Die Here veroordeel skynheiligheid by álmal skerp

Transcriptie

1 SKRIFLESING: Matteus 23:13-33 TEKS: Matteus 23:33 (2) TEMA: Die Here veroordeel skynheiligheid by álmal skerp Psalm 93 : 1, 4 Psalm 139 : 12 Skrifberyming 45 (18-7) : 1, 12 Skrifberyming 78 (13-3)

2 2 Dis een van die lelikste sondes wat by Christene en by die kerk voorkom: skynheiligheid. Dit maak dat ander mense die heilige dinge verag. Dit ís dan ook een van die algemeenste en heftigste beskuldigings wat mense buite die kerk én selfs partykeer ontevrede kerklidmate self ook, teen Christene maak: dat hulle skynheilig is. En daarom moet ons hierdie skerp oordeelsrede van die Here Jesus teen die skynheiligheid van die Fariseërs en die skrifgeleerdes in die eerste plek hoor as n waarskuwing aan Sy volgelinge om nie in hierdie strik te trap nie. En daarom is hierdie gedeelte vanoggend in die eerste plek gepreek as n oproep tot elkeen van ons: - dat ons onsself moet ondersoek of ons nie hieraan skuldig is nie; - en indien wel, dat ons met berou die Here se vergifnis vir ons skynheiligheid moet soek en ons met die krag wat die Heilige Gees gee, daarvan moet bekeer. Maar hierdie oordeelsaankondiging van die Here Jesus wat in hierdie hoofstuk vervat is, spreek tog ook die mense aan wat ánder altyd so gou en maklik van skynheiligheid beskuldig. Vanaand kyk ons dáárna, hoe hierdie woorde van Jesus hierdie beskuldigers raak. En al is die beskuldigers dan nie self hier om dit te hoor nie (behalwe dalk vir een of twee van ons wat ook al te maklik uitvaar teen die skynheiligheid van ánder) kan ons wat hier is ten minste dan hoor wat ons die mense wat Christene en die kerk al te maklik van skynheiligheid beskuldig, kan antwoord. Ons gaan aan twee sake aandag gee: 1. nie alles wat ménse skynheilig noem, is regtig skynheiligheid nie; 2. die beskuldigers behoort n keer ook na hulleself te kyk. 1. NIE ALLES WAT SO GENOEM WORD, IS SKYNHEILIGHEID NIE Kom ons kyk net weer kortliks na wat regtig skynheiligheid is, hoe die Here Jesus in hierdie hoofstuk skynheiligheid beskryf. o Skynheiliges is mense wat voorloop as daar gepraat en geleer en vermaan word oor hoe dinge volgens die wil van die Here gedoen behóórt te word, maar as dit by die dóén van daardie dinge kom, dan sien jy hulle nêrens nie,

3 3 of dan sien jy hulle anders doen as wat hulle netnou nog met groot selfvertroue vir ander voorgeskryf het. n Skynheilige praat reg, maar probeer nie regtig hierdie reg self leef nie. 1 o Skynheiliges is ook mense wat wel die regte dinge doen, en partykeer baie fluks ook, maar hulle doen dit nie om God daarmee te eer en hulle medemense daarmee te dien nie. Hulle doen dit met die hoop dat mense gaan sien dat hulle die regte dinge doen en hulle dan daarvoor gaan prys. 2 Daarom doen hulle dit baie kere subtiel en minder subtiel waar ander nie anders kan as om dit raak te sien nie. Skynheiliges dien nie vir God en die naaste met die goeie wat hulle doen nie, maar hulle dien hulleself. o Tipes van skynheiliges is ook om die kolletjies op al die kleinletterjie i s van ons godsdiens te wil sit, maar die hoofletters van wat die Here van ons verwag, te ignoreer. As al die stof wat hulle oor klein dingetjies opgeskop het, gaan lê, is daar baie kere niks gebou aan die reg en die liefde en die getrouheid wat behoort te heers waar die Here se koningskap erken word nie. Skynheiliges sif muggies uit en sluk kamele in. 3 o En dan leer die Here ons ook hier dat skynheiliges mense is wat die sondes in hulle lewens probeer wegsteek agter getroue nakoming van uiterlike godsdienstige pligte. Die graf is aan die buitekant versier, maar binnekant vol doodsbeendere. 4 Dís (onder andere) wat skynheiligheid wél is: - reg praat, maar verkeerd doen; - reg doen, maar met verkeerde motiewe; - muggies uitsif en kamele insluk; - buite blink wees en binne vuil. 1 Mat 23:3-4 2 Mat 23:5-7 3 Mat 23: Mat 23:27-28

4 4 Maar weet u wat is nié skynheiligheid nie, al word dit deur baie beskuldigers van Christene en van Christelike kerke ook skynheiligheid genoem? o Dat jy, terwyl jy nog steeds sondes doen, kerk toe kom, en hier met n honger hart die Here se vergifnis kom soek en na die verkondiging daarvan kom luister. Dis nie skynheilig nie, maar dis juis ware gehoorsaamheid aan die Here. Maar die beskuldigers maak partykeer asof almal wat kerk toe kom terwyl daar nog sondes in hulle lewens is, skynheilig is. Dis nie waar nie. As ons sou kerk toe kom en voorgee dat ons sonder sonde is dít sou skynheilig wees. Maar moet sondaars nie juis kerk toe kom, om hier geleer te word en verseker te word van die genade van die Here wat daar vir hulle is nie? Wat ons nagmaalsformulier van ons nagmaal-toe-kom sê, geld ook hier: ons kom nie kerk toe omdat ons onsself sondeloos en volmaak ag nie; inteendeel, ons kom juis omdat ons ons lewe buite onsself in Christus soek. Dis nie skynheilig om as n worstelende sondaar God se genade te soek nie. o Dis ook nie skynheilig, soos wat die beskuldigers gewoonlik beweer, wanneer een sondaar, wat self nog maar sukkel om die Here se wil reg te kry, n ander sondaar op sy/haar sondes wys en oproep tot nuwe gehoorsaamheid aan die Here nie. As net volmaaktes kon preek en kon vermaan en kon waarsku, wie sou dit dan kon doen? As dié wat preek en ander vermaan en waarsku, maak asof hulle hierdie preke en vermanings en waarskuwings sélf nie nodig het nie dít sou skynheilig wees. Maar werk n ware Christelike gemeenskap nie juis só nie: dat sondaars, wat saam stry om God se wil reg te kry, mekaar soos die Here dit van ons verwag 5 daartoe aanmoedig en aanpraat wanneer dit nodig is? Wanneer ons regtig skuldig is aan skynheiligheid, moet ons die bestraffings van ander mense selfs van mense buite die kerk ter harte neem 5 Kol 3:16; Gal 6:1; Hebr 10:24

5 5 en ons daarvan bekeer. Ons moet dan onthou (as ons regtig aan skynheiligheid skuldig is) dat ons beskuldigers dan in goeie geselskap is die geselskap van die Here Jesus: - niemand het so skerp soos Hy skynheiligheid veroordeel nie; - Hy noem skynheilige mense geveinsdes, dwase en blindes, slange, addergeslag; 6 - Hy verseker hulle dat daar geen manier is waarop hulle, solank hulle skynheilig bly, die verskriklike en ewige oordeel van God gaan ontduik nie. 7 Maar nie alles wat ménse skynheiligheid noem, is werklik skynheiligheid nie. Sondaars wat die Here soek en die regte dinge probeer doen en mekaar op daardie pad probeer hou, is nie skynheilig nie. Hulle is juis die wáre heiliges, want hulle is die mense wat in die oë van God silwerskoon gewas is van alles sondes deur die bloed van Jesus Christus en met Sý heiligheid aangetrek is. Hierdie rede van die Here Jesus help ons om wáre skynheiligheid uit te ken. n Tweede antwoord wat ons op grond van hierdie Skrifdeel aan dié wat ander so geredelik van skynheiligheid beskuldig, kan gee, is dat hulle n bietjie na hulleself moet kyk. 2. BESKULDIGERS VAN ANDER MOET OOK NA HULLESELF KYK Die eerste wat die beskuldigers hulleself moet afvra, is of openlike onheiligheid dan vir hulle beter is as skyn-heiligheid. Want dis mos een van die dinge wat hulle graag sê: - ek weet ek doen ook verkeerde dinge, maar ek is darem nie skynheilig daaroor nie; - almal weet ek doen dit! Hulle doen met ander woorde die verkeerde dinge sommer openlik. Hulle is sommer skaamteloos sleg. 6 Bv verse 13, 17, 33 7 Vers 33

6 6 Is dit nou meer aanvaarbaar? Dis definitief ook nie vir die Here aanvaarbaar nie. Hy keur in Sy Woord nie net skynheiligheid skerp af nie, maar ook alle ander onheilighede. Vir mense wat openlik sondig sonder berou en bekering, is daar net so min hoop om God se regverdige, verskriklike ewige straf vry te spring as vir n onbekeerde skynheilige. 8 In die tweede plek moet hierdie mense wat ander so gou en maklik van skynheiligheid beskuldig, hulleself afvra of hulle nie dalk besig is om die splinter by ander raak te sien, maar die balk in hulle eie oog mis te kyk nie. Want as jy ander as skynheiliges uitskel en soos wat gewoonlik by sulke mens die geval is dan weier om met sulke skynheiliges te meng, waar laat dit jóú? - Is jy te goed om met hierdie skynheiliges te meng? - Ag jy jouself beter as hierdie geestelike gespuis teen wie jy so uitvaar? Maar wie s nóú die Fariseër wat uit sy gewaande geestelike hoogte neersien op ander? Wie s nóú die een wat met die kleed van heiligheid en vroomheid paradeer? - Ek s darem nie soos hierdie spul skynheiliges nie! Mense wat dink dat hulle te goed is om met skynheiliges te meng, is skuldig aan presies dieselfde sonde waarvan hulle besig is om daardie ander te beskuldig. n Derde vraag wat hierdie beskuldigers hulleself moet afvra, is of hulle regtig kan onderskei tussen n sondaar wat opreg God se genade soek en probeer uitleef, en n skynheilige? Een mens weet mos nie wat regtig in n ander mens se hart aangaan nie! Dis net die Here wat die harte ken, wat regtig weet wie met godsdienstige toneelspel besig is, en wie nie. Party sondes is vir almal sigbaar, maar skynheiligheid is iets wat hoofsaaklik in mense se binneste plaasvind en dáár kan net die Here sien. 8 Bv Rom 1:28-32; 1 Kor 6:9-10; Openb 21:8

7 7 Wie ander van skynheiligheid beskuldig, gaan sit op n hoë troon n troon wat te hoog is vir ons as mense met ons beperkte kennis en insig in die binneste van ander mense. Voordat enige een van ons iemand anders van skynheiligheid beskuldig, moet ons maar eers diep in ons eie harte gaan inkyk. Hoe kan enige iemand ooit met openlike onheiligheid spog, of uit geestelike hoogtes neersien op skynheiliges, of maak asof jy met Goddelike alwetendheid in ander mense kan inkyk? TOEPASSING Daar s uiteindelik vir ons almal skynheiliges en openlike onheiliges maar net een veilige skuilplek teen die oordeel van God wat ons almal verdien. En hierdie skuilplek is onder die vlerke van die Verlosser, Jesus Christus. 9 Net daar onder die vlerke van Hom wat vir ons gekruisig is is daar bevryding van al ons sondes: - vergewing daarvan; - afskrywing van die skuld daarvan; - kwytskelding van die straf daarvan; - bevryding van die houvas wat dit op ons het. Net daar kom ons siele tot rus. Net daar, waar jy toegevou word teen al die skade wat boosheid bring, gaan daar vir jou n nuwe wêreld oop - n lewe saam met God; - wat jy nóú al al worstelende lewe, maar ééndag in strydlose, ewige vrede gaan geniet AMEN 9 Mat 23:37