GEDRAGSREËLS VIR DIE BEHEER EN BESTUUR VAN DIE OOG AFTREE-LANDGOED

Transcriptie

1 DIE OOG BEHEERLIGGAAM PRIVAATSAK X 2225 MOOKGOPHONG 0560 TEL: (014) FAKS: (014) E-POS: leonie.gerber@dieoog.co.za GEDRAGSREËLS VIR DIE BEHEER EN BESTUUR VAN DIE OOG AFTREE-LANDGOED soos goedgekeur deur die Regspersoon op 30 November INLEIDING 1.1 Om in die Landgoed te woon, beteken om deel te wees van n gemeenskap met gedeelde maatskaplike en finansiële belange. Elkeen is dus geregtig om die omgewing en fasiliteite te geniet en kan verwag dat hul privaatheid, eiendom, leefstyl en belegging beskerm sal word. 1.2 Die reëls in hierdie bylae vervat mag nie uitgebrei, gewysig of herroep word anders as ooreenkomstig Artikel 35(2)(b) en onderhewig aan die bepalings van Artikel 35(3) van die Wet op Deeltitels Nr. 95 van 1986 nie. 1.3 Die Wet op Ouer Persone, no 13 van 2006 geld ten opsigte van alle sake wat die lewens van ouer persone raak, soos dit in die Wet uiteengesit is. 1.4 Die reëls is bindend op al die eienaars/inwoners van Die Oog Aftree-landgoed. 1.5 Hierdie reëls vervang enige vorige wysigings en/of toevoegings tot die Gedragsreëls en vervang die voorgeskrewe Gedragsreëls soos vervat in Aanhangsel 9 van die Regulasies uitgevaardig onder die Wet, in die geheel. 2. WOORDOMSKRYWINGS By die uitleg van hierdie reëls, tensy uit die samehang anders blyk, beteken:- 2.1 Wet - die Wet op Deeltitels, Nr. 95 van 1986, soos gewysig en die Regulasies daarkragtens uitgevaardig en in werking; 2.2 Die Oog die Regspersoon Die Oog Retirement Estate, Nr. SS 199/2009, n Regspersoon gestig in terme van Artikel 36 van die Die Wet ; 2.3 Trustees/Bestuur die Raad van Trustees of Beheerliggaam, aangestel in terme van die Wet en Regulasies; 2.4 Besoeker enige persoon wat nie n eienaar/inwoner van Die Oog Retirement Estate is nie; 2.5 Eienaar n lid van die Regspersoon as synde n eienaar van n eenheid; 2.6 Regspersoon die Regspersoon van Die Oog Retirement Estate; 2.7 Regulasies die Regulasies soos van tyd tot tyd uitgevaardig onder die Wet ; 1

2 2.8 woorde en uitdrukkings waaraan in die Wet betekenis geheg is, die betekenis wat aldus daaraan geheg is; 2.9 Trustee sluit ook n plaasvervangende Trustee in; 2.10 Bestuurder, beteken die hoofuitvoerende amptenaar van Die Oog Aftreelandgoed 2.11 sluit woorde wat slegs die enkelvoud aandui, ook die meervoud in en omgekeerd; 2.12 sluit woorde wat die manlike geslag aandui, ook die vroulike en onsydige geslag in en sluit die onsydige geslag ook die manlike en die vroulike geslag in. 3. ALGEMENE GEDRAGSKODE 3.1 Dit word van alle eienaars/inwoners en besoekers verwag om in al hul optredes die belange van hulle mede-inwoners/eienaars in ag te neem, en om geen steurnis te veroorsaak nie. 3.2 Dit word van alle eienaars, inwoners en besoekers verwag om te alle tye vriendelik en hoflik teenoor mekaar op te tree. 3.3 Die Bestuur is verantwoordelik om bykomende spesiale gedragsreëls in te stel vir vakansiegangers, besoekers, kontrakteurs en hul werkers, agente en ander werknemers, met dien verstande dat sodanige reëls tussentydse werking sal geniet totdat dit met n Algemene Vergadering van die lede van die Regspersoon geratifiseer en/of gewysig of herroep word. 4. DOMICILIUM CITANDI ET EXECUTANDI & PROTOKOL REGISTER 4.1 Adresse Die domicilium adres is tans : Die Oog Aftreelandgoed Minerale Bronne pad (R520) MOOKGOPHONG Die posadres is tans: Privaatsak X2225 Mookgophong Pos vir inwoners word tans deur die administratiewe kantoor hanteer en in poshokkies in die kantoor geplaas. Inwoners word versoek om gereeld hul pos by die kantoor te gaan afhaal, aangesien dit n belangrike kommunikasieskakel is. 4.3 Die Regspersoon sal enige korrespondensie na n alternatiewe adres aanstuur indien die eienaar vooraf skriftelik kennisgewing gegee het van die adres. Kommunikasie per e-pos word aanbeveel.ten einde koste en tyd te bespaar, word dit onder lede aanbeveel om van e-pos kommunikasie gebruik te maak en om derhalwe n e-pos adres vir die ontvangs van korrespondensie, dokumentasie en kennisgewings aan die Trustees te voorsien. 4.4 Ooreenkomstig die Bestuursreëls is die fisiese adres van die eenheid, die eienaar se domicilium adres. Enige adresverandering moet onverwyld deur die eienaar aan die Regspersoon deurgegee word. 4.5 Die Trustees is verantwoordelik om die protokol-register op datum te hou, wat die name en adresse bevat van die geregistreerde eienaars, geregistreerde verbande, asook die name en adresse van enige persoon of persone wat n wetlike belang in die eenheid het. 2

3 4.6 Dit is verpligtend dat alle geregistreerde eienaars om die Regspersoon van Die Oog in kennis te stel van enige verandering van eienaarskap, asook van die registrasie van addisionele verbande of enige ander wetlike aksie betreffende sy/haar eenheid. 5. ALGEMENE AANSPREEKLIKHEID Eienaars is aanspreeklik vir alle skade aan die gemeenskaplike eiendom wat veroorsaak word en die verbeteringe daarop deur hulself, hul kinders, gaste en werknemers, met dien verstande dat hy verantwoordelik sal wees vir die herstel van sodanige skade, soos deur die Bestuur bepaal mag word. 6. VERHURING / VERKOPING VAN EIENDOM 6.1 Eienaars wat hul eiendomme verhuur of verkoop moet: a) Die Raad van Trustees in kennis stel van enige verandering in die okkupasie van hulle eenhede, met inbegrip van die naam en kontakbesonderhede van die nuwe okkupeerder, besonderhede van motorvoertuie en troeteldiere, en datum van okkupasie; b) Seker maak dat n stel Gedragsreëls aan die nuwe okkupeerder beskikbaar gestel word voor die aanvang van die kontrakperiode, en dat die nuwe okkupeerder bewus is van die inhoud van die reëls, en skriftelik onderneem om die reëls te eerbiedig. c) Seker maak dat die voornemende koper of huurder aan die nodige verblyfkwalifikasies voldoen. 6.2 Eienaars is ten volle verantwoordelik daarvoor dat huurders die gedragsreëls nakom. In gevalle waar huurders na twee aanmanings volhou om die reëls te oortree, het die Raad van Trustees die reg, uit hoofde van die magte aan hom toegedeel kragtens hierdie Gedragsreëls, om die eienaar opdrag te gee om die huurder se kontrak op die eienaar se koste te beeїndig. 6.3 Eienaars bly verantwoordelik vir die betaling van heffings ongeag of die wooneenheid verhuur word al dan nie. 6.4 Geen eienaar mag sy/haar woning verhuur aan n persoon wat nie voldoen aan die wettige verblyf- of gesondheidsvereistes nie. 6.5 Geen eienaar mag sy/haar woning verhuur aan n persoon vir n korter tydperk as een kalendermaand nie. 7. VERSEKERING 7.1 Inwoners is verantwoordelik vir die versekering van die inhoud van hulle eenhede, voertuie, ander privaat bates, asook vir publieke aanspreeklikheid. 7.2 Inwoners se handelinge moet van so n aard wees dat dit nie n gevaar skep vir skade aan die gemeenskaplike eiendom nie, veral handelinge rondom grasdakke. 7.3 Inwoners moet alle handelinge vermy, of verhoed, wat die geldigheid of premie van die bestaande versekeringspolis nadelig kan beїnvloed. ( n Afskrif van die polis is vir insae beskikbaar by die administratiewe kantoor.) Inwoners moet onmiddellik enige skade opgemerk in die gemeenskaplike area aanmeld by die Bestuur. 3

4 7.4 Inwoners moet ook, sodra hulle bewus word van n lekkende of gebarste warmwaterstelsel of enige probleem met die infrastruktuur, dit aan die Bestuur rapporteer, sodat dit vervang of herstel kan word om verdere skade te voorkom. 8. SAKEBEDRYWIGHEDE 8.1 Onderhewig aan die bepalings van hierdie reëls, mag geen bedryf, beroep of sake van enige aard vanuit n eenheid of vanaf die gemeenskaplike eiendom bedryf word sonder die vooraf verkreë skriftelike toestemming van die Bestuur nie. 8.2 Geen bedryf/beroep of sake wat ander inwoners enigsins verontrief mag op die gemeenskaplike terrein of in n eenheid beoefen word nie. 8.3 Besigheidsbedrywighede wat meebring dat kliënte of werkers die eiendom van Die Oog gereeld moet besoek, is verbode. 8.4 Geen veilings of rommelverkopings mag op die gemeenskaplike eiendom of in n eenheid gehou word sonder skriftelike toestemming van die Bestuur nie. 8.5 Geen advertensies of reklamemateriaal mag vertoon of versprei word op of buite die perseel of op die gemeenskaplike eiendom sonder die vooraf verkreë skriftelike toestemming van die Bestuur nie. 9. AKTIWITEITE IN DIE GEMEENSKAPLIKE GEBIEDE 9.1 Geen stokperdjies of enige ander verwante aktiwiteite wat n steurnis of gevaar vir ander inwoners inhou, mag in of op die gemeenskaplike areas of in of by wooneenhede beoefen word nie. 9.2 Die gebruik van vuurwapens op die perseel word streng verbied. 9.3 Vuurwerke sal onder geen omstandighede toegelaat word nie. 9.4 Rook verbode sal toegepas word volgens wetgewing. 9.5 Hubbly Bubbly word verbied in die gemeenskaplike areas van die landgoed. 10. WERKNEMERS VAN INWONERS 10.1 Alle persone wat deur inwoners in diens geneem word, moet behoorlik geїdentifiseer en geregistreer wees by die kantoor, waar amptelike identifikasiekaarte aan hierdie persone verskaf sal word, wat dit ten alle tye moet vertoon. Die volgende word vereis: a) Die persone moet n afskrif van hul geldige identiteitsdokument voorsien, b) Die aantal werksure per week, per maand, asook dae waarop gewerk word, moet verstrek word, c) Die inwoner by wie gewerk gaan word, se besonderhede moet skriftelik verstrek word, d) n Volledige stel palm/vingerafdrukke moet verskaf word wat toegang per handprofiel sal toelaat. 4

5 e) Werkgewers moet werkers inlig oor toepaslike gedragsreëls. f) Werkers het slegs toegang tot direkte werkplek en winkelkompleks Toegang tot die perseel sal uitsluitlik gegee word nadat sodanige werknemer die nodige registrasie- en identifikasieproses gevolg het. 11. ALGEMENE INSTANDHOUDING 11.1 Inwoners is verantwoordelik om by te dra tot die algemene netheid en instandhouding van die perseel. Geen sigaretstompies, papiere, plastiek of rommel mag op die perseel rondgestrooi word nie. Inwoners moet geredelik toegang tot hul eiendom verskaf vir noodsaaklike herstelwerk Vullisdromme en asblikke sal regdeur die gemeenskaplike area geplaas word, en sal so geplaas word om nie die gebruik en netheid van die perseel te benadeel nie Inwoners mag geen items of artikels vertoon wat n invloed het op die algemene voorkoms of netheid van die perseel nie. Inwoners moet enige onsekerhede na die Terreinkomitee vir goedkeuring verwys Nutsmandiens: Inwoners mag by die administratiewe kantoor aansoek doen vir n nutsmandiens teen fooie soos deur die Bestuur bepaal en van tyd tot tyd aangepas. 12. WASGOED 12.1 Wasgoed mag nie sigbaar wees vanaf gemeenskaplike areas nie, maar mag wel uitgehang word op die aangewese plekke vir hierdie doel (d.w.s. die binnetuin van die eenheid), waar dit nie maklik vir ander inwoners of die algemene publiek sigbaar is nie Inwoners kan hul wasgoed óf in hul eenhede was, of deur Die Oog se wassery laat was, of by die selfhelp-wassery. 13. TROETELDIERE 13.1 Troeteldiere, en spesifiek honde, word toegelaat binne die omheining by die eienaar se perseel en wanneer buite hierdie omheinde gebied beweeg word, moet die honde onder beheer wees, naamlik aan n leiband, sodat hulle nie n gevaar of steurnis vir inwoners is nie Inwoners moet skriftelik aansoek doen op n voorgeskrewe aansoekvorm vir die aanhou van n troeteldier, sodat n behoorlike register van al die troeteldiere in Die Oog opgestel en op datum gehou kan word. Goedkeuring kan te enige tyd teruggetrek word indien bevind sou word dat die troeteldier/e by herhaling n steurnis veroorsaak Goedkeuring om n troeteldier aan te hou, sal slegs onder die volgende voorwaardes toegestaan word: a) Alle troeteldiere moet gesteriliseer wees. b) Hoogstens twee (2) troeteldiere word per eenheid toegelaat. c) Slegs katte wat voor datum van hierdie reëls in eienaars se besit is, sal toegelaat word, maar mag nie vervang word nie en word beperk tot die eienaar se binnehof en huis. Geen 5

6 nuwe katte sal toegelaat word nie. Sterilisasiesertifikate en inentingsertifikate moet aan die Bestuur voorsien word. d) Geen goedkeuring sal verleen word vir aansoeke vir die aanhou van troeteldiere wat 50cm in hoogte oorskry nie. e) Sertifikate deur n geregistreerde veearts uitgereik ten opsigte van sterilisasie en immunisiasie teen hondsdolheid, hondesiekte en, of enige ander siekte wat die Bestuur mag voorskryf, moet saam met die aansoek voorgelê word. f) Honde moet n identiteitsplaatjie aan n halsband dra met die eienaar se naam en telefoonnommer daarop. g) Bogenoemde sertifikate moet, wanneer die geldigheid daarvan verval, hernu en weer voorgelê word Inwoners moet hul daarvan weerhou om wilde diere (ape, gebande muishonde, bokke) te voer, aangesien hulle n gevaar vir inwoners inhou, skade aan eenhede kan veroorsaak en n oorlas word Diere-ontlasting moet onmiddellik deur die eienaar verwyder word Troeteldiere wat n steurnis en oorlas vir ander inwoners word, of wat sonder toestemming aangehou word, moet in opdrag van die Bestuur binne 24 uur van die terrein verwyder word. Indien die eienaar sou nalaat om so n opdrag te gehoorsaam, mag die Bestuur self die dier laat verwyder op koste en risiko van die eienaar Hokke van troeteldiere mag slegs so geplaas word dat dit nie ooglopend sigbaar is van die gemeenskaplike eiendom af nie Eienaars moet, wanneer hulle van die huis afwesig is, hetsy gedurende weeksdae, oor naweke of tydens vakansieverlof, behoorlik voorsorg tref vir die versorging van hulle troeteldiere Geen troeteldier sal toegelaat word om in die wildskamp te gaan nie Geen reptiele, knaagdiere en soogdiere anders as honde sal toegelaat word nie Die gebouekompleks en swembadarea is verbode vir honde. 14. TUINE 14.1 Gedagtig daaraan dat die hele terrein rondom die eenhede gemeenskaplike eiendom is, mag daar ter wille van toesig geen mure en/of afskortings aangebring word sonder die vooraf verkreë toestemming van die Bestuur nie Dit is die verantwoordelikheid van Trustees en Bestuur om tuine in gemeenskaplike areas aan te lê. Toestemming word aan inwoners verleen om areas om hulle huise te versier, mits dit voldoen aan die beleid wat deur die Regspersoon goedgekeur is.. Om eenvormigheid van landskappering te verseker moet alle uitlegte op gemeenskaplike terrein dus in oorleg met die terreinkommitee geskied Inwoners moet mekaar se tuine respekteer en dit ten alle tye netjies hou.. 6

7 14.3 Desnieteenstaande die feit dat n eienaar self bome, plante of struike aangeplant het, sal die Bestuur geregtig wees om sodanige struike, bome en/of plante te verwyder waar plante of struike die risiko inhou van skade aan gemeenskaplike eiendom (pype, omheining, dakke, ens.). Dit geld ook vir wanneer plante sonder oorleg met die terreinkommitee aangeplant is n Terrein-komitee sal alle tuinaangeleenthede behartig en duidelike riglyne voorlê in samewerking met die bestuur, asook aanbevelings maak t.o.v. navrae en versoeke van inwoners. Slegs inheemse bome sal toegelaat word. Geen verbode plante, bome of struike volgens vaste riglyne mag aangeplant word nie Inwoners mag gebruik maak van die dienste van die oord se tuinwerker/tuindienste slegs nadat toestemming verkry is van die Bestuur Die hulp van inwoners sal van tyd tot tyd verlang word vir die besproeiing van die gemeenskaplike tuine en grasperke Water is landswyd n skaars kommoditeit en duur om te verskaf. Alle inwoners word versoek om water spaarsaam te gebruik Veranderinge aan alle gemeenskaplike tuine moet in oorleg met die Bestuur gedoen word Privaat braaivleis- en ander funksies mag nie sonder toestemming van die bestuur by gemeenskaplike areas gehou word nie. Opruiming moet direk na gebruik geskied Geen boom of struik mag afgesaag of uitgehaal word alvorens die Terreinkomitee toestemming daarvoor gegee het nie. Geen hout mag van die terrein verwyder word sonder skriftelike toestemming van die Bestuur nie nie. 15. PLAAGBEHEER Inwoners moet toesien dat hulle eenhede behoorlik in stand gehou word en dat plae soos miere, houtboorders, muskiete en ander insekplae (en insekte), asook rotte en muise aan die bestuur gerapporteer word. Die Bestuur behou die reg voor om eenhede van tyd tot tyd te inspekteer en sal voorskrifte uitreik vir die bekamping van plae. Omgewings-onvriendelike gifstowwe besoedel ons waterbron en moet sover moontlik vermy word. 16. STRUKTURELE VERANDERINGS EN BUITE-AANSIG VAN EENHEID 16.1 Die onderstaande riglyne moet vir alle strukturele veranderinge gevolg word. Alle voorgestelde uitbreidings moet deur n Spesiale Besluit van die lede goedgekeur word ooreenkomstig Artikel 24 van die Wet. Die volgende moet aan voldoen word: a) Die eienaar moet n bouplan laat teken vir die voorgestelde aanbouing; b) Eienaar dien die versoek in by trustees met gemelde plan; c) Trustees verwys die aansoek na die verskillende komitees, soos Terrein- en Bou-enkonstruksie- komitees vir n aanbeveling; d) Die trustees verwys die aansoek en kommentare na die lede vir toestemming by wyse van n Spesiale Besluit; e) Die eienaar kry die nodige toestemmings by die Stadsraad en laat bouplanne goedkeur; 7

8 f) Na voltooiing van aanbouing moet n landmeter die eenheid opmeet en n plan van uitbreiding opstel ter voldoening aan die bepalings van Artikel 24 van die Wet ; g) Die eienaar stel n prokureur aan wat die registrasie van die uitbreiding hanteer; h) Die Beheerliggaam kan elke keer as hy n aansoek ontvang, op meriete besluit oor die tydperk waarbinne die aanbouing voltooi moet word, welke vereistes die bouer aan moet voldoen Nieteenstaande reël 16.1 mag n eienaar, of n persoon deur hom gemagtig, die volgende aanbring: a) enige sluitmeganisme, veiligheidsdeur, diefwering of ander veiligheidsapparaat ten einde sy eiendom te beveilig, of b) enige skerm of ander apparaat om diere of insekte buite te hou, asook c) televisie-antennas, satellietskottels, afdakke, skadunette, sonpanele en sonverwarmingstelsels. d) Bykomend tot n eienaar se verpligtinge ingevolge artikel 44 van die Wet en spesifiek bestuursreël 68 : (i) mag hy niks doen aan sy eenheid en of n eksklusiewe gebruiksarea wat moontlik die stabiliteit en estetiese voorkoms van die gebou mag beïnvloed nie; (ii) mag, wanneer die doel waarvoor n eksklusiewe gebruiksarea bedoel is om gebruik te word, soos spesifiek of by implikasie aangedui is op die geregistreerde deelplan, nie die bedoelde eksklusiewe area gebruik of toelaat dat dit vir enige ander doel gebruik word nie: Tensy die skriftelike toestemming van al die eienaars vekry word om die eksklusiewe gebruiksarea vir n ander doel te gebruik; (iii) mag n eienaar geen struktuur of verbetering aan die gebou op sy eksklusiewe gebruiksarea oprig of aanbring sonder die voorafverkreë toestemming van die Trustees nie, welke goedkeuring nie onredelik weerhou mag word nie en die bepalings van Artikel 24 en Artikel 25 of ander relevante bepalings van die Wet, reëls, vereistes en spesifikasies van die Regspersoon, nie oortree word nie. Daar moet skriftelik by die Raad van Trustees aansoek gedoen word vir goedkeuring in hierdie verband, met besonderhede van die aard en ontwerp van die apparaat/installasie en die installeringsmetode, asook n skets van die installasie/apparaat en die presiese plek aandui waar dit aangebring sal word Alarmstelsels mag by alle eenhede geїnstalleer word. Die Raad van Trustees moet in kennis gestel word van die installering, vir rekorddoeleindes. Hoewel twee waarskuwingsborde by n eenheid waar n alarm geїnstalleer is aangebring mag word, mag slegs een van die borde sigbaar wees vanuit enige rigting. Sodanige borde mag in oorleg met die trustees aan die buitekant van die eenheid aangebring word Geen permanente versierings of toevoegings mag aan die buitekant van n eenheid aangebring word nie, en geen eenheid mag buitekant geverf of andersins behandel word nie Eienaars en inwoners mag nêrens op die gemeenskaplike terrein enigiets plaas of doen wat, volgens die oordeel van die Raad van Trustees, esteties onaanvaarbaar of onwenslik is nie. Balkonne, patios, stoepe en tuine vir die eksklusiewe gebruik van eienaars, word hierby ingesluit. 8

9 16.6 Enige wysigings wat toegestaan mag word, moet inpas by die bestaande materiale, styl en strukture van Die Oog en moet ook voldoen aan alle voorskrifte van sowel die plaaslike owerheid as die Bestuur. 17. BESOEKERS EN KINDERS 17.1 Inwoners is aanspreeklik vir die optrede van hul besoekers, kinders en kleinkinders en moet toesien dat sodanige persone bewus is van die gedragsreëls en daarbinne optree Die gebruik van driewiele, skopfietse, fietse en voertuie word slegs op die paaie in die gemeenskaplike area toegelaat. Ouers moet verantwoordelikheid vir hulle kinders aanvaar. Geen rolskaatse of skaatsplanke sal toegelaat word nie Besoekers (insluitende familie) word nie toegelaat om vir langer as veertien (14) dae op die perseel te vertoef nie, tensy vooraf skriftelike toestemming van die Bestuur verkry is nie Alle besoekers, kinders en familie moet die besoekersregister by die ingang teken sodat die nodige identifikasie uitgereik kan word Alle besoekers, kinders en familie betree die perseel op eie risiko en geen verantwoordelikheid sal deur die Bestuur aanvaar word vir skade of beserings terwyl woonagtig of op besoek aan die perseel nie Balspeletjies mag slegs in toegewysde areas beoefen word Besoekers en vakansiegangers mag geen troeteldiere op die perseel bring nie. 18. GEVAARLIKE STOWWE EN SOORTGELYKE MATERIALE Inwoners mag geen vlambare of gevaarlike materiaal of stowwe stoor nie, aangesien dit n gevaar mag skep vir ander inwoners. Petrol en kruit is ingesluit by hierdie gevaarlike stowwe. Die installasie van gasstowe moet deur n geregistreerde installeerder gedoen word vir die verkryging van n Bevoegdheidsertifikaat ( Certificate of Compliance ) vir versekeringsdoeleindes. Geen vuurwerke mag op die perseel gebruik of afgevuur word nie. 19. SEKURITEIT 19.1 Daar word van elke inwoner verwag om konstruktief mee te werk aan die gemeenskaplike veiligheid van alle inwoners Die spesiale reëls vir toegangsbeheer wat deur die Beheerliggaam ingestel is, moet deur alle inwoners, kontrakteurs, besoekers en werknemers eerbiedig word, naamlik: a) Toegang tot die Oog word slegs verkry deur te registreer vir die stelsel wat met palm- /vingerafdrukke toegang verleen, of by wyse van n toegangskaart wat uitgereik sal word deur die administratiewe kantoor. Toegang op enige ander wyse is onwettig en sal geweier word. Die sekuriteitspersoneel is spesifiek verbied om die valhek oop en toe te maak indien n persoon nie geregistreer is vir genoemde stelsel, of oor n toegangskaart beskik nie. 9

10 b) Alle inwoners en personeel moet registreer vir die stelsel en die reëls ten opsigte van toegangsbeheer nakom. c) Toegangskaarte sal deur die ontvangskantoor uitgereik word aan enige besoeker of persoon wat aflewerings moet doen nadat dit bevestig is met die persoon wat besoek word, of die persoon aan wie die aflewering gedoen moet word. Sonder sodanige toegangskaart sal toegang nie verleen word nie. Hierdie reël geld ook vir aflewerings aan die restaurant en winkel. d) Alle kontrakteurs en hulle personeel moet buite spitstye registreer vir die stelsel. Behoorlike identifikasie, sowel as die kontrakteur se besonderhede sal versoek word alvorens so n werker geregistreer en van n identifikasiekaart voorsien word. Die identifikasiekaart wat aan sodanige werker uitgereik is moet te alle tye sigbaar vertoon word. Die volgende inligting word verlang: a. Naam (Konstruksiewerker) b. Adres c. Kontaknommers (indien beskikbaar) d. ID/Paspoort nommer en rybewysnommer e. Werkspermit (indien van toepassing) f. Besonderhede van die kontrakteur: Naam Telefoonnommer Adres ID Nommer e) Aflewering aan of deur kontrakteurs moet vooraf met die personeel by die ontvangskantoor gereël word. Indien aflewering geskied deur middel van n groot voertuig, moet n verteenwoordiger van die kontrakteur sodanige voertuig gaan ontvang by die ontvangskantoor op aankoms en vergesel na die plek waar die aflewering moet geskied. n Toegangskaart sal op die wyse soos hierbo na verwys, uitgereik word. f) Besoekers aan Die Oog wat gebruik maak van die vakansie-akkommodasie sal by hulle aankoms, teen n koste, uitgereik word met n toegangskaart wat aan hulle toegang by die valhek sal verleen. Die trustees het die bevoegdheid om in hulle uitsluitlike diskresie ander reëls te maak ten opsigte van groepe besoekers. g) Paragraaf 19.2 hierbo is ook op alle werknemers van inwoners van toepassing. h) Slegs gelisensieerde voertuie word op die terrein toegelaat, tensy sodanige ongelisensieerde voertuig gebruik word vir konstruksiedoeleindes en onder beheer is van n geaffilieerde kontrakteur, of die bestuurder daarvan n toestemmingsbrief van die Bestuur/Landgoedbestuurder toon. i) Voertuie word slegs bestuur deur n gelisensieërde bestuurder wat op aanvraag sy rybewys moet toon. j) Die sekuriteitspersoneel sal gemagtig wees om enige voertuig wat die terrein betree of verlaat te deursoek. k) Geen ongemagtigde persoon mag in besit gestel word van sekuriteitskaarte nie. 10

11 l) Geen persoon mag die sekuriteitspersoneel konfronteer nie. Alle klagtes moet met die Landgoedbestuurder opgeneem word. m) Geen persoon mag met die toepassing van die sekuriteitsreëls en die verantwoordelike persoon in die uitvoering van sy pligte, inmeng nie. n) Sekuriteitspersoneel sal gemagtig wees om noodvoertuie in te laat en slegs n inskrywing in die voorvalle-register daarvan te maak. o) Indien die stelsel totaal buite werking raak, sal die Landgoedbestuurder of sy/haar verteenwoordiger n personeellid aanwys om toegang volgens n voorgeskrewe handstelsel toe te laat Die Bestuur sal veiligheidsdienste organiseer, beheer, bestuur en indien nodig wysig tot voordeel van die inwoners op advies van die Sekuriteitskomitee Enige klagte of wenk rakende die sekuriteit moet aan die Bestuur voorgelê word. In die geval van afwesigheid vanaf n eenheid vir langer as drie (3) dae word daar van inwoners verwag om die woonadres(se) en kontaknommers waar inwoners bereik kan word in geval van nood, by bure en die Administratiewe kantoor te laat Reëls vir toegangsbeheer sal deur die Bestuur opgestel word en van tyd tot tyd hersien word Berging van vuurwapens: Dit is die verpligting van n vuurwapenlisensiehouer om vuurwapens en ammunisie ooreenkomstig wetlike voorskrifte in veilige bewaring te hou. 20. VOERTUIE 20.1 Geen omvattende herstelwerk mag aan voertuie gedoen word buite die motorhuis van die inwoner nie Voertuie mag slegs gewas word voor die motorhuis of onder die afdak van die inwoner, of op n geskikte aangewese perseel, soos bepaal deur die Bestuur Inwoners moet toesien dat hulle voertuie of die van besoekers nie olie of enige sodanige stowwe op die gemeenskaplike areas lek nie en die inwoner sal aanspreeklik gehou word vir die koste van skoonmaak daarvan, indien dit sou gebeur Geen voertuig sal toegelaat word om die perseel binne te kom, tensy: a) die voertuig n identifikasie-skyfie vertoon, of; b) die bestuurder n skriftelike toestemming aan die veiligheidswag toon. c) die voertuig padwaardig is en noodsaaklik is om op die terrein te kom Geen persoon wat nie in besit van n geldige rybewys is, mag n voertuig (insluitend gholfkarretjies) op Die Oog se paaie bestuur nie Gholfkarretjies: Inwoners moet by hul motor-afdakke voorsiening maak vir laai-apparaat wat veilig en verberg is. Die kragkabel vir herlaai-doeleindes moet volgens regulasies van die Bestuur geїnstalleer wees. 21. SPOEDPERKE EN PARKERING 11

12 21.1 Alle voertuie en fietse mag slegs op die aangewese paaie van Die Oog bestuur word, en dan nie teen n spoed van meer as 15 km per uur nie Alle voertuie of gholfkarretjies, van watter aard ookal, wat geparkeer is op die perseel sal so parkeer word dat dit nie n steurnis of hindernis is vir ander padgebruikers of voetgangers nie. Alle voertuie, insluitend voertuie van besoekers, mag slegs op geїdentifiseerde parkeerplekke vir hierdie doel geparkeer word Voertuie en gholfkarretjies word op risiko van die bestuurder/eienaar daarvan op die perseel geparkeer. Die Regspersoon aanvaar geen verantwoordelikheid vir enige verlies of skade gely as gevolg van die optrede van enige persoon nie Geen voertuig/gholfkarretjie mag voor n ander inwoner se motorafdak, in die pad of op die hoofgebou se stoep geparkeer word nie Sleepwaens: Indien n sleepwa nie sigbaar is nie, mag dit in die eksklusiewe gebruiksarea van die inwoner geberg word. Karavane en bote mag nie onder motorafdakke by die huise nie, maar slegs op toegewysde parkeerareas soos toesluitmotorhuise geparkeer word Waar n voertuig sodanig geparkeer is dat dit n steurnis of hindernis is of enige toegang belemmer, mag die Trustees op koste en risiko van die eienaar sodanige voertuig laat wegsleep. 22. GEBRUIK VAN FASILITEITE OP DIE OORD 22.1 Inwoners het die reg om die fasiliteite op die perseel wat deel vorm van Die Oog, te gebruik volgens enige voorwaardes wat deur die Bestuur gestel mag word Sodanige inligting/voorwaardes sal by die Administratiewe kantoor / dienssentrum beskikbaar wees, soos van tyd tot tyd gewysig. 23. STILTE 23.1 Radio s, televisiestelle, krag- en tuingereedskap of ander soortgelyke apparate se volume moet nie so hard gestel word dat dit steurend vir bure en ander inwoners sal wees nie Geraas moet ten alle tye beperk word en veral tussen 22:00 tot 07:00. Die gebruik van kragen tuingereedskap word hierby ingesluit Goedgekeurde spesiale geleenthede wanneer die beperking moontlik oorskry kan word, sal bestuur word. Inwoners sal vooraf by wyse van n kennisgewing ingelig word Enige oortreding van die stiltereël moet onverwyld by die werknemer aan diens gerapporteer word. 24. NOODGEVALLE EN AMBULANSDIENSTE 24.1 Ten einde verpleegpersoneel en ander noodpersoneel toegang tot n inwoner se eenheid te verleen in die geval van nood, moet die inwoner toesien dat daar te alle tye n spaarsleutel van die eenheid by die Administratiewe kantoor/dienssentrum beskikbaar sal wees. 12

13 24.2 Die inwoner moet ook toesien dat daar nie n sleutel of enige ander obstruksie in die slot is wat kan verhoed dat die deur oopgesluit kan word nie Vir eie veiligheid moet die badkamerdeur nie van binne gesluit word nie, aangesien dit noodpersoneel kan verhoed om n persoon te help Noodroep-fasiliteit: Inwoners word versoek om hul selfone byderhand te hou, sodat dit in geval van nood gebruik kan word om hulp te ontbied. n Noodroep-stelsel sal geїnstalleer word Besonderhede van die ambulansdiens is by die Administratiewe kantoor en Dienssentrum beskikbaar n Verpleegsorgsuster is 24 uur beskikbaar, maar moet met diskresie na ure uitgeroep word. Herhaalde onnodige uitroepe sal vir die rekening van die eienaar wees. 25. ONDERHOUD EN HERSTELWERK Die inwoners is verantwooordelik vir die herstel en onderhoud aan die binnekant van die eenheid en moet toesien dat die eenheid skoon en higiënies bly. 26. ALGEMENE ADMINISTRASIE 27. ETES 26.1 Alle heffings is betaalbaar voor/op die 1ste dag van die maand, maar word n vergunning toegelaat vir betaling voor/op die 7de dag van die maand. Betaling moet geskied te die kantoor of in die rekening van die Regspersoon / Bestuursagent en is dit die verpligting van n eienaar om van korrekte deposito-verwysingsnommers gebruik te maak Rente sal gehef word op agterstallige heffings teen n koers soos bepaal deur die Bestuur. Regstappe kan na die twintigste van die maand ingestel word Enige probleme, klagtes en voorstelle moet op skrif by die Administratiewe kantoor ingehandig word of in noodgevalle telefonies by die dienstelefoonnommer aangemeld word Geen inwoner mag inmeng met diensverskaffers of dienste soos gelewer onder die jurisdiksie van die Bestuur nie. Die korrekte prosedure is om die klagte op skrif by die Administratiewe kantoor aanhangig te maak, waar ontvangs erken en n verwysingsnommer toegeken sal word In geval van nood gedurende kantoor-ure, moet dit dadelik by die Administratiewe kantoor aangemeld word n Lys van persone en kontakbesonderhede wat in tye van krisis gekontak kan word, is beskikbaar, en op die kennisgewingbord aangebring Die Regspersoon sal van tyd tot tyd die verpligtinge en koste van eienaars/inwoners om van etes in die gemeenskaplike eetsaal gebruik te maak vasstel Ten einde die kombuis in stand te hou, kan n kombuisheffing ingestel en jaarliks bepaal word. 13

14 27.3 Eenhede wat nie verhuur word nie en waarvan die eienaars nie voltyds/gereeld op die landgoed is nie, is nie onderhewig aan verpligte etes nie, maar moet steeds die kombuisheffing betaal Slegs skriftelike aansoeke vir uitsonderings of vrystellings op mediese gronde sal deur die Bestuur oorweeg word. 28. BESOEKE AAN WILDSKAMP 28.1 Geen voertuie of motorfietse word in die wildskamp toegelaat nie, behalwe amptelike wildsbesigtigingsvoertuie en met toestemming van die Bestuur vir spesifieke take Geen vure mag aangesteek word nie Geen troeteldiere word toegelaat nie Permanente inwoners is welkom om gratis saam te ry wanneer inspeksieritte onderneem word. Familie of kinders van inwoners moet betaal vir ritte Sorg moet gedra word dat die hek behoorlik toe is alvorens besoekers die wildskamp verlaat Voornemende kopers mag die wildskamp eenmalig gratis besoek. Reëlings word met die kantoor getref Besoeke aan die wildskamp geskied op inwoners/besoekers se eie risiko Wild mag nie deur besoekers gevoer word nie. 29. VERSKAFFING VAN ELEKTRISITEIT 29.1 Voorafbetaalde meters word in alle eenhede voorsien en krag kan aangekoop word soos deur die Bestuur bepaal word. Daar mag onder geen omstandighede met die meters gepeuter word nie. Defekte meters moet onder die Langoedbestuurder se aandag gebring word en die Bestuur hou hom die reg voor om van tyd tot tyd enige meter te toets vir akkuraatheid of te vervang Geen kragopwekkers mag geïnstalleer word by eenhede nie. 30. REëLS VIR KONTRAKTEURS 30.1 Die normale toegangs-ure vir kontrakteurs is tussen 06h30 en 18h00 op weeksdae, en 13h00 op Saterdae. Geen werk word op Sondae of openbare vakansiedae en bouers vakansie Des/Jan. gedoen nie Indien n kontrakteur verlang om buite die normale werkure te werk, moet hy skriftelik aansoek by die landgoedbestuurder doen, wat die aansoek nie onredelik sal weier nie. Die landgoedbestuurder sal aan sodanige kontrakteur n skriftelike toestemming in hierdie verband gee, en ook die sekuriteitshoof daarvan in kennis stel Aflewering aan kontrakteurs moet ooreenkomstig Reël no e geskied, met dien verstande dat aflewerings moet geskied binne die normale werkure, tensy skriftelike toestemming daartoe verleen is deur die landgoedbestuurder. 14

15 30.4 Kontrakteurs moet toesien dat geen voertuie op die gras tussen die wonings parkeer nie, tensy dit vir doeleindes van konstruksie vereis word Kontrakteurs en hulle werkers moet sover moontlik die bestaande paaie gebruik en nie onnodig tussen die wonings op die gemeenskaplike eiendom beweeg nie Kontakteurs en werkers kan slegs die perseel betree ingevolge die bepalings van reël Bourommel moet binne een week nadat dit gestort is verwyder word, en mag glad nie in die pad gelaat word nie Kontrakteurs en hulle werkers moet sorg dra dat oop slote of gate duidelik afgesper of gemerk is. Sorg moet gedra word dat alle veiligheidsrisiko s uitgeskakel word Geen werknemers van kontrakteurs mag buite die normale werksure op die gemeenskaplike area beweeg nie, tensy vergesel deur die kontrakteur en met toestemming van die Landgoedbestuurder Werknemers moet gedurende hulle etenstye op die betrokke bouterrein bly en mag nie n steurnis vir die inwoners veroorsaak nie n Kontrakteur sal verantwoordelikheid aanvaar vir sy werknemers wen sub-kontrakteurs n Kontrakteur/die Landgoedbestuurder moet behoorlik kennis gee aan inwoners wat daardeur geaffekteer kan word indien hulle bewus is dat die krag-, water- of riooltoevoer na eenhede afgesny gaan word vir konstruksie-/hersteldoeleindes, sowel as die verwagte hersteltydperk Verbreking van reëls: Reël no 31 sal ook vir kontrakteurs geld. 31. TOEPASSING VAN GEDRAGSREëLS 31.1 In terme van Die Wet, is die Regspersoon van Die Landgoed inter alia verantwoordelik vir die uitvoering en nakoming van alle wette, regulasies en reëls en om toe te sien dat dit nagekom word. Spesiale aandag moet gegee word aan die reëls soos vervat in Artikel 35, 36(4) en aangepaste Aanhangsels 8 en 9 van Die Wet Nr. 95 van Enige verontagsaming of oortreding van enige een van die reëls mag in sekere gevalle lei tot regsaksie of enige toepaslike stappe wat wetlik deur die Regspersoon van Die Oog teen die oortreders geneem kan word. 32. DIVERSE BEPALINGS 32.1 Sigaretstompies, papier en ander voorwerpe mag nie op of vanaf stoepe en uit vensters of voertuie gegooi word nie Werkers in diens van die Beheerliggaam mag nie gedurende werksure, d.w.s. 07:00 tot 16:00 deur inwoners/eienaars in diens geneem word om enige privaat werk te verrig nie. Slegs die Landgoedbestuurder mag gedurende werksure opdragte aan die werkers gee Brandslange mag nie gebruik word vir enige ander doel as brandbestryding nie. 15

16 32.4 Dit is die taak van elke eienaar/inwoner om mede-eienaars/inwoners te wys op die reëls indien hulle bewus word dat die reëls oortree word Implementering van die gedragsreëls: Hierdie reëls vervang alle vorige gedragsreëls en is van krag op die datum van goedkeuring deur die lede by wyse van Spesiale Besluit en liassering daarvan in die Aktekantoor. 30 November