D r Dreum va Zumpelveld

Transcriptie

1

2 Brasserie D r Dreum va Zumpelveld Oliva bv Brasserie d r Dreum va Zumpelveld is de perfecte accommodatie voor uw partijtje, lunch, diner of ijspret in het hartje van Simpelveld, Markt 2, tel Vanaf 1 januari 2006 bieden wij u ook op onze nieuwe restaurantetage een culinaire Dreum-menukaart aan. In ons nieuwe restaurant gedeelte kunt u heerlijk vertoeven en genieten van fonkelend kaarslicht en de gezelligheid van de openhaard. Wij hebben onze ideeën samengevoegd. Zodat wij u ook vanaf 2006 deze droom kunnen aanbieden. Het gastvrije adres voor 80 personen. receptie s - bruiloften - babyborrels - vergaderingen/seminars begrafenis koffietafels - diverse feestjes Buffetten uit eigen keuken. Vanaf 1 januari snel voor onderweg: broodje van Oliva om mee te nemen. Leuke cadeau tip: dinerbon Oliva 31 december: Sylvesterparty! Pascal en t Oliva team wenst u een gelukkig gezond 2006

3 Mieë wie vieëfentwintig joar ongerboate d r Prinseroad Zumpelveid en dur Prinse-Road Schaesberg al contacte mit ee. Rea um ins get mieë te wete te kome van dea verein van d r Sjeet. Oëts is die vrundsjap ontsjtange durg dat ugge Frens Bodelier en ozze Joep Storms, vuurmalig vuurzitter en huu tse daag senator en ieëre-lid van d r Prinse-Road Schaesberg, zich tróffe. Wie ig gevroagd woeëd durg t besjtuur van d r Prinseroad Zumpelveid um als nit Woeësjjoep ee sjtuksjke te schrieve vuur d r Vastelioavend special volt ich mig richtig gepeadskutteld. Woa zal ig uever sjrieve,? Dat wat vuur dur Prinse-Road Schaesberg wer jiddes joar ee hoeëgtepunt is van ut viefde joargetij, os joarliks beuzeuk aan de Herresitzung in Zumpelveld. Wós ig veull, wie ig aeftroan in 1990 als Prins van d r Sjeet, dat dur neave os eege Herrensitzung og jiddes joar tradisjoneel noa de Herresitzung in Zumpelveld woeëd gegaange. Idee doachter woar dat vier noa ee weekend hé wirke, os zietsung is gemintelik ing weak vuur die van Zumpelveld, ins effe ontsjpanne mooste. Dat bezeuk aan Zumpelveld begint bei os rónk tieën oer, dan wead mit de Zumpelveld-gängere gezamelik aagezeate vuur ee kräftig boettere, sjpek en ei, bloodwoesj en ing doebbele mit zeem. Mieëstal, né eegelik ummer wead ut eate aefgesjloate mit ing runde millesien, inne zjwatte, inne Jägermeister, zoeë neume vier ozze liefdrank. Teage elleve wead mit ee taxibuske richting Zumpelveld, Marktsjtroat gevaare. Dinkste doa onopvallend binne te kónne kome, dan kunste bedroage oet. Ondanks dur hektiek zoeë kót vuur de zietsung weadste Oad Prinselik durg de jónge va Zumpelveld ontvaange. Effe beikalle, ee of twiee of missjien waal mieë pilskes wieër is de sjtimmung al vól dri. Jonge, koom, durg de kuuëke van dur Jos Frijns, noa ozze vaste plaatsj an de tieëk. Bónne gélie en oppasse dat ozze Al zich nit wér mit wieën t héme verzouwd, ut sow nit de ieesjte kieër zieë dat dea zich van boave bis oonger verzauwd. Dur program begint, en dan sjtauns te, de artieste weade hei beoordeeld, op sjoeëiborde en op zittinge van sjteul, wead de waardering vuur dur artiest oetgesjproake. Nog mar ee pilske, opins, wie oet ut nieks, geet doa inne dusj mit boave drop inne beseuker van de zitsung durg dur zaal. Durggeave, durggeave, sjtress, dinkste, nee nee dea bliet rujjig zitte en waad bis hea wer neergezat wead. Humor van groeete klasse, mar nit te begriepe vuur dur artiest. Ueverigens, en dat is og sjun an Zumpelveld, krien ig ummer de geleageheed um mit de artieste te kalle woa oet al minnig moal ee optreane vuur os herrensirtsung is ontsjtaange. Went da ronk vief oer de zitsung gedoa is, wead, afhankelik van ozze program gezamelik werm vleesj mit broeëd, want bruëtje kanste dat nit mieë neume, gegeate, nog inne op de lamp gesjot en aefsjpreuak gemakt vuur volgend joar. Ozze Al wead van oave bis oonge gecontroleerd of dea nurges wieënviekke hat, inne taksie besjteld en dan ruijig, de welt aazieënd vuur ee klee doedeizáksjke, richting Sjeet getoage. Ee klasse fes mit klasse vrung zit dur wer op, waade bis volgend joar. Mit ee kräftig Woeësijoeppe, Prinseroad Zumpelveid Prinse-Road Schaesberg Alaaf. Jan 11 Weijers Sicretaris Prinse-Road Schaesberg,

4

5 Zamstig Prinseproklamatie P.C. J.Frijns oer Zoondig Jeugdpr.proklamatie P.C. J.Frijns 14:11 oer Zamstig Blommekunniginnebal Oad Zumpelveld 20:33 oer Mondig e Gala-bal P.C. J.Frijns 20:11 oer Goonstig Dameszietsong Oad Zumpelveld 20:11 oer Zamstig Reseptie Prinses Oad Zumpelveld 19:30 oer Zoondig Herrezietsong P.C. J.Frijns 13:11 oer Zamstig x11 joar Bokseboam Oad Zumpelveld 20:11 oer Zamstig Volkszietsong P.C. J.Frijns 20:11 oer Zoondig Bezuk Kirchhof Zum Pony 13:00 oer Zoondig Reseptie Hoeëghede Maxime 14:11 oer Zamstig Auw wieverbal Alle Wieëtsjafte 18:11 oer Vriedig Sjlusseluvverdraach Gemeentehoes 20:11 oer Zamstig Kingercarnaval Op d r Maat 13:33 oer Zamstig Dialektmis Remigiuskirch 19:00 oer Zamstig Carnavalsoavend Oad Zumpelveld 21:00 oer Zoondig Groeësse Optsoch Opsjtelle Brandstrjoas 13:33 oer Dienstig e Klonetrekke d r Kloonemaan 13:11 oer Diestig d r kloon begrave d r Kloonemaan 23:33 oer Zamstig Blommebal Oad Zumpelveld 20:33 oer

6 Leef luuj, dut ung boodsjappe beij de adverteerders, want zie sj teune de Zumpelvelder Vereine

7 Dit joar is ut werm mieng beurt um als president namens d r road va elf van de Woeësj-joepe in d r speciaal van d r Prinseroad tse sjrieve. Binnen d r road wessel ieg mieg doa mit d r vuurzitter in aaf. Me deed daan waal ummer effe uvver legge woa me ut uvver zou kinne haan of wat me geer kwiet zou wille aan alle vasteloavends gekke die deze speciaal kriege en leëze. Maar went me daan hinger de toetse kruupt geet dieg ee zoeveul durch d r kop. Vertselle wat d r allemoal gebuurt mit de carnaval in Zumpelveld, allemoal die luij bedanke die sich extra i zette vuur ozze carnaval, de afdelinge beneume en bij gidderinge aa priese, sponsore nit vergesse, de jeugd aa moedige um mit tse doe, wat is er bizongesj gebuurt of geet gebuure en zoe zit me daan doa en hoopt mer dat me nuks verkierd sjrieft. Wit duur wat ut namelijk is, inge hiele hoof luij dunt sieg zoe veul meuite um ut allemoal got tse lotte sjlaage en graat daan geet wel ins hei of doa get mis. Soms is dat lestig, joa zelfs vervelend maar ut is noe ee moal zoe woa gewirkt weeëd, weeëde dinger vergesse of angesj opgepakt als wie dat ze bedoeld zunt. Maar ee dink wees ieg sicher al die vasteloavends gekke beij de Woeësj-joepe dunt ut oog vuur hun plezeer. En dat plezeer mot vuurop stoa. En dan kiekt me um sieg hin en siet al die gekke die hiel veul vrij tsiet in hunne hobby steëge en soms daag en naat doamit bezig zunt en daan wit me pas werm dat de Woeësj-joepe mie is wie zoe mer inge vasteloavends verein. D r elfde vaan d r elfde woet dat nog ins op ing hiel speciaal maneer duidelijk. D r ex prins Heinz hou zieg d r elfde van d r elfde oes gezoet um tse trouwe mit sie Karin. En die tswei houwe doa hiel get carnavals gekke oes de woeësj-joepe familie bij ingelane. Evver iesj woet zoe wie ummer de tseizoens uffening gehotte bij d r clownemaan. En doa stonge toen toch werm inge hiele hoof luij van de afdelinge bijee. Al die luij woete doa bekant gemaat mit ut motto vuur 2006, DER MIENSJ HAT PAS GELUK IN UT LEAVE WENT HEA D R ZUMPELVELDER CARNAVAL KEN BELEAVE. Dit joar woar d r bedinker van ut motto d r Ton Schoonbrood oog bekant als vandel drager bij ut WMC van d r drumband van Harmonie st. Cecilia Simpelveld. En daan siet me alwerm dat oog luij die nit direct in d r carnaval zelf zitte oog mit dunt op hun maneer en zoe mot ut oog. Wier koet d r Road va Elf doa ee neu lid vuur stelle in de persoon van d r Bert Meens. Bert veul plezeer en sjpas vuur dieg en dieng vrouw bij d r Road. Oog de sjlagerparade braat werm nuij luij op ut podium maar doa euver kant duur op ing anger bladzijde van d r speciaal get leeëze. Noa de sjlagerparade moagette de Woeësj-joepe namens Der Karnevalswierts en in samenwerking mit de Naatsbrackelaire ut programma Der Karnevalswierts pakt oes aan ut Woeësjjoepe publiek tseeëge. Oog heij woare ee paar nuij artieste tse zieë die in die samenstelling of als zoedanig nog nit op ut podium houwe gesjtange tse bewongere. Nog ing kier tseruck in de tsiet onger ut motto Der Karnevalswierts pakt oes, 25 joar winnende sjlagere in Zumpelveld. En oog noe woar werm get bizongesj tse vermelde want d r entree opbrengst woeët besjikbaar gesjtelt aan de Cliniclowns en doamit kunt oog werm noa boave dat vuur mie deunt als alling maar carnaval viere. Tja en daan is me toch werm bezig mit tse vertselle wat d r allemoal gebuurt en geet gebuure. Um doa noe nieks in tse vergesse wil ieg uug allemoal de vanaaf d r elfde van d r elfde in de loet gegange site van de CV de Woeësj-joepe aa beveeële.

8

9 De site is tse vinge onger d r naam dus komt gerust ins kieke en get ung mening of went d r nog gauw tips hat ung tips aan os. Alvurens dit stuk aaf tse slisse wil ieg toch nog ee aantal luij absoluut dank je wel saage namens de Woeësj-joepe. Ieg zou bij dit dank je wel gebroeg wille maage van de weud die d r president van d r Prinseroad ummer gebroecht. D r Frans gebroecht die weud bv um sieg tse bedanke bij d r Galaorderdrager en ieg wiel die weud BEDANKT VUUR UT MIT HELLE geer gebroeche um de hoegheeëde va 2005, Prins Dennis d r 1e, Blomekuningin Marjo en jeugdprins Guy d r 1e tse bedanke. Maar oog de Galaorderdraagster Mevr. Drittie-Kockelkoren en de Prinsses ut Helma saage vuur namens de woeësj-joepe familie van hatse bedankt vuur ut mit heeële ut aafgeloafe joar. Ieg hof dat ung opvolgere sieg mit ut zelfde enthousiasme zalle inzette en dat sie daan oog ing geweldige tsiet als hoegheeëde van de Woeësj-joepe moage haan. Ieg sjlis dit stuk noe aaf mit ee donderend Zumpelveld Alaaf. Frans Ederveen President c.v. Woeësj-joepe Vuur wunsje uuch eng sjun vastelaovend Lijst 1 Leefbaar Simpelveld

10

11 Georganiseerd durch de jonge van d r Prinse-road Op mondig d r 16 jannewaar is t werm zoee wiet, da sjteet Zumpelveld weer uns durch de weach op d r kop. Dan waed neamlich de 41e gala-bal gehoade in d r zaal van t Anja en d r Jos Frijns aan de maatsjtroas i Zumpelveld. De Gala-bal va Zumpelveld is mie wie ing sietzong alling, want zoëe wie me gewent is van die jonge van d r Prinse-road zal ooch dit joar weer bekant weade gemaacht wee de hoeëgste ier ontvengt, in de zin van d r 53e Gala-orderdrager Dat is neamlich inge order welke oesgegeave wead aan inge persoen welke ziech durch de joare hin verdeenslich gemaacht hat op welke manneer dan ooch vuur de gemeensjaf van Zumpelveld. Doa umhen hant die jonge van d r Prinse-road, mede durch izats van versjillende sjponsoren woa vier alvas geer danke teage zaage, werm inge wervelende show wisse in ce tse zette. Ing show die wead aafgewisseld mit artiesten oes binnen en boesenland. Os hoesorkes Stanza zal uch get opwermen mit klanke van oes de carnavalswelt woabei d r Leon Franzen va GTF oes Booches garant sjteet dat die klanke good a kome in ung oere. Vervolgens zallen de ex-prinse d r avond onger inge feste buutemarch openen, noa dat ozze president t welkomstwoad hat gedoa beginne vier mit get vuur t oog neamlich de meadjere van Dans- en showgroep RED FIRE oes Eschweiler. Doa noa gunt vier wier mit inge buuttereedner neamlich d r Huub Janssen dee gegarandeerd sjteet vier t wirke losse van de lachsjpiere. En zunt da ooch verierd mit zie optrene op de Gala-bal. Da kenne vuur op de dusche go sjtoa, want mit hun zienge gezank en dans zal vier in de richtige sjtimmung komme, want vier presenteren uch da de charmante dames va Déjà Vu. Um effe op oam tse komme gunt vier kieke en loestere noa ee kolderiek trio neamlich Trio Ongeplök die vier noa 5 joar weer moage begrusse i Zumpelveld. Hunne slogan is: Hunor en sjaele zeiver oet ein sjtök! Noa ut bekant mache van d r gala-orderdrager 2006 gunt vuur wier in t program mit t d r Winnende Sjlager va Zumpelveld déé zeer sicher nit zal ontbreeche op dizze daag. Da kinne vier os goa op maache vuur de stem van het zuiden neamlich ginge winniger wie t Beppie Kraft, sie zal os losse sjoenkele en zinge op de maastrichtse klanken, mit onger angere de nach is noch zoe lank. Vervolgens gunt vuur wier mit t Duo Sjwats-Wies oes Kirchroa, die bekand sjtunt vuur inge hoof flauwekeul op de buhn, en gegarandeerd ee program hant wat got vuur de lachsjpiere is. Noa dat de meadjere nog ns d r acrobatiek uvver de buhn hant losse goa, zalle vier os goa op mache vuur ozze sjlusnummer, neamilch mit de Godesberger Jonge, die garant zalle stjoa vuur moeziek va onger angere de Hohner, Rauber etc. Sie salle da gegarandeerd d r zaal volledig op d r kop zette!! Kaate zunt alling perseunlig tse verkriege bij de jonge van d r Prinse road of telefonisj bei d r Roger Leclaire onger t nummer noa oer. Let Op!! De oplage s zunt beperkt.

12

13 Georganiseerd durch de jonge van d r Prinse-road Langzaam mer sicher gunt vuur noa t nuijejoar, da begint ut os och werm tse kriebele, dan wete vuur dat vier os werm kenne goa vruije op ing zondig vrij. Inge zondig woa vier nit hoefe tse spjeule, stofzuige, poetse of angere flauwekeul. Want dan is al vrug in t joar d r ieëstje pappadaag. Op d r 22e jannewaar organisere de jonge van d r Prinse-road neamlich de 30e editie van de Herresietzong, die gehoade wead in d r zaal van t Anja en d r Jos Frijns in de maatsjtroas va Zumpelveld. Aanvangk van dee festdag is om oer, d r zaal zal evver al op goa um oer. Vuur kenne uch ooch dit joar weer ee weergaloos programma aa beije, woa vier zeer zicher aan ozze sjponsore geer danke wille zage, want mede durch die sjponsore is t nog ummer mogelich um aan uch ing Herresietzong tse presentere. De Herresietzong va Zumpelveld hat al ing lang historie, woabeij me wit dat stjimmung en sjpass boven aa sjteet. Um doa giddere heer van tse uvvertsuuge wille vier uuch alvas inge klinge index geave wat zich zoe al dea zondig onger de mansluuj zal aafsjpille. Os hoesorkes Stanza zal ooch dit joar nit ontbreeche op d r ieëstje pappadaag en zalle da ooch uch ee bietje goa opwerme vuur dat de jonge van d r Prinse road de buhn op gunt. D r Leon Franzen va GTF oes Boches zurgt d r vuur dat alle klanke gol zalle uvverkomme. Dans- en Showgroep RED FIRE oes Eschweiler zal op dizze middig de sietzong va start losse goa, mit hun danse va uvver de ganse welt, zalle zie de temparatuur in d r zaal sjnell losse stjiege!! Um vervolgens tse goa loestere noa d r buikspreker Gérard mit onger angere zienge Freddy die wederom zieng opwachting maache op de herresietzong va Zumpelveld. Heij noa gunt vier noa get kolder en gezank, mit t Duo Oetgesloape va Hoensbroek die op hun ege maneer d r zaal werm gek zalle kriege. Da gunt vier kieke en loestere noa t Diana oes d r ring va Köln, sie zal ing vervelende show goa neer zette met allenuj mitzingers, vervolgens zal ooch werm dit joar d r Winnende Sjlager va Zumpelveld uvver de buhn goa. Da kenne vuur op de dusche goa stjoa en mit zinge oes volle bros, want da gunt vier loestere noa t alombekende Duo Henk en Ton, bekend van onger mier de Janse Bagge Bend. Noa dat de meadjere van Dans- en Showgroep RED FIRE nog ing kier de beë omhoeg hant gedoa, sjlisse vier dis sietzong aaf mit De Botzedresse die d r zaal op der kop zette mit muziek van de Höhner, Black Föss, de Rauber enz. mer och doabei ee breed ege reportiore hant mit bekende noemere die d r sicher mit kent zinge. Kaate vuur dit sjpektakel zunt tse verkriege bei de jonge van d r Prinse-road of bei d r Jan Merx aan t tankstation op d r maat i Zumpelveld vanaaf d r 2e jannewaar. Vier wille uch da och aaroane um op tsiet ing kaat tse regele, de oplages zunt beperkt!

14

15 Op d r 11de van d r 11de waor t werm zu wiet, giddere carnavalist vruijt zich dan werm wet dee daag doa is. Neamlich da kenne vuur beginne aan e nuij carnavalsseizoen, waobei traditioneel de opening plaatsj vingt aan d r Klooneman, gelaege in de Vroenhofsjtroass. De Woeësjjoepe familie verzamelde zich bei d r Zum Pony, woa gidderinge sich e kent drinke en get kent bei vertselle went men sich e tsietje nit gezieë had. Um oer dong d r President Frans Ederveen va d r Road va Elf de of ficiële opening met t liedje van d r Klooneman. Och d r Doebele Forto braat hei een werm muzikaal intermezzo. Noa disse opening woare de wieëtsjafte an de beurt, die zunt neamlich stjuk vuur stjuk verierd met de hoëgheden van 2005 en ee groët gevolg. Zamstig d r 12de van der 11de woar t de beurt an de Sjlagerparade, woabei der zaal van de Remi en t Gerda weer aafgelaane vol woar. Boese de 12 sjlagere, woare d r och nog ins drei groepen kinger doa die hunne sjlager presenteerde aan alle Woeësj-joepe. De sjlagere die vervolgens uvver de buhn gonge woare sjtuk vuur sjtuk ee compliment wead, want oone die luuj had d r Zumpelvelder carnaval ging Sjlagerparade. Solisten, duo s, kling groepe en groeësse groepe, gidderinge woar benuijt, want wee kroeg de ier van Sjlagerwinnaar D r Presentatie pries gong dik verdeend noa d r groep Ummer Doa, mit hunne sjlager D r Zoeforgel. D r dreijde pries gong noa d r groep: De Naatsbrackelaere, mit hunne sjlager Mienge Mup d r Amadeus D r tsweide pries gong moa d r groep Ee op drei mit hunne sjlager Hei Marie De onbetwiste winnaars va dizze Sjlagerparade woar t duo Dré mit zienge zoon, mit hunnen sjlager Ich han ing blutsj op d r knutshc D r Prinse-road feliciteert alle winnaars en kiekt tseruk op ing geweldige Sjlagerparade 2006!

16

17 (Bond van Carnavalsverenigingen i Limburg) Iech ving ut eng groete ier um als B.C.L. bestuurslid ee stukske tse moage schrieve in de Special van de jonge van der Prinseroad. Went wie der wit liet mie carnavalshatz nit alleng bei der B.C.L. me och zicher bei de Woeesjjoepe en vural bei de jonge van der Prinseroad. Mie iejste joar in der B.C.L. hat miech zicher hiel goat bevalle vuural ut B.C.L. treffe en der ontvangst op ut gemeentehoes in Kölle, woa me ens ut driegestirn van kot bei kos zie. Wat miech och plezeer hat gemaat woar ut Jeugdprinsetreffen van der kreis Oche wat ich vuur de vreins oes holland mit han moage organizere. Ich wis zicher dat der Jeugdprins van de Woeesj-joepe zich doa got hat geamuzeerd en ich hof dat vuur doa noch vuul jaor hen moage goa, Och ut Kinger Vasteloavends Leejeskonkour woar ut vurrig joar schun och al woare vier nit in de finale der bei. Wen der dit stukske laest zunt vuur werm bezig mit dit konkour en wisse vier of vuur de finale geholt hant. Eee dink wis ich wal noe wie iech dit stukske aan ut schrieve bin dat vuur durch de iejste runde gekoame zunt en via de vuurrunde gunt probere de letste elf tse bereike. Woare ut vurrig joar tswei groepe nu zunt ut der al drei dus de Zumpelvelder jeugd hat der spass a gekrege. Noa ut jeugd B.C.L in Heel dit joar zunt vier nit mit alleng der jeugdroad gegange me och mit enge groep van der Ballet Magic Ryhthm die doa op moaget trenne en doanoa op der televizie van L1 bei ut programma Kingerkroam kome Vuur dat iech noe aafschliss wel ich hoffe dat de samewirking tusche der Prinseroad en der B.C.L. en och de Woeesj-joepe en der B.C.L. ut zelfde bliet bestoa als wie ut woar. Ich wunsch der Prinse Road veul succes mit de Gala Bal en de Herre Zietsung en vuur zalle os sicher op die daag ziee. Gruss iech mit Limburg Alaaf Jo Meessen Bestuurslid District Zuid van der Bond van Carnavalsverenigingen in Limburg

18

19 Alle kinger va Zumpelveld zaage vier heimit alaaf. Ooch d r jeugdcarnaval begint ummer mit inge groese paaf. Vier van ut jeugdcomité wille uuch ut ee en anger vertselle. Lees ut mer ins good, vielleicht wilt dier doanoa wel mit oos mit helle. Mit de vasteloavend ziet me ummer veul luuj in sjun sjwatse pakker. Die gunt uvveraal hen en zunt gans lang wakker. Mer die luuj zaage ummer ee dink, en dat is woar. Zie vinge carnaval sjun, mer oane kinger sjpiele vier nuuks kloar. En doarum kinger, kenne vier nit oane uuch. Dat is nit geloage, dink mer nit dat iech luuch. Vier hoffe dat alle kinger va Zumpelveld dit sjtukje leaze dunt. En dat ze mit de vasteloavend alles mit oos mit dunt. Kinger die kenne danse of zinge kenne oos ummer belle. Da kent uur oop de kingerzietsong mit helle. Alles wat uur wilt doeë oop de zietsong vinge vier gans sjun. Mit inge indianendans of ee liedje van K3 kent uur lotte kraage ut gebun. Dus went uur oop wilt treane oop de kingerzietsong, dat ken gans gewis. Bel noa , da zaage vier uuch wat allenuij meugliech is. Went uur zelf nit genau als wat dier oop de buun wilt sjtoa. Da kent uur oos ooch belle, vier hant ummer nog ideeën doa. Went duur optreane nit zoeë hiel leuk dut vinge. Duur hoeft echt nit persé tse zinge. Junkskes die toch geer derbei wille zie geave vier ee anger idee. Kom mit ee paar vrunkes noa d r jeugdroad, dat hat uur ooch veul sjpass mitee. Doe kries da ee sjun mutsjke en inge sjieke cape vuur um d r nak. En vanaaf de buun kenste de zietsong zie, in dat sjieke pak. En wilste ins ee joar gares nuuks van de carnaval misse. Da hant vier nog ee superidee, dat lotte vier diech noe wisse. Want gidder joar sjteet der ee junkske echt in ut midde van d r zaal. Als jeugdprins biste uvveraal bei, da sjteeste midde in ut carnavalssjandaal. Dus wenste ins prins wils weade dooch ut der pap en de mam vertselle. Da kenne die dea nummer dea boave sjteet ins opbelle. Dit woar ee gans lank gedichtje van de luuj van ut jeugdcomité Doamit wille vier zaage, vasteloavend viert me mit ee. Dus biste groeës of kling, dik of dun, vier de carnaval mer mit os mit. Want ee dink is zich, oane kinger geet ut nit. Als einde van dit gedicht wille vier nog alle luuj bedanke. Die aafgeloofe joar get hant gedoa oop de kingervasteloavendsplanke. Ee speciaal woad va dank is der nog vuur de Jeugdprins Guy der iesjte mit zieng pap, mam en zusje. Guy doe woarst inge sjieke jeugdprins, heijvuur van ut ganse comité ee kusje. Noeë sjlisse vier dit gedichtje endlich aaf. En vier hoffe uuch tse zie oop de kingerzietsong, en zaage oos daan alaaf. Jeugdcomité c.v. Woeësj-joepe.

20

21 Ut seizoen is nog mér pas begonne of d r Forto is al wér druk bezig. Ut zumpelvelderjoekskapelletreffe hant vuur al gehad. Ut woar hieël gezellig. Joekskapel Akseptabel Gesjravel oes Schin op Geul how gewonne. Op 29 oktober 2006 organisere vuur dit sjpektakel vuur de 22ste kieër. Noa 50 kieër weasche woar ut werrum tsiet vuur nuij kostuums. Mér dat is nog nit alles. Vuur hat ooch nuij polo-sjirts. Die zunt gesjponsort (mit veul dank van oos sie) durch ut Saida Elghanfoug, eechenear van de frieteboet Oranjeplein. Gans in ut nuij kent uur os miedere kiere sieë en huure bij de versjillende vasteloaveds activiteite i Zumpelveld (b.v. bij ut 1 x 11 joar Bokseboam fes op 28 januaar) of i anger dörper en meenichmoal in ut boesseland. Went vuur mit de harmenei de noeëte gesorteerd kient dan hotte vuur same wér ee gezellig carnavalsconcert op 19 februari bei d r Jos Frings in d r zaal. Ooch hant vuur dit joar werrum enge kandidaat vuur de André Jorisse Herinnering. Weë dat weat kent d r huure op de sjlusseluvverdraach op vriedig vuur de carnaval op ut gemeentehoes. Adieë, bis op ee van de Zumpelvelder carnavals activiteiten of anges zient vier uuch en duur os bij d r groeëse optsoch in de sjtraose va Zumpelveld of diensdig mit ut klonetreffe.

22

23

24

25 Dameszietsong op goonstig o.a: Maurice Grooten mit gezangk Limbo Expres Orginele Ritmische Dansgroep en vele anderen. Kaate vuur dizze oavend zunt tse kriege in der narretempel Van der Remi en t Gerda Thijssen vuur der pries van 10 euro. Aavank um 20:11 oer, tevens wille vier beij uuch onger der aandach bringe dat gee rezervere is, zoedat dier wit dat dier op tsiet doa mot ziee um eng gow plaatsj tse kenne kriege. Beleafd oesnuedigend, Princes Helma Dameselveroad Zumpelveld.

26

27 Nog effe en dan is het mieng buurt om plaatsj tse maage vuur de neuj prinses, die iech alvast ee geweldig seizoen zoawunsj. Iech woar zeer verrast wie iech gevroagd woeed of iech nit de neuj prinses van 2005 woal weade. Noa u paar minuten dinken han iech joa gezaad oane tse wisse wat op miech aafkoam. Op goonstdig der 19 januari woeet iech oesjeroffe, jonge wat woar ich nerveus. Doabeij koam och nog uns dat iech de helft van der dameselvenroad gaar nit koeét, maar noe kan iech saage dat t stuk vuur stuk geweldige vrouwluij zunt. Ut woar ee kot seizoen en och heel erg druk, mer iech zoa ut zoe wer doa, mit als hoogtepunt der optsoch. Ut woar geweldig dames bedankt. Alleriesjte wil iech mienge man der Ruud en mienge zoon der Brandon bedanke vuur hun zienge sjteun en ooch mieng familie nit tse vergeasse, oane hun how iech dat nit alleneuj kenne doeë. Och der prins Dennis, jeugdprins Guy en de blommekunnigin ut Mario, vuur ut geweldig seizoen. Ing verassing woar toch dat ut hoeës verstseerd woad durch u paar jonge van der C.V. de Bergbök Huls, dat woar ing geweldige geste jonge, bedankt. Och wil iech ut Mario en ut Tamara van der kapsalon Mario Scheeren bedanke vuur ut belangeloos maache van de hoare, dat vong iech geweldig. Ooch wil iech geer mienge nar ut Marian bedanke vuur ut hoale en zurgen dat iech wer got heem koam en naturlich och vuur der kauwgum oes ut kleed tse hoale. Marian bedankt. Och nit tse vergeasse ut Carmelita dat mieg noa heem braat wen der taxi nit mie gebeld koeët weade. Iech hof dat iech ginge vergeasse bin um tse neumme, en wen dat toch zoeë is, dan is dat nit mit opzet want iech wil miech bij gidderinge bedanke vuur de blomme, de gelukwunsche, de kadootjes en alles wat erbeij gedraage had dat iech ee onvergeaslich joar ha gehad. Mit troane in de ogen dink iech aan der 18e januari wen iech mieng waardigheden mot afgeave want karneval 2005 vergeas iech noeëtz mier en zal ummer in mie hats blieve. Vrouwluuj van der dameselvenroad, dier zut en ut woar geweldig!!!!!!!!!. Bedankt Allemaol Prinses Helma 1

28

29

30

31 doa begin t giddes moal mit,. Dus noe och. Ich wil gidderinge bedanke vuur ee GEWELDIG joar wat ich han moage beleave. T woar kôt mer kreftig zeat gidderinge mer vuur mich woar t kôt mer geweldig!!! Ing moal prins te zie doa dreumet ich al lang va en afgelofe joar woar t da zoe wiet, ich woar prins vaan os schun Zumpelveld en doa bin ich noch ummer gans sjtolz op Mer dit onvergeeslich seizoen han ich in t bezonger aan sommige luuj tse danke. Op de ieschte plaatsj has-te de luuj die hinger mich stonge wie ich oesgeroffe woed. Doanoa ming ege blommemam die ummer vuur mich doa woar en d r vuur zurget dat t giddes moal ing bombe sjtimmung woar. Mer mich och duks loos inzie dat och waal ins get wichtiges gedoa moet weade. Dan han ich noch minge adjudant en het belletje die mich uvveral hin donge begeleide en d r vuur zurgete dat mich noets get ste kôt koam woabei ich d r roy noch ins extra wil bedanke omdat hea vuur mich doa woar wen ich ins moet moelle en dea mich in sommige situaties der juuste road goof, en durch dik en dun in de vuurbereiding heenger mich stong.. Daan haste noch inge klinge richtiche karnavalist: d r GUY 1! Dea klinge loos gidderinge laache mit zienge humor. Ich voong t da och ummer geweldig went dizze klinge kameraad d r bej woar. Ming eldere die ich inge hatzpaaf han bezurgd wie ich deun verzellet dat ich prins woed, mer die mich ummer hant geholpe um mich wie geleckt d rbej tse losse loofe en mich ummer hinger de vere a zote.. en da last but not least d r elleveroad mit inge geweldige maan i heun midde: d r Frans dea precies wos wat allemoal moet gebeure en ontzettend veul tsiet in mich gedujt hat en dus hof dat ich m nit enteuscht han als prins.. Jonge bedankt!!!!! Oane uuch huj ich t noets gesjafft, en huj ich t noets zoe sjun gevoonge. Natuurlich mot ich da och de Zumpelvelder luuj en t optsochcommitee bedanke vuur d r geweldige opstoch met gans veul luuj langs gen sjtroas en inge ganse hoof schandaal en plezeer!!! Vaan d r opkomst bej activiteite zoe wie de volkszietzung, galabal, auw wieverbal, receptie en num t mer op, huj ich vaan tse vuure alling mer kinne dreume! Da zies-te pas wat inge richtige Zumpevelder is dea va sjpass en plezeer hilt!!!!!! Noe zit t bow drop en han ich nit mie lang als D r Prins van Zumpelveld en numt inge andere minge scepter uvver. Vuur dem hoof ich dat hea och zoe-ee geweldig joar kriet mit ing geweldige blommekunnegin en alwerm d r Zumpevelder dea hinger m sjteet!!! Noe mot ich aaf goa sjlisse en mich vuurbereide op d r zjwaanedans. Ich doen dat nit geer en wil noch ing moal zaage: Prins Dennis I!!!...ZUMPELVELD ALAAF.!!!

32

33 Ooch mie regeerings-joar geet op ut ing aa. Inge klinge wunsch woedt enge groesse Dreum: Jeugdprins van de Woeësj-joepe tse zie. Gesjteunt durch der Pap en de Mam en tse saeme mit mie schwesterke ut Valerie hant vuur ee fantastisch Karnevalsseizoen hinger de ruk. Veul sjpass, freud en musik moagde iech beleave onger de regie van der Prins Dennis, Blommekunnigin Marjo en der adjudant der Roy. Sjtolz ken iech noe zie op mieng familie: Opas, Oma, noonke, tantes, neave en niete, die beinoa op geker zietsong of anger fest der bei woare. Sjtolz bin iech ooch op alle afdelingen van der Karnevalsverein de Woeësj-joepe, die mich als Jeugdprins in hun karnevals-hats hant opgenoame. Ieere wil iech ooch osse sjlechter va Zumpelveld der Loek en t Meggie, die ut meuglich houwe gemaat dat iech heng vol woesj han kenne oes werfe in der scheune Optsoch durch os Zumpelveld. Bedanke wil iech miech dan ooch bei alle Zumpelvelder Karnevalsgekke die mieng Jeugdprinsetsiet tot ing onvergesliche tsiet in mie jong leave hant gemaat. Iech freu miech noa al op ut afsjleese van mie regeerings-joar en ken alling meer zaage an alle kinger i Zumpelveld dit woar klasse. ALAAF Jeugdprins Guy I Vaessen

34

35 Vuur mieg is ut noe oog bouw zoe wiet en is mie regeringsjoar als Blommekunnigin 2005 gedoa. Ieg han saame mit mienge Prins d r Dennis en jeugdprins d r Guy als hoegheeëde van de Woeësj -joepe ee sjun carnavalsjoar gehad. Wat mit inge gekke sjlaag begonnen is hat mieg veul sjpas gebraat. Carnaval sits noe ee moal in mie blod en dat woar oog als Blommekunnigin maar got. Vuur mieg woare al inge hoof vrouwluij Blommekunnigin geweah en doa noa Prinsses. Ieg han dat umgedrient en houw daan ut geluk dat dit joar ut Helma prinsses woar van d r Dames elveroad. Als lid van d r Dames elveroad vong ieg dat natuurlijk geweldig en mit mieng prinse en ut Helma woar ut ee geweldig carnavalsjoar. Hiel veul sjpas han ieg moage beleave. Ieg wil daan oog hiel geer dank je wel zaage aan al die luij die mieg hant gesteunt. Ieg wil natuurlieg ginge tse kot doe maar woal toch t Marjo Scheeren, d r Claus Reinders, d r Remie en t Gerda, d r Wiellie Houben en d r Winand Spelthaan apart bedanke. Oog inge hoof anger vrung hant veul vuur mieg gedoa en oog die luij hant d r vuur gezurgt dat ieg ee geweldig joar han moage mit maage als Blommekunnigin. Wen ieg al die luij zou motte goa opneume kunt d r prinseroaad in plaatsj van d r Speciaal een boog oes tse geave. Ee dink wil ieg waal hei kwiet. Ieg han noe Prinsses en Blommekunnigin in ut Woeësj-joepe riech moage sie en ieg zou aan alle dames en meadjer oes os durp wille zaage dut mit en meld uug ins aa. Ieg han genote wie ieg Prinsses woar en noe als Blommekunnigin han ieg werm in volle glorie sjpas en plezeer gehat. Menig sjtond zunt vuur als hoegheeëde mit d r road van elf durch gen durp en oog doa boesse rong getrokke. Uvver aal woa me dan kunt kent me de Woeësj-joepe en is gidderinge hiel erg spontaan en vreundlieg tege dieg. Wen ieg tseruck dink aan de receptie en alle luij die os doa ee henke koame geave stoon ieg nog versjteld. Wat ieg hiel erg sjun vong woar ut bezuck van mieng collega s die mieg koame felecitere. De mietste carnavals gekke wisse wie ieg bin en zoe han ieg oog als Blommekunnigin geprobeerd um tse saame mit al die woeësj-joepe carnaval tse viere woa duur en oog vuur als hoegheeëde sjpas en plezeer aan hant gehat. Dat ieg sjpas han gehat vaanaf d r iesjte daag kant duur sie op de foto die bij d r Herman Bouwens is gemaat wie mieng statsie foto is woede gemaat. D r road van elf hat geweese dat ieg ut aafgeloafe joar Blommekunnigin woar. Maar oog d r Road van Elf stong ummer vuur mieg paraat. Ing moal hant sie mieg maar vergesse. Dat woar bij de uffening van ut seizoen Zelfs d r hofnar mienge eege Theo houw mieg doe nit gemist want alles woar al op weg noar de broeloft van d r Heinz en ut Karin en ieg sjtong nog bij d r Jos Frings. Maar ierlieg is ierlieg d r secretaris hat mieg doe op weg gebraat en hoverweeëgs koam d r Theo mieg oppikke. Maar alle gekheet op ee steksjke oog d r Road van Elf woar ummer vuur mieg paraat en hant ee spjeciaal dank je wel verdeent. Vuur dat ieg noe troane op dit papier goan kriege, mein got wat woar ut sjun, wil ieg nog effe sjtil stoa bij d r Dennis en d r Guy. Jonge bedankt dat duur mieg ummer hat mit gesjleeft ut woar geweldig. Oog dank je wel noa ung ouwesj natuurliech,hehe, wat woar ut sjun. Ut letste woad geet an mienge Theo. Nit veul maar waal va oes mie hats, BELLETJE bedankt dat ieg dat han moage doe. Woeesj-joepe bedankt en hot os vasteloavend in iere. Alaaf Blommekunnigin 2005 Marjo

36

37

38

39 Ja leef vasteloavendsvrung, t is al werrum ens ee joar vuurbeij en iech moag zaage ee joar dat gans vlot vuurbeij gevloage is. Trotsdeem veul iech miech ummer ee bietje verierd um dat letste woad tse moage sjrieve. En went iech dan wees dat de tsiet doa is dat gidderinge dat geleaze hat, dan wees iech dat de tsiet doa is um de fester tse viere die fester woa vier als Zumpelvelder Woeesj-joepe biezonger sjtolz op zunt en dat is de vasteloavend i Zumpelveld. Jonge gangk diech ens noa dat zoeget oes os gemeensjaf voetgehoald woeet, dan zooge vier alling mer luuj mit lang gezichter rongk loofe, en dat is get wat vier gans kinne misse. Op dea daag dat dizze Special beij uuch in de brivvebus vilt is t gaar nit miee wiet van de vasteloavend aaf mer ooch nog gaar nit wiet van t nuij-joar aaf en han iech hoffentliech de kans um uuch allemoal alvas ee gezongk en gelukkig 2006 tsow tse wunsje, mer doa zal iech zicher nog versjillende kiere de komende daag op tseruuk koome, want giddere ex-prins hat als hobby puutsje en dat deed me al ins gauw went me ziech t betste wunsje deed, teminste die mening han iech ummer van zoeget, trouwens iech kin dat ooch nit ziee lotte. Wat de vasteloavendstsiet van tse vuure aageet hant vier ooch dis joar nog ging tsiet um os der antsoch tse sjtriege lot sjtoa tse lotte reinige want me kriet bouw nit de tsiet um dat dingk oes tse doee en dat is eegentliech joamer van die sjun fester. Wat d r Prinse-road aa betruft hant de jonge van de Programmacommissie de fester (Gala-bal en Herrezietsong) roongk dat wilt zaage veadig um uvver de buhn tse lotte loofe, en iech moag doa alvas van vertselle dat doa werm versjillende hoeegtepunte tse verwaade zunt, dingk mer ins aan allemoal die versjillende binne- en boeselandse artieste en sjtangk ins sjtil welke persoeen zal dis joar werm oes os midde ge-ierd weade mit d r Gala-order Op dat moment dat dit sjtuksge gesjreave wead is heij uvver nog nuuks bekend en zal heij nog intern in d r Prinse-road uvver gesjtemd weade. Zicher is ooch dat iech nog geer gidderinge oane oeszongering bedangke wil vuur dea sjteun dea vier als Prinse-road wer mit ee werm hats hant moage kriege t aafgeloofe joar, en doa zaage vier geer ing kier dukker DANKJEWEL vuur t MITHELLE, en hoffentlich gieet ozze Hergot os nog veul joare de gezongkheed en de krach um nog veul joare de vasteloavend i Zumpelveld die wead tse geave wat ze tsow kunt en hoffentlich zient vier os doa nog veul joare in tseruk beij os i gen durp zoewiej me dat zoe sjun zeat in os sjun Kloestersjtedje woa de vasteloavend ummer werm hoeeg in de vaan gesjreave sjteet. Geer zaan iech teage uuch, leef luuj en vrung van d r Prinse-road, zicher sjteet doabeij dat vier os veul van die fesdaag i gen durp zalle treffe woabeij vier dan tsezaame d r vasteloavendsgros zalle oesbringe. Dat zunt de woad en d r wunsj van d r vuurzitter van d r Prinse-road van de Woeesj-joepe, onger t disjoarig motto DER MIENSJ HAT PAS GELUK IN UT LEAVE WENT HEA D R ZUMPELVELDER CARNAVAL KEN BELEAVE, ee dreij moal kreftig Zumpelveld Alaaf, ex-prins Frans II, (Bodelier)

40