WELKOM, Hoege Hoeglösteghede. Liege Hoeglösteghede, Prinse. Prinsesse, Vorste, Hertoge, Oppers, Ceremoniemeisters. Hofnarre, Habsjaars, Kretsers,

Transcriptie

1 Welkom Knoevelemint 2014 WELKOM, Hoege Hoeglösteghede Liege Hoeglösteghede, Prinse Prinsesse, Vorste, Hertoge, Oppers, Ceremoniemeisters Hofnarre, Habsjaars, Kretsers, Adjudante, Moelemekers Moeljane, Presidente Veurzitters Vice-Veurzitters, 1

2 Hofdames Majorèttes, Kapiteins Bemanningslede, Dames en Hiere Vastelaovesvrun en Vastelaovesvriendinne, hei te gas in de Feeszaol vaan eus Limburgs Gouvernemint, noe ouch wel de Medal Plaza vaan Limburg geneump, es iech nao al die gouwe, zèlvere en broonze medaaljes loer, die t geer mèt de zwoerste vaan alle wintersporte, de vastelaovend, höb verdeend. En Welkom aon de lede vaan Provinciaole en Gedeputeerde Staote in eur eige hoes! En geer kiekers in gans Limburg, vastelaovendsvrun vaan Molenhoek tot Vaols, vaan Meijel tot Bocholz, die via de tèllevisie getuige zien vaan de huldiging vaan alle Limburgse kampioene. Welkom ouch geer mevrow Olivier oet Mestreech. Fijn tot geer d r zeet, en eure zoon en sjoendochter höb mètgenome. Bedaank tot geer eur creatief talent aon zoon Guy höb doorgegeve. Want, dames en hiere, Guy Olivier heet dit jaor de vastelaovesposter gemaak, en ouch de medaaljes die veer astrein oetreike. Wel n applaus verdeend, dach iech zoe.

3 Speciaol welkom: de bemanning vaan de Blouw Sjuut vaan de Winkbülle oet Heerle, sinds 2005 de ambassadeurs vaan de Limburgse Vastelaovend. Fijn tot geer d r weer zeet, zoe gratis en veur niks. Feitelek komp geer hei op eus koste jaorleks receptie hawwe um dat ambassadeursjap te viere. E bitteke butaol of astrant, zeker wie t geer de aofgeloupe jaore t lef had um dat op ne doordeweekse maondag euverdaag te doen, en mèt eur kanonsgeweld hei bij de provincie alle ambtenere oet hunne slaop te hawwe. Sjemelek! Meh t is miech gelök: veer doen dit knoevelemint noe s aoves, dat heet 3 veurdeile: t bleif hei s middags rösteg, dees euver-ore kriege veer noe dobbel betaold, én geer kint neet t gans program mètmake. Want, dames en hiere, zie móte astrein nog naor Wes-Limburg, naor Maosmechele, en goon dus ieder weg. Veur es iech t vergeet: gooj reis, hè! Iech hoop mer tot ze uuch de grens euver laote, want die Belzje wete ouch tot de börgemeister vaan Heerle zelf wiet wèlt verbouwe. Zouw zoe mer kinne tot ze eure wagel veur de nuie wietboot Missisippi of Smokey hawwe. Höb geer de wietpas bij uuch? Meh iech höb good nuits. Deginnege dee op de peliesie in Belsj Limburg mót 3

4 lètte, heet venaovend dao geine aondach veur. Vaan neet zoe wied eweg, oet Hasselt, heit iech hei vaan harte welkom: miene collega Gouverneur vaan Wes Limburg, Herman Reijnders. En in zien gevolg is gedeputeerde Van der Put, en t bestuur vaan LIVEKE, de club boebei de groete vastelaovesvereineginge vaan Vlaoms Limburg zoen aongeslote. Ouch geer welkom! Herman, ik zei net, dat ik blij ben dat je als de wiedeweerga hiernaartoe gekomen bent, en zo lief bent om die windbuilen hier achter mij straks toegang te verschaffen tot jouw grondgebied. (handpóp aontrèkke, ligk op lèsseneer) Iech maag uuch veurstèlle aon Theo d n Twiede, miene eigenste side-kick, ouch wel Dee vaan Miech genump, neet te verwarre mèt Die vaan Miech, want Dee is hei, en Die is dao. (2. doors!!) heer heet n druug stroot, dus sprik hiel zach in mien oere, tot heer doors heet. Ober: heer is oet februari 1996, dus zjus 18, dus dat is neet NIKS, dus gere e pèlske. Hiere vaan de blauw sjuut. Mien groete bewoondering en waardering veur Heerle maag wied bekind zien. Um zjeloes op te weure: n Prachtege stad, magnefieke historiese gevels, de sjoenste sjouwburg,

5 t groetste glaaspalies, ne geweldege stasie mèt treine naor Sittard en Mestreech ne complete woenboulevard, de bèste universiteit die altied ope is, e solide en zoe harmonieus stadsbestuur, fan-tas-tiese winkels en winkelcentra: t Loont ziech um tow te goon, eh, dao naor tow te goon! Meh geer laot neet eederein tow, hè; terech tot geer streng mót zien. Verleie jaor höb geer nog n groep verdach oetzeende lui de towgaank tot Heerle geweigerd. Zie verdachte groep neump ziech De Clochards, en zie waore verleie jaor door n Mestreechse rechbaank veroordeild um de vastelaovend in Heerle door te bringe. n Vreiseleke straof, meh nog vreiseleker tot ze de stad neet in móchte. Iech begriep dat vaan eure börgemeister, want es al 1 op de 50 Heerlenere verdachte is, wèlste d r neet nog get debei. Mestreechtenere die Heerle neet binne mage, weure hei in t Gouvernemint hartelek oontvaange. Dus: welkom hiere Clochards, dit jaor 33 jaor same oonder de Maosbrök in de stad vaan Onno Hoes. Geer begrep tot iech ouch streng mót zien, en uuch venaovend Hoes-arres mót oplègke. Neet in t Hiltonl, meh hei in de Feeszaol vaan t Gouvernemint aon de Maos. Hiere, wat veur pols-bendsje höb geer? Geint? Daan bin iech verpliech uuch ne inkelband um te doen. 5

6 Hiere, eve oplètte: die inkelben zien haaf-otomaties: komp geer in ne straol vaan 11 meter bij n tapkraon, sleit de beerkeuling subiet aof. (2. naatigheid) Wat zègste? en wat sjoener is, móch geer t neet mie höbbe kinne ophawwe, en eur brookspiep weurt langsem naat, springe in ne straol vaan 1100 meter alle babyfoons aon. Is höllep zoe oonderweeg! Dames en hiere, de res heet hei netuurlek wel e polsbendsje, aanders komp geer hei gaaroets neet binne. Elyan van Duurling en Peter Schrijen höbbe hunne tèllefoon ingelieverd, want zie woorte platgebeld veur zoe n towgaankbewies. (2. Laot ze ns zien, daan kint geer ze nao aofloup knoevele) applaus. Laot miech ns controlere. Wee heet e greun bendsje? Hennekes! Ja, geer maag ierlek beer drinke, oet eige streek, mèt bio-hop gebrouwe. En maag iech de geel bendsjes zien? Es geer die aon d n ober laot zien, goejt dee uuch e dröpke es doping debij; gaot geer eve hel vaan fietse wie Lance Armstrong. En zien d r ouch lui mèt e roed bendsje? Aha, dat zien de Prinse en de vorste. Eve get langer umhoeg hawwe, daan wete veer boe de roeje spa naor tow mót. (2. vreug wat iech veur n kleur höb?) Maak uuch euver miech mer gein zorg,

7 iech bin getraind um veur miech zelf te zörge. Ja kijkers, als u nu denkt dat u naar een herhaling van Knoevelemint 2013 kijkt, omdat ik toen al hetzelfde grapje heb gemaakt, kan ik u gerust stellen: dit is de uitzending van 2014, maar ik moet nu eenmaal in dit huis alles minstens 2 keer zeggen voordat het begrepen wordt. En Herman, bij jou wisten we niet of je Spa, Hasseltse jenever of Limburgs bier gaat drinken. Zoals alle Belgische gasten heb jij een zwart geel rood bandje; geer kint alles doorein drinke! Meh noe trök naor Heerle. Hiere vaan de Blouw Sjuut: geer trèk door Limburg mèt de speciale kompleminte vaan eure börgemeister, en vaan t volk vaan Heerle. Iech bin oonder d n indrök vaan eure marketing, eure branding. Iech bewoonder dee. Dat maak miech zjeloes. Is eure bijnaom soewiesoe al Winkbüll, windzak, geer versterk op creatief meneer dat beeld in t kwadraat. Zoe nudegde geer in december de ganse wereld oet um te koume loere nao de groetste Keersbal ter Wereld. Doezende toeriste kaome d rop aof. Toen laoze veer in de gezèt: Keersbal gesjäörd. Bleek toen, tot veer mèt doezende lui naor ne gewoene zak mèt loch höbbe geloerd!. Sjus: ne zak wind. En wie de keuning in juni kaom zaoge veer ouch al vaan die metershoege opbloospóppe euver t Pancratiusplein op en neer goon. Veer wete tot geer in Heerle väöl loch verplaots, meh dao reclaam mèt make: us nao laote koume 7

8 loere: magnefiek! (2. Heer heet ouch n suggestie aon de börgemeister:) probeer t dit jaor ns mèt gebakke loch! En noe dames en hiere, zeet geer allemaol vrijwillig gekoume um t provinciebestuur in t algemein, en miech es gouverneur in t bezunder, groeten ier te bewieze, en te vertèlle wie good veer t doen. En miech es gouverneur tow te zinge: zoe ne gooje höbbe veer nog noets gehad. t Is tot iech vaan nature es Mestreechteneer zoe besjeie en besjeemp bin, aanders zouw iech zègke: gaot eure gaank. Meh daank uuch, al dee ier is neet nudeg. t Is daan ouch vanzelfsprekend tot iech de bèste gouverneur vaan Limburg bin, dee t ziech momenteel gief. (2. Sorry:) Herman, ik zei zojuist dat wij de beste gouverneurs zijn die op dit moment die functie in Limburg bekleden. Meh, dames en hier, zoe ne gooje gouverneur zien, heet ouch, ocherrem, naodeile. Dat is, ocherrem, neet allemaol leuk. Veer höbbe in Limburg 3 x 11 börgemeisters (2. Is dat n zjubelei?) vreug r. Antoine Scholten, Paul Depla, Onno Hoes en al die 30 aander börgemeisters höbbe t gemekelek: die geve hunne stadssleutel aof, en duuke daan 3 daog

9 oonder. Meh ocherrem, wee kin z ne sleutel aon geine kwiet? Wee mót, ocherrem, gewoen op zien pos blieve? Wee weurt neet vaan zien mach verlos, ocherrem? Zjustemint: iech, moi, mir, meine wenigkeit. En daorum höb iech Dee vaan Miech in dees daog bij m ch. Die vaan Miech is ouch hei, en höb iech mèt vastelaovend ouch bij m ch (2. tenminste miestal..) zeet r. Dus bin iech vaan plan um zaoterdagnach um 11 nao 12 de sleutel vaan dit Gouvernemint aon de Maos euver te drage aon Dee vaan Miech, Theo 2. (2. t Gief ziech geine sleutel). Nein, dat klop; veer höbbe gein sleutels mie, meh peskes. Dat kump umtot t hoof facilitaire zake, John Albertz, in t verleie n negatief ervaring heet gehad. Heer woort e paar jaor geleie op ne maondag door ne oonbekinde gebeld mèt de vraog of heer ne reservesleutel vaan de Staotezaol had. Jao, dee höb iech hei ligke, zag John. Zeet de mins aon de tèllefoon: steek dee mer in d n vot! Op dinsdag woort heer weer gebeld, meh noe mèt de vraog of heer de sleutel vaan de parkeergarage had. Heer zag jao dee höb iech in mien tes. D n aandere zag obbenuits: steek dee mer in d n vot! En zoe góng dat de ganse week door, vraog naor de sleutel vaan de kantine, vaan de wèrk/slaopkamer vaan de gouverneur, de fietsekelder, enzoemie; en eeders kier kós heer die sleutele in zien vot steke. 9

10 Op zaoterdag woort heer zelfs thoes op ziene privé-nommer gebeld. Waor t eine vaan de pliesie: menier Albertz, weurt geer ouch de ganse week lesteg gevalle door iemes dee vreug of geer ne sleutel höb, en tot geer dee in eur vot kint steke? Jao, jao, zag John. Now, zag dee beller: geer kint ze noe weer d roet hole! En toen höbbe veer de sleutels aofgesjaf, en zien euvergegaange op peskes. (2. die kreigste lesteger in d n vot) zeet heer. En dus vraog iech John Albertz naor väöre. Geef m n applaus. Heer zörg tot geer get te drinke höb, en t gebouw in de roed-geel-greun kleure straolt. Es t good is heet heer e peske vaan t gouvernemint veerdeg veur Dee vaan Miech. Op zaoterdagnach weurt otomaties de code veur m geaktiveerd, en is Dee vaan Miech de baas. En iech, ocherrem, duuk 3 daog oonder in de Limburgse vastelaovend mèt Die vaan Miech. Dames en Hiere, genóg gezag. Welkom op t Knoevelemint, t evenemint boe veer de Limburgse Vastelaoveskampioene in alle categorieë wèlle knoevele, dat wèl zègke: tot veer hun zègke tot veer vaan hun hawwe. Welkom op de Medal- Plaza vaan Limburg, boe eus volksleed al heet geklónke, en astrein nao hun optrejjes alle artieste de bezunder medaalje weurt oetgereik, en mer eine vlag in top geit: dee mèt de kleure roed, geel en greun!

11 Dames en Hiere, Gans verlege door eur waardering aon mien adres en gereurd door de harmonieus toesje vaan dit orkes Roop iech uuch volk vaan Limburg op mèt of zoonder steek of prinsemöts op eure kop Um same dat hiemels fees, vastelaovend, te viere en aon de jäög vaan Limburg de essentie daovaan te liere Tot geine in Limburg aon de kant hoof te blieve stoon en eederein op Asselegoonsdag weer krach heet um door te goon Gaot neet boete de sjraom, höb lol en maak plezeer Oonder de 18 euverheers t fris en neet t beer Respecteer de pliesie en de broeders vaan de ambulance Bringk uuch veilig in dee heerleke vastelaovestrance Goejt uuch de door, verordonneert Dee vaan Miech, dee charmeur, En iech bekrachteg dat vaan ganser harte, eure bèste gouverneur! Vastelaovend Same! ThB, febr