Die intrige rondom Hanna kan in die volgende punte saamgevat word:

Transcriptie

1 Die intrige in n verhaal is die plan waarvolgens n verhaal ontwikkel en word ook die raamwerk van gebeure genoem. Die raamwerk dui op die organisasie van die gebeure in die verhaal en saak en gevolg speel n belangrike rol hierin. Die belangrikste om te onthou in die roman is dat twee verhale te gelyke tyd vertel word. Die een storie handel oor Hanna en haar ongelooflike avonture saam met haar saamgestelde gesin en die tweede storie handel oor Fabienne, Hanna se alter ego en die persoon wat Hanna graag wil wees. Die intrige rondom Hanna kan in die volgende punte saamgevat word: Hanna is die hoofkarakter en sy moet leer om aan te pas by haar nuwe saamgestelde gesin. Die aanvaarding van haar nuwe, saamgestelde gesin veroorsaak innerlike konflik by Hanna. Die gesin moet tydens Mana en Beyers se wittebrood mekaar leer ken en aanvaar. Hanna is baie georganiseerd en die enigste een wat betyds reg is vir afsprake, terwyl die res van die gesin dinge op hul eie tyd doen. Hanna bevraagteken alles en word daarom Hanna Hoekom genoem. Hanna staan nie objektief teenoor haar gesin nie. Hanna ken ook nie haar eie pa baie goed nie. Hanna wil nie die werklikheid van haar eie gesin erken nie. Hanna wil graag skryf en probeer verskeie soorte skrifstukke. Beyer vertel vir Hanna dat hy van kortverhale hou wat n slice of life is, m.a.w. hy hou van verhale oor die lewe self. Hanna besef dat sy nie alles in die lewe hoef te ervaar nie. Hanna was geskok toe sy as klein dogtertjie uitvind hoe snaaks en vreemd haar ma en pa is. Hanna is soos enige ander tiener nie tevrede met haar ouers nie. Hanna leer dat elke mens se lewe uit verskillende fasette bestaan en dat haar lewe net vol storms en terugslae is. Hanna is onnodig krities en sarkasties met haar gesin en voel dat sy nog nooit werklik gelewe het nie. Hanna begin met ander oë na haarself te kyk en begin haar uiterlike aanvaar. Sy kry later selfs simpatie met haar stiefbroers. 1

2 Sharon herinner Hanna aan haar eie woorde dat n mens nie iemand anders mag oordeel nie. Later begin Hanna om Gavin te aanvaar nadat sy hom bedank vir die trui met n klapsoen. Hanna erken dat sy haarself graag Fabienne sou wou noem omdat sy dink die lewe sou makliker wees met so n naam. Hanna besef dat vriende mekaar se hande vashou as die lewe uitmekaar begin val. Hanna se sussie is pas gebore en n paar minute oud toe sy besef dat sy vir altyd aan haar verbind is. Hanna aanvaar dat sy n gemiddelde meisie is met n onwaarskynlike ma en pa. Alhoewel Fabienne alles is wat Hanna graag wil wees, hoef Fabienne nie dieselfde keuses as Hanna te maak nie, omdat sy nie n saamgestelde gesin het nie. Sy is kunstig Fabienne se familie versmoor haar ook net soos Hanna oor haar familie voel. Fabienne kan iets aan haar swak verhouding met haar pa doen. Sodra Hanna haarself aanvaar, verdwyn Fabienne heeltemal. Die agtergrond waarteen die verhaal afspeel, is die huis waar die gesin bly asook die huis op die berg waar die gesin met vakansie gaan. Dit is ook die ruimte van die verhaal. Die omstandighede waarteen die verhaal afspeel, is die van n ongelooflike saamgestelde gesin nadat die ma en pa getrou het. Die twee afsonderlike gesinne word dus een groot saamgestelde gesin wat moet leer om saam te leef. Die verhaal bevat twee tye, die vertel tyd en die verlede tyd. Die vertel tyd is die tyd waarin die verhaal vertel word en geskied oor 168 bladsye. Die verlede tyd is die tyd waarin die verhaal afspeel. Die verlede tyd strek oor twee weke en in die twee weke hou die familie vakansie in n huis op n berg. Gedurende die verlede tyd word die verhaal van Hanna ook m.b.v. terugflitse vertel. Die verhaal is dus a-chronologies. Die tydsverloop volg nie direk op mekaar nie en die hede en verlede wissel mekaar af. 2

3 Die motiewe is die lewenswaarhede en idees wat die skrywer gebruik om n sentrale tema te beskryf. Die motiewe wat in die verhaal voorkom is: Hanna aanvaar haarself soos wat sy die verhaal van Fabienne skryf- haar alter ego. Fabienne is die persoon wat Hanna graag wil wees. Hanna besef aan die einde van die verhaal dat sy n aanvaarbare vaal meisie is met n onwaarskynlike pa en ma. In die verhaal leer Hanna om haar ongelooflike, saamgestelde gesin te aanvaar. In die verhaal word die worsteling van n skrywer om n storie te skryf uitgebeeld. n Skrywer probeer baie verskillende skryf vorme en idees voordat hy/sy weet oor watter slice of life hulle wil skryf. Die sentrale tema van die verhaal is die aanvaarding van jouself, jou familie en jou omgewing. Die skrywer vertel ons in die verhaal hoe n storie ontstaan en is n belangrike faset in die verhaal. Die skrywer doen dit deurdat Hanna verskillende stories probeer skryf. Hanna skryf eerstens die storie van Fabienne en daarna wil sy gedigte skryf. Sy oorweeg ook n drama, liefdesverhaal, avontuur verhaal en laastens besluit sy om n gewone verhaal oor n gewone meisie te skryf. 3

4 Fabienne se fantastiese tande Die hoofstuk dui op Hanna se ontevredenheid met haar tande asook haar eie omstandighede. Pampoen en Patat hinder n heks Die hoofstuk verwys na die honde en hul snaakse name en sluit aan by die snaakse en ongelooflike gesin waarvan Hanna deel is. Bloedvingers, suikervingers en groenvingers Die vingers in die hoofstuk verteenwoordig alles wat Hanna pla. Bloedvingers verwys na haar ongelukkigheid met haar pa. Suikervingers verwys na haar ongelukkigheid met haar puisies. Groenvingers verwys na haar ongelukkigheid met haar ma se klere en die feit dat sy nie tuin maak nie. Fabienne verloor haar pa Die hoofstuk verwys na die feit dat Hanna nie kontak met haar pa het nie. Digterlike vryheid Die hoofstuk verwys na Hanna se wens om te skryf. A slice of life Die hoofstuk verwys daarna dat die lewe maar is soos wat Hanna se lewe is en dat dit nie verander kan word nie. Sy moet haar lewe aanvaar. 4

5 Nuus uit die beskawing Die hoofstuk dui daarop dat die gesin nie n gewone gesin is nie en ook nie deel is van die beskawing nie. Hanna Hoekom word Hanna Heks Die hoofstuk verwys daarna dat elkeen n donker kant het en wys ons dan ook Hanna se donker kant. Die koms van die queen Die hoofstuk verwys na Hanna se pa wat kom kuier en nie soos ander kinders se pa s is nie. Die lewe is n verhoog Die hoofstuk verwys na Hanna se lewe wat soos n toneelstuk is en elkeen van ons deel in die konsert van die lewe. Liefde in die lug In die hoofstuk begin die gesin mekaar aanvaar. Wat van n ongelukkige einde? Die hoofstuk dui daarop dat die gesin aan die einde nie n ongelukkige gesin gaan wees nie. Konflik, verraad en jaloesie Die hoofstuk wys vir ons watter dinge die gesin kan oorkom en wat hulle moet kan hanteer. 5

6 Nog n onverwagse gas Die onverwagse gas is Hanna se sussie wat gebore word en dui daarop dat onverwagte dinge nog die gesin kan oorkom. Baniersopskrif: Gesin op berg gered Die hoofstuk dui daarop dat die gesin mekaar tydens die vakansie gevind het en die gebruik van die woord baniersopskrif dui daarop dat dit n baie belangrike gebeurtenis is. Vaarwel, fabelagtige Fabienne In die hoofstuk groet Hanna vir Fabienne en wil sy nie meer fabelagtig soos n storie wees nie. Hanna aanvaar dat sy n gemiddelde vaal meisie is. 6