SUID-AFRIKAANSE WYN: OESVERSLAG Kleiner, hoë kwaliteit wyndruifoes van vroeë seisoen BEDRYFSTENDENSE

Transcriptie

1 SUID-AFRIKAANSE WYN: OESVERSLAG 2015 uitgereik deur: FOTO-KREDIET: Loriane Grobbelaar Kleiner, hoë kwaliteit wyndruifoes van vroeë seisoen I BEDRYFSTENDENSE Die Suid-Afrikaanse wynbedryf sal die 2015-seisoen onthou as een van die droogste en vroegste in jare, met ʼn effens kleiner wyndruifoes wat uitnemende gehalte wyne beloof. Volgens streekswingerdboukundiges van VinPro die verteenwoordigende organisasie vir nagenoeg wyndruifprodusente en kelders het die oes vanjaar twee weke vroeër as normaal afgeskop. Hierdie was die vroegste pars in dekades. Warm weer in Augustus het wingerde vroeër laat uitbot, waarna warm, droë en winderige toestande gedurende die somer die wingerdgroei onder beheer gehou en rypwording verder versnel het, waarna parstyd met sowat twee weke vervroeg is, vertel Francois Viljoen, bestuurder van VinPro se Konsultasiediens. Die droë weer het ook tot die gesondste seisoen in jare gelei, met bykans geen verliese weens siektes of vrot nie. Daar word verwag dat vanjaar se totale oes 1% 2% ligter as die rekordoes in 2014 sal wees. Die Worcester-streek het die grootste wyndruifoes in die area se geskiedenis behaal, terwyl Robertson ook ʼn groter oes gerealiseer het. Die Oranjerivier-, Olifantsrivier- en Breedekloof-streke se opbrengste was nagenoeg dieselfde as in 2014, en die res van die streke het ietwat kleiner oeste opgelewer. Droëlandwingerde in die kusstreke is veral weens die droër seisoen deur watertekorte geaffekteer, terwyl ʼn kanaalbreuk in die Olifantsrivier gedurende Januarie geen noemenswaardige effek op die oesgrootte gehad nie. Suid-Afrika is die sewende grootste wynprodusent ter wêreld en produseer sowat 4% van die wêreld se wyn. Sowat 52% van die land se natuurlike wyn word uitgevoer en 48% plaaslik verkoop. Totale Oesgrootte: Die 2015-wyndruifoes word op ton geraam volgens die jongste skatting (30 April 2015) van die Suid-Afrikaanse Wynbedryf Inligting en -Stelsels (Sawis). Dit is 1.1% laer as die rekord 2014-oes. Na verwagting sal die 2015-wynoes sap en konsentraat vir nie-alkoholiese doeleindes, wyn vir brandewyn en distilleerwyn ingesluit miljoen liter beloop, bereken teen n gemiddelde verhaling van 775 liter per ton druiwe. 2014/15 Groeiseisoen: Goeie reserwes is gedurende die na-oesperiode in April en Mei opgebou, waarna blaarval meestal op die regte tyd plaasgevind het. Koue, nat weer gedurende die wintermaande het daartoe gelei dat voldoende koue-eenhede opgebou is vir die opheffing van dormansie, wat egalige uitbot aangehelp het. ʼn Warmer Augustus het wingerde vroeër laat uitbot. Hierna het warm, droë en winderige toestande gedurende die somer die wingerdgroei onder beheer gehou en rypwording verder versnel, wat daartoe gelei het dat parstyd met sowat twee weke vervroeg is.

2 Met die afwesigheid van gebruiklike hittegolwe in die meeste streke, het ʼn koeler as normale Februarie ideale rypwordings- en parstoestande meegebring. Laer nagtemperature in dié tyd het veral tot mooi kleur en geur in die rooi kultivars aanleiding gegee. Temperature het in Maart weer opgewarm en daartoe gelei dat parstyd in die meeste streke sowat twee weke vroeër as gewoonlik klaargemaak het. Hoewel die droë, warm toestande en veral ʼn tekort aan reën aan die begin van November addisionele besproeiing genoodsaak het, was die droë weer gedurende parstyd ideaal om gesonde druiwe sonder siektes of vrot te verseker. Wynpotensiaal: Spaar julle geld, hier kom mooi wyne! sê Viljoen. Regoor die kultivarspektrum word uitnemende gehalte wyne verwag, en sommige wynmakers reken reeds vanjaar se oes is een van hul loopbaan-hoogtepunte. Druifontledings was goed met lae ph en goeie suur- en suikervlakke, wat die basis vir hoë gehalte wyne vorm. Kleiner korrels, asook matige temperature gedurende parstyd lei tot goeie kleur en intense geur in vanjaar se rooiwyne. Witwyne se algemene standaard is ook bogemiddeld, met goeie wynontledings en geurspektrums. van die streke: Breedekloof Een van die heel beste oeste ooit in terme van kwaliteit, met ʼn relatiewe groot volume as bonus. Klein Karoo ʼn Buitengewoon vroeë, gesonde seisoen lewer ʼn hoë kwaliteit, maar kleiner oes. Malmesbury/Swartland Dié droëlandgebied se oes neem af, maar kleiner korrels bring uitsonderlike gehalte. Olifantsrivier Besonderse druifontledings en kleur danksy ʼn meer matige somer; dieselfde oesgrootte as in Oranjerivier ʼn Goeie oes van dieselfde grootte as in 2014, ondanks beperkte rypskade en hittegolwe. Paarl Met ʼn baie vroeë afskop, is ʼn kleiner oes van hoogstaande gehalte ingeneem. Robertson ʼn Groter oes as in 2014, met uitnemende gehalte wyne. Stellenbosch Hoewel effens kleiner, is hierdie een van die beste, indien nie dié beste gehalte oes in jare nie. Worcester Die grootste oes in dié streek se geskiedenis lewer baie goeie wyne. 2 NAVRAE: Jana Loots VinPro Kommunikasiebestuurder Tel: / E-pos: jana@vinpro.co.za Francois Viljoen VinPro Konsultasiediensbestuurder Tel: E-pos: viljoenf@vinpro.co.za

3 3 II OORSIG PER STREEK BREEDEKLOOF Die 2015 oes is een van die heel beste oeste in terme van kwaliteit wat ek nog gesien het met ʼn relatiewe groot volume as bonus, sê Leon Dippenaar, VinPro-wingerdboukundige vir die Breedekloof-streek. ʼn Goeie na-oesperiode in 2014, koue winter en voldoende grondwater-aanvulling voor bot het tot ʼn relatiewe groot 2015-wyndruifoes bygedra. Die oes het ongeveer 20 dae vroeër as in 2014 begin. Vanjaar se oes is ongeveer dieselfde grootte as die groot oes wat in 2014 gerealiseer is, en beloof goeie gehalte wyne. Alle kultivars het goeie tonne gelewer, maar die rooi wyndruifoes het effens gesak teenoor wit kultivars. Sauvignon Blanc- en Cabernet Sauvignon-oeste was kleiner, terwyl Chenin Blanc goeie tonne gelewer het. Kultivars wat laat blom het oor die algemeen swakker gedra, weens sterk winde gedurende dié kultivars se blomperiode. Die na-oesperiode was oor die algemeen voordelig vir goeie reserwe-opbou. Gunstige klimaatsomstandighede en relatief min siektes het daartoe gelei dat blaarval meestal normaal was. Mei en Junie was nat en koud, gevolg deur hoër reënval in Julie, wat voldoende koue-eenhede opgebou het vir die opheffing van dormansie. Hoewel temperature in Augustus ietwat hoër as die langtermyngemiddeld was, het meer reën as normaal geval. Die konstante nat en koue weer regdeur die winter was voordelig vir die aanvulling van ondergrondse water-reserwes en opvul van plaasdamme. September se reënval en temperatuur was normaal. Wingerde het vroeër gebot, met mooi, egalige bot in veral Chardonnay. Egalige lootgroei was kenmerkend vanjaar en die lote het meestal op die draers gebot. Terwyl Oktober tot Januarie warmer en droër as normaal was, was die aande koeler. Dit het daartoe gelei dat lower minder geil gegroei het, en die groter verskil tussen dag- en nagtemperature het tot baie goeie verkleuring by rooiwynkultivars aanleiding gegee. ʼn Goeie groei/drag-balans is vanjaar verkry. Vanaf middel Maart het wingerde stadiger begin ryp word en sommige blokke, veral waar rolbladvirus teenwoordig is, het gesukkel met rypwording. Die 2015-seisoen sal onthou word as een van die gesondste ooit. Bykans geen donsskimmel en botritis is waargeneem nie. Witroes was in sommige gevalle n probleem, maar eers later, sonder ʼn wesenlike invloed op die oes. Slakke was n probleem aan die begin van die seisoen, terwyl witluis later in die seisoen in sommige gebiede kop uitgesteek het. Hoewel waterbehoeftes aanvanklik hoog was vanweë die droër somermaande, was grondwatervlakke in die meeste gevalle voldoende. Koeler weer daarna het waterverbruik laat daal, en wingerde het oor die algemeen goed vertoon. Daar was enkele warm dae in die rypwordingsperiode, maar uitgestrekte hittegolwe, soos die afgelope paar jaar voorgekom het, was afwesig. ʼn Koel rypwordingsperiode, met veral lae nagtemperature, het tot uitnemende kwaliteit in terme van geur in alle kultivars, en kleur in rooi kultivars, gelei. Hierdie kleur- en geurintensiteit is ook verkry

4 deurdat ʼn warm en droë eerste helfte van die seisoen gebalanseerde lower en kleiner korrels tot gevolg gehad het. Die wit kultivars se geurspektrums en intensiteit is heel aanvaarbaar, met Chenin Blanc en Sauvignon Blanc wat veral uitstaan. Die ontledings was oor die algemeen goed met voldoende sure, lae ph s en goeie suikers. In sommige gevalle het die druiwe baie vinnig ryp geword en hoë suikers is behaal, maar die ontledings was steeds goed. Leon Dippenaar, , leon@vinpro.co.za 4 KLEIN KAROO Die Klein Karoo het ʼn uitsonderlike vroeë, gesonde seisoen beleef wat ʼn hoë kwaliteit oes gelewer het, sê Johannes Mellet, VinPro-wingerdboukundige vir die Klein Karoo-streek. Hoewel beperkte watervoorrade in sommige gebiede ʼn afname in die oes tot gevolg gehad het, is die kleiner korrels wat ook daaruit spruit, kenmerkend van hoë gehalte. Die totale wit wyndruifoes het ietwat gedaal, maar die rooi wyndruifoes was heelwat kleiner. Chenin Blanc die Klein Karoo se tweede grootste kultivar se produksie het gestyg, wat afnames in ander wit kultivars effens gebuffer het. Rooi Muskadel en Colombar het effens kleiner oeste opgelewer. Alle ander kultivars het kleiner tot heelwat kleiner oeste behaal. Produksie in die berggebiede het die meeste afgeneem, moontlik omdat hierdie gebiede baie minder reën en besproeiingswater en meer wind ondervind het. Vanjaar sal onthou word vir die vroeë bot en oes, gesonde, droë toestande en kleiner korrels. Anders as die vorige jaar, was die 2015-seisoen baie vroeg en droog. Die winter het vroeg begin, met vroeë en gelyke blaarval wat die na-oes reserwe-opbou drasties ingekort het. Koue-eenhede was meer as genoeg om dormansie op te hef. Winterreënval was baie laag gedurende die winter, lente en somer veral vergeleke met die afgelope paar nat winters maar damme was nog vol van die vorige seisoen se lente- en somerreën. Bogemiddelde warm weer het in Augustus voorgekom, wat daartoe gelei het dat die uitbot egalig en met twee weke vervroeg was. Dié warm, droë weer het in September en Oktober voortgeduur, wat saam met laer reserwes en korter daglengtes tot matige aanvanklike groei gelei het. Met goeie uitbot en baie blomtrosse was die potensiaal daar vir ʼn groot oes. Set was egter wisselvallig en weens swakker groeikrag en droër toestande het die korrels klein gebly. Sonligblootstelling aan die kleiner korrels het egter kwaliteit verhoog. Temperature in Desember en Januarie was normaal. Parstyd het, soos bot, ongeveer twee weke vroeër as normaal begin en klaargemaak. Februarie was koeler as normaal, wat druiwe in piektyd stadiger en egaliger laat ryp word het. Die koeler weer het ook die kelders gehelp om by te bly met innames in piektyd, sodat druiwe by optimum rypheid geoes kon word. Met vanjaar se lae reënval was dit sekerlik die gesondste seisoen in jare. Swamsiektes is maklik beheer en geen vrot het voorgekom nie. Oestyd is ook nie deur reën onderbreek nie. Droë toestande het die beskikbaarheid van besproeiingswater beperk, en aangesien water vanaf die begin van die seisoen min was, het kleiner lowers gemaklik met minder water klaargekom. Produsente het ook die tekorte baie goed bestuur, sodat kwaliteit verbeter en oesgrootte minimaal

5 benadeel is. Geen langdurige hittegolwe of rukwinde het gedurende parstyd voorgekom nie, maar gereelde wind het wingerde afgekoel en groeikrag beperk. 5 Danksy so ʼn gesonde seisoen, is die algemene wynkwaliteit uitsonderlik. Chenin Blanc is veral bevoordeel deur die afwesigheid van vrot, en die gehalte van rooi kultivars is bevoordeel deurdat kleiner korrels verkry is. Vanjaar se gunstige weerstoestande het gelei tot hoër suikers en lae ph s. Met minder groeikragtige wingerde, was totale sure en stikstofvlakke in die mos egter laer. Kelderspasie is deur oordragvoorraad beperk en wynmakers moes gereeld planne beraam om die oorblywende spasie optimaal te benut. Johannes Mellet, , melletj@vinpro.co.za MALMESBURY/SWARTLAND Kleiner korrels en koel temperature gedurende parstyd in die Swartland het tot n konsentrasie van geur en kleur gelei wat groot belofte ten opsigte van kwaliteit inhou, vertel Hanno van Schalkwyk, VinPro-wingerdboukundige vir die Malmesbury/Swartland-streek. Die 2015-seisoen sal onthou word vir ʼn nat winter, opgevolg deur n vroeë, warm lente met vroeë en egale uitbot. n Baie droë en warm groeiseisoen het gesorg vir n uiters vroeë parstyd en laer produksievlakke. Die streek se totale produksie is oor die algemeen laer as in 2014 weens baie droë weerstoestande en die feit dat droëlandwingerde die vorige jaar baie groot oeste opgelewer het. Produsente met voldoende besproeiingswater is minder geaffekteer. Chenin Blanc en Pinotage het goeie oeste gelewer, maar Cabernet Sauvignon was beduidend ligter. Ondanks effens droër toestande in April, was daar steeds genoegsame reënval in die na-oesperiode. Die blare het baie goed behoue gebly en op die normale tyd geval; ook by droëlandwingerde. Die toestande vir reserwe-opbou was dus gunstig. Junie was besonders koud en nat, en genoegsame koue-eenhede is gedurende die eerste drie weke van Junie opgebou. Dit het daartoe gelei dat dormansie opgehef is en goeie uitbot moontlik gemaak. Winterreënval was voldoende om damme en grondprofiele tot kapasiteit te vul. Weens die hoë temperature einde Augustus was uitbot sowat twee weke vroeër as die vorige jaar, en oor die algemeen baie mooi egalig. Die groeiseisoen was egter baie droog, wat tot kleiner lowers en minder lowerinsette aanleiding gegee het. Hitte-toestande het einde Januarie voorgekom en parstyd het 10 tot 14 dae vroeër begin. Februarie was oor die algemeen baie koel, maar aan die begin van Maart het n paar uiters warm dae voorgekom. ʼn Hittegolf in Maart het baie korrel-inkrimping by veral Cabernet Sauvignon veroorsaak, met gepaardgaande hoë suikers. Wingerde en druiwe was oor die algemeen baie gesond en min probleme het voorgekom met siektes en plae. Haelskade het vroeg in die Halfmanshof-area voorgekom, maar nie ʼn beduidende invloed op die streek se opbrengs gehad nie. Produsente met toegang tot besproeiingswater het vroeër as

6 gewoonlik begin besproei. Ondanks die baie droë toestande, kon rypwording steeds oor die algemeen behaal word in die droëlandwingerde. Druiwe was van hoogstaande gehalte en oor die algemeen baie gesond. Die kleiner korrels het vir konsentrasie van geure gesorg en ontledings was oor die algemeen baie goed. Druiwe het besonders goed en egaal gekleur. Alle aanduidings is dat wynkwaliteit baie goed is met Chenin Blanc, Pinotage en Shiraz wat reeds baie goed lyk. Hanno van Schalkwyk, , 6 OLIFANTSRIVIER Die 2015-seisoen bring uitstaande druifgehalte, goeie kleur en druifontledings in die Olifantsrivier, danksy ʼn meer matige somer as normaal, vertel Gert Engelbrecht, VinPro-wingerdboukundige vir die Olifantsrivier-streek. Min reën en laer siektedruk gedurende die seisoen het gesonde druiwe en wingerde meegebring, wat ook in die wyne weerspieël word. Produksies bly bestendig en daar word meer en meer gekyk na hoë-produksie kultivars en klone. Die Olifantsrivier-gebied se totale produksie was naastenby dieselfde as in Hoewel die wit wyndruifkultivars ietwat kleiner produksies behaal het, het die rooi kultivars hiervoor opgemaak in tonne. Nuwe aanplantings speel ʼn groot rol hierin, met Pinotage wat veral die grootste toename in produksie behaal het. Aan die wit kant het Chardonnay se produksie heelwat gelig en Chenin Blanc het dieselfde opbrengs gelewer, terwyl Colombar- en Sauvignon Blanc-oeste effens laer was as in Vroeë blaarval gedurende die na-oesperiode grootliks weens ʼn hoë voorkoms van donsskimmel en witroes, veral op jonger blare het daartoe gelei dat die opbou van reserwes ʼn punt van kommer was. Die Olifantsrivier het ʼn gunstige winter beleef, met ʼn kouer as normale Junie en Julie. Dit was ook relatief droog, met slegs 75 mm reënval vanaf Mei tot Augustus. Opheffing van winterrus was voldoende, gemeet aan die egalige uitbot van wingerde. Bot is egter met twee weke vervroeg weens warmer weer in die eerste helfte van die seisoen. Augustus tot Oktober was gemiddeld 0.5 C tot 1 C warmer as normaal. Hoewel blom en set goed was in die vroeë kultivars, het die koue, nat toestande aan die begin van November swakker blom en set in die later kultivars veroorsaak. Kort hierna het konstante droë somerstoestande voorgekom, wat tot Maart voortgeduur het, sonder erge hitte wat kenmerkend is van hierdie tyd. Die totale ure bo 40 C vir die hele groeiseisoen was omtrent 90% minder as die langtermyn gemiddeld. Net soos bot was die aanvang van pars twee weke vroeër. Die wingerde was gesonder, met min swamsiektes en het aansienlik beter as die vorige groeiseisoen gelyk. Witluis het later in die seisoen algemeen voorgekom. ʼn Kanaalbreuk in Januarie, en gevolglike weeklange droogte, het daartoe bygedra dat heelwat minder vrot druiwe vanjaar voorgekom het. Enige verlies aan produksie weens die kanaalbreuk is egter moeilik om te bepaal.

7 ʼn Warm lente het tot geil groei aanleiding gegee. Met die afwesigheid van hittegolwe, het wingerde se waterverbruik afgeneem, en moes sommige wingerde wat versuiptoestande weens oorbesproeiing getoon het, ook noukeurig bestuur word. Wyngehalte blyk sover uitstekend te wees, met druifontledings gekenmerk aan hoë suur, lae ph en goeie kleur. Die vroeë wit kultivars soos Chenin Blanc, Sauvignon Blanc en Chardonnay is vanjaar veral van hoë gehalte. Aan die rooi kant kan geen kultivars uitgesonder word nie; almal lyk belowend. Gert Engelbrecht, , 7 ORANJERIVIER ʼn Goeie oes van dieselfde grootte as in 2014 is vanjaar in die Oranjerivier ingeneem, volgens Henning Burger, wingerdboukundige by Oranjerivier Kelders. Gunstige klimaatstoestande in die winter en droë weer gedurende parstyd het tot gesonde, goeie kwaliteit druiwe aanleiding gegee. Hoewel daar groot verskille in die oesgroottes van individuele produsente in dié streek was, was die totale oes dieselfde grootte as in Chenin Blanc se gemiddelde opbrengs was hoër, maar dié van Colombar laer as in Rooi kultivars het naastenby dieselfde produksievlakke behaal. Die effek van rypskade in September is weerspieël in laer as verwagte innames in die Kakamasgebied. Die lae temperature net voor en gedurende bot het moontlik tot sekondêre oë aanleiding gegee, wat tot die beskadiging van primêre trosse en laer as normale trosgewigte gelei het. Die eerste werklike koue weer het eers teen einde Mei voorgekom. Junie was baie koud en nat, wat ʼn groter as normale opbou van koue-eenhede, en ʼn weeklange hoë humiditeit tot gevolg gehad het. Erge ryp het egter tot vroeë totale blaarval gelei. Die koue weer het in Julie voortgeduur, met aansienlik warmer nagte in die laaste week van dié maand. Die eerste drie weke van Augustus was koud, waarna warmer weer bot met ʼn week vervroeg het. Vroeër wyndruifkultivars het in die eerste week van September begin uitbot. Bot was egalig by die meeste kultivars, met ʼn goeie uitbotpersentasie,uitgesluit sekere Colombar-blokke wat witlootsimptome getoon het. Vrugbaarheid was oor die algemeen goed met beide Colombar en Chenin Blanc wat meestal dubbele trosse vertoon het. Ryp het gedurende die laaste week van September in sekere gebiede van die laer Oranjerivier voorgekom, wat tot groot skade by individuele produsente gelei het. Warm, droë toestande vanaf Oktober het siektes en plae onderdruk. Dié weer het tot einde Januarie voortgeduur, wat wingerde goed laat ontwikkel het. Parstyd het middel Januarie afgeskop. Die erge, konstante hitte in hierdie tyd het egter daartoe gelei dat suikervlakke baie vinnig opgetel en sure gedaal het. Verspreide donderbuie in die laaste week van Januarie het wel verligting gebring. Hierna het feitlik geen reën tot einde Maart voorgekom nie, waarna gereelde reënbuie nie ʼn wesenlike effek op die klein aantal produsente wat nog gepars het, gehad het nie. Die laaste druiwe is in die eerste week van April ingeneem. Die Oranjerivier-streek het oor die algemeen ʼn baie gesonde jaar beleef wat siektes betref. Baie droë, warm weer van Januarie tot Maart het donsskimmel en botritis grootliks beperk. Beperkte rypskade in Kakamas en haelskade in die Grootdrink-gebied het in Oktober voorgekom.

8 Hittegolftoestande in Januarie het wingerde se groei belemmer en kan duidelik gesien word in matige tot selfs swakker groeikrag in die wingerde. Gemiddelde ph s was vroeg in die seisoen baie goed, maar het verhoog met die konstante warm weer gedurende parstyd. Wyngehalte is egter deurgaans goed in die kelder, met beter verhalings as in Henning Burger: , henning@owk.co.za 8 PAARL Die Paarl het vroeg begin pars aan ʼn kleiner wyndruifoes van hoogstaande gehalte. ʼn Goeie winter, gevolg deur n warm lente het tot vroeë, maar egale uitbot aanleiding gegee. Vegetatiewe groei is deur konstante wind tydens die groeiseisoen onderdruk, en tesame met droë toestande, was parstyd baie vroeg vanjaar, vertel Hanno van Schalkwyk, VinProwingerdboukundige vir die Paarl-streek. Totale produksie in die Paarl het vanjaar afgeneem, vanweë droë toestande in die droëlandgebiede, wind en gepaardgaande swakker groei wat tot kleiner korrels aanleiding gegee het. Terwyl kultivars wat vroeg geblom het, soos Pinotage en Chardonnay, baie goeie oeste opgelewer het, was Sauvignon Blanc- en Cabernet Sauvignon-oeste merkbaar ligter. Parstyd was besonders vroeg en sommige produsente het tot twee weke vroeër as normaal begin pars. Kelders was onder druk om die oes binne n korter as normale periode in te neem. Die Paarl-streek het n effens droër as normale na-oesperiode beleef. Goeie neerslae in Mei het egter daartoe gelei dat blare oor die algemeen op die normale tyd geval het, na die gunstige opbou van reserwes. Junie was besonders koud en nat, met goeie akkumulasie van koue-eenhede, wat n bestendige basis vir gelyke uitbot geskep het. Die vlakke van besproeiingsdamme was baie gunstig en grondvogvlakke is tot kapasiteit aangevul. Augustus en September was warmer as normaal. Tekens van bot is reeds in Augustus opgemerk twee tot drie weke vroeër as in 2014 en wingerde het teen die begin van September sterk begin uitbot. Uitbot was oor die algemeen baie egalig. Die groeiseisoen was oor die algemeen baie droog. Alhoewel dit ook warmer was, is vegetatiewe groei deur konstante wind onderdruk. Kultivars soos Pinotage en Chardonnay wat vroeg geblom het, het goed geset. Cabernet Sauvignon het egter merkbaar losser trosse gehad. Met die uitsondering van warm toestande einde Januarie en begin Maart, was parstyd oor die algemeen redelik koel, veral gedurende Februarie. Geen werklike lang, warm periodes het voorgekom nie. Oor die algemeen was die seisoen siektevry en wingerde en druiwe was baie gesond. Slakke het egter soos die vorige seisoen in baie groot hoeveelhede tydens die lente voorgekom, en baie produsente moes herhaaldelik beheer toepas. Weerstandbiedende vaalskraalhans, tongblaar en raaigras bly in sekere areas n groot probleem. Weens die konstante wind in sekere gebiede was die groei swakker as normaal, wat n impak op korrel- en trosontwikkeling gehad het. Kleiner korrels het n effek op oesgewig en sapverhaling

9 gehad. Besproeiing was op n vroeë stadium reeds nodig as gevolg van die gebrek aan reën, maar ook weens die uitdrogende effek wat die wind gehad het. Die Paarl-streek se wyndruiwe was vanjaar van hoogstaande gehalte, en oor die algemeen baie gesond. Ondanks hitte einde Januarie, was ontledings baie goed, wat verder deur ʼn koeler Februarie aangehelp is. Die druiwe het besonders goed gekleur en dit reflekteer ook in die kelder. Alle aanduidings is dat wyngehalte baie goed is met Chenin Blanc, Chardonnay, Pinotage, Cabernet Sauvignon en Shiraz wat veral groot belofte inhou. Hanno van Schalkwyk, , hanno@vinpro.co.za 9 ROBERTSON ʼn Bogemiddelde grootte wyndruifoes is in die Robertson-streek behaal, en beloof uitstekende wyngehalte. Die distrik het n baie goeie oesjaar beleef met min reën, besonder gesonde druiwe en goeie druifontledings. Die oes was vroeg met goeie, vinnige suiker-akkumulasie, vertel Hennie Visser, VinPro-wingerdboukundige vir die Robertson-distrik. Die Robertson-streek het in 2015 ʼn bogemiddelde oes afgehaal die derde grootste oes in die geskiedenis van die area. Daar was vanjaar baie en groot blomtrosse en set was oor die algemeen goed. Korrels was kleiner as normaal, maar produksie was steeds goed danksy ʼn droër seisoen en gevolglik feitlik geen verliese weens botritis- en suurvrot nie. Vrotgevoelige kultivars soos Chenin Blanc en Muskadel het veral baie goeie produksies gelewer. Die kultivars wat laat blom, soos Sauvignon Blanc, Cabernet Sauvignon en Ruby Cabernet het laer produksies gelewer. Daar is ook steeds ʼn daadwerklike poging van produsente om produksies te verhoog om druk op winsgewendheid te verlig. Robertson hou ʼn netto toename in totale hektare wyndruiwe vol. Gedurende die na-oesperiode het die wingerde se blare oor die algemeen vroeër geval en was reserwe-opbou laer as normaal weens laat witroes- en donsskimmel-infeksies. ʼn Kouer as normale Mei het daartoe gelei dat dormansie effektief opgehef is, en goeie uitbot is verwag. Die nagtemperature in Junie en Julie was die koudste in tien jaar, met normale dagtemperature. Hoewel die totale reënval heelwat laer as gewoonlik was gedurende die wintermaande, het daar gereeld kleiner reënbuie geval en die dekgewas-stand was goed. Wingerde het vanjaar baie vroeg gebot weens warmer weer in Augustus in die meeste gevalle ongeveer tien dae vroeër as normaal. Wingerde het mooi gelyk gebot en die botpersentasies was goed met die uitsondering van onegalige uitbot in blokke wat vroeë blaarverlies ondergaan het. Aanvanklike lootgroei was goed en egalig, maar sommige wingerde het geel vertoon weens ʼn paar koue periodes in September en gepaardgaande lae grondtemperature. Blom was ook ongeveer tien dae vroeg, en ondanks ʼn natter as normale lente was set goed. Met die uitsondering van ʼn warm November was die temperature normaal gedurende die lentemaande en heelwat minder reën het in die somer voorgekom as vorige jare. Deurslaan was ongeveer tien dae vroeër en die eerste druiwe was ook baie vroeg reeds ryp.

10 10 Hierdie was een van die gesondste seisoene in jare, en daar was geen natuurverskynsels wat die oesgrootte negatief beïnvloed het nie. Na die aanvanklike hoë siektedruk wat deur hoë lente-reënval veroorsaak is, is die res van die seisoen gekenmerk aan baie lae siektedruk, onder andere donsskimmel, witroes en botritis. Knoppiesblaar was vanjaar ook minder problematies, maar slakke was soos gewoonlik ʼn probleem. Laat in die seisoen was daar ook witluis-uitbrake. Ondanks lae reënval, was besproeiingswater deur die seisoen voldoende, want produsente afhanklik van bergwater het die seisoen met vol damme begin. Parstyd was relatief gematig, met geen lang periodes van uitermatige hitte nie. Die 2015-pars het baie glad verloop danksy die afwesigheid van reëndae, maar kelderspasie was baie onder druk weens oordrag-wynvoorraad. Die ph s was oor die algemeen laer as normaal met goeie sure. Die kleur van die rooiwyne is uitstekend te danke aan kleiner korrels, lae ph en variasie in dag- en nagtemperature. Wynkwaliteit lyk op hierdie stadium belowend, vanweë gunstige seisoenstoestande en veral die afwesigheid van siektes en vrot. Hennie Visser, , henniev@vinpro.co.za STELLENBOSCH ʼn Droomjaar op ʼn drafstap. Die Stellenbosch-streek het ʼn effens kleiner, maar voortreflike gehalte wyndruifoes gerealiseer, wat vroeër en vinniger as vorige jare afgehaal is. Wingerdboukundig kan dit as een van die beste, of selfs dié beste kwaliteit jaar in jare beskryf word. Die jaar waarvan daar net in ander jare gedroom word. Spaar julle geld, hier kom mooi wyne! sê Conrad Schutte, VinPro-wingerdboukundige vir die Stellenbosch-distrik. Hoewel kleiner as in 2014, is die totale wyndruifoes steeds ʼn goeie grootte. Oor die algemeen het vroeë kultivars soos Pinot Noir, Pinotage en Chardonnay goeie opbrengste behaal. Afnames in produksie is waargeneem in Sauvignon Blanc en Cabernet Sauvignon, toegeskryf aan reën gedurende die blom- en setperiode. Cabernet Sauvignon se korrels was klein weens strestoestande gedurende die selvergrotingsperiode, wat ʼn negatiewe invloed op produksie gehad het. Blaarval het soos normaal plaasgevind, en die meeste van die wingerde het genoegsame reserwes opgebou vir aanvanklike groei na bot. Die streek het n bogemiddelde nat winter beleef, en met ʼn noemenswaardig kouer as normale Junie en Julie is voldoende koue-eenhede opgebou vir die opheffing van dormansie. Bogemiddeld warmer weer in Augustus het voortgeduur in die lentemaande, waartydens reënval laer as gemiddeld was. Bot was een tot twee weke vroeër as gewoonlik afhangend van wingerdligging en kultivar en oor die algemeen baie egalig. Koel en nat weerstoestande gedurende bot het stadige aanvanklike lootgroei veroorsaak. Die eerste warm sonskyndae gedurende Oktober het egter lootgroei versnel.

11 November was warm met bogemiddelde reënval aan die begin van die maand, tydens die set van Sauvignon Blanc en Cabernet Sauvignon. Dit het tot ongelyke en swakker set aanleiding gegee. Effens warmer dae en koeler nagte het in Desember voorgekom, met ietwat minder reënval, In Januarie het temperature weer gestyg en saam met die aanloop van die seisoen daartoe gelei dat druiwe vroeër as gewoonlik ryp was. Parstyd het een tot twee weke vroeër afgeskop. Gedurende die vroeë rypwordingsfase in Februarie was dit koeler, maar in die eerste week van Maart het baie hoë temperature weer die vinnige parstempo laat voortduur. Produsente moes effektiewe bestuur van groot hoeveelhede slakke gedurende bot toepas, en die voorkoms van knopmyt-simptome is kommerwekkend. ʼn Aantal groot veldbrande het gedurende parstyd in die streek voorgekom. In enkele gevalle is wingerde beskadig of sal rook wat oor die wingerd hang moontlik ʼn negatiewe effek op druifkwaliteit hê. Daar was vanjaar geen kenmerkende hittegolwe gedurende die rypwordingsperiode en vroeë pars nie. Aanhoudende, sterk winde vanaf Oktober tot Desember het egter saam met hoër temperature veroorsaak dat die grond baie vinnig uitgedroog het. Waterverbruik was dus hoër as normaal, en wingerde moes vroeër en meer gereeld besproei word, wat druk op besproeiingstelsels en damme geplaas het. Die Stellenbosch-streek se wingerde het ʼn baie vinnige groeiseisoen beleef, maar wingerde het op die regte tyd ophou groei en druiwe ryp gemaak, tot groot voordeel van wynkwaliteit. Druifontledings was goed met lae ph en goeie suur- en suikervlakke. Die wyne se kleure vertoon baie goed op en ondanks warm weer, het die sure baie mooi gehou gedurende die pars. Suikervlakke het vinniger as normaal toegeneem, en optimale rypheid is oor die algemeen by hoër suikervlakke bereik. Chardonnay en Cabernet Sauvignon kan uitgesonder word vir uitsonderlike gehalte, hoewel die kwaliteit regoor die kultivarspektrum uitstaan. Die langdurige vinnige tempo van rypwording het deurlopend druk op kelderspasie geplaas. Verhalings is goed tot effens bogemiddeld. Conrad Schutte, , 11 WORCESTER Die Worcester-streek het die grootste wyndruifoes in sy geskiedenis behaa, en gesonde druiwe verseker baie goeie wyne, vertel Pierre Snyman, VinPro-wingerdboukundige vir die Worcesterdistrik. ʼn Koue winter en effens warmer lente het tot goeie en egalige uitbot gelei, waarna droë toestande vir gesonde wyndruiwe en vroeër as normale rypwording gesorg het. Koeler nagte gedurende parstyd was veral bevorderlik vir goeie kleur en geur wat top gehalte wyne verseker. Die Worcester-streek het die grootste wyndruifoes in die gebied se geskiedenis geproduseer selfs groter as die rekord 2014-oes. Chenin Blanc het veral hoër produksievlakke behaal. Die groter oes kan toegeskryf word aan ʼn groter volume gesonde druiwe, weens die afwesigheid van vrot, asook ʼn toename in die aanplanting van veral Chenin Blanc, Colombar en Pinotage in 2012, wat nou in drag begin kom.

12 12 Die na-oesperiode was baie gunstig vir reserwe-opbou, en hoewel sommige wingerde vroeë blaarval ondervind het weens donsskimmel en witroes, was blaarval oor die algemeen normaal. Winterreëns was laag, maar het met goeie sneeuneerslae gepaard gegaan en genoegsame koueeenhede is opgebou vir rusbreking. Warmer as normale aan die begin van lente het tot egalige uitbot gelei, wat tien tot 14 dae vroeër aanvang geneem het. Rypskade het in geïsoleerde gevalle voorgekom. Hoewel waterverbruik aan die begin van die groeiseisoen hoog was, was die watervoorrade in ondergrondse bronne en plaasdamme meer as voldoende. Koue winde in die blomperiode het veral ʼn effek op die set van later kultivars gehad. Groot wingerdblare het ook in die groeitydperk voorgekom, wat tot oorskaduwing bygedra het, en blaarbreek-aksies genoodsaak het. Dit was ʼn besonder droë seisoen, met geen reën gedurende rypwording of parstyd nie. Januarie was warmer, maar Februarie heelwat koeler as normaal. Parstyd het vroeg gekom en baie produsente en kelders onkant betrap. Die eerste helfte van die pars was vinnig en kelders het gou hul dagkwotas bereik. Die tweede helfte is gekenmerk deur fisiologiese rypheid teen laer suikers. Die wingerde met ʼn lae virusstatus, veral Merlot, het gesukkel om voldoende suikervlakke te behaal. So moeilik soos wat die vorige seisoen was, so maklik en besonder goed was hierdie seisoen. Baie gesonde druiwe is deurgaans gelewer regdeur die kultivarspektrum. Kalanderskade was in sekere gebiede ʼn probleem en slakke was ʼn baie groot probleem aan die begin van die groeitydperk. Die Worcester-streek het ook geen uitermatige hittegolwe gedurende parstyd beleef nie, waarby geursensitiewe kultivars soos Sauvignon Blanc baie baat gevind het. Kelderspasie het vanjaar baie vroeg onder druk gekom weens ʼn relatiewe groot oordragvoorraad, laer rabatkwotas en die vinnige rypwordingsperiode. ʼn Baie goeie jaar in terme van gehalte. Die vroeë aanduidings is dat top gehalte Sauvignon Blancen Chenin Blanc-wyne regdeur die streek verwag kan word. Koel nagte vanaf deurslaan was ook baie gunstig vir kleurvorming in die rooi druiwe, veral waar blaarbreek toegepas is. Die druifontledings was deurgaans goed, terwyl sure in die tweede helfte van die pars begin daal het. Pierre Snyman, ,