Wiel Roeselers. Jan Theunissen

Transcriptie

1 Eike tik In n kurfke Broen van reet Ligke bontj gekluërd De eikes al gereed Alle man om gen dusj Mit kluërig kleed bedik Jieëderee n eike Effe kuppe,tik, tik, tik Sangerdaags op t huuske Duje dat t verrik Wiel Roeselers Mit Poasje Makt de Poasjhaas uëver oeëre, Om dat hea doeër `t ganse landj mot toeëre, Op zeuk noa groeëte eierboeëre, En ongerweag it hea wintjermoeëre Jan Theunissen Poasje Wit en geal zin de poasjkleuëre In de natuur sjteet va al te gebuëre De krintesjtruuk en de sjleedoorn blujje Es of ze de witte blumkes rondj strujje De weije zin greun en geal gekluërd De paesjbloom gieëf t een opfrisjbuërt D r poasjhaas head t mer druk Hea vluug doeër de weij es verruk Uëveral head r ejjer versjtop De oeëre hange langs ziene kop Os kleenkindj kump eijer raape En deed zich dra vergaape Ongertussje head mien vrouw de dusj gereed Noe wieërd tied a t kuppe besjteed Jan van Haaf Der haan en de hinne Loate vier mar beginne Zag der haan teëge de hinne De hin is teëge t pinne Ich veul endlich t ei va binne Eier legke deed neet jieëkerinne Doavuur, loate vier mar beginne

2 Angesj deed t toch ginne Jan Halmans Poasjweer Mit Poasje woar t zoeëmerweer, dat mak ste neet duks mit, dan woar t kaod bis óp t lets, d r sjnei wer boete likt. De beum sjtoan volóp in blui, es t noe mar neet geet vreze, want angesj zalle v r dit joar, nog gans get freut verleze. Dieke boeëne, en de radieze, die kinne d r waal teëge, mar d r blómmezoad in al mieng pöt, zit neet óm vrós verleëge. De moand April deet wat heë wil, dat is al lang bekind, t kin reëge, vrós of hagel zien of kouwe sjrale wind. Mar inins is t sjlechte weer vuurbei, dat is woeë vier óp hope, en kin ste wer de ganse daag, mit kótte muikes lope. Dan sjtoan de beum pas ech in blui, en alles kumt tot leëve, dan zit ich lever in d r gaad, es heem zitte te sjrieve. Thei Janssen Oppe eier In ene klene kippesjtal In t durpke Doonder Zoot ene rebelsje haan Mit twieë sjtrakke hoonder De een hoon zeët teëge de anger Deë keël mit zien geleijer Doe kans t geleuve of neet Dat geet mich langkzaam oppe eier Wiel Roeselers

3 Pluk d r Daag In het leëve ontgeet dich van dinger waal ins de zin, Is t allemoal alleen nog mèr te doeën om finansjeel gewin? Gebuërt d r nieks mieër geweun vuur t plezeër, Onger t motto: ich doeën dat gewuën geer. Loate vieër os alleen noch mér leije doeër de waan* van d r daag, woebie d r ene daag alles en de volgende daag gaar nieks maag? t is in ozze tied gewuën neet te geleuve, Dat vieër zoeë diks t leëve neet mieër preuve. Geneet van de klene dinger en pluk d r daag, Of t noë guster woar, murge wurd of t is vandaag. t is dich mèr ins gegeëve, dus geneet d r van, Omdat t vuur dats-te t wits vuurbie zin kan! Ron Logister. Vreugjoar kumt Went aan boom en sjtroek De knuup goan diekke Narcisse kup Langzaam komme kiekke Dan wits-te t doeërt Neet mieë zoeë lang t Vreugjoar kumt Maak dich neet bang Wiel Roeselers Lente De bloome sjtoan in de bluij, De deere komme in de ruij, `T graas is aan de gruij De boeèr heat dat nueèdig vueèr huij, Dat voort hea sjwïntjers aan de kuij, Dat wete v`r alle nuij, Mer wat g`r neet wit zeat `t Truij, Dat îch mich `t meeste vruij, Wen ich de sjöp weer de grondj in duij Doa van wear ich gaar neet muuj, Noeè wach ich nog op een Lentebuij. Jan Theunissen D r mei moandj Mei keul en naat Vult de sjuëre en ooch t vaat

4 Wea kint dees gezigkde neet Die op woarheed besjteed De jonkheed is op sjtap De meiden is gekap En die is versjtop In de buusj mit dea pannesjop De mealder flöt d,r mol sjtuët De eekheur sjteet op zien echtesjte puët Jieëder voeëgel zingt wie er gebek is In de natuur is t gaar neet mis Ich bin op zeuk Va woeë d,r koekoek reup Es d r mei is in de moandj Is bedrievigheed en va alles goand Ich zigk daag teage God en de Weldj En geneet ooch oane geldj Jan van Haaf Pieëpel Ummer döl en roeteleboet! Vloog d r pieëpel Noe heëj en dan doa, Heë fladdert alle blumkes noa Va blom bis blom En alles um de buët Wie zich dat gehuët Ee muulke hei, en get nektar doa Ueveral drop en draaf Zoeë fladdert d r pieëpel ozze gaad oet! Jan Halmans Kleen dinger De kleen dinger in t leëve, Kinne dich zoeë veuël vruid geëve! sjmurges vreug op het graas de dauw, Of de loch sjtroalend en blauw! n Vuëgelke dat aan het fleute is, En flot makt dat het wegkump es-te d r bis! D r eekheuëre deë zich n noeët kump hoale, De sjterre die aan d r hieëmel sjtroale! De zon die aan d r hieëmel sjteet, t is aaf en toe net of t neet besjteet! Went v r dinke duks neet aan die klene zake, Doa zulle v r van aaf motte rake Went juus al die klene dinger, Motte v r doer geëve aan os ege kinjer!

5 Die kleen dinger geëve de nuëdige kluër aan t leëve, En es dat vergeet, zulle v r os dat noeëts vergeëve! Ron Logister t Moag wer vreugjoar weëde, De letste poor en boerekoeël, höb ich oet d r gaad gehoald, en vuur twieë karre mes, höb ich vöal geld betaald. t Is noe te hoape dat t weer, t neet aaf lieët wete. Want angesj kan ich de sjupperie, vuurleupig waal vergeëte. Ing oer vuurdat t duuster weeëd, goan ich doa aa beginne. t Is dan óch neet al te sjwoar, en ich bin op tied wer binne noa jieëker veurke wat ich höb gesjupt mót ich eëve op de sjup goan hange en mót ich mit d r tesjedook d r voele zjweet ieësj óp goan vange mar endlich noa in weëk of twieë, dan moagt geer kómme kieke, want dan begint mieng geëdje, pas ech op get te lieke. Nog eëve dan vingt t zieëne aa, dus loat mich mar geweëde d r winkter doerde lang genóg t moag noe vreugjoar weëde Thei Janssen Vuurjoar bringe Went de zon De eërd omermt En de natuur Zoeë opwermt Dan zuus-te De kouwe grondj breëke En zach greune Narcisse de kop op sjteëke

6 Huërs-te ooch weer De vuëgel zinge Krek es wille ze zigke Ich kom dich t vuurjoar bringe Wiel Roeselers Oos moeëders sjolk Va mien moeëders sjolk Wil ich uch get vertille Hea is gans simple mer mieë weerd Es gans veuël duure bontjvelle Oos moeëder droog inne sjolk Inne bontje doeër de weëk Inne witte vuur d,r zonjig Dea gans deftig leek Oos moeëder heure sjolk Doa kroop ich geer onger Es ich verleage woar va miensje Of bang vuur hil en donder Oos moeëders sjolk Woar altied biej de handj Vier veagde d r zelfs de sjnotnaas a aaf Vier woare vaste klantj In oos moeëders sjolk Dat woar vreuger zoeë gestildj Woerd jieërdere vriejdig oavendj Oos zonjigsgeldj getildj Es moeëders sjolk Bis op d r droad woar versjlieëte Woar hea es sjtub of aafwesjdook Biej lang noa nog neet versjlieëte Op oze moeëders sjolk Woeérd oos t bae gelieérd Noe drage ze neet mieë zonne sjolk En hubbe t bae verlierd Onger oze moeëders sjolk Doa zote gee feministe Mer gezag dat hou ze waal Heur woeërd dat woar t litste.

7 Jan van Haaf. In t vueërjoar Dan komme de sjwarbele weer trõk, en hõbbe dan hiejl get kilomiejters aafgelach, `t is de vroag of ze dat allemoal lõkt, want de al get ouwer sjwarbele hõbbe neet miej diej krach, om zoeëwiejt te vleège en bliejve achter, Alleen de sjterke vleège van Afrika tot hiej, En lègge de ëijkes weer op `t zelfde plekske in oeës sjuuër, Went ze weer biejos trõk komme zint ver bliej, Soms helpe viejr ze biej `t boeëwe dat is ègelök teage de natueër. De sjwarbele vleege meestal ueëver water van beake en viejvers, en vange doa mûgge hiejl sjnel, `t zint echte driejvers, en vleege noeëts alleen mer same mit èè gans sjtel, De mügge kriejge geen ènkele kans, en höbbe pech, Gene ontspringt de dans, zoeë vange ze d`r hiejl get weg, Dat is natueërlèk natueër. Jan Theunissen Vuurjoar t is vuurjoar va 2009 En vier zitte boete op de bank En dont de oge touw Vier loestere noa de vuëgel gezank Dat is t leëve En mit ee teske kaffe va de vrouw Es vier t mage beleëve Da kunt d r zoeëmer gauw Noe sjtont vier op en gunt noa binne Want der kruupt ee wölksjke vuur de zon Jan Halmans Moeëderdaag Binnenkort is t weer Moederdag, gont allemaol nao Mam mit gulle lach! Un blumke deet t ummer good, Mér t geet dich toch boave d r hood, Es te zuus dat duk alleen op deë ene daag Vuur de mam wurkelijk alles maag!

8 Doarom is t beëter de mam dukker get te geëve Dat gieëf heuër nog mieë voldoening in t leëve! Inne danke vuur alle goeie zurge, Neet alleen huuj mér ooch weer murge! Ron Logister Moeders Leefde Sjloap lekker mien leef hartig kindj Moeëders henj sjtrieele dich bemindj Moeëders muulke s dikke dich toe Moeëders leefde weegt dich in roew Jan van Haaf Lente in de wintjer van 2014 `t Weer woar rammenasse gek, de lente how de wintjer verdronge, Doa doeèr zint de vueègelkes niks te kort gekomme, De vitböl honge nog onaangereuèrt nève de deuèr, Alles leep oeèt; en de natueèr kroog weer klueèr, Endj februari leepe zelfs carnavalliste in hun korte brook, En moosje oppasse dat hun geen bieèj sjtook, `t Weer woar moanje lang va sjlaag, Sjmörges begos een oeèr iejder de daag, En `s oaves bleef `t al langer kloar, Noeè vonge v`r dat gèèn ènkel besjwoar, In lènj woeè`t noeèts sniejde vool èè flink pak, En in Engelandj krege ze mennig buujke reage op d`r zak, De metreologe woste neet wat de oeèrzaak woar. En howwe neet `t passend antjwoeèrd kloar Dat de iejskap aan `t sjmelte is weete v`r allang, Mer dat`t water in de oceaan sjtiegt, makt hun bang, Ueèver honderd joar is `t hiej mesjieèn weer subtropisch, Of is diej gedachte zoeè onlogisch? Jan Theunissen Ing Mam Honger kint ing módder waal verdrage Um ermood,lieët ze och ging troan En aasjleeg op heur ier zal ze weersjtoan Pieng en kouw verdreugd ze zonger klage Wat kint ing módder al neet verdrage Wat lieët ze zich gevalle oane troan

9 Wat wit ze zonger krump te weersjtoan Wat kint n módder lieje oane klage Maar wat ing módder neet begriept Dat heur kink noa drugs griept En alles deed um aa geld te komme En zich aan alles wat kint vergriept Jan Halmans Mien Mam Mien moeëder woar Van t gewuëne leëve Ze hat geprebeerd t Biste te geëve Dat is zoeë waarsjienlik Neet ummer gegange Ze zal bis heur ege Feëlere hubbe begange Ich kin neet die feëlere Dat is mien geluk Went dink zoeë mit leefde Aan muëderke truk Wiel Roeselers Bevreidingsdaag Jieëder joar op 4 mei sjtond vier effe sjtil En dinke noa wat vrie zieë egelik zigke wil Went ich in de tied truuk doeë kieke Goan ich ummer mieë begriepe Vriejheed is ee ongekindj vuurrech En dit motte vier allenuij plege mit deep respek Hieël veuël vreëm soldoate Hubbe vuur os vrieheed t leëve gelaote Vier sind verplich oos kinjer dit mit te geëve Es bagaasj vuur hun wiejer leëve En bezeuk ens de oeërlogsgraver in Mergroate Woeë die soldoate ligke die vuur os t leëve hubbe geloate t Ganse leëve motte vier os hiej op attendeëre Dat oeërlogsgeweld noeëts mieë maag truukkieëre Jan van Haaf `t Vuërjoar zit in de loeg Dat merkt me aan de natuur mer oog aan de luuj, Miejn vrow begint dan te poetse tot alles blinkt wiej nuuj,

10 Ze is de kou zat, en zèt vinsters en duëre oape, Frissje loëf mot noa bènne zeat ze, alles woar lang genog gesjloate, De ganse boet sjteet dan op d`r kop, Ze sjlèpt mit alles noa boëte, ich weet neet miej woeë ich zitte mot, Al driej daag eate viejr friet mit kroket, Diej ligge mich op de maag ze zint erg vèt, Nog twieëj daag mood houte zeat ze dan bèn ich kloar, Dan heat alles een gow buërt gehad tot volgend joar, Gelökkig zèk ich, dan kumpt weer rust in de tent, Och erme haus zeat ze, doe bès niks gewend, Ich sjnap neet dat diej zin in sjoeënmaak heat, En doa gaar neet meug van weat, Es Ich `t woeërd sjoeënmaak huër weër ich neet good, Dan zakt mich de mood, Tot in de sjoeën, Doa kên ich niks aan doeën. Jan Theunissen D'r Poasjhaas Ich bin d'r Poasjhaas. Noe dinkt ier; dat is aardig, d'r poasjhaas,nog noeëts gezieë en inins sjteet heë doa. Mar noe mot gier neet dinke dat ich hei vuur mieng plezeer sjtoan. Als poasjhaas sjtee'ste gans alling. Dreihongerdtwieëenzestig daag per joar zit ich in de weewee, mar dan inins loop ich mich drei daag de puët onger mieng lief oet mit inne körf vol eier en die mot ich da óch nog versjtoppe. Wit dier waal dat d'r viefmieljoeën hoeshouwesj i Holland zint. En bei jieëker hoeshouwe mot ich ing eike versjtoppe, en soms óch waal tieën Viefmieljoeën hoeshouwesj, neet te geleuve, 't lieke waal knieng. Vreuger houw'ste die ouwerwetse hoezer, mit hei en doa ing duuster eksjke of ing luuksjke, dus ummer waal ing meugeligheed om 'n eike voet te legke. Mar noe, in die nuie moderne betonblök kin'ste dieng ei nurges mieë kwiet Aaf en tow loop ich inne haove daag om zoeëne bunker hin vuur dat ich ing plekske höb gevonge woëvan ich dink dat ze nit dierek hun geniek d'r uëver zulle breëke. Mar ich bin nog nit good en waal um d'r ek of ich huur al inge zage; verrek...hei ligkt ing ei En dan is 't nog nit ins Poasje. Vreuger woar dat mekkeliger, toen houwe de mieëste hoezer nog ing geëdje en doa woar ummer waal inne sjtroek of ing beumke woeë'ste get eikes achter kwiet kós rake. Dan sjprong'ste uëver de hek van 't inne geëdje noa 't angere, mit 't risiko dat'ste op ing meshupke terechkoams. Hütsedaags mot ich al in d'r fibberwaar beginne, en alles alling. Doe briks diene nak üever Sinterkloaze en Krismennekes, mar poasjhaze...mar inge, en dat bin ich Dan sjtoan ich in d'r fibberwaar al in zoeë inge betonne toere, zoeë ing vleesjpakhoes, mien eikes te versjtoppe. En neet achter de centrale verwerming, want dan zint ze teëge de Poasje al voel Ich zoog ins touwvellig in inne gaad wie ing jungske ing eike van mich vong. Wat ing sjiet ei,sjreit deë poet en wörpt 't uëver de hek bei mich op d'r kop.

11 Ich hou dat menneke 't leefst ing om de oere gegeëve, mar dat kin'ste es poasjhaas nit make. Wen ich ins ing geëdje vergeëte bin höb ich al dierek zeek mit de vakbond, doa woeënde touwvellig ing lid van de FNV. Esof ich dat ruuke kos. Ze vergeëte ongertusje waal dat ich in kotte tied mieë werk verzit es 10 angere miensje in ing gans joar. Mar vuur mich is d'r noeëts get ekstras. Ing ekstra oetbetaling? Noeëts...! Gee miensj deë doa aa dinkt. En dan de kwaliteet van de eier, doa zint ze óch ummer uëver aan 't ensjele. Ze zint te kling, of ze houwe lever broene, of ze zint neet besjilderd. Ne...allich neet. Vreuger besjilderde ich de eier, doa woar ich 'n gans joar mit bezig. Ich houw óch inne ganse ploog kunssjilders i deens,die sjilderde komplete landsjappe op 'n ei, mar die zint neet mieë te betale, die hove nog mar éé sjilderij per joar te make om ing subsidie te kriege woeë ze 't ganse joar van kinne leëve. Doa bin ich dus óch mit gesjtop, deë zieng eiere nog geverf wilt höbbe mot dat mar zelf doeë. Poasje is 't fieeës van de vruid. mar vuur mich is 't alling mar ieëlend. Want ich ren mar durch de velder en de weie om de miensje 'n bietje vruid te geëve, want ing haof ei is ummer nog beëter es ing leëg döpke, en vuur da'ste 't in de gate höbs zit'ste midde in ing driefjach en höb'ste inge sjuët hagel in dieng vót. De poasjhaas is voeëgelvrie gewoare. D'r weëd allenui bedankt en ich wunsj uch inne zieëlige Poasje. Thei Janssen De kluëre van de poasjhaas In de tied dat Broenssem nog mer n durpke woar. De tied dat der nog geen oud gemeentehoes woar. De tied dat Rompe nog los loog van Broenssem en der nog geen bruk woar en gene Langeberg om der achter te ligke. In die tied sjpilt zich dit verhoal aaf. Doe woar der nog veuël mieë buusj en hei wie huuj ze daags. En urge deep in deë buusj, woar n plaatsj hoe de deëre angesj woare wie hiej. Doa versjtinge zich kat en hondj, vos en hoon of wolf en sjoap. Ze wonde allemoal in vreij bie ee. Doa woeërdt zich ongeree geholpe en zich neet op de heure gehauwe! Soms woar der waal ns get vregel. Mer dat koam meestal doeërdat de jong deëre mit versjtupperke sjpieële doeër der koeëlhof van Harie der haan heër rende. Deë haan woar n bietje inne opgereegde. t Sjmurges, krek went de zon op koam, woar deë toepes al oet de veëre. Dan begos heë te sjreije, dat alle angere deëre oet hun bid vele! Hoebeërt hondj hou al ns vuur Harie gesjtange en heuëm beloaf m in de priej te biete went heë nog ins zonne beheij makde. Dan koam der ouwe Sjeuf sjoap der tusje, deë kalde ns mit allebeij en dan woar t weer good. Zoeë ging dat doa, Sjeuf sjtreek alle ploeëje glad. t Woar n wonjerlik durpke. Zooë biezonjer dat gene t vreëm vong dat, n bietje achteraaf, in n kleen hote huuske der poasjhaas wonde. Dat woar inne groeëte sjtaatse haas mit groeëte lang oeëre die wie twieë leëpele boave zien gries kruun oet sjtoke. Joa heë woar al get gries aan t weëre, went t woar der jongste neet mieë. Der poasjhaas koam noeëts i ge durp. Nee, doa houw heë t te druk vuur. t Ganse joar brachte alle hoonder oet gen durp heuëm de eier en dan woar heë aan t sjildere. De sjoeënste kluëre, blauw, roeëd, geël, greun, oranje, broen en paars. Van alle kluëre hou heë groeëte put in zien kluëresjop sjtoa. Zoe ging dat, daag in daag oet. De hoonder brachte heuëm de eier en heë sjilderde ze in alle bontje kluëre. En n paar jong heëskes, neëfkes van der poasjhaas heë hau der genog, holpe heuëm mit de eier op de druëgrikke ligke en noaheër nao t eierlager bringe. Bis aa Paumzondig ging dat zoeë doeër. Dan reep de poasjhaas zien ganse famielje bie ee. Dan woeërte de routes verdeeld en

12 kreeg jieëderee n groeëte mangel mit eier op gen ruk om die in de Poasjnach bie de luuj te bringe. Went jieëderee zien taak vuur de verdeling van de eier hau, dan pakde de poasjhaas zich n paar weëke vriej en ging noa zien zuster die oppe Broenssemmerhei wonde. En went heë zich dan get geres hau, begos heë n weëk noa Beloake Poasje weer te sjildere. Bis op n duustere en versjrikkelikke nach, der woar inne richzige sjtorm op komme zitte. Inne windj deë brulde doeër der buusj en de beum beugde zich zoeë deep dat ze der van kraakde. De vinstersjleëg van t huuske van de poasjhaas kraakde en piepde dat heë bang woar dat ze van de moeër aafgebloaze zouwe weëre. t Blitsde en hoemelde dat hun huëre en zieë verging. De deëre krope engstig bie ee. Bis opins inne felle flits t ganse durpke in vol leech zat en gliek drop inne helle sjlaag deë de grondj leet sjokkele. De jong deëre sjreide en beuëkde van angs en Bertje, n nog erg jonk bekske, hou t van angs in de boks gedoa. Karool, n erg egewies sjroete kuke, keek oet gen vinster en begos te sjrieëwe. Poasjhaas, poasjhaas, t kluëresjop sjteet in brandj! Wie t weer get vuurbiej woar en de deëre de sja ginge opnumme, hubbe ze zich versjrokke. Van t kluëresjop van der poasjhaas woar nieks mieë uëver. Al woar verbrent en der poasjhaas sjting mit troane in zien oge der neëve. Ocherm, ocherm wie mot dat noe? zag heë. t Woare zon sjoeën kluëre. Wie krieg ich noe de eier vuur de volgende Poasje veërdig? Wat n leed, wat n leed. Jieëmerde der poasjhaas. Der woare nog gene Gamma en Praxis. Trouwens, de kluëre die de poasjhaas gebroekt krieste doa gaar neet. De deëre koame in vergadering bie ee om te uëverligke wat der noe gebuëre mot. Opins zeët Victor der vos: Poasjhaas, gier zigkt toch ummer dat t bie dien zuster oppe Broenssemmerhei zoeë sjoeën is, kinne vier doa geen kluëre kriege? En omdat der vos de groeëtste moel en t meeste koeraasj hau en t toch waal n gevieërlikke rees woar, makde heë zich op weëg noa de Broenssemmerhei. Wie heë oppe hei woar aagekomme keek heë zich de oge oet van al die sjoeëne kluëre. Mer wat heë zich ooch bedach, heë wos neet wie heë ze kos mitnumme. Heë woeërd der hoas garetig van. Heë leep mer rondj en prakkezeerde zich onnuëzel. Bis dat heë zich van meugigheed onger n dieke eek get ging reste en in inne depe sjloap veel. Heë dreumde dat heë uëver de Broenssemmerhei leep. De zon die sjeen zoeë sjoeën en heur good geële sjtroale zatte de ganse hei in de biezonjerste kluëre. Victor kos n zonnesjtroal vaspakke en in zien ruktesj doeën en hau zoeë t sjoeënste geël wat heë zich kos wunsje. Zoeë plok heë t frisje greun van varens en t paars van de hei. Heë leep wiejer en zoog wie de zon t water van der Koffiepool n aparte kluër broen goof. En t water van de Roeë Beëk woar inins deep roeëd. Oranje vong heë bie get paddesjteul die in deë tied van t joar nog es n wonjer in volle prach sjtonge. Doe keek heë noa de loch die hieëmelsblauw woar en hoe geen wulkske aan te zieën woar. Heë rende de Heikop op, sjprong zoeë hoeëg wie heë kos en sjnapte zich n sjtukske van t hieëmelsblauw. Mit volle tesj ging heë op heem aa. Wie der poasjhaas de kluëre zoog kreeg heë troane van bliedsjap in zien oge. Victor vos woeërdt in t ganse durp geieërd. En Lex der Lieëw, deë kuëning woar, goof Victor n ieëresjpang en beneumde heuëm tot ridder. Vanaaf die tied wurdt Broenssem der Parel geneumd... Of de ridder Vossjtroat doa ooch get mit te make heët weet ich evvel neet. Wiel Roeselers