SUID-AFRIKAANSE WYNOESVERSLAG 2002 Inligting verskaf deur VinPro en SAWIS, en saamgestel en geskryf deur Angela Lloyd

Transcriptie

1 SUID-AFRIKAANSE WYNOESVERSLAG 2002 Inligting verskaf deur VinPro en SAWIS, en saamgestel en geskryf deur Angela Lloyd OES 2002 OORSIG Die 2002 wynoes sal in die geskiedenisboeke opgeteken word as n oes wat talle uitdagings gebied het, maar net soveel geleenthede. n Baie verwarrende stel toestande kan moontlik duideliker gemaak word deur die positiewe kenmerke en die uitdagings afsonderlik te ondersoek. Die eerste van die natuurvoordele het aangekom met die welkome, dog laat, winterreëns die swaarste in 40 jaar- wat die leë damme en watertafels aangevul het na vier jaar van droogte. Die Kaap het ook n kouer dan normale winter beleef wat die wingerd in staat gestel het om in volle rus te gaan. Koeler temperature het gedurende die lente voortgeduur en, ongewoon, aangehou tot goed in middel-februarie, wat stadige rypwording en die opbou van gekonsentreerde geure in die druiwe aangemoedig het. Terwyl trosse dikwels n normale tot groot oes aandui, was trosgewigte uiteindelik ligter met klein korrels wat n groter gedeelte skil en pitte in verhouding tot sap gehad het. Dit het die voordele van stadige rypwording verder versterk. n Ander verskynsel van 2002 wat by baie mense byval sal vind, is die gereelde, maar nie universele, bereiking van volle fisiologiese rypheid teen suikervlakke wat laer is as die mees onlangse oeste; dus kan meer gematigde alkoholvlakke verwag word. Terwyl bogenoemde natuurgewende voordele reflekteer, sal dit verkeerd wees om die positiewe menslike invloed in n jaar waarin vasbeslotenheid, bewustheid, ondervinding en die finansiële, fisiese en sielkundige wil om sukses te behaal, uit te laat, wat net so n belangrike rol in die bepaling van die kwaliteit van elke produsent se oes gespeel het. Toestande het n heelwat groter oes belowe met die hoof wynstreke wat in die algemeen goeie en gelyke bod rapporteer het. Dit is beduidend dat orals, behalwe in Worcester en die Oranjerivier, die November 2001 oesskattings merkbaar gedaal het teenoor Maart 2002; die hoof wynstreke Stellenbosch, Paarl en Swartland het almal die kleinste oes in vyf jaar aangeteken. Siekte, ligte trosgewigte en, in sommige areas, uitsonderlike lae verhalings by ou wingerde is die hoofoorsake. Die feit dat die beraamde total oes van ton (808 miljoen bruto liter, gebaseer op n verhaling van 761 liter/bruto ton) 2001 se uitsonderlike klein oes oortref, is omtrent uitsluitlik as gevolg van n 107% stying in Oranjerivier se oes.

2 2 Ongetwyfeld was die mees veeleisende uitdagings waarvoor wynprodusente en wynmakers 2002 sal onthou, donsige skimmel, botritis en die buitengewone lang hittegolf. Die reën wat tot in die lente voortgeduur het, vergesel van relatiewe hoë humiditeit, het gelei tot ideale toestande vir donsige skimmel. Verskeie faktore het bepaal hoe suksesvol n wynprodusent was om die probleem baas te raak; verwarrend is selfs aangrensende blokke van dieselfde variëteit geaffekteer of nie, afhangende van blomdatums. In die algemeen, egter, is Merlot en Cabernet Sauvignon die ergste geaffekteer. Toestande het ook kragtige, welige wingerdgroei aangemoedig wat hoë arbeidsinsettte genoodsaak het om dit onder beheer te hou. Januarie, tradisioneel warm en droog, het koel gebly met meer reën in sommige plekke ver bo die gemiddeld. Afgesien van verdere uitbrake van donsige skimmel wat die blare affekteer het, het ernstige vlakke van botritis of suurvrot in die rypwordende druiwe ontwikkel, veral by Sauvignon Blanc, Chenin Blanc en Chardonnay. Vooroes uitskakeling van besmette trosse, handoes en sorteringstafels het die gonsterme geword vir die wat kon en wou. Nietemin was verskeie wynmakers steeds van mening dat 2002 op n uitstaande jaar sou uitloop. Die aankoms van die onvermydelike hittegolf in die tweede gedeelte van Februarie het egter optimisme laat vervaag, indien nie heeltemal laat verdwyn nie. Wit variëteite het voller geraak, verskeie rooi variëteite het tegelyk ryp geword (die oesmasjien was nou n redder vir gesonde druiwe), terwyl die hittegolf se onbehoorlike duurte sonbrandskade veroorsaak het en, ondanks voldoende grondvog, het wingerde totaal tot stilstand gekom. Soos die hittegolf wegbeweeg het, het heelwat koeler herfserige weer ingetree, wat druk op laat variëteite geplaas het om ten volle ryp te word. Virusbesmette Cabernet het veral gesukkel met swak kleur en lae potensiële alkohol. Asof dit alles nie genoeg was nie, was die oesperiode een van die langstes! Die pogings van die beste produsente sal vergoed word, alhoewel gehalte ten koste van hoeveelheid sal geskied. Daar is die belofte van sommige uitnemende Sauvignon Blancs; Chardonnay, vanaf hoër opbrengste dan die afgelope paar jaar, vertoon ook goed. Shiraz wat klaarblyklik elke aanslag teengestaan het, voor-hittegolf geoeste Merlot en sommige Pinotage word genoem as die beste rooies, alhoewel dit blyk dat virusvrye Cabernet op goeie liggings ook goed gedoen het. Cap Classique en Port het sterk ondersteuning en, waar voldoende hoë suikers behaal is, is sommige skitterende botritis dessertwyne. Daar is natuurlik diegene wat meer gemengde resultate sal ervaar. In so n wisselende jaar is die beste advies vir verbruikers dalk om na individuele produsente te kyk, eerder dan na variëteit of area. STREEKS- EN PRODUSENTVERSLAE NB Ten einde herhaling te voorkom, moet dit as gelees beskou word dat die toestande n spieëlbeeld is van die in die Oorsig hierbo beskryf, behalwe waar anders beskryf.

3 3 STELLENBOSCH Waarskynlik die mees geredelike herkenbare naam van alle Suid-Afrikaanse wynstreke, het Stellenbosch ook die grootste getal kelders. In terme van wingerdpopulasie beklee dit die derde plek naas Paarl en Worcester, alhoewel die verhouding van wingerdoppervlak tot sy grootte net meer as ha uit ha groter is as enige van dié twee streke. Afgesien van toestande wat algemeen voorgekom het, merk VinPro konsultant, Johan Pienaar, op dat droë toestande na die 2001 oes n invloed gehad het op die ongelyke groei rypwordingspatrone dié seisoen. Donsige skimmel het veral Pinotage trosse sowel as Merlot en Cabernet Sauvignon getref. Die oesskatting van ton is 18% minder dan in 2001 en een van die kleinste op rekord. In sommige gevalle het Chenin Blanc, Chardonnay en Sauvignon Blanc n 50% daling in produksie aangeteken. `Ten spyte van n chaotiese en onvoorspelbare jaar, het druiwekwaliteit gevarieer van baie goed tot uitstekend in sommige Chardonnay, Sauvignon Blanc, Merlot en Shiraz, maar laatrypwordende Cabernet Sauvignon, veral virusbesmette wingerde, was meer wisselvallig, sluit Pienaar af. `Die 2002 oes was alles oor uiterste weerstoestande, reflekteer Gary en Kathy Jordan van Jordan Vineyards aan die bopunt van Stellenboschkloof. n Oktober haelstorm het nuut opgeleide wingerde beskadig, maar uitsonderlike groeitoestande het lote aan die draad gou herstel. Botritis geaffekteerde Chardonnay en Chenin Blanc het handpluk vereis, alhoewel die oesmasjien tot sy eie reg gekom het toe die hittegolf gedreig het om suikervlakke die hoogtes in te laat skiet by rooidruiwe. Nietemin, fenoliese rypheid is bereik teen effense laer suikervlakke met goeie suur- en ph-vlakke. Die Jordans sonder Sauvignon Blanc uit as, `Ons beste ooit, Merlot, hul eerste Shiraz en Cabernet Sauvignon as die beste presteerders; Cabernet was ook die hoofslagoffer van 16% laer oes as in Helderberg Draende wingerd aan die oostekant van die Helderberg groei tans op en om n rif wat aan die volle krag van die suidooster blootgestel is. Vergelegen, met van die mees kwetsbare wingerde, `het die donsskimmel vrygespring, maar nie die wind nie, sug wynmaker, André van Rensburg. Dit, plus swak blomtoestande en vrot het Sauvignon Blanc met 85% verwoes, Semillon met 25%, terwyl die totale oes na selektiewe oes en sortering op die afvoerder vanaf ton in 2001 na 796 ton dié jaar gedaal het. Kwaliteitsgewys, beskryf van Rensburg Sauvignon Blanc, Semillon en Merlot wat voor die hittegolf geoes is, as bevattende `puik kompleksiteit en struktuur; Shiraz en Cabernet Franc is `verstommende wyne met ongelooflike tanniene en geure maar hou vol dat, `slegs die beste liggings baie goeie Cabernets geproduseer het. In opsomming, glo van Rensburg dat `2002 getoon het dat koel klimate nie sonder uitsondering lei to beter wyne nie, daar is eenvoudig net te veel faktore. Stellenbosch Vineyards verkry vrugte van hektaar wingerd wat strek van die Helderberg se westelike hange regoor die suidelike gedeelte van die Stellenbosch distrik.

4 4 Wingerdboukundige, Johan Hewett en hoofkeldermeester, Chris Kelly, merk op van die uitsonderlike klein, intens gegeurde korrels met baie goeie ontledings en suikervlakke laer dan gewoonlik. n 30% daling in gemiddelde opbrengste het uitstekende gehalte teengewerk. Hewett merk op,`sommige produsente is gevang deur die fel siektedruk gedurende die blomperiode, maar diegene wat voorkomende eerder dan genesende aksie geneem het, het min verlies ervaar. Stellenbosch Vineyards se span voorspel dat 2002 n baie goeie Sauvignon Blanc jaar gaan wees. Simonsberg Die hoër, meer blootgestelde hange van Simonsberg, wat Stellenbosch se mees noordelike grens uitmaak, produseer aansienlike witwyne, terwyl die laer, meer beskutte grond aan rooi voorkeur verleen. Slegs wit variëteite groei in Delheim se Simonsberg wingerde; verliese as gevolg van die lente se suidoostelike stormwinde is n algemene verskynsel. `Hierdie jaar is die oes met die helfte verminder, bevestig wingerdboukundige, Victor Sperling. Sorgvuldige tydsberekende plukkery voor en na die hittegolf van, veral Sauvignon Blanc, `het lieflike vrugte vasgevang, reken wynmaker, Conrad Vlok. Botritis dessertwyne, n gereelde in die reeks, sal nie in 2002 verskyn nie: `Suurvrot het ingetree voor botritis teen hoog genoeg suikervlakke kon ontwikkel, sê Sperling. `2002 sal n fantastiese jaar wees vir al ons premium variëteite, voorspel Adi Badenhorst by die naburige Rustenberg, en sonder Sauvignon Blanc, Chardonnay, Cabernet Franc en sy eerste Syrah uit. Die koel toestande het veroorsaak dat suiker en fisiologiese rypheid tegelykertyd plaasgevind het, alhoewel Cabernet Sauvignon oordeelkundige besproeiing vereis het en vol rypheid bereik het teen die laatste datums op rekord. Selektiewe oes is gerugsteun deur verdere sortering op n vibrerende afvoerder ten einde kleiner, onryp korrels te verwyder, en deur 14 paar hande. `Die agt ton druiwe wat elke uur deur konvensionele metodes verwerk word, daal na 1.2 ton met dié arbeidsintensiewe manier, erken Badenhorst. Bottelary Bottelary se hange wat algemeen wes front, word geken aan hul rojale rooiwyne. Hartenberg se Carl Schultz beoordeel Shiraz en tweede-oes Pinotage as baie goed tot uitstekend op gelyke voet met 2001 en Rypheid het gevarieer van hoë suikervlakke in vroeë variëteite tot 2-3 grade Balling laer later, maar virusbesmette Cabernet het gesukkel om 12% potensiële alkohol te bereik. Schultz is besorgd dat, na-appelmelksuur, sommige rooidruiwe beide hoë totale suuren ph-vlakke toon. Siektes het n natuurlike kleiner oes met 10-15% verlaag. Devon Vallei Dié dig beplante, betreklik beskutte vallei, is die bekendste vir rooiwyne, alhoewel Chardonnay ook goed doen. Lorna Roos, konsulterende wingerdboukundige by Sylvanvale, verklaar `2002 die mees stresvolle sedert 1996/1997. Intense selektiewe handoes het n klein, maar bevredigende resultaat opgelewer; jong Cabernet Sauvignon, met sy oper lower, het uitstekende druiwe geproduseer.

5 5 Alhoewel die finale oordeel nog gefel moet word by Clos Malverne, is wynmaker, Ippie Smit van mening dat 2002 geen sterre gaan oplewer nie. Sauvignon Blanc is bo gemiddeld; was dit nie vir die hittegolf, sou dit uitstaande gewees het. Pinotage het goeie kleur, maar later in die seisoen was kleure problematies. Pinotage, Merlot en Shiraz het almal groenoes vereis as gevolg van ongelyke rypwording. Die oes was 15% kleiner in totaal met opbrengste wat gevarieer het tussen 7 en 2.5 ton/ha. `Ek het nog nooit geglo dat laer opbrengste beter gehalte oplewer nie en dit is bevestig, sê Smit. `Balans tussen groei en opbrengs is meer belangrik. Jonkershoek Vallei Wingerde is beperk tot die suidfront hange aan die mond van dié vallei wat deur hoë berge oorheers word. Lanzerac se wynmaker, Wynand Hamman glo, `Die somerreën het meer goed dan sleg gedoen en koeler weer gebring; klein, hoogs gekonsentreerde korrels het vir laer opbrengste vergoed. Hamman het uitstekende ontledings aangeteken en het hoë verwagtinge vir Sauvignon Blanc, Pinotage en Merlot. CONSTANTIA Ononderbroke blootstelling aan aanlandige briese van Valsbaai en Constantia se isolasie van ander wynstreke het donsskimmelinfeksies tot die minimum beperk. Die vroeë, koel toestande het nog n goeie oes van die vallei se kentekenende variëteit, Sauvignon Blanc, belowe; vrot en die hittegolf het egter die vooruitsigte verflou, alhoewel miskien meer in terme van hoeveelheid dan gehalte. Klein Constantia se Ross Gower ego die kommer van baie Kaapse produsente wat n tekort aan kwaliteit Sauvignon Blanc na die einde van 2002 voorspel. Sy Sauvignon oes is 40% kleiner, alhoewel sommige Chardonnay met tot 50% gedaal het. Verder af in die vallei, was Steenberg se Sauvignon met tussen 10-15% kleiner as gevolg van minder botritis. Gower beskryf Sauvignon se kwaliteit as `goed, te danke aan selektiewe handoes, die oesmasjien is kwalik gebruik; nuwe wynmaker, John Loubser, bestempel Steenberg se Sauvignon as `vol, ryk en ryp nie so goed soos 2001 nie, maar beter as Loubser is ook tevrede met Semillon en Chardonnay, terwyl Gower se Riesling sy gewone karaktervolle sweem van botritis het. Laat rypwordende Cabernets Sauvignon en Franc het gesukkel met die vroeë aankoms van herfsagtige weer, alhoewel Loubser se Merlot `goeie vrug, volheid en struktuur toon. DURBANVILLE Aan weerskante van Kaapstad se mees noordelike voorstede, trek dié heuwelwingerde voordeel uit die briese wat vanaf beide die Atlantiese Oseaan en Valsbaai waai. Sauvignon Blanc vertoon goed hier en 2002 se verlengde koel toestande het dit uitmuntend gepas, alhoewel meer dan normale aandag in die wingerd geverg is. Martin Moore, wynmaker by Durbanville Hills, rapporteer bly,`alhoewel die oes 15% kleiner is, is alles goed genoeg om die variëteitsetiket te dra, niks word verlaag na `droë wit nie. Hy identifiseer ook Chardonnay as ` n ster met n effense groter oes.

6 6 Nitida se Bernhard Veller beaam Moore se Sauvignon opmerkings, en is tevrede met sy Semillon. Shiraz, met koel klimaat peper en speserye, Pinotage en geselekteerde blokke Merlot het almal goeie kleure en geure opgelewer. Veller som 2002 op as, n baie frustrerende en ingewikkelde oes, ook baie lank. Moore sê sukses is, `geduldig, maar wawyd wakker wees. Dit was definitief nie n jaar vir `indien jy twyfel, pluk, nie. PAARL Paarl, met die grootste oppervlak onder wingerd as enige ander streek, strek oor n menigte van meso-klimate, gronde, hoogtes en aspekte. Terugvoer van VinPro konsultant, Dricus van der Westhuizen, lig die herstelde watertafels in die baie droëlandwingerde en die minimum besproeiing andersins benodig, uit. Sommige plase was onaangeraak deur donsskimmel, ander veral kleiner produsente, baiekeer onder finansiële druk het tot 95% oesskade gelei. In die geheel het selektiewe oes voor die hittegolf uitstekende gehalte druiwe met goeie ontledings opgelewer. Paarl se beraamde 2002 oes is ton vergeleke met ton in 2001, die grootste afname van enige streek. Dit is ook n groot afname vanaf die November 2001 skatting van ton, toe te skryf aan siektes, maar spesifiek aan beduidende dalings by ouer Chenin Blanc, die variëteit verteenwoordig n kwart van Paarl se wingerde. Rooi druiwe, uitgesonder Cabernet Sauvignon en Cinsaut, toon stygings vergeleke met Villiera se Jeff Grier, wat n wye verskeidenheid variëteite op die Stellenbosch grens produseer (NB sedert dié verslag het Villiera n deel van Stellenbosch geword) is van mening dat 2002 op gelyke voet is met 2001 ten opsigte van wit variëteite, met slegs Chenin wat gemiddeld is, maar minder goed vir rooi, met Shiraz en Pinotage die uitsonderings. `Chardonnay en Pinot Noir vir vonkel en stilwyne was analities perfek, sê Grier, n groot vonkelwynprodusent. Villiera se totale oes was 15% kleiner, met sommige ou bosstokke 30% minder. Vir organiese produsente het die seisoen bykomende druk gebring. African Terroir se wingerdboukundige, Thys Greef rapporteer egter, `Ons spuitprogram en loofbestuur het verseker dat nog ons konvensionele nog ons organiese wingerde so erg geaffekteer is as wat n mens sou verwag. Tradisionele koperspuite het plek gemaak vir ander organiese produkte sedert die opbou van koper n gevaar geword het, botritis is beveg deur n biologiese swamdoder. Die organiese Paardeberg wingerde het gemiddeld n ton per hektaar minder opgelewer. `Die witwyne vertoon beter as wat die druiwe te kenne gegee het, sê Greef; `vroeë rypwordende rooidruiwe vertoon ook belowend, maar later variëteite het hoë alkohol sonder fisiologiese rypheid. Simonsberg-Paarl Op die noordfronthange van Simonsberg, was Glen Carlou se wynmaker, David Finlayson, se grootste probleem botritis in Chardonnay net voor oes. Die oopmaak van die lower aan die oggendsonkant, selektiewe en herhaalde pluk en n finale sortering by die kelder het sy teenwoordigheid in die wyn beperk tot 2-3%, ten koste van hoeveelheid. Nuut-draende wingerde het vir n groter oes dan in 2001 gesorg. Finlayson is tevrede met Pinot Noir, Merlot

7 7 en n `ontsagwekkende Shiraz; Cabernet Sauvignon is moeiliker. Verdelho is vir die eerste keer gepars. Franschhoek Alhoewel dié vallei besonders warm in die somer word, ontvang dit ook die voordeel van die suidoostelike wind, veral teen die hange van die hoë berge wat dit omsluit. Nuwe aanplantings vind hier plaas, eerder as op die vrugbare, warm valleivloer. La Motte se Jacques Borman, n vroeë vertolker van Franschhoek se rooidruiwe, veral Shiraz, merk op, `2002 het baie vrugte, konsentrasie en buitegewone hoë ekstrakte, tot 40 gram/liter geproduseer. Goeie balans in Merlot kompenseer vir opbrengste wat met 30-40% af is; Sauvignon Blanc het soortgelyke verliese gelei, maar Borman is entoesiasties oor sy `pragtige variëteitsgeur. Marc Kent van Boekenhoutskloof is van mening dat die Januarie reën die rooi variëteite in hul hoogliggende wingerde gehelp het om langer te hang, sonder enige nagevolge van die hitte. Cabernet is goed en hy is `in ekstase met sy eerste Syrah oes. Kent het heel moontlik die laaste druiwe van die 2002 oes gepluk: botritis Semillon op 15 Mei! Wellington Hierdie wyk, teenaan die warm hange van die Hawequas berge, is nog een wat ontluik as n produsent van rooiwyne van aansien. Linton Park se Hennie Huskisson se 2002 oes het opgelewer `Goeie kwaliteit Cabernet Sauvignon en uitsonderlike Shiraz. Alle variëteite het in volume toegeneem. SWARTLAND Hierdie weskus wyn- en koringstreek het min besproeide wingerde; die natste winter in 40 jaar het dus welkome verligting vir die diep, vogterughoudende grond gebring, maar betreurenswaardig, ook beduidende donsskimmel. VinPro se Johan Viljoen merk op dat dit gewissel het van negeerbaar min tot soveel as 90%, waar spuit onvoldoende was; het die volle omvang van die skade eers sigbaar geraak gedurende die oes. Tussen die rooidruiwe het Cabernet Sauvignon die meeste gely. Chenin Blanc, 33% van die area se oppervlakte, se oes was ook heelwat kleiner dan normaalweg, veral die ouer stokke. Die oes behoort ton te beloop vergeleke met November 2001 se skatting van ton; 2001 het ton geproduseer. Meer positief het Viljoen goeie ontledings en meer intense geure as in 2001, waargeneem. Tekorte tersyde, was Abe Beukes, keldermeester by Darling Cellars, tevrede met die baie stadige, gelyke rypwordingsperiode, met volle rypheid wat bereik is `sonder te hoë suikervlakke. Hy sluit af, `2002 belowe elegante, gebalanseerde wyne, en nomineer Shiraz as n variëteit wat uitstaan. In Groenekloof, Darling Hills area, beaam Lukas Wentzel van Groote Post Beukes se opmerkings, en beskryf sy wit as bevattend `diepte en konsentrasie. Die rooies was n groter uitdaging, en hoë reënval het groter korrels by Merlot teweeggebring.

8 8 ROBERTSON Tradisioneel is dié binnelandse streek se wingerde oorheers deur Chardonnay, vir tafelwyn, met Chenin Blanc en Colombard brandewynbedryfstaatmakers. Die tendens verskuif nou na rooi variëteite. Dus, jaarlikse fluktuasies word hoofsaaklik gedryf deur uitkappings en nuwe aanplantings. Volgens VinPro se Brian Stipp, sorg beide nuutdraende wingerde en beter opbrengste op gevestigde wit variëteite vir n beraamde 2002 oes van ton, n 14.5% styging vanaf Buiten die toestande wat elders aangeteken is, rapporteer Stipp geïsoleerde haelskade gedurende die vroeë groeiseisoen; dat Ruby Cabernet ook deur donsskimmel geaffekteer is, maar in die algemeen minder skade as in die kusstreke veroorsaak het. Chardonnay veral is uitstaande, Chenin Blanc en Colombard oor die algemeen bevredigend. Rooidruiwe het goeie kwaliteit met baie goeie kleur geproduseer. Graham Beck se Pieter Ferreira, n Cap Classique spesialis, merk op, `goeie suur en optimum alkoholvlakke in sy basiswyn. Vir Abrie Bruwer, het die oes met sy Februarie reën hom toegelaat om die tot nou toe unieke geleentheid te hê om beide Springfield Wild Yeast en Methode Ancienne Chardonnay te maak. Sauvignon Blanc, dikwels n kontroversiële presteerder in dié streek, het weer eens uitstekende resultate by Springfield opgelewer, alhoewel van die kleinste oes ooit. Ferreira vind sy styl te tropies. Die posisie is omgekeerd met rooi: Bruwer het gesukkel met sy Cabernet, maar Ferreira beoordeel Shiraz as die elite van 2002; ` Die gebruik van gekontroleerde tekort besproeiing het klein korrels met baie vrugtekonsentrasie geproduseer, sê hy. Die plaas se eerste Sangiovese is die jaar geoes. Beck se 38% oesstyging moet gesien word as n normale opbrengs. Springfield se oes is kleiner as in 2001, op sigself ongewoon klein. Bonnievale `Goeie algehele kleur, geur en kwaliteit van Cabernet Sauvignon, Merlot en Syrah is n resultaat van die vervolmaking van die bestuur van die watertekortstrategie, op sigself aangehelp deur die maklike bereiking van die verlangde lowers, merk Philip Jonker van Weltevrede op. Selektiewe oes volgens druiwegeurintensiteit het gelei tot ryk, gekonsentreerde Chardonnay, tropiese Sauvignon Blanc en Gewurztraminer met lieflike roosblaargeure. n 15% oesstyging is steeds effens onder die gemiddeld. WORCESTER Van n groot verskaffer aan plaaslike groothandelaars en van distilleerwyn, voed dié hoë opbrengs streek, met die tweede grootste oppervlakte onder wingerd, vandag n breër binnelandse mark sowel as internasionale klante. Hierdie faktore speel n rol in die dramatiese verandering na edelvariëteite, met omsigtige liggingseleksie en wingerdboukundige praktyke gerat vir gehalte. Hierdie verbeterings, soveel as klimaatstoestande, sal die sukses van n oes bepaal. Slegs een van twee streke wat n groter oes as in 2001 rapporteer, is die beraamde 2002 oes ton. VinPro konsultant, Schalk du Toit, skryf dit toe aan jong wingerde wat in drag kom, goeie bot, voldoende reënval en beperkte siekteskade. Hy vermeld n herfs wat droeër en effens

9 9 warmer was as die langtermyn gemiddelde; LTG reënval in die lente en somer het onderskeidelik met 40% en 200% gestyg, behalwe in die Slanghoek vallei. `Wingerdbou-veranderinge wat in 1999 n aanvang geneem het, het hierdie jaar positiewe resultate getoon, sê A B Krige, wynmaker by Overhex Wingerde, veral Chardonnay, Chenin Blanc, Merlot, en Ruby Cabernet het gebaat. Slanghoek Hierdie wyk, omring deur die naamgewende bergreeks, het n heelwat laer lente reënval ondervind dan die res van Worcester. Volgens wynmaker Kobus Rossouw, het dit n gesonde, dog 8% kleiner oes by Slanghoek Kelder tot gevolg gehad. Rossouw sonder Sauvignon Blanc, Chenin Blanc, Semillon en Cape Riesling uit as `vrugtige wyne met goeie suur- en ph balans. Cabernet Sauvignon is die beste rooi en die eerste Touriga Nacional het n goed gestruktureerde Port gemaak. Sommige wit, rooi en jerepigos sou in die algemeen voordeel getrek het uit meer hitte. TULBAGH Die warm, landomringde Tulbagh vallei is weer eens nog n area wat besig is om n beeld van slegs n witwynarea om te keer. Op die valleivloer rapporteer Rijk se Pierre Wahl min lentereën met minimale donsskimmel. Nader aan die berge het volop dou en die dan en wan reënbui sukses onderhewig gemaak aan `Intuisie en die vinger op die pols van die natuur hou, volgens Twee Jonge Gezellen se Nicky Krone. Die hittegolf en reën het hier teen die einde van Januarie gearriveer, wat gelei het tot botritis en alle variëteite wat tegelyk rypgeword het. Krone meld dat sy kentekenende Cap Classique basiswyne baie potensiaal toon met Sauvignon Blanc, Chenin Blanc en Chardonnay wat `finesse en geur het, terwyl Wahl Pinotage, Merlot, Cabernet Sauvignon maar veral Shiraz nomineer, as `uitsonderlik met goeie ekstrakte en sagte tanniene. Rijk se oes is sowat 20% kleiner. OVERBERG Walker Bay Die bedreiging van lentesiektes is geen vreemdeling vir hierdie suidelike kusstreek nie, waar die heersende suidoostelike winde gereeld reën bring. Produsente is dus voorbereid vir en kon selfs die pas afgelope seisoen se hoë siektedruk hanteer. Reën gedurende Januarie, sowat 300% bo die gemiddeld, het suurvrot en voëls aangemoedig. Gordon Johnson van Newton Johnson, rapporteer `die Hemel en Aarde Vallei het n oorlogsveld van haelgeweerskote geword soos wat produsente gepoog het om hulle af te skrik. Oeste het wyd gevarieer; n variëteit kan gemiddeld vir een produsent op wees, 50% af vir sy buurman.

10 10 Die vallei se kentekenende variëteit, Pinot Noir, het voordeel getrek uit n koel Januarie en vroeë Februarie. Hamilton Russell se Kevin Grant beskryf syne as bevattend `digte, gefokusde, helder bessievrugte met goeie natuurlike suurvlakke. Johnson s n lyk `soos n uitklopper met elegansie en krag! terwyl Peter Finlayson sê dat sy Bouchard Finlayson `goeie kleur het, maar is minder lywig. Die uitslag is bekend ten opsigte van Chardonnay, behalwe van die hoë Kaaimansgat wingerd naby Villiersdorp, waaroor Johnson in ekstase raak, `dit het n hoër opbrengs van die beste kwaliteit vrugte opgelewer.' Sauvignon Blanc, Pinotage en selfs Cabernet Sauvignon het ook etlike goeie wyne opgelewer. Die Beaumonts in die naburige Botrivier is baie tevrede dat hulle die beste van n koel oes regoor die variëteitspektrum vasgevang het. Elgin Paul Cluver Landgoed lei die veranderinge na wingerde in hierdie befaamde appelarea, sowat 240 meter bo seespieël. Wynmaker, Andries Burger, is van mening dat die koeler groeiseisoen die area se ware potensiaal na vore gebring het, en merk op, `Die gematigde warm dae en koeler nagte het kleurontwikkeling versterk, met uitstekende dop tot sap verhouding, voller geure. Burger is uitsonderlik entoesiasties oor Sauvignon Blanc, Cabernet Sauvignon en botritis Weisser Riesling met Chardonnay wat belowend is. Pinot Noir blyk moeiliker te wees as gevolg van onewe rypwording. Die oes is 10% meer dan in OLIFANTSRIVIER Vredendal Alhoewel dié noordelike wynstreek die tweede kleinste oppervlakte onder wingerd het, produseer Olifantsrivier tradisioneel een van die grootste oeste as gevolg van sy baie variëteite met hoë opbrengste. VinPro se Jeff Joubert hou vol dat 2002 se beraamde ton oes n aaneenlopende afwaartse neiging reflekteer, gedeeltelik toe te skryf aan die invoering van lae opbrengs, klassieke variëteite. Vredendal Kelder, nou geamalgameer met Spruitdrift, het n oes van ton ingeneem van hulle gekombineerde wingerde, wat strek van die koeler kus en warmer vallei tot binnelandse bergkant liggings. Rooi variëteite het gestyg van 7145 ton in 2001 to ton, met Shiraz, Merlot, Cabernet en Pinotage wingerde wat begin produseer. Wingerdboukundige, Pieter Koegelenberg, rapporteer, ` n perfekte rypwordingseisoen, een van die koelste in jare totdat die abnormale lang hittegolf veral Sauvignon Blanc en Merlot negatief geaffekteer het. Keldermeester, Pieter Verwey beskryf witdruiwe wat geoes is voor die hittegolf as, `Goed gebalanseer met goeie sure en baie vrugte. Rooidruiwe behoort goeie gehalte en kleur te lewer. Citrusdal In die suidelike gedeelte van die streek, rapporteer Goue Vallei Wyne se Johan Delport n goeie 2002, met `geen variëteite wat deur skimmel geaffekteer is nie en n groter oes dan in Tonnemaat van Shiraz en Merlot het verdubbel. Pinotage lyk belowend na die aftap van sap, maar Sauvignon Blanc gaan tans deur n moeilike periode.

11 11 KLEIN KAROO Hierdie semi-woestyn binnelandse area, bewysende dat die Kaap nie net een groot wingerd is nie, het n taamlike droë winter beleef met geen reën gedurende Januarie nie. VinPro konsultant, Willem Botha sê Calitzdorp het donsskimmel beleef, maar met beperkte negatiewe effekte. Witroesdruk was egter besonder hoog regdeur die seisoen. Nietemin, die beraamde ton oes reflekteer n 12.4% styging op n klein 2001 oes. Dit kan toegeskryf word aan nuutdraende wingerde van Colombard en rooi variëteite. Witdruiwe wat voor die hittegolf geoes is, vertoon goed na n stadige begin; rooidruiwe beskik oor goeie kleur en ontwikkel goed. Calitzdorp `Die vroegste oes in 15 jaar gekombineer met die koelste somer in vyf jaar het uitstekende gehalte druiwe geproduseer totdat die middel-februarie hittegolf die area getref het, merk Boets Nel van Die Krans op. Beide hy en sy neef, Carel Nel van Boplaas, sonder rooi variëteite uit wat goed gestruktureer is met goeie ekstrakte en vrugte. In dié area, bekend vir sy kwaliteit port, maak Touriga Nacional Boets Nel optimisties dat 2002 ` n reserwe jaar kan wees. ORANJERIVIER (NOORD-KAAP) Oranjerivier Wynkelders, n vyfkelder koöp gevoed deur wingerde langs die besproeide rivierbanke is die grootste produsent in dié streek. Die 2002 oes het n rekord oes van ton druiwe opgelewer, hoofsaaklik toe te skryf aan nuutdraende wingerde, maar ook aan gunstige weerstoestande. Die wynafdeling (tafel- en distilleerwyn) het ton ingeneem, die balans het na die sapafdeling gegaan. Nieteenstaande die rekordoes, rapporteer VinPro se Dirk Malan dat hael gedurende Oktober sowat 2000 ton druiwe vernietig het en reën gedurende die oesperiode het tot gevolg gehad dat n groter gedeelte sultanas gepars is. Produksiebestuurder, Matthee van Schalkwyk sê dat veral die witwyne, baie vrugtig en goed gebalanseerd is. Ander nuwe of klein kwaliteitsareas: Kaappunt: Kaappunt Wingerde se drie aparte blokke front na die Atlantiese Oseaan op die suidelike gedeelte van die skiereiland. Die vierde, 2002 oes beloop die helfte van die oorspronklike beraming. Sauvignon Blanc, alreeds hoog geag, begin stadig; Semillon lyk belowend, terwyl Merlot en Cabernet Sauvignon baie diepte ten opsigte van kleur en geur het. Cederberg: David Nieuwoudt se alleenstaande wingerde, 1100 meter op in die Cederberge, het uitsonderlike lae lentetemperature beleef, maar geen donsskimmel! Alhoewel die oes tussen 5-10% af is op 2001, met Sauvignon Blanc 40% af, sê Nieuwoudt dat die kwaliteit `uitstaande is. Chardonnay, Chenin Blanc, Merlot en Cabernet Sauvignon staan uit. Nieuwoudt meld dat die laaste Cabernet op 9 April geoes is, twee dae na die eerste winterryp! Elim (en omliggende areas): siektes en voëls het ook Afrika se mees suidelike wingerde, naby aan Kaap Agulhas, verniel. Sowat n kwart van Sauvignon Blanc het verlore gegaan; die res laat Flagstone se Bruce Jack steeds sê, `die konsentrasie en vruggewig maak dit die mees

12 12 opwindende wyn wat ek ooit gemaak het. Rooi, veral Shiraz met n koel klimaatkarakter, is baie belowend. Tradouw: Blootgestel aan die Indiese Oseaan se briese, is die Tradouw Vallei n koel voorpos in die warmer Karoo. Meyer Joubert, wynmaker by Joubert-Tradouw, glo dat nieteenstaande siektes en droogte, 2002 beter as 2001 sal wees. Droë, warm dae en koel nagte het uitstekende rooidruiwe met goeie kleur en ontledings geproduseer. Joubert beskryf Merlot as `absoluut heerlik. Die hitte het n voller, meer tropiese styl Sauvignon Blanc geproduseer.