JAARGANG 53 NO Mei 2016

Transcriptie

1 Waterkruik JAARGANG 53 NO Mei 2016 EREDIENS VANDAG EN VOLGENDE SONDAG Vanoggend se Erediens voorbereidingsdiens met die oog op die viering van die Heilige Nagmaal volgende Sondag 29 Mei. Die nabetragtingsdiens sal direk na die nagmaalsdiens volg as deel van die erediens. WYKSBEURTE Vandag: Wyke 19 & 20 Ouderlinge: Tinus Erasmus en Marthinus Erasmus Diaken: Rina Malan Sondag 29 Mei Wyke 22 & 23 Ouderlinge: Herman Hamersma en Theo le Roux Diaken: Eddie Engelbrecht KOLLEKTE BY DIE DEURE Vandag: Teologiese Skool Biblioteek Doel: Om boeke vir studiedoeleindes en naslaanwerke by die Jan-Lion Cachetbiblioteek van die Teologiese Skool van Potchefstroom aan te koop. Volgende Sondag: Emeritaatsversorging Doel: Om die emerituspredikante, -weduwees en wese van die Gereformeerde Kerke met lewensonderhoud en mediese bystand eervol te help versorg. TEESKINKBEURTE Baie dankie aan die susters van wyk 6 wat vanoggend o.l.v. Ansie Heymans tee en koffie bedien. Volgende week sal daar a.g.v. die viering van die Heilige Nagmaal geen tee en koffie na kerk bedien word nie. DIAKENSVERGADERING Die diakens vergader eerskomende Woensdag 25 Mei 2016 om 18:00 in die kerk. OUDERLINGEVERGADERING 1

2 Die ouderlinge vergader eerskomende Woensdag 25 Mei 2016 om 19:00 in die saal. U voorbidding vir die Here se seën op die vergaderings word gevra. Bybelstudie Donderdag 08:30 Groep 1: In die Konsistorie 10:00 Groep 2: In die Konsistorie 18:30 Bybelstudiegroep by die Pastorie 19:30 Kerkjeugaksie vir jongmense tot ongeveer 30 jaar: in die Pastorie VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Deurgrond my, o God, en ken my hart, toets my en ken my gedagtes;... en lei my op die ewige weg! Psalm 139:23-24 Vandag Kirsten Louw (7) Sr. Marietjie Robbertse Br. Jan Trollip Dinsdag 24 Mei Sr. Elna Spoelstra Vrydag 27 Mei Br. Florie Kotzee Markus Myburgh (12) Saterdag 28 Mei Br. Jan Kleynhans Br. Gerhardt Koekemoer Sr. Marie Scholtemeijer Sr. Ester van der Merwe Hierdie week is daar 3 lidmate wat hulle spesiale verjaarsdae vier. Sr. Marietjie Robbertse vier vandag haar 94ste verjaardag. Br. Florie Kotzee vier Vrydag sy 91ste verjaardag en sr. Ester van der Merwe vier Saterdag haar 93ste verjaardag. 2

3 Hartlik geluk aan julle aldrie. Mag die Here julle elke dag in Sy genade aansien en julle ryklik seën met goeie gesondheid en vrede. MEELEWING Sr. Drieks Snyman sterk tuis aan nadat sy in n motorongeluk betrokke was Sr. Bets Coetzee is in LCM hospitaal nadat sy geval het en haar heup gebreek het. Sy is baie siek. Dit gaan ook nie goed met Br. Coen Coertze nie. Hy het longkanker en verswak vinnig Ons vra u voorbidding vir hulle en ook vir die ander siekes in die gemeente. Mag die Here aan hulle krag en genade gee vir elke dag. Trek daarom die volle wapenrusting aan wat God julle gee, sodat julle weerstand kan bied in die dag van onheil en, nadat julle die stryd tot die einde toe gevoer het, nog op julle pos kan bly staan. Efesiërs 6: 13 BEROEPENUUS BEROEPE ONTVANG Ds MJ Lourens (Thys) van Middelburg KP na Vaalpark. BEROEPE AANVAAR Ds C Jooste (Christiaan) van Wonderboompoort na Waterberg. NUWE SKRIBA VIR OUDERLINGE In die vorige uitgawe van die Waterkruik is gemeld dat br Corrie Skinner die funksie van skriba oorgeneem het. Die naam van die ouderling by wie hy oorgeneem het, is egter verkeerd aangedui. Br Corrie Skinner het by br Hannes de Beer oorgeneem. 3

4 ONTHOU: DIS VANDAG DIE 22 STE MEI!!! Daarom is dit ons GEMEENTE GESPREK. ONDERWERP: Orgaanskenking SPREKER: Marna Horn (werksaam by die weefselbank) WANNEER: VANDAG WAAR: In die saal. Daar is die heerlikste atmosfeer geskep, Kom ervaar dit! En kom geniet jou warm drankie saam met ietsie dekadent. Het jy toe gedink of jy n orgaanskenker wil wees? Aansoekvorms sal beskikbaar wees. Ons sien mekaar NOU-NOU. Kuierkafee Die kuierkafee gaan weer heerlik saamkuier op Dinsdag 31 Mei 2016: Waar: Kuierkafee in die Kerksaal Tyd: 10:00 Koste: Gratis Indien vervoer n probleem is, skakel met Hannie Kruger of An Venter Almal is hartlik welkom. 4

5 GEMEENTE PIEKNIEK In die skadu van die (bome) reënwolke en met die gesang van die (voëltjies) reën op die dak, het n groot groep van die gemeente op Saterdag 14 Mei piekniek gehou in die kerksaal. Maar moenie dink dat ons geesdrif gedemp was omdat ons inderhaas kerksaal toe moes gaan in plaas van Rietvleidam toe as gevolg van die welkome reën nie! Dit het gegons soos daar gekuier was! Elkeen kon sy eie hamburger pak volgens sy smaak en met n lekker wyntjie/sjerrie daarby was ons baie gou warm genoeg om dit te kon afrond met roomyshorinkies. Tjaart van der Walt het n praatjie met begeleide fotos en geluide gegee oor voëls wat in die Rietvleidam-omgewing voorkom. Ons wil graag dankie sê aan die IK kommissie, onder leiding van Elna Spoelstra, vir al die reëlings. U kan na foto s van ons mooi lidmate gaan kyk op ons webwerf (onder Aksies). Waterkloofrand Gereformeerde Kerk, Namens die President Kruger Kinderhuise wil ons net ons opregte dank uitspreek rakende die serpe en musse as skenking ontvang. Aangesien ons bedryfskostes op hierdie stadium n uitdaging is, is skenkings van hierdie aard vir ons van onskatbare waarde. U kan verseker wees dat die skenking sal gebruik word in die versorging van ons kinders. Dit is voorwaar n groot voorreg om die ondersteuning van Waterkloofrand Gereformeerde Kerk ten opsigte van President Kruger Kinderhuise te ervaar. Weereens baie dankie. Vriendelike Groete, President Kruger Kinderhuise Baie dankie aan almal wat saamgewerk het om weereens n suksesvolle projek vir die Kinderhuise o.l.v. Ria Stoker te kon afhandel. 5

6 PLANTE IN DIE BYBEL (2) Die volgende struike en bossies word in die Bybel genoem: Besembos I Konings 19:4 Dissels Genesis 3:18 Kapperkruid Prediker 12:5 Blomplante word in die volgende verse genoem: Affodil Hooglied 2:1 Lelie Hooglied 2:2 Veldblom Jesaja 40:6 Grasplante vind n mens in die volgende verse : Biesie Jesaja 9:13 Seegras Jona 2:5 Waterplante Job 40:6 NOOD IN DIE BLANKE PLAKKERSKAMP Soos u weet is een van ons projekte om hulp te verleen aan armes in die Wolmer gebied. Ons doen dit deur middel van ondersteuning aan die Wolmer Gemeenskapsprojek, `n goed georganiseerde projek wat uitstekende werk doen. Kom ons probeer om n groot hoeveelheid nie-bederfbare kos en ander goedere tot en met komende Sondag 29 Mei in te samel. Die volgende items word benodig: nie-bederfbare kos soos mieliemeel, droëbone, ertjies, lensies, pasta, rys, suiker, poeiermelk, tee, koffie, poeiersop, blikkies kos soos vis, bone, vleis (bully beef), groente, olie, meel, en ook toiletware en seeppoeier. Daar is ook altyd behoefte aan warm klere, komberse en skoene; enige huisraad soos meubels; eet- en kookgerei soos breekgoed, potte en panne, ens. 6

7 n Baie vriendelike versoek: moet asb nie klere of skoene skenk wat stukkend, vuil, met verf bemors is of gate in het nie, ook nie huishoudelike goedere wat stukkend is nie aangesien daar nie mense is wat dit kan regmaak nie. Alles wat geskenk word, moet bruikbaar wees. Daar is emmers in die kombuis beskikbaar wat u vooraf kan neem om u produkte in te sit. Daar sal n kartonhouer op die stoep voor die kantoor beskikbaar wees om die goedere, wat u bring, in te sit of u kan dit in die kombuis plaas. Baie dankie vir u oop hand! MOOTKAMP 2016 Kamptema: Waarna dors jy? Graad 7, 8 en 9-26 Junie tot 1 Julie Koste: R550 Graad 10, 11 en Junie tot 2 Julie Koste: R700 Skryf in op FUNKSIONARISSE VAN DIE GEMEENTE PREDIKANT SKRIBA Dr. Douw Breed Eddie Trollip Duikerlaan MONUMENTPARK ATTESSKRIBA OUDL SKRIBA Tinus Erasmus Corrie Skinner VOORSITTER DIAK. ORRELIS Arno Jeffrey Hannetjie Bezuidenhout e-pos kerk:nwgkw@telkomsa.net webwerf: Op die webwerf kan u etlike jare se preeksketse van dr. Douw lees en daar is ook skakels wat u neem na oudio- en videouitsendings van eredienste van die afgelope tyd. SONDAGKOSTER: André Els: WEEKKOSTER: Nienke vd Walt: KANTOOR: Nienke vd Walt en KANTOORURE: Donderdag en Vrydag: 9 12 U kan egter enige tyd die kantoor skakel en jou oproep sal beantwoord word omdat die telefoon deurgeskakel is na die selfoon. BANKBESONDERHEDE Kerk: ABSA : Gereformeerde Kerk Waterkloofrand Rek no Diakens: ABSA: Diakonie Spaar Rek. No

8 PARKERING Veilige parkering is ook beskikbaar tydens oggenderedienste op die terrein van die Laerskool Anton van Wouw, h/v Langeen Deystraat. 8