PROTEA AFTREE-OORD HEUWELSIG. GEDRAGSREËLS [Artikel 35 (2) (b) van die Wet op Deeltitels, 1986]

Transcriptie

1 PROTEA AFTREE-OORD HEUWELSIG GEDRAGSREËLS [Artikel 35 (2) (b) van die Wet op Deeltitels, 1986] SOOS GEWYSIG 31 MAART 2005

2 1 GEDRAGREËLS PROTEA AFTREE-OORD HEUWELSIG 1. Nakoming van reëls 2. Gedrag 3. Pligte van eienaars en bewoners van eenhede/dele 4. Diere, reptiele en voëls 5. Vullisverwydering 6. Voertuie 7. Fietse ens. 8. Skade, veranderinge en verbeteringe aan die gemeenskaplike eiendom 9. Buite-voorkoms 10. Tekens en kennisgewings 11. Rommel 12. Wasgoed 13. Bewaring van vlambare stowwe en ander gevaarlike optredes 14. Verhuur van eenhede 15. Uitwis van plae 16. Tuinmaak, bome, struike en plante 17. Braaigeriewe 18. Kinders 19. Beperking van inwoning 20. Huishulpe, tuinhulpe en terreinwerkers 21. Sake-bedrywighede 22. Brandtoerusting 23. Swembad, ander sport en ontspanningsfasiliteite 24. Biblioteek 25. Heffings 26. Instandhouding: Elektriese en water toevoer 27. Sekuriteit 28. Vrywaring

3 2 WOORD OMSKRYWING 1. Eienaar - Deeltitelhouer 2. Inwoner - Lewensreg/Okupasiehouer, Huurder of Deeltitel-eienaar 3. Kinders - Onder 16 jaar

4 3 1. NAKOMING VAN REËLS 1.1 Hierdie reëls mag aangevul/gewysig/herroep word deur n besluit van die lede van die Regspersoon. 1.2 Enige sodanige verandering sal, indien dit nie teenstrydig met wette en regulasies is nie, van krag word sodra n toepaslike besluit geneem is en gesirkuleer is. 1.3 Dit is die plig van elke eienaar/bewoner om op hoogte van hierdie reëls te bly, dit na te kom en om te verseker dat hul kinders/besoekers/bediendes dit eweneens doen. Die Trustees kan enige skriftelike afwykings op sekere voorwaardes toegelaat, te enige tyd sonder opgawe van redes, herroep. 1.4 Nie-nakoming van hierdie reëls mag lei tot stappe deur die Trustees. 2. GEDRAG 2.1 Die waardigheid van die Protea Aftree-Oord Heuwelsig kompleks (hierna die kompleks genoem) moet ten alle tye gehandhaaf word. Geraas en algemene gedrag wat aan dié waardigheid afbreuk doen, is onaanvaarbaar. 2.2 Stilte moet tussen 12h00 en 15h00 en na 22h00 gehandhaaf word. 2.3 Radios, musiekinstrumente, platespelers of televisiestelle mag nie op die gemeenskaplike eiendom of aangrensende eenhede hoorbaar wees nie. 2.4 Vuurwapens/windbukse of vuurwerke mag nie binne die kompleks afgevuur word nie. 2.5 Stokperdjies of ander aktiwiteite wat vir enige inwoner steurend mag wees, word nie toegelaat nie. 2.6 Klagtes, probleme of algemene sake wat die kompleks of bewoners daarvan raak, moet skriftelik aan die Voorsitter van die Raad van Trustees gerig word. Volle besonderhede moet vermeld word. 3. PLIGTE VAN EIENAARS EN BEWONERS VAN EENHEDE/DELE 3.1 Statutêr en Algemeen Volgens en bo en behalwe sy verpligtinge ingevolge art 44 van die Wet (95 van 1986):

5 4 mag n eienaar/inwoner nie sy eenheid/deel, uitsluitlike gebruiksgebied of enige gedeelte van die gemeenskaplike eiendom gebruik of toelaat dat dit gebruik word op n wyse of vir n doel wat die reputasie van die kompleks kan skaad nie; mag n eienaar/inwoner geen wet, ordonnansie, verordening, proklamasie, statutêre reëlings of die voorwaardes van enige lisensie wat betrekking het of n uitwerking het op die bewoning van die kompleks of die gemeenskaplike eiendom of die dryf van sake in die kompleks of die titelvoorwaardes wat betrekking het op sy eenheid/deel, enige ander eenheid/deel, sy uitsluitlike gebruiksgebied of enige ander uitsluitlike gebruiksgebied, oortree of toelaat dat dit oortree word nie; mag n eienaar/inwoner geen veranderinge aanbring wat waarskynlik die stabiliteit van die kompleks of die benutting en gebruik van ander eenhede/dele, die gemeenskaplike eiendom of enige uitsluitlike gebruiksgebied sal benadeel nie; mag n eienaar/inwoner, wanneer die beoogde gebruik van n uitsluitlike gebruiksgebied, hetsy uitdruklik of by implikasie, op of deur n geregistreerde deelplan aangetoon word, nie sodanige uitsluitlike gebruiksgebied vir enige ander doel gebruik of toelaat dat dit aldus gebruik word nie: Met dien verstande dat sodanige uitsluitlike gebruiksgebied met die skriftelike toestemming van alle eienaars/inwoners vir n ander doel gebruik kan word; mag n eienaar/inwoner geen struktuur of verbetering aan die kompleks of op sy uitsluitlike gebruiksgebied oprig of aanbring sonder die vooraf verkreë skriftelike goedkeuring van die Trustees nie, welke goedkeuring nie onredelik weerhou mag word nie; moet alle eienaars/inwoners verantwoordelikheid neem vir binnenshuise verfwerk, instandhouding van hul eenhede en herstelwerk van watter aard ookal insluitende verf en onderhoud van huisafdakke: Met dien verstande dat, indien n verstopping in enige rioolpyp of waterpyp egter plaasvind, sal die koste van die verwydering van sodanige verstopping en herstel deur die beheerliggaam gedra word. Enige lampe of kragproppe wat aan die eenheid se elektriese stelsel gekoppel is ook die bewoner se verantwoordelikheid. moet n eienaar die Trustees onverwyld van n verandering in die eiendomsreg in sy deel en van n verband of ander handeling in verband met sy deel in kennis stel.

6 5 3.2 Bindende aard Die bepalings van hierdie Reëls en die pligte van n eienaar/inwoner met betrekking tot die gebruik en bewoning van eenhede/dele en gemeenskaplike eiendom is bindend vir die eienaar van enige eenheid/deel en enige huurder of ander bewoner van enige eenheid/deel ondanks andersluidende bepalings vervat in enige huurooreenkoms of die toestaan van n reg tot okkupasie. 3.3 Eienaar/Inwoner se versuim om in stand te hou Indien die eienaar/inwoner: versuim om sy eenheid/deel te herstel of in stand te hou soos bedoel in art 44 (1) (c) van die Wet; of versuim om enige deel van die gemeenskaplike eiendom wat vir sy uitsluitlike gebruik en genot toegewys is, behoorlik te versorg; of versuim om enige van die pligte genoem in sub-paragraaf 3.1 hierbo uit te voer en enige sodanige versuim voortduur of nie reggestel word binne dertig dae na skriftelike kennisgewing deur enige van die bestuursinstellings om te herstel, reg te stel of in stand te hou deur enige, kan die Trustees die eienaar/inwoner se versuim regstel en die redelike koste daarvan van sodanige eienaar/inwoner verhaal. 4. DIERE, REPTIELE EN VOËLS 4.1 n Eienaar/inwoner van n eenheid mag nie sonder die skriftelike toestemming van die Trustees, enige dier, reptiel of voël in n eenheid of op die gemeenskaplike eiendom aanhou nie. 4.2 Wanneer die Trustees sodanige toestemming verleen, kan hulle enige redelike voorwaardes stel. 4.3 Die Trustees kan sodanige toestemming terugtrek indien enige voorwaarde opgelê kragtens subreël 4.2 verbreek word. 4.4 Slegs een skoothond per eenheid mag goedgekeur word. 4.5 Waar toestemming in die verlede vir die aanhou van meer as een hond of kat gegee is, sal toestemming na die dood van die diere slegs ooreenkomstig die vorige reël gegee word.

7 6 4.6 In die geval van honde, moet hulle aan n leiband gehou word en behoorlik beheer word wanneer met hulle op die gemeenskaplike eiendom beweeg word. 4.7 n Eienaar/inwoner moet van n dier ontslae raak waar die Trustees dit versoek. 4.8 Sindelike honde-kampe mag opgerig word na goedkeuring deur die Trustees, maar moet toegangklik wees vir tuindienste. 4.9 Dit sal die uitsluitlike verantwoordelikheid van die eienaar van die troeteldier wees om enige ontlasting van sy toeteldier op die gemeenskaplike eiendom onmiddellik te verwyder Die voer van wilde voëls sal slegs met die toestemming van die Trustees geskied Waar reeds toestemming vir die aanhou van n troeteldier verkry is, moet daar nuwe toestemming verkry word om sodanige troeteldier te vervang Besoekers mag geen diere, reptiele of voëls in die Oord in bring en mag hulle nie vir enige tydperk by Inwoners laat bly nie. 5. VULLIS VERWYDERING 5.1 n Eienaar/inwoner van n eenheid moet: in sy eenheid of sy uitsluitlike gebruiksgebied, in n higiëniese en droë toestand n houer met n deksel vir vullis hou. Met dien verstande dat hy sy eie houer moet voorsien; verseker dat vullis voordat dit in die houer geplaas word, goed toegedraai is of, in die geval van blikke en ander houers, dit vry van vloeistof is; die stewige plastiek sakke vir die doel van vullis verwydering, plaas op die plek en op die tye soos deur die Trustees bepaal. vullis houers moet nie sigbaarwees van enige deel van die gemeenskaplike eiendom. 5.2 Geen afval/vullis mag op enige gedeelte van die gemeenskaplike eiendom of elders waar dit vanaf die gemeenskaplike eiendom sigbaar is, gelaat word nie, behalwe die oggend van die dag van verwydering.

8 7 5.3 Vullis/afval mag nie strydig met die voorskrifte van die munisipaliteit gehanteer word nie, bv glasstukke moet in n dubbellaag koerantpapier toegedraai word en vullis sakke moet aan die standaard vereistes voldoen. 5.4 Vullis word een keer per week verwyder. Sorg moet gedra word dat vullis in stewige plastiek sakke geplaas word en dat die sakke stewig vasgebind word wanneer dit buite eenhede geplaas word. 5.5 Kartondose en verpakkingshouers moet plat gemaak word en opgebreek word om in plastiek sakke verwyder te kan word of in die houers wat vir papier/karton verwydering deur firmas voorsien word, geplaas word. 6. VOERTUIE 6.1 Geen eienaar/inwoner mag sonder die skriftelike toestemming van die Trustees n voertuig op die gemeenskaplike eiendom op n gereelde basis parkeer of laat parkeer of toelaat dat n voertuig op die gemeenskaplike eiendom parkeer of laat staan word nie. Motor voertuie van inwoners of van hul besoekers mag nie voor ander eenhede, motorhuise of afdakke op so n wyse geparkeer word dat die normale verkeersvloei belemmer word nie, en daar moet in die besonder daarop gelet word dat dit nie aanleiding kan gee tot steurnis of ongerief vir inwoners nie. 6.2 Daar mag nie vir lang periodes op grasperke geparkeer word nie. 6.3 Die Trustees mag enige voertuig wat sonder toestemming op die gemeenskaplike eiendom gereeld geparkeer is, daarop staan of daarop ge-abandoneer is, op die koste en risiko van die eienaar laat verwyder of wegsleep. 6.4 Eienaars/inwoners van eenhede moet sorg dat hulle voertuie en die van hul besoekers/gaste nie olie of remvloeistof op die gemeenskaplike eiendom drup of die gemeenskaplike eiendom op enige ander wyse skend nie. 6.5 Geen eienaar/inwoner word toegelaat om op enige gedeelte van die gemeenskaplike eiendom, n uitsluitelike gebruiksgebied of op n deel daarvan, enige voertuig uitmekaar te haal of groot herstelwerk daaraan te doen nie. 6.6 Die spoedbeperking binne die kompleks is 15km per uur en alle verkeerstekens moet gehoorsaam word. 6.7 Inwoners se motors moet in hul motorhuise of afdakke geparkeer word ten einde beweegruimte toe te laat vir toegang van ander voertuie. 6.8 Motortoeters mag nie op die gemeenskaplike eiendom gebruik word nie en besoekers moet dienooreenkomstig ingelig word.

9 8 6.9 Indien motors skoon gemaak word, moet sorg gedra word dat nie meer water as wat redelik nodig is, gebruik word nie, en tuinslange mag nie gebruik word nie. 7. FIETSE ENSOVOORTS 7.1 Fietse, motorfietse, driewiele, skopfietse, rolskaatse, seepkis-karre, skaatsplanke, karavane, autovillas, sleepwaens, bote en handelsvoertuie, mag op geen gedeelte van die gemeenskaplike eiendom gelaat word nie. 7.2 Die gebruik van seepkis-karre, skaatsplanke en rolskaatse op die gemeenskaplike eiendom is verbode. 7.3 Skop of slaan van balle op die eiendom is verbode. 8. SKADE, VERANDERING EN VERBETERINGE AAN DIE GEMEENSKAPLIKE EIENDOM 8.1 n Eienaar/inwoner van n eenheid mag nie sonder die skriftelike toestemming van die Trustees enige gedeelte van die gemeenskaplike eiendom verf of merke daarop aanbring, spykers of skroewe of iets soortgelyks daarin slaan of dit andersins beskadig of verander nie. 8.2 Nieteenstaande subreël 8.1, mag n eienaar of n persoon deur hom gemagtig: enige sluittoestel, veiligheidshek, diefwering of ander veiligheidstoestel vir die beskerming van sy eenheid; of enige skerm of ander toestel om diere of insekte uit te hou, installeer: Met dien verstande dat die Trustees eers skriftelik die aard en ontwerp van die toestel asook die wyse waarop dit ge-installeer word, goedgekeur het. 9. BUITE-VOORKOMS 9.1 Die eienaar/inwoner van n eenheid mag nie iets op enige gedeelte van die gemeenskaplike eiendom insluitend patio s, stoepe en tuine plaas, of iets daarop doen wat na die oordeel van die Trustees esteties onaangenaam of ongewens voorkom wanneer dit van buite die eenheid gesien word nie en moet hul eenhede in goeie, skoon, sindelike en leefbare toestand hou. 9.2 TV antennas en skottels mag eers opgerig word na toestemming deur die Trustees verleen is.

10 9 9.3 Geen strukturele veranderings mag aan n eenheid aangebring word nie, en die buitekant van 'n eenheid mag nie geverf of andersins behandel word tensy die Trustees vooraf daartoe verleen het nie. 9.4 Die aanbring van lugreëling toestelle moet eers deur die Trustees goedgekeur word voor oprigting. 10. TEKENS EN KENNISGEWINGS Geen eienaar/inwoner van n eenheid mag sonder die vooraf-verkreë skriftelike toestemming van die Trustees n teken, kennisgewing, aanplakbord of advertensie van enige aard hoegenaamd op enige gedeelte van die gemeenskaplike eiendom of van n eenheid aanbring sodat dit van buite die eenheid sigbaar is nie. 11. ROMMEL n Eienaar/inwoner van n eenheid mag nie rommel, insluitende vullis, sigaret stompies, oorskietkos of ander vuilgoed op die gemeenskaplike eiendom stort of gooi of laat stort of gooi of toelaat dat dit gedoen word nie. 12. WASGOED n Eienaar/inwoner van n eenheid mag nie sonder die skriftelike toestemming van die Trustees sy eie wasgoedlyn span nie en mag ook nie enige wasgoed of ander items aan enige gedeelte van die gebou of die gemeenskaplike eiendom hang sodat dit van buite die gebou of van enige ander deel, sigbaar is nie en mag slegs in die binneplaas wasgoed ophang. 13. BEWARING VAN VLAMBARE STOWWE EN ANDER GEVAARLIKE OPTREDES n Eienaar/inwoner van n eenheid mag nie in sy eenheid/deel of op die gemeenskaplike eiendom enige stof bewaar of enige ander gevaarlike handeling verrig of laat verrig of toelaat dat dit verrig word wat die verhoging van die tarief van die premie betaalbaar deur die Regspersoon op enige versekeringspolis sal kan meebring nie. 14. VERHUUR VAN EENHEDE Waar n deeltitel eienaar sy eenheid wil verhuur, moet hy die Trustees vooraf in kennis stel en verseker dat sy huurooreenkoms die bestuurs-en gedragsreëls van die regspersoon behoorlik dek.

11 10 n Lewensreg/okkupasiereghouer mag slegs sy eenheid verhuur met die skriftelike toestemming van die ontwikkelaar, in ooreenstemming met sy kontrak met die ontwikkelaar. Indien hy die nodige skriftelike toestemming kry moet hy die Trustees in kennis stel en verseker dat sy huurooreenkoms die bestuurs-en gedragsreëls van die regspersoon behoorlik dek. 15. UITWIS VAN PLAE n Eienaar/inwoner moet sy eenheid vry hou van wit miere, boor-insekte en ander insekte wat hout vernietig. Vir hierdie doel moet die Trustees en hul gemagtigde agente/werknemers toegelaat word om van tyd tot tyd die deel te betree om dit te inspekteer en sodanige plae uit te wis. Die koste van inspeksie, die uitwissing van sodanige plae as wat binne die eenheid/deel gevind word, en die vervanging van enige hout of ander materiaal wat deel vorm van sodanige eenheid/deel en deur sodanige plae beskadig is, word deur die eienaar/inwoner van die betrokke eenheid gedra. 16. TUINMAAK, BOME, STRUIKE EN PLANTE 16.1 Geen plante wat op die gemeenskaplike eiendom geplant is, mag daarvan verwyder word sonder die toestemming van die Trustees nie Geen struike/plante mag voor die gemeenskaplike straatligte wat aan wooneenhede aangebring is, geplant word nie. Straat-en huisbeligting moet altyd onbelemmerd wees Inwoners wat beoog om bome by hulle eenheid aan te plant moet vooraf goedkeuring van die Trustees daarvoor verkry. Sommige bome se wortel-stelsels is nie aanvaarbaar nie en ongewenste aanplantings sal verwyder word Tuingereedskap en ander tuinmaak toerusting moet buite sig van ander eenhede en enige ander deel van die gemeenskaplike eiendom geberg word Bakke waarin blomme ens geplant is, moet sindelik en netjies gehou word Geen struike, bome of rankplante mag teen die sekuriteitsmuur of draad geplant word nie Geen rankplante mag teen die buitemure van n eenheid geplant word nie.

12 BRAAIGERIEWE 17.1 Braaitoerusting word slegs tydens gebruik voor n eenheid toegelaat. Rookgewende materiaal moet streng voor, tydens en na n braai beheer word, ten einde te verhoed dat dit n steurnis vir mede inwoners word Die gemeenskaplike braaiplek is vir die gerief van die inwoners en gebruik daarvan word aangemoedig. Na gebruik moet dit egter skoon en netjies gelaat word. 18. KINDERS 18.1 Inwoners moet toesig hou oor besoekende kinders sodat geen skade aan die gemeenskaplike eiendom, of ongerief vir ander inwoners veroorsaak word nie. In besonder mag kinders nie peuter aan posbusse, plante, bome, struike, versierings, naamplate, brandslange, buiteligte ens nie Kinders word nie sonder toesig in die gemeenskaplike geboue toegelaat nie. 19. BEPERKING VAN INWONING 19.1 Tensy vooraf toestemming gekry is is voorwaardelik aldan nie inwoning van die Aftree-Oord beperk tot twee persone ouer as 50 jaar per eenheid Inwoning deur kinders, familie en vriende moet deur die Trustees goedgekeur word en wel vir slegs tydelike inwoning. Besoeke deur familie/vriende vir kort periodes is nie hierby ingesluit nie, met dien verstande dat geeneen van sodanige tydelike inwoners enige van die gemeenskaplike fasiliteite mag gebruik nie tensy deur n inwoner vergesel. 20. HUISHULPE, TUINHULPE EN TERREINWERKERS 20.1 Inwoners is verantwoordelik vir die gedrag van hul buite-huis en tuinhulpe, wat vooraf by die Administratiewe Kantoor geregistreer moet word en die nodige toegangspermitte moet verkry word Inwoners moet nie inmeng met die werksaamhede van terrein-werkers nie, behalwe as hulle spesifiek vir die inwoner help Gemeenskaplike huis/tuinhulpe ontvang n loon vir hul werk en die gebruik om ekstra vergoeding te gee, word nie toegelaat nie. Dit veroorsaak onenigheid tussen inwoners en werkers. Geld mag nie aan huishulpe, tuinhulpe, sorgsentrum en kombuispersoneel geleen word nie.

13 Gemeenskaplike huishulpe kan vir enige huishoudelike take gebruik word maar mag nie funksies buite die huis, soos motors was en tuinwerk verrig nie Eienaars/inwoners is onder geen verpligting om etes aan gemeenskaplike huis/tuinhulpe te gee nie Werkers aan wie enige skenking van enige aard, voedsel ingesluit, gegee word wat uit die kompleks geneem word, moet van n verduidelikende nota/brief wat die item(s) beskryf, en van watter eenheid dit kom, voorsien word sodat die sekuriteitswag by die hek dit kan uitlaat. Items sal terug gehou word indien hierdie vereiste nie nagekom word nie Inwoners moet die kantoor verwittig wanneer hul huis/tuinhulpe nie benodig word nie sodat hul dienste elders benut kan word. 21. SAKEBEDRYWIGHEDE 21.1 Geen sake ondernemings, handelsbesigheid, vendusies en uitstallings, mag op die gemeenskaplike eiendom of in n eenheid beoefen word sonder dat vooraf goedkeuring van die Trustees verkry is nie Kennisgewings mag alleen op plekke waarvoor goedkeuring verleen is, aangebring word. 22. BRANDTOERUSTING 22.1 Brandslange/brandblussers/brandkrane mag slegs gebruik word vir die blus van vure en vir geen ander doel, van watter aard ookal, nie Die Trustees sal spesifieke opdragte t.o.v. optrede gedurende n brand opstel en aan inwoners beskikbaar stel. 23. SWEMBAD, ANDER SPORT EN ONTSPANNINGS FASILITEITE 23.1 Die gebruik van die bogenoemde fasiliteite vind op eie risiko plaas. Geen verantwoordelikheid of aanspreeklikheid word aanvaar ten opsigte van beserings of ongesteldheid opgedoen tydens die gebruik van of as gevolg van bogenoemde fasiliteite nie Die fasiliteite is uitsluitlik vir die gebruik van die inwoners en hul gaste mits laasgenoemdes deur n inwoner vergesel word.

14 Indien die fasiliteit gesluit is kan die sleutel bekom word by die persoon wat in beheer van daardie fasiliteit is of by die kantoor. 24. BIBLIOTEEK 24.1 Die biblioteek is daar vir die gerief van die inwoners en moet netjies gehou word en boeke wat uitgeneem is, moet so spoedig moontlik teruggebring word Boeke wat uitgeneem word, mag nie aan familie of vriende uitgeleen word nie. 25. HEFFINGS Heffings moet teen die sewende van die maand betaal word, waarna rente teen die maksimum toelaatbare koers in terme van die Woekerwet gehef sal word bo en behalwe n redelike administratiewe fooi. 26. INSTANDHOUDING: ELEKTRIESE EN WATER TOEVOER 26.1 Inwoners mag onder geen omstandigehede aan elektriese of water apparaat, wat die gemeenskaplike eiendom bedien, peuter of daaraan werk nie Probleme tenopsigte van elektriese of water toevoer moet aan die Trustees gerapporteer word Water moet spaarsaam gebruik word aangesien oor-benatting van tuine sinkgate en beskadiging van geboue mag meebring. 27 SEKURITEIT 27.1 Sekuriteit is in die eerste plek die verantwoordelikheid van elke individu. Inwoners moet dus verseker dat hulle alle stappe doen om hulself en hul eenhede teen bedreiging te beskerm Sekuriteitsmaatreëls by die kompleks is ingestel om mee te help dat elke inwoner veilig kan voel en gemoedsrus kan ervaar. Inwoners en hul besoekers moet hierdie maatreëls gehoorsaam, aangesien dit oor die beveiliging van die kompleks gaan Alle inwoners wat motors het moet die sekuriteits plakker aan die regterkant op die voorruit van hul motors vertoon. Bestuurders van motors sonder hierdie geldige

15 14 plakker sal noodwendig die toegang beheerregister moet teken al is hy/sy n eienaar/inwoner Geen voorruit plakkers mag aan kinders van inwoners of gereelde besoekers gegee word sonder die toestemming van die Trustees nie Paniekknoppies 28 VRYWARING Die apparaat moet versigtig hanteer word en moet nie nat word of in die son gelaat word nie. Dit moet slegs in noodgevalle gebruik word Inwoners en hul gaste wat van die sport en ontspanningsfasiliteite asook die bussie/drie-wiel voertuig gebruik maak moet voordat hulle van hierdie geriewe gebruik maak, die nodige vrywaringsvorm, wat by die kantoor beskikbaar is, voltooi. OKTOBER 2005