BETAALSTROKIE : LENINGS MET RENTE

Transcriptie

1 BETAALSTROKIE : LENINGS MET RENTE Lenings wat aan werkers gegee word se terugbetalings-paaiemente kan deur middel van die betaalstelselsel van hul vergoeding verhaal word. Indien 'n paaiement met die volgende betaalstrokie reeds afgetrek moet word, is die regte prosedure om eers die lening te laai en daarna die betaalstrokie te skep. Berekening van rente: In AfriKlok word daar voorsiening gemaak vir die berekening van rente op lenings wat toegestaan word. Met die gebruik van die opsie om rente op lenings te hef, is dit belangrik om van die volgende kennis te neem: 1. Rente word per jaar bereken. Vir eerste lenings sal die aantal dae vanaf die toestaan van die lening, tot die einddatum van die betaalstrokie gebruik word om die renteberekening te doen. Die formule is dan: Aantal dae x rentekoers 365 x Uitstaande bedrag Vir die berekening van rente op die daaropvolgende strokies sal die aantal dae vanaf die begindatum van die nuwe strokie tot die einddatum van die betaalstrokie gebruik word om die renteberekening te doen. 2. Dit is belangrik om te onthou dat daar sekere wetsbeperkings is met betrekking tot die hef van rente. n Werkgewer mag nie meer as 100 lenings of n maksimum van R500,000 op enige stadium uitstaande hê nie. Indien n werkgewer hierdie beperking oorskry, sal die werkgewer verplig wees om as Kredietverskaffer te registreer. 3. Daar is ook n beperking op die persentasie rente wat gehef mag word. Die formule daarvoor is: (Repo koers in enige gegewe tyd x 2.2) Skep van lenings: Om 'n lening te skep, volg die volgende stappe: 1. Kliek op die Hoofskerm op: Betaal. 2. Kies uit die opsies in die geel blok: Lenings/Spaar. 3. Kies uit die opsies aan die regterkant in pienk/blou: Lenings.

2 4. 'n "Lening"-skerm word vertoon. Kliek heel onder op: Voeg by. 5. 'n Skerm maak oop waar nuwe lenings bygevoeg kan word. Voltooi die velde soos benodig: 6. Die begindatum van die lening moet sorgvuldig voltooi word. Maak seker dat die datum binne die periode van die strokie val waarin die paaiement reeds verhaal moet word. As die betaalperiode 27/07 26/08 is, moet die leningsdatum binne hierdie periode val. Sou die lening ingelees word vir 27/08, sal die lening eers in die daaropvolgende periode verhaal begin word. 7. Vir die terugbetalingsmetode kan 'n aantal terugbetalings, alternatiewelik 'n vaste paaiement gespesifiseer word. 8. Dui die maksimum terugbetalings-bedrag aan. Dit beteken dat, waar daar meer as een lening vir n werker gegee word, sal die totale terugbetalings-bedrag op sy / haar betaalstrokie nie groter as die gespesifiseerde maksimum wees nie. 9. Dui ook die rentekoers aan wat op die uitstaande lening bereken moet word:

3 10. Kliek onder op: OK. 11. Die terugbetalings-bedrag sal op die volgende betaalstrokie verskyn en die balans sal op elke daaropvolgende strokie verminder. 12. Waar n werker meer as een lening het, kan verskillende rentekoerse gehef word, en sal dit dienooreenkomstig so op die werker se strokie aangedui word. 13. Na vereffening van die finale paaiement, sal die transaksie outomaties nie herhaal nie. 14. Waar werkers tussendeur 'n addisionele kontant-afbetaling op sy lening/lenings maak, moet hierdie tussentydse transaksie ingelees word onder die opsie wat lees "Tussentydse leningstransaksies", sodat die balans dienooreenkomstig verminder word: 15. Waar werkers versoek dat 'n addisionele bedrag, bo en behalwe sy normale paaiement, aan die einde van 'n spesifieke maand van sy salaris verhaal moet word, moet die terugbetalings-bedrag daardie maand dienooreenkomstig op die betaalstrokie verander word.

4 16. Lenings wat gefinaliseer is, sowel as lenings wat afgeskryf is, se geskiedenis sal beskikbaar wees. Druk detail van rente op strokies: Die detail ten opsigte van die rente op elke lening kan ook op die strokies gedruk word. Die opsie om detail op die strokies te druk, moet vooraf geaktiveer word. Om dit te doen, volg die volgende stappe: 1. Kliek op die Hoofskerm op: Tabelle: 2. Kies uit die opsies in die geel blok: Lone-keuses. 3. Kies uit die opsies aan die regterkant in pienk/blou: Druk detail op betaalstrokies: 4. n Skerm maak oop wat lees: Druk detail op betaalstrokies. 5. Kies die tweede opsie bo-aan die skerm: Meer keuses.

5 6. Kies die opsie: Met die druk van betaalstrokies, het u n keuse om detail van leningstransaksies te druk. Kies: Ja. 7. Kliek op: OK (Skryf). 8. Die opsie om die detail van die leningstransaksies op die strokies te druk, sal nou geaktiveer wees.

6 9. Sien hieronder n voorbeeld van n strokie waar daar in hierdie spesifieke geval twee lenings aan die werker toegestaan is. Daar word 5% rente op die een lening gehef, en 3% op die tweede lening. Onder die Rente kolom word die R-waarde van die rente aangedui. In die heel regterkantste kolom onder Balans word die totale uitstaande bedrag van die lening, insluitend die rente, aangedui: