Decemberverhoale van Sint Loeë bis sinterkloas

Transcriptie

1 Decemberverhoale van Sint Loeë bis sinterkloas Sint Loeë Vreuger woar hiej i gen dörp 3 kieër per joar kirmes; 2 vlaa-kirmesse in juni en september en op 1 december de St.Loeë-kirmes. St. Loeë (St. Eligius) woar en is de patroeënshèllige van de parochie. De St. Loeë-kirmes woar geen kirmes mèt karroussel, sjokkel, Sjeettent en zoeëget. Nee, de kènjer hauwe d'r nieks aa. Doa woeërd alleen get in de café's gehoute en meestens sjpilde dan een orkes; 't woar een richtige zoeëp-kirmes! op 1 december 1960 besjlisde de gemeenteroad dat diej zoeëperiej mer èns aafgeloope moeësj zin en sjafde de St. Loeë-kirmes aaf. Bepoalde fanatieke aanhengesj van diej létste kirmes woare des duivels en woare erg taenge 't aafsjaffe van diej kirmes. En der woeërd ee kommitee opgerich òm de kirmes in sjtandj te houte. Doa woar gans get werk aan de winkel òm vuuër 1 december alles gereed te höbbe. Men hauw van de gemeente verlenging van 't sjleetingsoeër gekrieëge en 't doew bekènde echpaar Lenie & Ludwig (joa die van "Schön ist die Jugendzeit") sjpilde biej Loewie Sjol in de café, diej dan ooch pratsjvol woar. Zellefs Sinterkloas woar doa. Diej van 't kommitee zoote gans sjtolz aan de dösj en leete zich felisiteere. Nog gans veuël joare is St.Loeë-kirmes gevieërd!!! Lej Dohmen Adventstied Op d r veerde zondig vuur krismes wurd gevierd, Sjtart de Adventstied zoeë is os altied gelierd n nuuj kirkelijk joar sjeet dan op t punt van beginne n tied van bezinning, ooch dat mot waal ins kinne t woeërd Advent kumt aaf van Adventus oet de latiense taal, Mer wat betekent deë advent noe precies, weten v r dat allemoal waal? Dat wurd hie noeë vuur jieëderee oetgelag, Dan is ooch dat tenminste ins n kiër gezag! Adventus betekent komme in ozze eëge taal, Mer alleen dat te weten is toch waal hieël erg kaal! Dat dit n verwiezing is noa t miensjweëre van s Levenhieër op eërd, Is om te weten toch al weer van veuël groëtere weërd! Precies gesjtilt verwiest t noa de komst van ziene zoeën Jezus Christus, Deë, zoeë es v r zouwe motte weten, wurd geboare mit de Krismes. Juus op dit fieës is de Adventstied de vuurbode, Mer t is ooch een tied van boette en inkieër, dink ooch os aan ozze geboden! D r Adventskrans is t meest bekinde Adventssymbool vuur os,

2 Dat is inne krans deë liet dich in die tied ooch absoluut neet los! Woeërom is deë Adventskrans bedach, is doa uëver noagedach? Dat wurd noë dan ooch meteen hië mer oetgelag! Deë krans is gemak van dennetek en die blieven ummer greun, Heët dat noch n betekenis of is dat egelik hieël geweun? Geweun is t neet, want t is n verwiezing noa het ieëwige leëve, Mer kint os ooch genog vruid in de Adventstied geëve De 4 keërskes weëre op de veer zondige achtereevolges aagemak, Ooch dit is neet zoeë mer get, mer n symbool dat os altied waal weer rak! `t sjteet vuur hoap en es n teke vuur de korter bie kommende krismes, Dat in de Duusternis veuël mieë leech gieëf doeër de geboorte va Jezus Christus. Zoeë, noe is de achtergrondj van Advent bie uch allemoal bekint, t is dus mieë dan alleen mer aftille tot de Krismes begint! Es v r dit soort periodes ins get mieë weërd mit zouwe geëve, Goof ooch dat weer n sjtukske mieë voldoening in t leëve! Ron Logister Barbaraviering Op 4 dec is Barbaraviering; Berbke is de patrones va de koelluuj. Deë daag woeërd ummer good gevieërd. Ieësjt allenuij noa de kirk,doanoa ginge vier noa t Unitas. Later t sjuttesjhuuske doa woeërd ene sjtevige op de lamp gesjod. Da woeërd aa gesjoave aa de koffiedusj. Noa ene hoop kal doeër de baze ginge vier aa de vla en bruëdjes Da woar ummer een loaterie,mer alles wat eëtbaar woar woeërd burgemeester gemak en vier houwe da de grootste lol. Vier sjtonge mit zo n 20 man aa de teek: Geëf hiej ene! En zoeë ging dat doeër,koelpiete woare duësjtig! Kins te dich waal vuursjtille wiej de aafloop woar Opins woar t zoeë wiet,ene hou te veuël a bachus geofferd En zoot liek bleek op de eërd va de hieëre w.c. Doe ging t loos.de wc bril woeërd losgemak en heum omgehange. Blome in de henj gedoa en doe de fotograaf besjtild. Mit nuijoar krege alle koempels een nuijoarskaart mit zien foto, en mit de biste wunsje! Jan van Haaf

3 t Fieës van Sinterkloas Hoeëgroeë bakke Sjpanning op t gezich Wisselend bang en bliej De oge op de duër gerich Wiebele op de sjtool De nerve sjlont op de bloas Dat is t kinjerfieës t fieës van Sinterkloas Sinterkloas. Binnenkort kumpt sinterkloas weer oet Spanje, Dat deet heë ooch dit joar weer mit de nuëdige franje. Wie jiëder joar makt heë ooch dit joar de rees neet alleen, Mer heët heë de nuëdige Zjwatte Piete om zich heen. Ziene verjoardaag wilt heë mit os viere, Ooch mit cadeautjes wie al die anger kieëre?of dinkt heë dit joar mië aan de roe? Dat giëf dan waal n hiël gedoe! Os kleentjes zunt neet ganz op hun gemak, Want wat hubbe die zjwate Piete in deë groeëte zak?es ze dan mit peëpernuët en klumpkes beginne te sjtruije,dont zich al die kinger waal degelijk vruije! Jiëdere oavend wurd doeër de kinger de sjoon gezat,mer of deë ooch s murgens een surprise bevat? Dat is jieëder kieër weer een verrassing,doa wurd dan ooch op gewacht mit de nuëdige sjpanning! Vief december is d r groeëte daag en deë kumpt ummer dichterbiej,mit chocomel en spjikkelaas sjteet jieëderee vol sjpannig in de riej.want wat heët Sinterkloas os dit joar mitgebrach?is t waal datgene dat vier zelf houwe gedach? Es de pekskes weëre oetgepak,kinste zieën of Sinterkloas de juuste sjnoar heët gerak! t is vuurbie vuur dat v r t allemoal wete.mer volgend joar kumpt d r weer inne nuuje sjakel in de kete! En doarom: Loate v r de Sinterkloas traditie in sjtand houwe, Zoeëget loate v r os toch neet klauwe! Toekomstige generaties zullen d r bliej mit zun, Want Sinterkloas is toch altied weer groeëte fun!

4 Ron Logister Ene sinterkloas De sfeer die hingk i gen hoes Sjpanning lieёs-te van de gezichter aaf De wermte van bie-ee zin is intens De klinste zint huuj extra braaf De grottere hubbe al get groeёte kal Bis opins. ene sjlaag op de duёr! Kleen Zefke zakt onger gen dusj Harie mit de groeёte moel kriet n kluёr Pap en mam lache en vruije zich sjtil Bis opins. inne knetterende miljaar! Jieёdere zit sjtief, alles is gans sjtil t woar opa deё brook de hals uёver n baar Wat wilt heё doeё, heё kumt mer in Kalt uёver ene inbreёker ene zjwatte man Sjilt uёver dizze tied, en de sjlechte luuj Geet dan zeuke of heё ene kuul vinge kan Mam probeerd heuёm te kalmere En zeёt opa huёr ns op mit dat gebloas De kinjer zint nog gans sjtil van sjrik Pap zeёt Gier zit mich ene Sinterkloas! Der klene Zjwarte Piet Sinterkloas is ene deftige miensj. Dat kan me waal zieën es heë bie os op bezeuk kumpt. Went heë van Sjpanje aaf kumpt dan kumpt heë mit zien sjtaats sjieëp urge in n Hollesje have aa. Heë heet veuël Zjwarte Piete bie zich. Noe hat heë die ooch waal nuëdig went heë op t Hollesj kumpt, went heë kumpt hie niet mit vekans. Alle kinjer motte bezeuke en kadootjes geëve. Has doe waal ns alle hoezer va Broenssem noa gelope? En dat is dan nog nieks. Heë mot ooch noa Heële en Remunj en Eindhoven en Amsterdam en alle sjteë en durper van gans Hollandj. De Zjwatte Piete die heë bie zich hat helpe heuëm doa bie, angesj woar heë t anger joar mit Poasje nog neet veërdig. Mer heë heet ooch Piete die heuëm verzurge, zoe wie dat bie deftige luuj wie de kuëneging ooch is. Zoe is der inne Koakpiet deë hieël good moeëresjtampot kint make en ene Bakpiet deë ludderkesvla, nonnevotte en pletskes kint make. In Sjniederpiet deë Sinterkloas de kneup aa mot zitte of de kleijer mot make. Joa went Sinterkloas had ooch waal ns de kneup aaf. Lits bleef heë mit der jas aan n kaanjel hange en reet heë zich n vief in der jas. Dan kumt der Sjniederpiet en deë makt dat weer.

5 Dan is der ooch een sjoesterpiet deë Sinterkloas de sjoon mot wiekse en aa doeë en went de zoale versjlieëte zunt mot heë der nuuj zoale en hakke onge make. Deë Sjoesterpiet is mer n kleen menke; dan hoof heë zich neet zoeë deep te bukke went heë Sinterkloas de sjoon aa deut. En der Patsjepiet deë vuur alle mijters van Sinterkloas en patsje van de Zjwarte Piete mot zurge dat is weer inne groeëte. Angesj mot deë op n ludderke goan sjtoan om jieëderee t zient oppe kop te zitte. Zoeë zuuste mer, Sinterkloas dinkt uëveral aa. Der is inne Peësjpiet vuur t peërd te verzurge en inne Buullepiet vuur de gebroekde zek te wesje en fijn op te vouwe. Inne Pospiet vuur alle breve, inne Sjroebpiet vuur de boet te poetse en inne Sjtriekpiet vuur de wesj te sjtrieke. Inne Sjtrikpiet vuur Sinterkloas en de Zjwarte Piete n sjaal te sjtrikke en heisje teëge de kouw. Zoeë is der ooch inne Sjeerpiet. Deë deed Sinterkloas de hoare sjnieje en sjeëre. Dat is mich n bietje ene komisje deë Sjeerpiet. Deë makt ummer flauwekul. t Leefste deed heë dat went heë Sinterkloas krek i gezeep had. Went Sinterkloas dan mot lache kumpt t waal ns vuur dat heë zich in t sjeerzeep versjlik. Veurig joar hau deë Sjeerpiet t toch get te bontj gemak. Heë woar zoeëveuël wietse aan t vertille dat Sinterkloas bau n begoaving kreeg van t lache. En heë sjloekde zoeëveuël zeep i dat heë nog der ganse murge aan t bellebloaze woar went heë get wol zigke. Doe hat Sinterkloas deë Sjeerpiet toch mer ns de wach aa gezag. Vuur sjtroaf had der Sjeerpiet doe in de peëpernuëtbekkeriej peëpernuët motte i pakke, zoeëlang dat heë geen nuët mieë kos zieë. Noe lupt der Sjeerpiet ummer mit oetgesjtrieëke gezich derbie, krek es offe zichzelf gesjoare heet. Zoeë heët jieëdere Zjwarte Piet zie werk. In een van de wirkesse, bie t rondj bringe van de kadootjes of bie de verzurging van Sinterkloas. Noe woar der gans lang geleije ooch ns ene ganse klene Zjwarte Piet deë geen wirk hau. Heë woar neet alleen kleen mer heë hau ooch nog ummer pech. Heë woar ooch zonne onhenjige kloemeleer. Es heë koffie ging hoale dan knoeëijde heë. Went heë kadootjes moos sjtapele dan sjtoeëde heë der sjtapel om en went heë vuur t peërd moeëre en water ging hoale dan koam heë mit limmenaad en peëpernuët truuk. Mit deë klene woar nieks aa te vange. Omdat heë zoeë kleen woar hau Sinterkloas heuëm ns bie der Sjoesterpiet gezat, mer dat woar ooch geen succes. Heë deech Sinterkloas ummer de sjoon aan de verkieërde veut. En went me toch al las hat van n eësteroog is dat neet leuk. En deë klen bleef mer zanikke dat heë ooch get wol doeën. Doe hubbe ze heuëm toch mer mit genomme noa t Hollesj. Wie ze doe in Broenssem koame lepe ze mit n deel Zjwarte Piete achter t Sjuttesveldj om richting neutrale weëg. Achter t Sjuttesjveld loog n frisj geploogd veldj. En der klene leep neëve t paad uëver de voeëre heer. Of al inne van de angere zag: Noe kiek oet kom oppe weëg lope, dalik ligks doe op dien moel, t holp allemoale nieks. En op n good moment pratsj doa loog heë. Mit de moel in de klei. Ja joa : zag der klene; hie zint ooch zoeëveuël koele. Vanaaf die tied heesj dat sjtuk de Kleikoele en noe zunt doa allemoal hoezer geboewd. Zjwarte Piet en de roeë beëk Urge, aan de randj van Madrid, op ene hoeëge berg ligkt n kasjtieël in de zon. Aan een zie kiekst-e uëver t dal heër hoe in deep onge in n beëkske lup. Aan de angere zie kiekst-e oet uëver der gaard. t Is ene groeëte gaard, mieë n park, zoeëwie me dat bie n kasjtieël kint verwachte. Ieësj n groeët terras mit groeëte bloombek hoe palme in sjtoan en n paar groeëte dussje mit sjteul, ligksjteul en get wiejer op n sjokkelbank. Al bie ee is t zoeë groeët dat me der mekkelik mit n vieërtig man kint zitte.

6 n Gelender sjteet oppe randj zoeë dat me neet draaf kint valle en n breij trap veurt noa der gaard in. Op t ieësjte sjtuk is ene groeëte graasplei mit veuël blome, roeëze en bluijende sjtruuk. Wiejerdoeër is der ene groeëte buusj hoe in me sjoeën kint wanjele. Om t ganse gelende heër sjteet n hoeëge moer, zoeëdat me gene bang hooft te hubbe dat vreëm luuj zoeëmer der gaard i komme lope. t Is t kasjtieël van Sinterkloas. Omdat t zoeëmerdaag is, is Sinterkloas nog neet zoeë hel bezig mit de Hollesje kinjer. Heë heët ene sjtubjas uëver der toog aa en ene sjtruëhood oppe kop teëge de zon. Ziene mijter heët heë zoeëlang in de sjtal aan ene nagel gehange en is der gaard i gegange om de oetgebluijde roeëze oet te sjnieje. n Paar jong zjwarte Piete winke heuëm goeijendaag en lope dr buusj i. Op n oape plaatsj in der buusj sjteet n kleen leme huuske. Doa in wont der oudste zjwarte Piet. Heë is zoeë oud dat heë neet mieë wirkt in de sjpieëlgoodfebriek en al gaar neet mieë mit geed noa Nederlandj. Heë is gans gries en heët ene wuste baard. t Is egelik mieë inne grieze wie ene zjwarte Piet. De jong Piete gont op hunne vrieje middig geer noa heuëm heer om n glaas limmenaad te drinke en noa zien verhoale te loestere. En vertille kint deë ouwe Piet! Ooch vanmiddig zal heë waal n apaart verhoal hubbe. Der ouwe Piet zit in ziene sjokkelsjtool onger ene dieke boom en de jong knape zitte oppe grondj om heuëm heer mit gluijende kupkes van de sjpanning. En dan begint heë te vertille: Ich weet nog good wie ich de ieësjte kier bin mit gegange, zeët heë en de jonge hange aan zien luppe. Vieër woare in Nederlandj, n landj dat zoeë plat is wie ene knapkook. Mer deper in t landj gieëft t ooch n geëgend hoe get huëvele zint. Opins komme vier in n durpke, t is lang geleije dus der woare nog geen lampepeuël en t woar zakkeduuster. De kinjer hauwe allemoale der sjoon gezat en vieër zint in jieëder hoes aa gegange. Op t inj van t durp wat de luuj doarom t Indje neume, onge i gen durp, bie der mert, bie de huuskes van de Kling, in wat ze de Oeloave neume, de Boewberg en ooch in Rompe. Uëveral woare der wintjermoeëre veerdig gelag vuur t peërd van Sinterkloas. Ich hau op t lits zonne zjwoare zak moeëre oppe poekel dat ich der kromp van leep. t Woar duuster en t woar aan t sjnieë. Me zoog geen handj vuur de oge. Op n gegeëve mement hubbe vieër os verlope en woare vieër opins oppe hei. Vieër lepe uëver n groeëte zandjvlakte en opins treë ich mit der voot noa n beëk in. Ich sjrik en maak inne sjuëter dat ich lankoet in de beëk ligk. De zak mit moeëre vilt ooch in de beëk en alle moeëre sjpeule voert ieër vieër ze weer bie ee koste rape. Sangerdaags is de ganse beëk oranje-roeëd gekluërd van de moeëre. Vanaaf die tied neume de luuj doa die beëk de roeë beëk!