PERSONEELADMINISTRASIEMAATREËLS (PAM)

Transcriptie

1 PERSONEELADMINISTRASIEMAATREËLS (PAM) B.5 DIE ADVERTERING EN VULLING VAN OPVOEDERPOSTE Advertering Die advertensie van vakatures vir opvoeders moet: selfverduidelikend en duidelik wees, en moet insluit: a) die minimumvereistes; b) die aansoekprosedure wat gevolg moet word; c) name en telefoonnommers van kontakpersone; d) die verkieslike aanstellingsdatum; en e) die sluitingsdatum vir ontvangs van aansoeke; toeganklik wees vir almal wat in aanmerking kan kom of belang stel om om sodanige pos(te) aansoek te doen; nie diskrimineer nie en moet in pas wees met die bepalings van die Grondwet van die Republiek van Suid-Afrika; en dit duidelik stel dat die Staat ʼn regstellende-aksie-werkgewer is Alle vakatures in openbare skole moet in ʼn staatskoerant, bulletin of omsendbrief geadverteer word, en die bestaan daarvan moet met behulp van ʼn advertensie in die 1 Hierdie dokument is deur FEDSAS vertaal. Die amptelike weergawe is slegs in Engels gepubliseer. 1 van 9

2 openbare media, sowel provinsiaal as nasionaal, bekend gemaak word. Die inligting wat in laasgenoemde advertensie verstrek word, sal insluit die kantore en adresse waar die staatskoerant, bulletin of omsendbrief beskikbaar is. Die staatskoerant, bulletin of omsendbrief moet ook aan alle opvoedkundige instellings in die provinsie gestuur word Opvoederposte sal in die nasionale en provinsiale media sowel as per omsendbrief aan alle skole in die betrokke provinsie geadverteer word, en daar sal boonop verseker word dat daar aan die bepalings van paragraaf hier bo voldoen word. 5.3 Sifting Die werkgewerdepartement sal van alle aansoeke ontvangs erken deur: alle aansoekers skriftelik van ontvangs in kennis te stel; duidelik aan te dui of die aansoek volledig is of nie; en aan te dui of die aansoeker aan die minimumvereistes vir die pos voldoen en of sodanige aansoek na die betrokke instelling verwys is Die werkgewerdepartement sal die aanvanklike siftingsproses hanteer om aansoeke van kandidate wat nie aan die posvereistes, soos dit in die advertensie uiteengesit is, voldoen nie uit te skakel Vakbondpartye in die raad sal by ʼn formele vergadering ʼn volledige verslag ontvang oor: 2 van 9

3 die name van opvoeders wat aan die minimumvereistes van die pos(te) ingevolge die advertensie voldoen; die name van opvoeders wat nie aan die minimumvereistes van die pos(te) ingevolge die advertensie voldoen nie; en ander tersaaklike inligting wat redelikerwys daarmee saamhang. 5.4 Kortlyssamestelling en onderhoude Onderhoudkomitees sal by alle opvoedkundige instellings met geadverteerde vakatures ingestel word Die onderhoudkomitee sal uit die volgende lede bestaan: Een departementele verteenwoordiger (wat die skoolhoof kan wees), as ʼn waarnemer en hulpbron Die hoof van die skool (indien hy/sy nie die departementele verteenwoordiger is nie), buiten ingeval hy/sy die aansoeker is Lede van die skoolbeheerliggaam, buiten opvoederlede wat om die geadverteerde pos(te) aansoek gedoen het Een vakbondverteenwoordiger per vakbond wat tot die provinsiale kamer van die Raad op Arbeidsverhoudinge in die Onderwys (RAVO) behoort. Die 3 van 9

4 vakbondverteenwoordigers sal waarnemers wees in die proses om die kortlys saam te stel, die onderhoude sowel as die samestelling van ʼn voorkeurlys Elke onderhoudkomitee sal uit eie geledere ʼn voorsitter en ʼn sekretaris kies Alle aansoeke wat aan die minimumvereistes en bepalings van die advertensie voldoen, sal aan die skoolbeheerliggaam wat vir daardie betrokke openbare skool verantwoordelik is, oorhandig word Die skoolbeheerliggaam is verantwoordelik vir die sameroeping van die onderhoudkomitee, en moet verseker dat alle tersaaklike persone/organisasies minstens vyf werksdae vooraf van die datum, tyd en plek van die samestelling van die kortlys, onderhoude en die samestelling van die voorkeurlys in kennis gestel word Waar die skoolhoof ʼn aansoeker is, kan ʼn departementele amptenaar die skoolbeheerliggaam bystaan By die oorweging van die aansoeke moet die onderhoudkomitee verseker dat die beginsels van gelykheid, regstelling en verteenwoordigheid aan voldoen word en moet verder ook voldoen aan: (Artikel 6 (b) (i - v), EEA) Die demokratiese waardes en beginsels na verwys in paragraaf Die prosedures soos uiteengesit in paragraaf B Die minimum vereistes vir aanstelling ten opsigte van opvoedkundige kwalifikasies, statutêre en ervaringsleer vereistes soos uiteengesit in paragraaf Die verwysing in die Engelse weergawe is klaarblyklik n fout en moet n verwysing wees na paragraaf van 9

5 Prosedures wat sal verseker dat die aanbeveling nie verkry word deur middel van onbehoorlike invloed op die lede van die SBL nie Die onderhoukomitee moet ook die volgende oorweeg: Die kurrikulêre vereistes van die skool Die werkgewer se verpligtinge teenoor dienende opvoeders Die kandidate op die kortlys vir onderhouddoeleindes behoort nie meer as vyf per pos te wees nie. ʼn Opvoeder wat vir ʼn tydperk van 12 of meer maande in die geadverteerde pos waargeneem het en daarvoor aansoek gedoen het, moet gekortlys word Die onderhoude sal volgens riglyne waaroor daar ooreengekom is, gevoer word. Die partye in die provinsiale kamer sal gesamentlik oor hierdie riglyne ooreenkom Alle kandidate met wie daar onderhoude gevoer word, moet gedurende die onderhoude dieselfde behandel word Ná afhandeling van die onderhoude sal die onderhoudkomitee die kandidate in voorkeurvolgorde rangskik, en sodanige lys saam met ʼn bondige motivering by die skoolbeheerliggaam indien, vir die beheerliggaam se aanbeveling by die tersaaklike werkgewerdepartement. 5 van 9

6 Die beheerliggaam moet, nadat verseker is dat daar aan al die beginsels en prosesse in paragraaf 5.4 voldoen is, hulle aanbeveling, in hulle voorkeurvolgorde, by die HOD indien wat Ten minste drie name van die aanbevole kandidate; of Minder as drie kandidate in overleg met die departementshoof. (Artikel 6 (c), EEA, 1998) 5.5 Aanstelling Wanneer die departementshoof die aanbevelings na verwys in paragraaf oorweeg, moet hy / sy, alvorens die aanstelling gemaak word, verseker dat die SBL aan die vereistes vervat in paragraaf voldoen Indien die SBL nie aan die vereistes vervat in par voldoen het nie moet die departementshoof die aanbevelings verwerp Ten spyte van die voorkeur volgorde (paragraaf ) kan die departementshoof, onderhewig aan par 5.5.1, enige geskikte kandidaat op die lys aanstel. Indien die departementshoof n aanbeveling verwerp, moet hy / sy Al die aansoeke vir die pos oorweeg; Voldoen aan die vereistes in paragraaf 5.4.7, en ʼn geskikte tydelike kandidaat aanstel of die pos her-adverteer. 6 van 9

7 5.5.4 Die SBL mag teen die departementshoof se besluit om ʼn tydelik aanstelling te maak na die LUR appelleer Die appèl moet binne 14 dae na ontvangs van die kennisgewing van aanstelling ingedien word Die LUR moet die appèl binne 30 dae finaliseer Indien geen appèl binne 14 dae ingedien word nie, kan die departementshoof die tydelike aanstelling omskep in 'n permanente aanstelling soos beoog in paragraaf (Artikel 6 (d - k), EEA) Die werkgewer sal alle onsuksesvolle kandidate skriftelik in kennis stel binne agt weke na die aanstelling gemaak is. 5.6 Kortlyssamestelling en onderhoude (kantoorgebaseerde opvoederposte) Die DG/HOD sal onderhoudkomitees saamstel vir die kortlysting en onderhoude van opvoederposte Die Voorsitter moet ten minste een posvlak hoër wees en lede van die komitee moet die ekwivalente wees van 'n hoër posvlak / posisie as die pos waarvoor die kortlysting gedoen word en die onderhoude gevoer word Een unie verteenwoordiger per vakbond wat ook 'n lid van die RAVO is moet genooi word om as waarnemer op te tree. Die vakbondverteenwoordigers sal as waarnemers optree by die kortlysting, onderhoude en die opstel van 'n voorkeurlys. 7 van 9

8 5.6.4 Alle aansoeke wat aan die minimum vereistes en bepalings van die advertensie voldoen moet aan die verantwoordbare onderhoudkomitee oorhandig word Die werkgewerdepartement is verantwoordelik vir die sameroeping van die onderhoudkomitee en moet verseker dat alle betrokke persone / vakbonde ten minste 5 werksdae voor die datum, tyd en plek vir die kortlysting, onderhoude en die opstel van die voorkeurlys daarvan in kennis gestel word By die oorweging van die aansoeke moet die onderhoudkomitee verseker dat die beginsels van gelykheid, regstelling en verteenwoordigheid aan voldoen word en moet verder ook voldoen word aan: Die demokratiese waardes en beginsels na verwys in paragraaf Die prosedures soos uiteengesit in paragraaf B Die minimum vereistes vir aanstelling ten opsigte van opvoedkundige kwalifikasies, statutêre en ervaringsleer vereistes soos uiteengesit in paragraaf Prosedures wat sal verseker dat die aanbeveling nie verkry word deur middel van onbehoorlike invloed op die lede van die SBL nie Die kandidate op die kortlys vir onderhouddoeleindes behoort nie meer as vyf per pos te wees nie. ʼn Opvoeder wat vir ʼn tydperk van 12 of meer maande in die geadverteerde pos waargeneem het en daarvoor aansoek gedoen het, moet gekortlys word Die onderhoude sal in ooreenstemming met die ooreengekome riglyne gevoer word. 8 van 9

9 5.6.9 Alle kandidate met wie daar onderhoude gevoer word, moet gedurende die onderhoude dieselfde behandel word Ná afhandeling van die onderhoude sal die onderhoudkomitee die kandidate in voorkeurvolgorde rangskik, en sodanige lys saam met ʼn bondige motivering by die relevant lyn funksionaris (skoolbeheerliggaam) indien. Laasgenoemde moet verseker dat die onderhoudkomitee aan die vereistes soos uiteengesit in par B.5 voldoen het Indien die voorgeskrewe bepalings en prosedures nie aan voldoen is nie, moet die aanbeveling terugverwys word na die onderhoudkomitee om reggestel te word alvorens die aanbevelings aan die DG/HOD gestuur word. 5.7 Aanstellings (kantoorgebaseerde opvoederposte) Die DG / HOD moet die aanbeveling vir goedkeuring oorweeg Die werkgewer sal alle onsuksesvolle kandidate skriftelik in kennis stel binne agt weke na die aanstelling gemaak is. 5.8 Rekords Die werkgewer moet toesien dat akkurate rekords gehou word van verrigtinge wat te doen het met onderhoude, besluite en motiverings met betrekking tot die voorkeurlys wat deur skoolbeheerliggame en ander sodanige strukture ingedien word. 9 van 9