Jaorverslaag De Tempeleers

Transcriptie

1 Jaorverslaag De Tempeleers Stiechting De Tempeleers Mestreech Kochstraot ER Mestreech 1

2 Inhaajd Inhaajdsopgaof Proloog 3 Oetverkezing Vastelaovendsleedsje De Jaorvergadering 6 t Oetrope vaan de Stadprins Wat organiseerde de kemissie Binnegebäöre? 12 Wie kaom de kemissie Financiën aon de cent? 24 Eus PR-kemissie 27 Wat veel oonder responsabiliteit vaan de Kanselarijraod? 29 De Kachelpiepers 34 De Machseuverdrach 36 Wat ranzjeerde eus lui vaan de kemissie Boetegebäöre? 42 In Memoriam 52 Euverziech vaan de Tempeleers-organisatie 53 Gediech vaan Bep Cohen 56 Epiloog 57 colofon 58 2

3 Proloog Veer höbbe gesproonge en gezoonge Gevloge en gezwomme gedoon wie nen tieger en woorte zoe groet wien ne giraf want noe kós t ouch ech gebäöre zónge veer al die daog veer woorte ne gansen aandere mins t woort e jaor vol plezeer en sjoen mominte mèt zier geslaagde eveneminte geer kint t leze en zien in dit verslaag veer hope t uuch bevalle maag Veer winse uuch väöl leesplezeer t redactie-team vaan de Tempeleers. Mestreech, 11 november Tempeleers: Guy Bannier Nico Kempeners 3

4 Vastelaovendsleedsje 2009 Wie geweente leep de Maastricht Music Hall op de Green weer in e rap tempo vol mèt enthousiaste Vastelaovendsvierders die allemaol getuige wouwe zien vaan de oetverkezing vaan t nui Vastelaovendsleedsje. Vaan de 33 inzendinge waore door de selectiekemissie 8 leedsjes geselècteerd. Bij de 1ste stumrunde waor de latere winner al zwoer favoriet. En ouch bij de finale-stumrunde waor dat al neet aanders. D n ind-oetslaag waor: 4de plaots: Bij Mai in de kalbas 3de plaots: Dee Vastelaovend 2de plaots: Wat e gelök 1ste plaots: Noe geit t gebäöre vaan Bert & Ursula Garnier t Winnend leedsje woort gezónge door t gelegeheidskoer t Volk vaan Mestreech. Wee kós toen vermoede tot eine vaan die zengers n gooj twie maond later zouw weure oetgerope tot Stadsprins vaan Dit soort bijeinkomste zörge steevas veur ne geweldegen ambiance. t Waor daorum extra pienlek wie umstreeks t momint vaan bekindmake vaan de winner gei beer mie te kriege waor. n Zwoer insjattingsfout vaan de beheerder vaan de zaol boe nog lang euver naogepraot woort. De kasteleins in Wiek doge daodoor evels nog e paar oor gooj zake!! 4

5 Vastelaovendsleedsje 2009 Noe geit t gebäöre Refrein: Want noe geit t gebäöre Iech zweer t geit miech aon m n prij Noe, noe, noe geit t gebäöre en dat gebäört allein mer hei! Iech wel miech laote goon op de meziek Höb lang gewach, meh noe is t daan zoewied Noe geit t gebäöre, Vastelaovend in Mestreech Couplèt: Es t op de Merret weer gerope weurt t benkelek momint en alles roed, geel, greun verkleurd daan bin iech neet te hawwe nein daan bin iech ech de klos noe geit t gebäöre, iech goej alle remme los. 5

6 Jaorvergadering november 2008 t Vastelaovendssezoen vaan de Tempeleers weurt (veur de boetewach) traditiegetrouw gestart mèt de openbaar Jaorvergadering boe-in rekening en verantwoording weurt aofgelag euver t aofgeloupe sezoen. De vergadering weurt ouch aongegrepe um al ins veuroet te kieke nao t nui sezoen. Nao e woord vaan welkom aon de aonwezege gaste, e momint vaan stèlte veur de lui die us oontvalle zien en e paar mètdeilinge euver get personeel wijzeginge binne de vereineging, kraoge achtereinvolges de Kretser Nico Kempeners, de veurzitter Kanselarijraod Frans Buytendijk en d n Habsjaar Marcel Janssen de gelegeheid um t Jaorverslaag te prizzentere, ne merci oet te spreke aon t adres vaan d n Aajd-Stadsprins Richard I en zien charmante eega Miranda en inzage te geve in de financiën vaan de vereineging. Aon t Presidium vervolgens de ier um twie nui Tempeleers te installere: Théon Kennis en Victor Salentijn. Ein vaan de vaste oonderdeile vaan de Jaorvergadering is t bekindmake vaan de Vastelaovendsvierder(s) vaan t jaor. Nao nen door de vice-prizzedent Jean- Louis Tuinstra oetgesproke laudatio bleek tot Ronald Gossieau en Ronald Servais de oetverkorene waore die d n titel Vastelaovendsvierder 2008 mochte voere mèt hun creatie Prince Gaston I & Adjudant Gilbert oet Klei- Ternejje. 6

7 Jaorvergadering november 2008 In ne korte veuroetblik nao de Vastelaovend 2009 leet de Prizzedent- Tempeleer Peter Reijnders o.a. wete tot de cramignon n aander rót zouw goon volge; de Kachelpiepers in de persoen vaan Aajd-Stadsprins Corné Gilissen ne nuie veurzitter kriege; e Jäögprinse-treffe georganiseerd zal weure; euze website e nui verfrissend uterlek zouw kriege en d r planne in oontwikkeling zien um e Vastelaovendsmuseum vaan de groond te kriege. 7

8 Jaorvergadering november 2008 Es nui fenomeen woort vervolges wereldkundeg gemaak tot de Tempeleers mèt advies en steun vaan de Protecteurs e wienprojek vaan start laote goon. Élf jaor laank zal ne cuvée weure opgedrage aon ne bekinde Mestreechteneer. D n 1 ste cuvée kraog de naom mèt vaan Pieke Dassen. t Sprik vaanzelf tot de ierste flesse woorte aongeboje aon de femilie vaan Pieke Dassen z.g. D n opbrings vaan de aktie weurt eder jaor verboonde aon e good doel. t Ierste good doel waor t bevordere en oetdrage vaan de Jäögvastelaovend. Guido Janssen maakde vaan de roondvraog gebruuk um in diechvörm zien visie op t aofgeloupe Vastelaovendssezoen veur t vootleech te hawwe. De absentie vaan Prins Richard I bij de grópsfoto vaan alle Mestreechse Prinse bleef netuurlek neet oonbesproke. Ouch t tekort aon beer bij de oetverkezing vaan t Vastelaovendsleedsje in de Platte Zaol waor veur Guido e sjendaol. Nao dees ludieke oeteinzètting bleef t nog lang erg gezèlleg in de Bonbonnière. 8

9 Oetrope Stadsprins 2009 Zoondag 25 jannewarie, t is weer zoewied. Vendaog weurt bekind gemaak wee Mestreech es Stadsprins zal veurgoon in de Vastelaovend Terwijl de Tempeleers de lèste veurbereiinge treffe en de Groeten Oonbekinde nog op n geheim locatie geneet vaan ze middagmaol, begint de Merret, en de kaffees dao um heen, al aordeg vol te loupe mèt belangstèllende Vastelaovendsvierders. In ne cortège vaanaof de Statie in Wiek, veuraofgegaange door de bij SMV aongeslote wiek-vastelaovendvereineginge, officieel - en zate hermenieje en langs de kant vaan de weeg door doezende lui touwgezwejd en touwgejuich, weurt de Groeten Oonbekinde es Meister-tappeseerder nao de Merret gebrach boe de lui getrakteerd woorte op n optrejje vaan de gróp ZiZi Kwe Kwe. Nao nog iers aofsjeid te höbbe genome vaan Prins Richard I vaan 2008, is t benkelek momint aongebroke. Zelde is de oontlaojing bij nen démasqué zoe groet gewees es noe. In tot de vermomming vaan z ne kop aof waor, spróng de nuien Hoeglöstegheid zoe hoeg op t podium tot ne polsstekhoegspringer dao zjeloes op zouw weure. Wie door n mispel gestoke rende d n Hoeglöstegheid vaan links nao rechs en vaan väör nao achter euver t podium um ziech aon t massaal touwgestruimp volk op de Merret te laote zien en z n blijdsjap mèt hun te deile. De Sirremoniemeister kós ziech ze pepèrke mèt informatie euver de nuie Prins zjus zoe good in z n tes duije. Wie e loupend vörke góng t euver de Merret t is Patrick, de wèts wel dee vaan TV Mestreech en MVV, jao dee ouch al twie kier t Vastelaovendsleedsje vaan Mestreech heet gewonne. En t sjoenste vaan al is tot deezelfde Patrick in november 2008 mètgezoonge heet in t gelegeheids- 9

10 Oetrope Stadsprins 2009 koer t volk vaan Mestreech wie Bert en Ursula Garnier t winnend leedsje Noe geit t gebäöre op hunne naom höbbe gesjreve. Zjus dee Patrick is noe oetgerope tot Stadsprins Veur d n inkeling dee häöm nog neet zouw kinne gaof de Sirremoniemeister toch nog get mie informatie euver de nuie Prins. In t dageleks leve het heer Patrick van de Weijer dee same mèt Silvy Hensen woent aon d n Aokersteinweeg 5 H in Hier-Mestreech. Heer wèrk es commercieel manager bij MVV. Nao t in oontvangs numme vaan de teikene vaan wierdegheid (Prinsesjabbeleer; Prinsemöts en scepter) en t aoflègke vaan d n eid op t maske, volgde ne korten toer door de binnestad. Aonsletend waor n ierste kinnesmaking mèt de SMV-vereineginge in de Festi-village. Al mèt al ne zier memorabelen daag veur de Mestreechter Vastelaovend. 10

11 Oetrope Stadsprins 2009 Patrick I Commercialicus Prizzentaticus Canto-Sympho- Carnavalicus Graof vaan d n Aokersteinweeg Lienhier vaan de Heerlekheid Sjaan Honorair sjouweveger vaan de aw Sibemasjouw Gevolmachteg Ambassadeur vaan de Geusselt en aonpaolende voetbalterreine Ierecomponeur vaan Prinseleke liefleedsjes Emeritus Opperwawweleer vaan TV-Mestreech Grand-Mâitre Artistique vaan de Club vaan ach tot elf Directeur-Ginneraol vaan Blamaasj mèt sjerpe trom Conservator vaan alle Kiksjozerije en aander Kado-artikele Drappo-kommandant vaan alle Zate Hermeniekes Protecteur vaan de Mestreechter Vastelaovend 11

12 De kemissie Binnegebäöre t Aofgeloupe sezoen zien de versjèllende eveneminte vaan de kemissie Binnegebäöre zier good geslaag. De belangstèlling waor groet veur alle evenminte die georganiseerd zien gewore door dees kemissie. Mèt daank aon alle börgermètwèrkers, die eder jaor weer helpe bij d n opzat vaan dees eveneminte. Zoonder hunnen inzat lök t us neet um alles zoe good en sjoen te ranzjere. Mèt weemoed höbbe veer aofgeloupe sezoen de versjèllende activiteite gehad in de Festi-Village. Jaorelaank waor dat euzen tempel veur de Zittinge, Nostallegasie, Kinderactiviteite. Jaorelaank höbbe veer same mèt Cees van Stiphout en ziene ploog fantastisch samegewèrk. Zie höbbe us geweldeg geholpe, oondersteund, mètgedach en niks waor hun teväöl. Daoveur n oprechte merci, merci, merci. De Festi-Village is neet mie en dus mote veer op zeuk nao n aander ruimte um al eus eveneminte good te kinnen organisere. Meh veer belaove tot dit geit gebäöre. Mesjiens in nen aanderen opzat, meh t Binnegebäöre zal alles draon doen um ouch koumend jaor weer ne sjitterende Vastelaovend te kriege. De Kinderkemissie mèt hun kinderactiviteite. D n Hoeglöstegheid vaan aofgeloupe jaor is lid vaan de Kinderkemissie. Begriepelek tot dees kemissie genote heet vaan Zienen Hoegen Hoeglöstegheid. Heer heet mètgewèrk aon versjèllende eveneminte en t waor zier bezunder häöm noe es Hoeglöstegheid te mage begroete op zien eige eveneminte. De jäög waor in groeten getaole nao alle eveneminte gekoume, Vastelaovend leef gelökkig nog volop bij de jäög. Kinderknutselwedstrijd in azm op 7 fibberwarie. 12

13 De kemissie Binnegebäöre E record-aontal deilnummers. Leefs 19 sjaole en peuterzaole hadde mètgedoon aon de Kinderknutselwedstrijd in de hal vaan t azm. Chapeau veur de lierkrachte, leidsters en awwers vaan de deilnummende sjaole. D r doge zelfs sjaole veur d n ierste kier mèt en dat waor toch wel hiel bezunder. n Teike tot dees expositie leef bij de sjaole in Mestreech. Sjaole exposere hun kunswerke in t azm en perbere door die sjoen creaties de lui, die gewèld en veural oongewèld dao verblieve get vräög te bringe. En dat weurt zier geapprecieerd. Dat is te hure aon de leuke reacties die veer dao altied kriege. Op zaoterdag 7 fibberwarie waor Prins Patrick in t hospitaol present veur de offesjeel opening en um de sjoen educatief prijze, besjikbaar gestèld door väöl sponsore, oet te reike. Hermenieke Oet de Kuns luusterde ouch dit jaor weer muzikaal dees opening op. Kinderartieskes troje op um zoe de opening nog miejer cachèt te geve. De belangstèlling bij de opening waor erg groet en de lui gaove allemaol aon: gaank zoe door, want geer gef op dees wijs de kraanke lui toch e vastelaovendsgeveul. 13

14 De kemissie Binnegebäöre Jäögprinse-Treffe op 14 fibberwarie. De Kinderkemissie heet 4 jaor n Kinderrevue georganisserd en dat waor bès n succes. D'n druim waor evels um ne kier veur hiel Mestreech mèt alle jäög vereiniginge same ins gèt op te zètte. Same mèt de SMV zien toen inkele gesprekke gewees en woorte alle jäögvereineginge oetgenudeg um te koume praote euver de opzat vaan n groet Jäög Prinse Treffe. Dat plan woort zier enthousias oontvaange en de Kinderkemissie stoont garant veur de organisatie vaan dit fies. Zoe waor zaoterdag 14 fibberwarie t ierste Jäögprinse-Treffe in Mestreech. En t waor e geweldeg succes. 11 Jäögvereiniginge doge mèt. Zie verzamelde ziech in de Sterzaol en gónge oonder begeleiing vaan e veertal hermeniekes door de drökke straote vaan de stad in cortège nao de Festi-Village. De kinder genote vaan de belangstèlling vaan de väöl lui langs de rót. In de Festi-Village waor n groete kinderrevue. Eder vereiniging moch ziech prizzentere en moch n eige artieske mètnumme. Zie móste wel live optrejje. En dat gebäörde. Wat n sjoen optrejjes. Denskes, leedsjes, zelfs n buut, same zinge, same danse en veural Vastelaovend viere. Frans Theunisz verzörgde e groets optrejje dat heer de kinder heet aongeboje. De sfeer waor super sjoen. Prins Patrick kós neet aanders es mèt al die kinder weer zie leedsje Supersjoenen daag zinge en danse. De zaol góng op ziene kop. De prizzen- 14

15 De kemissie Binnegebäöre tatie waor in zier gooj han vaan Bert en Ursula Garnier. Zie höbbe same mèt t Volk vaan Mestreech en de Radlers de sfeer tot groete huugde gebrach. Dit Jäögprinse-Treffe sloog zoe good aon, tot veer vaan alle vereineginge t verzeuk kraoge um heimèt door te goon. Kinder stoonte volop in de belangstèlling, kraoge de aondach. Meh bovenal waor te zien tot Vastelaovend bij dees kinder fantastisch beleef weurt en dat gief vertrouwe veur de touwkoms. t Groet Kinderfies 15 fibberwarie. D n opzat vaan dit fies blijf gewoen good, want de belangstèlling waor dit jaor weer bezunder groet. Gezinne koume gere nao dizze middag, dee veur de lèste kier in de Festi-Village georganiseerd woort. Kinder kinne ziech ammezere. Ze kinne ziech laote grimere, kinne knutsele, kinne buttons make, tuike trèkke, nöttege vaan alderlei lekker tractaties. Ze kinne hosse, springe en danse, in polonaise door de zaol goon. Prins Patrick heet jaorelaank dizze middag geprizzenteerd, noe naom Ursula Garnier dit mèt väöl verve euver. Optrejjes waore vaan de ballètgróp Hier, kinder oet de kinderrevue, Saskia Theunisz en t Volk vaan Mestreech. Hermenieke Oet de Kuns verzörgde de opening en brach de Prins en zie gevolg nao de bühne. Nao e wäördsje vaan Prins Patrick en t zinge vaan de Supersjoenen Daag mochte de Tempeleers weer de nudege knuipkes opspange bij väöl kinder. Altied leuk um te zien wie gruuts tot de kinder zien op dat Prinselek knuipke. Sjaolebezeuk op 19 en 20 fibberwarie. Dit jaor zien veer euverstelp mèt vraoge vaan sjaole um Zienen Hoegen Hoeglöstegheid op bezeuk te laote koume. In totaal zien aofgeloupe sezoen leefs 10 basissjaole bezeuk. 15

16 16 De kemissie Binnegebäöre

17 De kemissie Binnegebäöre Op donderdag veur carnaval weure sjaole bezeuk die mètgedoon höbbe aon de Kinderknutselwedstrijd. De winners vaan dizze wedstrijd kriege daan hunnen hoofpries oetgereik. Eder jaor opnui vèlt t op wat veur meujte de sjaole numme um de Prins en zien Tempeleers te oontvaange. Dizzen donderdag zien 6 sjaole bezeuk. De werm oontvangs, de optrejjes, de kedokes, gaove bliek vaan waardering veur dit Prinselek bezeuk. D n daag begint volges traditie bij Maison Louis oet appreciatie en betrokkeheid bij de Mestreechter Vastelaovend. De lunch weurt noe al 20 jaor laank gehawwe bij de Vroom, dao weure veer altied zier sjiek oontvaange. Op vriedeg 20 fibberwarie zien veer um 9.00 oor begós in Wolder op de Pie en Pow sjaol. Dao woorte door de versjèllende Tempeleers lèsse gegeve in carnavalogie. Nao die lèsse verzörgde de kinder nog n aontal optrejjes en gaof Prins Patrick ziene Prinseleke pries aon de gróppe die mètgedoon hadde aon de Kinderknutselwedstrijd. Nao Wolder zien nog 2 sjaole bezeuk. 17

18 De kemissie Binnegebäöre Kinderkostuumwedstrijd op 24 fibberwarie. Oondaanks de gezèllige drökde waor dit ne weemoedege middag. De allerlèste activiteit vaan de Tempeleers in de Festi-Village. t Doog us allemaol pijn. De kinder die hun sjoenste pekskes lete zien höbbe dit gelökkig neet gemerk. 18

19 De kemissie Binnegebäöre Zie mochte ziech zjus wie bij nen echte mode-show laote zien door te loupe op ne catwalk mèt de vol sjienwerpers op hun geriech. Ze waore weer sjoen. Pekskes gemaak door de awwers, ama s. tantes of zelf ineingefisternöld. De kinder hadde väöl plezeer drin en de winners kraoge op zaoterdag nao carneval hunne pries in t lokaal vaan de Stadssjötterij. De deilnaome aon dizze kostuumwedstrijd waor dit jaor groet en weer e groet succes. Vastelaovendskonzèr LSO. Veur de 56e kier verzörgde t LSO t vastelaovendskonzèr. Dit jaor mèt ne nuie dirizjent Roger Niese en alles woort geregisseerd door Peter Noten. De weke veur de Vastelaovend weurt alles klaor gemaak veur dit fies. Kiekoete weure verseerd, pekskes gemaak, alderlei activiteite ter veurbereiing op dit fies weure gorganiseerd. Zoe góng dit ouch bij dit vastelaovendskonzèr. t Begós wie e gewoen konzèr en gaondeweeg d n aovend woort ederein mètgenome nao e riechteg vastelaovendsgeveul. n Sjoen traditie kraog zoe e nui geziech. De prizzentatie waor weer in de gooj han vaan Wim Steinbusch. Roger Niese heet groete affiniteit mèt bloosmeziek en heer had e soort cross-over gemaak vaan t orkès mèt de Van de Kreeke BrassBand Limburg. Daoneve waore d r gooj muzikaal soliste. Dit vastelaovendskonzèr waor ein vaan de betere vaan de lèste jaore en veer hope tot t LSO op dizze weeg door geit mèt de sjoen traditie in iere te hawwe. 19

20 De kemissie Binnegebäöre Impressies vaan t Gala Prinsebal 20

21 De kemissie Binnegebäöre t Prinsebal, veur t twiede jaor op rij in t Crowne Plaza Hotèl, woort zier drök bezeuk. t Get jäögdeger publiek ammezeerde ziech in de oonderverdeping oonderwijl in de begane groondzaol ruimte waor veur de stijldansers. t Waor weer e groet succes. Kaffee de Zeuten Inval 29 en 30 jannewarie

22 De kemissie Binnegebäöre Kaffee de Zeuten Inval waor dit jaor veur de lèste kier gesitueerd in de sjoen en onmisbaar locatie vaan de Festi-Village aon de Boschstraot in Mestreech. t Speul gaof de gaste en speulers dit jaor vleugelkes en ederein voolt ziech daodoor in de zevenden hiemel! Bij d n entree woorte de gaste welkom geheite door Petrus en n aontal leeftallege ingele. Wie de zitting begós, bleek tot Truus nen druim had gehad en dao-in had nen ingel häör verteld, tot de Piele jenkde. Heer zaot te jenke in d n hiemel! Opins versjeen dao deen imposanten ingel en heer vertèlde nogmaols zie verhaol. Truus en Mao vroge häöm of heer neet get aw types vaan Mestreech, same mèt de Piele nao de kaffee kós hole. Daan kóste ze met eige ouge zien, tot de vastelaovend wel get aanders is gewore, meh noets verlore zal goon in Mestreech. D n ingel góng dit ranzjere en in percessie kaome dao t Mooswief, de roeje Pierre, Rika, Fons Olterdissen, de Lang Lies en de zwarten Haaken de kaffee in. De Piele maakde z nen eigen entree, begeleid door de Suisse, e gospelkoer, väöl ingele en Petrus. Medam Paquet mèt häöre fiets en Sjarel mèt zien trompöt waore ouch vaan de partij. Toen góng t fies ech aon de geng. Duo X-Elle, duo Oetgeslaope, Nick Gilissen, Madame Gisela, de vrun vaan Prins Patrick, t Volk vaan Mestreech, Maurice Braeken, John Coenen, Bert en Ursula, Patrick Muytjens en Frans Theunisz en t orkes Marco en Marco zörgde veur de nudege muzikaal oondersteuning. 22

23 De kemissie Binnegebäöre Nostallegasie De Festi-village is weer in ne sjoene Vastelaovendssfeer ingeriech veur t oerfies vaan de Vastelaovend de Nostallegasie. Dit traditioneel Mestreechs Vastelaovendsbal is t fies dat door t volk vaan Mestreech zelf tot ein vaan de uniekste aovende gemaak weurt in d n aonluip nao de drei daog vaan Vastelaovend. nen Echten opwermer! Ludieke, actueel en unieke creaties zoe wie kampeerders, merretkouplui, nejeerse (die ter plaotse de breuk korter kóste make), theedoeze en complete hospitaolscenes zörgde veur n ech spektakel in de Festi-village boe n ederein es gróp of es solis e veurpreufke naom op de Vastelaovendsdaog die stoonte aon te koume. Veur de mies ludieke, sjoenste, orgineelste creatie woort t Naaks Geval oetgereik. De käös veel dit jaor op de tatoeshop. Muzikaal woort d n aovend opgeluusterd door t Mestreechs Vastelaovends Orkès o.l.v. Jean Lambrix mèt es hoegtepunt n optrejje vaan eus aller Beppie Kraft. 23

24 De kemissie Financies t Organisere vaan ne Vastelaovend is allewijl neet mie meugelek zoonder te besjikke euver de nudege financieel middele. Oonder leiing vaan de veurzitter vaan de Financieel kemissie höbbe n aontal Tempeleers, meh mie nog e groet aontal Börgermètwèrkers, d r weer veur gezörg tot de versjèllende akties e groet succes woorte en dat oondanks de financiële crisis boe v r allemaol op ein of aander meneer mèt geconfronteerd zien. De Gala Sponsoraovend op Chateau Neercanne is d n aovend boe t zakeleve vaan Mestreech en umstreke ziech tref in ne fantastischen ambiance en dao es daank veur hun genereus financieel bijdraog aon de Mestreechter Vastelaovend getracteerd weurd op ne sjiek verzörgden aovend mèt de lekkerste hepkes en drenkskes en boe me kint danse op de meziek vaan de versjèllende artieste. De organisatie vaan deen aovend slaag d r wat dat betröf eder jao opnui weer in um verrassend oet d n hook te koume. Oondaanks tot v r mèt regelmaot via de media geconfronteerd weure mèt beriechte euver de financiële crisis, hope v r oprech tot veer ouch koumend jaor weer mage rekene op n massaal belangstèlling veur dit evenemint. n Aktie vaan ganse aander orde is die vaan euzen Trósjer Ton Dello. In weer en wind geit heer bij de Mestreechse middestand en horeca vaan deur tot deur um cent bijein te hole veur de Vastelaovend. Es bliek vaan deilnaome liet heer daan n kaart achter mèt d n teks Vastelaovendsvrund Oonder alle deilnummers weurt n exemplaar vaan t broonze beeldsje La Folie verloot. Dit jaor mochte de oetbaters vaan eetcafé Rekko ziech de gelökkege prijze 24

25 De kemissie Financies die t beeldsje kraoge oetgereik. Eder jaor opnui zörg Ton veur e fantastisch rizzeltaot. Heer heet evels aongegeve tot t sjoen gewees is. t Is tied veur nen opvolger. Veur t jaorelaank bedelwerk vaan Ton zien v r häöm väöl daank versjöldeg. De particuleer aktie is n financieel aktiviteit die al jaorelaank löp oonder leiing vaan Tempeleer Boy Olivers. Middels n kaarte-aktie mèt ne pakkenden teks vaan Tempeleer Bert Beenkens weure tal vaan Mestreechtenere benaoderd um n vrijwèllege bijdraog euver te make aon de Tempeleers um op die meneer n bijdraog te lievere aon de Mestreechter Vastelaovend. Daan kinne v r nog de gróp vaan Steunpilere die ziech eder jaor aon us verbinde door euvermaking vaan e vas bedraag en es daank daoveur de Steunpilereplaquèt kriege oetgereik. Dees aktiviteit voont dit kier plaots in de Groote Sociëteit aon de Vriethof boe ouch ne zier geslaagde brunch woort geserveerd. n Aofbeelding vaan de Steunpilereplaquèt woort in sjèlderijvörm geveild door veilingmeister Mao Willems. t Sjèlderij kaom oeteindelek in de businessruimte vaan MVV terech. De iere-steunpilereplaquèt waor dit jaor veur Henk Weerts dee al jaor en daag gereid steit um de Tempeleers dao boe nudeg de helpende hand te beje. De Financieel kemissie is wijer nog betrokke bij de oetgaof vaan de Gezèt en zörg dao veur de verkoup vaan de advertentieruimte. 25

26 De kemissie Financies t Wienprojek dat bij de Jaorvergadering t daagleech zaog is es financieel aktie in de merret gezat en vèlt dus oonder responsabiliteit vaan de Financieel kemissie. De opbrings vaan dees aktie is jummers bestump um nui Vastelaovendsakties te kinne oondersteune. De verkoup vaan de ierste oetgaof is n enorm succes gewoorde en belaof get veur de touwkoms. De kemissie is oetgebreid mèt nui Tempeleers en Börgermètwèrkers. Koumende jaore kinne v r dao dus versjèllende nui akties vaan verwachte. De kemissielede hope daobij wel op d n oonveurwaardeleke steun vaan t Mestreechter volk. 26

27 De P.R. kemissie In de horeca-gelegeheid Soul in a Bowl aon de Helmstraot woort op 10 fibberwarie 2009 bekind gemaak wee de Noskaar gewonne had, nen trofee dee bestump is veur de sjoenste advertentie in de Vastelaovendsgezèt d n Tempeleer. t Waor Ziggo die mèt die ier góng strieke en oet han vaan Stadsprins Patrick I de broonzen trofee de Noskaar kraog oetgereik. n Jaorelang traditie vaan de PR kemissie is de oetreiking vaan t Tempeleersvläöjke, n riestevlaoj zoe groet wie e kaarraad, aon iemes dee ziech op n oetzundeleke meneer heet ingezat veur de Mestreechter Vastelaovend. 27

28 De P.R. kemissie De vlaoj waor dit kier bestump veur de femilie Meijer-Scharis, veur intimi Chris en Jolanda, die al jaorelaank op de Merret stoon mèt hunne greuntekraom en eder jaor opnui weer ne sjieke greuntekrans make dee mèt de Vastelaovendsdaog t Mooswief op de Merret seert. t Derde oonderdeil deen aovend, meh zeker neet t mins belangrieke, waor de prizzentatie vaan de Vastelaovendsgezèt d n Tempeleer aon Prins Patrick I en zien charmante Prinses Silvy. De stapel gezètte voont greteg aoftrek bij de aonwezege, jummers ederein waor raozend benuid wee noe weer op d n hak waor genome. De PR kemissie deit evels nog väöl mie. Zoe oonderhawwe ze de kontakte mèt de studentevereineginge boebij Vrouw Wielemösj n groete rol späölt. Zij woort dit jaor in t hoonk vaan Circumflex aon de studente euvergedrage. Middels de mètwèrking vaan de lui vaan de NWG weure de lezers vaan de Maospos mèt regelmaot via info-pagina s op de huugde gehawwe vaan de aktiviteite vaan de Tempeleers. Meh neet allein via de pepèrre gezèt kriege de lui informatie. Sinds dit jaor is de Tempeleers web-site opnui ingeriech en heet noe n gans frisse en sjieke oetstraoling gekrege. 28

29 De kemissie Kanselarijraod De lede vaan de Kanselarijraod bewake t Protokol. Zij geve, gevraog en oongevraog, advies aon Bestuur en vereineging euver allerlei protokolair zake die te make höbbe mèt t speul dat Vastelaovend hèt. Ze höbbe ouch bemeujenis mèt de Prinsekäös en es die käös einmaol gemaak is, zörg de Kanselarijraod deveur tot t dee Prins aon niks oontbrik. Veur t aoflègke vaan de vizietes steit edere kier ne sjieke wagel mèt chauffeur gereid; ederen daag is d r n veerse groffiaot veur op t rokkestuum en gaot zoe mer door. Vaanoet de Kanselarijraod weure door de Sikkertaris-ginneraol alle verzeuke die binnekoume um mèt de Prins e bezeuk te koume aoflègke, bekeke en es t eve kin ouch gehonoreerd. De Prins geit daan neet allein meh heet altied n aontal Tempeleers bij ziech. Dao moot dus, aon de hand vaan besjikbaarheidssjema s, nen oettrèkploog veur weure samegestèld. Mèt n foto impressie wèlle v r uuch gere nen indrök geve vaan n aontal vaan de mie es honderdviefteg bezeuke die zien aofgelag. MVV BLOUW BEERKES WÈRKBEZEUK 29

30 BABY BEZEUK PRINSEPORTRÈT PRINS HERMAN 99 JAOREGE JONGE FAN 30 ANNAKERK

31 RADAR VERZÖRGINGSTEHUIS ZIESJOEM LID 31

32 De kemissie Kanselarijraod n Aander, zier wiechtege taak vaan de Kanselarijraod is t eder jaor opnui verzörge vaan de medaaljes. Dat begint al mèt t oontwerpe en t keze vaan de naome veur de medaaljes. Es dat gebäörd is, zörg de Medaaljesjatbewaorder tot de medaaljes in voldoende aontalle bestèld weure en bij eder viziet besjikbaar zien um te weure oetgereik. In 2009 hèdde de Prinse-orde: d n Tappeseerder en de Tempeleers-orde: t Mooswief es hommaasj aon t Mooswief oppe Merret dat dao 5 x 11 jaor geleie door d n toenmaolege Stadsprins Jacques I (Chappin) woort oonthöld. Tijdens de Vastelaovend 2009 woorte de volgende aontalle medaaljes oetgegeve: Prinseknuipke: 2944 Kindermedaalje: 244 Prinse-orde: 1299 Tempeleers-orde: ridder: 444 offeceer: 166 kommandäör: 133 Groet-offeceer:

33 De kemissie Kanselarijraod Gelèt op de reacties vaan de lui, weurt t zier gewaardeerd es iemes n medaalje door de Prins krijg oetgereik. Veur n aontal lui is t zelfs e collector s item gewoorde. Op vriedagaovend 9 oktober 2009 voont op Casino Slavante veur de zevende kier alweer d n Hierenaovend in Momusstiel plaots. Oet Oeteldonk waor aajd-veurzitter Rob v.d. Laar nao Mestreech koume aofzakke um us get te vertèlle euver t Prinssjap in Oeteldonk. Drs. Theo Bovens heel in n Pegassertatie ze gehuur de stèlling veur Vastelaovend zit tösse de oere en woort daoveur beloend mèt de oetzundelek hoeg orde vaan Pegas. Jan Janssen kraog de lachers op z n hand mèt de jonge-klaore-analyse vaan Lène Menten. 33

34 De Kachelpiepers t Garderizzjemint de Kachelpiepers is e neet mie weg te dinke meziekkorps in Mestreech en e wezelek oonderdeil vaan de Vastelaovend dat sinds november 2008 oonder leiing steit vaan ne nuie veurzitter in de persoen vaan Aajd- Stadsprins Corné Gilissen. Nao Nico I in 1990 waor noe Patrick I in 2009 d n twieden aajd-kachelpieper dee woort oetgerope tot Stadsprins en in die functie de nui Kachelpiepers moch installere. Aonsletend leet Prins Patrick I zien tot heer t excercere nog neet verlierd waor. Vaanaof t Oetrope vaan de Stadsprins stoon de jonges en meidskes paraat um de Prins te begeleie es compleet korps of es Prinsewach in gruupkes vaan twie of veer lede. Neet allein mèt de Vastelaovend, ouch door t jaor heen verzörg t korps optrejjes in binne- en boeteland. Bezunder dit sezoen waor t 3 x 11 jaor zjubilei vaan Eddy Roijakkers. 34

35 De Kachelpiepers 35

36 De Machseuverdrach Wie geweente leep t Stadhoes weer in e rap tempo vol mèt genudegde die niks wouwe misse vaan t otoriteitetoeke en alles wat daobij huurt. Veur die paar gelökkege Mestreechtenere die via de aofdeiling Kabinèt n entreekeertsje hadde wete te bemachtege, waore staonplaotse besjikbaar op de galerij en in de hal achter de genudegde. In aofwachting vaan de koms vaan de Tempeleers en Prins Patrick I woorte de gaste muzikaal oonderhawwe door t Mestreechs VastelaovendsOrkes es opvolgers vaan de Blouw Jeger oet Wolder die jaorelaank de meziek veur hun rekening hadde genome en door t gelegeheidskuurke t Volk vaan Mestreech oonder aonveuring vaan Bert en Ursula Garnier, de winners vaan t Vastelaovendsleedsje Umtot t verleie jaor denao oetzaog tot Dee vaan us, wie heer zelf al aongekondeg had, in 2009 neet mie debij zouw zien en door euze Sirremoniemeister waor oetgezwejd, mós Zjèrke ziech noe get laote invalle um zien presentie es börgervajer te rechvierdege en es zoedaoneg weer deil te kinne numme aon t speul vaan de Machseuverdrach. Daoveur woorte drei kandidaot-börgemeisters vermomp nao väöre gebrach. Oonder de 1ste vermomming zaot Frans Timmermans, Staotssikkertaris vaan Boetelandse Zake, noe aongekondeg es d n 1ste börgemeister vaan Groet-Zuid- Limburg. Vaanoonder t 2de maske kaom Ahmed Aboutahleb, börgemeister vaan Rotterdam, t pöske dat Dee vaan us door z n neus gebaord waor. 36

37 De Machseuverdrach Oonder tromgeroffel en luid applaus woort vaanoonder de 3de vermomming geprizzenteerd euze nuie Zjèr, Zjèr d n 2de. Nao t gebrukelek woord vaan welkom aon de genudegde en t Volk vaan Mestreech, woort d n ierste sjamp riechting Tempeleers oetgedeild. De Tempeleers hadde ne Prins oetgezeuk dee neet in Mestreech meh in Hier waor gebore. Ouch z n Prinses is neet vaan Mestreech meh kump oet de buurgemeinte Eijsde en of dat nog neet genóg waor, ze zien neet getrouwd. Mèt väöl wäörd en nog mie zaank perbeerde Zjèrke vervolgens zie gehuur op z n hand te kriege um daomèt te veurkoume tot heer de sleutel vaan de stad oet han zouw mote geve. Ouch daagde heer euze Sirremoniemeister oet um te tapdanse. Vervolgens waor t woord aon Jan Janssen um Die vaan us de oere te wasse en ze te wieze op hun tekortkouminge in t aofgeloupe jaor. Gouverneur Leon Frissen woort gerappeleerd aon de -affaire in t Gouvernemint. Wèthawwer Luc Winants kraog de wind vaan väöre euver z ne sportpas. Wim 37

38 De Machseuverdrach Hazeu woort aongepak euver t feit tot z n eige lui bij de Milieudeens häöm neet kóste es hunne baas. Jacques Costongs kraog de lès geleze euver de doeve die op t Emmaplein gevaange woorte um ze vervolgens in Malberg oonder te bringe. Jean Jacobs, neet present, had t mesjiens al veule aonkoume, woort aongepak euver t verloup vaan d n 11de vaan d n 11de op de Vriethof en euver z ne fout gestalde fiets dee heer ziech, tege betaoling vaan n boete, kós goon trökhole in Lummel. Veural dat lèste woort in bookvörm op n fantastische meneer weergegeve. Zjèrke probeerde nog te redde wat te redde veel, gebruukde dao zelfs de oonthölling vaan ne nuie Stadsingel veur, meh t moch allemaol neet bate, heer oontkaom d r ouch dit kier neet aon um de mach veur drei daog oet han te geve door de euverhandeging vaan de zèlvere stadssleutel en scepter aon Prins Patrick I. Mèt t verkleie vaan de otoriteite en t decorere vaan n aontal gaste kaom n ind aon nen te lange zit. 38

39 De Machseuverdrach 39

40 De Machseuverdrach Nao n tas sop en e paar bruudsjes mós d n Hoeglöstigheid saoves alweer aontrejje um tijdens de groete Prinsereceptie in de Bonbonnière de nudege lui te bedaanke en te decorere veur hunnen inzat veur de Mestreechter 40

41 De Machseuverdrach Vastelaovend. Meh neet allein dat ouch Prins Patrick I zelf woort tijdens de receptie good verweend door de receptiegengers. t Waor n geweldeg drök bezeukde receptie die door väöl lui woort aongegrepe es aonluipke nao de drei Vastelaovendsdaog die veur de deur stoonte. Behaange mèt medaaljes en euverlaoje mèt kedoos zoe wie toerte, blomme, flesse draank, sjèlderijkes en zoe mie woorte Prins Patrick I en z n Prinses Silvy roond t middernachtelek oor nao t Prinselek Pelies aon d n Aokersteinweeg trökgebrach. 41

42 Wat ranzjeerde eus lui vaan de kemissie Boetegebäöre? Inhole Veur ne Stadsprins besteit de periood vaan Oetrope tot Asselegoonsdag oet n aoneinsjakeling vaan hoegtepunte. Toch zien d r in die periood e paar mominte die dao nog bovenoet steke. Ein vaan die mominte is de zaoterdag veur Vastelaovend. In de mörge-ore stoonte e paar Tempeleers bepak en bezak veur de deur vaan t Prinselek Pelies aon d n Aokersteinweeg um d n Hoeglöstigheid te assistere mèt t aontrekke vaan t Bourgondisch kostuum zoetot heer ziech op n ordentekele meneer kós prizzentere aon z n femilie, vrun en de lede vaan de Kanselerijraod die ziech oondertösse in t Prinselek Pelies verzameld hadde. Nao de nudege compleminte in oontvangs te höbbe genome en t oetreike vaan n aontal medaaljes, doog Prins Patrick I ederein verstèld stoon door um perceis elf minute nao elf veur zien Prinses Silvy op de kneeje te goon en häör ten houwelek te vraoge. Tot daobij menneg träönsje gelaote is, maag dudelek zien. Nao te zien bekoume vaan alle emoties waor t tied um op weeg te goon nao de Lijnwèrkplaots en de Statie vaan Mestreech veur n oontvangs door t NS-perseneel. Boete veur de Statie had ziech inmiddels ne cortège gevörmp dee Prins Patrick I nao de Merret zouw begeleie um dao veur drei daog de mach vaan 42

43 De kemissie Boetegebäöre Die vaan us te goon euvernumme. Veurtot t evels zoewied waor, oondergóng d n Hoeglöstigheid op de Mönt nog iers de confetti-douche en brach heer op de Merret n hommaasj aon t Mooswief door häör te sere mèt ne sjieke greuntekrans. 43

44 De kemissie Boetegebäöre De Vastelaovendsdaog Nao n betrèkkelek korte nachrös, stoonte op Vastelaovendszoondag in de vreug mörge-ore al de ierste Tempeleers weer op de stóp vaan t Prinselek Pelies. Meziek woort opgebouwd en t doorde neet lang of t waor gezèlleg drök in en boete t Prinselek Pelies. Ederein wouw getuige zien vaan t oethaange vaan de Prinseleke Veendel en t völle vaan de tönnekes vaan de marketentsters. Mèt n merci aon de naobersjap en eus vrun vaan de Sjraveleirs oet Hier woort aofsjeid genome vaan d n Aokersteinweeg um rap op weeg te goon nao de Vriethof um dao t Mooswief op te trèkke en mèt de 11 sjeut vaan t Momuskenon de Vastelaovend daodwerkelek in te sjete. Oondaanks tot t weer neet erg mètwèrkde lete de lui z ch neet weerhawwe um massaal deil te numme aon de Groeten Optoch of langs de kant te kieke nao de sjieke creaties die in ne boonte störm door de straote vaan Wiek nao 44

45 De kemissie Boetegebäöre Mestreech trokke. Prins Patrick I en zien Tempeleers gónge veurop en lete vervolgens aon de Vriethof d n Optoch aon ziech veurbij trèkke. D n Optoch woort dit jaor veuraofgegaange door de gróp Project X, n verzameling wagele die in drei maond tied oonder leiing vaan ne gróp kunsteneers door versjèllende bevolkingsgróppe waor opgebouwd. 45

46 De kemissie Boetegebäöre In de aovend-ore woort de cramignon geloupe en woort aonsletend menneg kaffeeke mèt e bezeuk verierd. In de late mörge-ore c.q. de vreug middag-ore vaan Vastelaovendsmaondag bringk de Stadsprins traditiegetrouw e bezeuk aon de kraanke kinder in t azm veurtot heer deil geit oetmake vaan de Femilie-Optoch. Wat oets es Kinderoptoch is gestart is oetgegreujd tot ne femilie-optoch boe-in joonk en aajd ziech op n kösteleke meneer ammezeert. De femilie-optoch is veur hiel väöl kinder de ierste kinnesmaking mèt de Vastelaovend en op dees meneer kriege ze de Vastelaovend dus mèt de spreekwoordeleke paplepel ingegeve. Zjus wie de zoondagaovend woort ouch noe weer in de aovend-ore de cramignon geloupe. Gestart woort bij Minckeleers oppe Merret, 46

47 De kemissie Boetegebäöre vervolgens góng t via t Mooswief en de Aajd-Prinse-galerij nao t Dinghoes en de Vriethof um vaan dao oet weer n aontal kaffees te goon bezeuke in de umgeving vaan Amorsplein en Slevrouweplein. 47

48 De kemissie Boetegebäöre D n dinsdag is gerizzerveerd veur de Kinderkestuumwedstrijd (g r kint dao euver leze elders in dit Jaorverslaag) en t groet concours vaan de Zate Hermeniekes op de Vriethof. Door middel van n loting höbbe ze zelf de volgorde vaan optrejje bepaold. In ne boonte rijaloet prizzenteerde ziech de hermeniekes veur de jury oppe Vriethof. Eder hermenieke kraog n sjieke oerkonde es aondinke mèt. En wie 48

49 De kemissie Boetegebäöre kin t ouch aanders, allemaol hadde ze nen 1ste pries mèt lof vaan de jury. Dat woort weer beloend mèt n medaalje veur aon de veendel. 49

50 De kemissie Boetegebäöre Get wat sjiek, geweldeg, manjefiek, fantastisch en num nog mer get vaan die superlatieve, is doort altied väöls te kort. t Ind vaan de Vastelaovend op dinsdagaovend kaom daan ouch veur väöl lui rapper es ze hadde gedach en gehoop. Tege oor leep de Vriethof al aordeg vol mèt Vastelaovendsvierders die aofsjeid kaome numme vaan t Mooswief meh mie nog ne groete merci wouwe laote hure aon t adres vaan Prins Patrick I en z n leeftallege Prinses Silvy veur de meneer boe-op heer t Volk vaan Mestreech waor veurgegaange in de Mestreechter Vastelaovend t Volksleed klonk, t Mooswief woort neergelaote, links en rechs vloejde e paar traone, de Prins gaof z n teikene vaan wierdegheid trök aon de Prizzedent- Tempeleer en heer woort weer dee gewoene Mestreechteneer vaan véúr 25 jannewarie 2009: Patrick van de Weijer. Vastelaovend 2009 waor veurbij en mèt e content geveul góng n ederein op hoes aon. 50

51 De kemissie Boetegebäöre 51

52 In Memoriam MIETS ABRAHAMS DAMOISEAUX Mèt t aofsjeid vaan Miets is us n markante vrouw oontvalle die hiel väöl veur de Tempeleers heet beteikend. Miets stoont neet väöraon. Die plaots waor veur häöre maan Dré, d n Aajd-Stadsprins en zier verdeensteleken Opper- Tempeleer. Dat beteikende evels neet tot Miets allein mer vaanaof de kant touwkeek. Levenswiesheid en geveul veur betrèkkelekheid gaove häör ne klaore kiek op de minseleke kant vaan t Tempeleersgebäöre, boedoor ze in staot waor um op t good momint en op de zjuste plaots häör visie te geve die ummer hout snooj. Oondaanks t feit tot häör lèste jaore bepaold neet de gemekelekste waore bleef ze, in de maote zoewie häör gezoondheid t touwleet, betrokke bij t doen en laote vaan de Tempeleersfemilie. t Waor ne sjoene zomersen daag wie Miets op 22 augustus, 83 jaor aajd, aofsjeid naom vaan t leve. E welbesteid leve vaan n aimabel vrouw. BB 09 52

53 De Tempeleers De Organisatie (situatie vaan 11 nov tot 11 nov. 2009) Besjermhier Drs. Gerd Leers, Börgemeister vaan Mestreech Iere-Besjermhier Mr. Philip Houben Aajd-Börgemeister vaan Mestreech Iere-Tempeleer Funs Wolfs Protecteursraod drs. Gerd Leers, veurzitter R. Persoon, vice-veurzitter drs. L. Brans Brabant mevr. M.L.H. Depondt-Olivers drs. F. L.J.F. Jadoul dr. ir. J.G.M. de Jong mr. E. Q.F. Klomp M.M.J. Mourmans dr. ir. J. Ritzen P.M.E. Thijssen drs. L.B.M. Verzijlbergh mr. E. de Vries Bestuur Peter Reijnders, Prizzedent Jean-Louis Tuinstra, Vice-Prizzedent Nico Kempeners, 1e kretser Marcel Janssen, Habsjaar Lede Bert Beenkens Lou Buytendijk John van Dijk, tot aprèl 2009 Rob Dohmen Pol Feron Wielie Fey Wim Fischer Herman Frantzen Tom Gilissen Willy Hageman Han Hoogma Henk de Jong Vic Kamm Théon Kennis Pascal Keulers Bèr Kleijnen Willem Kroon Hans Linnemann Jef Loontjens, Sikkertaris-Ginneraol Boy Olivers Jo Ramaekers Victor Salentijn Pie Steffens Han van Trier, vaanaof mei 2009 Patrick van de Weijer, vaanaof mei 2009 Raymond Willems John Zeguers Frans Buytendijk, vz. Kanselarijraod Guy Bannier, vz. Binnegebäöre Fred Sleebe, vz. P.R. kemissie Maurice v.engelshoven, vz. Boetegebäöre Luc Schoonbrood, vz. Financieel kemissie Jan Janssen, Sirremoniemeister Willy Massot, directeur Maggezijn, tot juli 2009 Frits Jongen, medaaljelesjatbewaorder/oetbelder 53

54 De Tempeleers De Organisatie Kemissie Boetegebäöre Maurice van Engelshoven, veurzitter Daniëlle Berghmans Harrie Crapels Rob Dohmen John van Dijk tot aprèl 2009s Peter van de Eerden Tiny Engelbert Pol Feron Leon Hensels Han Hoogma Frans Jozef Jansen Jan Janssen Frans Leltz Hans Linnemann Jef Loontjens Jef Persoon Jo Ramaekers Jean Rossell René Stallinga Twajn Vermin Maggezijn Willy Massot, directeur, tot juli 2009 Pol Feron, directeur, vaanaof juli 2009 Pierre Dassen, beheerder Harry Aerdts Leo Beckers Frans Boesten Harrie Crapels Pedro Dassen Peter v.d. Eerden Jan Hameleers Roger Hameleers Harie Hul Frans-Jozef Jansen Michel Jungsleger Jean Lenaerts Lucien Scharis Clim Trines Charles Walthie De Trèkkers Servé Meerten, veurzitter Raymond Bergmans Raymond Brands Ralf Caenen Hennie Coenen Ton Dello Jos Detisch Guido van Dijck Rinus de Groof Peter Hendrikx Herman Kersten Jack v.d. Meulen John Munnichs Francois Pletsers Marcel Rassin René Stallinga Ed Strijp Peter Stroes Winnie Vrijens John Wagemans Marcel Zeegers Kemissie Binnegebäöre Guy Bannier, veurzitter Guido Baartscheer Marion de Bont Gerda Botty-Prinse Iris Castro Fabienne Duchateau Ursula Garnier Noël Jaegers Roel Janssen Henk de Jong Théon Kennis Pascal Keulers Marijke Kroon Willem Kroon Rens Lasoe Lilian Limpens Patrick Muijtjens Susanne Muijtjens-Loontjens Roger Niël Jef Persoon Huub Stevens Ed Strijp Peter Stroes 54

55 De Tempeleers Frans Theunisz Vincent Vanderbroeck Frank Verhees Willy Verweij Etiënne Vroemen Henk Weerts Patrick van de Weijer Evert-Jan Zelders John Zeguers Kanselarijraod Frans Buytendijk, veurzitter Bert Beenkens, raodshier Wim Fischer, raodshier Jan Janssen, Sirremoniemeister Frits Jongen, Medaaljelesjatbewaorder Jef Loontjens, Sikkertaris-Ginneraol Boy Olivers, raodshier Jean-Louis Tuinstra, Vice-veurzitter Raymond Willems, Marchal Funkeleer Nico Brennert, chauffeur Prins Bèr Janssen, chauffeur Tempeleers t Garde-Rizzjemint de Kachelpiepers Kretserij/Archief Nico Kempeners, kretser Jopie Franssen Hans Hollanders, fotograaf Egon Smeets Financieel Kemissie Luc Schoonbrood, veurzitter Jo Bosch Trudy Bosch-Keerssemeeckers Ton Dello Wielie Fey Leon Geurtjens Tom Gilissen Imgriet Habets vaanaof okt Willy Hageman Marcel Janssen, Habsjaar Richard Jongen vaanaof okt Emile Meuwissen Boy Olivers Katja Rodts Ton Schoenmaeckers Lisette Stallinga Han van Trier, vaanaof mei 2009 John Zeguers Kemissie Gala Sponsor aovend Leon Geurtjens Tom Gilissen Miel Keerssemeeckers Pascal Keulers Raymond v.d. Nobelen Math Schoenmaeckers Luc Schoonbrood Servé Tillie Willy Verweij Eugène Vingerhoeds Sjaak Waltmans Funs Wolfs P.R. Kemissie Fred Sleebe, veurzitter Rob Christiaans Yves Frissen Bèr Kleijnen Fernand Paulissen Victor Salentijn Han van Trier, vaanaof mei

56 Trökblik Recessie, oontslage, t is kommer en kwel Meh Vastelaovend vierde veer wel In fibberwarie gebäörde t weer Die daog vol Carnevalsplezeer Hiel get lui waore bij t Oetrope present De onthölling op de Merret stumde zier content Patrick d n Ierste, de Prins der Prinse ne Betere kóste veer us neet winse Zier enthousias en zier gedreve Heet heer zelfs n daagbook gesjreve t Leedsje dat Patrick zoe populair heet gemaak Wat ne supersjoenen daag veel dudelek in de smaak t Is lösteg, t heet schwung En ouch dat is supersjoen Leuk waor t te mage aonsjouwe Wie Patrick vroog of Silvy mèt häöm zouw wèlle trouwe Iech dink zeker te wete Carneval mèt zoe ne Prins weurt neet gaw vergete t Weer waor soomber en d r veel rege Meh dat heel de lui neet tege Kort gezag t waor sjiek en fien Noe kieke veer weer oet nao 2010!! Bep Cohen 56

57 Epiloog. Es samestèllers vaan dit jaorverslaag hope veer tot geer obbenuits de vastelaovend 2009 höb mage beleve. Veer daanke de kemissies veur hun bijdraog aon dit jaorverslaag. t Waor e good sezoen boe de eveneminte good zien geslaag en boe veer gruuts op trökkieke. Veer höbbe neet de pretentie gehad um alle aktiviteite te besjrieve, daoveur zien d r in e sezoen ouch hiel erg väöl. Veer hope tot geer dat kint begriepe. Meh dit beukske gief toch e good euverziech euver aofgeloupe jaor vaan wat de Tempeleers höbbe gedoon in t belang vaan de Mestreechter vastelaovend en -gemeinsjap. De Tempeleers höbbe dat evels neet allein gedoon en zien daorum daank versjöldeg aon: B&W en de Gemeinteraod vaan Mestreech D n Deens Stadsbeheer en Facilitair zake Brandweer Pelitie GGD Alle Börgermètwèrkers in de versjèllende kemissies Ederein dee door ziene/häöre finansjele steun de ranzjasie vaan de Vastelaovend meugelek maakde Mer veural bedaanke veer hiel gruuts t Volk vaan Mestreech 57

58 Colofon Oetgaof Samestèlling Bewèrk door Oplaog Fotoos Drök Stiechting De Tempeleers p/a Kochstraot ER Mestreech Tempeleers Guy Bannier en Nico Kempeners Louis van den Bongaert 700 stöks Hans Hollanders Kenneth Tan Jef Loontjens Nico Kempeners Drökkerij T.O. Offset - Gijsemberg, Hertogsingel 9, Mestreech 58

59 59

60 60