Waterkruik. JAARGANG 51 NO Maart 2014

Transcriptie

1 Waterkruik JAARGANG 51 NO Maart 2014 WYKSBEURTE Vandag Wyke 13e&14a Oudle.: Jan Trollip en Rudi Delport Diaken: James Slabbert Volgende Sondag: Wyke 14c&e Oudle.: Jan du Preez en Gerrit Broos Diaken: Elaine Slabbert TEESKINKBEURTE As gevolg van die skoolvakansie sal daar eers weer op Sondag 13 April tee en koffie bedien word. KOLLEKTE Vandag: Ekumenisiteit [Buitelands] Doel: Om skakeling met ander Gereformeerde kerke met wie die GKSA noue bande in die buiteland het, te bevorder. Volgende Sondag: GKSA Sustentasiefonds Doel: Om kerke wat nie finansieel onafhanklik kan bestaan nie by te staan sodat die Woordverkondiging steeds daar kan voortgaan en om nuwe voorposgemeentes te stig waar die Woordverkondiging dringend noodsaaklik is. BYBELSTUDIE Die Bybelstudiegroepe is gesluit tot 17 April. GEBEURE DIE WEEK As gevolg van die skoolvakansie is daar hierdie week geen aktiwiteite nie 1

2 VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Mag God, die bron van hoop, julle deur julle geloof met alle vreugde en vrede vul, sodat julle hoop al hoe sterker kan word deur die krag van die Heilige Gees! Rom. 15:13 Vandag Sr. Rina Malan Maandag 31 Maart Ulrich de Beer Dinsdag 1 April Sr. Rika Porter Donderdag 3 April Cilliers v d Merwe Sr. Rinda v d Walt Saterdag 5 April Chrina van Staden Br. Braam Krüger Richardt Botha MEELEWING Sr. Vredene du Plessis het Woensdag n dubbele mastektomie ondergaan. Die prosedure het goed verloop. Daar is kliere aan die regterkant verwyder vir ontleding. Die uitslag word Maandag verwag. Sy is reeds ontslaan en sterk tuis aan. Ons is saam met julle dankbaar vir die goeie herstel tot dusver en bid jou en Jan steeds krag en genade toe / Sr. Ansie Heymans se mangels is Vrydag verwyder. Ons bid jou spoedige en volkome herstel toe Met dankbaarheid deel ons u mee dat Deon en Carene van der Merwe verlede Donderdag n verbondsdogtertjie, Carli, van die Here ontvang het. 2

3 Hartlik geluk, ook aan Gideon en Christiaan met julle sussie en aan Jan en Kobie Erasmus, , met die nuwe kleinkind. Mag sy vir julle tot groot vreugde wees. Die Here God is ons krag en ons beskerming, die Here gee genade en eer, Hy weerhou die goeie nie van dié wat reg lewe nie. Here, Almagtige, dit gaan goed met die mens wat op U vertrou! Ps 84:12&13 BEROEPE ONTVANG BEROEPE ONTVANG Ds RA Bain van Cachet na Pietersburg-Noord. BEROEPE AANVAAR Proponent MH le Roux na Newcastle. BEROEPE BEDANK Ds ASA de Bruyn van Wilropark na Pietersburg-Noord. Ds JL Lee van Bothaville na Worcester. BELOFTEVEILING Reserveer sommer dadelik die datum van Saterdag 24 Mei 2014 om hierdie prettige en opwindende geleentheid mee te maak. SUSTERSBYEENKOMS Die susters kom weer op Dinsdag 15 April om 10:00 saam in die saal wanneer Marliza van Staden die spreker gaan wees. Die onderwerp: Wie is jou rolmodel (Om meer en meer soos Christus te word). Moet dit nie misloop nie! GEREFORMEERDE KERK WATERBERG Met groot dankbaarheid maak ons bekend dat die Gereformeerde Kerk Waterberg afgestap het van doleansie. GODSDIENSTE VAN DIE WêRELD (10) Kerk van die Nasarener Die kerk van die Nasarener is deel van die heiligheidsbeweging en het sy ontstaan in die VSA gehad. Dit het vandaar in 1917 in Suid-Afrika gevestig 3

4 geraak. Hulle het n lidmaattal van meer as lidmate en volgelinge en hulle beskik oor meer as 470 voltydse en 150 deeltydse predikante (al die syfers soos in 2006). n Groot aantal buitelandse werkers arbei in Suid- Afrika en sendelinge werk elders in Afrika. Hulle hoofkantoor is in Florida in die Wesrand. Hulle bediening strek oor n breë terrein: teologiese opleiding, uitgewers en boekwinkels, kamp- en konferensiesentrums, Christelike skole en maatskaplike en rehabilitasiesentrums DIE GROTER BOODSKAP VAN LYDENSTYD EN PAASFEES Paasfees is die groot hoogtepunt van die kerklike jaar. Lydenstyd daarenteen is n tyd van voorbereiding op die viering van die Paasfees. Dit is raadsaam om paastyd (paastyd, in Grieks pentecoste, duur 50 dae) nie ter wille van lydenstyd af te skeep nie. Dit is belangrik om met die viering van Lydenstyd en Paasfees, dié belangriker deel van die boodskap uit te dra. Dit kan reeds op Palmsondag gedoen word. Dit staan bekend as die dag van Jesus se intog in Jerusalem. Markus vertel dat van die skare voor Jesus uitgeloop het. Ander het hom gevolg terwyl hulle uitroep (Markus 11 : 9b- 10). Die feit dat Jesus op n donkie ingery kom, is n doelbewuste uitbeelding van Sagaria 9 : Jesus demonstreer op n treffende manier sy sentrale boodskap : God se koninkryk het naby gekom. (Markus 1 : 15). Wanneer ons slegs op die boodskap van Jesus se sterwe ter wille van ons konsentreer, gaan die groter boodskap van God wat besig is om sy koninkryk te vestig, by ons verby. Daarom, wanneer daar aan die viering van die Groot Lydensweek gedink word, moet die groot en belangriker boodskap nie afgeskeep word nie. (Uit : Kruisgewys) In die lig van bostaande, plaas die Redaksie graag die volgende gebed wat uit Engels vertaal is.(geskryf deur die Church of England) Almagtige God, U Seun Jesus Christus het veertig dae in die woestyn gevas; Hy is versoek net soos ons, maar het nie gesondig nie. Gee ons die genade om met selfdissipline gehoorsaam te wees aan u Gees, En gee dat, net soos U ons swakheid ken, Ons ook u verlossende krag mag ken. Ons bid deur Jesus Christus u Seun, ons Here, Hy wat leef en regeer met U, In die eenheid van die Heilige Gees, Een God, nou en vir altyd. Amen. 4

5 (In die volgende 3 uitgawes van die Waterkruik beplan die Redaksie om toepaslike gedigte met die oog op Goeie Vrydag en Opstandingsdag te plaas) SNIPPERS GESKENKSAKKIES Gedurig op soek na iets om n geskenk in te sit? Sus Hossel het geskenksakkies in 12 verskillende groottes en kleure beskikbaar. Daar is pakkies met 12 verskillende R15 beskikbaar maar as u net een grootte wil bestel kan u met haar reël. Voorbeelde is op die kennisgewingbord