VERBRUIKERSBESKERMING 1 OORSIG EN ADVERTENSIES Die wet op

Transcriptie

1 JY EN JOU GELD Deur Jaco en Susan Fouche VERBRUIKERSBESKERMING 1 OORSIG EN ADVERTENSIES Die wet op Verbruikersbeskerming het op 1 April 2011 in werking getree. Dit behoort vir ons as gebruikers tot redding te wees. Oor die volgende paar artikels gaan ons na van die belangrikste hulpmiddels en gevolge in terme van die nuwe wetgewing kyk. Daar is nog min geskryf oor die interpretasie van die wet en lesers moet dus daarop let dat die besprekings in die artikels hoofsaaklik die siening van die outeurs is. Die volledige regulasies tot die wet is beskikbaar by Die volgende regte van die verbruikers (wat eintlik ʼn plig op verskaffers plaas), word aangespreek in die wet: 1) Die reg tot gelykheid in die verbruikersmark; 2) Die reg op privaatheid; 3) Die reg om te kies; 4) Die reg op openbaarmaking van inligting; 5) Die reg op billike en verantwoordelike bemarking; 6) Die reg op billike hantering; 7) Die reg op billike, regverdige en redelike terme en voorwaardes; 8) Die reg op billike waarde, goeie gehalte en veiligheid; 9) Die reg tot verantwoording van die verskaffers. Die wetgewing is van toepassing op alle transaksies vir goedere en dienste en die verskaffing van enige goedere of dienste in die gewone loop van besigheid aan enige van sy lede deur 'n klub, die vakbond, assosiasies ensovoorts.

2 In die eerste artikel rondom die wet gaan ons veral aandag gee aan bemarking en hoe die bogenoemde wet dit raak. Die definisie van "advertensie" is wyd gestel. Die nuwe wet poog om die beste bemarking praktyke in die wet saam te vat. Daardie lastige telefoon oproepe en gemorspos Verbruikers se reg tot privaatheid word beskerm teen ongevraagde korrespondensie (dit sluit in SMS e, telefoon oproepe, briewe, e-posse ensovoorts). Die verbruiker kan die bemarker direk meedeel of n kennisgewing op, byvoorbeeld, die posbus plaas dat hy nie meer die korrespondensie wil ontvang nie. Verbruikers het die reg om direkte bemarking te blok of om te kies om dit nie meer te ontvang nie. Verskaffers MOET hierdie reg eerbiedig. Wanneer jy ʼn direkte bemarker inlig dat jy nie meer gekontak wil word nie, moet hulle op skrif bevestig dat hulle dit so aangeteken het. Verskaffers mag nie enige gelde vra om jou naam af te haal nie. Uit die regulasies blyk dit ook dat daar ʼn nasionale register gaan kom waar jy kan registreer en laat aanteken dat jy nie deur direkte bemakers gekontak wil word nie. Direkte bemarkers moet aanvaar dat sodanige blok bestaan tensy hulle bewys het dat hulle navraag gedoen het by die register of dat jy toestemming gegee het om gekontak te word. Verbruikers moet dus in die toekoms oplet na die fynskrif van kontrakte ensovoorts. Iewers gaan ʼn blokkie wees waar jy toestemming moet gee dat jy gekontak kan word vir direkte bemarking. Ons het al agter gekom dat dit baie keer outomaties ja gemerk is. Maar seker jy stel die saak sommer daar reg. Persone wat direkte bemarking doen mag ook nie verbruikers by hul huis kontak op Sondae, openbare vakansiedae of tussen 20:00 en 08:00 op weeksdae of voor 09:00 of na 13:00 op Saterdae nie. Laastens mag direkte bemarkingsooreenkomste binne ʼn afkoeltydperk van 5 besigheidsdae gekanselleer word sonder dat redes verskaf hoef te word of dat enige boetes betaal hoef te word. Enige gelde reeds betaal moet binne 15 dae deur die verskaffer terugbetaal word.

3 Jammer, maar die geadverteerde produkte is uitverkoop Bemarking mag nie persone mislei ten opsigte van prys, aard ensovoorts as dit nie werklik beskikbaar is om te verkoop nie. Indien dit geadverteer word en nie beskikbaar is nie moet die verskaffer die verbruiker ʼn soortgelyke produk teen dieselfde geadverteerde afslag prys bied. Waar beperkings op die aantal items geld moet dit vooraf gekommunikeer word. As jy dit nie wil hê nie, moet jy dit terugstuur, anders moet jy betaal Die mees algemene voorbeelde van die praktyke in die verlede is waarskynlik dié van boeke klubs. Waar verskaffers goedere aan verbruikers stuur sonder dat die verbruiker daarvoor gevra het mag daar nie outomaties aanvaar word dat as die persoon dit nie terugstuur nie, dat die persoon dan daarvoor verantwoordelik bly nie. Daar is geen verpligting op die betaal vir sulke goedere nie. Aankope uit katalogusse Waar items te koop aangebied word (byvoorbeeld in ʼn katalogus of oor die internet ensovoorts) en die goedere kan nie geïnspekteer word nie, moet volledige besonderhede van die verskaffer voorsien word tesame met die terugsendingsbeleid en -prosedures. Koepons en geskenkbewyse Koepons, geskenkbewyse en so meer mag nie aangebied word as die verskaffer nie die voorneme het om die produk of diens te lewer nie. Die stappe wat benodig word om die prys of produk op te eis moet ook bekend wees. Daar moet ook genoegsame hoeveelhede van die produkte wees. Die koepons mag ook nie binne 3 jaar verval nie. Ek onthou nog dat by ons skole atletiek byeenkomste jy altyd kaartjies moes koop en dit wat nie aan die einde ingeruil was nie, het dadelik verval.

4 Lojaliteistprogramme Die tipe programme waar jy punte verdien deur aankope, wat weer ingeruil kan word vir dienste of produkte het ʼn algemene gesig geword. Die voorwaardes van sulke programme moet duidelik uitgespel word asook die stappe wat gevolg moet word om krediet op te eis. Indien die voorwaardes of beskikbaarheid van produkte wat met die punte bekom kan word wysig, moet die verbruiker met 20 dae skriftelike kennisgewing daarvan ingelig word. Promosie kompetisies Besighede wat jou uitnooi om aan kompetisies deel te neem mag nie meer winste maak uit sodanige kompetisies nie. Die SMS koste van sodanige kompetisies mag ook nie meer as R 1.50 wees nie. Enige bepalings in die kompetisiereëls dat die wenner se naam op bemarkingmateriaal mag verskyn of dat die wenner teenwoordig moet wees by die trekking is ongeldig tensy die persoon die geleentheid gebied word om dit van die hand te wys. Verder moet ʼn onafhanklike rekenmeester of ouditeur oor die kompetisie toesig hou. Pryswenners mag ook volgens wet nie ʼn direkteur, vennoot, werknemer ensovoorts van die aanbieder van die kompetisie wees nie. Jy het ʼn prys gewen Ons kan nie meer onthou hoeveel pryse ons al gewen het vir kompetisie waarvoor ons nie ingeskryf het nie. Geen persoon mag jou nou meer kontak en noem dat jy ʼn prys gewen het indien: Daar geen kompetisie was nie; Jy nie werklik gewen het nie; Die opneem van die prys onderhewig is aan voorwaardes wat nie vooraf bekend gemaak is nie; Jy nog iets moet betaal of doen voordat jy die prys mag opeis nie. n Voorbeeld hiervan is die oproep wat jy ontvang om jou mee te deel dat jy n gratis vakansie gewen het (jy kan nie onthou dat jy vir enige kompetisie ingeskryf het nie). Jy moet egter na n aanbieding

5 kom luister en jy moet ook jou wederhelf saambring (sodat jy nie kan sê dat jy eers met hom of haar wil praat voordat jy teken nie). Verdien hope geld vanaf jou huis Die tipe advertensies is volop in koerante. Jy moet gewoonlik jou besonderhede saam met ʼn nominale bedrag en ʼn selfgeadresseerde koevert stuur na ʼn posadres. Geen verdere besonderhede word verskaf nie. Die nuwe wet bepaal dat onder andere die volgende besonderhede voortaan geopenbaar moet word: Die volle naam(besigheidsnaam) van die persoon, die adres en kontaknommers en Die aard van die werk of besigheid wat gedoen moet word. Die advertensies moet ook ʼn paragraaf (nie in fynskrif nie) bevat wat noem dat die getuienisse ens in die advertensie buitengewoon mag wees en die resultate nie gewaarborg is nie. Hou bietjie die advertensies dop en stuur vir ons voorbeelde van die sondebokke... Vir meer inligting oor vorige artikels of om kontak te maak gaan na sms na of e-pos na