In nood kan ons God as Vader aanroep.

Transcriptie

1 SKRIFLESING: Jesaja 63:7 64:12 TEKS: Jesaja 63:16 en 64:8 HK 9 TEMA: In nood kan ons God as Vader aanroep. Psalm 33 : 1 Skrifberyming 17 (17-1) : 5, 6 Psalm 103 : 7 Psalm 33 : 11 Ook: Ps 104 Sb 33

2 2 Na die tweede wêreldoorlog in die vorige eeu, is daar gesê dat die wêreld nie meer n vader het nie. Nie omdat die Vader weggegaan het nie, maar omdat die wêreld God weggestoot het, en so Vaderloos geword het, n wees-wêreld. Vandag se wêreld het nie net meer nié n vader nie, dit het nie eers meer die regte idee van wat vaderskap beteken nie. Nie net ken hierdie wêreld nie meer vir God, die hemelse Vader, nie. maar ook die prentjie van aardse vaders is oor die algemeen n droewige een: - afwesige pa s; - drinker-pa s; - pa s wat vrou en kinders los; - pa s wat molesteer Wat n toestand! want waar gaan jy heen as jy nood het en jy nie meer n Vader het nie? Is dit nie ook n rede waarom selfs Christene partykeer deur nood ondergekry word nie, omdat hulle God as Vader nie meer duidelik raaksien nie, as die Vader wat jy kan aanroep wanneer jy in die nood is? Dis een van die dinge waaraan hierdie gebed in Jes ons herinner: dat ons God in die nood as ons Vader kan aanroep. Kyk na 1. dat God Vader is; 2. dat Hy óns Vader is; 3. dat Hy in nood aangeroep kan word. 1. GOD IS VADER In die Bybel stel God Homself onder andere aan ons bekend as die Vader. En in die Bybel beteken God se Vader-wees n hele klomp dinge. Dit beteken byvoorbeeld dat Hy die Oorsprong van alles is, dat alles by Hom begin,

3 3 dat Hy alles wat bestaan, gedink het en gewil het en gemaak het. 1 In Jes 64:8 hoor ons hierdie faset van Sy vaderskap: U is ons vader, Here, ons is klei en U het ons gevorm, ons is almal die werk van u hande. Dis daarom wat ons bely dat God die Vader die Skepper van alles en almal is. God as Vader is die oorsprong van alles en almal. Dat Hy Vader is beteken ook dat Hy Sy mense versorg, dat Hy vir Sy kinders gee wat hulle nodig het. In die paradys het hierdie faset van Sy vaderskap al gewys. By alles wat Hy aan die mens voorsien het, lees ons ook in Gen 2 dat God dadelik gesien het dat by al die volmaaktheid van die skepping daar tog iets kortgekom het: - Adam was alleen; - Hy t nie iemand wat by hom pas gehad nie; en toe sorg die hemelse Vader deur Eva vir hom te maak. 2 En hoe duidelik het die Here Jesus nie gesê dat ons nie soos die heidene oor kos en klere bekommerd moet wees nie, want ons hemelse Vader weet dat ons dit nodig het; en Hy sal vir ons sorg meer nog as wat Hy vir die wilde voëls en die veldlelies sorg. 3 Dat God Vader is beteken dat Hy sorg. En dat Hy Vader is beteken dat Hy ook die Een is wat ingryp om Sy volk te help en uit die moeilikhede uit te red waaruit niemand anders hulle kan red nie. In Jes 63:16 hoor ons hierdie faset van Sy vaderskap: U is tog ons vader. Abraham weet niks van ons nie en Israel [= Jakob] is nie van ons bewus nie; U, Here is ons vader, van ouds af is u Naam: Ons Verlosser. 1 Openb 4:11; vgl NGB 8 2 Gen 2: Mat 6:25-32

4 4 As die kinders hulpeloos spartel, dan steek God Sy sterk hand uit en help hulle. God as Vader red uit die nood. En dan beteken Sy Vader-wees ook dat Hy jammer kry en Sy kinders hulle sondes vergewe. Onthou u die gelykenis van die verlore seun, 4 wat eintlik die gelykenis van die genadige Vader moet wees? Toe hierdie seun, wat sy erfgeld voortydig opgeëis het en daarmee weggeloop het en dit alles vermors het in n goddelose lewe, in armoede en skande en met berou in sy hart terugkom huis toe, toe kry sy Pa hom jammer en hy verwelkom hom met oop arms terug... God is hierdie Vader - die Een wat alles gemaak het; - die Een wat sorg; - die Een wat uitred; - die Een wat vergewe. Verstaan dit mooi: - God tree nie partykeer soos n Vader op nie; - God ís die ware en eintlike Vader! Hy s mos nie soos mense wat eers op n later stadium n pa of n ma word nie niemand van ons word mos as n pa of n ma gebore nie; ons word eers later in ons lewe, wanneer ons kinders gebore word, ouers. Maar God is van ewigheid af Vader. Die drie-enige God bestaan mos van ewigheid af as Vader en Seun en Heilige Gees, wat beteken dat die Vader van ewigheid af Vader is, dat daar nooit n tyd was wat Hy nie Vader was nie! By mense is ouerskap iets bykomends tot jou mens-wees. By God is dit deel van Sy wese. Hy is die eintlike en oorspronklike Vader, van wie se Vaderskap aardse pa s en ma s iets behoort af te beeld In die Bybel stel God Homself aan ons bekend as die Vader. 4 Luk 15:11-24

5 5 2. HY IS ONS VADER Dis nie sommer so n vanselfsprekende sinnetjie om te sê dat God ons Vader is nie. Die mens se sonde daar in die paradys het verwydering gebring tussen die mens en God; - die mens wat as kind van God geskape is, het daar gekies om aan die kant van die duiwel te gaan staan en so vyand van God te wees; - die kinders het weggeloop uit die Vader se huis uit; - die oorspronklike Vader-kind verhouding tussen God en die mens het verlore geraak. As die Seun van God hierdie hemelse Vader se eie, eniggebore, ewige Seun nie mens ook geword het en vir die mense wat die Vader uitgekies het om weer Sy kinders te wees, veral aan die kruis in die bresse getree het nie, sou niemand weer kind van God kon wees nie. Maar Hy t dit gedoen en nou is vir elkeen wat in Hom glo, die reg gegee om weer kinders van God te wees. 5 Net vir hulle. Na die sonde van die mens daar in die paradys is dit nie meer so dat alle mense God se kinders is nie; - alle mense is Sy skepsels en Sy onderdane, ja al is baie Sy onderdane teen hulle sin maar nie alle mense word weer Sy kinders nie; - dis net mense wat in Jesus Christus glo, wat hierdie voorreg weer present gekry het. Maar hulle hét dit. En hulle ons elkeen wat glo dat Jesus ons verlosser en Here is moet nooit leef asof ons Vaderloos is nie. Ons moet (byvoorbeeld) as ons in nood is, nie soos mense wees wat nêrens het om heen te gaan nie, want kinders van God kan Hom altyd in nood as hulle Vader aanroep 5 Joh 1:12-13

6 6 3. HY KAN IN NOOD AANGEROEP WORD. Dis wat ons vanoggend gelees het: hoe die Here se profeet Hom namens die volk as Vader aangeroep het toe hulle in baie groot nood was. Hulle was deur hulle vyande vertrap en verdruk. Hulle land was verwoes. Hulle stede en dorpe was in puin gelê. Selfs Jerusalem en selfs die tempel van die Here was platgeslaan. En dit was hulle eie skuld. Die profeet erken dit hier namens hulle dat die Here vir hulle goed was, maar dat hulle Sy Heilige Gees bedroef het met hulle aanhoudende gesondig, 6 totdat Hy naderhand in Sy regverdige toorn oor hulle ongehoorsaamheid soos n vyand van hulle geword het en teen hulle opgetree het. En nou pleit die profeet namens die volk dat die Here tog aan hulle sal dink en hulle sal jammer kry en hulle sal uithelp uit hulle haglike omstandighede uit. En wat is sy pleitgrond? - want U is ons Vader! - en n Vader (dit weet ons uit wat U self vir ons geopenbaar het) help Sy kinders wat Hy gemaak het, Hy vergewe hulle en Hy sorg vir hulle en Hy red hulle dis tog wat ware vaderskap behels! - en U is die ware Vader en uit genade óns Vader As jy in nood is dis wat die Heilige Gees met hierdie gebed wat Hy vir die profeet ingegee het, vir ons sê kan jy jou op God se Vaderskap beroep, op die feit dat Hy ook weer jóú Vader is. En as hier op aarde selfs onvolmaakte, sondige vaders en moeders, se harte tog weer saggemaak kan word deur die smekinge van n kind ( n mens verstom jou mos baie kere oor hoe baie aardse ouers hulle kinders kan vergewe en oor hoe ver selfs onvolmaakte ouerliefde vir kinders wat dit glad nie werd is nie, kan gaan), 6 Jes 63:10; 64:5b-7

7 7 hoeveel te meer sal die ware en volmaakte hemelse Vader se hart nie sag word wanneer Sy kinders Hom in hulle nood aanroep met hiérdie appèl nie: - Here, U is tog ons vader In nood kan God se kinders altyd n beroep op Sy Vaderhart doen. Dis ook die trant van ons belydenis hier. Luister weer na hierdie sinne: - Ek glo dat die ewige Vader van ons Here Jesus Christus ter wille van sy Seun Christus my God en Vader is. - Ek twyfel nie daaraan dat Hy my, met alles wat vir liggaam en siel nodig is, sal versorg nie. - Hy sal ook al die kwaad wat Hy in hierdie jammerdal oor my beskik, tot my beswil verander, omdat Hy dit as n getroue Vader wil doen. God is die Vader, óns Vader, wat ons in nood kan aanroep. TEN SLOTTE Die wêreld hét nie meer n vader nie. Jy sien dit aan die feit dat die valse godsdienste van die wêreld selfs net die idee dat hulle afgod n vader kan wees, glad nie ken nie. Dis n vreemde idee in die heidense wêreld. Vir hulle is die gode gewoonlik òf sulke opgehemelde mens-agtige figure, òf so n strak, onbereikbare wese iewers in die verte. Die ander godsdienste ken nie regtig die idee van God as Vader nie. En jy sien dat die wêreld nie meer n vader het nie, aan die feit dat soveel mense in ons tyd nie meer weet waarheen om met hulle nood te gaan nie; en dan maar daarvoor probeer wegkruip in verslawende middels, of in gejaag na plesier (ons moet maar eet en drink en vrolik wees voor ons doodgaan!), of hulle gee hulle maar op en en raak sinies, mense sonder enige perspektief of uitsig. Dis mense in nood wat nie meer die omdraaipad terug na die Vaderhuis toe ken nie. Die tragiese is dat daar ook Christene is wat leef asof hulle nie n Vader het nie.

8 8 By party het n drinkende, vloekende, ontroue en dalk selfs molesterende aardse pa hulle siening van vaderskap so besmet dat hulle sukkel om die mooi van ware Vaderskap te sien. Maar daar is die ware Vader, die hemelse Vader, wat ook jou Vader is as jy in Jesus Christus glo: - die Vader wat jou gekies het en wat jou weer as Sy kind aangeneem het; - die Vader wat jou jammer kry en jou ook al jou opstand en rebellie en ondankbaarheid en ongehoorsaamheid en wantroue vergewe; - die Vader wat jou só sal help en red, dat jy die aardse lewe as n gelowige sal klaarmaak; - die Vader wat vir ewig vir jou gaan sorg. Moenie van Hom vergeet nie. Moenie dat wat-ook-al jou aan Sy volmaakte Vaderskap laat twyfel nie. In die nood van ons land en van die kerke in ons tyd en van jou eie lewe, kan jy Hom altyd aanroep: - Here, help! U is tog ons Vader! En juis omdat Hy regtig Vader is, sál Hy hoor wanneer Sy kinders roep AMEN