JUDAS vers 3. Votum en seën. Psalm 46 : 1, 4. Gebed. Skriflesing: Judas verse 1-16 (AV 1983/91) Teks: Judas vers 3 (AV 1983/91)

Transcriptie

1 JUDAS vers 3 Votum en seën Psalm 46 : 1, 4 Gebed Skriflesing: Judas verse 1-16 (AV 1983/91) Teks: Judas vers 3 (AV 1983/91) Skrifberyming 15-2 (38) : 1 Preek: Die Here wil dat Sy kerk stry vir die oorgelewerde waarheid. Gebed Kollekte Psalm 118 : 5, 6 Seën Skrifberyming 13-3 (78) Ook: Ps 18 : 15, 16, 17 Ps 68 : 12 Sb (15-7) : 4, 5

2 2 As u in n Gereformeerde huis grootgeword het, of al n rukkie n lidmaat van n Gereformeerde gemeente is, sou u sekerlik al gehoor het dat die suiwer leer baie belangrik is. Hopelik sou dit nie ál wees wat u gehoor het nie. Waar die hele Bybel geleer word, sou u ook gehoor het dat dit ook kardinaal belangrik is dat ons die Christelike liefde opreg uitleef. Maar vir Gereformeerde Kerke, wat gebore is uit die stryd teen die Roomse Kerk met al sy verdraaiings van die Woord van die Here, was die gesonde leer van die begin af en tot vandag toe belangrik só belangrik dat baie Gereformeerde Kerke die afgelope jaar weer gereeld aandag gegee het aan die prediking van die Christelike leer, 1 en dit nie net om mense die suiwer geloof te leer nie, maar ook om hulle teen al die afwykings hiervan te immuniseer. U word vanaand uit Woord weer daaraan herinner dat ons besorgdheid oor die Christelike leer gebore is uit gehoorsaamheid aan die aansporing wat die Here ons op verskillende plekke in Sy Woord laat hoor, onder andere hier die aansporing dat kinders van die Here moet stry vir die geloof/waarheid wat aan hulle oorgelewer is. Kom ons kyk na hierdie aansporing: 1. na wat dit nodig maak; 2. wat die oorgelewerde geloof is waarvan ons hier hoor; 3. die stryd daarvoor. 1 Vgl Kerkorde art 68

3 3 1. WAT HIERDIE AANSPORING NODIG MAAK Die skrywer van hierdie brief, Judas, sê baie duidelik wat aanleiding tot hierdie aansporing gegee het: - hy wou vir hulle skrywe oor die verlossing waaraan ons almal deel het; hy wou, met ander woorde, n mooi positiewe en bemoedigende brief vir hierdie gelowiges skrywe; - maar toe gebeur daar dinge wat maak dat hy besef het dat dit absoluut noodsaaklik is dat hy n ánder soort brief skrywe: n oproep dat hierdie mense moet stry vir die oorgelewerde geloof! Wat het gebeur? Daar t sekere mense in daardie groep Christene ingekom wat met hulle vreemde idees en met hulle slegte lewenswyse vir die ander Christene n groot gevaar geword het. 2 Judas noem hulle goddelose mense mense wat die genade van Jesus as dekmantel vir n losbandige lewe gebruik: - ag, n mens kan maar n ou sondetjie of wat doen die Here sal tog weer vergewe ; en so skryf Judas verwerp hulle ons enigste Meester en Here, Jesus Christus; - Jesus (so sê hulle) is hulle Verlosser ja! - maar moenie vir hulle sê dat Hy ook met sy Woord hulle gedrag moet beheers nie! Let op hoe hierdie goddelose mense tussen hierdie Christene ingekom het. 2 Vgl bv vers 4

4 4 Judas skryf dat hulle ongemerk julle geledere binnegedring het, ingesluip het. 3 Hierdie mense het nie openlik hulle verkeerde idees in die kerk begin propageer nie, maar hulle het hulle gif so n bietjie vir bietjie begin rondstrooi en soos mense gewoond geraak het daaraan, dit al hoe meer en al hoe openliker begin uitstrooi. Dís die aanleiding vir die aansporing wat die Here hier deur Judas gee dat ons moet stry vir die oorgelewerde geloof: - die vreemde idees en n losbandige lewenstyl wat in die kerk ingesmokkel is. Teenoor hulle vreemde standpunte en praktyke stel Judas nou die oorgelewerde geloof. Wat is dit? 2. WAT OORGELEWERDE GELOOF IS Kan geloof oorgelewer word? Dit hang af in watter sin jy van geloof praat, want die woord geloof kan op meer as een manier gebruik word: Dit kan byvoorbeeld gebruik word om die aksie van glo aan te dui: - die vertrou-op-die-here; - die vasgryp aan Hom. 3 Vgl AV 1933/53

5 5 n Mens kan hierdie daad van glo geloof noem. Maar n mens kan ook die dinge wat ons glo, die inhoud van wat ons glo, ons geloof noem: - dis my geloof dat Jesus vir my gesterf het en uit die dood opgestaan het dat Hy my Verlosser is. Hier waar gepraat word van die geloof wat een maal oorgelewer is, gaan dit nie oor die aksie, die daad van glo nie. Hierdie daad van glo, hierdie vertrou-op-die-here, hierdie vasgryp-aan-hom, is nie iets wat oorgelewer (= van een mens aan n ander oorgedra) kan word nie. Die geloof as daad is iets wat die Heilige Gees in jou moet bewerk, anders sal jy dit nie kan hê nie. Maar die oorgelewerde geloof waarvan hier gepraat word, is die inhoud van wat ons glo die geloofsfeite; en dít kan oorgelewer word! Dit ís mos eens op n tyd aan die Here se kerk oorgelewer hierdie feite wat God wou hê wat ons moet glo. Hoe t dit gebeur? Die Here het mense ooggetuies gemaak van dinge wat Hy gedoen het en Hy t hulle gehelp om te verstaan wat dit alles beteken;

6 6 en toe t Hy hierdie mense gestuur, die apostels, 4 wat hierdie feite met hulle betekenis aan die eerste geslag Christene oorgedra het, wat dit toe op hulle beurt weer aan die volgende geslag oorgedra het, ens. en om te keer dat hierdie feite met hulle betekenis nie deur mondelinge oorlewering verdraai sou word nie iets wat so met maklik met dinge gebeur wat mondelings van een mens aan n ander oorvertel word het die Here gesorg dat hierdie feite met hulle betekenis deur die apostels opgeskryf is in n klompie geskrifte wat later bymekaar gesit is en wat ons vandag ken as die Nuwe Testament; in die Nuwe Testament, saam met die Ou Testament wat al vroeër op n soortgelyke manier ontstaan het, word die inhoud van wat ons moet glo, aan ons oorgedra al die feite met hulle betekenis en met die konsekwensies daarvan vir ons lewe, alles wat die Here wil hê wat ons moet glo. As hier dan staan dat die Christene moet stry vir die geloof wat aan God se kinders oorgelewer is, dan beteken dit dat ons moet stry vir die waarheid wat in die Bybel aan ons gegee is. Let op dat ons nie n opdrag kry of toestemming gegee word om oor alles en nog wat in kerke n stryd te voer nie. Dit gebeur te veel kere dat daar in kerke stryde gevoer word oor allerhande nietighede, byvoorbeeld oor menslike gebruike, wat party ten alle koste wil behou en ander ten alle koste ontslae van wil raak. 4 Apostel beteken gestuurde.

7 7 Maar waar dit sonde is om in die kerk oor sulke nietighede stryd te voer, is dit die opdrag van God om in die kerk te stry vir die waarhede wat in die Bybel opgeskryf is vir die oorgelewerde geloof Hoe stry n mens daarvoor? 3. DIE STRYD DAARVOOR Let op dat ons nie in die eerste plek opgeroep word om teen iets te stry nie, maar vir iets; - mense wat aan hierdie oproep van die Here gehoor gee, moenie die indruk skep dat hulle sulke anti-alles (= teen alles) mense is nie; - ons is in die eerste plek n klomp pro-iets (= vir iets) mense; ons is vír die waarheid wat God ons laat kry het in Sy Woord; - maar vir-die-waarheid-wees beteken dan outomaties in die tweede plek dat jy téén idees en praktyke is wat nie met hierdie waarheid ooreenkom nie. Hoe stry n mens vír hierdie oorgelewerde geloof die waarheid wat in die Bybel vir ons gegee is? Ons stry daarvoor, byvoorbeeld, deur te sorg dat dit behoue bly: - dat die Bybelse manuskripte wat daar in die wêreld is, veilig bewaar word; - dat die Bybel nie uit druk uit gaan nie, maar altyd beskikbaar bly. En ons stry daarvoor deur te sorg dat die inhoud van die Bybel bekend word en bekend bly: - deur te sorg dat daar altyd leraars en predikers van die Bybelse waarheid is; - deur dit self ook verder te vertel en te leer soos wat dit vir jou moontlik is;

8 8 - deur op elke moontlike manier die Bybelse waarhede te versprei byvoorbeeld die feit dat God alles en almal geskep het; dat Jesus Christus die enigste Verlosser is; dat n ongelowige hart en n onbekeerde lewe n mens op n ewige ramp laat afstuur En om vir die Bybelse waarhede die oorgelewerde geloof te stry, beteken om jou daarvoor te beywer dat die regte interpretasie van dit wat in die Bybel staan, in die kerk sal geld en vir mense gepreek en geleer sal word. En om vir die oorgelewerde geloof te stry, beteken ook om dit wat in die Bybel staan, só uit te leef dat mense dit sal raaksien en deur so n heilige lewe na hierdie waarheid toe gelok sal word. En hierdie oproep om te stry geld nie net vir ampsdraers en Christelike organisasies nie, maar vir elke Christen: - dis nie net die Bybelgenootskap wat moet sorg dat die Bybel beskikbaar bly en in mense se hande beland nie; - dis nie net predikante en ouderlinge wat moet sorg dat mense die Bybelse waarhede ken en dat die insluipers in die kerklike lewe uitgevang word nie; 5 - élke Christen word opgeroep om vir hierdie oorgelewerde geloof te stry. Natuurlik hang die finale uitkoms van hierdie stryd nie van ons af nie die Here sal Self ook vir Sy waarheid en teen alle valshede stry! Maar as Hy ons ook in hierdie triomftog van die waarheid wil inspan, hoe kan ons dan onbetrokke bly? 5 Alhoewel ampsdraers n besondere plig in dié verband het (vgl bv NGB 30 en KO 55)

9 9 Die Here roep elkeen van ons op om te stry vir die geloof wat aan ons oorgelewer is. TEN SLOTTE Ons sou graag net altyd positief en opbouend besig wou wees in ons godsdiens, nie waar nie? Ons sou ons so graag net altyd in liefde en in eenheid en in vrede in die verlossing, waaraan ons almal deel het, wou verlustig! Maar nou kan dit nie so wees nie, gaan dit nie so wees solank ons op hierdie aarde leef nie, mág dit eintlik nie so wees nie, want daar s n stryd wat ons op hierdie aarde ook in die geledere van Christene móét stry, omdat die Here ons aanspoor om dit te stry: die stryd vir die oorgelewerde geloof. U weet self hoe vreemde idees en praktyke ook in ons tyd en land kerke ingedring het: hoe teoloë en predikante en lidmate verkeeerde dinge glo en propageer, soos byvoorbeeld dat die Bybel nie regtig in alles betroubaar is nie; dat Christus nie regtig liggaamlik uit die dood uit opgestaan het nie; dat evolusionisme n beter verklaring vir die ontstaan van alles bied as Gen 1-3; dat die idee dat Jesus uit n maagd gebore is, heidense reste in die Bybel is; dat doop en nagmaal ook privaat bedien en gevier mag word; dat kerk-wees nie noodwendig deel van Christen-wees is nie; dat saamwoon en n homoseksuele lewenswyse ook vir God reg is, ens.

10 10 Daar ís ook in ons tyd en land en kerklike lewe n stryd om te stry. Dis hartseer dat dit lyk asof dit baie Christene in ons tyd nie traak of dit wat mede- Christene glo en doen, reg of verkeerd is nie, en dat baie kerkmense geen moeite sal doen om teen dwalings geïmmuniseer te word nie Maar kom, ten minste ons, wat hierdie jaar gereeld die Here se waarheid ingekry het deur ons eie lees van die Bybel, en wat ons kennis daarvan verder laat slyp het in eredienste en by Bybelstudiegroepe en deur gesonde Christelike literatuur kom óns word aktiewe stryders vir die oorgelewerde geloof: ter wille van onsself, want ons moenie dink dat hierdie vreemde idees ons nie ook kan besmet en kan verlei nie! en ter wille van party van ons mede-christene, wat al klaar begin swig voor van hierdie verkeerde idees en praktyke, sodat hulle nie die enigste Meester en Here, Jesus Christus verloor nie! maar bo alles ter wille van die Here, want hierdie oorgelewerde geloof vereer Hom: - dis tot Sy eer as mense byvoorbeeld Sy Woord in alles onvoorwaardelik glo; - dis tot Sy eer as mense Sy liefde in die kruisdood van Jesus insien, en Sy krag in Jesus se opstanding uit die dood uit; - dis tot Sy eer as Sy mense se lewenspraktyk is soos Hý dit voorskryf Kom ons stry vir Sy waarheid! AMEN