Voor hulle lê Kanaän. Daar kan hul in huise woon, wingerde en lande bewerk. Voor hulle lê n toekoms waar hul hulself kan vestig.

Transcriptie

1 Teks: Josua 1:1-9 Fokus: Josua 1:9 Nuwe Jaarspreek 2013 Radio Rosestad Inleiding Geliefdes, begin van Wat hou hierdie jaar alles in? Dit is goed dat mens nie die toekoms kan weet nie, want, sou ons hoegenaamd nog wou lewe as ons kon weet wat alles vir ons voorlê! Verseker gaan groot dinge gebeur hierdie jaar gebeur! 2013 is weer n jaar van nuwe geleenthede, n jaar van nog blydskap en hartseer. n Jaar van lief en leed. n Jaar van veranderinge. Dalk n nuwe werk, nuwe skool, nuwe omgewing, nuwe besluite, nuwe uitdagings. n Jaar van interessante politieke en ekonomiese omstandighede. Wat gaan gebeur? Die tyd sal leer! Preek In die teksgedeelte wat ons gelees het, is die volk Israel op die vooraand van hul inname in die beloofde land. Dit wat God aan Abraham, Isak en Jakob belowe het, is besig om n werklikheid te word! As die Israeliete terugkyk, terugdink, sien hul baie dinge wat gebeur het. 40 jaar se rondreis in die woestyn. n Moeilike reis. Hulle het dikwels met God geworstel, wat ongelukkig met Moses elke dan en wan. Sedert hulle vertrek uit Egipte was daar nooit meer vastigheid nie. Hul leef as t ware uit hulle tasse uit, want telkens beveel God hul weer om op te slaan, en vêrder te trek. Voor hulle lê Kanaän. Daar kan hul in huise woon, wingerde en lande bewerk. Voor hulle lê n toekoms waar hul hulself kan vestig. 1

2 Te midde van hierdie toekoms, te midde van hierdie volk se gebeure staan Josua, die seun van Nun, die assistant van Moses. Josua was een van die twee verspieders wat positief wat oor die land, hy wou die land 40 jaar gelede al binneval. Josua is dus ook nie meer n jong man nie! Op hom val nou die verantwoordelikheid om die volk die beloofde land in te lei. Die Here gee sy opdrag eenvoudig en duidelik: "Maak jou gereed en trek oor die Jordaanrivier, jy en hierdie hele volk. Gaan na die land toe wat Ek aan julle, die Israeliete, gee." Alhoewel daar nie onsekerheid oor die opdrag kan wees nie, was dit n geweldige taak wat vir Josua voorgelê het. Hierdie opdrag is nie maklik nie. Moses is dood. Moses, die man van God wat die volk gelei het is nou nie meer daar nie. Moses en God wat met mekaar gepraat het, soos n man met sy vriend. Nou moet hy wat Josua is, Moses se skoene volstaan en die volk lei. Voor hom lê die taak om Kanaan te verower. En hy was self as verspieder in die land. Hy het self gesien dat die mense van die land sterk en die stede groot en vesterk is. Hy het die reuse, die kinders van Enak self gesien. Wie is hy, nietige mens om die opdrag van die Here uit te voer? Josua moes onseker en bang gevoel het, anders sou die Here nie so herhaaldelik vir hom gesê het om sterk en vasberade te wees nie. Josua weet nie wat lê vir hom voor nie. Uit die hoofstuk met sy vermaninge en vertroosting is dit duidelik dat die Here deeglik met die vrese van Josua rekening gehou het. Die Here weet en ken immers sy kinders. Hoe hulle telkens terugdeins voor die opdragte en die uitdagings wat voor hulle lê. En die onsekerheid en vrese is nie net by Josua nie. Ons as mens is maar altyd geneig om te wil terugdeins. Ons is dikwels soos elektrisiteit, ons wil die weg volg van die minste weerstand. Selfs Moses het hewig geprotesteer toe die Here Hom geroep het. Wie is ek...? Sê nou maar dit..? Sê nou maar dat...? Ag Here ek kan nie goed praat nie...? Die volk gaan nie na my luister nie! Farao gaan nie my luister nie! Asseblief tog Here, stuur liewer iemand anders? 2

3 Later lees ons van Samuel wat nadat die Here aan hom verskyn het as jong seun, die volgende oggend bang is om die boodskap oor te dra aan Eli. Ook Jeremia sou baie verskonings kon aanvoer om nie as profeet van die Here op te tree nie. Ek is dan nog so jonk? En so is dit ook met ons geliefdes. Die uitdagings wat die Here op ons lewenspad plaas is soms net te groot vir ons. Dalk voel ons eintlik glad nie lus vir 2013 nie, want daar is soveel dinge wat verkeerd kan gaan! Soveel dinge wat ons pad gaan kruis! Dalk is die dinge by die werk moeilik! Ek is nie eintlik lus vir nog n jaar by die skool nie. My man, my vrou maak my moeg, die huwelik sukkel, die finansies sukkel om elke maand deur getrek te word. My pensioen het al lankal die wedloop teen stygende lewensonkostes verloor! Ons kan so aangaan, geliefdes! Wees sterk en vasberade In Josua se onsekerheid en skrikkerigheid kom God na hom toe, en sê vir hom heeltyd: wees sterk, wees vasberade. God sê nie vir Josua dat alles seepglad gaan verloop nie! Hy sê nie vir Josua dat alles nou sommer in sy skoot sal val nie! Nee, hy vermaan en bemoedig vir Josua! Die Ou Vertaling sê: wees sterk, en vol moed! Dit is geskryf in die imperatiewe vorm, die bevels vorm. God sê nie saggies vir Josua, kom ons wees bietjie sterk en vasberade nie, ag toe man. Nee, God beveel hom, Josua, wees sterk, wees vasberade! Jy wat in 2013 hierdie Woord van die Here hoor, WEES STERK, WEES VASBERADE! JY IS NIE ALLEEN NIE! HOU OP OM OP JOUSELF TE VERTROU! HOU OP OM TE DINK JY IS OULIK GENOEG OM DIT TE KAN MAAK IN HIERDIE LEWE! Hoe nodig het ons nie die vermaning nie en hoe baie het ons land nie sterk en vasberade christenmense nodig nie? Mense wat sterk is - vas staan soos 'n rots. Met 'n greep op die lewe. En mense wat vasberade is - wat op hulle hoede is, soos 'n vesting, bewapen vir wat voorlê. Mense wat die teenoorgesteld is van mense wat skrik en bang is. Mense wat dus nie besig is om uitmekaar te val nie, wat nie bewend van skrik deur vrese gedryf word nie, wat nie gekraak is soos 'n land wat nie reën kry nie. 3

4 Waar kom sulke mense vandaan? God maak gewone mense so. Josua is al by 'n vorige geleentheid geroep, en terwyl die volk by was, is hy aangestel as Moses se opvolger. Tog herhaal die Here die opdrag en die beloftes weer aan hom. Want Hy weet Josua is 'n swak mens. Daarom versterk Hy sy dienskneg. Hy roep hom nie net nie. Hy omarm Hom en rus Hom ook toe om te doen wat hy moet. Kom ons kyk hoe doen God dit: Eerstens lê die Here klem daarop dat HY die land aan Israel sal gee. Josua is sy instrument waardeur Hy self die land gaan gee soos wat Hy belowe het. Josua hoef nie self die land te verower nie. Hy moet net die opdragte van die Here uitvoer. Hy moet net in afhanklikheid teenoor die Here lewe. Ons vergeet so maklik dat dit nie ons is wat die toekoms gaan verower nie. Ons vergeet dat die Here self in beheer is en dat Hy met alles 'n doel het. Ons sien nie kans vir die toekoms nie, omdat ons dit in eie krag wil aanpak en dink alles hang van onsself af. Ons sal moet leer om in afhanklikheid teenoor die Here te lewe. Om te vertrou dat Hy self ons pad sal lei, en dat die toekoms nie in ons hande is nie. So lank as wat ons op onsself staatmaak sal ons geen vastigheid kry nie. Tweedens kry Josua die versekering van die Here se nabyheid: "Ek die Here jou God, is by jou oral waar jy gaan" Solank jy lewe sal niemand bestand wees teen jou nie. Soos Ek by Moses was, so sal Ek ook by jou wees. Ek sal jou nie in die steek laat nie, jou nie verlaat nie." Hierin lê die diepste troos en bemoediging vir elke Christen mens. Ek die Here jou God, is by jou oral waar jy gaan." Wie in Jesus Christus glo kan hiervan seker wees. Hierdie troos en versekering geld nie vir hulle wat nie in 'n persoonlike verhouding met die Here leef nie. Die Here sal daar wees. Ons dink so maklik oor die toekoms sonder die Here. Hoe sal ek dit of dat kan doen? Hoe sal ek dit kan hanteer as dit met my gebeur? Hoe sal ek in 'n nuwe Suid-Afrika kan lewe, bestaan? Hoe sal EK...? 4

5 Nee - hoe sal ek, in teenwoordigheid van die Here kan. Hy is die groot plus faktor van die toekoms wat ons nie nou al kan bereken nie. Hy gaan by my wees. God sal self doen en Hy sal by jou wees. Daaraan moet ek vashou. Onthou net, dit neem nie weg dat Josua steeds sy verantwoordelikheid moes nakom nie. As instrumente van die Here moes hy daardie Jordaanrivier oorsteek. Hy moes verspieders stuur vir strategiese beplanning. Hy moes om die stad Jerigo gaan stap. Terugsit in selfbejammering en passief wag totdat die Here sy beloftes moes nakom sou nie werk nie. Dit is die Here ja, maar in die proses gebruik Hy ons as mense met ons verantwoordelikheid. Geliefdes, ons durf nie ons verantwoordelikheid in die tyd waarin ons leef probeer ontduik nie. Ons mag onsself nie bejammer en onttrek van die werklikhede van ons lewe nie. Ons mag nie maar in siekte of in werkloosheid berus en nie eers probeer om iets daaraan te doen nie. By die verantwoordelikheid voeg die Here, met besondere klem, dat Josua sy verantwoordelikheid volgens die wil van die Here moet uitvoer. Derdens sê die Here: "Wees VERAL sterk en vasberade in die uitvoering van die wet wat my dienaar Moses jou beveel het. Moet daarvan nie links of regs afwyk nie. Dit moet 'n rigsnoer wees vir alles wat jy se. Oordink dit dag en nag en sorg dat jy alles uitvoer wat daarin geskryf staan." Om sterk en vasberade, sterk en vol moed te kan wees, beteken dat ons getrou aan die Here moet wees. Beteken dat ons ons self in Sy Woord moet verdiep! Gaan deur die rivier, hou net vas aan my wil. Verower Jerigo, hou net vas aan my wil. Moet nooit dat die omstandighede so groot word dat jy laat los aan my wil nie. Miskien lê ons twyfel vir die toekoms daarin dat ons ons greep op die riglyn van God se Woord gelos. Ons beplan die toekoms soos ons goed dink. Ons maak ons eie planne en vergeet daarin om na die wil van die Here te vra. Ons gebruik die Here se wil net waar dit pas maar intussen wyk ons tog bietjie na links of regs af. Ons praat nie vanuit die woord van die Here oor die toekoms nie. Ons oordink en verdiep ons nie daarin nie. 5

6 Die eerste tree op die pad van die toekoms is dat ons die wil van die Here in ons lewe die regte plek gee. Dat ons leer om die toekoms in gehoorsaamheid aan Hom tegemoet te gaan. Sy wil moet belangriker as tradisies en gewoontes wees. Sy wil moet ook belangriker as politieke visie en menslike planne wees. Slot Wat lê vir ons voor in 2013? Net God weet. Kom ons gaan positief 2013 tegemoet! Kom ons wees sterk en vasberade! Kom ons wees vol moed, en storm elke dag binne! Laat ons as Christene nie skrik of bang wees vir die uitdagings van die lewe nie. Ons weet mos - Die Here is ons God en Hy sal oral gaan waar ons gaan. Ps. 37 som die boodskap mooi op: "Vertrou op die Here en doen wat goed is, woon en werk rustig voort. Vind jou vreugd in die Here en Hy sal jou gee wat jou hart begeer. Laat jou lewe aan die Here oor en vertrou op Hom; Hy sal sorg." 6