Noe hat ozze sjtomme eëpel, Och nog frans bloot. Mar oane eëpel kinne vier nit! Jan halmans

Transcriptie

1 n Individualistische Maatsjappie In ozze moderne maatsjappie, Is mekaar helpe d r déks neet mieër bie! D r is geen oog mieër vuur anger luuj, Vuurop sjteet alleen noch mér t individu! Begriepe kin-ste dat toch neet, Zoeë dees-te angere alleen mér verdreet! Want sjterk sjtees-te alleen mér same, Al is dat déks n leëvesexame! Ron Logister Eëpel Went me inne eëpel umdrieënt, Blieft t inne eëpel! Went me hem deet broane, Dan numt me t pommes saute s. Went me dun sjiefkes bakt, Dan hit t pommes chips. Went me sjteëfkes in t vet bakt, Dan numt me t pommes frites. Went me gaar eëpel durch drieënt, Dan heesj t pommes pureé Went me eëpel reeft, Dan weëde t riefkeuk. Went eëpel veerkank gesjneije weëde, Dan numt me ze pommes carré s Went me van eëpel kling bölkes makt, Dan weëde t pommes parisiënnes. Noe hat ozze sjtomme eëpel, Och nog frans bloot. Mar oane eëpel kinne vier nit! Jan halmans Inne tulband De letste weëk van t vurig joar mós ich noa t krankehoes goan vuur n operasie aan ing oer want wat ich niet geer huurde kós ich neet versjtoan De letste daag van de moand woar t keul Inne frisje wind koam oet t noorde en juus toen mós ich ónger t mets van dokter van der Oorde t zich van oet mien bed woar sjoeën vöal beum en inne groeëte pool en ich zoat dan óch vöal lever vuur t vinster op inne sjtool

2 Ich houw n sjoeëne tulband óp dat woor n vreëm gezich want ich höb van michzelf al inne ganse rare kóp. t Fien koam twieë kieër dageliks bei mich óp bezeuk t brach dan blome mit en freut es dank kreeg het van mich dan vieze hummes en óch óngerbreuk Mar toen ing weeëk vuurbei woar moch ich al óp heem aa goa en wen t Fien noe teëge mich moelde kós ich m wer gans good versjtoa Ich bin noe good aan aan t sjterke ich veul mich wer d r ouwe Thei en zal óch vlot wer kónne wirke en flatte sjpreie in de wei. Der vuurman Zoeë wie me vreuger vertilde goof t ene vuurman. Wens-te dem zoogs, dat moos-te dich voert make. Dat woar ene groeëte vuurbal, deë koam zoeë vlot oppe luuj aa dat ze zich neet mieë oet de veut koste make. En went deë vuurbal bie dich woar dan sjnapde deë dich mit n brennende handj en trok dich der bal in. Zoeë mot t ooch ene kieër in oud Broenssem gebuërd zin oppe Durpsjtroat of oppe Grach. Ene miensj deë nog get lang i gen hoes gesjraveld hau, wol nog effe aan de frissje loef vuur ieër heë noa gebid wol goa. t Woar wintjer dus heë hat zich de gabberdien aa gedoa deë ummer aan inne nagel aan de duërsjtiel hong, zich der kraag op gezat en de luch gepak, doe is heë t good op gegange. t Woar richzig koud, heë zoog ziene oam ies weëre. En wie heë zoeë get rondj trampeld zuut heë inins n roeëd leech achter t pannesjop. Ieësj wilt heë der nog op aa goa omdat heë mint dat t brent. Mer dan zuut heë opins dat dat leech beweëgt! Heë sjrik zich onnuëzel, drieët zich om en mak zich oet de veut. Wie heë oppe kuëkeduër aa rent kiek heë nog ns om en zuut t vuur op heuëm aa komme. Heë veëgt de kuëke in en sjmiet drek de duër achter zich toe; dan huërt heë ene versjrikkelikke sjlaag op gen duër, mer heë darf neet te goan kieke. Sangerdaags zuut heë dat der zjwarte brandsjtrieëpe oppe duër sjtoan wie der aafdruk van n brennende handj. Heë heët alle naobers ze loate zieën. Der zint luuj die zigke dat heë zichzelver angs heët gemak en in der paniek mit de luch langs de duër heët gesjtrieëke.

3 t Leëve is n oeëtdaging Durf dich te vruije, En in t leëve te gruije. Maak sjpas en plezeer, t ganse joar ummer weer! Doch t noe mér geweun, t gieëf dichzelf en angere sjteun. t Woapent dich beëter teëge de sjtried, Deë vieër veure op dees welt de ganse tied! Es-te zelf durfs-te zigke: Ich durf mich te vruije en dat ooch dees is gewis, Dat t leëve vuur dich n oeëtdaging en geen probleem mieër is! Ron Logister. In gedanke In gedanke dach ich Wat dach ich noe dach ich Ich dach, ich dach Ich weet neet wat ich dach Mer good hub ich gedach Dat ich t ooch neet hub gezach D r moandig.ving ich nog ummer inne versjrikkelige daag deë noeëts verenderd. Van alle wirkdaag van de weëk is d r moandig nog t mieëst zichzelf geblieëve. D r zóndig had in de loop van de joare zieng identiteet verlore durch de koopzóndige. Vreuger woar d r zóndig de daag van de lange leëgte. Dat is noe d r moandig gewoare. Doe zals zelde de zón zieë sjiene op moandig, doarum heesj te dus óch neet zóndig. t Is op d r moandigmörge das te de iësjte sjtoeët mit inge elleboag tussje dieng ribbe kriegs in de bus of in d r trein. Deëzelfde trein sjteet noa ing vieëdelsjtónd ópnui sjtil in ing kletsjnaat verreëgend kroeëteveld umdat ing kouw op de reels sjteet. Op alle anger daag van de weëk wil nog waal ins ing kabelbrüek de oërzaak van de vertroaging zieë, mer dan is de meugeligheed dat de zón sjient tóch vóal groeëter es op d r moandig. Ne geëf mich mer d r zamsdig, dat is d r enige daag van de weëk woeëop alles nog waal wil floepe. Gee fiel, gee vertroaginge en gee den Haag Vandaag. Op d r zamsdig gees te noa d r maat, doa verenderd bauw noeëts get. t Wóngermiddel woeëvan dienge auto al geet blinke wens te t aan t oetpakke bis, weëd nog ummer mit groeët succes verkoch, en de gebakke vusj ruukt nurges lekkerder es op d r zamsdigmaat D r daag van de óntdekkinge. Ing balpen mit inne greune en inne roeë punt, ing balpen mit aan de anger ziej inge sjtóppetrekker, inge sjoonsleëpel mit ingebouwde aasjteëker, en nurges billiger es op de zamsdigmaat. Ich woar ins op ing moandigmaat, de zón sjeen en t woar sjoeën weer. Ing maatvrouw duide t tentedook van heur kroam onhoeëg en ich kroog mieë es ing kuub reëgewater uëver mich hin dat zich in de nach van te vuëre doaop hou gezammeld. Dus noeëts mieë noa de moandigmaat. Wie ich al zag t geet nieks boave d r zamsdig!

4 Vreëm Diene Christus woar inne Juud. Diene GSM is inne Japanner. Diene Pizza is Italiaans. Diene Loempia is Chinees. Diene Panda kunt oet Pole. Dien demokrasie is Grieks. Diene kaffe is Braziliaans. Dien oer is Zjwitsesj. Dien humme is Hawaiiaans. Diene walkman is Koreaans. Dien vakans geet noa Turkije. Dien ciefere sind Arabies Dien handjsjrif is Latiens En doe verwiets diene noaber dat heë inne vreëme is!? Jan Halmans Driede ei Deftig Jantje hub ich neet geer Ich ving t ene proetsjbeer Mit ziene deftige hollesje kal Mint; heë heët n driede ei, deë kwal Guster loog heë in de gats Woar zien driede ei geplats Sjtepke truuk Deë hat zieëker ing sjtepke trük mótte doeë ; zag d r broeder, wie heë mit de krankewaan noa ing malleur mós woeëbei inne bouwvakker van d r sjtieger woar gevalle! Sjtaatse witte t Water glinstert in de zon Heur sjtroale rake t bau aan Dan drieft sjtols vuurbie n Groeёte sjtaatse witte zjwaan Ze lieёt zich uёverdrieёve zieё Good bewos van zien prach Dan veulst-e op de ganse pool Zien aanwezigheed en mach Krek wie in de groeёte welt Mer dan zonger kal en behei Opins ving ich die sjtaatse witte Egelik mer n ei!

5 Ruzie Es de donkere wolke uëverdrieve, En alleen de sjerve uëverblieve. Es de koadheed is gezakt, En doe veuls dich hieël bekakt. Es te dan begins te dinke, Waor dat t weërd d r angere zoeë te krinke? Is t toch zoeë lestig om toe te geëve, Ich woar verkieërd, v r gont weer same doeër t leëve! Ron Logister Inne küsj Ich bin Truus. Ich bin inne küsj, en kóm oet de Ardenne. Noe woeën ich al vöale joare hei, mer höb waal eëve mótte wenne. Mieng neëve zult g r óch waal kenne, van de sjink oet de Ardenne. Die woeëne doa noch in t wild, en vreëte kilo s ekels, bis dat hun hónger is gesjtild Ich zörg hei vuur get landeliche lóch, en dieke vette drolle, en wen ich opgegeëte weëd Vuur hoeëge cholesterolle De vrouwluuj doon doa neet lestig uëver, of t van t rink is of van d r küsj. Die legke t geweun op inne teller, vuur de middig op d r dusj. Kleen wie groeët t Is ene sjoeëne zoeëmerdaag. Ich zit op n benkske in de sjeem en zieën get kinjer sjpieële. n Gruupke van zon zes bewaarsjoeëlkinjer hoddelt op n paar sjpieëltoesjtelle. Ene blonje krolkop hat ummer de groeëtste moel. Went ene angere op t sjokkelpeërd zit mot heë drop. En dan is heë weer aan t lammentere dat heë oppe wip mot. Opins muit heë zich weer mit twieë die zich mit n hupke zandj ammesere. Uëveral hoe die kwaakmoel kump is heibel. t Liekt waal de groeëte welt, t liekt waal de polletiek. Deë t helste keëkt mint dat heë geliek hat.

6 Loat t uch sjmake Ertesop Wat me nuëdig hat n pondj Erte (ganse of sjpliterte) Gehaks, iesbee of rubkes 2 of 3 diekke unne selderieknol prei 1 moeër peëper zout maggiblukskes gemengk groaf soppegreuns eërpel Wie me t makt Erte wesje (ganse erte motte n ganse nach in de week sjtoan!). Erte en vleesj gaar koake. Dan prei, selderieknol, moeër, soppegreuns en eërpelblukskes mit peëper, zout en n maggiblukske gaar koake. Dan fien gesjneije unne bakke en derbie doeën. Ongevieër angerhauve bis twieë liter water broeke. Bie wieze va sjpreëke Doa is nieks mit aa te vange Ich eёt wat op ge dusj kumt Windj i gen buusj hubbe Daar is geen land mee te bezeilen Ik stel geen hoge eisen Platzak zijn