Waterkruik. JAARGANG 51 NO 29 3 Augustus 2014

Transcriptie

1 Waterkruik JAARGANG 51 NO 29 3 Augustus 2014 WYKSBEURTE Vandag: Wyke 8 & 9 Oudle.: Giel de Lange en Jasper Steyn Diaken: Hendrik Coetzee Volgende Sondag: Wyke 11 & 12 Oudle.: Jantus van der Linden en Johan van Staden Diaken: Arno Jeffrey KOLLEKTE by die deure Vandag: Kerkkas Volgende Sondag se kollekte is vir die Emeritaatsversorging bestem. Doel: Om die emerituspredikante, -weduwees en wese van die Gereformeerde Kerke met lewensonderhoud en mediese bystand eervol te help versorg. Verlede Sondag se kollekte by die deure vir ARSO het R1968 beloop. TEESKINKBEURTE Baie dankie vir die susters van wyk 12 wat vandag o.l.v. An Venter tee bedien. Volgende Sondag is dit die beurt van ou wyk 13a & b o.l.v. Carene van der Merwe en Esmari Jeffrey. BREË KERKRAADSVERGADERING 1

2 Die Breë Kerkraad vergader Woensdag 6 Augustus om 19:00 in die saal. GEBEURE DIE WEEK Maandag: Katkisasie soos gereël. 19:30 Bybelstudiegroep by die Pastorie Woensdag 19:00 Breë Kerkraad Donderdag Dr. Douw is Donderdag uitstedig en daar sal dus nie Bybelstudie wees nie. VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. By U is daar oorvloedige blydskap. Uit U hand kom net wat mooi is. Ps. 16:11 Maandag 4 Augustus Br. Hannes Steenekamp Woensdag 6 Augustus Armand Koekemoer Kathryn Louw Donderdag 7 Augustus Br. Loutjie Coetzee Br. Tinus Erasmus Wees vir my 'n rots om na toe te vlug, waar ek altyd die veiligheid mag vind wat U tot my redding beskik het, want U is my rots en my vesting. Psalm 71:3 MEELEWING Sr. Sus Hossel het Vrydag n baie groot rugoperasie in die Pretoria Oos Hospitaal ondergaan. Ons bid dat die Here jou krag en genade sal gee dat jy gou beter sal word en die pyn gou iets van die verlede sal wees

3 Dit gaan beter met Sr. Catinka Kempff wat Maandag n heupvervangingsoperasie ondergaan het. Sy is nog steeds in die Wilgers Hospitaal. Lidmate kan navrae t.o.v. Sr Catinka rig deur haar dogter, Saskia, by te skakel. BEVESTIGING Br. Jaco Lindeboom is verlede Sondag as diaken en br Dewald de Beer as ouderling bevestig. Geluk. Ons bid julle die seën van die Here toe op die werk in die amp as diaken en ouderling. KUIERKAFEE OP DINSDAG, 29 JULIE 2014: TERUGVOER Die afgelope Dinsdag was dr Jan du Plessis die spreker in die Kuierkafee met die tema: Met alles wat dreig om op ons af te storm, hoe hanteer ek die dag van more? Hier volg Tobia se weergawe van sy ontleding. Die eerste uur by die kuierkafee die afgelope Dinsdag het soos minute gevoel met die luister na Jan du Plessis. Sy boodskap was dat ons (oueres) moet verstaan dat die snel veranderende wêreld van 2014 totaal anders funksioneer as die een waaraan ons gewoond was voor In Suid Afrika toon die samelewing 'n dualisme met aan die een kant die staat (regering) wat doen en nie-doen nie wat veronderstel word in 'n demokratiese bestel. Aan die ander kant is die privaatsektor waar individue op hul eie en kollektief hulle kundigheid aanwend en so self sorg vir byvoorbeeld eie sekuriteit en skole vir hul kinders. Jan beklemtoon dat die inligtingstegnologie en die beskikbaarheid van onmiddelike wêreldwye kommunikasie individue oral (jonk en oud) wat kundigheid het ongekend bemagtig. Hy voeg by dat hierdie bemagtiging juis ook vroue se veranderende rol in die samelewing (wêreldwyd) op die voorgrond bring want dit gaan nie meer oor fisiese krag nie, maar oor kundigheid. Jan is positief oor ons jongmense se kundigheid en hulle vermoëns om dit aan te wend tot onderhouding van hulself en tot opbou van Suid Afrika, en dat hulle hul ook nie laat beperk tot fisiese landgrense nie. Alhoewel Jan se boodskap bemoedigend vir die toekoms is, waarsku hy dat ons nie moet vergeet van die armoede en onmag van die mense (in Suid Afrika en ons buurlande) wat nie die kundigheid en middele het om te kan leef ten spyte van die bestaande staatsbestel nie. 3

4 Verder sê Jan dat ons (oueres) moet besef dat ons kleinkinders die Bybel in hulle eie idioom verstaan. Hy noem die voorbeeld van sy kleinkind wat geen probleem het dat God die Tien Gebooie met sy vinger geskrywe het nie want dis die wyse waarop kinders op hulle pa's se ipad en hulle ma's se Androïd tablette skryf. Jan gee 'n verdere voorbeeld van 'n gesprek oor die Drie-eenheid wat hy met sy kleinkind gehad het. Die kleine se insig was sonder twyfel en eenvoudig, "Oo, dis soos 'n 'Transformer'!" En vir die (oueres) van ons wat nie weet wat 'n 'Transformer' is nie, was Jan se raad om te gaan kyk in die naaste speelgoedwinkel. DIE HART VAN BYBELWERK Daar word dikwels na Bybelvertaling as die hart van Bybelwerk verwys. In Suid- Afrika is ons bevoorreg dat al 11 ons amptelike tale oor ten minste een Bybelvertaling beskik, m.a.w. nie een spreker van een van die 11 tale wat die Bybel graag in sy moedertaal wil lees, is meer uitgesluit nie. Weens verskeie redes, o.a. omdat taal dinamies is en verder ontwikkel en omdat die kerke spesifieke vertalings verlang, word nuwe vertalings dikwels onderneem. Die afgelope jaar is daar verder gewerk aan n isizulu Bybelvertaling om te verseker dat almal die Bybel goed kan verstaan. Die vertaling vorder goed en die basiese vertaling (fase 1) van al die Bybelboeke behoort teen einde 2014 afgehandel te wees. In 2011 is daar begin met n baie spesiale Bybelvertalingsprojek, die Engelse Bybel vir dowes. Dr R Hough (die projekleier) en sy span, bestaande uit n dowe vertaler, twee brontaalkenners, n Engelse taalkundige asook 3 dowe leesgroepe, toon bestendige vordering met hierdie vertaling. Die vertaling sal binnekort oor sy eie webwerf beskik waar mense reeds dele van die teks sal kan lees. (Uit : Die Saaier - winter 2014) ALLERLEI DIE OUDSTE BEGRAAFPLAAS VAN GEREFORMEERDE LIDMATE Die Gereformeerde Kerk Pretoria het die volgende onder ons gemeente se aandag gebring : In die 150-jarige feesjaar van die GKSA in 2009 is op grond van die dagboek van ds Dirk Postma gesoek na waar die plek kan wees wat ds Postma in sy dagboek soos volg beskryf het (enkele uittreksels) : De 4den April (1859) trok ik verder, nu weer met het ossewagen, om naars Pienaarsrivier te reizen. Den eerste nacht blijven wij bij twee zeer oude doch lieve vrienden en de tweede nacht te Pretoria. Den 7den passer ik Pienaarsrivier en kom behouden en heel gesond nog vóór den middag op de kerkplaats aan. 4

5 En hier zie ik heeft de broeder voor zijn huis een groote rieten kerk gemaakt, ook een dak van diezelfde stof (grasdak?) In dien avond houd ik godsdienst over Jes.54. Op die 9e April 1859 is daar n ouderling en diaken gekies wat tydens die voorbereidingsdiens bevestig is. Die verkiesing van hierdie kerkraad (al was dit net 2 lede) kan as die stigting van die eerste gemeente in Pretoria beskou word en dis waar die Woord van God die eerste keer uit die verband van die GKSA verkondig is. In die lidmate van die GK Pretoria se soeke na die rietkerk, is daar in die omgewing (langs die Pienaarsrivier, naby die Baviaanspoort Gevangenis) waar die eerste erediens waarskynlik plaasgevind het, op n klomp verwaarloosde grafte afgekom. Een van die grafte was dié van PA Venter, die eerste ouderling. Dus n stukkie erfenis van die begin van ons as Doppers. Die GK Pretoria het onlangs n projek geloods om hierdie verwaarloosde terrein te herstel sodat die erfenis nie verlore sal gaan nie.die projek behels o.a. ontbossing, omheining en herstel van die grafstene. Die koste word beraam op ongeveer R en lidmate/gemeentes in Pretoria word vriendelik versoek om bydraes tot die fonds te maak. Die bankbesonderhede is ABSA, rekeningnaam : Gereformeerde Kerk Pretoria, rekeningnommer met as verwysing : Begraafplaasherstel KERKORDEBOEKIE Dit is met groot dankbaarheid dat ons die jongste Kerkordeboekie aan u bekendstel. Die besluite van Sinodes tot en met die Algemene Sinode van 2012, veral ten opsigte van die formulering van Kerkorde artikels, is op datum gebring. Verder is daar Bylaes by die Kerkorde gevoeg, n indeks tot die artikels van die Kerkorde asook konsepvorms. Die nuutste toevoeging is dat ons n woordverklaring van begrippe in die Kerkorde deel gemaak het van die publikasie. Na lang oorweging het ons besluit om nie die Reglemente deel van die publikasie te maak nie. Die reglemente word wel op die webblad geplaas, sodat dit op datum gehou kan word soos Sinodes dit wysig. Ons bede is dat hierdie publikasie diensbaar sal wees vir die kerke, tot eer van die Here. Eksemplare is by die Admin Buro beskikbaar teen R85.00 (BTW ingesluit, posgeld uitgesluit). U Broeder in Christus Dr Hennie van Wyk (ook namens Ds CJH Breed (voorsitter) en Dr GJ Meijer Kerkordeboekie subgroep) 5

6 AFRI-DUETFEES Vrydagaand 24 Oktober. Ds Cassie Aucamp skryf : Dagsê almal: Maak gerus hierdie skakel oop, kyk en hoor wat julle te wagte kan wees op die eerste Afri-Duetfees wat op Vrydagaand 24 Oktober in Die AULA gehou gaan word. Die Gereformeerde Kerk Bergsig/Andeon bied dit aan in samewerking met die FAK. n Aand van Duetmusiek, deur ons voorste duetpare! &type=2&theater Ons het kaartjies beskikbaar wat wissel van R180 (byna uitverkoop) tot R100. Vir R130 kry jy bv. spog-sitplekke na twee rye agter die dwarsgang, net waar die vloer begin lig. Stuur vir my n e-pos, sê hoeveel kaartjies u wil hê en in waar u graag wil sit. As u keuse reeds beset is, gee ek die naaste gelykwaardige alternatief. (Die hele AULA het goeie sitplekke).. Die sitplekke se pryse is soos volg : Ry T tot Z: R100 Ry O tot S en J tot L, asook Ry I se kantblokke: R130; RY MM tot N, asook Ry B tot H se twee kantblokke: R150. RA asook Ry B tot I se middelblok: R180. Na die tyd is daar vir 200 gaste n spog Kaas-en-Wyn saam met die R100. Dui aan of jy daar ook n plek wil bespreek. Cassie Aucamp