cumulus echo uittree-plan pensioenversterker

Transcriptie

1 cumulus echo uittree-plan pensioenversterker

2 U is reeds n lid van die Central Retirement Annuity Fund (die Fonds). U doen namens die Fonds aansoek vir die wysiging van die plan met Sanlam Lewensversekering Beperk (Sanlam Lewens). Die plan is n versekeringspolis, en word gereguleer deur die Langtermynversekeringswet, Die plan is n kontrak tussen die planhouer (die Fonds) en ons. Na gelang van wetgewing mag n deel van die aftreevoordeelbedrag as n enkelbedrag geneem word. Die balans moet gebruik word om gereelde pensioenbetalings te voorsien. Of die volle voordeelbedrag kan gebruik word om gereelde pensioenbetalings te voorsien. Volgens huidige belastingwetgewing en na gelang van u belastingomstandighede, kan die enkelbedragvoordeel belastingvry* binne sekere perke wees, en enige bedrag bo hierdie perke kan teen n verlaagde koers belasbaar wees. (*As fondse oorgedra is vanaf n fonds deur die wet ingestel, sal die deel van die oordraende bedrag wat enige geld verteenwoordig wat voor 1 Maart 1998 opgeloop het, belastingvry wees bykomend tot bogenoemde.) PensioenVersterker is 'n suiwer spaarvoordeel wat by die bestaande uittredingannuïteitsplan gevoeg word. U verhoog eenvoudig u betalings, wat weer die uittredingannuïteitsplanuitbetaling (die enkelbedrag sowel as die maandelikse pensioengedeelte) verhoog. Belangrik om te let Daar is n aantal voordele as u die herhalende betaling van die bestaande plan op u lewe verhoog in plaas daarvan om n nuwe plan uit te neem. Sommige daarvan is: Die waarde vir geld oor die volle termyn behoort beter te wees vir n verhoging op n bestaande plan, as op n nuwe plan. Die gerief om met een plan te handel. Beleggingstoedeling Die verhoogde betaling, minus heffings, sal in ooreenstemming met die bestaande beleggingstoedeling soos in ons uitnodiging aangedui belê word, en sal onderhewig aan enige beleggingsfondsbeperkings (indien van toepassing) wees. Nakoming van Regulasie 28 Regulasie 28 van die Wet op Pensioenfondse, 1956 vereis dat spaargeld vir aftrede beskerm moet word. Om hierdie rede beperk die regulasie die blootstelling van aftreefondsplanne aan verskillende bateklasse. Die maksimum beperkings is tans onder andere 75% in aandele, 25% in buitelandse bates, 25% in eiendomsbates en 10% in verskansingsfondse. Dit is noodsaaklik dat aftreefondsplanne aan die beperkings van Regulasie 28 voldoen. Sommige beleggingsfondse voldoen aan Regulasie 28 wat beteken dat die batebestuurders van daardie fondse seker maak dat die fondse altyd voldoen aan die beperkings van Regulasie 28. As n aftreefondsplan net beleggingsfondse het wat aan Regulasie 28 voldoen, of n leeftydbeleggingsopsie het, sal die plan altyd aan Regulasie 28 voldoen. As n aftreefondsplan een of meer beleggingsfondse het wat nie aan Regulasie 28 voldoen nie, kan markbewegings tot gevolg hê dat die batetoedelings van n aftreefondsplan die beperkings oorskry wat deur Regulasie 28 bepaal word. Om hierdie rede is ons verplig om die plan op n gereelde grondslag te monitor om vas te stel of dit steeds aan Regulasie 28 voldoen. As die plan nie meer voldoen nie, sal ons die versekerde lewe in kennis stel oor die vereiste aksies om die batetoedeling te herbalanseer asook die gevolge as dit nie gedoen word nie. Fondswaarde Die fondswaarde van die plan is die aantal eenhede vermenigvuldig met die eenheidsprys vir elke onderskeie beleggingsfonds. Die eenheidsprys word nie gewaarborg nie en kan mettertyd vermeerder of verminder. Cumulus WYS 07/2016 Bladsy 1

3 Die heffings wat volg is slegs n aanduiding van wat dit kan wees. Indien u ons uitnodiging aanvaar, sal die finale heffings wees soos aangedui in die kontrakdokumente. Heffings Die inligting word voorsien soos op die datum wat in ons uitnodiging gemeld word, en enige verwysing na tans, huidig of huidige verwys na daardie datum. Dit beteken dat die heffings van tyd tot tyd mag verander. Belasting Belasting word volgens die toepaslike polishouerfonds, waarin die versekeraar die onderliggende bates van die plan hou, gehef. Geen belasting word tans in die polishouerfonds vir aftreefondse gehef nie. Heffings vir die plan Verwys asseblief na die planbeskrywing vir verdere besonderhede oor die berekening en aftrekking van elke heffing. Betalingsheffing Die betalingsheffing vir herhalende betalings is 3.50% van elke betaling, as betalings per aftrekorder gemaak word. Bemarkings- en administrasieheffing Die bemarkings- en administrasieheffing is tans 4.00% per jaar van die fondswaarde. Alhoewel die bemarkings- en administrasieheffing as n persentasie van die fondswaarde aangedui word, word die bemarkings- en administrasieheffing van die plan in totaal onderwerp aan n huidige minimum van R42.00 per maand. Hierdie minimum sal van tyd tot tyd verhoog word om vir inflasie, soos deur ons bepaal, voorsiening te maak. Aftrekkings wat deur die batebestuurders gemaak word Batebestuursheffing Die batebestuursheffing is n persentasie van die plan se deel van die markwaarde van die bates in n beleggingsfonds. Die heffing word op n daaglikse basis bereken, wat beteken dat die persentasie deur 365 gedeel word gedeel word om die daaglikse heffing te bereken, en in berekening gebring word wanneer die daaglikse eenheidsprys bereken word. As die versekerde lewe n lid van Reality is, en na gelang van die Reality-opsie en -vlak waarop die versekerde lewe in daardie stadium is, mag ons n afslag op die batebestuursheffing vir sekere beleggingsfondse gee. Hierdie afslag word nie gewaarborg nie. Die afslag sal maandeliks by die fondswaarde van die plan bygevoeg word deur addisionele eenhede ter waarde van die afslag by te voeg. Prestasieheffing Die batebestuurders van sekere beleggingsfondse hef n prestasieheffing, wat op die fund fact sheets van die onderliggende beleggingsfondse op Sanlam se webtuiste openbaar word. Die prestasieheffing hang af van die beleggingsprestasie van die fonds en is nie by die batebestuursheffing ingesluit nie. Direkte beleggingskoste Die direkte beleggingskoste is byvoorbeeld kollektiewe belegging aanvangsgelde, makelaarsloon, ouditgelde, bankheffings en trusteegelde. Cumulus WYS 07/2016 Bladsy 2

4 Transaksieheffing Die transaksieheffing vir elk van die volgende wysigings is tans R soos bepaal deur middel van regulatoriese maatreëls en dit sal in die toekoms verander as sodanige regulatoriese maatreëls of wetgewing verander. Vermindering of staking van die herhalende betaling; Neem van n vroeë aftreevoordeel; Beëindiging van die plan. Die transaksieheffing vir n omskakeling op versoek is tans R Dit geld net wanneer alle gratis omskakelings in n planjaar gebruik is. Hierdie heffing sal van tyd tot tyd verhoog word om vir inflasie, soos deur ons bepaal, voorsiening te maak. Belegginghersieningsooreenkoms tussen die versekerde lewe en die Fonds Afgesien van kommissie, kan hierdie plan ook onderhewig wees aan n fondsgebaseerde fooi. Hierdie fooi word onderhandel tussen die versekerde lewe en die tussenganger. Dit word van die fondswaarde verhaal by wyse van n onttrekking en maandeliks, deur Sanlam Lewens namens die Fonds, aan die tussenganger wat die (deurlopende) advies voorsien, betaal. Indien die plan deur middel van n Seksie 14 oordrag deel van die Fonds geword het, moet die fondsgebaseerde fooi elke 12 maande heronderhandel word. Dit is n gespesialiseerde diens wat addisioneel is tot, en nie deel is nie van, die dienste waarvoor ons kommissie betaal. Staking van die herhalende betaling Die herhalende betaling mag slegs gestaak word as die fondswaarde na aftrekking van die transaksieheffing ten minste R is. As herhalende betalings gestaak word ten spyte daarvan dat daar nie aan hierdie voorwaarde voldoen is nie, sal die plan verval. Kommissie Aanvangskommissie n Aanvangskommissie van 2.50% van die verhoogde deel van elke herhalende betaling sal betaalbaar wees. Voor die verstryking van die aanvanklike termyn sal hierdie kommissie vir die oorblywende deel van die termyn verdiskonteer word en vooruit as n enkelbedrag uitbetaal word. Vir n PensioenVersterker van R per maand met n oorblywende termyn van 5 jaar sal n bedrag van R by die wysigingsdatum betaalbaar wees. As die herhalende betalings met betalingsgroei verhoog, sal n kommissie tot n maksimum van 2.50% van die verhoogde gedeelte van elke herhalende betaling betaalbaar wees by die betalingsgroeidatum en sal vir die oorblywende deel van die termyn verdiskonteer word vanaf die betalingsgroeidatum. Betalingsgebaseerde kommissie n Betalingsgebaseerde kommissie tot n maksimum van 2.50% van elke herhalende betaling sal betaalbaar wees. Vir n PensioenVersterker van R per maand met n oorblywende termyn van 5 jaar bedra dit tot n maksimum van R10.00 ten opsigte van elke herhalende betaling. As die herhalende betalings met betalingsgroei verhoog, sal n betalingsgebaseerde kommissie tot n maksimum van 2.50% van elke verhoogde betaling betaalbaar wees. Belangrike notas Verhandeling van bates Sanlam Lewens mag die bates in die beleggingsfondse vir transaksies soos skriplenings aanwend. Enige inkomste of verlies voortspruitend uit hierdie transaksies sal vir Sanlam Lewens se eie rekening wees, en sal dus nie die voordele waartoe planhouers onder hierdie plan geregtig is, raak nie. Cumulus WYS 07/2016 Bladsy 3

5 Echo Bonus Die Echo Bonus is n addisionele bedrag wat by die voordeel betaalbaar by beëindiging of aftrede gevoeg word. Hoe langer die versekerde lewe betalings gemaak het en hoe hoër die bedrag van die betalings oor die termyn van die plan, hoe groter sal die Echo Bonus gewoonlik wees. Vir die doel van die berekening van die Echo Bonus word die betalings in dele verdeel wat betalingslae genoem word. Op die begindatum van die plan, word n aparte betalingslaag gevorm deur die herhalende betaling of deur die eenmalige betaling. Daarna word vir elke verhoging in herhalende betaling, hetsy op versoek van die versekerde lewe of as gevolg van betalingsgroei op die plan, asook vir elke addisionele eenmalige betaling, n nuwe betalingslaag bygevoeg. Die nuwe betalingslaag word gevorm deur die verhoogde deel van die herhalende betaling of deur die addisionele eenmalige betaling. Die Echo Bonus vir die plan is die som van die Echo Bonusse vir al die betalingslae. Vir elke betalingslaag word n aparte Echo Bonus bereken. Die Echo Bonus is n persentasie van die som van die versekerde lewe se betalings wat belê is vir elke betalingslaag en die beleggingsopbrengs tot op die tydstip van die berekening van die Echo Bonus, vermenigvuldig met n faktor. Die vermenigvuldiging met n faktor geld slegs vir n plan met herhalende betalings. Die persentasie waarna hier verwys word, word die Echo Bonus-persentasie genoem, en hang af van die termyn waarvoor die betalingslaag in werking was op die tydstip van die berekening. Hoe langer hierdie termyn, hoe hoër sal die Echo Bonus-persentasie wees. Die Echo Bonus-persentasies vir verskillende termyne word in die staat aangedui. Die beleggingsopbrengs weerspieël die prestasie van die onderliggende beleggingsfondse van die plan. Die beleggingsopbrengs maak ook voorsiening vir enige heffings of fooie wat van die fondswaarde van die plan afgetrek word. Die som van die versekerde lewe se betalings wat belê is vir alle betalingslae en die beleggingsopbrengs is gelyk aan die fondswaarde van die plan. Vir elke herhalende betalingslaag is die faktor wat in die berekening van die Echo Bonus gebruik word, gelyk aan die som van die herhalende betalings wat tot op die tydstip van berekening gemaak is, gedeel deur die som van die herhalende betalings wat ons verwag het gemaak sou word oor die termyn van die begindatum van elke betalingslaag tot die opsiedatum. Die faktor sal toeneem vir solank as wat die versekerde lewe aanhou om herhalende betalings te maak. As die versekerde lewe herhalende betalings verminder of staak, sal die faktor teen n laer koers toeneem of ophou om toe te neem. Die faktor word tot n maksimum van een beperk. Veronderstellings vir illustratiewe Echo Bonus Die illustratiewe Echo Bonus wat op die kontraktuele aftreedatum bygevoeg sal word, word bereken op die onderskeie illustratiewe fondswaardes en met die veronderstellings dat die onderskeie herhalende betalings voor en na hierdie wysiging, indien enige, tot by die kontraktuele aftreedatum betaal sal word. Veronderstellings vir illustratiewe waardes Die illustratiewe waardes wat voorsien is, is nie gewaarborg nie en moet geensins as n akkurate voorspelling beskou word nie. Hierdie illustratiewe waardes moet slegs as n hulpmiddel by finansiële beplanning gebruik word. Uitwerking van inflasie Die bruto beleggingsopbrengs sal afhang van toestande in die finansiële mark en die inflasiekoers gedurende die plantermyn. Twee stelle illustratiewe waardes word voorsien om die groot invloed van inflasie op beleggingsopbrengste aan te dui. Oor die algemeen lei hoër inflasie tot hoër beleggingsopbrengste en laer inflasie tot laer beleggingsopbrengste. Planvoordele moet gemeet word teen die koopkrag van geld wanneer voordele betaal word. Die reële opbrengs is die koers waarmee die opbrengs inflasie oorskry. Cumulus WYS 07/2016 Bladsy 4

6 Die gemiddelde inflasie oor die 3 kalenderjare wat eindig in Desember 2015 was ongeveer 5.49% per jaar. Onder hierdie omstandighede sal die beleggingsopbrengste waarskynlik nader wees aan die waardes soos aangedui onder die lae inflasie-scenario. Uitwerking van lewensversekeraarsbelasting Beleggingsopbrengste is onderhewig aan lewensversekeraarsbelasting, maar die veronderstelde illustrasiekoerse van 6.5% en 13% per jaar wat voorsien is, is nadat enige toepaslike lewensversekeraarsbelasting afgetrek is. Na gelang van die belastingstatus van die planhouer, betaal versekeringsmaatskappye verskillende belastingkoerse op beleggingsopbrengste. Die effektiewe belastingkoerse kan ook tussen versekeringsmaatskappye verskil, na gelang van hul vlak van uitgawes. Byvoorbeeld, die effektiewe belastingkoerse op inkomste en kapitaalwins op die bruto beleggingsopbrengste sal ongeveer 0% per jaar vir aandelefondse, 0% per jaar vir gebalanseerde fondse en 0% per jaar vir geldmarkfondse wees. Die werklike beleggingsopbrengs wat verdien word op die huidige fondswaarde, plus toekomstige herhalende betalings, sal afhang van die bruto beleggingsopbrengs en die mate waarin hierdie opbrengs deur lewensversekeraarsbelasting en heffings verminder word. Die veronderstelde illustrasiekoerse word bereken voordat die heffings verhaal is, maar na lewensversekeraarsbelasting. Betalingsgroei Indien u n outomatiese betalingsgroei op die bestaande plan het, sal u PensioenVersterkerbetalings op dieselfde manier hanteer word. Dit sal met dieselfde persentasie toeneem, en op dieselfde datum as u bestaande betaling. Die volgende tabel wys die effek van n jaarlikse 10% betalingsverhoging op die addisionele bedrag. Duur in jare Addisionele betaling R R R R R R R R R Dis maklik om vir PensioenVersterker aansoek te doen U kan óf: Ons kontak op vanaf Maandae tot Donderdae tussen 08:30 en 17:00, en Vrydae tussen 08:30 en 16:00. U Sanlam-adviseur of u makelaar kontak. (Skakel indien u nie n Sanlam-adviseur of n makelaar het nie.) Cumulus WYS 07/2016 Bladsy 5

7 Vervanging Dit is nie in u belang om, geheel of gedeeltelik, n bestaande finansiële produk te kanselleer of betalings daarop te verminder om addisionele geld in hierdie plan te belê nie. Dit is belangrik dat u die invloed wat dit op u finansiële beplanning mag hê, sal verstaan. Onder die potensiële implikasies, koste en nagevolge van so n vervanging, waar van toepassing, tel die volgende: betaling van nuwe heffings; die invloed van verhoogde ouderdom op betalings; toekomstige onversekerbaarheid (indien van toepassing); aanwending van gesondheidsbeladings (indien van toepassing); verlies van dekking (indien van toepassing); nuwe wagtydperke vir voordele (indien van toepassing); herwinning van onverhaalde uitgawes ingevolge die bestaande produk; verlies van belastingvoordele (indien enige). Afkoelperiode Indien u ons uitnodiging aanvaar en aansoek doen om n wysiging wat daarop gebaseer is, sal u n periode van 30 dae hê om die kontrakdokument te bestudeer en te besluit of u wil voortgaan met die wysiging. Indien u nie met die wysiging wil voortgaan nie, mag u dit kanselleer deur ons gedurende hierdie periode skriftelik in kennis te stel. Ons sal dan enige betalings wat u reeds as gevolg van die wysiging gemaak het, terugbetaal. As die bates waarin die betalings belê is in waarde verminder het, of as u alreeds voordele van die plan ontvang het, sal ons die bedrag wat terugbetaal moet word dienooreenkomstig verminder. U sal nie die wysiging kan kanselleer as u n belastingsertifikaat daarvoor ontvang het nie, of as die geld oorgedra is van n aftreefonds en daardie fonds is nie bereid om die stand van sake terug te verander nie. Eisprosedure In die geval van n eis, stel Sanlam Lewens asseblief so gou moontlik in kennis. Om die nodige eisvorms te verkry en te verseker dat al die vereiste inligting verskaf word, tree met die Sanlam Lewens Eise-inbelsentrum by (021) in verbinding. Afhangende van die aard van die eis, sal dokumentêre bewyse (byvoorbeeld n doodsertifikaat of mediese verslag) vereis word. Professionele vrywaringsversekering Sanlam Lewens beskik oor professionele vrywaringsversekering. Navrae By Sanlam weet ons dat 'n finansiële maatskappy niks is sonder 'n goeie reputasie en tevrede kliënte nie. Indien u meer inligting oor die Fonds of oor PensioenVersterker verlang, of indien u onvoldoende diens of ongepaste advies ontvang het, skakel asseblief ons Kliëntesorgsentrum by 0860SANLAM ( ) of stuur 'n e-pos aan ons by life@sanlam.co.za. Ons Nakomingsdepartement kan by dieselfde telefoonnommer gekontak word. 'n Afskrif van die Fondsreëls is by die Sanlam Kliëntesorgsentrum verkrygbaar. Ongelukkig is die koste hiervan vir u rekening. Die Fondsreëls is ook beskikbaar (kosteloos) op die Internet by Cumulus WYS 07/2016 Bladsy 6

8 Notas: Indien u op u eie met hierdie transaksie voortgaan, aanvaar ons dat dit nie op die advies van n Sanlam-adviseur of n makelaar gebaseer is nie. Alle verwysings na Sanlam Lewens dui op Sanlam Lewensversekering Beperk. Sanlam Lewens is n Gelisensieerde Verskaffer van Finansiële Dienste en Geregistreerde Kredietverskaffer. Cumulus WYS 07/2016 Bladsy 7