Zoeëmervreij De zoeëmerzon sjient zien sjtroale Uëver buusj en beënj en landj Wermt de welt wie n wulle dikke Vier ligke geborge in heur handj

Transcriptie

1 Vluë Twieë vluë loge in t sjtruë Neëve-eé, onger t sjop Heë kratsde zich ins uëver der kop En zag: t is aafzieë en lieje Noe sjpiele ging kinger mieë in t sjtruë t Zint anger tieje Vakantie (mér ins ín t joar) De dagelikse sjleur heët os noch mér effe te pakke, Want d r sjteet get vuur de duur, woeë vier noa sjnakke! De vakanties komme d r weer aan vuur os allemoal, En die sjrieve vuur jieëderee n anger verhoal! Want jieëderee geet op zien ege maneer, Genete van zien vrieje tied mit veuël plezeer! D r ene zeukt t dicht bie hoes in d r ege gaard, Inne angere heët vuur n lange rees gesjpaard! Italië, Frankriek, of geweun dien ege boet, t makt nieks oet, jieëderee is d r toch effe tusje oet! Loat dich waal aaf en toen ins verwinne, Zieëker in de vakantietied mot dat toch kinne! Maak dien gedachte weer vriej, En zit dich alles op n riej! Kom good oetgerus weer truuk, vol nuje energie, Doa van wurst-e zelf en dien omgeëving bliej! Egelik hove vier gene t oet te ligke, Toch wille vier t noe noch effe zigke! Al mit al is d r mér één dink dat d r tilt, En dat is dat dich zelf dien vakantie bevilt. Geneet d r doarom van, want t doeërt weer een langk joar, Vuurdat die periode d r weer is, joamer, mér toch is t woar! Ron Logister. Zoeëmers. Zoeëmers van toen zind greuner en wermer. Zoeëmers van noe zind n bietjske ermer. Mar sjtraks zind de zoeëmers van noe, jüs zoee greun en zoee werm, want dan zind t de zoeëmers van toen Thei Janssen Zoeëmervreij De zoeëmerzon sjient zien sjtroale Uëver buusj en beënj en landj Wermt de welt wie n wulle dikke Vier ligke geborge in heur handj In good en geël gevange Sjteet t koare van wiets te winke En langs dat geël wie n guirlande

2 Zuust-e koareblome blinke Langs t sjeet sjteet wie ne soldoat Sjtaats en sjtols der noeëteboom Mit zien harkerige hote erm Te reke noa witte wolke van room Es of heë ze wilt weëre Weg van t pallet mit zoeëmerkluëre Krek es of heë zigke wilt Ich loat mien vreij neet versjtuëre Oethoate De tant Ella en der nonk Hoebeët woare vief en vieëtig joar getrouwd en hant twelf kinger en twieë en twintig klingkinger gekrieëge (bis noen). Op de vroag; Wie kunt t dat ier t zoëlang mit ee oetgehoate hant? Woar de verkloaring van de tant: Lang geleëje hant vier mit ee aafgesjproake; deë t iesjte voet geet, kriet alle kinger! Besjermingel Wen-ste in d r auto sjtaps en een sjtuk gees vare, Bewaar dan de rust en prebeer dich te bedare! En mot t dan ins get flotter goan, bedink dich dan, Dat-ste noeëts heller mos vare, es diene besjermingel vleege kan! Ron Logister Zónger adië Wie vöale van ós, sjterve neet inins? jüs zoe-wie doe, zónger waarsjuwing, of adië. Verkloare kin ich t neet, begriepe hieëlemoal neet, en óm t te akseptere, is t nog te vreug. Doe bis uëveral, woeë ich óch bin, d r wink drieëgt dien lach, t water dien sjtum, en soms, wen ich s oavends noa de sjterre kiek, vroag ich mich aaf, of ee van die lichsjkes dien naam in zich drieëgt Thei Janssen

3 Beledige Vuëre in der zaal Doa zitte de sjtomme boere Hie links de greune beëre En rechs de ouwe hoere Bis doe gene greune beër? Dan mot ich dat bedoere Ich wol dich neet beledige Zit dich mer vuëre aa Bie die sjtomme boere Ins in de twieë joar Hollenjer Ich bin in Limburg geboare En dat ligkt nog sjus in Nederlandj Mer aa dat landj höb ich mie hert noejt aa verlore Doamit höb ich gaaroet ginne bandj Ich veul alleen Limburgs blood durch mien oadere sjtreume Bin gruëtsj op de Bokkerieërs neet op Piet Hein Ich wil alleen van mien Limburgs landj dreume Sjus van mie Limburg, Limburg allein Och, Brabant, t ooste of Zieëlandj kint mich ooch nog bevalle Mer de rest zoeë wie Frieslandj of Holland vinj ich zoeë plat, zoeë hel Zoeë ooch dat vreche taaltje, wat ze doa kalle Van zoeë e hel G krieste toch pieën van in de kael Alleen een kieër in de twieë joar Es die Hollenjer t EK of t WK motte voetballe Dan is mie nationale sjtols effe doa En loat ich mien zachte G effe valle Dan sjtuuën ich die Oranjejonge volop En roop ich hup Holland, aanvalluh Dan wusj ich alleen Oranje aa kop Dat alleen zie good kinne voetballe En es dan ooch nog de ieësjte of twieëde pries wurd gepak Zou dat s moge gebuuëre Dan vinj ich die Hollenjer opins gaar neet zoeë bekakt En wil ich doa mer al te gaer biejhuuëre Mer es alles wer is aafgelope Is alles wer hinger de ruk Loat ich die Hollenjer wer lope Wil ich mie zachte G wer gauw teruuk Dan wil ich alleen wer biej Limburg huuëre Dat lendje van bronsgreun eke- of gaelgreun brandjhout Dan sjrieuw ich alleen nog Fortuna noa vuuëre En loate die Hollenjer mich wer kaut Wim Gerards

4 Noaberkat Doa kunt Pako alwer gesjtrieëke Wat heë mot, zal waal nog blieke Köpkes geëve Alzeleëve Leef, va köpke bis stats Mit zie sjpinne, oapend heë os hats Köpkes geëve Alzeleëve Kump ze get leefde bezurge En dat jieëker murge Leef, va köpke bis sjtats En da geet heë werum op jats Mit Hart en Zieël is d r mieër in t leëve! D r is mieër es vier kinnen bedinke in os leëve, Mieër es vier fysiek kinne beleëve! D r is van alles dat vier neet wete, Mér woa vier indirect toch van genete! Dat wurd mit hart en zieël aan os gegeëve, En is t geloof dat os sjterkt in t leëve! Ron Logister. De daag Módderdaag, vadderdaag, Valentijn en deredaag, Sinterkloas en Krismes, geld verdene...bizzenis Gówwe daag vuur de blómmiste bekkere,sjlieters en drogiste, welk fes d r óch is, geld verdene bizzenis De ganse kroam van winkelere wille dat vier fester viere, ze wille bótter bei de vusj, geld verdene bizzenis Wat die dan in n paar weëke, in hun depe tesje sjteëke, dat is ech gee kattepis, geld verdene bizzenis. Keuk, vla s,vuurwerk en blómme, t kan hun allemoal nieks verdómme. Óch al ruukt t neet ummer frisj Geld verdene bizzenis

5 Dat is neet mien disipliene Of mót ich óch zjwat beiverdene? óch wen t verboane is? Geld verdene bizzenis! Thei Janssen Digitale Neanderthaler In ozze moderne tied is al digitaal. De moderne jong drieëgt ingelsje titels zoeëwie Chief Financial Officer, Captain of Industry en zoeë. En heë heët inne PDA, Handy, blackbarry, laptop en deed aan TV-zevere (videoconferencing). Ze twittere dat t der duivel hoalt en vinge der gewuën communicerende miensj mer ene neanderthaler. Noe vroag ich mich aaf: Went der zoeëveuël digitale lijne en droadloze verbinjinge tussje alle oetheuk van de welt ligke, woeërom gont die kluppele dan nui op ee zitte in de zakecentrums van Amsterdam, Londen of New York? Omdat t doa gebuërd! ; zigke ze dan. t Zal toch neet woar zin dat der Chief Investment Officer mit n tuut aandele en inne dieke buul geldj oppe sjtroat sjteet de hanjele, krek wie inne vieëboer oppe mert in Purmerend! ns Rammele in der buul, ns luchte dra en ns effe drin loeëre en dan klatsj, klatsj, klatsj oppe handj,. vuur 25 miljoeën verkoch! Nee, ich kan mich waal n anger reë bedinke. Ooch der moderne zakeman is krek wie deë van vreuger n bietje ene sjtuutbuul en hat n buhn nuëdig om te proetsje. Alaaf doe digitaal geprogrammeerde, doe sjtees missjien korter bie de ape wie deë neanderthaler! Pieëpel Ummer döl en roeteleboet! Vloog d r pieëpel Noe heëj en dan doa, Heë fladdert alle blumkes noa Va blom bis blom En alles um de buët Wie zich dat gehuët Ee muulke hei, en get nektar doa Ueveral drop en draaf Zoeë fladdert d r pieëpel ozze gaad oet! Maria Ten Hiëmel Opnumming & Kroedwusj Op 15 Augustus is inne daag dat Maria wurd verierd, Went dan wurd Maria Ten Hiëmel Opnumming gevierd. Op dit groeëts Maria fieës wurd doeër de kirk herdach, Dat Maria doeër ozze Hieër in d r Hiëmel woeërd opgewach! Volgens oud gebroek wurd n veldjboeket mit leefde samengesjtild, Dat is os tensjlotte van generatie op generatie doeër vertild. Dat veldjboeket hilt vuur os n sjtukske natuur in leëve, t is doeër ozze vuurouwesj de naam kroedwusj gegeëve! t is ooch n boeket dat doeër de samesjtilling bontj is gekluurd, Maria heët t mit leefde van oeët d r hiëmel noa os toegesjtuurd! t Besjteet oet bloome die-ste langs de weëg zuus bluije,

6 Ooch oane d r naam kroedwusj dont ze de luuj vruije. Zieëve versjillende kroeë zunt in d r kroedwusj opgenomme, Al die zieëve kroeë dont op hun eege maneer os good bekomme! Zoeë zunt d r twië kroeë mit n geneeskrachtige wirking, Die zurge dat os gezondjheed geen last kriet van n beperking! Wieër zitte d r twieë kroeë in die t onweer kinne weëre, Die kinnen ooch alle anger sjlech weer weg dirigere! Om d r vuur te zurge dat d r bliksem neet bie os insjleet, Wurd d r n walnoeëteblaad bie gedoa dat neet vergeet! Dit walnoeëteblaad is oet zieëve bleëdjes samegesjtild, Went in d r walnoeëtboom sjleet d r bliksem neet in zoeë is os vertild! En om t gans aaf te make wurd zoeë woar, t boeket aangevuld mit terf, haver en n kore-oar. t Gehieël is n symbool dat os allemoal behoed, En dat neet alleen in vuur- mér ooch in teëgesjpoed. Loate v r dees traditie ooch weer aan os ege kinjer doeër vertille, Zoeë dat zie in de toekoms ooch hun noeëd mit dit boeket kinne sjtille! Ron Logister D r moan D r Sjarel drónk nog waal ins geer e pilske, soms óch waal ins ee of twieë te vöal. Zoeë koam heë lets, midde in de nach op heem aa gesjraveld en heë woar tsemlig aagesjoate. Heë keek ins noa boave en mómpelde in zichzelf; noe wie t zoeë kloar is sjient d r moan, mar vurige weëk wie t zoeë duuster woar, toen loot ze zich neet zieë. Thei Janssen Samewirke Ich hub de debatte gehoeërd Al deë groeëte flinke kal Ze sjmiete mit drek En verwiete zich vanal Mit al deë palaver En al die sjtoerheed Zunt ze allemoale vergeëte Hoe t egelik om geet Noa de verkezinge Is t oet en ame En dan tilt mer één dink Wat kins-te same

7 Kint gier die nog: Oet de gaard Sjteëksjup = spade platsjup = bats gaffel = riek mishoak = gebogen riek reëk = hark sjoefel = schoffel kniep = snoeimes boomzeëg = beugelzaag (boeëne)geeër = bonestaak eёrpelshuёger of sjrieëpel = apparaat om aan te aarden biel = aks kruutshak = houweel mieëzeëgsel = zeis zich = sikkel haarsjtee = slijpsteen hieëp = hiep Sjpreëkwuërd: de leefde Dat is oud moos opwerme - Naar een oude liefde terug keren Es ouw sjure brenne, brenne ze good - Als oudere dames verliefd zijn is dat erg heftig Mit de geet langs der berg goan - Met je meisje uitgaan Verloofd onger n deure higk - Niet officieel verloofd Doa sjteet de bascuul aa gen duёr - Een vrijer wordt kritisch bekeken n Handj vroage en inne voot kriege - Een blauwtje lopen Der zit ene vreëme haan op t toefes - Die vrouw is haar man ontrouw