Waterkruik. JAARGANG 55 NO Mei AD 2018

Transcriptie

1 Waterkruik JAARGANG 55 NO Mei AD 2018 EREDIENS VANDAG EN VOLGENDE SONDAG Vandag se erediens is n voor-bereidingsdiens met die oog op die viering van die Heilige Nagmaal, volgende Sondag 27 Mei. DIENSBEURTE Vandag: Wyk 23 & 24 Ouderlinge: Herman Hamersma en Neels Kloppers Diaken: Eddie Engelbrecht Volgende Sondag: Wyk 25 & 26 Ouderlinge: Pieter du Plooy en Grandi Theunissen Diaken : Ian de Villiers KOLLEKTE BY DIE DEURE Vandag: Teologiese Studentekas Doel: Om studente wat aan die Teologiese Skool te Potchefstroom studeer, finansieel met beurse te help sodat die Gereformeerde leer uitgebou en verkondig kan word. Volgende Sondag: Teologiese Skool Biblioteek Doel: Om boeke vir studiedoeleindes en naslaanwerke by die Jan Lion Cachetbiblioteek van die Teologiese Skool van Potchefstroom aan te koop. TEESKINKBEURTE Baie dankie aan die susters van Wyk 10 wat vanoggend o.l.v. Anika le Roux sorg vir tee en koffie. U word hartlik uitgenooi om volgende Sondag na die erediens saam in die saal te kom kuier met 'n koppie tee en heerlike eetgoed. 1

2 DIAKENSVERGADERING Die diakens vergader Woensdagaand 23 Mei om 18:00 in die kerk. OUDERLINGEVERGADERING Die ouderlinge vergader Woensdagaand 23 Mei om 19:00 in die saal. Ons vra u voorbidding vir die Here se seën op hierdie vergaderings. ORRELIS Hartlik welkom aan sr. Mariki Lessing wat ons vanoggend tydens die erediens op die orrel begelei en sr. Hannetjie Bezuidenhout wat ons tydens die aanderediens op die orrel begelei. Program vir die week Maandag Katkisasie vir hoërskoolleerders soos gereël. Woensdag 18:00 Diakensvergadering 19:00 Ouderlingevergadering Donderdag Bybelstudiegroepe 08:30 Groep 1: In die Konsistorie 09:30 Groep by Nasarethhuis 10:15 Groep 2: In die Konsistorie (Dié groep behande l Joh. 19:32) 18:30 Groep 3 in die Pastorie 19:30 Kerkjeugaksie vir jongmense tot ongeveer 30 jaar: in die Pastorie Groepe 1 en 3 doen voorbereiding vir die komende Sondag se preek. Groep 2 se Bybelverse sal telkens op die webwerf aangedui word en per SMS bekend gemaak word. VERJAARSDAE Ons wens die volgende broeders, susters en kinders van harte geluk met hulle verjaarsdae. Ons bede is dat die nuwe lewensjaar vir julle en julle geliefdes vreugde en ryke seën sal inhou. Here, U is my lewe, U sorg vir my. Wat ek ontvang, kom alles van U af. n Pragtige deel is vir my afgemeet, ja, wat ek ontvang het, is vir my mooi. Ps 16:5, 6 2

3 Vandag Sr. Chris Spoelstra Dinsdag 22 Mei Br. Jan Trollip Donderdag 24 Mei Sr. Elna Spoelstra Vrydag 25 Mei Sr. Mariza Mark Hartlik geluk aan sr. Chris Spoelstra wat vandag haar 90ste verjaardag vier. Ons bid u die Here se rykste seën toe in die nuwe lewensjaar. Ons wens u n mooi dag toe saam met u geliefdes. Trek daarom die volle wapenrusting aan wat God julle gee, sodat julle weerstand kan bied in die dag van onheil en, nadat julle die stryd tot die einde toe gevoer het, nog op julle pos kan bly staan. Efesiërs 6:13 MEELEWING Br. Willem Vorster is steeds in die Zuid Afrikaans Hospitaal nadat sy been onder die knie verledeweek in twee fases geamputeer is. Mag God jou elke dag naby wees Ons bid br. Tjaart van der Walt sterkte toe vir die ligte operasie wat hy hierdie week moet ondergaan Br. Wykie van Wyk is in die Unitas Hospitaal nadat hy Donderdag n rugoperasie ondergaan het. Ons bid jou krag en sterkte toe en vertrou dat jy volkome sal herstel Ons orrelis, sr. Ansie Wichmann, het n operasie aan haar oog ondergaan. ons bid dat die Here die operasie sal seën en dat die oog volkome sal herstel

4 ROEPING AS DIAKEN: Br. Jean Oosthuizen is geroep om as diaken te dien Ons vra u voorbidding vir die broeder met die oorweging van die roeping. BEROEPE ONTVANG Ds PR Gouws (Retief) van Pietersburg na Dendron/Magalakwin-kombinasie. Kuierkafee Die Kuierkafee bied op die laaste Dinsdag van Mei weer ons immer gewilde saam sing/lekker sing program onder leiding van Kittie en Gerrit Broos aan. Dit is soos u eie keuse program kies enige lied en ons sing dit. Na my wete was daar nog nooit n versoek wat die twee formidabele voorsangers nie kon sing nie. Kom doen mee aan die lekkerte. Almal welkom. In die Kerksaal, Dinsdag 29 Mei om 10:00 As vervoer n probleem is, skakel An Venter OP DIE KERKRAAD SE TAFEL Die Redaksie verneem dat o.a. die volgende sake op 9 Mei se vergadering van die Breë Kerkraad gedien het: * Die ouderlinge is versoek om tydens huisbesoek waar nodig met lidmate gesprek te voer oor kerkbydraes aangesien die doelwit is om sover moontlik die begroting vir 2018 te laat klop. * Die Evangelisasiekommissie het sekere doelwitte bereik maar benodig nog meer ondersteuning van die lidmate. Elders in die Waterkruik kan u meer te wete kom oor hulle behoeftes, veral met betrekking tot die kursus wat aangebied word. * Die Kommunikasie-en Internetkommissie het baie interessante gegewens 4

5 verstrek oor waar in die wêreld daar mense (Christene!) is wat inkyk in ons videouitsendings van eredienste. Statistieke sal later in die Waterkruik gepubliseer word. * Die Eiendomskommissie het n hele paar projekte wat aandag geniet. Vir die bewaring van tuin- en braaitoerusting word moontlikhede ondersoek om die gang tussen die kleedkamers en die katkisasielokale van n dak te voorsien. Sekere behoeftes met betrekking tot beligting binne en buite die kerkgebou gaan aangespreek word en n kommissie is aangewys om die saak te ondersoek en kwotasies te kry. Sommige lidmate het versoek dat ruimte in die kerkgebou geskep word vir lidmate op rystoele en met looprame waar hulle kan sit sonder om ongerief vir ander lidmate te veroorsaak. * Die Visitasie-aksie het tydens die vergadering plaas gevind en volgens ons verslaggewer het die visitatore en kerkraadslede die gesprek van ongeveer 90 minute as baie positief en vrugtevol ervaar. WYKSBRAAI NA DIE DIENS Broeder en suster, u het seker verlede Sondag gewonder hoekom word daar so geskarrel in die binnehof met braaiersroosters wat rondgestoot word. Dit was vir die wyksbraai van wyke 2 (Gerrit Broos), 4 (Gerhard Koekemoer), 5 (Daniël du Plessis) en 17 (Piet Malan). n Aantal lidmate uit die 4 wyke (wat nie gepla was met moedersdag nie) het heerlik vooraf met n glasie in die hand saam gekuier terwyl van die manne die lug laat vul het met die heerlike reuk van braaivleis. Daarna het ons gesellig in die saal rondom tafels saam geëet en n hond uit n bos gekuier! Dankie aan die sameroeper, Gerrit Broos, en die ander 3 ouderlinge wat alles glad laat verloop het. (Die ander gemeentelede hoef nie jaloers te wees nie elke hond kry sy dag en julle beurt kom ook!) Ns. n Klompie foto s sal binnekort op die webwerf verskyn. DIE GEBED (5) Die vyfde artikel oor die gebed wys op ons gebede met betrekking tot ander mense. a) Voorbidding vir jou. Soos Paulus mag die gelowige op die voorbidding van ander mense reken (Rom.15:30; Ef.6:18,19; Kol.4:2,3;1Tes.5:25;2 Tes.3:1,2) b) Voorbidding vir die gemeente. Ook soos Paulus moet ons voorbidding vir die gemeente doen (2 Kor.13:7,9; Fil.1:4; Kol. 1:3,9,10; Ef.3:14-21; 1 Tes.1:2; 2 Tes.1:11). Voorbidding moet ook by siekte gedoen word (Jak.5:14), by treurendes (Rom.12:15) by sonde(1 Joh.5:16), ens. 5

6 c) Voorbidding strek verder as die grense van die gemeente. Voorbidding ken geen perke nie(mat.5:43,44) d) Voorbidding vir vyande Mat.5:43,44; Luk.23:34 (Jesus); Hand.7:60 (Stefanus); 2 Tim.4:16 (Paulus) Nooit kan iets wat iemand ons aandoen so erg wees dat ons nie meer vir so iemand kan bid nie. Inteendeel, hoe erger dit is wat iemand ons wil aandoen, hoe meer het so iemand ons voorbidding nodig (volgens die skrywer Versteeg). e) Voorbidding vir die owerheid. 1 Tim.2:1,2. Uit vers 3 en 4 blyk dat die heilswil van God geen grens vind by n bepaalde groep mense nie, maar tot alle mense uitgaan (vgl. 2 Pet. 3:9) Neels Smit PRESIDENT KRUGER KINDERHUIS, PRETORIA Ons kinderhuise verkeer onder geweldige druk om ekonomies kop bo water te hou en dit is `n daaglikse uitdaging om met die toenemende behoeftes tred te hou. Weens hierdie druk word alle finansiële bronne hoofsaaklik aangewend om aan die inwonende kinders se onmiddelike behoeftes om te sien. Die behoeftes van die personeel en die administrasie van die kinderhuis, word jaarliks weens besnoeiings op die begroting, verder ingekort. Die ankers van die kinderhuis is die versorgers van elke huis, met `n baie klein vergoeding vir die liefdes- en soms baie ondankbare diens wat hulle lewer en dieselfde geld vir die administratiewe kantoor wat grootliks funksioneer op skenkings vir salarisse en skryfbehoeftes om die kantoor funksioneel te bedryf. Die volgende behoeftes is geïdentifiseer: 1. Administratiewe Kantoor: `n Kontant skenking van R sal waardeer word om voorrade aan te koop of bydraes van die onderskeie gelysde items. Fotostaatpapier, krammetjies, skuifspelde, shredder Swart fine liners koki penne ; lêerverdelers (Jan Desember) Eenvoudige 2-ring swart plastiese basis lêers;bokslêers swart plastiek x 25 ; A4 wit koeverte 2. KOMBUISPROJEK vir 2018 : Versoek vir finansiële skenkings Skerp groentemessies Melamine-eetgerei vir die kinders van baba tot 18 jaar. Die volwasse personeel gebruik eetgerei geskenk deur die Susters van Waterkloofrand. Die kwotasie kwotasie vir die melamine eetgerei (borde/ bakkies/ koppies/sopkommetjies) vir die kinderhuis is R Hierdie eetgerei word ook gebruik vir katkisasie- en vakansiekampe. 3. VERSORGERS (Ses huismoeders) 6

7 Badkamer bederfies (badskuim/badolie/lyfroom/luukse badseep/mooi waslap of lyfsponsie) Weens die baie klein salarisse wat die moeders ontvang, is die luukse van badkamer bederf produkte nie moontlik nie, maar bly `n baie groot behoefte. `n Woord van dank word gerig aan ons gemeentelede wat feitlik op `n maandelikse basis skenkings by die kinderhuis afgee. Vir direkte kontak met die Kinderhuis: Maatskaplike Werker, Marlene Spies Met dank. Marianna du Plessis, Vriendekring van die Kinderhuis, Pretoria ALLERLEI TEOLOGIESE SKOOL POTCHEFSTROOM SE FUNKSIONARISSE Periodiek word verneem van aktitwiteite waarby funksionarisse van die Teologiese Skool betrokke is en die vraag kom op hoe die Teologiese Skool en die Senaat funksioneer en watter pligte uitgevoer word. Die Redaksie het dokumente ontvang wat n uiteensetting van die pligte gee maar weens die omvang daarvan, word dit nie geplaas nie. Belangstellende lidmate kan vir Nienke vra om dit per e- pos aan te stuur. Tans is prof Gert Breed (broer van dr Douw) die Rektor, prof. Henk Stoker is die vise-rektor Studente Sake en prof. Francois Viljoen die Vise-Rektor Akademiese Sake. FUNKSIONARISSE VAN DIE GEMEENTE EN ANDER INLIGTING PREDIKANT SKRIBA Dr. Douw Breed Eddie Trollip Duikerlaan MONUMENTPARK ATTESSKRIBA OUDL SKRIBA Tinus Erasmus Corrie Skinner VOORSITTER DIAK. ORRELIS Loutjie Coetzee Ansie Wichmann e-pos kerk:nwgkw@telkomsa.net webwerf: Op die webwerf kan u etlike jare se preeksketse van dr. Douw lees en daar is ook skakels wat u neem na oudio- en videouitsendings van eredienste wat onlangs op die internet uitgesaai is. SONDAGKOSTER: André Els: WEEKKOSTER: Nienke vd Walt:

8 KANTOOR: Nienke vd Walt en KANTOORURE: Donderdag en Vrydag: 9 12vm. U kan egter enige tyd die kantoor skakel en jou oproep sal beantwoord word omdat die telefoon deurgeskakel is na die selfoon. BANKBESONDERHEDE Kerk: ABSA : Gereformeerde Kerk Waterkloofrand Rek no Diakens: ABSA: Diakonie Spaar Rek. No PARKERING Veilige parkering is ook beskikbaar tydens oggenderedienste op die terrein van die Laerskool Anton van Wouw, h/v Lange- en Deystraat. PREEKVERDUIDELIKINGS Tydens oggenddienste word die preek van die oggend vir die kindertjies vanaf 4 jaar tot die in graad 4 deur n suster of susters in die saal verduidelik. Dit vind net plaas as dr Douw preek en ook nie gedurende vakansies en langnaweke nie. Dit word slegs tydens die preek en onder toesig van die beurtsouderling gedoen. FOTO S van die gemeente se lidmate kan besigtig word op die kennisgewingbord op die stoep van die kerkgebou. 8