Waterkruik. JAARGANG 51 NO 2 19 Januarie 2014

Transcriptie

1 Waterkruik JAARGANG 51 NO 2 19 Januarie 2014 WYKSBEURT Vandag Wyke 13f & 14a Oudle.: Jan Trollip en Rudi Delport Diaken: Nico Janse van Rensburg Volg Sondag: Wyke 14c & 14e Oudle: Jan du Preez en Gerrit Broos Diaken: Herman Hamersma KOLLEKTE Vandag: Kerkkas Volgende Sondag: Bybelverspreiding. TEESKINKBEURTE Tee en koffie word vandag bedien deur wyke 13c en 13d o.l.v. Rhodie Erasmus en Anika le Roux. Volgende Sondag is dit die beurt van wyke 13f en 14a o.l.v. Rina Wilken en Elize Coetzee. KATKISASIE Katkisasie vir alle grade open vanoggend na die oggenderediens. Die Hoërskoolleerders en hulle ouers word versoek om asb. direk na die erediens in die Konsistorie bymekaar te kom. SUSTERSBESTUUR Die sustersbestuur vergader Maandag 20 Januarie om 19:00 aan huis van Nienke van der Walt. BYBELSTUDIE Die Bybelstudiegroepe begin op Maandag 20 Januarie en Donderdag 23 Januarie op die gewone tye en plekke. 1

2 BREË KERKRAAD Die Breë Kerkraad vergader Woensdag 22 Januarie om 19:00 in die saal. GEBEURE DIE WEEK Maandag: Katkisasie soos gereël. 19:30 Bybelstudie Groep 3 19:00 Sustersbestuursvergadering Donderdag Bybelstudiegroepe 08:30 Groep 1: by sr Hendrien Meiring 10:00 Groep 2: In die Konsistorie 18:30 Bybelstudie vir gesinne met jong kindertjies vind by die kerksaal plaas. 19:30 Kerkjeugaksie vir jongmense tot ongeveer 30 jaar in die Pastorie. VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Die Here my God gee vir my krag. Hy maak my voete soos die van n ribbok, op hoë plekke laat Hy my veilig loop. Habakuk 3:19 Vandag Br. Jac van der Walt Saterdag 25 Januarie Br. Will Beeton Br. Will Beeton vier Saterdag sy 88ste verjaardag. Hartlik geluk. Mag die Here u ryklik seën met goeie gesondheid en geluk. Mag u n mooi dag saam met u geliefdes hê. MEELEWING Vanoggend word Nika, die verbondskindjie van Frederik en Celeste Steyn, gedoop. Hulle is die kinders van Jasper en Tobia Steyn en woon in Kanada. Hartlik geluk! Mag die Here julle die wysheid en insig en genade gee om haar in sy verbond te mag opvoed. Ook geluk aan Jasper en Tobia en die familie

3 Sr. Suzie van den Berg het geval en haar hand beseer. Mag die behandeling wat u ontvang geseënd wees X217 Jano Smith (15) het sy onderbene en voete erg verbrand toe hy sy balans verloor het en in n vuur geval het. Ons bid jou volkome beterskap toe sodat jy gou weer kan loop en kan skooltoe gaan Br. Eben Kruger se jongste seun, Etienne, is baie ernstig siek met kanker. Ons bid julle krag en sterkte en genade toe vir elke dag Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word, dat Christus deur die geloof in julle harte sal woon en dat julle in die liefde gewortel en gegrondves sal wees. Efesiers 3:14-16 BEROEPE BEROEPE AANVAAR * Dr RS Hobyane van Promosa na Teologiese Skool Potchefstroom as professor in Nuwe Testament met opdrag Grieks. * Proponent SN Jooste na Bellville om kragtens KO, art 7, die kerk van die Here onder Engelssprekendes in die groter Kaapstad te vergader. * Dr FP Kruger van Meyerspark na Teologiese Skool Potchefstroom as professor in Praktiese Teologie. * Ds PT Masase van Promosa na Boskop. BEROEPE BEDANK * Ds AJ Coetsee van Uitschot na Newcastle. * Dr JA Erasmus van Odendaalsrus na Walvisbaai/Swakopmund/ Hentiesbaai. * Dr JA Erasmus van Odendaalsrus na Kimberley. * Ds CA Jansen van Secunda na Koster. * Ds PW Kurpershoek van Middelburg [Tvl] na Rietvallei as medeleraar. * Ds CJ Nagel [jr] van Nylstroom na Walvisbaai/Swakopmund/ Hentiesbaai. 3

4 DIE KUIERKAFEE Senior Lidmate en enigeen wat lus het, die Kuierkafee maak hierdie jaar weer oop op Dinsdag 28 Januarie 2014 om 10:00 in die saal. Almal wat lus is vir gesels, lees, speel, handwerk, skaakspeel of sommer net gesels, kom doen dit saam met ons. As jy vervoerprobleme het, skakel Hannie by of An by Indien jy voor ʼn toe hek by die kerk te staan kom, skakel of en ons sal die hek vir jou oopmaak. Almal is hartlik welkom. KOMBERSIES VIR PRESIDENT KRUGER KINDERHUIS Die Susters het nie vakansie gehou nie: die blokkies stroom in! Tot dusver het ons 32 kombersies heeltemal klaar en reg om oorhandig te word. Dis egter nie genoeg nie. Ons benodig nog BAIE blokkies. Maar ons sit met n probleem. Ons wol is op en ons geld is ook op: ons kan nie meer wol koop nie. Baie dankie aan die susters wat reeds vir ons donasies in die vorm van geld en wol geskenk het, dit het ons tot dusver baie gehelp om aan die gang te bly. Maar ons benodig DRINGEND wol en geld. Wat van die broeders? As elke broeder net R10.00 skenk, kan ons baie verder kom. Plaas die geld in n koevertjie en merk duidelik: Kombersies Kinderhuis Baie dankie aan almal wat tot nou toe saamgewerk het!! Groete. Ria Stoker 4

5 GODSDIENSTE VAN DIE WêRELD ISLAM/MOESLIEM Die Redaksie het dit goedgevind om u in n reeks kort artikels een en ander inligting te gee oor gelowe waarmee ons te doene kry of van lees en van hoor. Die eerste godsdiens op die lysie is die Islam of Moesliem (Moslem) Die woorde Islam en Moesliem is afgelei van die Arabiese werkwoord aslama om (jou) te onderwerp. Dit beteken om jou aan God te onderwerp of jou aan God oor te gee. Die Koran eis dat die Moesliems die geloof van Abraham moet navolg. Die Islam erken die profete van wie ons in die Bybel lees en het ook hoë agting vir Jesus as besondere boodskapper en profeet van God (Allah). Nadat God Hom deur die profete (ook deur Jesus) aan die mens openbaar het, het Hy Hom, volgens die Islam, die beste en duidelikste bekend gemaak deur Mohammed. Mohammed het gelewe vanaf 570 tot 632 nc en hy het 23 jaar lank as profeet opgetree. Alles wat n gelowige Moesliem moet weet, bely en doen is in die Koran saamgevat. Die Koran het sy ontstaan gehad deurdat die meditasies van Mohammed deur sy volgelinge opgeteken is. Die Islam is n wettiese godsdiens waar die gelowige homself/haarself moet verlos deur 5 basiese pligte na te kom a) die geloofsbelydenis wat afgelê moet word om n ware Moesliem te word, b) die gebed waarvoor 5 keer per dag in afsondering gedoen moet word, c) die aalmoese waar hy/sy verplig word om 2% van die inkomste aan liefdadigheid te gee, d) die vas tydens die maand Ramadan waar elkeen van sonopkoms tot sononder vas, e) die pelgrimstog na Mekka een maal in sy/haar lewe. (inligting verkry uit die Christelike Kern-ensiklopedie) DIE SITUASIE VAN ONS BROERS EN SUSTERS IN SUID-SOEDAN Ons het die volgende berig van die Deputate vir Ekumeniese Sake ontvang : Ons bring graag die nood van ons medegelowiges in Suid-Soedan onder u aandag en vra vir u voorbidding. Suid-Soedan is tans op die rand van ʼn burgeroorlog. In ʼn telefoongesprek met ds. Patrick Jok van die Sudanese Reformed Churches in Juba het hy gesê dat daar nou in baie dorpe geskiet 5

6 word en dat die situasie baie gespanne is. Hy en sy gesin is veilig in ʼn vlugtelingekamp en sovêr hy kan vasstel is die meeste lidmate ook veilig. Ons het sterk ekumeniese bande met die Sudanese Reformed Churches. Dié gereformeerde kerkverband het tans 16 gemeentes met 3200 belydende lidmate. Aangesien daar steeds gemeentes in die Moslem Soedan (Noorde) asook in Suid-Soedan is, staan hulle bekend as die Sudanese Reformed Churches. Die eenheidsband, hoewel oor landsgrense heen, is vir die kerkverband belangrik. Die 10 gemeentes in die Suide sluit in: Juba, Malakal, Bor, Bentiu, Wau, Aweil, Ulang, Nylial, Ulang, Obel. Daar is ook berigte van gevegte in Malakal en Bor. Hierdie konflik het niks te doen met die jarelange stryd tussen Soedan en Suid-Soedan nie, maar is ʼn politieke en stamverwante konflik tussen die inwoners van Suid-Soedan. Ons vra u voorbidding vir die land en sy mense en ook vir die lidmate van die Sudanese Reformed Churches. Broergroete Dr. Douw Breed en ds. Malan van Rhyn. Uit Christus se volmaakte gebed en Job se onvolmaakte gebed groei n eie gebedsbelewing... en ook alles wat eintlik steeds in die hart van elke gelowige woel. Verkrygbaar teen R90.00 by: Sandra Reynders Kerkkantoor H van der Wateren

7 7