DORMER SKAAPTELERSGENOOTSKAP VAN SA. REëLS VIR DIE AANBIEDING VAN DORMER VEILINGS

Transcriptie

1 B l a d s y 1 DORMER SKAAPTELERSGENOOTSKAP VAN SA REëLS VIR DIE AANBIEDING VAN DORMER VEILINGS Inleiding 1. Dormer stoetveilings kan onder die volgende kategorieë geklassifiseer word: a. Produksie-, Promosie-, of Veeverminderingsveilings. Hieronder ressorteer ramveilings asook veilings van goedgekeurde vroulike diere met of sonder lammers. Meer as een teler mag saamspan om sulke veilings aan te bied. Die Nasionaleveiling ressorteer ook onder hierdie kategorie. b. Algehele Uitverkopings. Hierdie veilings het ten doel om stoetboerdery te staak, so ʼn teler se lidmaatskap sal dan binne drie maande na die veiling outomaties beëindig word, nadat daar aan die normale vereistes vir die beëindiging van lidmaatskap voldoen is. Indien omstandighede tydens die veiling of daarna verander sal die teler skriftelike vertoë met ʼn motivering aan die Raad moet rig ten opsigte van sy situasie. In sulke gevalle sal die Raad in samewerking met die betrokke teler ʼn bevredigende reëling tref. 2. Die Grondwet van die Dormer Skaaptelersgenootskap van SA bepaal dat alle veilings van stoetdiere deur sy lede, onder die beskerming van die Genootskap moet plaasvind. Onder Beskerming van die Genootskap 3. Die term Onder Beskerming van die Dormer Skaaptelersgenootskap van SA beteken dat die Genootskap die egtheid van die teel- en prestasiegegewens van die elke dier, soos in die amptelike katalogus verskyn, gekontroleer het en dat ʼn keurder van die Genootskap, nie langer as vyf (5) dae voor die veiling nie, elke dier geïdentifiseer en visueel geïnspekteer het vir veilingswaardigheid.. Die Genootskap kan egter nie verantwoordelikheid aanvaar as die verkeerde skaap opgeveil is of vir enige verborge gebreke, siektetoestand, vrugbaarheid en of dragtigheids-status van enige van die skape wat aangebied word nie. Algemene Veilingsreëls 4. Doen minstens drie (3) maande voor die veilingsdatum aansoek by die Genootskap vir die aanbied van u veiling op die aangehegte aansoek vorm. (Die rede daarvoor is om u te adviseer oor ʼn geskikte datum, met inagneming van gevestigde veilings en moontlike ander veilings wat ʼn invloed op mekaar kan hê). Gevestigde veilings voorsien u veilings datum jaarliks teen November vir die komende jaar.

2 B l a d s y 2 4. ALLE veilings waarop geregistreerde Dormers deur lede van die Genootskap aangebied word moet ʼn offisiële Stamboek katalogus in die vasgestelde Stamboek formaat hê. Laat asseblief twee weke toe vir die verwerking van die katalogus. Daarom moet u so beplan dat u aanvraag vir ʼn katalogus reeds 3 tot 4 weke voor u veiling aan die Genootskap gestuur is. Die Genootskap sal die konsep katalogus aan u stuur vir verifikasie van korrektheid, waarna dit deur die betrokke raadslid goedgekeur sal word. Slegs hierdie finale goedgekeurde katalogus sonder die rooi Draft opskrif mag gebruik word. 5. Die diere wat op die veiling aangebied word moet aan die volgende vereistes soos duidelik neergelê in die Grondwet van die Genootskap, voldoen: a. Slegs gekeurde SP ramme sal oorgedra word. NFR ramme moet as kudderamme aangebied word. Alle NFR diere moet op ʼn aparte katalogus soos voorsien deur SA Stamboek verskyn. b. Alle vroulike diere ouer as 10 maande moet reeds gekeur wees voor die druk van die veilingskatalogus. Daar mag sleg handelgedryf word met Hulpstamboek A diere nadat die betrokke dier reeds twee maal in die oorspronklike kudde gelam het. Indien u wel diere onder die ouderdom van 10 maande aanbied, moet die risiko ten opsigte van die keuring van sodanige dier aan die koper gekommunikeer word! c. Alle ooie twee jaar en ouer moes ten tye van die veiling reeds gelam het, sigbaar dragtig of dragtig gesertifiseer wees. d. Waar daar ooie met lammers aangebied word, kan die lammers die ooi diskwalifiseer as hulle prulfoute het en nie aan die minimum rastandaarde voldoen nie. Onthou ook dat die ramlammers van aanhangsel A en B ooie as NFR op die kuddeboek aangeteken is en dat hulle nie oorgedra kan word na die koper toe nie. NB! Kondig dit so aan op die veiling! Lammers mag nie ouer as 100 dae op die dag van die veiling wees nie en alle lammers reeds gebore tot voor die dag van die veiling moet reeds aangeteken wees by Stamboek. e. Die keurder van u keuse soos aangedui op u aansoek vir die aanbied van ʼn veiling, moet nie langer as vyf (5) dae voor die veiling nie, ʼn visuele inspeksie van al die diere soos op die katalogus uitvoer, om te verseker dat dit wel die regte diere soos in die katalogus is en dat die diere wel veilingswaardig is. Die keurder om die aangehegte verklaring te voltooi wat die oordagte sal vergesel. f. Die Vendurol met die nodige stawende dokumentasie moet Stamboek binne veertien (14) dae na afloop van die veiling bereik sodat die nodige oordragte gedoen kan word. (Maak asseblief seker dat die nodige stoet detail van die kopers daarop verskyn sodat die diere reg oorgedra kan word). g. Wollengte mag nie 30mm oorskry nie. n Wolgroei van 6-8 weke en met die masjien geskeer vertoon goed.

3 B l a d s y 3 h. Dit bly die verkoper se verantwoordelikheid om aanvaarbare reëlings te tref ten opsigte van vrugbaarheid en dragtigheid op die dag van die veiling. Die Genootskap gaan u nie voorskryf wat om te doen nie, dit bly u reputasie wat op die spel is. Addisionele reëls ten opsigte van Algehele Uitverkopings 7. Die volgende addisionele reëls geld vir Algemene Uitverkopings: a. Twee keurders wat aangestel is deur die Genootskap sal die keuring van die diere behartig in die week voor die veiling. b. Alle diere ouers as 10 maande in die week van die veiling moet reeds gekeur wees en sodanige keuringsvorms en dokumentasie moet in besit van die Genootskap wees voor die aanvang van die veiling. Waarna Gaan die Genootskap Kyk met die Goedkeuring van die Katalogus 8. Die Genootskap en betrokke raadslid wat die katalogus moet goedkeur doen dit aan die hand van die volgende kriteria: a. Beskik diere oor die nodige speendata? b. Het aanhangsel A diere reeds tweemaal gelam? c. Gaan die betrokke vroulike diere voor die ouderdom van 36 maande lam? d. Die algemene kontrolering van die egtheid van die telings- en prestasiegegewens van elke dier in die katalogus? 9. Die Genootskap en Stamboek behou die reg voor om oordragte van diere te wyer wat nie aan die bepalings van die Grondwet voldoen nie. Hier is dit uiters belangrik dat die nodige stawende dokumentasie die Vendurol ten opsigte van die volgende vergesel: a. Die nodige verklaring deur die keurder. b. ʼn Volledige Vendurol. c. Geboortekennisgewings van alle lammers wat tot op die dag van die veiling aangekom het. Slotgedagte 10. Hierdie veilingsreëls het ten doel om die ordelike oordrag van diere wat verkoop is op veilings te reguleer. Dieselfde riglyne geld vir die oordragte van alle uit die hand verkope. Die verkoop van diere bly ʼn transaksie tussen die koper en verkoper, waarvoor die Genootskap nie kan pa staan nie, maar slegs die verkoper! Die Genootskap behou

4 B l a d s y 4 die reg voor om enige kostes wat deur die nalatigheid en nie nakoming van die reëls van u die verkoper te verhaal! Geen katalogus sal aan enige teler voorsien word wat nie voldoen aan hierdie veilingsreëls nie.

5 B l a d s y 5 DORMER SKAAPTELERSGENOOTSKAP VAN SUID-AFRIKA AANSOEK OM N DORMER VEILING ONDER BESKERMING VAN DIE GENOOTSKAP AAN TE BIED. Ek,...in Andrew Jordaan my hoedanigheid as...van eienaar die... Top 3 Dormer kudde doen hiermee aansoek om ʼn Dormer veiling onder beskerming van die Dormertelersgenootskap van SA aan te bied. Plek van veiling:... Spekboomberg, Cradock Datum van veiling: Julie 2017 Soort veiling:... Stoet en Kudde Keurder:... Rodney Reyner Afslaersfirma:... Cmw Geskatte getal diere: SP Ramme SP Ooie Aanhangsel ooie Kudde ramme Kudde ooie Ek verklaar dat ek n afskrif van die reëls van die Genootskap met betrekking tot veilings onder beskerming van die Genootskap en Algehele Uitverkopings ontvang het, dit deeglik bestudeer het en dat ek my sonder voorbehoud aan die reëls sal onderwerp. Geteken te... Cradock op die... 4de dag van Mei 17 In teenwoordigheid van die ondergetekende getuie HANDTEKENING HANDTEKENING (EIENAAR/GEVOLMAGTIGDE) (GETUIE) GOEDGEKEUR/AFGEKEUR HANDTEKENING GENOOTSKAP

6 B l a d s y 6 DORMER SKAAPTELERSGENOOTSKAP VAN SUID-AFRIKA VERKLARING DEUR KEURDERS Ek/Ons,... Keurders Nommer/s:... Veiling:... wat plaasgevind het te... op die ʼn Keurder van die Dormer Skaaptelersgenootskap van SA verklaar hiermee dat ek: 1. ʼn Visuele inspeksie van al die diere soos op die katalogus uitgevoer het, om te verseker dat dit wel die regte diere soos in die katalogus is en dat die diere wel veilingswaardig is. (Nie langer as vyf (5) dae voor die veiling nie). Die keurder kan egter nie aanspreeklik gehou word vir diere wat om een of ander rede, buiten die visuele inspeksie vir veilingswaardigheid, nie oordraagbaar is nie. (Dit bly die verantwoordelikheid van die teler self). 2. Die inspeksie is wel uitgevoer op Die volgende regstellings en probleme is uitgewys aan die verkoper: Geteken te... op die... dag van In teenwoordigheid van die verkoper/teler HANDTEKENING 1 HANDTEKENING (KUERDER) (EIENAAR/GEVOLMAGTIGDE)... HANDTEKENING 2 (KUERDER)