SUID-AFRIKAANSE WYNOESVERSLAG 2003

Transcriptie

1 SUID-AFRIKAANSE WYNOESVERSLAG 2003 Inligting verskaf deur VinPro en SAWIS Saamgestel en geskryf deur Romi Boom I. ALGEMENE OORSIG Die 2003-wynoes word oor die algemeen as een van die beste oesjare die afgelope tyd beskou en weersomstandighede was vanaf plant- tot oestyd gunstig. Die druiwe kon stadig aan die stokke ryp word en optimale fisiologiese rypheid bereik, met ideale suikervlakke, goeie sure en prominente kultivargeure. Relatief min insette was nodig van die produsente en volgens sommige was die jaar so te sê " organies". Na raming sal daar n toename van 12.2% wees in die totale opbrengs, wat altesaam ongeveer ton beloop. Daar was toenames in al die vernaamste wynboustreke. Een van die redes vir die groter opbrengs is die jong aanplantings wat in volle drag gekom het (veral Shiraz, Cabernet Sauvignon, Cabernet Franc en Pinotage). Stellenbosch: Die oes is byna 46% groter as in Die koel groeiseisoen het wyne van hoogstaande gehalte met goeie geure opgelewer. Rooiwyne het lieflike kleur. Paarl: Produksie het met meer as 45% toegeneem in een van die gesondste wyndruifseisoene in jare. Druiwe het optimale rypheid teen laer suikervlakke bereik, wat beteken dat die alkoholvlakke laer behoort te wees. Volronde wyne met baie vrug. Swartland: Die grootste wyndruifoes die afgelope 15 jaar. Koel weer, goeie botpersentasies en egalige groei het die groeiseisoen gekenmerk. Goeie wingerdboukundige praktyke, bv. gereelde monitering van trosgetalle en oesbeheer, het hoë gehalte wyne opgelewer. Robertson: Heelparty jong rooidruifwingerde het in volle drag gekom in een van die gesondste groeiseisoene ooit. Baie swaar reën met wydverspreide vloedskade het op 23 en 24 Maart voorgekom. Volronde en vrugtige wyne. Worcester: Die rooiwynoes was baie groter. Wingerde het gespesialiseerde aandag ontvang en druiwe was besonder gesond. Beleggings in keldertegnologie werp nou vrugte af. Geurige wyne. Klein-Karoo: Droogtetoestande het n kleiner oes opgelewer. Vloedskade aan laagliggende wingerde is deur die swaar reënval op 22 en 23 Maart veroorsaak. Die gehalte van die wyne lyk baie belowend. Rooiwyne in besonder toon intense kleur. Olifantsrivier: Die 2003-oesjaar was die grootste ooit. Die streek se potensiaal vir die verbouding van gehalte rooidruiwe is bevestig deurdat n aansienlike persentasie van die oes aan kelders in die Boland gelewer is. Oranjerivier: Die streek het so te sê geen siektes ondervind nie. Gesonde druiwe met goeie suikers is gelewer. Belowende Colombar en Chenin blanc. Beperkte hoeveelhede rooi druiwe is gelewer, maar die wyne behoort puik te wees.

2 2 II. VERNAAMSTE WYNSTREKE STELLENBOSCH Die oes word tans op sowat ton geskat, wat 45.72% groter as in 2002 is. Alle druifsoorte, Merlot, Pinotage en Chardonnay in besonder, het aansienlik groter opbrengste gelewer, buiten Sauvignon blanc en Cabernet Sauvignon. Laasgenoemde is in laat rypwordingsblokke deur vrot aangetas. Die tydperk na die 2002-oes is deur hoë temperature gekenmerk. Mei 2002 was besonder koud, met hoë reënval. Die lente van die 2002-groeiseisoen was koel met lae reënval en goeie bot het voorgekom. Die koue lente en koel grond het onegalige lootgroei veroorsaak, wat tot onegalige rypwording by sekere druifsoorte gelei het. Die temperature in November was ondergemiddeld, wat tot onegalige blom en set in laat rypwordingsoorte gelei het. Desember was besonder warm en sterk lootgroei het voorgekom. Die gemiddelde temperatuur vir die vier maande vanaf Desember tot Maart 2003 was 21,34 C, vergeleke met 27,67 C oor dieselfde tydperk verlede jaar. Bestraling tydens Oktober was laer as gewoonlik met heelwat meer bewolkte dae, wat, tesame met die koeler rypwordingseisoen en droër somer, kleiner korrels tot gevolg gehad het. In Januarie en Februarie was temperature koel, met bykans geen reënval nie, behalwe vir n kort hittegolf in Februarie. Teen die middel van Februarie was droogtesimptome reeds in sekere droëland wingerde teenwoordig. Droë toestande het vrot en donsskimmel beperk. Alhoewel temperature tydens die rypwordperiode en oestyd koel was, het bogemiddelde reënval teen die einde van Maart voorgekom. Die reën, tesame met dou snags, het Botritis en vrot in verskeie druifsoorte veroorsaak, veral in laat Cabernet Sauvignon. In die meeste gevalle het die reën in Maart egter die ekstra tyd verskaf wat die druiwe benodig het om ryp genoeg in die wingerde te word. Geure is goed en wat gehalte betref kan 2003 as n goeie jaar beskou word, behalwe vir die wisselvallige gehalte van laat rypwordende Cabernet Sauvignon en Shiraz. Kleiner korrels, met uitstekende dop tot sap verhoudings, het goeie kleur aan vanjaar se rooiwyne verleen. Die kleiner korrels het egter tot gevolg gehad dat die gemiddelde herwinning per ton van liter tot sowat liter gedaal het. Al die druifsoorte het stadig en egalig ryp geword as gevolg van die koeler rypwordingsklimaat. In die meeste gevalle het suiker die ideale vlakke bereik, met hoë sure en ph s, waarskynlik danksy die teenwoordigheid van appelsuur. PAARL Produksie in die Paarl het ongeveer ton, oftewel 45,30% meer as die vorige jaar, beloop. Dit was die gebied se grootste wyndruifoes sedert Bykans alle druifsoorte het n groter oes as in 2002 opgelewer. Die 2002/2003-seisoen was een van die gesondste wyndruifseisoene in jare en normale spuitprogramme het baie goeie beskerming verleen.

3 3 Die seisoen het skitterend afgeskop, ná n winter wat gunstig met die langtermyn syfers vir reënval en koue temperature vergelyk het. Wingerde het later, maar egalig, begin bot, en die botpersentasies in alle druifsoorte was beter as in Dit het ook egalige groei vroeg in die seisoen bewerkstellig. Temperature in Oktober en November was onder die langtermyn gemiddeldes, gevolglik was lootgroei stadiger as gewoonlik. Baie lote was korter as 60 cm in die blomperiode. Gevolglik kon tip en top, waar nodig, nie op die gewone tye uitgevoer word nie. In sekere Chardonnay-wingerde, asook ander geïsoleerde gevalle, was daar tekens van swak korrelset met klein, harde, groen bessies in die trosse. As gevolg van die koue weer het die blomperiode langer as gewoonlik geduur en redelik onegalig plaasgevind. Vanaf Desember tot die einde van die oes was temperature in die Paarl normaal en wingerde het geil gegroei. In Januarie en Februarie het aansienlik minder reën as in die ooreenstemmende maande in 2002 geval. Danksy droë toestande was vrot en donsskimmel onder beheer. Vanaf deurslaan tot die oes was daar geen betekenisvolle somerreën nie, wat stremming op droëlandwingerde in besonder geplaas het. Water was baie beperk en skedulering moes aangepas word om met die beperkte besproeiingswater uit te kom. Reën teen die einde van Maart het verligting gebring. Die wyngehalte lyk goed, veral van druiwe wat in die eerste helfte van die seisoen gepars is. Oor die algemeen was die gehalte van wit druiwe beter as in Chenin blanc wyne is volrond. Druiwe was beslis gesonder as in 2002, met beter geure. Die beste Chardonnay druiwe is tussen 24 en 26 B geoes. Druiwe was volryp, met groot trosse wat n baie groter oes gelewer het. Die sap het meer tanniene bevat en die wyne behoort volrond te wees met hope vrug. Danksy korrekte loofbestuur was Sauvignon blanc druiwe beter as die voorafgaande 5 6 jaar. Die meeste druiwe is voor die hittegolf in Februarie geoes, met goeie ontledings. Die verswelgende hitte op 10 Februarie (temperature bo 43 C) het sure drasties laat daal en ph s laat styg. Geparste druiwe het gevolglik suuraanpassings benodig. Tanniene in die korrels was sagter, moontlik weens die hitte in Februarie, en die meeste van vanjaar se druiwe het optimale rypheid teen laer suikervlakke bereik, wat laer alkoholvlakke in die wyne tot gevolg behoort te hê. Wingerdmanipulasies het vol, kompakte Pinotage trosse teweeg gebring, wat egter te swaar gedra het. Merlot het lieflike geure ontwikkel. Shiraz het baie vroeg ryp geword en toon bogemiddelde kleur. Cabernet Sauvignon het klein korrels met goeie kleur gelewer. Waterberry het in ryp trosse voorgekom. SWARTLAND Die 2003-seisoen het die grootste wyndruifoes die afgelope 15 jaar gelewer. Die oes sal na raming ongeveer ton beloop, wat 31.8% meer as die vorige seisoen is. Bykans alle druifsoorte het groter opbrengste as in 2002 gelewer en in uitsonderlike gevalle het enkele blokke dubbel die 2002-oes gelewer. Die 2002/2003-seisoen was een van die gesondste in baie jare. Normale spuitprogramme het baie goeie beheer verskaf.

4 4 Die reënvalsyfers en koue temperature van die 2002-winter was in lyn met langtermyn gemiddeldes. Die seisoen het dus uitstekend begin. Goeie botpersentasies in alle druifsoorte het tot egalige groei gelei. Temperature in Oktober en November was ondergemiddeld. Lootgroei was stadiger as gewoonlik en baie lote was korter as 60 cm in die blomperiode. Tip- en topaksies, waar van toepassing (veral bosstokke), kon nie op die gewone tye onderneem word nie. In sommige Chardonnay-wingerde, asook ander geïsoleerde gevalle, was korrelset swak met klein, harde, groen korrels in die trosse. As gevolg van die koue weer het die blomperiode langer as gewoonlik geduur. Vanaf Desember tot die einde van die oes was temperature in die Swartland normaal. Geen beduidende somerreën het voorgekom nie en besproeiing moes versigtig geskeduleer word om met die beskikbare water uit te kom. Wyngehalte lyk goed, veral van druiwe wat tydens die eerste helfte van die oes gepars is. Laat druifsoorte het onder die droogtetoestande gely. Goeie wingerdboukundige praktyk het regdeur die gebied voorgekom. Gereelde trostellings en oesbeheer het hoë gehalte wyne opgelewer. Die bogemiddelde warm/droë rypwordperiode het suuraanpassings by wit en rooi wyne voor gisting genoodsaak. Die eerste oeste van nuwe druifsoorte in die Swartland (bv. Petit Verdot, Malbec, Viognier) is hierdie seisoen gelewer en daar word met groot entoesiasme na die wyne uitgesien. ROBERTSON Tydens die 2003-oes is ton druiwe in die Robertson-wynvallei gepars (4.3 % meer as in 2002). Produksie van die vroeë druifsoorte was kleiner, met Chardonnay en in n mindere mate vroeë Chenin blanc en Sauvignon blanc wat daardeur geraak is. Rooi druiwe het n redelik gemiddelde opbrengs gelewer, maar weens die groot aantal jong wingerde wat in volle drag gekom het, was daar n toename in die totale produksie van rooi wyndruiwe. Die 2003-oes is deur n koue winter met gereelde, maar ligte reënbuie, voorafgegaan. Bot van die vroeë kultivars het effens later as normaal voorgekom. Gereelde sterk noordwestewinde vanaf die einde van September tot November het lootgroei belemmer. Blomtyd het effens vroeër begin, met korter lootlengtes, en oor n lang tydperk gestrek. Weersomstandighede tydens blom was oor die algemeen ongunstig. Onegalige bot het die verwydering van groen trosse genoodsaak. Die 2002/2003-seisoen sal waarskynlik as een van die gesondste ooit onthou word. Sommige wingerde is laat in die seisoen deur witroes geaffekteer, asook donsskimmel na die reën in Maart, wat vroeë blaarverlies veroorsaak het. Die klein wit slakkie was baie aktief vroeg in die seisoen, terwyl witluis later in die seisoen lastig was. Die 2003-rypwordperiode is deur baie warm toestande gekenmerk, wat deur hittegolwe vroeg in Desember en die eerste week in Februarie vererger is. Verskillende druifsoorte het gelyktydig ryp geword. In sommige gevalle is Cabernet Sauvignon en Shiraz voor Chardonnay en Pinotage wingerde gepars. Suikerontwikkeling was goed. Na die hittegolf aan die begin van Februarie was die sure deurgaans laag en aanpassings moes gemaak word.

5 5 Baie swaar reën op 23 en 24 Maart het wydverspreide vloedskade, veral in die omgewing van Ashton, Goudmyn en McGregor veroorsaak. Gelukkig was die meeste blokke toe alreeds gepars. n Paar wingerde is verwoes, maar die meeste het in werklikheid net n deeglike besproeiing geniet voordat hulle die volgende seisoen binnegaan. Van Loveren se kelder het die meeste skade gely, terwyl een of twee blokke by Zandvliet asook wingerde van twee koöperatiewe produsente in Montagu deur die vloed meegesleur is. By Barrydale Wynkelder, waar die oes vroeër as elders begin en eindig, is die uitwerking van die reën later eers gevoel toe sommige wingerde versuip het. Die wyne lyk baie belowend, veral Chardonnay asook Sauvignon blanc wat voor die hittegolf gepars is. Chenin blanc en Colombar is volrond en vrugtig. Die algehele gehalte van die rooiwyne is goed, veral Pinotage en Shiraz. WORCESTER Die 2003-oes is ongeveer 6.2% groter as dié van Die groter oes word hoofsaaklik aan nuwe aanplantings en gunstige weerstoestande, veral tydens die parsseisoen, toegeskryf. Die premium witwyn druifsoorte het met ongeveer 3% afgeneem en die grootste afname was by Chardonnay. Sauvignon blanc was op met 6%, hoofsaaklik as gevolg van n toename in aanplantings. Standaard witwyn druifsoorte (Chenin blanc; Colombar; ens.) is met ongeveer 2% op. Die Hanepoot- en Muskadeloes was meer as 20% groter. Premium en standaard rooiwyn druifsoorte het n toename van ongeveer 34% en 16% onderskeidelik getoon. Kelders was onder baie druk wat kapasiteit betref en party het eers teen middel April klaar gepars. Die voorafgaande winter was koud, met gereelde sneeuval. Bot was oor die algemeen goed. Reënval in die herfs was hoër in die tradisioneel droër Worcester-Oos areas en laer in gebiede met hoër reënval soos Slanghoek (Worcester-Noord). Winterreënval was aansienlik laer (-30%) in Worcester-Oos. Lente- en somerreënval was laer, maar buie net voor Kersfees het effense verligting gebring. Daar was byna geen reën tydens die oes nie, maar die laat rooiwyn kultivars is ietwat geraak deur die reën wat einde Maart geval het. Daar was voldoende water vir besproeiing tydens die rypwordperiode. Temperature in die lente, veral in November, was aanvanklik laer, gevolg deur effens warmer weer in die somermaande. Besonder warm weer is tydens die eerste deel van Desember 2002 en Februarie 2003 ondervind, met maksimum temperature wat tussen 35 en 41 C gewissel het. Danksy die gesonde groeiseisoen was dit onnodig om baie te spuit en gesonde druiwe is aan die kelders gelewer. Na die reënval in Maart het witroes voorgekom. Die gehalte van die wyne behoort bogemiddeld te wees as gevolg van gespesialiseerde aandag aan wingerde (lower- en besproeiingsbestuur) en die wynbereidingsproses (koeler, reduktiewe tegnieke). Beleggings in keldertegnologie en verwerkingskapasiteit werp nou vrugte af. Oor die algemeen ontwikkel die wyne ietwat later, maar die balans tussen geur en struktuur is uitstekend.

6 6 Vroeë Sauvignon blanc en Chenin blanc toon goeie geurontwikkeling. Chardonnay produseer konsekwent bogemiddelde wyne in Worcester. KLEIN KAROO Die 2003-oes beloop ton, wat n 1.7% afname vergeleke met 2002 verteenwoordig. As gevolg van droogtetoestande het Colombar en Chenin blanc in besonder kleiner opbrengste gelewer. Rooiwyn produksie was oor die algemeen hoër as in 2002, as gevolg van aanplantings van jong rooiwyndruiwe wat in drag gekom het. Die 2003-seisoen is deur n baie koue winter voorafgegaan. Swaar sneeuval het gereeld regdeur die winter tot in September voorgekom. Sodoende kon voldoende reserwes opgebou word. Hoewel die winterreënval voldoende was, is die grondwater nie genoegsaam aangevul nie en is die groeiseisoen met relatief droë gronde binnegegaan. Die wingerde se aanvanklike groei was baie goed. Swaar en gereelde windtoestande het tydens die blomperiode voorgekom, wat onegaligheid, veral in die laat druifsoorte, veroorsaak het. Die Klein Karoo was oor die algemeen baie warm en droog en party dele, veral in die omgewing van Montagu, het onder die ergste droogtetoestande in jare gebuk gegaan. Ernstige hittegolwe sonder enige reën het in Februarie voorgekom. Goeie reën het op 22 en 23 Maart, teen die einde van die parsseisoen, oor die hele Klein Karoo uitgesak. In Montagu is vanaf 70 mm tot meer as 300 mm gemeet, wat vloedskade aan boorde en wingerde in die laagliggende dele langs die Kingnarivier veroorsaak het. In die res van die Klein Karoo het erosie en windskade voorgekom. Oor die algemeen was dit n baie gesonde seisoen wat deur die afwesigheid van siektetoestande gekenmerk is. Die gehalte van die wyn lyk baie belowend, met die rooiwyne in besonder wat baie goeie kleur vertoon. OLIFANTSRIVIER Die totale oes sal waarskynlik ton beloop die grootste ooit in die streek. Colombar, Chenin blanc en Hanepoot het uitstekende oeste gelewer, nuwe aanplantings het in drag gekom en optimale weerstoestande het regdeur die groeiseisoen voorgekom. Soos verlede jaar het Chardonnay uitstekend gevaar as gevolg van winterkoue op die regte tydstip. Produksie van rooiwyndruiwe het vanaf 14% in 2002 tot 17% in 2003 gestyg. Meer as ton is aan kelders in die Boland gelewer, waarvan ongeveer ton rooi druiwe was, wat weereens die streek se potensiaal om rooi druiwe van gehalte te verbou, bevestig het. Die koeler rypwordingsperiode het druifsoorte toegelaat om stadiger ryp te word, wat kelders in staat gestel het om die rekordoes te hanteer. Teen C was die gemiddelde temperature in Februarie byna 2 C laer as verlede jaar se gemiddelde van C. Op plekke is gemiddelde temperature van minder as 19 C aangeteken.

7 7 Trosmassas van rooi druiwe was aansienlik ligter as die langtermyn gemiddeldes, veral Shiraz asook sekere blokke Pinotage. Groot getalle klein, harde, groen bessies het veral in Pinotage en Shiraz voorgekom. Organiese produksie het aansienlik toegeneem en ongeveer ton meer as in 2002 is gelewer. n Groot persentasie van hierdie druiwe het na kelders in die Boland gegaan. Die gehalte van die rooi en vroeë wit druifsoorte in besonder sal na verwagting baie goed wees. Daar word uitgesien na wyne van bogemiddelde gehalte. ORANJERIVIER Die Benede Oranjerivier gebied het ongeveer ton gepars, oftewel 18.5% minder as die rekordoes van Die volume Sultanas wat gepars is, was aansienlik kleiner, as gevolg van n swak oes en die ideale droogklimaat. Die opbrengste van die wyndruifsoorte, veral Hanepoot, was ook heelwat kleiner. Laat donsskimmel en ryp vroeg in Mei het swak opbou van reserwes veroorsaak. Vertraagde bot en groeistilstand was algemeen. Tydens die blomperiode was toestande baie warm en winderig, wat swak set veroorsaak het. Temperature was hoog vanaf die einde van Desember tot Februarie, wat n negatiewe uitwerking op korrelontwikkeling tydens deurslaan gehad het. Trosse was ligter as wat hulle gelyk het. Sporadiese reënval het regdeur die gebied vanaf 11 tot 24 Februarie voorgekom en daar was nooit n tekort aan besproeiingswater nie. Die kelders te Hartswater, Landzicht en Douglas is deur rypskade in Oktober geraak, wat kleiner oeste veroorsaak het. Die gebied was so te sê sonder enige siektes, peste of plae. Druiwe was gesond met goeie suiker en gehalte. Colombar en Chenin blanc in besonder lyk baie belowend. Die rooi druifsoorte is beperk in volume, maar die gehalte behoort goed te wees. III. OESJAARGIDS Die aantal wynstreke, hul geografiese afstand en klimatologiese verskille maak dit onmoontlik om te veralgemeen, maar die oorkoepelende eienskappe van die vorige vyf oesjare kan soos volg opgesom word: 2002: Let op individuele kelders, eerder as algemene tendense. Donsskimmel het wydverspreide probleme veroorsaak. Goeie Sauvignon Blanc, Chardonnay, Shiraz, Merlot, Pinotage en nuwe kloon Cabernet Sauvignon wyne. 2001: Die somer was baie warm en droog met min siektes. Wyne was hoog in alkohol, met baie gekonsentreerde geure. 2000: Die oes was klein. n Aantal uitstekende rooiwyne wat goed sal verouder. Groot, alkoholiese witwyne. 1999: Groot oes, warm somer. Uitstekende rypwordingstoestande. Rooiwyne hoog in alkohol, sal mettertyd ontwikkel. Vrugtige witwyne. 1998: Klein oes. Die rypwordingseisoen, sowel as die oes, is deur warm weer gekenmerk. Robuuste rooiwyne met hope vrug en tanniene. Sal goed verouder. Witwyne minder aromaties.