die beëindigingswaarde bereken word. Dit word gedoen om te verseker dat die beëindigingswaarde nie die markwaarde van die onderliggende bates oortref nie en dus die belange van kliënte wat in die Stabiele Bonusfonds bly beskerm. Die Stabiele Bonusfonds was op 31 Desember 2013 oorbefonds. Indien n Legacy plan wat in die fonds belê na Cumulus Echo omgeskakel word wanneer die Stabiele Bonusfonds oorbefonds is, sal die kliënt nie meer deel hê aan enige van die toekomstige bonusaanwendings wat potensieel hoër mag wees as die toekomstige beleggingsprestasie van die Stabiele Bonusfonds nie, as gevolg van die oorbefondsde posisie. Die Stabiele Bonusfonds en Markwaarde Beleggingsreeks (400 Plus) bied n beleggingswaarborg in terme van n minimum uitkeerwaarde, bereken as die netto beleggingsbedrag opgehoop teen n waarborgkoers van 4.5% of 5% per jaar. Hierdie tipe waarborg is nie op Cumulus Echo beskikbaar nie en die minimum uitkeerwaarde word verbeur indien n omskakeling na Cumulus Echo gedoen word. n Omskakeling na Cumulus Echo is opsioneel. Indien n kliënt verkies om voort te gaan om in enige van bogenoemde fondse te belê en ook om sy of haar aftreevoorsiening te verhoog, sal n nuwe Cumulus Echo Uittree- Annuïteit vir die verhoogde bydrae uitgeneem moet word. Vanaf Maart 2014 word herhalende bydraeverhogings en ad hoc eenmalige byvoegings nie op Legacy planne toegelaat nie. Bestaande kontraktuele bydraegroei word egter steeds toegelaat om voort te gaan. Wanneer n omskakeling na Cumulus Echo gedoen word, moet die omgeskakelde plan aan die Regulasie 28 batelimiete voldoen. Spesifiek kliënte met Legacy planne wat in die Sanlam Aandelefonds of Buitelandse Aandelefonds belê, moet van hierdie vereiste kennis neem omdat hulle die 100% aandele- en buitelandse blootstelling verloor. Met n omskakeling na Cumulus Echo verbeur die kliënt alle lewensdekking en byvoordele wat op die Legacy plan van toepassing mag wees. Daar is n opsie (met sekere terme en voorwaardes) om die lewensdekking en byvoordele na n Matrix risikodekkingplan oor te dra sonder enige mediese onderskrywing. 6

7 Tussengangervergoeding Enige plan wat vóór 1 Januarie 2009 begin het, val onder Deel 3A van die Langtermynversekeringswet. n Omgeskakelde plan val dus onder Deel 3A omdat die begindatum van n omgeskakelde plan dieselfde datum as die oorspronklike aanvangsdatum van die Legacy plan is. Herhalende bydraes Die maksimum vooruitbetaalbare eerstejaarskommissie betaalbaar op enige verhoging in die herhalende bydrae op of ná die datum van omskakeling, word bereken soos in Deel 3A uiteengesit. Die vlak van die eerstejaarskommissie kan slegs op datum van omskakeling onderhandel word. Dit kan nie verander word nadat die omskakeling afgehandel is nie. Geen tweedejaarskommissie is betaalbaar of van toepassing op Cumulus Echo omskakelings nie. Notas: Kommissie is net betaalbaar op bydraeverhogings bo die vorige hoogste vlak van die Legacy plan. Bogenoemde is ook op Indeksplan verhogings ná die omskakelingsdatum van toepassing. Soos met nuwe besigheid vestig die kommissie oor 60 maande. Eenmalige bydraes Die kommissie wat onderhandel mag word, word dieselfde as dié vir nuwe besigheid hanteer. Sien artikel oor Tussengangervergoeding. Fondsgebaseerde fooi Vir omskakelings van uittree-annuïteite kan n fondsgebaseerde fooi van tot 0.57% per jaar (BTW ingesluit, indien van toepassing) onderhandel en bygevoeg word ongeag die vlak van die vooruitbetaalbare kommissie wat onderhandel is. Vir die omskakeling van Bewaringsfondsplanne mag n fondsgebaseerde fooi van tot 1.14% per jaar (BTW ingesluit, indien van toepassing) onderhandel en bygevoeg word. Soos tans die geval is met enige fondsgebaseerde fooi, sal die bedrag in enige gegewe jaar aan die kliënte betaal in hul jaarlikse voordeelstate bekendgemaak word. Vir omskakelings na Cumulus Echo is dit n vereiste dat die fondsgebaseerde fooi, indien bygevoeg op datum van omskakeling of daarna, elke 3 jaar vanaf byvoeging heronderhandel moet word. 7

8 Notas V2938/2 03/ GELISENSIEERDE VERSKAFFER VAN FINANSIËLE DIENSTE 8