GEDRAGSREëLS VAN STELLENOORD

Transcriptie

1 GEDRAGSREëLS VAN STELLENOORD Hierdie huisreëls vervang alle vorige uitgawes Vir goedkeuring op die geskeduleerde Algemene Jaarvergadering 19 Augustus 2015 Navrae: Die sekretaris Wingerdlaan 16 Stellenoord 1

2 INLEIDING A B C D E F Die Uitvoerende Komitee (EXCOM) het die gedragsreëls van 16 November 1996, wat op 23 Augustus 2005 hersien is en tot hede gegeld het, hersien en aangepas om by veranderde omstandighede aan te pas, vir goedkeuring op die Algemene Jaarvergadering geskeduleer vir 19 Augustus Dié reëls is van toepassing, op alle inwonende en nie-inwonende lede van Stellenoord Huiseienaarsvereniging, die eienaar of direkteur wat erf no verteenwoordig, inwonende huurders van huise te Stellenoord, en hul eggenotes. Die term huisbewoner(s) verderaan in die dokument verwys in alle gevalle spesifiek na bogenoemde persone. Huisbewoners moet toesien dat hierdie reëls deur hulle gaste, tydelike besoekers, huishoudelike werkers, tuinwerkers en huisoppassers, waar van toepassing, nagekom word. Die oogmerk van hierdie reëls is om ʼn stigtelike, rustige en ontspanne gemeenskapsleefwyse te Stellenoord te bevorder. Optrede of gedrag wat die vrede versteur, of tot andere se ongerief mag lei, is nie aanvaarbaar nie. In die geval van ʼn oortreding van enige van hierdie reëls, mag die Uitvoerende Komitee, (EXCOM), na skriftelike kennis aan die oortreder, geregtelike opdrag gee om die nakoming van die betrokke reëls te verseker, en sal die Uitvoerende Komitee (EXCOM) geregtig wees om tersaaklike uitgawes van die oortreder te vorder. Geen aanspreeklikheid sal op die Stellenoord Huiseienaarsvereniging (SHV) of sy agente of enige van hulle werknemers rus nie, d.w.s. ten opsigte van enige verlies, skade of besering van watter aard ook al wat op die Huiseienaarsvereniging se eiendom voorkom nie. Die vrywaring hiervolgens vervat, is gebaseer op artikel 35(2)(a) van die Wet op Deeltitels van 1986, dog is dit onderhewig aan die voorbehoud dat sulke koste, verliese, uitgawes en eise nie veroorsaak moes gewees het deur male fide of growwe nalatige optrede of versuim deur die Huiseienaarsvereniging of sy verteenwoordiger nie. Alle reëls, en veranderinge daaraan, moet in ooreenstemming wees met enige Munisipale Bywet en Regulasies indertyd in werking. Nieteenstaande die wyse waarop die Klousules in hierdie Gedragsreëls saam groepeer of saamskakel, sal elkeen van hulle ʼn afsonderlike en selfstandige reël uitmaak, wat alleenstaande kan wees van al die ander klousules wat betref alle aspekte van sodanige klousule self. Gevolglik, ingeval een of meer van die klousules onafdwingbaar verklaar word, sal die oorblywende klousules ten volle van krag bly en geldig wees. Vir die doeleindes van hierdie reëls sal die term "klousule" alle subklousules insluit. 1. GEBRUIK VAN DIE EIENDOM 1.1 SLEGS VIR WOONDOELEINDES Inwoners mag nie self, of mag nie toelaat dat die wooneenhede vir professionele of besigheidsdoeleindes aangewend word nie, tensy uitdruklik daartoe deur EXCOM gemagtig en dan slegs onderhewig aan Munisipale bekragtiging. Nie meer as twee kwalifiserende persone per slaapkamer mag ʼn eenheid op permanente basis bewoon nie. 2

3 1.2 GERAAS Inwoners mag nie enige onnodige of buitensporige geraas deur radio s, hoëtrou-toestelle, TV's, musiekinstrumente of dergelike apparaat veroorsaak nie. Radio s, TV's en musiek moet asseblief tussen die ure 13:30 en 14:30 asook saans na 22:00 sagter gestel word. 1.3 WERKSWINKELS TUIS Elektriese en batteryaangedrewe kragapparate en gereedskap mag slegs op sodanige wyse dat dit nie ander persone verontrief nie, tussen 8:00 en 17:00, Maandae tot Saterdae gebruik word. Kragapparate mag nie op Sondae gebruik word nie. 1.4 SKAATSPLANKE, ROLSKAATSE EN FIETSE Die gebruik van skaatsplanke en rolskaatse, of soortgelyke apparaat, deur enige persoon word glad nie in strate, ingange en opritte toegelaat nie. Kinders onder die ouderdom van 12 jaar mag nie op Wingerdlaan (die geteerde straat) met fietse van enige soort ry nie maar hulle mag wel die geplaveide systraatjies aan weerskante van Wingerdlaan waar hulle woon vir die doel onder streng toesig gebruik 1.5 TOETERBLAAS Die opjaag van motorenjins en blaas van toeters, word, behalwe tydens ʼn noodsituasie, nie binne hierdie kompleks toegelaat nie. 2 ALGEMENE GEDRAG Die reg van elke individuele inwoner om sy/haar burgerlike regte in en op sy/haar eiendomsgebied uit te oefen word gerespekteer. Groepbehuising verg egter groter selfdissipline as wat andersins elders verwag sou word. Alle inwoners word dus versoek om te alle tye sy/haar bure se regte en voorregte te respekteer, en om hulle op sodanige wyse te gedra dat hulle nie tot andere se ongerief sal bydra nie. 3 HUISHULPE, VERSORGERS, TUINWERKERS EN ANDER WERKNEMERS Huishulpe en tuinwerkers, asook enige ander werknemers sal te alle tye onderworpe wees aan hierdie huishoudelike reëls Huishulpe en tuinwerkers, wat op ʼn gereelde grondslag in diens geneem word, moet by die SEKRETARIS van EXCOM geregistreer word. Afskrifte van ID-dokumente en permanente woonadres van werknemers word vir die doel benodig Inwoners is te alle tye verantwoordelik vir die optrede van hulle huishulpe, tuinwerkers of werknemers. Sodanige werknemers mag nie in die kompleks ronddwaal nie Enigeen van die voorafgenoemde werkers wat verlang om die toilet by die ingangshek te gebruik, moet deur die betrokke inwoner van toiletpapier voorsien word. 3

4 3.3 Geen eienaar of bewoner van ʼn eenheid mag die personeel van EXCOM versoek om ʼn persoonlike diens gedurende normale werksure te verrig nie. 4 BEHEER OOR VOERTUIE EN VERKEER 4.1 Binne die kompleks mag voertuie nie vinniger as 20km per uur bestuur word nie. 4.2 Strate en lane moet te alle tye toeganklik wees vir verkeer. Besoekers moet in aangewese parkeerareas parkeer. Motors wat buite gelaat word, moet te alle tye geparkeer word met die nodige inagneming van ander inwoners, en op sodanige wyse dat hulle nie die vrye vloei van verkeer, of toegang tot garage opritte, belemmer nie. 4.3 Voertuie mag onder geen omstandighede op grasperke of sykante van grasperke geparkeer word nie. 4.4 Beskadigde voertuie asook voertuie wat nie in algemene gebruik is nie, of waaruit olie of rem-vloeistof afdrup, of wat nie padwaardig is nie, mag nie op die gemeenskaplike area geparkeer word nie, behalwe vir sodanige kort tydperk soos skriftelik deur EXCOM vooraf goedgekeur. 4.5 Indien nie in gebruik nie, moet garage deure toegehou word. 4.6 Geen eienaar of bewoner sal toegelaat word om binne die kompleks ʼn voertuig te stroop of uitgebreide herstelwerk daaraan te doen nie. 4.7 Geen ongelisensieerde persoon word toegelaat om enige voertuig binne die kompleks te bestuur nie. 4.8 Voertuie swaarder as 5 ton word nie in die oord toegelaat nie, uitgesonderd op Wingerdlaan (die geteerde straat). 4.9 Inwoners moet vir die parkering van hul voertuie voorsiening maak. Die langtermyn parkering van een addisionele voertuig op die openbare parkeerplekke sal op aanvraag deur die UK oorweeg word Parkering van sleepwaens en karavane word nie op die openbare parkering en terrein toegelaat nie. Die korttermyn parkering van gaste se sleepwaens moet vooraf met die Sekretaris uitgeklaar word Die UK behou die reg voor om n voertuig vir die inwoner se rekening te verwyder indien nie aan 4.9, en 4.10 voldoen word nie. 5 DIERE 5.1 Slegs een hond per eenheid mag aangehou word met dié voorbehoud dat dit nie ʼn las vir die inwoners word nie. Teefhonde ouer as 9 maande moet gesteriliseer wees. Reunhonde ouer as 9 maande moet gekastreer wees. 5.2 Slegs een kat per eenheid mag aangehou word met die voorbehoud dat dit nie ʼn las vir die inwoners word nie. Wyfiekatte ouer as 9 maande moet gesteriliseer wees en mannetjieskatte ouer as 9 maande moet gekastreer wees. 4

5 5.3 Huisdiere word alleenlik buite ʼn omheinde privaat area van hulle eienaars toegelaat tot die gemeenskaplike gebiede indien hulle aan ʼn leiband en onder beheer is. 5.4 Eienaars is uitsluitlik verantwoordelik daarvoor om diere-ontlasting onmiddellik vanaf gemeenskaplike areas of omheinde privaat areas te verwyder. 5.5 Huisdiere wat deur besoekers in die Stellenoord kompleks gebring word, sal aan dieselfde reëls as dié van huiseienaars onderworpe wees. 5.6 EXCOM mag opdrag gee dat troeteldiere verwyder moet word indien bogenoemde reëls nie deur eienaars nagekom word nie. 6 GEBOUE EN PRIVAAT AREAS 6.1 INSTANDHOUDING VAN WOONEENHEDE Die buite-afwerking van alle wooneenhede sal deur EXCOM volgens ʼn vooropgestelde skedule, geverf word. Die onderneming geld egter slegs vir mure en houtwerk van die huis en bykomend die houtbalke en stutpilare, hetsy gemessel of van staal, by goedgekeurde motorafdakke of priële. Wat houtheinings (picket fencing) betref, word dit slegs geverf indien dit oorspronklik daar was. Nuwes en die wat met metaal vervang is, is uitgesluit. Ook alle U-PVC en alle aluminium, wat houtrame en houtdeure vervang, of selfs balke, en ook aluminium oor die algemeen soos bv. sonkappe en afdakke is nie ingesluit nie VERANDERINGS AAN GEBOUE Alle struktuur veranderings aan die buitekant van huise en geboue moet streng voldoen aan vereistes en moet goedgekeur word deur die Stellenbosch Munisipaliteit, nadat eers vooraf goedkeuring by EXCOM verkry is. Enige onwettige opgerigte struktuur of verandering moet binne 7 (sewe) dae, na kennis ontvang is, verwyder word. By gebreke daaraan sal EXCOM stappe neem om sodanige struktuur vir die eienaar se rekening te laat verwyder Enige aansoek om eksterne verandering of aanbouing op privaat grond moet skriftelik aan EXCOM gerig word. Aansoek om struktuur veranderings of aanbouings moet vergesel wees van ʼn duidelike verstaanbare sketsplan, gepaard met hoogte, lengte en breedte mates. EXCOM sal aan sodanige aansoek met die minste moontlike versuim aandag gee. Geen aanbouing of oprigting van strukture mag op gemeenskaplike grond gedoen word nie. Geen afskortings, skeidingsmure of houtheinings, tussen oopgedeeltes van erwe, mag die hoogte van 1.8m oorskry nie. Goedkeuring, vir die oprigting hiervan, moet in alle gevalle vanaf EXCOM en die direkte bure verkry word. 6.3 SONSKERMS 5

6 Sonskerms bokant vensters en bokant priële mag opgerig word slegs na vooraf goedkeuring deur EXCOM. Die soort en kleurskema daarvan moet esteties versoenbaar wees met die kompleks se algemene kleurskema en voorkoms. EXCOM se beslissing sal finaal en bindend wees. 6.4 STORMWATER EN RIOLE Blare en ander soort afvalmateriaal mag nie in stormwater- of rioolgate gegooi word nie, want dit kan blokkering en oorvloei van beide die gemeenskaplike gebied en sekere laagliggende eenhede tot gevolg hê. 6.5 RIOLERING. Vetterige afvalstowwe of kos mag nie in die rioolsisteem gegooi word nie want dit kan ernstige blokkering van die rioolstelsel tot gevolg hê. 7 TV LUGDRADE EN SKOTTELS Inwoners wat verlang om TV Antennas of skottels te laat installeer moet dit verkieslik binne die dakstruktuur laat aanbring. Antennas buite die dak van n eenheid word toegelaat slegs indien onbevredigende beelde opgevang word. Indien antennas en skottels aan die buitekant van geboue aangebring word, moet vooraf goedkeuring van EXCOM verkry word. 8 TUINE 8.1 GEMEENSKAPLIKE ASOOK PRIVATE GEBRUIKSGEBIEDE Slegs die grasperke en tuine van die gemeenskaplike gebied wat deur EXCOM of die Ontwikkelaar aangelê is, sal deur EXCOM onderhou word, en indien verlang word ook die klein grasperkies in die private gebiede, maar alleenlik ten opsigte van grassny. Privaat tuine wat met verlof van EXCOM op gemeenskaplike grond bedryf word, moet deur die inwoner self onderhou en natgelei word. 8.2 PARKAREA Geen privaat aanplantings mag sonder toestemming op die parkareas aangebring word nie. 8.3 TUINAFVAL. Kleiner hoeveelhede tuinafval vanaf normale tuin instandhouding kan in die Wheelies geplaas word. Vir groter hoeveelhede bv. na verwydering van plante, en kwaai terugsnoei van struike en bome word inwoners persoonlik verantwoordelik gehou om hulle eie tuinafval te verwyder. Dit mag ook NIE enige plek in die kompleks neergegooi word nie. Netjiese komposmakers mag gebruik word indien dit nie Stellenoord ontsier nie. 8.4 BOME Die aanplant of verwydering van bome kan slegs geskied nadat skriftelike goedkeuring van EXCOM verkry is. Daar sal veral gelet word op grootte, 6

7 skadu-area, wortelstelsel en bladwisseling. Mure en grense kom dus ook outomaties in gedrang. 7

8 8.5 WATER Die gemeenskaplike waterstelsel mag slegs deur die EXCOM tuinwerkers gebruik word. 8.6 MANGATE Mangate binne private gebruik areas moet nie met grond bedek word nie, en blombeddings moet rondom hulle ontwerp word, sodat daar maklike toegang te alle tye sal wees. 8.7 FAUNA EN FLORA Geen plant of blom mag gepluk word nie, en geen skade mag veroorsaak word aan die gemeenskaplike tuingebiede nie, tensy n besondere inwoner daardie gemeenskaplike tuingebied verryk het met bv. roosbome of blomstruike. Enige natuurlike fauna en flora (mits van toepassing) mag nie vernietig word, of verwyder of beskadig word op enige wyse, sonder EXCOM se skriftelike vooraf toestemming nie. 9 VERWYDERING VAN HUISHOUDELIKE AFVAL 9.1 Huishoudelike afval word eenkeer per week verwyder. Inwoners word aangemoedig om aan die Munisipaliteit se herwinningsprogram deel te neem. 10 HEFFINGS EN VERKOOP VAN EENHEID 10.1 HEFFINGS Die maandelikse heffing mag nie later as die laaste dag van elke maand betaal word nie. Aangesien betaling van heffings verpligtend is ingevolge elke eienaar se Koopkontrak, sal rekeninge plus rente op die 10de dag van die daaropvolgende maand aan inwoners, wat agterstallig geraak het, gestuur word. Dit is wenslik dat die huiseienaar 'n debietorder by sy/haar bank of bougenootskap sal voltooi, sodat Stellenoord Huiseienaarsvereniging se rekening by STELLENBOSCH, NEDBANK, nommer met die maandelikse heffing gekrediteer kan word. Indien die huiseienaar sou verkies om sy/haar heffing maandeliks persoonlik of elektronies by Nedbank in te betaal, tot krediet van die Huiseienaarsvereniging, moet gesorg word dat die korrekte verwysing op die depositostrokie opdrag aangedui word VERKOOP VAN ʼn EENHEID Die verkoper van ʼn eenheid sal aanspreeklik bly vir die betaling van alle rekeninge totdat oordrag van die eiendom deurgevoer is. ʼn Oordrag-uitklaringssertifikaat sal slegs uitgereik kan word nadat bevredigende reëlings getref is vir die betaling deur die verkoper se prokureur van alle rekenings tot en met die verwagte oordragsdatum. 11 KLAGTES EN VERSOEKE Alle klagtes en versoeke moet skriftelik aan EXCOM gerig word. Die brief kan in die 8

9 posbus by no.16 Wingerdlaan geplaas word. 12 NUWE EIENAARS EN HUURDERS 12.1 VERKOOP VAN EIENDOM DEUR EIENAAR Die onus rus op eienaars, wat hulle eenhede verkoop, om die koper van ʼn afskrif van hierdie reëls te voorsien wanneer sodanige verkoop finaal gesluit word. Dit sal te alle tye aanvaar word dat die nuwe eienaar in besit is van ʼn afskrif van hierdie reëls en dat hy/sy ten volle op hoogte is met die inhoud daarvan VERHURING VAN EIENDOM Die onus rus op eienaars wat hulle eiendom verhuur om hulle huurders te voorsien van ʼn afskrif van hierdie reëls, en dit by die huurder te benadruk hoe belangrik dit is om hierdie reëls na te kom Huurders moet ten minste 50 (vyftig) jaar oud wees, en EXCOM moet skriftelik in kennis gestel word, binne 14 dae na voltooiing van die huurkontrak, wat die huurder se volle name is, en hoe lank die tydperk van verhuring sal wees. 13 KENNISGEWINGS ʼn Eienaar of inwoner mag geen kennisgewing, plakkaat of advertensie hoegenaamd op enige deel van die gemeenskaplike eiendom of teen of op sy woonperseel plaas nie. Behalwe sekuriteitskennisgewings soos deur bv. ADT wat aandui dat die betrokke huis deur ʼn alarmstelsel beveilig word. 14 OPBERGING VAN ONTVLAMBARE MATERIAAL EN GEVAARLIKE PRAKTYKE ʼn Eienaar of inwoner mag geen ontvlambare materiaal of stowwe opberg nie, of geen gevaarlike handeling uitvoer of laat uitvoer nie binne of op sy private eiendom of op die gemeenskaplike eiendom nie. 15 BRANDVOORKOMING 15.1 Dit is wenslik dat elke huishouding homself toerus met n klein brandblusser, sodat vure wat binnenshuis per ongeluk ontstaan dadelik geblus kan word Geen papiere, kartonne of ander ontvlambare materiaal mag op die gemeenskaplike eiendom opgegaar of verbrand word nie, en ook nie op die private gebruik areas nie. 16 WASGOED. ʼn Eienaar of inwoner mag wasgoed op droogstaanders hang waar wasgoeddrade nie beskikbaar is nie en so plaas dat dit nie ʼn ontsiering is nie. Inwoners moet vooraf skriftelike goedkeuring vanaf EXCOM verkry om ʼn wasgoeddraad wat wel ontsierend is op te rig. 17 AFWESIGHEID VANAF HUISEENHEDE Daar word aanbeveel dat: 17.1 Inwoners hulle bure, in kennis stel van die tydperk van afwesigheid, hul 9

10 bestemming, en telefoniese kontaknommers Duplikaat huissleutels by bure gelaat word Indien inwoners oor ʼn alarmstelsel beskik hul bure vertroud gemaak word met die werking en beheer van die alarmstelsel en voorsien word van n afstand-beheereenheid. 18 DIE SWEMBAD EN SY OMRINGENDE AREA 18.1 Die swembad en swembadarea (erf no ) behoort aan die Stellenoord Huiseienaarsvereniging. Bogenoemde fasiliteite is bedoel vir die uitsluitlike gebruik van huisbewoners van Stellenoord, (soos uiteengesit op bl. 1, par A), hul eggenotes en hul gaste. Alle gaste van die huisbewoners wat die swembad gebruik moet deur die huisbewoner vergesel wees Huisbewoners en hulle gaste, insluitende kinders en kleinkinders, gebruik die swembad en swembadarea op eie risiko en is onderhewig aan die reëls wat aangebring op die hek en teen die muur van die aantrek hokkies van die swembad is. Ook klousule 7.9 van die konstitusie van die Stellenoord Huiseienaarsvereniging is van toepassing Die hek van die swembad moet te alle tye toegehou word om toegang deur kinders sonder toesig te verhoed. Die laaste persoon wat die swembadarea verlaat moet seker maak dat die hek stewig toegemaak is Alle kinders moet te alle tye deur die huisbewoners, of deur hulle ouers vergesel wees Kinders onder drie-jarige ouderdom word nie in die swembad toegelaat nie Tydens periodes van groter herstelwerk mag die swembad om veiligheid redes gesluit wees. Daar sal egter ʼn verduidelikende kennisgewing op die hek geplaas word Honde en ander huisdiere word nie binne die swembad area toegelaat nie Speletjies met balle of ringe word nie binne die swembad area toegelaat nie en so ook moet kinders beheer word en mag nie in die swembad rondhardloop, rond spring en mekaar jaag of skree nie. (Aandag word gevestig daarop dat die Versorgingsoord onmiddellik langs die swembad geleë is) Niemand word toegelaat om swembadtoerusting te hanteer of daarmee te peuter nie Die swembad area en die toilette moet netjies en skoon gehou word. Afval moet in die beskikbare houers geplaas word Swemmers word versoek om nie in slegs swemkostuum geklee, buite die swembad area te verskyn nie EXCOM, die HUISEIENAARSVERENIGING en geen werknemer van die Huiseienaarsvereniging kan aanspreeklik gehou word vir die veiligheid van enigiemand wat die swembad of die swembad area gebruik nie 10

11 19 TOEGANGSHEK 19.1 AFSTANDSBEHEERDERS VIR DIE OOPMAAK VAN DIE HEK. Afstandsbeheerders vir die oopmaak van die toegangshek word op bruikleen aan Stellenoord huiseienaars uitgereik, en dit bly dus die eiendom van die EXCOM. Elke huis ontvang een afstandsbeheerder gratis, maar eienaars / huurders kan skriftelik gemotiveerde aansoeke vir die leen van nog een of hoogstens twee apparate by EXCOM indien, wat dit dan op meriete sal oorweeg. Addisionele afstandsbeheerders sal slegs uitgereik word na betaling van n deposito, waarvan die bedrag deur EXCOM vasgestel sal word. Wanneer ʼn eienaar/huurder Stellenoord verlaat, moet alle afstandsbeheerders in sy/haar besit aan EXCOM terug besorg word, waarna enige deposito (waar van toepassing) terugbetaal sal word VOETGANGERSHEKKIE ʼn Sleutel van die hekkie is vir inwoners beskikbaar by die lid van EXCOM wat vir sekuriteit verantwoordelik is OOPMAAK VAN DIE HEK VANAF WOONHUISE Die hek se kontrolemeganisme waarmee dit vanaf ʼn woonhuis oopgemaak word, werk slegs met ʼn Telkom vastelynfoon. Selfone sal dus nie vir dié doel gebruik kan word nie. Druk op u huisfoon 9 vir voertuie 7 vir voetgangers vir die oopmaak van die sekuriteitshek, slegs nadat die identiteit van die besoeker vasgestel is. Inwoners asook besoekers moet binne of buite die hek wag totdat dit volledig toegemaak het alvorens hulle die hekarea verlaat. 20 ALGEMEEN 20.1 Geen vendusies of rommelverkopings mag op die gemeenskaplike eiendom of by die wooneenhede gehou word nie Geen vuurwapens of windbukse mag op die gemeenskaplike area, of op ʼn private gebruiksarea afgevuur word nie. 11

12 12