Waterkruik. JAARGANG 54 NO Mei 2017

Transcriptie

1 Waterkruik JAARGANG 54 NO Mei 2017 EREDIENS VANDAG Vanoggend vier ons die Heilige Nagmaal. Die nabetragtingsdiens vind direk na die nagmaalviering plaas as deel van die erediens. Daar sal dus vanaand geen erediens wees nie. DIENSBEURTE Vandag: Wyke 25 & 26 Ouderlinge: Pieter du Plooy en Grandi Theunissen Diaken: Braam Smith Volgende Sondag: Wyke 1 & 2 Ouderlinge: Corrie Skinner en Tjaart van der Walt Diaken : Yoané Penning KOLLEKTE BY DIE DEURE Vandag: Teologiese Skool Publikasies Doel: Om die publikasie van akademiese boeke, vir die opleiding van teologiese studente en vir die bekendstelling van die gereformeerde leer plaaslik en in die buiteland, te steun. Volgende Sondag: Kerklike Tydskrifte Doel: Om aktuele artikels met 'n Gereformeerde grondslag te publiseer en na lidmate en ander belangstellendes teen 'n billike prys te versprei. TEESKINKBEURTE Vanoggend bedien die IKK tee en koffie na die erediens. Die gemeente-ete begin om ongeveer 12:15. Volgende week is dit die beurt van wyk 20 o.l.v. Elize Breed om tee en koffie te bedien. 1

2 Aktiwiteite van die week Maandag Katkisasie vir hoërskoolleerders soos gereël Donderdag Bybelstudiegroepe 08:30 Groep 1: In die Konsistorie 09:30 Groep by Nasarethhuis 10:15 Groep 2: In die Konsistorie (behandel Johannes6) 18:30 Bybelstudiegroep by die Pastorie 19:30 Kerkjeugaksie vir jongmense tot ongeveer 30 jaar: in die Pastorie Groep 1 en die 18:30-groep behandel die komende Sondag se preek. Groep 2 se Bybelverse sal telkens op die webwerf aangedui word en per SMS bekend gemaak word. EREDIENS VOLGENDE SONDAG Dr. Douw het volgende naweek naweekverlof. Die oggenderediens word deur ds. Gerrit Kruger van die GK Centurion en die aanderediens deur ds. Petrus van Blerk van die GK Rietvallei gelei. VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Wees vir my 'n rots om na toe te vlug, waar ek altyd die veiligheid mag vind wat U tot my redding beskik het, want U is my rots en my vesting. Psalm 71:3 Vandag Br. Gerhardt Koekemoer Sr. Ester van der Merwe Woensdag 31 Mei Br. Alwyn Rossouw Br. Braam Smith Donderdag 1 Junie Sophia Malan (6) Br. Henri van Staden

3 Vrydag 2 Junie Sr. Ansie Fourie Br. Eddie Josling Saterdag 3 Junie Br. Corrie Skinner Br. Grandi Theunissen Hierdie week het ons nie minder nie as 3 spesiale verjaarsdae. Sr. Ester van der Merwe vier vandag haar 94ste verjaardag. Vrydag vier sr. Ansie Fourie haar 87ste verjaardag en br. Corrie Skinner vier Saterdag sy 83ste verjaardag. Hartlik geluk aan almal. Mag die Here julle ryklik seën in die nuwe lewensjaar. Mag u elke dag God se vreugde en liefde ervaar. MEELEWING Hartlik geluk aan André en Emrie van Tonder met die geboorte van hulle verbondsseuntjie en n boetie vir klein Anriëtte Mag die seuntjie aan julle en die familie groot vreugde en seën verskaf. Ook geluk aan Chris en Tertia van Eeden met die geboorte van hulle kleinseun Ons het ook verneem dat Wim en Theunie van Tonder, wat tot onlangs in ons gemeente was en nou in George woon, verlede Vrydag n verbondsdogtertjie van die Here ontvang het. Hartlik geluk, ook aan Cilliers met sy sussie. Mag die Here haar ryklik seën Sr. René Janse van Rensburg het chemo ontvang. Dit gaan gelukkig goed met haar onder omstandighede. Ons bid die Here se seën toe op die behandeling / Sr. Michelle Fogwill was in die hospitaal en het baie pyn. Ons bid vir jou en Adrew en die kinders. Mag God julle elke dag toevou in sy liefdevolle genade Sr. Elize Cunze het nog baie las van haar voet. Mag jy elke dag God se nabyheid en genade ervaar

4 Dit gaan elke dag bietjie beter met Sr. Martie Coetzee wat in die Kloofhospitaal aansterk na n operasie om bloeding op die brein te verwyder. Ons bid jou krag en sterkte toe vir elke dag / Br. Coen Coertze ontvang ook nog chemo en ons bid hom krag en sterkte toe / En nou doen ek 'n beroep op julle, broers, op grond van die groot ontferming van God: Gee julleself aan God as lewende en heilige offers wat vir Hom aanneemlik is. Dit is die wesenlike van die godsdiens wat julle moet beoefen. Romeine 12:1 ROEPING VAN OUDERLING EN DIAKEN Die volgende broeders is geroep om as ouderling en diaken te dien: as ouderling: br. Juan Mienie as diaken: br. Stefan van der Walt Ons vra u voorbidding vir hulle met die oorweging van die roeping. BEROEPENUUS Geen KNAAG DIE HONGERPYNE? Onthou ons gemeente-ete vanoggend na die diens!! Daar gaan ongeveer n uur verloop na die nagmaalsdiens voordat ons begin opskep. Diegene wat dus eers meer gemaklike klere wil gaan aantrek by die huis, het genoeg tyd daarvoor. Die wat te ver bly, kan solank lekker kuier rondom die potjies. As jy per abuis jou eetgerei vergeet het, meld aan by die vir noodvoorraad. kombuis Indien jy nagelaat het om jou strokie in te vul en tog lus het om saam te kom kuier, is jy welkom. Ons het voorsiening gemaak vir n paar ekstra eters. 4

5 WAT SÊ NAGMAAL VIR ONS? Die sterwe van Christus het n onvergelyklike betekenis vir ons as gelowiges: Hy het vir ons elkeen persoonlik op Golgota deur sy eenmalige en volkome offer, verlossing uit die sondedood gebring. Hy het sy belofte van n ewige lewe konkreet en sigbaar aan ons betoon deur die tekens van wyn en brood. Ons word persoonlik deur die nagmaal tot lewensdiens aan die Here opgeroep. Elkeen wat berou het oor sy/haar sonde mag die fees van die Here bywoon, nee, móét dit bywoon. n Diepe dankbaarheid moet uit ons hele lewe vloei en ons lewe moet getuig van die droefheid oor die sonde wat nog teen ons wil in ons oorbly. Dit gaan nie om wat óns wil nie, maar om wat Gód wil en nie om wat óns kan nie, maar om wat Gód in ons lewe kan. (verwerking van artikel van CJ Smit in Die Nuwe Ouderling) KUIERKAFEE Die Kuierkafee se deure staan weer oop vanaf 10:00 op Dinsdag, 30 Mei in die Kerksaal of in die Konsistorie. Almal is welkom. Probleem met vervoer? Skakel Hannie Kruger of An Venter

6 BESONDERE VROUE IN DIE BYBEL (5) Priscilla Toe Priscilla en Akwila hom hoor, het hulle hom huistoe geneem en vir hom die leer van God nog duideliker gemaak (Handelinge 18:26) Priscilla het haar huis en hart vir n vreemdeling, Paulus, oopgestel. Toe Paulus vertrek het na Sirië is Priscilla en haar man, Akwila, saam met hom sodat hulle hom in sy diens kon bystaan. Só kon sy waarlik n groot rol speel om die Woord te verkondig. Priscilla en Akwila was geesdriftig om die Evangelie te verkondig en ander daarin te leer. Sy was gewillig diensbaar gewees in die tyd wat die kerk waardevolle groei beleef het. Haar goeie werk word op verskeie plekke in die Nuwe Testament genoem. (Uit:Kruispad uitg.40) VAN SKULPE GEPRAAT Jy weet sekerlik hoe lyk n Kauri. (Eng. Cowry) n Pragtige, gladde, eiervormige skulp. Lyk ook baie soos n skilpad, of selfs n skilpadbesie. Kolle of patrone op die rug. Kauri s word ook porseleinskulpe genoem, omdat hulle soos porselein lyk en voel. Hulle word ook muntskulpe genoem, omdat hulle in die antieke tyd as ruilmiddel gebruik is. (Hoofsaaklik In China en Afrika). n Afrika legende vertel: As jy aangetrokke tot n Kauri voel, beteken dit dat jy familie van n welgestelde see-gees kan wees! Dit kan ook beteken dat jy deur n godin, so sterk soos die see, beskerm word. In Afrika en Noorden Suid-Amerika is kauri s met voorspoed geassosieer. Dié skulp is ook met die mond van Orsisas ( n geestelike ervaring, spirituele belewenis) vergelyk, en dat dit stories van nederigheid en respek vertel. Sommige Japanese vroue hou Tier-Kauri s vas terwyl hulle geboorte skenk om hulle met die proses te help. Nou ja, dis natuurlik interessante onsin. Wat wél waar is: Kauri s is gesogde en kosbare items. Hulle is nie so maklik bekombaar nie, hulle leef diep in die see. Hulle is duur. Hulle word as ornamente verkoop. Daar word ook juwele van hulle gemaak. Kauri s is uniek. Hulle mantels is aan die buitekant, waar meeste ander skulpe se mantels aan die binnekant is. Die mantel lyk dikwels soos die spons wat Kauri s se kos is. Hulle eet ook alge. Kauri s skuil bedags en kom snags uit om te eet. 6

7 In die Kauri sien ons die uniekheid van God se skepping. Hulle is anders. As die oseaan die wêreld is, is ons die Kauri s. God het ons uniek gemaak uitverkies om anders te wees. Elize Breed MELODIEË WAT GEBRUIK WORD IN ONS GEREFORMEERDE KERKE. Navorsing wat deur WD Basson sedert 2012 vir sy doktorsgraad gedoen is, het as onderwerp tot watter mate die Sinode se amptelike standpunte ten opsigte van die psalm as kerklied, die gebruik daarvan beïnvloed het. Die Redaksie het die resultate van sy navorsing onder n aantal gemeentes van die GKSA, soos dit in 2016 beskikbaar gestel is, onder oë gehad en deel graag enkele van die resultate met u. 1. Die 20 Psalms van die beryming wat die meeste gesing word, is die volgende (gerangskik volgens dalende persentasie van 48% tot 30%): 100, 146, 116, 33, 25, 119, 89, 150, 118, 68, 18, 84, 105, 48, 42, 23,91, 130, 128, 66. Die redes daarvoor is hoofsaaklik omdat dit maklik singbaar, bruikbaar in die erediens en bekend is. 2. Die 20 Psalms van die 2001-beryming wat die meeste gesing word, is die volgende: (gerangskik in dalende volgorde van 30% tot 8%): 111, 112, 100, 150, 146, 18, 128, 119, 118, 33, 23, 48, 42, 31, 9, 116, 66, 25, 8, 46. Die redes daarvoor is hoofsaaklik singbaarheid, bruikbaarheid in die erediens en verstaanbare taalgebruik. 3. Die 20 Psalms van die 1937-beryming wat selde of nooit gesing word, is die volgende (in dalende volgorde van 37.21% tot 29.07%): 13, 55, 52, 12, 11, 17, 15, 120, 109, 141, 57, 54, 5, 3, 143, 114, 56, 44, 41, 129. Die redes daarvoor is grootliks die melodie se onsingbaarheid en die onbekendheid daarvan. 4. Die 20 Psalms van die 2001-beryming wat selde of nooit gesing word, is die volgende (in dalende volgorde van 18.60% tot 15.12%): 120, 60, 141, 55, 41, 12, 3, 129, 114, 109, 88, 85, 58, 52, 39, 15, 11, 126, 124, 110. Die redes daarvoor is ook die melodie se onsingbaarheid en die onbekendheid daarvan. 7

8 Dit is goed om in die keuse van n psalm om te sing, daarop te let dat die melodie die gemeente instaat moet stel om hulle te identifiseer met die teks van die lied en hulle met die sing daarvan uit te leef. (Een saak is seker: dit is dat ons kerkverband op hierdie terrein werk het om te doen. Redaksie) ALLERLEI KOSPROJEK van Tshwane North Outreach (TNO) Kom ons help TNO wat in die Wolmergebied, aan die noordekant van Pretoria, werksaam is. Selfs een of twee blikkies kos, 'n sakkie mieliemeel, pakkies suiker, pasta,rys,tee, koffie, groente en ander bederfbare produkte (hulle het verkoelingsgeriewe) sal 'n verskil maak. Hulle kan van enigiets wat in jou huis oortollig geraak het, gebruik maak mits dit nog in 'n werkende toestand is. Baie druppels maak 'n emmer vol. Baie dankie aan diegene wat reeds gehelp het. As jy hulle finansieel wil ondersteun, besoek gerus hulle webblad vir inligting oor aanlynbydraes en meer. Finansiële donasies kwalifiseer vir n art 18A-belastingsertifikaat. Jy moet net daarvoor vra. PLEEGSORG Die Gemeenskapsdepartement ondervind n dringende behoefte aan pleegsorgouers. Opleiding sal aan voornemende pleegsorgouers verskaf word. Skakel Ansie Heymans van ons gemeente indien u belangstel Ons jaag maar net deur die dae, weke maande en uiteindelik ook deur ons lewe om stukkend en moeg te sterf. Wat n tragedie. Hoe stop jy dit? Wel, maak jou prima-tyd vir die eintlike belangrike dinge in jou lewe: God, jou geliefdes, vriende, jouself en jou medemens. Weet jy, God maak elke dag tyd vir jou. Dan kan jy mos dieselfde terug doen. Doen dit en leef! (Stefan Joubert Goeie Nuus, Beeld 2008) 8

9 FUNKSIONARISSE VAN DIE GEMEENTE en ander inligting PREDIKANT SKRIBA Dr. Douw Breed Eddie Trollip Duikerlaan MONUMENTPARK ATTESSKRIBA OUDL SKRIBA Tinus Erasmus Corrie Skinner VOORSITTER DIAK. ORRELIS Loutjie Coetzee Ansie Wichmann e-pos webwerf: Op die webwerf kan u etlike jare se preeksketse van dr. Douw lees en daar is ook skakels wat u neem na oudio- en videouitsendings van eredienste van die afgelope tyd. SONDAGKOSTER: André Els: WEEKKOSTER: Nienke vd Walt: KANTOOR: Nienke vd Walt en BANKBESONDERHEDE Kerk: ABSA : Gereformeerde Kerk Waterkloofrand Rek no Diakens: ABSA: Diakonie Spaar Rek. No PARKERING Veilige parkering is ook beskikbaar tydens oggenderedienste op die terrein van die Laerskool Anton van Wouw, h/v Lange- en Deystraat. PREEKVERDUIDELIKINGS Tydens oggenddienste word die preek van die oggend vir die kindertjies vanaf 4 jaar tot in Graad 4 deur n suster in die Saal verduidelik. Dit vind net plaas as dr Douw preek en nie gedurende vakansies en langnaweke en nagmaaldienste nie. Dit word slegs tydens die preek en onder toesig van die beurtouderling gedoen. FOTO S VAN GEMEENTELEDE kan beskou word op die stoep voor die kantoor KANTOORURE: Donderdag en Vrydag: 9 12vm. U kan egter enige tyd die kantoor skakel en jou oproep sal beantwoord word omdat die telefoon deurgeskakel is na die selfoon. 9