Waterkruik. JAARGANG 51 NO 35 7 September 2014

Transcriptie

1 Waterkruik JAARGANG 51 NO 35 7 September 2014 WYKSBEURTE Vandag: Wyke 20 & 21 Oudle.: Johan Basson en Johan Stronkhorst Diaken: Eddie Trollip Volgende Sondag: Wyke 22 & 23 Oudle.: Douw Breed en Ruan van Wyk Diaken: Mari de Beer KOLLEKTE BY DIE DEURE Vandag: Teologiese Studentekas Doel: Om studente wat aan die Teologiese Skool te Potchefstroom studeer, finansieel met beurse te help sodat die Gereformeerde leer uitgebou en verkondig kan word. Volgende Sondag: Emeritaatsversorging Doel: Om die emerituspredikante, -weduwees en wese van die Gereformeerde Kerke met lewensonderhoud en mediese bystand eervol te help versorg. Die spesiale kollekte vir die Paul Krugerkinderhuise het n bedrag van R9283 opgelewer en die kollekte vir Emeritaatsversorging was R4312. TEESKINKBEURTE Baie dankie aan die susters van die ou wyk 14c & d wat vanoggend o.l.v. Marianna du Plessis en Thea van der Walt tee en koffie bedien. Volgende Sondag is dit die beurt van die ou wyke 14e & 15 o.l.v. Mari van Wyk & Elize Breed. 1

2 GEBEURE DIE WEEK Maandag: Katkisasie soos gereël. 19:30 Bybelstudiegroep by die Pastorie Donderdag Bybelstudiegroepe 08:30 Groep 1: by sr Hendrien Meiring (Huis Nazareth) 10:00 Groep 2: In die Konsistorie 19:30 Kerkjeugaksie vir jongmense tot ongeveer 30 jaar in die Pastorie. SUSTERSBYEENKOMS Die volgende Sustersbyeenkoms vind plaas op Dinsdag 16 September 2014 om 10:00 in die saal. Ds. Christo Swanepoel gaan met ons praat oor Nuutgemaak staan jy in diens van die koninkryk veral met inagneming die deugsame vrou van Spreuke as eggenote, ma en suster in die kerk en in die samelewing. Almal is hartlik welkom. VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Mag die Here jou seën uit Sion, Hy wat die hemel en die aarde gemaak het. Ps.134:3 Vandag Ockert van Wyk Maandag 8 September Aneri van der Walt Dinsdag 9 September Sr. Babs de Wet Br. Eben Kruger Theunis van Wyk Hartlik geluk aan br. Eben Kruger wat Dinsdag sy 81ste verjaardag vier. Mag die Here jou ryklik seën in die nuwe lewensjaar. 2

3 MEELEWING Sr. Susan Duligall is weer tuis in die Duitse Ouetehuis maar is baie swak. Sr. Catinka Kempff is in Die Wilgershospitaal opgeneem weens komplikasies na die heupoperasie en is weer geopereer. Sr. Rina Spengler het ook die gemeente se voorbidding nodig. Bettie Lowies sterk tuis aan nadat sy met longontsteking in die hospitaal was Sr. Sandra Reynders het n skouer-operasie ondergaan. Ons bid jou spoedige en volkome herstel toe en dat jy gou die gebruik van jou skouer sal herwin Ons bid vir hulle en alle ander lidmate wat siek is, God se liefde en genade en vir spoedige beterskap. Maar ek staan sterk soos n welige olyfboom, ek is in die huis van God en ek steun altyd daarop dat Hy vir my sorg. Ps. 52:10 BEVESTIGING Br. Piet Robbertse word vanoggend bevestig as ouderling. Harlik geluk. Mag die Here u seën met u werk as ouderling. Br. Jan du Preez ontvang vanoggend losmaking uit die amp as ouderling. BEROEPE BEROEPE ONTVANG Dr AJ Coetsee van Uitschot na Postmasburg. Ds SP Venter van Pietersburg na Phalaborwa. BEROEPE BEDANK Ds HC van Rooy van Randburg na Pretoria-Alkantrant. 3

4 Kuierkafeenuus Dit is nie alombekend dat die heel lekkerste kuierplek op elke laaste Dinsdag van die maand hier in ons midde is nie. Dit word vrywillig bedryf in ons saal deur susters An Venter en Hannie Kruger en ander liewe susterhelpers. Die verversings wat aangebied word is altyd n verrassing en heerlik.! Verlede Dinsdag was dit VETKOEK. Dit was in die kombuis vars gebak en dadelik bedien met n keur van vulsels wat jy self kon kies. Dankie aan srs. Susan Conley en Annette de Bruyn wat gebak het en die helpers wat bedien het. Ek kon nie glo dat daar ten laaste nog n keuse van 2 ligte terte was saam met koffie en keuse van tee nie. So tussen deur die lees en gesels het sr. Rika le Roux die klaviermusiek verskaf. Almal wat oud genoeg is of n oggend vry het, is welkom, veral senior lidmate, wat nuut is in ons gemeente, word hartlik uitgenooi. VETKOEK is in Engels DAMPERS Dit kan nooit soos die boerevetkoek smaak nie! Dankie aan almal wat saam gekuier het. HOËRSKOOL KATKISASIEKAMP Ons sien met groot opgewondenheid uit na die Hoërskool Katkisasiekamp te Paradeisos, Oktober! Inligting aangaande die kamp is aan ouers ge-epos. As u nie n e-pos ontvang het nie, versoek ons dat u Janine de Beer by of Janine.dbeer@gmail.com sal kontak sodat die inligting aan u gestuur kan word. Ons wil graag die Graad 7 s ook uitnooi sodat hulle reeds al hierdie jaar die ander Hoërskoolleerders sal kan ontmoet! 4

5 WAAR GELOOF DIE MEESTE KOS (1) Ons hoor meermale van die organisasie Geopende Deure. Wie is hulle en waarmee is hulle besig? n Nederige begin. In 1955 is Andrew van de Bijl, n jong Nederlandse sendeling, genooi om n Kommunistiese Jeugweek in Pole by te woon. Sy tas was gepak met Bybels vir gelowiges in Warsaw. Agter die ystergordyn het hy n kerk met n behoefte aan ondersteuning en Bybels gevind. God het Broer Andrew, soos hy oor die algemeen bekend staan, geroep deur die woorde in Openbaring 3:2, Word wakker en versterk die wat oorbly, wat op die punt staan om te sterwe. Broer Andrew se eenmansaak as God se smokkelaar het gegroei tot die bediening wat vandag as Geopende Deure bekend staan. Werksaamhede. Geopende deure beywer hulle om in die wêreld se mees geslote lande te werk en Christene te versterk en toe te rus sodat hulle sterk kan staan te midde van hewige vervolging en Christus se lig in hierdie donker plekke te laat skyn. Hulle voorsien Bybels en Christelike lektuur, media, leierskapsopleiding en sosio-ekonomiese ontwikkeling aan vervolgde Christene ten einde hulle Christelike getuienis in hul geslote gemeenskappe te versterk. Verder streef hulle daarna om die Liggaam van Christus in die vrye wêreld te mobiliseer en toe te rus om met bedreigde en vervolgde Christene aktief betrokke te raak om hulle te ondersteun. Geopende Deure doen dit omdat hulle glo dat as een lid van die Liggaam van Christus ly, al die lede ly (I Kor.12 : 26) (Uit Kruispad : Uitgawe 29) GEESTELIKE VERSORGING VAN VERSPREIDWONENDES Die Redaksie verneem dat die Kerkraad (ouderlinge) op die vergadering van 27 Augustus, besin het oor die geestelike versorging van sogenaamde verspreidwonende gelowiges. Die Redaksie gee graag enkele grepe uit die Kommissieverslag aan u deur. Onder die term verspreidwonendes word verstaan dat dit gelowiges is wat buite bereik van enige kerk met wie die GKSA kerklike eenheid of kerklike bande het, woon en wat sover van Waterkloofrand se bedieningsgebied woon dat dit nie moontlik is dat hulle deur gewone besoeke van bv. predikant, ouderling en lidmaat bedien kan word nie maar wel m.b.v. die moderne tegnologie. (Die Kerkraad is bewus van n Gereformeerde gesin wat in Luanda, Angola, woon wat kan kwalifiseer) Die tegnologie en dan meer spesifiek die internet (en dus ons webwerf) het dit moontlik gemaak dat sodanige mense met die Woord bedien kan word en deel kan 5

6 hê aan aktiwiteite van die gemeente (alhoewel dit tog nie as eersterangs beskryf kan word nie). Die Kerkraad (ouderlinge) het dan ook n beginselbesluit geneem dat sulke gelowiges, aan die hand van sekere riglyne wat toegepas sal word, lidmate van Waterkloofrand sal kan word. Vir hulle sal dit moontlik wees om die eredienste in videoformaat by te woon, deel te wees van n Bybelstudiegroep, die kinders kan inskakel by katkisasieklasse, die gemeenskap van gelowiges met ander lidmate van Waterkloofrand kan ervaar word, ens. n Verdere doelwit met die projek is ook om aan ongelowiges wat deur die internet bereik word die Evangelie te verkondig sodat hulle daardeur tot geloof kan kom. (Nota: u is welkom om u ouderling te kontak vir meer inligting) ALLERLEI Pik 'n Wyntjiefees Die Vriendekring van die President Kruger Kinderhuis Pretoria reël n wynproefees om fondse in te samel om ondermeer te kan help met buitemuurse aktiwiteite vir die kinders. En soos julle kan sien het die wynplase gegroei!! So bring jou kampstoel/kombers en al jou vriende en kom kuier die dag saam met hulle. Alles gaan vir 'n goeie doel : om die lewe van die kinders in die President Kruger Kinderhuis Pretoria so bietjie op te kikker. Daar gaan heerlike kosstalletjies wees wat allerhande lekkernye gaan hê. Hulle vra slegs R10 vir veilige parkering. Datum: 27 September 2014 Tyd: 11:00-15:00 Plek: Gereformeerde Kerk Wapadrant, Faerie Glen Kaartjiepryse: 1. R80 per persoon - sluit proeglas in 2. R300 per paar - sluit 2 proeglase en kaasbordjie in 3. R3000 per tafel (10) - sluit glase, 4 bottels wyn en vingerhappies in 4. R20 per kind onder 18 Besoek om kaartjies te bespreek. Vir meer inligting kontak Lihana vd Walt, / lihanav@gmail.com 6