Inhaaid. Proloog...3. E wäördsje vaan euze Prizzedent...4. Dit waor d n evenemintekelender Verkezing Vastelaovendsleedsje

Transcriptie

1 Jaorverslaag

2 Inhaaid Proloog...3 E wäördsje vaan euze Prizzedent....4 Dit waor d n evenemintekelender Verkezing Vastelaovendsleedsje De jaorvergadering Oetrope Stadsprins...8 De Kanselarijraod...9 De Sikkertaris-Ginneraol aon t woord...10 De P.R.-kemissie...11 De Kemissie Binnegebäöre...14 De Financieel Kemissie...18 De Machseuverdrach...21 De Kemissie Boetegebäöre...22 De Vastelaovendsdaog...26 De prinseleke käös...28 De Kachelpiepers in t Sezoen In memoriam...31 De Tempeleers...32 Epiloog...35

3 Proloog In dit jaorverslaag besjrieve veer t jaor vaan november 2012 tot november Wat allemaol is georganiseerd, wie de eveneminte zien verloupe, wat good is gegaange en wat tege veel. Financieel waor t weer gei gemekelek jaor. D n economische crisis leit detouw tot bedrieve en instèllinge minder gaw genege zien um geld vrij te make veur de versjèllende activiteite. Foondsewerving stoont oonder drök en dat heet geleid tot n lieger opbrings es waor begroet. t Bedriefsrizzeltaot euver t sezoen is negatief. Veur koumend sezoen zalle de kostebespaorende maotregele nao verwachting hun vröchte aofwerpe. Veer goon daorum al eus evenminte good bekieke, nui acties oondernumme en goon door mèt wat good is gegaange. En gelökkig waore dat toch de mieste eveneminte. Veer wèlle in dit jaorverslaag eigelek n soort verantwoording aoflègke. Daorum kump n aontal Tempeleers en Börgermètwèrkers sjoen aon t woord. Zie geve uuch informatie euver hun werk in de kemissies. Euze Prizzedent gief in e persoenlek woord zien visie op t aofgeloupe en t koumend sezoen. Ouch laote veer d n Hoeglöstegheid vaan 2013, Prins Oscar I, trökkieke op zie jaor. Veural door middel vaan sjoen foto s. n Euverziech vaan de bezeukskes, de medaajes en aander kingetalle completere t gehiel. ne Nuien opzat dus. Dao höbbe veer bewus veur gekoze, zoetot t jaorverslaag dezelfde geis aosemp es wie eus vereineging ziech allewijl prizzenteert: ope en transparant. Veer hope tot geer zoe mie inziech krijg in wat d r allemaol gebäört achter de sjerme en boe veer es Tempeleersorganisatie veur stoon. Veer winse uuch hiel väöl leesplezeer. 3 Mestreech, 15 november Tempeleers: Guy Bannier Nico Kempeners Victor Salentijn Börgermètwèrkers: Rob Christiaans Louis van den Bongaert

4 E wäördsje vaan euze Prizzedent. Leef Vastelaovendsvrun, Veer höbbe aofgeloupe jaor mage genete vaan nen heerleke Vastelaovend boe-in veer woorte veurgegaange door ne fantastischen Hoeglöstegheid Prins Oscar I mèt zien prinses Yvette. Zie höbbe us de weeg geweze um de Vastelaovend vaanoet t oergeveul vaan same viere vörm te geve. Heibij woorte veer neet allein oondersteund door de vrundsjap vaanoet de Bataviere, meh veer mochte dit deile mèt alle lui, die de Mestreechter Vastelaovend e werm hart touwdrage. t JäögPrinseTreffe en t Kinderfies in de Platte Zaol gaof de kinder de gelegeheid um dat Vastelaovendsgeveul te oontwikkele. De Roed- Geel-Greune Femilieoptoch woort georganiseerd same mèt n aontal deilnummers, die veurstender vaan de oersprunkeleke rót zien. De kaw zörgde deveur tot de mieste deilnummers de kortste weeg nao de Vriethof volgde. Dao kóste de kinder, daankzij de inspanninge vaan de Bataviere, genete vaan de Boetegewoen PoeteZitting. t Prinsebal en de zittinge in Kaffee de Zeuten Inval mochte ziech ouch verheuge in väöl gaste. t Vastelaovendsgeveul leef in alle laoge vaan eus Mestreech, bij joonk en aajd. En zoe huurt dat ouch! Netuurlek späölde ouch de financieel situatie n importante rol. Toch wèl iech gere al deginnige, die n financieel bijdraog höbbe gelieverd, zoe wie de spengskes, de adverteerders, de deilnummers aon de particuleer actie, de Steunpilere, de bezeukers vaan t sponsordiner bij Sofa, de sponsors vaan de Gala-Sponsoraovend en eus Protecteurs, vaan ganser harte bedaanke veur hun oondersteuning! Geer maak de Vastelaovend financieel meugelek! 4 Gere daank iech uuch veur eur speul en creatieven inbring, veur eure meziek, wäörd en euren aondach veur eure naoste. Dat bedoele veer mèt de Mestreechter Geis! Same mèt uuch wèlle veer us gere pripperere op de Vastelaovend vaan Daot mèt us mèt en laote veer dao same ne sjieke en propele Vastelaovend vaan make. Merci alvas, jummers dee Vastelaovend in Mestreech is vaan us allemaol same! Henk de Jong Prizzedent-Tempeleer

5 Dit waor d n evenemintekelender Zaoterdag 2 fibberwarie 2013 JäögPrinseTreffe Mestreech Groet Mestreechs Verkleidersfies: Ginneraol rippetitie vaan de Mestreechter Vastelaovend, de Nostallegasie Zoondag 3 fibberwarie 2013 Groet kinderfies Studiedaag 20 aprèl 2013 Zoondag 4 november 2012 Verkezing Vastelaovendsleedsje 2013 Vriedag 16 november 2012 Algemein en openbaar jaorvergadering vaan De Tempeleers Zoondag 13 jannewarie 2013 Oetrope Prins Carneval 2013 Maondag 14 jannewarie 2013 Jaorvergadering Zate Hermeniekes Vriedag 18 jannewarie 2013 Prommenaad-diner bij Sofa aon de Maos Vriedag 18 jannewarie 2013 Kaffee de Zeuten Inval s middags en s aovends Zaoterdag 19 jannewarie 2013 Kaffee de Zeuten Inval Zaoterdag 26 jannewarie 2013 Gala Prinsebal KinderVastelaovendsExpositie in t azm, teves opening en priesoetreiking. Zoondag 27 jannewarie 2013 Oetreiking medaaljes aon eus Steunpilere. Dinsdag 29 jannewarie 2013 Prizzentatie Vastelaovendsmagazine D n Tempeleer Vriedag 1 fibberwarie 2013 Gala-Sponsoraovend in Château Neercanne. Dinsdag 5 fibberwarie 2013 Vastelaovendskonzèr door t LSO Donderdag 7 fibberwarie 2013 Vastelaovendszitting op Klevarie Vriedag 8 fibberwarie 2013 Carnevalogie op Mestreechter sjaole. Zaoterdag 9 fibberwarie 2013 Inhole Prins Carneval Fiesteleke oontvangs op de Statie vaan Mestreech Cortège nao t Stadhoes op de Merret en de Machseuverdrach Receptie vaan Prins Carneval in de Redót. VASTELAOVEND 2013 Zoondag 10 fibberwarie 2013 Prizzentatie Kachelpiepers en oethaange vaan de veendel aon t Prinselek Pelies Insjete Vastelaovend en optrèkke vaan t Mooswief op t Vriethof Groete Vastelaovendsoptoch door Wiek en Mestreech Cramignon Maondag 11 fibberwarie 2013 Roed-geel-greune Femilieoptoch in de straote vaan Mestreech. Cramignon Dinsdag 12 fibberwarie 2013 Zate Hermeniekes-concours op t Vriethof Cramignon t Mooswief kump nao oonder, ind vaan de Vastelaovend

6 Verkezing Vastelaovendsleedsje 2013 Op zoondag 4 november 2012 waor de verkezing vaan t Vastelaovendsleedsje De vakjury had in september oet de 32 inzendinge 7 leedsjes gekoze die in aonmerking kaome veur de finale. De jurering is verdeild in drei gróppe: ne vakjury, ne prominente-jury en netuurlek t pebliek in de zaol. Winner is gewore t leedsje Eindelek bin iech, gesjreve door Ursula en Bert Garnier en gezoonge door Hielemaol Los. Eindelek Couplèt: Och wat zouw iech toch gere n ster wèlle zien Of bekind vaan d n TV. D n trompettis bij t Mooswief um 12 oor s nachs Of de spits vaan MVV. En ouch dit jaor höb iech miech weer get bedach Jao op dee carneval höb iech zoelang gewach. Refrein: Eindelek bin iech! Wat iech altied höb wèlle zien. Prins vaan Mestreech of tant Ketrien mèt häör wasmesjien! Eindelek bin iech! De romein dee Mestreech heet gestiech. Beppie, Sint Servaos, Rieu of Sinterklaos t Maak niks oet wat iech verzin. Minckeleers mèt vlam, Lang Lies of kakmedam t Is Vastelaovend alles kin. 6

7 De jaorvergadering 2012 De openbaar jaorvergadering op 16 november (de 67 ste ) in n bomvol Redót waor n zier memorabel. Leefs zeve nui Tempeleers en ne nuie viceprizzedent woorte geïnstalleerd. Neve de gebrukeleke agendapunte wie t jaorverslaag, ne groete merci aon aajd- Stadsprins Han I, t financieel euverziech, bekindmaking vaan de Vastelaovendsvierder 2012 en de prizzentatie vaan t wienprojek De Zeuten Inval, waor toch t hoegtepunt t aofsjeid vaan sirremoniemeister en otoriteitentoeker Jan Janssen en de ierste touwspraok vaan zienen opvolger Norbert Frijns. Jan woort op zier gepasde wijs gehöldeg. Op de ierste plaots door prizzedent Henk de Jong. 15 Jaor laank op n chique en fien besnaorde meneer heet Jan zien functie vervöld es iemes dee de lach aon zien koont heet haange. n Dillegatie vaan de Samewèrkende Limburgse Vastelaovendsvereineginge brach hölde aon Jan en heer kraog oet han vaan de prizzedent vaan de SLV de hoegste oondersjeiing vaan de Närrische Europäische Gemeinschaft: de Orde vaan Verdeenste. t Hoegtepunt kaom evels es lèste. Bij de roondvraog kaom börgemeister Onno Hoes op mèt ne bisjopsstaaf, verwiezend nao de stads- Sinterklaos, welke functie Jan dit jaor ouch heet neergelag. Hoes memoreerde n aontal sjerpe voondste vaan Jan es otoriteitentoeker, zoewie t stóp-straot-stóp en shitty-marketing. Volges de börgemeister góng t zelfs zoe wied, tot zie es gemeintebestuur perbeerde gemeinteleke beslute Janssen-proof te make. Nao opsomming vaan väöl aander activiteite vaan Jan booj Onno Hoes aon ne ziechbaar gereurde Jan de stedeleke oondersjeiing De Trichter aon. Gedinkwierdeg, jao dat waor t. 7

8 Oetrope Stadsprins Op zoondag 13 jannewarie 2013 kaom gans Mestreech weer nao boete en góng op weeg nao de Merret um t oetrope vaan de nuie Stadsprins mèt te make. Veer daog veur dit oetrope woorte veer geconfronteerd mèt t plotseling euverlije vaan euzen aimabele en geleefde Tempeleer Boy Olivers. Vaan bove keek heer touw en had deveur gezörg tot t zönneke sjijnde en veer in ziene geis toch dit kóste doen. De lach en de traon vele noe wel hiel erg same. Ouch al door t sjoen weer waor t aofgelaoje vol op de Merret. De Tempeleers waore sjiek en sjoen gecoiffeerd es de dames vaan Vrouw Verzjevé. t Nejkiske waor dit jaor t oetroopthema. En de nuien oonbekinde waor de maan vaan Vrouw Verzjevé. Oonder begeleiing vaan de SMV-vereineginge, hermeniekes en aander meziekkorpse op weeg nao de Merret. Naotot aofsjeid genome waor vaan Han I, zien Ingeborg en de kinder braok t benkelek momint aon. Oonder t geluid vaan alles wat op de Merret aonwezeg waor, kaom oonder de vermomming oet: Prins Oscar I. Heer vloog euver t podium, eine brok enthousiasme, nao lui zwejjend, d n aandere kant op rennend, neet te stoppe door alle adrenaline. Yvette en de kinder waore ouch al op t podium en Prins Oscar I woort geïnstalleerd en moch de ierste felicitaties oontvaange vaan femilie, vrun en börgemeister Onno Hoes. t Fies kós beginne. Op weeg nao die zwoer meh sjoen daog vaan de Mestreechter Vastelaovend. Prins Oscar 1 Carnavali-Batavoricus Aqua-Navigaticus Energi- Commercialicus Lienhier vaan de Heerlekheid Sjaan Geheim conservator vaan alle berevelle Zeutwater Admiraol vaan alle rubberbeutsjes vaan Randwyck Honorair sabeldreger vaan de Osser metsetrèkkers Groet transformator vaan alle greunen èllentrik Opperpötter vaan t Riek vaan Mergraotee Iere kletskesdrinker vaan t preuflokaal t Bat Ambassadeur vaan alle commentatore langs de lijn vaan MVV en VV Sjaan Chevalier vaan de geknakden haon vaan de Juniorkamer Mestreech Internationaal Protecteur vaan de Mestreechter Vastelaovend 8

9 De Kanselarijraod Dees kemissie waak euver t protocol. Zier wiechteg is t oetzeuke vaan ne kandidaot veur t prinssjap, de rangatie vaan alle bezeukskes die daan gebrach weure en de medaajes die oetgereik weure. De Kanselarijraod (ouch wel KARA geneump) heet aofgeloupe sezoen oonder leiing gestande vaan ne nuie veurzitter: Tempeleer Roland Dear en dee laote v r hei aon t woord. Roland is vaanaof mei 2012 veurzitter vaan Kara. Heer vertèlt euver n aontal oontwikkelinge in zien kemissie, boe-oonder personeel wisselinge. Zoe heet eine vaan de kemissielede aofsjeid genome es Tempeleer en is de vreugere sikkertaris-ginneraol Luc Schoonbrood in dees functie opgevolg door Nico Kempeners. Dee is in november dit jaor 22 jaor Tempeleer. Heer heet groete ervaring es kretser, heet väöl kontakte en is bekind mèt de materie. Dao zien veer dus hiel blij mèt. Eus kemissie is vaan zeve nao zès lede gegaange. Prima, want veer wèlle t gere zoe klein meugelek hawwe. Wel geve veer alle kemissies de ruimte um bepaolde zakes te bespreke. Wijer höbbe veer d n aofgeloupen tied naogedach euver t werve vaan de prinsekandidaote. t Formuleer daoveur bleek erg laank en oetgebreid; d r woort teväöl in gevraog. t Nui formuleer is nog mer twie A4kes (in plaots vaan veer). Dat maak t opgeve dus gemekeleker. Daoneve kint me t formuleer neet allein ophole en downloade, meh is t ouch twie kier geplaots in De Ster. n Importante functie vaan eus kemissie is t good planne vaan de bezeuke vaan de stadsprins. Jummers, väöl lui en instèllinge zien de prins gere op bezeuk koume. Veer vaan euze kant wèlle de lui die veer bezeuke op de zjuste meneer coiffere via t oetreike vaan ordes en knuipkes. Roland besjrijf ouch n aander oontwikkeling: Euver de Kanselarijraod hóng ne sfeer van mystiek. Es al mystiek nudeg is, daan betröf dat allein de stadsprins. Veur de res is d r niks mystieks aon. D r is gewèrk aon t vergroete vaan de opeheid. Veer stoon ope veur veranderinge en zien neet wars vaan verbeteringe, meh veer wake wel euver t protocol. Dit protocol dat steit in n apaart book - umvat regels euver zakes zoe-es: wie gedrage veer us bij diverse gelegehede. Ouch zien hei-in aofspräök vasgelag euver attribute, medaaljes, kleiaasj, de jaorvergadering (dao is Kara verantwoordelek veur), beneuminge vaan nui Tempeleers en netuurlek euver t aonzeuke vaan de nuie stadsprins. Wie dat lèste in zie werk geit? De naome vaan de opgegeve kandidaote koume op lieste die iers in de plenair vergadering (vaan alle Tempeleers) bekeke weure en daan in Kara wijer besproke weure. Daonao maak t zoegeheite Dreigestirn de definitief käös. In t protocol is ouch vasgelag boe de prinses bij moot zien, want in t speul heet zie ouch n bepaolde rol, eve los vaan privé. Momenteel riechte veer us op t koumend sezoen. Dat hèlt in: planninge make, bezeuke inplanne, de chauffeurs inseine en veural: de nuie prins oetzeuke. Es extra activiteit dit jaor hawwe veer ne workshop euver t protocol bij t oettrèkke: wie koume v r örges binne en wie en wienie saluere v r. Belangriek um dit op te frisse want oondertösse zien väöl nuie bij De Tempeleers gekoume. Ouch attendere veer drop: veer zien d r veur de lui en mote dus neet oonderein stoon te vergadere aon t bufèt. 9

10 De Sikkertaris-Ginneraol aon t woord. Es lid vaan de Kanselarijraod huurt t tot de taak vaan de Sikkertaris-Ginneraol um alle aonvraoge um de Stadsprins op bezeuk te mage oontvaange in gooj baone te leie. En euveral boe de Stadsprins geit goon altied n aontal Tempeleers mèt häöm mèt. Dit hèlt in tot de Sikkertaris-Ginneraol neet allein alle bezeuke in sjema s moot verwèrke meh ouch tot taak heet um ederen daag/aovend nen Tempeleersploog paraat te höbbe. In t veursezoen (de periood véúr t Oetrope) zien De Tempeleers zoe n 20 kier oetgetrokke. Vaanaof t momint vaan Oetrope op de Merret tot t Inhole op Vastelaovendszaoterdag weure alle daog bezeuke aofgelag. Aofgeloupe sezoen heet Prins Oscar I oongeveer 150 bezeuke aofgelag. Zoe waor heer o.a. present bij versjèllende dames-, seniore- en aander zittinge, studentebijeinkomste, hospitaol, bejaorde en verzörgingstehoezer. bij eus eige activiteite zoe wie t Gala- Prinsebal, de Steunpileremiddag en aander sponsorbijeinkomste, de installatie vaan nui Kachelpiepers en wèrkbezeuke aon de versjèllende kemissies binne eus organisatie. En euveral boe e bezeuk woort aofgelag woorte blieke vaan waardering achtergelaote in de vörm vaan n sjieke Vastelaovendsoondersjeiing. Um uuch e beeld te sjetse um wieväöl medaaljes dat góng volg oonderstaond n specificatie: 2911 Prinseknuipkes 255 kindermedaaljes Vaan de Prinse-orde t Stumpke woorte 1288 exemplare oetgegeve Vaan De Tempeleers-orde t Nejkiske woorte 1142 medaaljes oetgegeve in de gradaties ridder, officeer, kommandeur en groet-officeer. In totaal gaof de Stadsprins dus 5596 oondersjeiinge oet in zien regeerperiood. Ouch de kinder woorte neet vergete: Prins en Tempeleers bezeukde e groet aontal jäögsportvereineginge, kindervastelaovendsvereineginge en sjaole. De wiek- en cafévereineginge woorte ouch mèt e bezeuk verierd. Netuurlek waor de Stadsprins ouch present 10

11 De P.R.-kemissie twitter volgers facebook heet likes website kier bezoch facebook heet vrundsjes Aon t woord zien börgermètwèrker Rob Christiaans en de veurzitter, teves oetbelder, Tempeleer Guy Bannier. Zie geve aon content trök te kieke op t aofgeloupe jaor. De P.R.-kemissie heet e beleidsplan en n jaorplanning. Dat is de leidraod veur d n aonpak vaan hun activiteite. Oetgaangspunt is um alle eveneminte en t speul vaan de Vastelaovend zoe good meugelek oonder de aondach vaan de lui te bringe. Dat gebäört door de media in te sjakele, de website en de social media good te gebruke. good samegewèrk mèt L1 en de NOS, die op Vastelaovendszoondag n live-oetzending verzörg höbbe vaanoet Mestreech. Eus stad heet ziech sjoen en good kinne prizzentere. De website is kier bezeuk, Facebook Tempeleers heet likes, Facebook Stadsprins Mestreech heet vrundsjes, Twitter Tempeleers volgers en Twitter Stadsprins Mestreech 474 volgers. Enthousias vertèlt Guy wie heer de kontakte mèt de media oonderhèlt, boedoor d r de lèste jaore n fijn en ope samewèrking is oontstande. En dat neet allein mèt Dagblad De Limburger, meh ouch mèt RTV Mestreech, AenC Media en de aander media. De infopagina s in De Ster zien gewoen neet mie weg te dinke en daodoor kinne veer behuurlek get informatie geve euver wat d r späölt en wie de eveneminte zien georganiseerd. Zoe wèlle veer de Mestreechtenere oetnudege mèt te doen aon dees eveneminte. Aofgeloupe sezoen zien d r 8 pagina s oetgebrach. Koumend jaor perbere veer nog mie inziech te geve in wat d r achter de sjerme gebäört en wie de organisatie vaan de Mestreechter Vastelaovend inein stik. Dat wèlle veer ouch goon doen mèt n aontal fèlmkes die veer op eus eige site goon plaotse. Aofgeloupe jaor heet beweze tot die leuk en good oontvaange zien. Dus goon veer mèt de lede vaan eus kemissie heimèt wijer. Mèt Vastelaovend höbbe veer veur d n ierste kier ouch 11

12 12 D r koume gelökkeg genóg reacties op de site. Dao kinne veer ouch get mèt. Neet allein ter verbetering, meh ouch ten aonzeen vaan al eus eveneminte. Communicere mèt de leefhöbbers vaan de Vastelaovend is zier belangriek, zeet Guy. Sjik daorum eur reacties of wat geer kwiet wèlt nao: info@tempeleers.nl Guy: Netuurlek waore d r ouch eveneminte die neet good zien gegaange. t Fies vaan Vrouw Wielemösj waor ech teleurstèllend. Veer höbbe toch neet alle studentevereineginge en hun lede hei-in enthousias kinne kriege. Nao twie jaor nen aanderen opzat gedoon te höbbe, dee good waor euvergekoume, veel dit jaor de belangstèlling hiel erg tege. Veer vraoge us daan ouch aof of veer heimèt wijer mote goon. Daorum is kontak gezeuk mèt alle studentevereineginge um te bespreke wat veer veurein kinne beteikene. Studente hure bij Mestreech en veer wèlle hun toch gere laote preuve aon en laote kinnesmake mèt de Mestreechter Vastelaovend. De koumende maonde zal dudelek weure wie veer dit in 2014 goon doen. D r weurt noe gedach aon t organisere vaan e studentegala same mèt de studentevereiniginge Um euver t magazine D n Tempeleer get leech te laote sjijne, dao is Rob d n aongeweze persoen veur. Heer heet de beslote besprekinge vaan t geheim sjrijverscollectief gerangeerd en wèlt dao, oondaanks de geheimhawwing, bès get euver kwiet.

13 Rob: Veurop steit tot D n Tempeleer n carnevaleske productie is, bedoeld um te ammezere en te toeke. V r numme situaties en lui op d n hak (veural in börgemeisters en wèthawwers zien veer sterk), meh t is noets koed gemeind. D r is altied wel d n einen of aanderen Tempeleer dee ziech demèt bemeujt, meh de complete redactie weurt gedoon door oongeveer 12 gewoen börgers. Nou jeh, gewoen... ze mote wel get mie weite es aandere en humoristisch kinne sjrieve, teikene, vörmgeve of fotoshoppe en zoe mie. Erg leuk um te doen. Veur n nui oetgaof koume v r drei kier bijein. Iers um te brainstörme en later um de zakes oet te wèrke en aonein veur te lègke. Veurwat of dat allemaol in t geniep moot? Dat heet te make mèt de maotsjappeleke posities vaan de mètwèrkers. Die mage neet lije oonder t informere vaan en sjrieve veur D n Tempeleer. Zelfs de stadsprins krijg hun snoetse allein mer eve te zien um n medaalje op te spaange. In 2012 versjijnde t blaad veur d n ierste kier neet mie es gezèt, meh es magazine. Dat is zier good gevalle bij lezers en adverteerders en iech vreet ne bessem es D n Tempeleer in 2014 neet dikker weurt es in de aofgeloupe jaore. Tot slot vertèlle Rob en Guy de speerpunte vaan de P.R.-kemssie veur koumend jaor: doorgoon mèt wat good is gegaange, de kontakte mèt de studente oonder de loep numme, miejer gebruuk make vaan fèlmkes op de site en samewèrke mèt de oonlangs opgeriechde kemissie marketing um t produk Vastelaovend nog mie oonder de aondach te bringe. Ouch bewake veer d n hoesstijl en bevordere veer t imago vaan De Tempeleers. Dat lèste veural door glaashelder te zien, door zoeväöl wie meugelek informatie te geve aon ederein en door in hart en ziel de Mestreechter Vastelaovend oet te drage. 13

14 De Kemissie Binnegebäöre Alle eveneminte die binne georganiseerd weure valle oonder dees kemissie. Dat zien: de zittinge Kaffee De Zeuten Inval de Kindereveneminte wie: JäögPrinseTreffe Kinderfies Vastelaovendsexpositie in t azm t sjaolebezeuk t Gala-Prinsebal Ginneraol rippetitie veur de Vastelaovend, De Nostallegasie t sere vaan alle locaties boe De Tempeleers get georganiseerd höbbe door de Kemissie Techniek Binnegebäöre (KTB) 14 de van Weijer v Patrick Roel Janssen Aon t woord zien vaan dees Kemissie Binnegebäöre Tempeleer Patrick van de Weijer en Börgermètwèrker Roel Janssen. Praote mèt Roel Janssen is ervare wat de ploog vaan de KTB mèt naome deit. KTB steit veur Kemissie Techniek Binnegebäöre. Wee kint ze neet? De jonges die mèt ne sjoenen aonhangwagel, verseerd mèt t logo vaan De Tempeleers door de stad kretse um versjèllende locaties te sere. Zoe n 10 vrijwèllegers allemaol in sjoen zwarte jasse en trieko s mèt op d n achterkant KTB. Och, zeet Roel, veer hure wel ns get. Zeet geer de Keuninkleke Tempeleers Boond of zeet geer vaan de geheim KGB oet Mestreech? Este zoe de zaole geis sere koume die opmèrkinge en dao goon veer lachentere mèt um. Väöl lui in Mestreech weite neet wat de KTB deit. Roel gief oetlègk: Veer beginne in november te bespreke wie veer koumend sezoen de verseringe wèlle goon doen. D r weurt e plan oetgedach. In november sere veer de Redót veur de jaorvergadering. Drei daog veur t oetrope vaan de nuie stadsprins goon veer de Platte Zaol sere en de Groete Sociëteit. De Platte Zaol is de locatie boe v r veer weke de zittinge Kaffee De Zeuten Inval versjèllende activiteite in höbbe. Dus dat moot good en sjiek gebäöre en t is ouch bès väöl werk. Wel kriege veer hölp vaan hölptroepe, ouch vrijwèllegers die e werm hart höbbe veur de Mestreechter Vastelaovend. Wèt geer tot veer ruim 6000 ballonne opbloze um dee zaol te sere? Daoneve sere veer Sofa veur t prommenaaddiner Sofa aon de Maos, hotèl Crowne Plaza veur t Gala-Prinsebal, t Château Neercanne veur de sponsoraovend, t Grand Café Mestreech Soiron aon t Vriethof veur de prizzentatie vaan D n Tempeleer, Klevarie veur de Klevariezitting op donderdag veur carneval, de Redót weer veur de receptie op zaoterdag veur carnaval en teves ouch veur de Vastelaovendsdaog en daan ouch nog n aontal locaties boe klein intern activiteite zien gerelateerd aon De Tempeleers. En boete t sere mage JäögPrinseTreffe

15 Roel vervolg: Aofgeloupe jaor höbbe veer bij t Gala-Prinsebal veur d n ierste kier gebruuk mage make vaan decorwande mèt de deuk vaan Chrit Rousseau. Dat waor e groet succes en op dees meneer kinne veer väöl gemekeleker zaole en ruimtes goon sere. t Zuut väöl sjoender oet, heet cachèt. Is toch geweldeg tot Chrit us, De Tempeleers en zoe de Mestreechter Vastelaovend oondersteunt. Roel en alle mètwèrkers vaan de seerploog en KTB, bedaank. Veer geluive tot de mieste lui neet wiste wieväöl werk geer verzèt. Chapeau! AZM Patrick van de Weijer heet zien hart verpand aon de Kinderkemissie. Heer coördineert dees gedreve en actief subkemissie vaan de Kemissie Binnegebäöre die zoe n tien börgermètwèrkers tèlt. Heer maak sinds 2009 dao es Tempeleer deil vaan oet, direk nao zie prinssjap. Veur deen tied waor heer al es börgermètwèrker actief. Ein dingk wèt heer hiel zeker: de kinderactiviteite zien t aofgeloupe sezoen hiel succesvol gewees en woorte drök bezeuk. Ouch höbbe weer väöl sjaole mètgedoon mèt de Kinderknutselexpo in t azm. Dat waor vreuger nogal competitiegeriech, meh t westrijdillemint höbbe veer ingeperk. Kinderfies 15 veer ouch weer alles opruime. Dat kos tied en daorum numme ouch versjèllende vaan us altied e paar daog vrij um dit te kinne doen, want t sere en opruime gebäört euverdaag. Veer zien es KTB de weke veur de Vastelaovend steeds paraat um te oondersteune boe gevraog weurt.

16 Mètdoen (bezeg zien mèt Vastelaovend, wèrke in sjaolverband en door leuke creaties get beteikene veur kraanke en aander lui) is veurnaomer es winne. Veer stimulere wel, meh neet mie mèt groete prijze. De mètwèrking vaan t hospitaol is trouwens hiel fijn. Koumend jaor wèlle veer get interactiefs doen same mèt Bert Buis TV. De kinder op de aofdeilinge, die dèks tösse wal en sjeep valle, perbere veer zoe miejer debij te betrèkke. Interviews Klevarie Erg succesvol is t treffe vaan de jäögprinse. Dat is al jaore zoe. Hei zuut me good tot de Vastelaovend ech leef in de wieke. D n opzat is sumpel: nao ne cortège door de stad, mèt n aontal zate hermeniekes, koume de kinder aon bij de Platte Zaol. Dao numme ze plaots aon lang taofele en verzörg eder vereineging n optrejje. Veer dinke trouwens dreuver um ouch jäögvastelaovendsgróppe vaan clubs te goon touwlaote. De Poetezitting vaan de Bataviere op t Vriethof neump Patrick e groet succes. Hei waor t femilie- en gezinsgehalte hiel groet. Dit spektakel zal zeker allein nog groeter weure. Meh de aander podia (zoewie veureg jaor bij de roed-geel-greune luiper) zalle koume te vervalle. Veer zien evels in aofwachting vaan n nui invölling vaan de maondag en aofhaankelek heivaan is d r welliech ouch n rol weggelag veur de Kinderkemissie. Tot slot zeuke veer, same mèt lui oet t oonderwies, nao leuke en passende activiteite veur jäög tösse 12 en 16 jaor. Dinkelek geit zoeget plaotsvinde in d n tied veur de Vastelaovend zelf. Koumend jaor weurt hei wijer euver naogedach. 16 t Kinderfies trok in 2013 väöl volk. Mesjiens umtot veer nen eige poster hadde of doortot ziech heet roondgesproke wie leuk, gemoedelek en gezèlleg dit fies is. D r waore opvallend väöl nui geziechte. Hopelek koume die lui volgend jaor weer. Jaorvergadering Zaate Hermeniekse

17 Gala-Prinsebal Mestreechter Sjaole LSO 17 Nostallegasie

18 De Financieel Kemissie Dees kemissie heet de zwoer taak um eder jaor de nudege middele bijein te kriege um alle activiteite good te kinne organisere. En dat is beslis neet gemekelek. Meh daankzij de steun vaan de middestand, sponsore, adverteerders en sympathisante is dit veur e groet gedeilte gelök. Oonder dees kemissie valle de organisaties vaan: Prommenaad-diner Sofa aon de Maos D n Trósjer Gala-Sponsoraovend op Château Neercanne De Steunpilere De advertenties veur t magazine D n Tempeleer De particuleer actie t Wienprojek 2013 De Börgermètwèrkers Jo Bosch, Ton Schoenmaeckers, Emile Meuwissen en Imgriet Habets loere trök op t aofgeloupe sezoen en geve hun visie op de touwkoms. Imgriet Habets Img Jo Bosch Dat geit neet vaanzelf en kos meujte, zeker in dizzen tied höbbe zie dat ervare. Same geve zie dit ouch aon: Vreuger waor D n Tempeleer in gezètteformaat, de aofgeloupe twie jaor in de vörm vaan e magazine. Dat heet eve get aonpassinge gekos, meh mèt de professioneel en creatief oondersteuning vaan A en C Media is dit good gegaange. Veer perbere eder jaor ne greuj in advertenties te realisere. Veer beginne op 11 november en twie weke veur de prizzentatie vaan t magazine moot alles klaor zien. Veer goon bekans al die weke edere goonsdag en vriedag op paad. Bij d n opmaak goon veer ouch kieke en bekieke of veer advertenties bijein kinne plaotse; e soort thema-pagina s. t Is neet hiel lesteg um advertenties te verkoupe, want t is veur n gooj zaak De Mestreechter Vastelaovend en dao wèlle de adverteerders nog bès aon mètwèrke. Koumend jaar streve veer n hoeg doel nao, nog mie umzat en nog mie opbrings veur de organisatie vaan de Vastelaovend. Die lui euverhole die tot noe touw neet mètdoge. Zeker noe bliek wie lesteg t is um alles roond te kriege. Nui initiatieve, wie de deuk vaan Chrit Rousseau kinne us ne goojen impuls geve. Veer hope nog miejer advertenties te verkoupe en tot t magazine d r nog beter geit oetzien en zoe nen oonmisbare sjakel weurt in de bevordering vaan de Mestreechter cultuur. Dao goon veer veur. ne Groete merci aon Emile, Zoé en Imgriet is op zien plaots. Zoé Veugen To Ton Schoenmaeckers T 18 Emile Meuwissen Imgriet, Zoé en Emile verzörge al n aontal jaore de acquisitie veur t magazine D n Tempeleer. Zie goon op paad, numme kontak op mèt bedrieve, zake en instèllinge en make same mèt hun n sjoen advertentie veur D n Tempeleer.

19 Sofa Steunpilere De steunpilere zien nen oonmisbare sjakel in t verwerve vaan financieel middele binne De Tempeleers-organisatie. Dees subkemissie vaan de Financieel Kemissie besteit t oet d n Tempeleer Richard Jongen en de börgermètwèrkers èrkers Ton Schoenmaeckers en Jo Bosch. Al zoe n 25 jaor zien die twie lèste de kaartrèkkers vaan dees subkemissie. En t is e genot um nao hun verhaol te luustere. Ton en Jo vertèlle vol enthousiasme wie zie te werk goon. Ton verzamelt de lies vaan alle steunpilere, verwèrk ze en sjik deze door nao de kretser vaan De Tempeleers dee daan dees lies bekiek en alle mutaties verwèrk. Zie zien daan zoegezag up to date. De lies vaan steunpilere bevat oongeveer 180 naome. Roond de Keers sjikke ze n sjoene breef nao alle steunpilere. Hei-in weurt oetgelag wat d r binne de vereineging späölt en vraoge ze of me weer bereid is um de Mestreechter Vastelaovend te oondersteune middels t koupe vaan n steunpilere-plaquèt à raison vaan 59,55. Miestal reageert daan al mie es 50% positief hei-op. Roond t oetrope vaan de nuien Hoeglöstegheid pakke ze de lies weer debij en goon Ton en Jo de aander lui nog ns belle en vraoge of zie steunpileer wèlle blieve. De lèste jaore is t aontal steunpilere roond de 180 gebleve. Nao t oetrope geit Jo op paad en zeuk kontak mèt n duuster geval (miestal ne bekinde roontelum de nuien Hoeglöstegheid). Mie wèlle ze dao neet euver kwiet want dat moot toch e bitteke t mysterie vaan de steunpilere- kemissie blieve. 19

20 Ton en Jo praote mèt väöl plezeer euver de käös vaan de aofbeelding op de steunpilereplaquèt. Dat moot altied ne persoen of gróp zien dee get beteikend heet veur de Mestreechter Vastelaovend. Aofgeloupe jaor waor dit n hommaasj aon Lenie Menten. De steunpilere zien zier vergöld mèt die plaquètte, die e riechteg collectors-item zien gewore. De teikening vaan de plaquèt weurt iers gemaak, daan volg de le oetveuring. De teikening weurt vergroet en nao t maggezijn gebrach. Dao weurt e sjoen sjèlderij devaan gemaak dat op de steunpileremiddag bij opbod weurt verkoch. Dee middag is altied gezèlleg en Ton en Jo vinde tot dit ouch ne sjoene, sjieke middag moot blieve mèt cachèt. D n Hoeglöstegheid gief op deze middag de plaquèt aon de steunpilere en die oontvaange dat gere es bliek vaan waardering veur hunne financiële steun. De twie hiere vinde wel tot de stadsprins eigelek de ganse middag dao zouw mote zien. Ouch waardere zie t alletwie tot d r Belzje zustervereineginge zien, oet Toongere en Hasselt. Daorum is t, volges Ton en Jo, belangriek tot d r genóg Tempeleers present zien op dee middag, zoewel es waardering nao de steunpilere es veur t oonderhawwe vaan de band mèt de gaste. Zie verheuge ziech op koumend sezoen, boe-in de plaquèt e sjoen kunswerk geit weure mèt n aofbeelding vaan Chrit Rousseau. Veer mage gruuts zien op dees enthousiaste börgermètwèrkers, die ziech al jaore inzètte binne de financieel kemissie um geld binne te kriege veur de Mestreechter Vastelaovend. Chapeau! 20

21 De Machseuverdrach Vol spanning zaot hiel Mestreech op zaoterdag veur Vastelaovend of thoes veur d n TV of in t Stadhoes. Wie zouw t goon, wie geit de nuien otoriteitentoeker Norbert Frijns ziech prizzentere? Nao 15 jaor Jan Janssen beslis gein sinecure. Meh wie de gezèt sjreef: Norbert maakde ne groeten indrök bij zie debuut en de traditie is verzekerd. Humorvol, sjerp en vilein. Heer sleit die vaan us um de oere of heer gaar neet aanders geweend is. Neve dit sterk debuut vaan Norbert waor d r netuurlek ouch t optrejje vaan börgemeister Onno Hoes. Heer weurt eder jaor sterker en wèt bezunder humoristisch um te goon mèt de actualiteit. Nao de hommaasj aon t Mooswief waor Prins Oscar I klaor um de mach veur drei daog te goon euvernumme vaan Die vaan us. Daoveur woort de nuie Sirremoniemeister Norbert Frijns in stèlling gebrach. De 1 ste runde waor, wie gebrukelek, veur de börgemeister dee o.a. de aonstaonde troenswisseling vergeliekde met z n eige tijdelek tröktrejje tijdens de Vastelaovend. Wijer leet heer de bestuurscrisis binne de Staar neet oonbeneump um daobij, tot verrassing vaan ederein, vervolges t compleet Staarkoer zingentere d n draak te laote steke met hun eige draankmisbruuk. Mestreech Cultureel Hoofstad 2018 en de kwestie Hoen/Winterland bleve ouch neet oonbesproke. De börgemeister scoorde vervolges mèt de opmèrking of Prins Oscar eine vaan us (Mestreechteneer) waor of eine vaan Oss (z n werkeleke geboorteplaots). Volges de börgemeister maakde t in feite neet väöl oet, oet eige ervaring wis heer te vertèlle tot t neet oetmaakde ofste noe wel of neet hei gebore bis, este einen daag hei bis, weurste al opgenome in de wermte vaan Mestreech. Mèt ne Mestreeechsen teks op de melodie vaan t Braobants Volksleed sloot heer z n 1 ste runde aof um Norbert Frijns de gelegeheid te geve ziech te bewieze es de nuien otoriteitentoeker. Nouw en dat heet de börgemeister geweite...! Mèt de nudege flair wis de nuien otoriteitentoeker n machseuverdrach in eige stijl mèt originelen humor, n gezon poortie lef en e prima tempo deneer te zètte. Iezersterk waor z ne binnekoumer euver t stópzitte in de Rechstraot, gevolg door t op n cabareteske meneer tege t leech hawwe vaan de wietpas met daobij de hilarische opmèrking tot sinds de inveuring vaan de wietpas de Franse nómmerplate zjus zoe zeldzaam zien gewore in Mestreech es nen dröppel zweit op de väörkop vaan ne wèthawwer. Volges d n otoriteitentoeker waor d r in t aofgeloupe jaor zoeväöl gebäörd in Mestreech tot t eigelek oondoenlek waor um n käös te make: de neptute-affair, muzikaol vertolk mèt t leedsje mien drektuut die is naomaak ; de verhuizing vaan drei woenwagele; de openingsprobleme met t nui zwumbad en n aontal prominente die um oeteinloupende reie neet waore koume opdage. Norbert Frijns kraog n terechte staonde ovatie veur z n ierste optrejje. De börgemeister kós, traditiegetrouw, neet aanders es beröste in t oonvermijdeleke: t euverdrage vaan de mach aon de Stadsprins door middel vaan t oetreike vaan de scepter en de stadssleutel. Wie gebrukelek woorte de prominente en die vaan us verkleid um aonsletend in de Collegekamer d n Iere-wien te drinke. 21

22 De Kemissie Boetegebäöre Dees kemissie is verantwoordelek veur de organisatie vaan alle eveneminte die boete gebäöre. Dat zien: t oetrope vaan de nuien Hoeglöstegheid t inhole op zaoterdag veur carneval de activiteite tijdens de Vastelaovendsdaog, insjete, de groeten optoch, de femiliedaag, t zate hermeniekesconcours en t slot op dinsdagaovend t beheer vaan t maggezijn Euver n aontal zakes vaan dees kemissie laote veer De Tempeleers Han van Trier en Pol Feron aon t woord. kaom t plan um podia debij te doen. Meh dat bleek lesteg same te goon: lui oet de cortège trèkke en op e podium zètte. Die kriege daan te wieneg aondach. Ouch kraoge veer te hure tot wagelebouwers hun creatie miejer es eine kier wouwe gebruke. Dus gónge ze nao optochte in de boetewieke. Binne De Tempeleers is ein en aander netuurlek besproke en beslote is noe tot d r gein podia mie zalle zien. Behalve op t ind boe veer same mèt de Bataviere de Boetegewoen Poetezitting hawwe op de Vriethof. Dat is zoewiezoe n zier wierdege aofsleting vaan de maondagmiddag. Han vint t veurnaom um de maondag weer op de rit te kriege: Zoetot ederein enthousias weurt en weer mèt geit doen of kump kieke. Veer dinke in de riechting vaan de vreugere Femilieoptoch. Meh de zjuste invölling zal gaw bekind gemaak weure. Han van Trier an Pol Feron Han van Trier drejt neet drumheen: Veer worstele mèt de invölling vaan de maondag. t Idee vaan ne stoet zoonder gemotoriseerd verkier kump deils vaan t jaor tot t zoe glad waor en gein wagele in de cortège woorte touwgelaote. Dat waor bès aordeg, want d r waor väöl kontak mèt de lui langs de kant en mèt de gróppe. Toen 22

23 23

24 Wat de euverege zakes betröf die oonder de Kemissie Boetegebäöre valle liet Han weite content te zien. Organisatorisch verleep alles prima. Oetrope, inhole en concours gónge volges vas pandoer. Op de zoondag is t miestal chaos bij de opstèlplaotse, meh jeh, dat is hei normaal. De NOS en L1 waore in eder geval hiel content euver t verloup vaan de groete cortège. De stoet kaom get laat binne, wat jaomer is umtot ouch de lèste deilnummers rech op aondach höbbe. Meh bijnao alles waor op TV Mestreech te zien. De opstopping bij de Vriethof is minder leuk (sommige wiete dat draon tot ederein ziech aon de Stadsprins wèlt prizzentere), meh Han nump dat min of mie veur leef. Die interactie mèt de prins heet wel get. En veur de prins is t zeker leuker es vreuger wie heer hoeg op de prinsewagel stoont op de vertrèkplaots. En Han zelf? Dee geit op ziene vrijen daag, d n dinsdag, mèt vrouw en dochter op stap mèt de zate hermenie Dao zien ze toch (oet Heugem). 24 Pol Feron is d n innege bij De Tempeleers die ziech directeur maag numme. Dat beteikent neet tot heer miejer te zègke heet es de aandere. Nein, t is e soort ieretitel veur d n Tempeleer dee verantwoordelek is veur t Stadsmaggezijn. Hei weure spölle en mattriaole opgeslage en bewaord, meh d r weurt ouch t nudege gemaak en gerippereerd. Beveurbeeld: de attribute en de kleiaasj die in de stoet vaan t oetrope gebruuk weure (in 2013 roond t thema vaan t Nejkiske vaan Vrouw Verzjevé). Meh ouch de sterk vergruutde versie vaan De Tempeleersmedaalje achterop de wagel vaan de Groeten Oonbekinde en de kop dee heer dreug. En alles zoe low budget wie meugelek. Dat gebäört oonder leiing vaan beheerder Pierre Dassen. Vaan begin november tot Haafvaste is heer bekans edere wèrkdaag in t maggezijn te vinde. De ploog besteit oet oongeveer 16 börgermètwèrkers die ach versjèllende ambachte en disciplines vertegewoordege. Same doen zie dao alles, stèlt Pol. Vaan attribute, decorstökke en zaolversering verzörge veur diverse activiteite,

25 tot t gereidmake, oetliene en verheure vaan kleiaasj, vermomminge, maskes, standbeelde en póppe aon de eige kemissies, meh ouch aon t hospitaol, bejaordehoezer, zaole, kaffees of t Stadhoes. De lui vaan t maggezijn zörge wijer veur de Prinsewagel en de versering en aonstraoling vaan t Prinselek Pelies (en ze helpe desgewins naobers mèt verseringe en attribute). En op d n donderdag nao Vastelaovend weure alle spölle trökgehaold of oontvaange, naogeloerd, eventueel gemaak en secuur opgeborge. Ouch brik ne gróp de verseringe bij t Prinselek Pelies aof. Alle rollend mattrieel weurt gestald bij Sappi. De lui vaan de Kemissie Boetegebäöre zien actief bij al wat ziech in de ope loch aofspäölt. Oonder mie: hèkke oetzètte langs de rót, de cortèges mèt begeleie, podia en attribute plaotse, geluid, levende en mechanische meziek regele boe dat nudeg is, insjriefaovende hawwe, gróppe advisere, en ouch: käöre vaan alles wat mètrijt op veilegheid. 25 Bij t hermeniekesconcours, dat ech woer - verlöp via strakke drejbeuk, deit Pol zelf de regie op t plein ( t Vriethof), same mèt zien rechterhand Frans-Jozef Jansen en oonder supervisie vaan Tempeleer Hans Linnemann. Dit ludiek evenemint ligk häöm aon t hart. Daorum kint heer noe en daan zier gemeind oetrope: Kom neet aon de zate hermeniekes!

26 De Vastelaovendsdaog t Waor kaajd, meh gelökkeg druug en väöl lui trokke nao de Vriethof um t insjete vaan de Vastelaovend mèt te make. Veuraof waor bij Zienen Hoegen Hoeglöstegheid Prins Oscar I de Prinseleke veendel oetgehaange en voont d r n zier bezunder polonaise plaots: door de stadsbös die dao touwvalleg aonkaom. De chauffeur wis neet wat häöm euverkaom. Op t Vriethof bleek t Mooswief t dit kier lesteg te höbbe, de kabels waore gebroke en door gaw mèt nen hoegwèrker te koume woort dit euvel verholpe. Nao de èlf sjeut waor de Vastelaovend officieel begós. 26 Massaal trok t Vastelaovendvierend volk vaan Mestreech door de straote veur de groeten optoch. Noe veur d n ierste kier ouch te zien op L1 en in n samevatting bij de NOS. De femiliedaag (oftewel de Roed-geel-greune luiper) brach toch neet wat verwach waor. Mesjiens ouch door de kaw, meh de aw rót woort door väöl deilnummers geloupe, terwijl de podia toch neet zoeväöl klein en groete lui trokke. Meh op t Vriethof waor t éi groet fies. De Boetegewoen Poetezitting, same mèt de Bataviere georganiseerd, bleek obbenuits e succes te zien. Vastelaovendsdinsdag stoont wie gebrukelek in t teike vaan de zate hermeniekes. Weer zoe n 50 hermeniekes höbbe ziech laote hure in de versjèllende locaties en netuurlek op t Vriethof veur de zier deskundege jury, want de moos wel get in hoes höbbe um alle hermeniekes d n ierste pries te kinne geve. De aofsleting op dinsdagaovend waor pakkend. Hiel väöl volk, vuurwerk, traone en emoties bij t aofsjeid vaan Prins Oscar I en zie gezin. ne Geweldege Prins waor Mestreech veurgegaange in dees sjoen daog. nen Oprechte merci aon Prins Oscar waor op z n plaots en heer woort nog ns door doezende lui touwgezoonge. Vastelaovend 2013 waor weer veurbij. t Waor ne sjoene Vastelaovend gewees.

27 27

28 De prinseleke käös E nui illemint in dit jaorverslaag is de prinseleke käös. Veer höbbe aajd-prins Oscar I gevraog um oet de doezende foto s die heer heet gekrege zien zier persoeneleke käös te make door 11 foto s te selèctere en kort te besjrieve. Bij Licht & Liefde, ein vaan de väöl sjieke bezeukskes aon de lui die v r belaof höbbe langs te koume. ne Lach en n traon koume hei ech kort bijein. Dat is de Mestreechter Vastelaovend! Mien vrun vaan de JuniorKamer bij de Steunpileremiddag. Grandioos oontvangs! En sjiek wat ze us gebrach hobbe. 28 En daan is t dinsdag nao middernach, t Mooswief is nao oonder. Nog steeds mèt de manne die us die veer weke gedrage höbbe en mèt de manne die veur altied in eus Vastelaovendshart zitte. Bataviere bedaank, Kachelpiepers bedaank! Dit deit de Mestreechter Vastelaovend dus met t prinselek gezinneke! Tot op d n daag vaan vendaog genete veer nog ederen daag nao. Ze höbbe us gezag, geneet sjijfke veur sjijfke. Meh die weurs is nog altied neet op Bij ein vaan de maotsjappeleke projecte vaan eus-mvv-ke. Sjiek wie die kinder greuje. Get boe MVV Mestreech gruuts op maag zien.

29 E klein momintsje vaan rös, steunend op sjouwers vaan de lui die altied veur us dao waore en op z n mins bij us waore! Tempeleers Salu! Tsjeh... en daan weurt euze zoon prins vaan de Rateleerkes vaan Sjaan. Gruutser kóste papa en mama neet zien! Miene wèrkgever Cofely steunde us volledeg. Zeker naotot t exploitatiekontrak geteikend waor. Mèt-ein höbbe veer genote! Bedaank Mestreechter Vastelaovendsvierders! 29 Eder jaor al e sjevraoje-momint! En dit jaor netuurlek hielemaol. Lang leve Mestreech en lang leve de Mestreechter Vastelaovend! Wee is wee en wee heet wat?

30 De Kachelpiepers in t Sezoen Vaanaof november de start vaan t nui sezoen - verandert ouch nen houp in t leve vaan ne Kachelpieper. Vastelaovend is veur t Garderizzjemint t hoegtepunt vaan t jaor, d n tied boe e gans jaor nao touw weurt gewèrk. Boete de vekanties en fiesdaog weurt edere maondagaovend hel gewèrk aon de meziek en de exercitie. Nui figure en nui marsje weure ingestudeerd um weer good veur d n daag te koume. Meh roond d n èlfde maond begint toch e bitteke oonrös en gezon spanning op te koume. Zien veer veerdeg deveur, zal alles good goon? Achteraof kinne veer gelökkeg die vraoge mèt jao beantwoorde, liet veurzitter Charles Peeters weite. Vastelaovendsmaondag gestorve. Euzen daank en respek blieve nao häöm oetgoon. Nao d n iersten toer mèt Stadsprins Oscar d n Ierste en De Tempeleers door de straote vaan de binnestad waor de kop draof. De maondag nao t oetrope is veur eus korps ne fiesdaag. De Prins kump daan op bezeuk en maag nui Kachelpiepers installere. Allein de Prins maag t verdeend pluimke op t sjeepke steke. Corry Nicolaes, Denise Buytendijk (zjus, de dochter vaan Frans z.g.), Bèr Bastiaans, Pedro Brouner, Peter d Elfant, Eric Jeurissen, Wil Laeven en Ralf van Loo woorte opgenome in zien hoesgarde. Ouch krijg de Prins de gelegeheid ziech te bekwaome in t decorere door zoe n zesteg Kachelpiepers hun medaalje op te spange. Ouch zat Oscar d n Ierste euze zjubilaris Peter van der Eerden in t zönneke es daank veur zienen inzat veur De Kachelpiepers en väöl miejer in de aofgeloupe 33 jaor. Vaan zien collega s waor d r veur Peter ne sjoene kedo en ne plezerege fiesaovend. Bezunder waor ouch tot Beppie Kraft geïnstalleerd woort es besjermvrouw vaan de Kachelpiepers. ne Jaorelange werme vrundsjapsband woort zoe nog ns bezunder nao väöre gebrach. En daan goon veer, mèt prinsewachte, veendelwachte en optrejjes mèt t gans korps, op weeg nao de Vastelaovend. Hiel get ore steke De Kachelpiepers in hunnen hobby meh mèt e voldaon geveul weurt de Vastelaovend aofgeslote. 30 Bij de ierste optrejjes in de boetewieke weure de puntsjes nog ns op de i gezat, zoetot de Kachelpiepers op de zoondag vaan t oetrope aon t ech werk kinne beginne. En dat gebäört al zoe sinds In jannewarie heet nog n interview mèt ein vaan eus opriechters, Frans Pingen, in weekblaad De Ster gestande. Heer vertèlde, mèt väöl enthousiasme, euver de begintied vaan t regimint en eigelek mote veer constatere tot de ideeje vaan toen tot op d n daag vaan vendaog springlevend zien. Veer doen t veur de Prins, de Vastelaovend en eus stad. Zoe waor t ouch in t begin. Jaomer genóg is Frans Pingen op Aon de periferie vaan De Kachelpiepers woort aofgeloupe veurjaor Stiechting Steunfoonds Kachelpiepers in t leve gerope. E korps wie de Kachelpiepers in stand hawwe kos noe einmaol han vol geld. De stiechting heet ziech tot doel gestèld um de financiële basis veur t korps bijein te bringe. De ierste groete realisatie, zesteg nui uniformjasse, is oonderweeg.

31 In memoriam Boy Olivers 9 jannewarie 2013 Op 9 jannewarie kraoge v r iers e veroontröstend beriech tot Boy neet good gewore waor en nao t azm waor euvergebrach. Later op d n aovend kaom t tillefeunsje tot Boy gestorve waor. Heer is 76 jaor gewoorde. Volslage oontreddering veel us ten deil. nen Aimabele mins, wie Boy waor, woort us zoemer aofgenome. Wee Boy zag, zag Tempeleers. Jummers, 47 jaor laank waor heer lid vaan De Tempeleers. Boy waor n werm persoenlekheid en zier betrokke bij de Vastelaovend. In al die jaore tot Boy Tempeleer waor heet heer ziech op n mie es verdeensteleke meneer es Habsjaar, Sikkertaris-Ginneraol en lid vaan de Financieel Kemissie ingezat veur de Vastelaovend in t algemein en De Tempeleers in t bezunder. Daoneve wis heer nog tied vrij te make veur o.a. de cliënteraod vaan de Lenculenhof en maakde heer jaorelaank deil oet vaan de Stiechting t Graaf vaan Sint Servaos. Op 16 jannewarie höbbe v r in de St. Servaosbasiliek op n indrökwekkende meneer aofsjeid vaan Boy genome en häöm aonsletend nao z n lèste rösplaots begeleid op de algemein begraofplaots aon d n Toongerseweeg. Veur alles wat Boy veur us en veur Mestreech heet beteikend zien v r häöm väöl daank versjöldeg. Boy, v r höbbe diech in eus hart geslote en zalle diech noets vergete. Yvonne Hageman Detheux Veur us waor Yvonne veural de vrouw achter/neve Willy dee ziech jaorelaank es Tempeleer in versjèllende functies o.a. es Prizzedent-Tempeleer, verdeenstelek heet gemaak. Yvonne waor veur häöm veural steun en touwverlaot meh kós daoneve ouch zelf volop genete vaan de Vastelaovend. Bij Yvonne stoont de deur altied ope en waor n ederein altied vaan harte welkom. n Aontal jaore geleie woort Yvonne geconfronteerd met n slechter weurende gezoondheid meh toch bleef ze optimistisch en vol humor. Op 11 juli 2013 woort häör eerds leve op 93-jaorege leeftied be-eindeg en woort Yvonne weer vereineg met häöre Willy. 11 juli 2013 Evert-Jan Zelders Evert-Jan waor ne mins boe me neet um heen kós. Allein al vaanwege z n lengde waor heer neet te misse. Hiel get jaore höbbe v r daankbaar gebruuk mage make vaan ziene kinnes en zienen inzat veur de Mestreechter Vastelaovend. Heer waor lid vaan de Kemissie Binnegebäöre boe heer mèt naome de Kinderkemissie en de Kemissie Techniek Binnegebäöre oondersteunde. Evert-Jan waor de groeten animator vaan de kinderknutselwedstrijd of wie t allewijl hèt de Vastelaovendsexpositie in de sèrrehal vaan t hospitaol. n Vreiseleke krenkde lag häöm beperkinge op meh toch waor heer present bij de opening vaan zien expositie aofgeloupe Vastelaovend. Evert-Jan bedaank veur t väöl werk en dienen inzat veur de Vastelaovend september 2013

32 De Tempeleers 32 ( situatie vaan 11 nov tot 11 nov. 2013) Besjermhier Dhr. Onno Hoes Börgemeister vaan Mestreech Iere-Besjermhier Mr. Philip Houben Aajd-Börgemeister vaan Mestreech Iere-Tempeleer Funs Wolfs Protecteursraod Dhr. O. Hoes, veurzitter drs. L. Brans Brabant, vice-veurzitter drs. M.A.W. Cootjans mevr. M.L.H. Depondt-Olivers dhr. P. Doveren dhr. G. Gach sinds 25 oktober 2013 drs. G. Janssen dr. ir. J.G.M. de Jong mr. E.Q.F. Klomp drs. B.J.P. Mol dhr. M.M.J. Mourmans dhr. H. v.d. Pal Prof. Dr. L. Soete mr. E. de Vries Bestuur Henk de Jong, Prizzedent John Zeguers, Vice-Prizzedent Nico Kempeners, Kretser Han Hoogma, Habsjaar Roland Dear, vz. Kanselarijraod Henri Janssen, vz. Binnegebäöre Guy Bannier, vz. P.R.-kemissie / Oetbelder Maurice van Engelshoven, vz. Boetegebäöre Théon Kennis, vz. Fin. Kemissie Lede Bert Beenkens Jos Detisch Rob Dohmen, vice-veurzitter Kachelpiepers Pol Feron Wielie Fey Wim Fischer Marcel Franssen Norbert Frijns, Sirremoniemeister Jos Gordijn Jan Janssen Frits Jongen, medaaljesjatbewaorder Richard Jongen Willem Kroon Eric Lamberti Hans Linnemann Willy Massot Boy Olivers 9 jannewarie 2013 Frans de Rouw Victor Salentijn Luc Schoonbrood, Sikkertaris-Ginneraol tot juni 2013 Pie Steffens Han van Trier Jean Louis Tuinstra, tot juni 2013 Willy Verweij, Marchal-Funkeleer Patrick van de Weijer Raymond Willems De Organisatie Kemissie Boetegebäöre Maurice van Engelshoven, veurzitter Daniëlle Bollen-Berghmans Jos Detisch Pol Feron Han Hoogma Frans-Jozef Jansen Frans Leltz Hans Linnemann Jean Rossell Han van Trier Twajn Vermin Maggezijn Pol Feron, directeur Pierre Dassen, beheerder Frans Boesten Nico Borgignons Harrie Crapels Pedro Dassen Peter van der Eerden Jan Hameleers Roger Hameleers Ton van Hoof Harie Hul Frans-Jozef Jansen Michel Jungschleger Jean Lenaerts Ron Rammers Lucien Scharis Charles Walthie Kim Willems Kretserij/Archief Nico Kempeners, kretser Jopie Franssen Hans Hollanders, fotograaf Armand Peereboom

33 De Trèkkers Servé Meerten, veurzitter tot mei 2013 Raymond Bergmans Raymond Brands Ralf Caenen Hennie Coenen Jos Detisch Guido van Dijck Remy Frints Peter Gense Harrie Gulikers Peter Hendrikx, veurzitter sinds mei 2013 Herman Kersten Maurice Kertzman Jack van der Meulen John Munnichs François Pletsers Marcel Rassin Ralph Schrijnemakers Ed Strijp Peter Stroes Winnie Vrijens John Wagemans Marcel Zeegers Kanselarijraod Roland Dear, veurzitter Norbert Frijns, sirremoniemeister Jan Janssen, raodshier Frits Jongen, Medaaljesjatbewaorder Nico Kempeners, Sikkertaris-Ginneraol sinds aug Luc Schoonbrood, Sikkertaris-Ginneraol tot juni 2013 Jean-Louis Tuinstra, raodshier tot juni 2013 John Zeguers, vice-prizzedent Nico Brennert, chauffeur Prins Bèr Janssen, chauffeur Tempeleers t Garde-Rizzjemint de Kachelpiepers Kemissie Binnegebäöre Henri Janssen, veurzitter Guido Baartscheer Marion de Bont Gerda Botty-Prinse Roland Daems Fabienne Delnoy-Duchateau Rob Dohmen Rik van Engelshoven Noël Fabry Jasmijn Fischer Iris Franzen-Castro Jef Froijen Ursula Garnier Jos Gordijn Loes Hermanns Roel Janssen Charles de Jong Henk de Jong Marijke Kroon Willem Kroon Rens Lasoe Tiny Lasoe Ludo Mesters Patrick Muijtjens Susanne Muijtjens-Loontjens Lambert Nafzger Michel en Juliette Nafzger Mieke van der Nat Roger Niël Jef Persoon Marcel Spierts Huub Steves Ed Strijp Peter Stroes Kenneth Tan Frans Theunisz Vincent Vanderbroeck Frank Verhees Willy Verweij 33

34 Etienne Vroemen Henk Weerts Patrick van de Weijer Chris van Wunnik Evert-Jan Zelders 6 september 2013 P.R.-Kemissie Guy Bannier, veurzitter en oetbelder Iwan Bruijnzeels Rob Christiaans Maurice Coenen Yves Frissen tot juni 2013 Fernand Paulissen Armand Peereboom, sinds augustus 2013 Luc Reinards, sinds augustus 2013 Victor Salentijn Jean-Louis Tuinstra, tot juni 2013 Kemissie Gala Sponsor aovend Théon Kennis, veurzitter Henri Hochstenbag Eric Lamberti Marnix Postma Guido Quaden Luc Reinards Math Schoenmaeckers Servé Tillie Eugène Vingerhoeds Funs Wolfs Financieel Kemissie Théon Kennis, veurzitter Jo Bosch Wielie Fey Marcel Franssen Imgriet Habets Frits Jongen Richard Jongen Emile Meuwissen Boy Olivers 9 jannewarie 2013 Katja Rodts Frans de Rouw Ton Schoenmaeckers Gerard Slakhorst, Trósjer Zoé Veugen 34

35 Epiloog Es samestèllers hadde veer es doel um dit jaorverslaag ns aanders te prizzentere. Veer hope tot geer op dees meneer miejer ziech höb gekrege op de organisatie vaan de Vastelaovend en wat in de kemissies zoe-al gedoon weurt. Alles besjrieve, dat kós neet en waor ouch neet de bedoeling, zoewie tot geer hopelek zalt begriepe. Wel wouwe veer uuch laote zien wat De Tempeleers höbbe gedoon in t belang vaan de Mestreechter Vastelaovend en de gemeinsjap. Veer daanke alle kemissies veur hun mètwèrking. Mer veural hope veer tot geer de Vastelaovend vaan 2013 en t vijfde sezoen obbenuits höb mage beleve. In dit jaorverslaag loere v r neet allein trök, meh dörve veer ouch veuroet te kieke. Tije verandere en de Vastelaovend geit dao ouch in mèt. Zoe höbbe veer op euze studiedaag in aprèl mèt naome gekeke nao de touwkoms en höbbe veer eus eige doen en laote tege t leech gehawwe. Oet deen daag zien conclusies getrokke nao de korten termijn en de langeren termijn. Veuroetkiekend nao t koumend sezoen wèlle veer de programmering vaan de Vastelaovendsdaog good en kritisch bekieke: wie goon veer de maondag en dinsdag invölle? Ouch goon veer alle eveneminte in de veer weke veur de Vastelaovend bekieke op inhaajd, intresse en meugelekhede. Dit doen veer ouch tege t leech vaan de begruting die steeds mie oonder drök kump te stoon. Dat kint beteikene tot d r käözes gemaak mote weure. Wijer dinke veer aon nui financieel acties en mie aofstumming vaan activiteite in de versjèllende kemissies in relatie tot sponsoring en opbringste. Dit moot daan get mie ruimte geve um nui eveneminte te goon opzètte. Veur de langeren termijn geit ne wèrkgróp marketing e plan oetwèrke boe-in doelstèllinge besjreve weure wie veer es stadsvastelaovendsvereiniging eus plaots in de Vastelaovend kinne borge. Welke prioriteite en doelstellinge höbbe veer, wie völle veer die in, mèt welke financieel middele, wie betrèkke veer de Vastelaovendsvierder daobij? Wie viert Mestreech Vastelaovend in de touwkoms en wat kin en maag eus rol es Tempeleers dao-in zien en weure? Veur hun mètwèrking t aofgeloupe jaor daanke veer: B&W en de Gemeinteraod vaan Mestreech D n Deens Stadsbeheer en Facilitair Zake Brandweer GGD Alle Börgermètwèrkers in de versjèllende kemissies, zoonder hun kinne veer ech neet Ederein dee door ziene/häöre financiële steun de rangatie vaan de Vastelaovend meugelek maakde Meh veural bedaanke veer hiel gruuts t Volk vaan Mestreech 35

36 Colofon: / Posbös EA Mestreech Samestèlling: Tempeleers Guy Bannier,, Börgermètèrker Bewèrk door Louis van den Bongaert Foto s : Hans Hollanders Oplaog: 500 stöks Drök: Drökkerij T.O. Offset - Gijsemberg Hertogsingel 9, Mestreech