Waterkruik. JAARGANG 55 NO Junie AD 2018

Transcriptie

1 Waterkruik JAARGANG 55 NO Junie AD 2018 Dr. DOUW IN DIE BUITELAND Dr Douw en dr Malan van Rhyn het verlede Dinsdag vertrek na Hongarye en Romenië om, in opdrag van die Sinode se Deputate Ekumeniese sake, kerke daar te besoek om ondersoek in te stel na die moontlikheid om ekumeniese bande met hulle te sluit. In die gesprekvoering met die betrokke kerke word ook beoog om van hulle voornemende teologiese studente aan die GKSA Teologiese Skool te laat studeer. Die Gereformeerde Kerk van Hongarye is 'n behoudende kerk wat in Januarie 2018 die GKSA Sinode te Potchefstroom bygewoon het. Daarna vertrek hulle na Mexiko om as afgevaardigdes van die Sinode die Algemene vergadering van die Presbyterian Church of Mexico, waarmee die GKSA reeds ekumeniese bande het, by te woon. Hulle keer op 22 Julie weer terug na Suid-Afrika. Dr Douw gaan hierdie tyd ook benut as deel van sy vakansie en Elize reis saam met hom in Hongarye. Elize keer terug na Suid-Afrika voordat dr Douw na Mexiko vertrek. Vanoggend se erediens word gelei deur ds. Danie Potgieter van die Gereformeerde Kerk Rietvallei. Die aanddiens word deur ds. Fanus Heystek, emerituspredikant van Akasia, gelei. Hartlik welkom in ons midde. Ons bid u die seën van die Here toe op die verkondiging van die Woord. Volgende Sondag word beide eredienste gelei deur dr. Juan Mienie, teologiese student van ons gemeente. Die erediensreëlings op 8 Julie is soos volg: Oggenderediens: ds. Dewald Coetzee Aanderediens: ds. Dirk Kotzee DIENSBEURTE Vandag: Wyk 7 & 8 Volgende Sondag: Wyk 9 & 10 Ouderlinge: Jac van der Walt Ouderlinge: Jasper Steyn Giel de Lange Wihan Oosthuizen Diaken: Braam Smith Diaken: Yoané Penning 1

2 KOLLEKTE BY DIE DEURE Vandag: Emeritaatsversorging Doel: Om die emerituspredikante, weduwees en wese van die Gereformeerde Kerke met lewensonderhoud en mediese bystand eervol te help versorg. Volgende Sondag: Thusofonds Doel: Om die emeriti uit die jonger kerke (voormalige Sinode Middellande en Klassis Capricorn) te help versorg. TEESKINKBEURTE Daar sal vanoggend selfhelp tee en koffie in die saal wees. VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Ek is die Here jou God, Ek vat jou hand, Ek sê vir jou: Moenie bang wees nie, Ék help jou. Jesaja 41:13 Vandag Sr. Cecilia Coetzee Sr. Cila Kempff Dinsdag 26 Junie Wynand Blom (13) Sr. Ansie Oosthuizen Saterdag 30 Junie Sr. Evita van Aswegen MEELEWING Ons is saam met sr. Chris Spoelstra en haar familie dankbaar dat sy sodanig herstel het na haar heupvervanging dat sy in die week ontslaan sal word. Ons bid dat sy elke dag beter sal word en God se liefdevolle genade sal ervaar Sr. Anoet du Plessis is onlangs met borskanker gediagnoseer. Ons bid jou en jou gesin krag en sterkte toe vir die pad wat voorlê. Mag jy elke dag God se liefde en genade ervaar MET ATTESTAAT VERTREK Sr. Ester van der Merwe wat al jare lank in Huis Herfsblaar in Queenswood woon, vertrek met attestaat na Pretoria-Meintjeskop gemeente. 2

3 Kuierkafee Die winter is nou behoorlik hier maar kom kuier die koue uit jou lyf uit op die 28ste Junie. Met n warm koppie koffie en iets te ete en interessante geselskap in n lekker warm kerksaal is die koue gou vergete. Waar: Die Kuierkafee in die Kerksaal Wanneer: Dinsdag 28 Junie vanaf 10:00 Skakel Rika le Roux of An Venter as u meer wil weet LAERSKOOLKINDERS ONTHOU JULLE GROOT WEDSTRYD: Tannie Rika le Roux het 'n kompetisie vir julle! Julle moet 'n kleurvolle embleem (prentjie) teken wat pas by 'n biblioteek of boeke op 'n A4 grootte papier vir die Kuierkafee se biblioteek in die saal. Dit moet 'n handgetekende prentjie deur jouself wees. Maak gou! Daar gaan 'n prys wees vir die wenner! Handig julle prentjie in by tannie Rika le Roux. BRING-EN-LEES Die Kuierkafee se minibibliotekie is vinnig besig om in n maksibiblioteek te groei! Daar het al heelwat boeke ingekom. Nou wag ons net vir 'n skenking van nog 'n boekrakkie! Gaan kyk gerus in die saal en bring u boeke wat u nie meer gebruik nie. U neem n boek uit, teken dit aan in n boek en bring die boek terug as u dit klaar gelees het. Ligte leesstof (storieboeke) is veral welkom. 3

4 DEEL DIE EVANGELIE HOE VERDUIDELIK EK VIR 'N NIE-CHRISTEN DAT DIT ONMOONTLIK IS OM DEUR ONS GOEIE WERKE IN DIE HEMEL TE KOM? (Sien ook Sondag 5 van die Heidelbergse Kategismus.) Martin Luther het gesê: "Die verdoemendste en verderflikste dwaling wat nog ooit die menslike verstand geteister het, was die gedagte dat hy homself op die een of ander manier goed genoeg sou kon verdien om saam met die heilige God te woon." Ons kan nie ons lewens wat met slegte dade en gedagtes gevul is, vir God aanbied en dan verwag dat dit vir Hom aanvaarbaar sal wees nie. As ons deur ons eie goeie werke in die hemel wil kom, moet ons volmaak wees. God se standaard is algehele gehoorsaamheid aan Hom en dan ten alle tye - en ons skiet almal hierin te kort. Ons het eenvoudig nie die middele om vir die Ewige Lewe te betaal nie. Hierdie gedagtes sal van tyd tot tyd op inisiatief van ons Evangelisasiekommissie in die Waterkruik verskyn. Die bedoeling hiervan is om ons behulpsaam te wees in ons verantwoordelikheid om die Evangelie met ongelowiges te deel. (Ons plaas dit met erkenning aan EE Dissipelskap Opleidingsprogram.) LEER MEKAAR KEN U het waarskynlik al op die stoep van ons gebou gaan loer om te sien wat die naam van n sekere lidmaat is. Ongeveer 50% van ons lidmate se foto s verskyn reeds op die kennisgewingbord. Ons benodig egter nog foto s van die res, veral die lidmate van wyke waar daar geen foto s is nie. Stuur gerus n foto van u of van u gesin na of e-pos dit na gerrit@yebo.co.za DIE GEBED (10) In hierdie tiende aflewering van die reeks konsentreer ons eerstens op eenvoud in die gebed Lees Matt. 6:7 wat die Bybel sê teenoor die heidene se opgesmukte gebede waarin hulle eie verdienstelikheid gedemonsteer het. Lang gebede as sodani g word nie afgewys nie. Ook die aanspreek van God mag kort en direk wees omdat God nie "vermurwe" hoef te word, soos die heidene meen nie. Nugterheid en selfbeheersing word meermale in die Bybel aanbeveel, vgl. 1 Petr.4:7b; 1 Petr.1:13 en 1 Kor.15:34. 4

5 Tweedens, vas by die gebed kom dikwels voor, vgl.mark. 9:29, Hand.9:9, 13:3 en 14:23. Die gebruik het sy wortels diep in die OT: 1 Sam.7:6, 2 Sam. 12:21, 2 Kron.20:3, Psalm 35;13, dan. 9:3 en Joël 1:14. By ingrypende sake is ter wille van volgehoue gebede en onbelemmerde toespitsing op die Here, gevas. Die hoofgedagte is onthouding van wat jou aandag kan aflei. By vas moet wel gewaak word teen veruitwendiging. dr. Neels Smit (In die volgende aflewering kom gebedsverhoring aan die beurt) ALLERLEI FONDSINSAMELING VIR DIE KINDERHUIS. 15 November vind daar n raadgewende gesprek plaas oor Die Hart van jou Besigheid met Dawie Roodt en Luciano Benade van die Efficient groep en optredes deur Touch of Class en Steve Hofmeyr. Martin Bester is die seremoniemeester vir die aand. Kos in die vorm van n spitbraai is ingesluit in die koste. Kostes beloop R per tafel, dit is n wonderlike netwerkgeleentheid vir besighede. Belangstellendes kan Marlene Spies direk skakel /7 TRANSORANJE SKOOL VIR DOWES & TOUCH OF CLASS "SOUND OF SILENCE" CONCERT 26 JULIE 2018 Vir die eerste keer ooit gaan die gewilde groep TOUCH OF CLASS saam met Transoranje Gebare Koor 'n SOUND OF SILENCE- konsert hou op Donderdag 26 Julie 2018 om 19:00 in die Aula Teater, UP kampus. R150 pp (kinders onder 6 jaar gratis). Kaartjies kan bespreek word by transoranje3@gmail.com Tel: /6. Moenie dit misloop nie, hierdie konsert gaan baie spesiaal wees! KONSEPGEDRAGSKODE VIR GODSDIENS IN SUID-AFRIKA 'n Konsepgedragskode vir Godsdiens is ter insae by ons kerkkantoor beskikbaar.dit staan bekend as DIE SUID-AFRIKAANSE RAAD VIR DIE BESKERMING EN BEVORDERING VAN GODSDIENSREGTE EN -VRYHEDE 5