WAT OM MET JOU IRP5 TE DOEN 2013-JAAR VAN AANSLAG

Transcriptie

1 WAT OM MET JOU IRP5 TE DOEN 2013-JAAR VAN AANSLAG Kantoorpersoneel moet die inligting hier onder in ag neem wanneer hulle hul IRP5- belastingsertifikate vir die 2013-belastingjaar wat op 28 Februarie 2013 geëindig het, ontvang. Skakel die MH-hulplyn by indien jy hulp nodig het om die IRP5- belastingsertifikaat op SAP te genereer. Nuwe prosedure om te volg Jy sal weer vanjaar n vooraf ingevulde opgawe van die SAID ontvang. Indien jy nie n efiler is nie, word die opgawe aan jou gepos. Indien jy n efiler is, moet jy jou opgawe versoek deur op jou efiling-profiel aan te teken. Die SAID moedig die gebruik van efiling aan. Dit is n eenvoudige, gratis diens om jou opgawe in te dien, korreksies te versoek, jou aanslag te ontvang en n beswaar in te dien, indien nodig. Jy sal ook jou rekeningstaat kan besigtig en n betaling aan die SAID kan doen indien jy enige geld verskuldig is. Om jou met die indiening van jou opgawe te help, kan jy die Help-You-e-file-funksionaliteit gebruik. Dit is n eenvoudige, veilige manier om aanlyn met die SAID te skakel. Dit stel een van die SAID-agente in staat om vir jou leiding te gee terwyl jy in jou efiling-profiel werk. Jy sal jou internet-webleserskerm met die SAID-agent kan deel, wat jou met enige haakplekke sal help wat jy dalk ondervind terwyl jy jou opgawe invul. Besoek asseblief vir meer inligting. Wie moet n opgawe indien? Indien jy jonger as 65 jaar is en n bruto inkomste ontvang het wat nie R oorskry nie of indien jy minder as R vir die volle 2013-jaar van aanslag by een werkgewer verdien het en die betrokke vergoeding aan werknemersbelasting onderworpe was, en geen aftrekkings teen indiensnemingsinkomste het wat jy wil eis of enige bykomende inkomste nie, hoef jy nie n opgawe te versoek of in te dien nie. Jy sal dan slegs al jou inkomstebelastingdokumente, insluitend jou IRP5, vir n tydperk van vyf jaar moet hou.

2 2 Vanweë die uitfasering van SITE, sal jy nou n belastingopgawe moet indien indien jy meer as een belastingsertifikaat ontvang het waarvan belasting afgetrek is, ten einde op jou totale belasbare inkomste aangeslaan te kan word. Registrasie Indien jy nie vir inkomstebelasting geregistreer is nie, word jy verplig om jou as n belastingbetaler by n SAID-kantoor te registreer. Die nodige opgawe sal dan aan jou uitgereik word. Soos reeds genoem, indien jy minder as R vir die jaar verdien het en aan al die bogenoemde vereistes voldoen, moet jy steeds as n belastingbetaler registreer hoewel jy nie verplig sal word om n belastingopgawe vir die 2013-jaar van aanslag in te dien nie. In sekere omstandighede sal jy dalk ook as n voorlopige belastingbetaler moet registreer. Opgawevorms en inligtingbrosjures Soos reeds genoem, is dit die SAID se doel om vooraf alle inligting wat van derde partye ontvang is, op die opgawes te druk. Dit beteken dat belastingbetalers grotendeels slegs die inligting hoef te bevestig wat reeds op die opgawe gedruk is. Indien verskille voorkom, moet die korrekte inligting verskaf word. Indien jy n opgawe invul wat per hand ingedien word, moet jy die korrekte inligting in swart ink oor die gedrukte pienk teks aanbring. Indien van die vooraf ingevulde inligting nie meer relevant is nie, moet die gedrukte inligting asseblief in swart ink deurgehaal word. Indien jy jou opgawe deur efiling invul, moet jy asseblief die vereiste veranderings op die skerm aanbring en die opgawe stoor. Let asseblief daarop dat indien jy byvoorbeeld huurinkomste ontvang, jy steeds dié inkomste op die opgawe moet verklaar. Die SAID sal nie dié inligting van n derde party kan bekom nie en daarom is dit steeds jou verantwoordelikheid om jou belasbare inkomste vir die jaar volledig op die opgawe te openbaar. Nadat jy enige verkeerde inligting op die opgawe gekorrigeer het, of indien die gedrukte inligting korrek was, onderteken asseblief die opgawe en pos dit aan die SAID in die

3 3 selfgeaddresseerde, gefrankeerde koevert of lewer dit by n SAID-tak af. Moet asseblief nie die opgawe vou wanneer jy dit indien nie, aangesien dit die SAID se verwerking van jou opgawe sal vertraag. Let asseblief ook daarop dat nie-ondertekende opgawes nie as ingedien aanvaar sal word nie en deur die SAID teruggestuur sal word. Belastingbetalers wat efiling gebruik om hul opgawes in te dien, onderteken nie hul opgawes nie. Deur met jou unieke gebruikersnaam en wagwoord op die efiling-stelsel aan te teken, verklaar jy as belastingbetaler dat die inligting wat jy verskaf korrek is. Om die opgawe elektronies in te dien, klik bloot op die File -knoppie op efiling. Hoewel die ondersteunende dokumentasie wat vereis word om die opgawe in te vul nie hoef aangeheg te word wanneer die opgawe ingedien word nie, moet jy die dokumentasie vir n tydperk van vyf jaar hou nadat die opgawe ingedien is. Die SAID kan die dokumentasie in enige stadium gedurende die vyfjaartydperk versoek. Algemene wenke vir die invul van jou opgawe Ø Algemeen: Gebruik n swart pen om oor die inligting te skryf wat in pienk gedruk is indien jy enige vooraf ingevulde besonderhede moet verander. Skryf in hoofletters en moenie besorg wees indien van die pienk letters steeds sigbaar is nie, want die korreksie is dan reeds in swart ink aangebring. Die SAID sal die pienk inligting ignoreer indien n swart korreksie bo-oor aangebring is. Skryf die woord of getal volledig uit; moet nie net een letter van n naam of een karakter van n getal verander nie. Herskryf die volledige naam of getal. Indien jy vooraf ingevulde inligting moet deurhaal wat nie meer toepaslik is nie, trek n horisontale lyn deur die middel van die verkeerde karakters in die veld. Moet geen inligting invul buite die veld wat verskaf word nie en moet geen notas in die kantlyn maak nie. Sulke inligting sal nie as geldig beskou word nie en nie in ag geneem word by die berekening van die aanslag nie. Indien n sekere afdeling van die opgawe wat aan jou uitgereik is nie van toepassing is nie, laat asseblief die velde oop moet nie nie van toepassing skryf nie, moet nie n nul invul nie en moet nie die ruimtes deurhaal wat nie van toepassing is nie. Ø Oorspronklike opgawe: Die inkomstebelastingopgawe wat per pos of efiling aan jou uitgereik is, bevat n unieke, gedrukte staafkode sodat die SAID die opgawe kan vaslê

4 4 en stoor. Slegs die oorspronklike opgawe kan dus aan die SAID teruggestuur word. Geen afskrifte of selfgegenereerde vorms sal aanvaar word nie. Ø Persoonlike besonderhede: Maak seker dat jóú besonderhede onder Kontakbesonderhede aangedui word en nie dié van jou belastingpraktisyn nie, indien jy so n persoon se dienste gebruik het. Die belastingpraktisyn se besonderhede moet in n spesifieke afdeling ingevul word indien n belastingpraktisyn jou opgawe namens jou ingedien het. Ø Bankrekeningbesonderhede: Die SAID reik nie tjeks vir terugbetalings uit nie. Alle terugbetalings sal elektronies gedoen word en daarom moet jy bevestig dat die SAID jou korrekte bankbesonderhede het. Let asseblief daarop dat die SAID geen terugbetalings in die rekening van n derde party sal doen nie. Belastingpraktisyns se bankbesonderhede mag dus nie as die belastingbetalers se bankbesonderhede gebruik word nie. Jy kan jou bankbesonderhede aanlyn verander. Indien die geoutomatiseerde bevestiging faal, word van jou vereis om persoonlik jou naaste SAID-tak te besoek sodat die verifiëringsproses voltooi kan word. Verwys asseblief na die SAID-webruimte of die Eksterne Gids oor Hoe om jou individuele inkomstebelastingopgawes-itr12 in te vul, vir die lys van dokumentasie wat ingedien moet word ten einde die bankbesonderhede te verander. Om belastingbetalers teen bedrog te beskerm druk die SAID slegs die laaste vier karakters van jou bankrekeningnommer op die opgawe. Korrigeer dus slegs die bankbesonderhede (volledig) indien die laaste vier karakters nie met jou bankrekeningnommer ooreenstem nie. Ø Medieseskema-bydraes deur Sanlam betaal (kode 3810): Dié bedrag verteenwoordig die totale bedrag wat Sanlam tot jou voordeel aan die fonds betaal het. Verwys ook na die paragraaf oor mediese uitgawes hier onder. Ø Hoofbron van inkomste: Die beskrywing en kode vir Sanlam-werknemers moet wees Finansies, versekering, eiendom en besigheidsdienste (bronkode 2520).

5 5 Ø Mediese uitgawes: Die aftrekking vir medieseskemabydraes is vanaf 1 Maart 2012 deur n medieseskemafooi-belastingkrediet vervang. Belastingbetalers wat lede van n geregistreerde mediese skema is en jonger as 65 jaar, sal op n maandelikse belastingkrediet geregtig wees na aanleiding van die medieseskemabydraes wat gelewer is. Die maandelikse medieseskema-belastingkrediet vir die 2013-belastingjaar is soos volg: Ø R230 ten opsigte van jou bydrae Ø R230 ten opsigte van die bydrae vir die eerste afhanklike Ø R154 ten opsigte van die bydrae vir elke bykomende afhanklike. Dit is uiters belangrik dat jy die korrekte aantal lede van die mediese skema (jouself ingesluit) in die afdeling Mediese Aftrekkings op die opgawe invul aangesien die SAID dié inligting sal gebruik om die totale krediet te bereken waarop jy geregtig is. Die aftrekking vir mediese uitgawes wat aangegaan en nie van jou mediese skema terugontvang is nie, is steeds beskikbaar. Hou egter in gedagte dat nie alle uitgawes wat aangegaan is aftrekbaar sal wees nie. Daar is n spesiale berekening met n limiet wat gedoen moet word om die aftrekking te bepaal. Al wat jy moet doen, is om die kwalifiserende bedrag van mediese uitgawes wat nie van jou mediese skema terugontvang is nie, langs kode 4020 op die opgawe aan te teken en die SAID sal enige aftrekking bereken waarop jy dalk geregtig is. Let ook daarop dat die hantering van medieseskemabydraes vir persone bo 65 jaar nie vir die 2013-belastingjaar verander het nie. Hulle het steeds n aftrekking vir bydraes wat gelewer is en alle mediese uitgawes wat aangegaan is, sal as n aftrekking teen belasbare inkomste toegelaat word (die berekening en limiet wat genoem is, geld nie vir belastingbetalers bo 65 jaar nie). Ø Huidige pensioenfondsbydraes: Jou werklike lidbydrae gedurende die jaar word onder kode 4001 aangedui. Ø Huidige uittree-annuïteitsfondsbydraes: Die bedrag onder kode 4006 op die IRP5 is die bydrae wat deur die salarisstelsel gedra word en moet vir die doeleindes van

6 6 maandelikse belastingberekeninge in ag geneem word. Jy moet egter die aftrekking wat jy op die opgawe eis, baseer op die werklike bydrae soos aangedui op die bydraesertifikaat (of -sertifikate) wat deur die onderskeie fondse uitgereik word. Let wel: Die blote feit dat die bedrag op jou belastingsertifikaat verskyn, beteken nie dat die aftrekking by aanslag toegelaat sal word nie. Jy moet die bydraes wat gelewer is as n aftrekking langs kode 4006 op die opgawe invul. Slegs dan sal dit by aanslag in ag geneem word. Ø Bydrae tot Inkomstebeskermingsversekering: Die bedrag langs kode 4018 op jou belastingsertifikaat moet hier ingevul word. Jy sal n sertifikaat van die instelling ontvang aan wie die bydraes gelewer is. Dié sertifikaat sal in n later stadium beskikbaar wees en ons sal dan weer kommunikeer. Onthou om die vraelys op die eerste bladsy van die ITR12 op efiling korrek in te vul. Dié vraelys sal n doelgemaakte opgawe skep. Een van die vrae hou verband met bydraes tot n uittree-annuïteitsfonds. Jy moet asseblief ja op dié vraag antwoord, al dra jy nie tot n uittree-annuïteitsfonds by nie. As n permanente werknemer van Sanlam dra jy tot n polis vir inkomstebeskermingsversekering by. Jy moet dié bydraes op jou doelgemaakte opgawe aandui om n inkomstebelastingaftrekking te kry vir die bydraes wat gelewer is. Die veld waarin jy hierdie bydraes moet aandui (kode 4018), sal slegs op jou doelgemaakte opgawe vertoon word indien jy ja antwoord op die vraag oor bydraes tot n uittree-annuïteitsfonds. Let wel: Die blote feit dat die bedrag op jou belastingsertifikaat verskyn, beteken nie dat die aftrekking by aanslag toegelaat sal word nie. Vir inagneming by aanslag, moet jy die bedrag as n aftrekking op die opgawe invul. Agtergrond vir hantering van toelaes en byvoordele Ø Reistoelaag: Die reistoelaagbedrag verteenwoordig jou reistoelaag, uitsluitend enige kilometer-eise in kontant aan jou betaal, bykomend tot jou reistoelaag. Dié bedrag word by jou bruto vergoeding ingesluit, maar slegs 80% van die toelaag was gedurende die jaar van aanslag aan werknemersbelasting onderworpe. Jy kan dus

7 7 n belastingaanspreeklikheid by aanslag hê indien jou eis ten opsigte van reisuitgawes onvoldoende is. Die SAID versoek inligting oor die voertuig, kilometers wat afgelê is en of n akkurate rekord gehou is van die besigheidskilometers wat jy afgelê het. Die SAID sal dan die inligting wat verskaf is, gebruik om jou eis vir besigheidsreisuitgawes te bereken. Die totale eisbedrag sal as n aftrekking teen jou reistoelaag op jou aanslag aangedui word. Ø Terugbetaalbare reistoelaag (kodes 3702 en 3703): Enige kilometer-eise wat aan jou betaal word wat besigheidsverwante reis betref, sal onder een van dié kodes verskyn. Geen belasting sal teen dié bedrae afgetrek word nie, maar jy sal op jou belastingopgawe n eis vir reisuitgawes teen enige bedrag wat onder kode 3702 of 3703 aangedui word, moet kan bewys. In die mate waarin jy dit nie kan doen nie, sal die oorblywende bedrag, saam met enige ongeëiste bedrae onder kode 3701, by aanslag aan belasting onderworpe wees. Ø Aandeelopsies uitgeoefen (kode 3707): Deelnemers aan die Sanlam Beperk Aandele-aansporingskema sal n aparte brief van die skema-administrateur ontvang oor hoe om enige belasbare bedrae te hanteer na aanleiding van opsies wat hulle gedurende die 2013-jaar van aanslag uitgeoefen het. Ø Reg om motorvoertuig te gebruik (kode 3802): Die belasbare waarde van jou maatskappymotor(s) word hier aangedui. Indien jy minder as kilometer vir private doeleindes gedurende die jaar van aanslag gery het en jy n ritboek gehou het van die private kilometers wat gereis is, kan jy vir n verlaging in die byvoordeel kwalifiseer. Jy sal egter die aantal private kilometers wat gereis is moet bewys en die SAID kan n kopie van die ritboek versoek. Voltooiing van jou opgawe Wanneer jy jou belastingaanslag ontvang, moet jy die belasbare inkomste wat die SAID bereken het, verifieer. Indien jy nie met jou aanslag saamstem nie, moet jy een van die volgende opsies volg: Indien die fout n tikfout is, moet jy bloot n Versoek om Korreksie-vorm invul en indien.

8 8 Indien die inligting korrek is, maar jy stem nie saam met die beginsels wat die SAID gevolg het om jou belasbare inkomste te bereken nie (dus weiering van n aftrekking of die SAID se interpretasie van n spesifieke deel van die Wet), moet jy n Kennisgewing van Beswaar indien. Beide vorms is op efiling of by n SAID-tak beskikbaar. Jy sal ook n bygewerkte rekeningstaat saam met jou aanslag ontvang wat die onlangse geskiedenis van jou rekening by die SAID weerspieël, asook enige tekort wat betaling van belasting of terugbetaling in jou 2013-aanslag betref. Indien jy nie efiling gebruik om jou opgawe in te dien nie, is 27 September 2013 die laaste dag van indiening. Die indieningsdatum vir nie-voorlopige belastingbetalers wat efiling gebruik, is 22 November Voorlopige belastingbetalers wat hul opgawes via efiling indien, het tot 31 Januarie 2014 om dit te doen. Let asseblief daarop dat die SAID n boete vir laat indiening sal hef indien jou opgawe ná die bogenoemde datums ingedien word. Onthou... Ø om alle gedeeltes van die opgawe volledig in te vul aangesien n onvolledige opgawe aan jou teruggestuur sal word en tot die heffing van n boete vir laat of nie-indiening van n opgawe kan lei; Ø om jou opgawe te onderteken voordat jy dit aan die SAID pos, of by die SAID aflewer indien jy die opgawe per hand indien; Ø om alle belastingsertifikate (beide IRP5 en IT3(a), (b) en (c)) wat vir die 2013-jaar van aanslag aan jou uitgereik is, vir n tydperk van vyf jaar te liasseer ná die datum van indiening van jou opgawe, vir moontlike navrae deur die SAID; Ø om volledige afskrifte van jou opgawe voor indiening te maak indien jy dit per hand indien, ingeval jou opgawe dalk verlore raak; en Ø om jou belastingaanslag met jou opgawe te vergelyk wanneer jy dit ontvang.