FIRSTRAND BANK BEPERK KAARTSKEMA

Transcriptie

1 FIRSTRAND BANK BEPERK KAARTSKEMA Ooreenkoms tussen die Bank en die Kaarthouer FirstRand Bank Beperk is 'n geregistreerde Bank registrasienommer 1929/001225/06. Hierdie Ooreenkoms bevat die terme en voorwaardes van die Bank se Kredietkaartskema. Die gebruik van die Kredietkaart sal beskou word as u aanvaarding van die terme en voorwaardes van die Ooreenkoms. Afdelings van die Ooreenkoms Afdeling A: Afdeling B: Gebruiksvoorwaardes van Kredietkaart Rekening, Finansiering en Fooie Afdeling C: Afdeling D: ebucks Beloningsprogram Toegevoegde waarde dienste Afdeling A: Gebruiksvoorwaardes van die Kredietkaart 1. Uitreiking van die kaart 1.1 Die uitreiking van die Kaart is onderhewig aan terme en voorwaardes van ons Kredietkaartskema soos wat ons dit publiseer. 1.2 Die Kaart bly altyd ons eiendom en moet onmiddellik indien versoek aan ons terugbesorg word. 1.3 Die Kredietkaart is 'n Visa handelsmerk kaart wat deur ons uitgereik word onder lisensie van Visa. 2. Gebruik van die kaart 2.1 Algemene verpligtinge wanneer u die kaart gebruik Slegs u mag die Kaart gebruik en niemand anders nie Wanneer u die Kaart ontvang, maak seker dat u dit onmiddellik op die agterkant met n balpuntpen teken Wanneer die Kaart aan u uitgereik word kry u n PIN wat u by enige FNB OTM kan verander Wanneer n Kaart heruitgereik word bly u PIN dieselfde. U kan dit egter by enige FNB OTM verander U moet die Kaart veilig bêre en die PIN geheim hou. Moenie die twee saam bêre nie Deur die gebruik van die PIN kan u by n OTM geld onttrek, oorplasings doen, geld plaaslik deponeer, asook aankope doen by sekere handelaars U moet die Kaart gebruik slegs in die tydperk wat voorop die Kaart aangedui word behalwe as dit voor die tyd volgens klousule 14 gekanselleer is. Na hierdie tydperk is die Kaart ongeldig U moenie die Kaart vir enige onwettige transaksies gebruik nie. Dit is u verantwoordelikheid om seker te maak dat 'n transaksie wettig is voor u die Kaart gebruik As die Kaart gebruik word om goedere of dienste by 'n handelaar aan te koop, moet u die transaksiestrokie teken en/of u PIN gebruik soos deur die handelaar versoek U moet n kontantonttrekking strokie teken wanneer u die kredietkaart gebruik by enige plek anders as die OTM As die transaksie per posbestelling, telefoniese bestelling of deur enige ander kanaal plaasvind sal u sekere kaartverwante inligting moet verstrek voordat die transaksie kan plaasvind. 2.2 Kredietkaart U mag aankope met die kredietkaart doen by handelaars wat Visa of Visa Electron handelsmerk kredietkaarte aanvaar (soos van toepassing op u kredietkaart) U mag nie die kredietkaart vir brandstof of brandstof-verwante aankope in Suid-Afrika gebruik nie Die Visa Electron kaart is slegs vir elektroniese gebruik, wat beteken dit kan slegs by 'n elektroniese verkoopspunt-toestel of by 'n OTM gebruik word As die kredietkaart buite die Gemeenskaplike Monetêre Gebied gebruik word, moet u aan die Buitelandse Valutabeheermaatreëls voldoen Ons moet die Suid-Afrikaanse Reserwebank verwittig van transaksies wat buite die Gemeenskaplike Monetêre Gebied gemaak word Enige transaksie of betaling in 'n geldeenheid anders as die Suid-Afrikaanse Rand ("Rand") sal in Rand omgeskakel word volgens Visa se huidige wisselkoers op die datum wat die transaksie teen u rekening gedebiteer word. Die transaksie sal in Rand op u maandelikse staat aangedui word Die gebruik van die Kaart om toegang tot enige van ons ander kanale soos elektroniese bankdienste te verkry of transaksies te doen is onderhewig aan die terme en voorwaardes van die kanale. 2.3 Petrokaart U kan die Petrokaart by uitgesoekte handelaars gebruik om brandstof en brandstof-verwante produkte (insluitend brandstof, diesel, olie, by- en smeermiddels) asook motoronderdele en bykomstighede aan te koop U mag die Petrokaart ook gebruik om vir herstelwerk aan u motor of vir instandhoudingsdienste te betaal U mag die Petrokaart net in die Gemeenskaplike Monetêre Gebied gebruik U kan die Petrokaart aan u kredietkaart rekening koppel of aan 'n afsonderlike Petrokaart rekening wat in u naam is. 2.4 Algemene inligting Ons is nie aanspreeklik: As die handelaar betaling deur die Kaart weier of nie aanvaar nie; As ons nie 'n transaksie magtig nie. U moet besef dat dit ons besluit is om 'n transaksie te magtig of nie te magtig nie. 3. Ongemagtigde gebruik van die Kaart 3.1 U moet alle redelike voorsorg tref om te voorkom dat enige ongemagtigde gebruik van u Kaart en PIN plaasvind. 3.2 U moet ons Kaartafdeling se Verlore Kaartdiens onmiddellik in kennis stel indien u kaart verlore, gesteel of nie by die OTM teruggegee is nie, of as u kaartbesonderhede of u PIN aan iemand bekendgemaak is. 3.3 Verlore Kaartbeskerming is ingesluit in u jaarlikse kaartfooi. Dit beskerm u teen die ongemagtigde gebruik of bedrog op u Kaart, behalwe vir PIN gebaseerde transaksies, as die Kaart verlore raak of gesteel word. 1

2 3.4 As u nie nalatig was met die bewaring van u Kaart nie en die verlore of gesteelde Kaart word onmiddellik aangemeld, sal u nie verantwoordelik gehou word vir ongemagtigde gebruik of bedrog op u kaart weens die diefstal of verlies nie. Behalwe as dit PIN gebaseerde transaksies was. 3.5 As u nalatig was om die verlore of gesteelde Kaart te rapporteer, is u nie verseker deur Verlore Kaartbeskerming nie en sal u verantwoordelik wees vir alle ongemagtigde gebruik of bedrog op u kaart. 3.6 Enige vertraging in die rapportering van 'n verlore of gesteelde Kaart sal as nalatig beskou word en u sal moet bewys dat u nie nalatig was nie. 3.7 Enige ongemagtigde transaksie waar gebruik gemaak is van die Kaart en die PIN of slegs net die PIN, sal nie deur ons gedek word nie en sal u uitsluitlike verantwoordelikheid wees. 4. Foutiewe Stelsels 4.1 Ons is nie aanspreeklik vir enige verlies wat ontstaan weens enige stelsels se foutiewe werking, onklaarraking of vertraging nie. Dit sluit in enige OTM, verkoopspunt-toestelle, toegangskanale of ondersteuningsnetwerke. 5. Magtiging om u rekening te debiteer 5.1 Elke keer as u die Kaart of Kaartbesonderhede vir kontantonttrekkings of aankope gebruik, sal ons u rekening met die bedrag van die transaksies debiteer. 5.2 U moet ons terugbetaal vir alle betalings wat ons gedoen het vir enige aankope of kontantonttrekkings. 5.3 Enige betalings wat ons aan n handelaar maak is finaal en kan nie verander word nie, behalwe as dit volgens Visa se reëls en regulasies toelaatbaar is, soos van tyd tot tyd deur Visa gepubliseer. 5.4 n Dispuut tussen u en die handelaar beïnvloed nie ons reg om u rekening te debiteer en betaling daarvoor te ontvang nie. 6. U kredietlimiet 6.1 Ons bepaal die kredietlimiet op die Kaart. U en enige bykomende kaarthouer mag nie die kredietlimiet oorskry nie. 6.2 Ons mag volgens ons uitsluitlike reg enige tyd die kredietlimiet verhoog of verlaag. 6.3 U mag vra dat u kredietlimiet verhoog word. 6.4 U is verantwoordelik vir die bestuur van u kredietlimiet. 6.5 Ons mag weier om aankope of kontantonttrekkings te magtig indien u die kredietlimiet oorskry het. 6.6 Indien ons 'n transaksie aanvaar wat tot gevolg het dat u die kredietlimiet oorskry, beteken dit nie dat ons u kredietlimiet verleng of verhoog het nie. 7. Rente 7.1 Wanneer ons rente sal hef op rekeninge wat oor `n rentevrye tydperk beskik ("Platinum", "Gold, "Silver" en Smart voorheen Credit of Turquoise rekeninge) As 'n rekening oor 'n rentevrye tydperk beskik, sal u nie rente betaal vir aankope in die tydperk nie Sekere transaksies, soos uiteengesit in klousule 7.3 sal altyd vanaf die datum van die transaksie rentedraend wees U maandelikse staat dui aan: Die totale uitstaande bedrag wat u aan ons verskuldig is en Die datum waarop dit betaal moet word As u die volle uitstaande bedrag op of voor die betaaldatum vereffen, sal geen rente gehef word nie, behalwe vir daardie transaksies soos aangedui in 7.3 waarop rente vanaf die datum van die transaksie gehef sou word As u nie die volle uitstaande bedrag betaal voor of op die betaaldatum nie, sal rente onmiddellik gehef word vanaf die datum van elke transaksie op die saldo soos op die staat aangedui en op enige nuwe aankope (dit beteken u verloor die rentevrye tydperk op die nuwe aankope) Dit beteken dat as u nie die volle uitstaande bedrag op die betaaldatum vereffen nie, sal die rentevrye tydperk opgeskort word en rente sal gehef word totdat die volle uitstaande bedrag aan ons verskuldig, vereffen is As die rekening ten volle betaal is, mag ons volgens ons diskresie, besluit of die rentevrye tydperk weer ingestel moet word dit is daardie tydperk vanaf die datum van die volledige betaling tot die betaaldatum wat op die volgende maandelikse staat aangedui word. 7.2 Berekening van debietrente Debietrente sal daagliks bereken en gekapitaliseer word en maandeliks op u rekening gehef word Debietrente sal bereken word teen die heersende koers van tyd tot tyd soos aangedui op u maandelikse staat, maar sal nie die maksimum toelaatbare jaarlikse finansieringskoers soos toegelaat deur die Woekerwet oorskry nie Wanneer hierdie Ooreenkoms en/of u reg om die Kaart en/of u kredietfasiliteit te gebruik beëindig word, sal debietrente bereken, gekapitaliseer en gehef word teen die maksimum toelaatbare jaarlikse finansieringskoste wat onder die Woekerwet toegelaat word. 7.3 Transaksies wat ten alle tye onmiddellik rentedraend is Rente word onmiddellik vanaf die transaksiedatum gehef, behalwe as daar n kredietsaldo in u rekening is om die bedrag te dek, op die volgende transaksies: Kontantonttrekkings met u kredietkaart; Aankope van reisigerstjeks met u kredietkaart; Elektroniese fonds oorplasings wat lei tot n debietsaldo op u rekening; Alle transaksies op die begrotingsfasiliteit; Brandstof of brandstofverwante transaksies op die Petrokaart. 7.4 Kredietrente op u rekening U sal rente verdien op enige kredietsaldo op u rekening Kredietrente sal daagliks bereken word en die gemiddeld sal oor die volle tydperk van die staat maandeliks op die rekening gekrediteer word Krediet rentekoerse mag trapvlaksgewys bereken word en die rentekoerse sal dan op die maandelikse staat aangedui word. 8. Begrotingsfasiliteit 8.1 Ons kan volgens ons uitsluitlike diskresie, die begrotingsfasiliteit aan u beskikbaar stel. 8.2 Die begrotingsfasiliteit stel u in staat om vir transaksies te betaal oor 'n verlengde tydperk soos deur ons bepaal.

3 8.3 As u van die begrotingsfasiliteit gebruik maak, sal die totale uitstaande bedrag, die maandelikse terugbetaling, die huidige rentekoers en enige ander koste op u maandelikse staat aangedui word. 8.4 Indien u versuim om enige betaling op die betaaldatum te maak, kan dit beteken dat die totale uitstaande bedrag onmiddellik betaal moet word. 8.5 U kan ekstra betalings sonder enige boete op u begrotingsrekening maak. 9. Bykomende kaarte 9.1 Bykomende kaarte wat volgens u keuse aan u rekening gekoppel word, mag uitgereik word aan ander persone. Ons verwys na hulle as bykomende kaarthouers. 9.2 Die uitreiking van bykomende kaarte sal nie die kredietlimiet op u rekening verander nie. 9.3 Dit is u verantwoordelikheid om te verseker dat die bykomende kaarthouer voldoen aan die terme en voorwaardes van die ooreenkoms. 9.4 Transaksies wat deur die bykomende kaarthouers gemaak word met die bykomende kaart, rente, fooie en koste met betrekking tot die bykomende kaart, sal teen u rekening of die bykomende rekeninghouers se rekening gedebiteer word. (afhangende van u rekeningstruktuur). 9.5 U is aanspreeklik vir alle bedrae verskuldig op die bykomende kaart. Dit beteken dat ons die totale bedrag verskuldig op die bykomende kaart van u mag verhaal. 9.6 U mag die bykomende kaarthouer se reg om die kaart te gebruik slegs beëindig as u ons skriftelik daarvan in kennis stel. U moet dan verseker dat die kaart vernietig word deur die magnetiese strook en die kaartnommer deur te sny sodat die kaart nie weer gebruik kan word nie. 9.7 Ons mag aan u enige vertroulike inligting rakende die bykomende kaarthouer se rekening bekend maak. 10. Bykomende Rekeninge 10.1 Bykomende Rekeninge kan oopgemaak word in die name van individue wat deur u genomineer en gemagtig word. Die individue word bykomende rekeninghouers genoem en daar sal kaarte in hulle name uitgereik word Die bykomende rekening sal sy eie kredietlimiet kry Ons sal aan die bykomende rekeninghouer maandeliks state stuur vir die bykomende rekening Transaksies wat die bykomende rekeninghouer met die kaart maak, rente, fooie en koste met betrekking tot die bykomende kaart sal gedebiteer word teen die bykomende rekeninghouer se rekening Beide u en die bykomende rekeninghouer sal gesamentlik en afsonderlik aanspreeklik gehou word as mede-skuldenaars vir alle bedrae wat op die bykomende rekening geskuld word. Dit beteken dat ons die volledige bedrag wat aan ons geskuld word op die bykomende rekening van u en/of die bykomende rekeninghouer kan verhaal. 11. State, Betalings, Deposito s 11.1 Maandelikse staat Ons sal aan u 'n maandelikse staat stuur waarop al u transaksies van die maand aangedui word, asook die totale bedrag wat u ons skuld, die minimum bedrag wat betaal moet word en die datum waarop dit betaal moet word Indien u nie binne dertig (30) dae vanaf die datum van 'n maandelikse staat ons skriftelik in kennis stel dat daar 'n fout op is nie, sal die staat wat aan u gestuur is as bindend en finaal beskou word Indien u nie die maandelikse staat ontvang nie moet u ons Kaartafdeling onmiddellik in kennis stel As enige transaksie verkeerdelik gedisputeer word, sal rente normaalweg op die transaksie bedrag gehef word Wanneer hierdie Ooreenkoms en u reg om die Kaart en/of u kredietfasiliteit te gebruik beëindig word, sal u nie verdere maandstate ontvang nie Betalings en deposito's U kan die totale bedrag soos op u maandelikse staat aangedui voor of op die betaaldatum betaal. Alternatiewelik mag u die uitstaande bedrag oor 'n tydperk betaal, maar u moet ten minste die minimum maandelikse paaiement op die staat teen die betaaldatum betaal U betalings mag ons dalk nie op dieselfde dag as wat u dit maak, bereik nie. Dit is weens moontlike vertragings en die tyd wat dit neem om te verwerk. Ons beskou dat u betaling slegs gedoen is as ons die betaling by ons Kaartafdeling se kantore in Johannesburg ontvang het. Maak dus hiervoor voorsiening wanneer u die betaling aanstuur Alle betalings wat ons ontvang sal toepaslik gekrediteer word, eerstens om uitgawes te dek wat ons moes aangaan om die bedrag wat u ons skuld te verhaal, daarna vir koste en fooie, daarna vir rente en laastens vir die bedrae van u transaksies As u 'n betaling per pos stuur, sal ons slegs daartoe verplig wees om u rekening te krediteer as ons die betaling by die kantore van ons Kaartafdeling in Johannesburg ontvang het. Die risiko dat betaling per pos onderskep word, verlore raak of gesteel word, bly u risiko totdat die betaling by die kantore van ons Kaartafdeling in Johannesburg ontvang word As 'n tjek in u rekening gedeponeer word, sal die tjek slegs in kontant beskikbaar wees as die uitreiker se bank die tjek verreken het ongeag die verrekkeningstydperk. Let asseblief daarop dat indien die tjek op u rekening beskikbaar gemaak word voor die tyd, mag ons steeds u rekening met die bedrag van die tjek debiteer asook vir enige rente indien die tjek gedishonoreer word. Maak nie saak wat die rede is nie. 12. Saldo oorplasings Ons mag u 'n geleentheid aanbied sodat u ander skuld na u begrotingsfasiliteit kan oorplaas Ons sal die bedrag wat oorgeplaas word (oorgeplaasde bedrag) en die rentekoers wat van toepassing is op die oorgeplaasde bedrag bepaal. Ons sal u in kennis stel wat die bedrag en die toepaslike rentekoers is wanneer die oorplasingsgerief vir u aangebied word Ons mag aan u 'n voorkeur rentekoers vir 'n ooreengekome tydperk aanbied, wat vir die oordrag sal geld as u alle terugbetalings betyds maak soos op u maandelikse staat aangedui. Indien u die oorplasingsbedrag voor die tyd klaar betaal sal die voorkeur rentekoers nie meer van toepassing wees nie Die bedrag wat na u rekening oorgeplaas word, sal op u maandelikse staat aangedui word Die bedrag waarop ooreengekom word sal in u genomineerde tjek- of FNB kredietkaart rekening oorgeplaas word. Dit is u verantwoordelikheid om die oorgeplaasde bedrag te gebruik om u verpligtinge na te kom U sal vir die sluiting van die rekening van waar die saldo oorgeplaas word verantwoordelik wees as u besluit om dit nie meer te gebruik nie. Die bedrag wat oorgeplaas word vorm deel van die beskikbare krediet op u begrotingsrekening Ons waarborg nie die tydperk waarin die oorplasing effektief sal wees nie. Daarom aanvaar ons nie verantwoordelikheid vir enige finansieringskoste wat mag ontstaan voor die bedrag oorgeplaas is na u begrotingsrekening nie. 13. Wysigings aan hierdie terme en voorwaardes 13.1 Ons mag, volgens ons uitsluitlike diskresie, enige tyd hierdie terme en voorwaardes wysig Ons sal u laat weet van enige wysigings, behalwe as u die ooreenkoms voor die effektiewe datum beëindig sal die nuwe wysings steeds bindend op u van toepassing wees.

4 13.3 As u nie met die wysigings saamstem nie, het u die reg om hierdie Ooreenkoms voor die effektiewe datum te beëindig. Dit beteken dat die voorsiening in Klousule 14.4 in werking tree. 14. Beëindiging van die Ooreenkoms 14.1 Ons mag volgens ons diskresie hierdie Ooreenkoms en u reg om die Kaart en u kredietgerief te gebruik beëindig en u inlig waarom ons dit doen. Dit sluit in as u enige verskuldigde bedrag nie betyds betaal nie, as u enige terme van hierdie Ooreenkoms verbreek, of as u boedel finaal of voorwaardelik gesekwestreer word of onder administrasie geplaas word Ons behou ook die reg om die ooreenkoms te beëindig en/ of u reg om die kaart en/of fasiliteit te gebruik sonder enige kennisgewing indien daar bedrog is, of as ons enige bedrog vermoed of as ons deur wetgewing verplig word om dit te doen U mag enige tyd hierdie ooreenkoms beëindig as u ons skriftelik laat weet Wanneer hierdie Ooreenkoms en/of u kredietfasiliteit en/of u reg om die Kaart te gebruik beëindig word, moet u die volle skuld onmiddellik betaal. U moet dan aan ons die volle uitstaande bedrag op u rekening betaal en die Kaart vernietig. Neem asseblief kennis dat wanneer u die Kaart vernietig, u die magnetiese strook en kaartnommer moet deursny sodat die Kaart nie weer gebruik kan word nie Selfs al is die Ooreenkoms beëindig, is ons steeds daarop geregtig om te vertrou op die regte verkry volgens hierdie Ooreenkoms voordat dit beëindig is. 15. Waar en hoe ons met mekaar in verbinding kan tree 15.1 Ons kan die nodige inligting van u rekening aan u pos, faks, e-pos, SMS of deur soortgelyke tegnologie aanstuur U maandelikse staat sal na die posadres of e-pos adres gestuur word wat u met u aansoek of tydens die duur van hierdie Ooreenkoms verskaf het U moet ons van u korrekte posadres of e-pos adres voorsien. Ons sal nie verantwoordelik wees as u maandelikse staat of ander inligting na die verkeerde adres gestuur word nie Indien u nie u maandelikse staat per e-pos wil ontvang nie, moet u ons daarvan in kennis stel Formele regsdokumente en dagvaardigings sal gestuur word na die woonadres soos op u aansoekvorm of tydens die duur van hierdie Ooreenkoms as u domicilium citandi et executandi U moet alle formele regsdokumente en dagvaardigings na die volgende adres stuur wat ons as ons domicilium citandi et executandi gekies het. FNB Regsafdeling, 1 First Place, BankCity, Johannesburg Indien enige van u adresse verander, moet u ons onmiddellik laat weet, per e-pos of deur ons Kaartafdeling te skakel by die telefoonnommer wat op u maandelikse staat aangedui word. U moet ook aan ons bewys lewer van u nuwe adres Daar sal aanvaar word dat enige korrespondensie wat ons aan u stuur u binne 14 dae bereik het nadat dit gepos is Daar sal aanvaar word dat enige korrespondensie wat aan u gefaks of per e-pos gestuur word, u dieselfde dag bereik het as waarop dit gestuur is. Indien dit 'n Saterdag, Sondag of Openbare Vakansiedag is sal daar aanvaar word dat u dit op die volgende werksdag ontvang het. 16. Toestemming tot inligting 16.1 U gee toestemming dat ons: 'n kredietondersoek op u kredietprofiel by 'n geregistreerde kredietburo mag doen wanneer ons die Kaartaansoek oorweeg; u betalingsgedrag enige tyd mag ondersoek deur u profiel by een of meer geregistreerde kredietburo's na te vors; die bestaan van u rekening en hoe u dit bestuur by een of meer kredietburo's kan laat ondersoek. Ander kredietverskaffers mag toegang tot hierdie inligting verkry as hulle u kredietaansoek by hulle oorweeg. 17. Inligting benodig 17.1 U mag inligting aanvra oor u kaartrekening deur skriftelike navraag of deur ons Kaartafdeling te skakel by die telefoonnommer soos op u maandelikse staat aangedui. 18. Woekerwet Nommer 73 van 1968, soos gewysig 18.1 Dit word vir doeleindes van Afdeling 3 van die Woekerwet aangeteken dat ten tye van die Ooreenkoms die volgende inligting nie bekend of bepaalbaar is nie: Die bedrag wat ons aan u leen; Die bedrag van die hoofskuld; Alle aard of bedrag van ander heffings; Die bedrag van die finansieringskoste soos in 'n jaarlikse finansieringskoers of ander heffings in Rand en Sente; Die aantal paaiemente, die bedrag van elke paaiement en die datum waarop elke paaiement betaalbaar is. 19. Ander belangrike bepalings 19.1 U moet ons inlig oor enige verandering in u finansiële status Ons mag enige bedrag wat ons aan u verskuldig is of as 'n krediet in enige rekening wat u met ons het, verreken teen enige bedrag wat u ons skuld U mag nie weier om enige bedrag ten opsigte van u rekening aan ons verskuldig te betaal nie of gronde van n ander eis wat u teen ons het nie As ons geregtelike stappe moet neem om wat u aan ons skuld te verhaal, sal een van ons bestuurders of amptenare 'n sertifikaat aan die Hof voorlê wat die bedrag sal aandui wat aan ons verskuldig is en dat hierdie bedrag verskuldig en betaalbaar is. As u nie met hierdie sertifikaat saamstem nie, sal u aan die Hof moet bewys dat die sertifikaat foutief is Indien ons koste moet aangaan om die skuld te verhaal sal u verantwoordelik wees vir alle regskoste, insluitende invorderings- en opsporingsgelde op 'n prokureur- en eie-kliënt grondslag, asook enige BTW daarop U stem daartoe in dat enige optrede wat teen u gedoen word om die bedrag te verhaal wat u aan ons skuld, in die Landdroshof mag dien, selfs al sal die bedrag van wat ons van u eis die jurisdiksie van die Landdroshof oorskry U moet ons onmiddellik laat weet as u onder administrasie geplaas word, bankrot verklaar word of as u enige ander wetlike probleem het As u boedel onder administrasie geplaas word, hetsy voorlopig of finaal, of as u sterf is die volledige bedrag wat u ons skuld onmiddellik betaalbaar Ons is volgens wet verplig om u persoonlike besonderhede, soos u huidige woonadres en kontakbesonderhede, gereeld op te dateer. Daarom sal ons gereeld hieroor met u in verbinding tree en u sal verplig wees om die inligting soos versoek aan ons te verskaf n Toegewing wat ons aan u mag maak sal nie ons regte volgens die terme en voorwaardes beïnvloed nie Hierdie ooreenkoms is aan Suid-Afrikaanse wetgewing onderhewig.

5 19.12 Hierdie terme en voorwaardes, soos dit van tyd tot tyd deur ons gewysig word, sal saam met enige aansoekvorm wat deur u onderteken is en enige inligting oor bykomende kaarthouers (indien van toepassing) of die aansoek inligting wat telefonies, per faks of e-pos aan ons verskaf is, met die ebucks program (indien van toepassing) en die terme en voorwaardes van die toegevoegdewaarde dienste verteenwoordig die volledige Ooreenkoms tussen ons en u Die opskrifte in hierdie Ooreenkoms sal nie die vertolking daarvan beïnvloed nie U is nie daarop geregtig om betaling uit te stel of te weier ten opsigte van u rekening nie op die grondslag dat u n navraag of n eis het ten opsigte van enige van die dienste verskaf in Afdelings C en D van hierdie Ooreenkoms nie. Afdeling B: Rekeningkoste en heffings 20. Finansieringskoste en fooie 20.1 Ons sal finansieringskoste, rekeningfooie en grootboekfooie vra en u rekening daarmee debiteer Die finansieringskoste, rekeningfooie en grootboekfooie is nie onderhandelbaar nie Die finansieringskoste kan rente insluit, bykomende finansieringskoste, fooie vir n geldleningstransaksie en fooie vir die invordering van skuld as u betalings nie op datum is nie Grootboekfooie is verwant aan die gebruik van die Kaart en mag insluit: 'n Jaarlikse kaartfooi, wat ons elke jaar of vir 'n gedeelte van 'n jaar bepaal, of u die kaart gebruik al dan nie. Die jaarlikse kaartfooi dek die koste van onder andere die volgende dienste wat ons aan u mag bied en wat soms kan verander: Maandelikse state; Kredietkaart produksie en vervanging; Kredietkaart aflewering en hantering (anders as persoonlike aflewering); Skryfbehoeftes wat verband hou met kaartaflewering soos kaartomslae; Skryfbehoeftes wat gebruik word om u PIN te pos; Verlore kaartbeskerming; Omvattende "Global algemene reisversekering wanneer u die kredietkaart gebruik om reisdokumente (openbare vervoer) in Suid-Afrika aan te koop; AA Noodgeval Padbystand wat outomaties by u Petrokaart ingesluit word; incontact die boodskapdiens wat u per SMS en/of e-pos in kennis stel van die transaksies op u kredietkaart rekening. Ander fooie verwant aan die uitreik en gebruik van die Kaart. 'n Fooi as u die kredietlimiet op die Kaart oorskry; 'n Fooi vir laat betaling, wat ons sal hef as u die rekening betaal nadat die betaaldatum verstryk het wat op die maandelike staat aangedui is Diensfooie mag die volgende insluit: 'n Kontantdepositofooi, wat gehef sal word wanneer u kontant in u rekening deponeer of u rekening met kontant betaal; OTM verwante fooie; Elektroniese bankdiensfooie; Koste vir valutatransaksies wat buite die Gemeenskaplike Monetêre Gebied plaasvind Let asseblief daarop dat dit nie alle fooie insluit nie. U kan n afskrif van ons prysgids by enige FNB-tak kry, of skakel die Kaartafdeling of besoek die webtuiste Fooie en koste word jaarliks hersien. Ons sal n volledige prysgids aan u stuur Fooie en koste wat teen u rekening gedebiteer is, is nie terugbetaalbaar nie en kan ook nie teruggeskryf word nie. Afdeling C: ebucks beloningsprogram ("die program") 21. U deelname aan die program 21.1 Ons is 'n verdienste vennoot van die program, wat u toelaat om die Kaart aan die program te koppel en ebucks op kwalifiserende transaksies te verdien Hierdie terme en voorwaardes moet saamgelees word met die terme en voorwaardes wat op die webtuiste gepubliseer is. As daar enige teenstrydighede tussen die twee is, sal die terme en voorwaardes van die ebucks.com webtuiste van toepassing wees Die program word besit, bedryf en bestuur deur New Bucks Operations (Edms) Bpk, wat as ebucks sake doen Om ebucks te verdien as u die Kaart gebruik, moet u die Kaart aan die program koppel Ons mag volgens ons diskresie enige Kaart insluit of uitsluit van deelname aan die program Deelname aan die program word onmiddellik beëindig sodra u rekening agterstallig raak. 22. ebucks verdienste 22.1 U sal ebucks op kwalifiserende transaksies verdien deur middel van aankoop transaksies op die Kaart. Dit is onderhewig aan klousule U kan ook ebucks met die Kaart koop of ebucks verdien deur enige van ons ander produkte wat u aan die program gekoppel het. U kan ook ebucks verdien deur ander ebucks vennote. Die besonderhede is beskikbaar by U sal nie op sekere transaksies soos van tyd tot tyd deur ons bekend gemaak ebucks verdien nie. Dit sluit in OTM transaksies, enige Internet- of elektroniese banktransaksies, brandstof en brandstof verwante aankope, aankope van reisigerstjeks en kontantonttrekkings, omdat hulle uitgesluit is van die program U sal nie ebucks verdien op finansieringskoste, diensfooie en grootboekfooie asook enige Regeringsheffings wat teen u rekening gedebiteer word nie Ons mag die ebucks verdienstemodel (dit is die bepaling van hoeveel ebucks u verdien vir elke Rand wat op kwalifiserende transaksies bestee word) verander. Ons sal u betyds hieroor inlig Ons mag ook volgens ons diskresie, 'n "besteding" op u rekening plaas. Dit beteken dat u kwalifiserende transaksies meer as dit moet wees voordat u ebucks kan verdien Ons sal die totale ebucks wat u verdien op die Kaart onder u rekeningprofiel op die ebucks webtuiste aandui. Dit sal die enigste rekord wees van ebucks wat verdien is. U kan ook die ebucks hulplyn skakel U moet seker maak dat die ebucks wat op u rekeningprofiel by verskyn korrek is. Verwittig ons skriftelik binne dertig (30) dae nadat ons die ebucks op u ebucks rekeningprofiel aangedui het indien daar n fout is Ons behou die reg om ebucks wat deur u gebruik van die Kaart opgeloop het, terug te skryf as die ebucks foutiewelik toegeken is of weens ongeldige transaksies opgeloop het.

6 22.10 Ons kan ook enige ebucks wat verdien is terwyl u rekening agterstallig is, terugskryf. 23. Besteding van ebucks 23.1 U mag u ebucks by 'n ebucks vennoot gebruik of by die ebucks winkel by U kan ook dit telefonies doen deur die ebucks hulplyn te skakel Wanneer u ebucks bestee sal u regstreeks 'n ooreenkoms met die betrokke vennoot aangaan en ons sal nie verantwoordelik wees vir enige skade wat u mag ly nie U mag u ebucks aan 'n ander ebucks lid oordra, maar ebucks mag nie in kontant omgeskakel word nie. 24. Wysigings aan die program se terme en voorwaardes 24.1 Ons mag die terme en voorwaardes van die program ten opsigte van u kredietkaart verander, maar sal u redelike kennisgewing van die veranderings gee Ons sal u van hierdie veranderings in kennis stel deur of 'n boodskap op u maandelikse staat, of op FNB en ebucks se webtuistes of deur die veranderde terme en voorwaardes aan u te stuur Die terme en voorwaardes mag ook deur ebucks verander word. Dit sal dan op die ebucks webtuiste gepubliseer word. 25. Beëindiging of opskorting van die program 25.1 Ons mag ons deelname aan die program met redelike kennisgewing aan u beëindig of opskort Indien dit gebeur sal u nie die ebucks wat u tot in daardie stadium verdien het verloor nie. 26. Geen fooi om u aan die program te koppel 26.1 ebucks is gratis omdat ons u nie n fooi sal vra of u rekening debiteer om u kredietkaart aan die program te koppel nie. Daar is ook nie aansluitingsfooie betaalbaar nie. Afdeling D: Toegevoegde Waarde Dienste 27. Omvattende Global Reisversekering (Outomaties ingesluit op die kredietkaart) 27.1 Opsomming van Voordele Hierdie is 'n opsomming van die terme, voorwaardes en uitsluitings van die Reisversekeringspolis Die Reisversekeringspolis is op ons webtuiste by beskikbaar of skakel die Global Reisversekering se hulplyn by sodat hulle dit vir u kan stuur Die voordele volgens die Reisversekeringspolis is outomaties beskikbaar as u 'n reisdokument (openbare vervoer) in Suid-Afrika met u kredietkaart aankoop Dit is ook beskikbaar as u reisdokumente in Suid-Afrika (of ander spesifieke lande soos uiteengesit in die Reisversekering) ten volle aankoop met u FNB Kredietkaart voordat u met reis gaan Die aanbod is net van toepassing as u n Suid-Afrikaanse burger is (of n burger van ander spesifieke lande soos uiteengesit in die Reisversekering) en jonger as 76 jaar is. Die reisdokumente moet ook in Suid-Afrika (of ander spesifieke lande soos uiteengesit in die Reisversekering) aangekoop word. Maak seker u kry n afskrif van die Reisdokumente voor u vertrek en dat u alles daarin verstaan Sekere kredietkaart produkte word uitgesluit as u die reisdokumente aankoop, maak dus seker watter produkte uitgesluit is As u tussen 76- en 85 jaar is kan ons aan u alternatiewe versekering gee Die voordele van die Reisversekering is beskikbaar aan kaarthouers tot en met die ouderdom van 75 (vyf en sewentig) jaar Die voordele onder die Reisversekeringspolis sal beskikbaar wees vir die eerste negentig (90) dae van u reis of tot wanneer u die finale bestemming bereik soos uiteengesit op u reisdokument watter een ook al eerste is International SOS (Edms) Bpk (International SOS) voorsien noodgeval bystand wanneer u in die buiteland reis. As u hulp nodig het, mag u met International SOS in verbinding tree by die telefoonnommer wat ons verskaf. U mag per kollekteeroproep met International SOS van enige plek in die wêreld in verbinding tree International SOS moet mediese uitgawes goedkeur soos dit gebeur Die voordele vir kinders onder sestien (16) jaar word onder die Persoonlike Ongeluk Afdeling van die Reisversekeringspolis beperk Die maksimum voordele betaalbaar vir enige een ongeluk of reeks ongelukke sal beperk word tot R (10 miljoen rand) per reisdokument wat gedebiteer is teen n geldige kredietkaart uitgereik deur FirstRand Bank Beperk (dit moet spesifiek deur die bank genomineer wees) Die maksimum voordele betaalbaar vir enige een ongeluk of reeks ongelukke in die Persoonlike Ongeluk afdeling sal beperk word tot vyf miljoen rand (R5 miljoen) per geldige kredietkaart uitgereik deur FirstRand Bank Beperk (dit moet spesifiek deur die bank genomineer wees) Die voordele word in die onderstaande tabel opgesom. Dit is onderhewig aan verandering waarvan u betyds ingelig sal word Mediese Toestande wat deur die Reisversekingspolis uitgesluit word Voorafbestaande siektes waarvoor u mediese raad of behandeling gekry het ses (6) maande voor die begin van die reis Kroniese, herhaaldelike of voortgesette siektes Akute of kroniese psigiatriese, sielkundige of emosionele toestande, selfmoord, self-toegediende beserings, alkohol, dwelmmiddels of misbruik van narkotika Hart, kardiovaskulêre, vaskulêr en serebro-vaskulêre siektes vir persone van vyf en sestig jaar (65) of ouer Fisioterapie en chiropraktiese onkoste van meer as een duisend Rand (R1 000), behalwe terwyl u in die hospitaal is Seksuele oordraagbare siektes Menslike Immuniteitsvirus ("MIV") en MIV-verwante siektes insluitende Verworwe Immuniteitsgebrek Sindroom (Vigs) en enige afleiding daarvan, hoe dit ookal veroorsaak is Swangerskap, kindergeboorte, vrugafdrywing, miskraam, of verloskundige prosedures Ander Uitsluitings onder die Reisversekeringspolis Handearbeid in n besigheid of ambag As u reis vir emigrasie-doeleindes is As u verlies, skade, afsterwe, besering, verminking of uitgawe veroorsaak is deur:

7 U deelname aan professionele sport of as 'n nasionale verteenwoordiger in mededingende sportbedrywighede is. U deelname aan gevaarlike bedrywighede, stokperdjies, belange of sportsoorte wat in die Reisversekeringspolis uiteengesit is; Oorlog, inval, dade van 'n buitelandse vyand, vyandigheid (hetsy 'n oorlog verklaar is al dan nie), dade van terrorisme, burgeroorlog, rebellie, rewolusie, oproer, militêre of wederregtelike magsoorname, siviele onrus of oproer. Enige bagasie eis wat nie by die polisie of die vervoermaatskappy gerapporteer is en waarvoor n skriftelike verslag nie gekry is nie. Bagasie / Persoonlike besittings enige enkele item meer as R1 000 (eenduisend rand). Kansellasie of opskorting weens weerstoestande. Aanspreeklikheid weens die gebruik of eienaarskap van enige meganies aangedrewe voertuig. Verlies van bagasie as dit nie opgepas is nie Eise vir behandeling deur homeopate, natuurlike genesers, refleksioloog of enige alternatiewe medisyne As u mediese onkoste aangaan vir reise oorsee om mediese behandeling te kry As u mediese onkoste aangaan nadat u reis voltooi is Let asseblief daarop dat geen gevolglike verliesdekking op die Reisversekeringspolis beskikbaar is nie As u gebruik maak van vervoermaatskappye wat nie gelisensieerd is om passasiers te vervoer nie. 28. AA Nood Padbystanddiens (Outomaties by die Petrokaart ingesluit) 28.1 Opsomming van voordele Die voordele van die AA Nood Padbystanddiens ("die voordele") is vir geldige Petrokaarthouers beskikbaar As u Petrokaartrekening agterstallig is, sal ons die voordele opskort totdat u rekening weer op n aanvaarbare vlak is Die voordele is van toepassing op motorvoertuie, viertrek-voertuie en ligte handelsvoertuie met 'n dravermoë van nie meer as 1.5 ton nie Die voordele is net in die Republiek van Suid-Afrika beskikbaar Die voordele is nie oordraagbaar nie Die voordele is slegs beskikbaar as die onklaarraking van die voertuig deur meganiese of elektriese foute veroorsaak word. As die voertuig in 'n ongeluk betrokke is, mag u ons AA oproepsentrum kontak, maar alle koste wat deur die AA aangegaan word, sal vir u eie rekening wees Hoe die voordele werk Die voordele moet slegs deur ons aangewysde AA oproepsentrum se telefoonnommer gereël word Die AA sal die voertuig na die naaste herstelsentrum sleep. Sleepvoordele is tot 'n maksimum van vyf honderd Rand (R500) beperk As die onklaarraking meer as honderd (100) kilometer van u tuiste voorkom, sal die AA een van die volgende koste tot 'n maksimum van vyf honderd Rand (R500) dra: Motorhuurkoste aan 'n goedgekeurde verhuurder vir koste wat u aangaan om u bestemming of tuiste te bereik; of Alternatiewe verblyf; of Repatriasiekoste vir u om u voertuig af te haal Indien die gehuurde motor vir 'n langer tydperk gehou word as die aanvanklike tydperk wat deur die AA goedgekeur is, moet u 'n nuwe ooreenkoms met die motorverhuringsmaatskappy vir die verlengde tydperk aangaan en u moet die ekstra koste betaal Die keuse van die gehuurde voertuig en verhuringsmaatskappy is aan beskikbaarheid onderhewig. Motorverhuring is aan al die vereistes van die motorverhuringsmaatskappy onderworpe, insluitende deposito's vir afstanddoening van ongelukskade, versekering en brandstof Verblyf- of repatriasievoordele is beskikbaar slegs as die onklaarraking meer as honderd (100) kilometers van u huis of normale adres gebeur Die keuse van hotelverblyf is aan beskikbaarheid onderhewig. Die AA sal slegs vir verblyfskoste verantwoordelik wees. U moet voor u vertrek regstreekse betaling aan die hotel maak vir ekstra koste soos wasgoed, mini-kroegverbruik, video's en etes Die AA sal betaal vir slotmakerdienste tot twee honderd en vyftig Rand (R250) as u sleutels in u voertuig toegesluit is. Die AA sal nie betaal vir slotmakersdienste om slotte te herstel en te vervang, aansitskakelaars of vir die maak van sleutels nie Die AA sal nie vir bergingsgelde, vervangingsonderdele of hul vervoer, voertuigherstelwerk, koste vir hulp wat deur u gereël is of koste vir hulp wat deur 'n privaat persoon gelewer is, betaal nie Ander belangrike inligting Die AA aanvaar geen verantwoordelikheid vir verlies of skade aan die voertuig of enige van sy onderdele of bykomstighede terwyl dit alleen gelaat is, of terwyl dit in die sorg of onder die beheer van enige kontrakteur of motorhawe of sy werknemers of enige ander persoon is nie Die AA sal hulp op enige moontlike manier verleen om dispute met AA aangestelde kontrakteurs op te los, waar verlies of skade ontstaan het terwyl die voertuig in die sorg of onder die beheer van hierdie kontraktreurs was Waar die voertuig ingesleep moet word, aanvaar die AA geen verantwoordelikheid vir die veilige bewaring of vervoer van die vrag nie. Dit moet van die voertuig verwyder word voordat die sleepwerk in aanvang neem Die AA behou die reg voor om enige diens of voordeel te weier waar die AA se diens misbruik word, bedrog voorgekom het of as dit nie langer geldig is nie. 29. incontact (Opsionele diens beskikbaar op die Kaart) 29.1 incontact is 'n boodskapdiens wat u op die hoogte hou met die finansiële transaksies op u rekening U sal bevestiging per SMS en/of e-pos ontvang van deposito's op u rekening, elektroniese oorplasings, onttrekkings en aankope. Dit word gestuur na 'n selfoonnommer of e-pos adres van u keuse U moet toesien dat ons altyd u korrekte selfoonnommer of e-pos adres het Ons sal nie verantwoordelik wees as 'n SMS en/of e-pos na die verkeerde nommer of adres gestuur word as u nie u rekords met ons op datum hou nie. Stel ons dus dadelik in kennis as u persoonlike besonderhede verander Ons kan nie die akkuraatheid of tyd van 'n SMS en/of e-pos boodskap waarborg nie, omdat dit deur buite diensverskaffers gedoen word Hoewel ons alles moontlik sal doen om die integriteit en inhoud van enige SMS en/of e-pos boodskap te verseker, sal u maandelikse staat die enigste ware rekord van u rekening se transaksies wees.

8 Omvattende "Global" Reisversekering Tabel van Voordele Persone tot en met 75 jaar (nog nie 76 jaar nie) Limiet per reisdokument aangekoop Beskrywing Voordele Bybetaling Nood mediese uitgawes en verwante koste Nood mediese uitgawes - Plaaslik R R1 000 Nood mediese uitgawes - Internasionaal R R2 000 Oorlog of terrorisme Plaaslik R R1 000 Oorlog of terrorisme Internasionaal R R1 000 Verwante uitgawes Mediese vervoer en repatriasie Besoek van familielid Terugkeer van kinders Terugkeer van reisgenoot Begrafnis, verassing en terugbring van menslike oorskot Hospitaal ongerief R200 per dag totaal van R3 000 Vooraf bestaande mediese dekking Vooraf bestaande mediese dekking (minimum vertragingstydperk 48 uur) R Vervoer en repatriasie Noodgeval bystand dienste Mediese verwysing Mediese monitor Noodgeval medisyne Ontruiming Repatriasie Terugbring van menslike oorskot Dringende boodskappe Verwysing van ambassade Noodgeval reis- en verblyfreëlings Regshulp Borgtog Terugkeer in die geval van sterfte of sterfte van naby familielid Verlore reisdokumente Kontantvoorskotte Ingesluit in vooraf bestaande mediese dekking Ingesluit in begrafnis, verassing en terugbring van menslike oorskot Ingesluit in regsonkoste Ingesluit in verlies van kontant en/of reisdokumente Persoonlike ongeluk Voordeel Bybetaling Persoonlike ongeluk - op openbare vervoer R Persoonlike ongeluk nie op openbare vervoer nie R Persoonlike ongeluk - weens oorlog of terrorisme R Kansellasie en opskorting Kansellasie R R500 Opskorting R R500 Reisvertraging Reisvertraging (minimum tydperk 12 uur) R2 000 Persoonlike aanspreeklikheid R Kaping, gyselaar of onregmatige aanhouding Voordeel per dag R750 Maksimum voordeel R Regsonkoste R5 000 Vervanging van personeel R Bagasie Bagasie R3 000 R500 Maksimum versekerde waarde per item R1 000

9 Bagasievertraging (minimum tydperk 12 uur) R2 000 Verlies van kontant en/of reisdokumente R1 500 R500 Die boonste tabel is nét n opsomming van die vernaamste kenmerke van die Reisversekering. Dit is u verantwoordelikheid om n afskrif van die volledige Reisversekering voor u vertrek te lees. Die terme, voorwaardes en uitsluitings van die Reisversekering is beskikbaar by of u kan die "Global" Reisversekering Hulplyn skakel sodat dit aan u gestuur kan word. Definisies wat in hierdie ooreenkoms gebruik is " toegangskanaal " beteken enige vorm van toegangstegnologie wat die Internet of mobiele telefoontegnologie of Interaktiewe Stem Respons (ISR) insluit. " rekening " beteken die kredietkaart- of Petrokaartrekening (soos van toepassing) wat deur ons in u naam of die bykomende kaarthouer se naam oopgemaak is. " bykomende kaarthouer " beteken die persoon deur u genomineer aan wie daar 'n bykomende kaart uitgereik is, op u verantwoordelikheid. " OTM " beteken 'n Outomatiese Tellermasjien. "Prokureur-en-eie kliënt" beteken die fooie wat 'n kliënt instem om te betaal aan sy prokureur vir dienste gelewer in 'n regsaangeleentheid. " AA " beteken die Automobiel Assosiasie van Suid-Afrika. " kaart " beteken 'n Visa kredietkaart of Visa Electron kredietkaart of Petrokaart wat deur ons aan u uitgereik is. " kredietkaart " beteken 'n Visa kredietkaart of 'n Visa Electron kredietkaart wat deur ons uitgereik is. " kredietkaartskema " beteken die kredietkaartskema wat deur FirstRand Bank Beperk bedryf word. " Gemeenskaplike beteken Suid-Afrika, Namibië, Lesotho en Swaziland. Monetêre Gebied " FNB beteken First National Bank, n Afdeling van FirstRand Bank Beperk. " permanente ongeskiktheid " beteken mediese ongeskiktheid in so n mate dat u na rehabilitasie of opleiding steeds nie met u huidige of n soortgelyke beroep kan voortgaan nie. " Petrokaart " beteken 'n Petrokaart wat ons aan u uitreik. " PIN " beteken die Persoonlike Indentifikasie Nommer wat aan 'n kaart gekoppel is. " aankooptransaksie " beteken die transaksiebedrag wat deur 'n verskaffer van goedere en dienste gevra word vir die aankoop deur die gebruik van die Kaart. Standalone Petrokaart beteken n Petrokaart wat ons aan u uitreik en wat gekoppel is aan `n afsonderlike Petrokaart wat in u naam is. " Reisversekeringspolis " beteken die Reisversekeringmeesterpolis wat aan ons uitgereik is, sodat ons reisversekering vir ons kaarthouers kan bied. " Wet " beteken die Woekerwet Nommer 78 van 1968 soos gewysig. " Visa " beteken Visa International Services Association. " ons " beteken FirstRand Bank Beperk, 'n geregistreerde bank, registrasienommer 1929/001225/06. " u " beteken die kaarthouer aan wie ons die Kaart uitgereik het. Datum van publikasie: 1 Mei 2007 FirstRand Bank Beperk voldoen aan die Kode van Bankpraktyke First National Bank n afdeling van FirstRand Bank Beperk. n Gemagtigde Verskaffer van Finansiële Dienste.