Leemte in Suid-Afrikaanse lewens- en ongeskiktheidsversekering is steeds benard

Transcriptie

1 Mediaverklaring Vereniging vir Spaar en Belegging in Suid-Afrika (ASISA) 17 November 2010 Leemte in Suid-Afrikaanse lewens- en ongeskiktheidsversekering is steeds benard Sowat Suid-Afrikaanse inkomsteverdieners sal na verwagting aanstaande jaar sterf terwyl n verdere geskatte in dieselfde tyd totaal en permanent ongeskik sal raak. Dit beteken dat terwyl die meer as gesinne aanstaande jaar die dood en ongeskiktheid van die inkomsteverdieners sal moet verwerk, hulle boonop onverwagte finansiële teenspoed sal ondervind weens Suid-Afrika se ontsaglike tekortkoming wat lewens- en ongeskiktheidsversekering betref. Onlangse navorsing wat namens die Vereniging vir Spaar en Belegging in Suid-Afrika (ASISA) gedoen is, toon dat die gemiddelde Suid-Afrikaanse inkomsteverdiener met R onderverseker is in die geval van dood en met R wat ongeskiktheid betref. Peter Dempsey, adjunk- uitvoerende hoof van ASISA, het met die bekendmaking van die navorsingsresultate op n mediakonferensie in Johannesburg gesê die gemiddelde Suid-Afrikaanse broodwinners is met 62% onderverseker vir dood en 60% vir ongeskiktheid. Dit beteken dat die gemiddelde gesin hul bestaansuitgawes aansienlik sal moet sny indien die hoofbroodwinner van n huishouding sterf of ongeskik raak. Buiten dat die gordel in die algemeen ingetrek sal moet word, is dit ongelukkig dalk ook moontlik dat die gesinshuis verkoop sal moet word en dat dit neusie verby is wat n goeie opvoeding vir die kinders betref, sê Dempsey. Hoe groot is die gaping? Die eerste onafhanklike navorsing om die gaping ten opsigte van Suid-Afrika se lewens- en ongeskiktheidsversekering te bepaal, is in 2007 van stapel gestuur. In dié navorsing het dit aan die lig gekom dat Suid-Afrikaanse broodwinners met n verstommende bedrag van sowat R10 triljoen onderverseker is. Dempsey sê vir vanjaar se navorsing, wat weer deur True South Actuaries & Consultants uitgevoer is, maar dié keer in vennootskap met UNISA se Buro vir Marknavorsing, was meer uitvoerige besonderhede oor persoonlike inkomste beskikbaar as in Dit was ook moontlik om individuele verdieners uit te skakel wat nie versekering nodig het nie. Die bevindinge van vanjaar se navorsing is dus selfs meer realisties as dié van Hy sê die navorsing, bekend as die 2010 Life and Disability Insurance Gap Study, dui aan dat Suid-Afrika se 12,4 miljoen inkomsteverdieners tussen die ouderdomme van 16 en 65 met R18,4 triljoen onderverseker is. Die versekeringsleemte is afsonderlik vir dood en ongeskiktheid bereken en gedefinieer as die verskil tussen die versekeringsbehoefte en die werklike dekking. Die doodsversekeringstekortkoming is R7,3 triljoen en die leemte ten opsigte van ongeskiktheidsversekering beloop R11,1 triljoen. In die lig daarvan dat dit vanjaar moontlik was om omvattender besonderhede te verwerk en in berekening te bring met die groei in inkomste oor die afgelope drie jaar sedert die vorige navorsing, kom ons tot die gevolgtrekking dat die versekeringstekortkoming nie noodwendig vergroot het nie, verduidelik Dempsey. 1

2 Hy voeg by dat die versekeringsleemte na alle waarskynlikheid in reële terme oor die laaste drie jaar staties gebly het. Dit is n positiewe verwikkeling in die lig van die strawwe ekonomiese toestande waarmee Suid-Afrikaners die afgelope paar jaar te doen gekry het. Waarop dit neerkom, is dat verbruikers nie sedert die vorige navorsing in 2007 die vlakke van hul lewensen ongeskiktheidsversekering verhoog het nie. Dit is verstaanbaar in die lig van die globale finansiële krisis en die resessie wat daarop gevolg het. Dit beteken egter ook dat mense nie van hul lewens- en ongeskiktheidsbeskermingsdekking afstand gedoen het nie. Dit is n positiewe neiging en stem ooreen met die laer polisvervalkoerse wat in die bedryf ervaar word. Waar is die grootste leemte? Dempsey sê die leemte van R18,4 triljoen ten opsigte van lewens- en ongeskiktheidsversekering dui daarop dat Suid-Afrikaners in die moeilikheid is wat lewens- en ongeskiktheidsbeskerming betref. So n groot bedrag is egter niksseggend, tensy dit ontleed en op individuele verbruikers van toepassing gemaak word. Hy sê veral inkomsteverdieners in die middel- tot hoë vlak is gewoonlik haastig om die statistieke van die tafel te vee omdat hulle onder die wanindruk verkeer dat laevlakverdieners waarskynlik die ergste getref gaan raak deur die verlies aan n verdiener weens dood of ongeskiktheid. Dié uitgangspunt berus in wese op n wanvoorstelling. Ons navorsing toon aan dat die gesinne van broodwinners wat meer as R per maand verdien, die grootste finansiële teenspoed sal ervaar as die broodwinners sterf of ongeskik raak. Hoe groter n verdiener se inkomstevlak is, des te meer lewensdekking is nodig om lewenstandaarde te handhaaf. In die Life and Disability Insurance Gap Study is ook bevind dat terwyl verbruikers wat minder as R3 000 verdien n leemte het wat lewensdekking betref, die omgekeerde ten opsigte van ongeskiktheidsversekering waar is. Dit is omdat die staat se ongeskiktheidsinkomstetoelaag as n vaste bedrag baie doeltreffend verlore inkomste in die lae inkomstevlakke vervang. 2

3 Leemte per gemiddelde verdiener Dood Ongeskiktheid Almal Segment 1 Segment 2 Segment 3 Segment 4 Segment 5 Maandelikse netto inkomste vir elke segment: Segment 1 R0-R3 000; Segment 2 R3 000-R5 800; Segment 3 R5 800-R8 300; Segment 4 R8 300-R16 700; Segment 5 R Dempsey sê die enigste groep mense wat volgens die navorsing oor genoegsame lewensdekking beskik, is hoë inkomsteverdieners ouer as 55. Dit is omdat dié groep in die algemeen genoeg geld gespaar het en dikwels voordeel uit groeplewensdekking getrek het as gevolg van jare se lidmaatskap van n werkgewer se pensioenfonds. Wat ongeskiktheid betref, is dié groep egter ook onderverseker. Hier onder is n opsomming van die tekortkomings ten opsigte van lewens- en ongeskiktheidsdekking vir individuele verdieners. Die gegewens word volgens inkomstegroepe verdeel. Dood Persoonlike Inkomste per maand ná belasting Versekering Nodig Werklike Dekking Versekeringstekortkoming R0-R3 000 R R7 318 R R3 000-R5 800 R R R R5 800-R8 300 R R R R8 300-R R R R R R R R

4 Ongeskiktheid Persoonlike Inkomste per maand ná belasting Versekering Nodig Werklike Dekking Versekeringstekortkoming R0-R3 000 R R R R3 000-R5 800 R R R R5 800-R8 300 R R R R8 300-R R R R R R R R Oorbrug die gaping Die gaping ten opsigte van lewens- en ongeskiktheidsversekering sal oorbrug word as Suid-Afrikaanse verdieners gemiddeld n bykomende 2,4% per jaar van hul persoonlike inkomste aan lewensdekking bestee (R35 miljard) en 1,5% per jaar aan ongeskiktheidsdekking (R15 miljard). Dempsey sê dat indien broodwinners nie die huidige versekeringsgaping oorbrug nie, die gemiddelde huishouding gedwing sal word om uitgawes met sowat n derde te besnoei as die broodwinner sterf of ongeskik raak. Die alternatief is om die maandelikse verdienste van die huishouding ná die dood of ongeskiktheid van n verdiener met n gemiddelde van R3 177 by dood of R4 696 by ongeskiktheid te verhoog. Dit sal n uitdaging vir baie gesinne wees. Daarby sal die bedrag hoër of laer wees na gelang van die werklike inkomstesegment van die verdiener wie se inkomste weens dood of ongeskiktheid verlore geraak het. Aangaande die leemtenavorsing Francois Hugo, uitvoerende direkteur van True South Actuaries and Consultants, sê die navorsing het net besonderhede verwerk wat van toepassing is op Suid-Afrika se 12,4 miljoen burgers tussen die ouderdomme van 16 en 65 wat n gereelde inkomste verdien. Hy wys daarop dat n konserwatiewe benadering met die navorsing gevolg is deurdat net die vlakke van doods- en ongeskiktheidsdekking in aanmerking geneem is wat nodig is om die huishouding se besteding ná die dood of ongeskiktheid van n verdiener te handhaaf. Voorts is net die tydperk tot die verdiener se beoogde aftreedatum in aanmerking geneem. Eenmalige uitgawes soos begrafniskoste, eksekuteursfooie, boedelbelasting en belasting op kapitaalwins is dus uitgesluit. Dieselfde geld vir lewensuitgawes ná aftrede. Die primêre bron van inligting vir die bepaling van die versekeringsbehoefte was huishoudingsinkomste, huishoudingsuitgawe en persoonlike inkomstegegewens soos verskaf is deur UNISA se Buro vir Marknavorsing (BMR). Bykomende inligting is van lewensversekeringsmaatskappye verkry. Dit het statistieke behels ten opsigte van die totale uitbetalings indien alle polishouers met lewensdekking sterf en alle polishouers met ongeskiktheidsdekking totaal en permanent ongeskik raak. Einde 4

5 Vir die reël van onderhoude, kontak asseblief: Lucienne Fild Onafhanklike Kommunikasiekonsultant Uitgereik namens: Peter Dempsey Adjunk- Uitvoerende Hoof Vereniging vir Spaar en Belegging in Suid-Afrika (ASISA) (021) ASISA verteenwoordig die meerderheid van Suid-Afrika se batebestuurders, bestuursmaatskappye van kollektiewe beleggingskemas, diensverskaffers van gekoppelde beleggings, multibestuurders en lewensversekeringsmaatskappye. ASISA is in 2008 in die lewe geroep deur lede van die Vereniging van Kollektiewe Beleggings (ACI), die Beleggingbestuursvereniging van Suid-Afrika (IMASA), die Diensverskaffersvereniging vir Gekoppelde Beleggings (LISPA) en die Vereniging van Lewensversekeraars (LOA). 5