Net die ware God kan vooruit sê wat gaan gebeur

Transcriptie

1 SKRIFLESING: Jesaja 42:1-17 TEKS: Jesaja 42:9b TEMA: Net die ware God kan vooruit sê wat gaan gebeur Skrifberyming 34 (2-2) : 1, 2 Psalm 86 : 5, 6 Skrifberyming 4 (4-4) : 1, 2, 3 Skrifberyming 78 (13-3) Ook: Sb 69 (7-2) : 1, 2

2 2 Dis nou amper n maand voor ons op Kersdag die geboorte van Jesus Christus gaan vier. In hierdie maand gaan ons baie preke en oordenkings oor die Here Jesus se koms na hierdie wêreld toe hoor. Een van die sake waaraan daar in hierdie aanloop tot Kersdag gewoonlik baie aandag gegee word, is die voorspellings wat daar in die eeue voor Jesus se koms oor Sy geboorte en lewe as mens gemaak is, oor wat hierdie voorspellings vir ons sê van wie Hy is en van wat Hy sou kom doen en van wat dit alles vir ons beteken. Maar het u al hiéraan gedink? Net die feit al dat Sy koms vooraf aangekondig was en so gebeur het soos wat dit aangekondig was, is al iets wonderliks, is al n bewys dat Gód hier aan die werk is, want dis net God wat regtig vooruit kan sê wat gaan gebeur. Kom ons verwonder ons vanaaand hieroor oor God wat vooruit kan sê wat gaan gebeur en wat daarom ook vooruit die geboorte van Sy Seun as mens kon aankondig. Ons praat oor 1. God wat vooruit kan sê; 2. dat hy die enigste Een is wat dit kan doen; 3. wat hierdie feit vir ons wat vandag leef, beteken. 1. GOD SÊ VOORUIT Die Here kondig (so hoor ons hier) deur Sy profete vooruit aan dat sekere dinge gaan gebeur, nuwe dinge, dinge waarvan niemand nog geweet het nie. Hy kondig dit aan voor dit begin gebeur. Letterlik staan hier: voor dit uitspruit. Hierdie dinge wat gaan gebeur is met ander woorde soos saadjies wat in die grond geplant is en waarvan mense nog niks kan sien of weet nie, omdat die saadjies nog nie opgekom het nie.

3 3 Dis net die Planter van hierdie saadjies wat weet dat hulle gaan opkom en wanneer hulle gaan opkom en watter soort plantjies gaan opkom; en daarom is dit net Hy wat vooruit kan sê van hierdie nuwe dinge wat gaan uitspruit. Kyk net n bietjie in die Bybel hoeveel dinge die Here aangekondig het lank voor dit gebeur het en dan hét dit presies gebeur soos Hy vooraf gesê het! o Hy t byvoorbeeld die geboorte van n seuntjie vir Abraham en Sara, lank nadat Sara oor die kinderkry-ouderdom was, aangekondig n jaar voor die tyd! 1 o Hy t baie jare voor dit gebeur het, vir Abraham gesê dat sy nageslag vir vierhonderd jaar lank slawe in n vreemde land sal wees en dan sal terugkom na die land Kanaän toe. 2 o Hy t ongeveer driehonderd jaar voor dit gebeur het, vir koning Jerobeam van die Tien Stammeryk Israel gesê dat n koning van Juda met die naam van Josía die afgodery wat Jerobeam begin het, sal uitroei presies soos dit gebeur het! 3 o Hy t vir Sy volk voorspel hoe n magtige nasie uit n noordelike rigting sal kom en hulle sal oorrompel en in ballingskap sal wegvat, 4 wat die Babiloniërs onder Nebukadnesar kom doen het. 5 o In hoofstuk 40 e.v. van die boek van die profeet Jesaja, hoor ons hoe die Here Sy profeet laat aankondig dat Hy, die Here, Sy volk hulle sondes gaan vergewe en dat Hy koning Kores van die Perse die oorhand oor die Babiloniërs gaan gee en dit in Kores se hart gaan gee om die Israeliete te laat teruggaan uit die ballingskap na hulle eie land toe, waar Hy (die Here) hulle dan weer sterk sal maak en soos n Herder sal versorg. Wat alles net so gebeur het. Maar as jy die Ou Testament lees en spesifiek die boek Jesaja ook 1 Gen 18: Gen 15: Kon 13:2; 2 Kon 23: Jer 1:14-16; 4:6-7; 5:15-17; 15:1-4; 21:7-10; ens. 5 Jer 52

4 4 en spesifiek hier van hoofstuk 40 af, dan s dit baie duidelik dat die Here van baie vroeg af veral die belangrikste gebeurtenis in die wêreldgeskiedenis, die koms van die Verlosser, voorspel het in al hoe meer detail hoe nader dit aan Sy tyd gekom het. o Daar s byvoorbeeld aangekondig dat Hy uit die stam van Juda sou kom 6 en in Juda uit die nasate van koning Dawid. 7 o Daar s vooraf gesê dat Hy in Betlehem 8 gebore sou word, uit n maagd. 9 o Daar s gesê dat Hy sal kom om die armes en nederiges en moedeloses en treurendes op te beur en te troos en te help, 10 dat Hy geknakte riete nie sal afbreek en dowwe lamppitte nie sal uitdoof nie. 11 o Dis vooraf uitgewys dat Hy die almagtige God en die ewige Koning is, 12 maar terselfdertyd ook die nederige Dienaar van die Here, 13 wat op n donkie in Jerusalem sou inry. 14 o Dis duidelik eeue voor Sy koms aangekondig dat Hy vir ander sou ly, vir ander se sondes deurboor sou word. 15 o Daar s ook geprofeteer dat die dood Hom nie sou onderkry nie, en selfs dat Hy uiteindelik aan die regterhand van God sou gaan sit. 16 Al hierdie dinge, wat geen mens van geweet het of self sou kon uitdink nie, het God vooruit laat aankondig. Hy t geweet van hierdie saadjie in die grond van die wêreldgeskiedenis, waaruit die Verlosser van die wêreld eendag sou uitspruit, en Hy t vooruit laat sê dat dit gaan gebeur. God sê vooruit. 6 Gen 49:8-12; Jes 11:1; Miga 5:1 7 2 Sam 7:12 e.v.; Ps 132:11 e.v.; Jer 23:5; 30:9 8 Miga 5:1; 9 Jes 7:14; Mat 1: Bv Jes 11:4; 61:1-3; vgl Luk 4:18 11 Jes 42:3 12 Jes 9:5-6; Miga 5:1 (AV 1933/53) 13 Jes 42:1-2; 53:2 14 Sag 9:9 15 Jes 53:5, 8 16 Ps 16:8-11; 110:1; Hand 2:24-36; 13:35-37

5 5 En net Hy, want 2. NET HY KAN Dis iets wat niemand anders kan doen nie geen mens, geen gees, geen afgod nie. In Jesaja 41 het die Here al die heidene en hulle afgode uitgedaag om te sê wat in die toekoms gaan gebeur, maar hulle kan natuurlik nie, 17 want mense ken nie die toekoms nie en afgode bestaan nie! Maar wat van waarsêers en ander toekomsvoorspellers, soos byvoorbeeld Nostradamus? Daar s geen vergelyking tussen die Here se aankondigings oor die toekoms en mense se waarsêery nie: o Waarsêers se toekomsvoorspellings is gewoonlik vaag en dubbelsinnig, sodat dit op verskillende maniere vertolk kan word, terwyl die Here duidelike en pertinente toekomsinligting gee, bv. - n geboorte in Betlehem; - op n donkie Jersualem inry; - klere wat deur die lot verdeel gaan word o Waarsêers se voorspellings gaan ook baie kere oor klein, onbenullige dingetjies nietige besonderheidjies oor individue se lewens, terwyl die Here sê oor groot dinge wat in die kerk- en wêreldgeskiedenis en in die natuur en selfs in die kosmos gaan gebeur; en wanneer Hy wel klein detail voorsê, soos byvoorbeeld in van die voorspellings oor die Verlosser wat sou kom, is dit altyd klein detail met groot betekenis betekenis wat met mense se ewige wel en wee te doen het. o En dan is waarsêers, of valse profete want dis wat hulle eintlik is baie kere in hulle voorspellings heeltemal verkeerd - soos die profete wat voorspel het dat koning Agab van Israel die oorlog teen die Arameërs sou wen en toe verloor die Israeliete en Agab sterf! Jes 41: Ps 22: Kon 22

6 6 - of soos Gananja, wat in die profeet Jeremia se tyd, voorspel het dat die ballingskap nooit verder as fase 1 daarvan sou vorder nie en binne twee jaar verby sou wees, wat glad nie so gebeur het nie. 20 Selfs die sogenaamde beste waarsêers wat die wêreld al gehad het, het talle en talle verkeerde voorspellings gemaak, terwyl dit wat die Here voorsê, altyd presies, verstommend net so gebeur! En waar waarsêers hier en daar wel iets oor die toekoms reg voorspel (waarskynlik omdat bose geeste, wat ook nie alles van die toekoms weet nie, maar tog meer as mense weet, hulle help), gebeur dit onder toelating van die Here; - Hy t in Moses se tyd al sy volk gewaarsku dat Hy hulle liefde vir Hom op hierdie manier gaan toets deur partykeer voorspelde wonders en tekens van goddeloses te laat uitkom, 21 om dan te kyk of die volk hierdie goddelose voorspellers dan gaan volg; - en dis seker al deel van die Here se straf oor goddeloses, want as waarsêers iets raak voorspel, versterk dit goddelose mense net op die pad weg van die Here af wat hulle gekies het om te loop; en een manier waarop die Here goddeloses straf, ís mos om hulle oor te gee aan die boosheid wat hulle kies! 22 Maar die Here se aankondigings oor dinge wat gaan kom, is áltyd honderd persent reg. Die rede waarom die Here toekomstige dinge presies reg kan voorsê, is omdat Hy alle mense en magte en faktore en gebeure só absoluut beheer, dat alles presies gebeur net soos Hy dit wil laat gebeur, net soos wat Hy Hom van ewigheid af voorgeneem het dat dit moet gebeur. 23 Dit was byvoorbeeld van ewigheid af God se plan om Sy Seun as Verlosser vir die wêreld te stuur, om deur Sy lewe en dood en opstanding hier op aarde versoening tussen Hom en sondaars te bewerk, om Sy Seun daarna te verhoog tot Koning van hemel en aarde en tot Hoof van die kerk, om die Heilige Gees uit te stort en hier op aarde te laat werk om ook hier in Pretoria in die eerste dekades van die 21ste eeu mense tot geloof te bring en in die geloof vas te hou en in die geloof te laat groei in verskillende gemeentes. 20 Jer Deut 13: Vgl bv Rom 1:24, 26, 28; 2 Tes 2:11 23 Vgl Hand 15:18 (AV 1933/53)

7 7 God het absolute beheer oor alles wat gebeur. En daarom kan Hy alles laat gebeur presies soos Hy dit beplan het. En omdat Hy alles kan laat gebeur soos Hy dit beplan het, daarom kan Hy vooruit sê wat gaan gebeur, want Hy weet mos wat Hy beplan het en wat Hy gaan laat gebeur. Die Here kan mense van nuwe dinge wat gaan gebeur, laat hoor vóór dit nog uitspruit. Hy kan vooruit sê wat gaan gebeur. Net Hy. TOEPASSING Ons gaan in die aanloop tot Kersfees baie preke en oordenkings hoor en stukkies in tydskrifte lees wat gaan oor die voorafaankondigings van die Here Jesus se geboorte. Maar by al die belangrike lig wat hierdie profesieë oor Christus vir ons gee oor wie Hy is en wat Hy sou kom doen en wat dit vir ons beteken, moet u u tog ook elke keer verwonder oor die wonderlike: dat God lank voor die tyd aangekondig het dat dit alles gaan gebeur. Iets wat duidelik wys dat Jesus se geboorte nie n frats van die geskiedenis was nie, maar deel van God se plan. Hy t dit so gewil en so laat gebeur dat Sy Seun as mens ook gebore sou word en hier op aarde vir ons sou leef en ly, sodat elkeen wat in Hom glo, nie verlore sal gaan nie, maar die ewige lewe sal hê Maar al die vooraf-aankondigings oor die Here Jesus se geboorte as mens, wat presies net so gebeur het, herinner ons vanaand ook weer daaraan, dat ook in ons tyd net die Here weet wat regtig vorentoe gaan gebeur en dat net Hy betroubare inligting daaroor kan gee. As ons op ander plekke, of by ménse inligting oor die toekoms gaan soek, gaan ons net mislei word. Nie die politici of die ekonome of die klimatoloë of sogenaamde sieners of profete of wie ook al kan regtig vir ons sê wat vorentoe gaan gebeur nie.

8 8 Net God kan. En Hy hét dan ook in Sy Woord, die Bybel, vir ons alles gesê wat Hy wil hê dat ons moet weet, ook oor wat vir ons nog in die toekoms wag. Dis net Hy wat byvoorbeeld weet en dit al vir ons gesê het dat die saadjie in die grond lê van die Here Jesus wat eendag wéér gaan kom - hierdie keer nie as n Kindjie in die krip nie, 24 maar as hemelse Koning in hemelse heerlikheid op die wolke van die hemel en gevolg deur al Sy engele! 25 - hierdie keer nie in stilte sodat daar spesiale tekens en aankondigings oor Sy geboorte moes wees nie, 26 maar só dat elke oog Hom sal sien, ook hulle wat gedink het dat Hy nie bestaan nie! 27 - hierdie keer nie om in ons plek veroordeel te word nie, 28 maar om self as die Regter van almal wat ooit geleef het, te kom optree; 29 - hierdie keer nie om af te kom en soos een van ons te word nie, 30 maar om ons te kom optel in die ewige heerlikhede van n lewe saam met Hom! 31 En dit gáán gebeur, want God, wat die enigste Een is wat kan sê wat vorentoe gaan gebeur, het dit alles gesê AMEN 24 Luk Mat 24:30; Hand 1:11; 2 Tes 1: Mat 2:2; Luk 2:10 e.v. 27 Luk 17:24; Openb 1:7 28 Gal 3:13 29 Joh 5:22; Hand 10:42; 17:31 30 Filip 2:7 31 Mat 25:21, 23; 1 Tes 4:17