Mestreechter leedsjes-cahier. Nommer 1

Transcriptie

1 Mestreechter leedsjes-cahier. Nommer 1 They Bovens bron. De Ieuwige Studente, Maastricht 1989 Zie voor verantwoording: dbnl

2 Mestreech wie 't diechde en zóng.

3 2 De belangstèlling veur leedsjes en veurdrachte vaan vreuger is nog altied erg groet. Dat is nog 'ns good nao väöre gekoume in de groete reaktie op de vaste rubriek euver dit thema in de Maaspost. Veur de verzörgers vaan dees rubriek, de ieuwige studente, waor dat daan ouch reie genòg um bij vrun, kinisse en femilie gezeumerde leedsjes in cahier-vörrem te goon oetgeve. Ouch eus veurawwers sjreve jummers vreuger de leedsjes in 'ne z.g. leedsjes-cahier. Bij de selectie vaan de leedsjes doog ziech 't probleem veur tot bij 'n aontal leedsjes de naom vaan d'n teksdiechter neet debij stoont en ouch neet op wat veur 'n wijs 't leedsje gezoonge moos weure. Daankzij de mètwerreking vaan de lezers vaan de Maaspost, boevaan d'rs versjeie zoe vruntelek waore um leedsjes, die ze ziech vaan vreuger rappeleerde, oet de kop veur te zinge, waor 't meugelik um bij alle geselecteerde leedsjes ouch de noete debij te sjrieve en bij de mieste leedsjes ouch de makers devaan te vermelle, al gebäört dat hie en dao oonder veurbehaajd. Tot de leedsjes in de Mestreechter neet euveral op einsen teks en wijs gezoonge woorte bleek oet de teks en meziek variante, die de ieuwige studente oonder ouge kraoge. Bij 'n aontal leedsjes heet me daan ouch 'n käös mote doen en in veurkoumende gevallen miestal gekoze veur de op 't ierste oug, ajdste versie. Veur wat betröf de volgorde vaan de leedsjes woort gekoze veur de meneer, boe-op me ze vreuger in de cahiers sjreef, n.l. ongesorteerd en gewoen veur de voots

4 3 Bij de spelling woort zoeväöl meugelek gebruuk gemaak vaan de allewijl in zwaank zijnde Veldeke-spelling. Tot besluit. Moch geer in deze cahier bepaolde leedsjes en veurdrachte misse, daan is 't good te weite tot deze cahier d'n ierste is in 'n oet te geve serie. Um 'n zoe kompleet meugeleke verzameling te kriege zouw 't evels wel plezerig zien es geer de ieuwige studente laet weite of geer nog leedsjes veur de verzameling höb. 't Adres vaan de ieuwige stundente vin d'r in de cahier. Veer winse uuch väöl plezeer mèt deze leedsjes-cahier Nommer Ein en hope tot 't sjoen en aajd gebruuk vaan 't same zinge in de Mestreechse hoes-hawwes en bij femiliefieste mèt dees oetgaof weer get mie tot bleui zal koume. Mesteech Aprèl 1989 They Bovens

5 4 Mestreech boe is de sjoenen tied nao touw 1 Mestreech, boe is de sjoenen tied nao touw Wie veer hei leefde vrij en vraank Wie ederein dach en zag al wat heer wouw En niemand luusterde nao dwaank Wie katteliek en protestant Vereinig ginge hand in hand Wie aofguns nog veur woere vrundsjap zweeg Wie aajd en joonk, jao zelfs kinder in de weeg Repe: Vivat hoera Mestreech, vivat hoera Mestreech. 2 De staar die in 't Mestreechter waope blink Droog toen 'ne perel aon eder punt De ierste vaan fien zèlver gans umrink Had recht veur vijand en veur vrund De twiede in 't goud gezat Had leefde veur eus vajerstad Dee blonk en glinsterde vaan 't sjoenste leech En dee die straole in zien ouge kreeg Dee reep: Vivat hoera Mestreech, vivat hoera Mestreech

6 5 3 D'n derde perel vaan 't waope vaan de stad Gesmeid vaan iezer en vaan staol Had groeter weerde es de groetste sjat Wie es die aandere allemaol Zie waos de vrijheid en 't rech Vuer dee neet leefde es slaof of knech Waos vrijheid wat eur hart en ziel beweeg Neet minder nudig es't zonneleech Roop daan: Vivat hoera Mestreech, vivat hoera Mestreech 4 De veerde perel waos geslepe vaan kristal Gasvrijheid woort ze ouch geneump Eus hart laog ope op de hand euveral Zoe woort eus Mestreech daoveur bereump. De beker vaan gasvrijheid woort Us volgesjöd tot op 't boord En dee daan naom de touwvlöch tot Mestreech Dee droonk mèt daankbaarheid de beker leeg En reep: Vivat hoera Mestreech, vivat hoera Mestreech 5 De eindrachperel waors de vijfde diamant Dee bloonk mèt helle sjoene glans Eus awwers die trotseerde hand in hand D'n tiran, Spanjaord en ouch Frans De eindrach waors eus groetste krach Door häöm woort al us leid verzach De mèlk vaan eindrach, die droonk me in de weeg De eindrach bouwde us de vrijheidsweeg En me reep: Vivat hoera Mestreech, vivat hoera Mestreech 6 Veer perele vaan die vijf die zien d'r nog Op 't aajd stadhoes al in ein kis Met spinnegeweef en mèt stöp bedèk mèh och, Eus eindrachsperel is vermis Me vint ze mesjien nog 'ns trök En gaof us God dat groet gelök Iech zouw bij 't oetgoon vaan mien levensleech Es iech miech d'n doedzweit vaan miene veurkop veeg Nog snakke: Vivat hoera Mestreech, vivat hoera Mestreech

7 6 7 Mestreechtenere tesame, aajd en joonk Bedink toch wat geer vreuger waort Laet zien tot neet de lèste eindrachsvoonk In eure boezem is gesmaord. D'n ingel dee 't stadswaope hèlt Zal lachentere es geer 't mer wèlt Uuch roeze struie op d'n eindrachsweeg Daan zal de staar weer vunkele vaan nui leech Roop daan tesaam: hoera Mestreech Vivat hoera Mestreech. In Sintervaoskèrrek 1 In Sintevaoskèrrek al in 't portaol Dao spreke de heilige doufstomme taol Refrein; Fiederallalala, fiederallalala Fiedera, fiedera, fiederallalala 2 St. Pieter dee huurt get en zeet gans verlege Iech geluif tot hei eine get heet laote vlege Refrein... 3 Neet iech, zeet Ambrosius, iech höb mie fetsoen Iech zouw miech wel wachte um zoeget te doen Refrein...

8 7 4 Bonifacius weurt koed tot me häöm kós verdinke Meint geer noondesjouw, tot iech hei staon te stinke? Refrein... 5 Franciscus steit achter dao tege de roete Iech weit nörges vaan, iech haw miech de boete Refrein... 6 Antonius zeet: Gedraag uuch wie 't huurt, Iech höb 't hiel dudelek twie kier gehuurd Refrein... 7 Canisius dee zeet: Iech höb niks gedoon Man hat hier geschossen meinde heer te verstoon. Refrein... 8 Monulphus weurt vals en zeet gans brutaol: Iech höb niks gedoon en iech vin 't e sjendaol Refrein... 9 Aloijsius hèbt z'n ouge ten hiemel geslage Ach, Zjuzzes, die loch is hei neet te verdrage Refrein Wee zeet, zag St. Rochus, tot veer dat hei dege? Mesjiens zien ze op 't kloester de huiskes aon 't vege Refrein Grondulphus, dee brölde vaan achter 'ne pilaar: Es miech eine get zeet, dee houw iech veur z'n staar Refrein 't Is erreg, zeet Paulus, wèlt geer noe 'ns zwiege Veur zoe'n doedgewoen puupke, zoe'n ruizing te kriege. Refrein Sintervaos dee zag niks stont zoe stèl wie 'n moes En dach in zien eige: Iech bin hei toch thoes Refrein: St. Pieter zag op 't lèste: Laote veer noe mer hope Tot 't neet mie gebäört en zèt de vinsterkes ope Refrein...

9 8

10 E reiske mèt de boot nao Luik 1 Iech maakde lès e reiske met de boot nao Luik Dao trof iech 'n aordig meidske op de boot nao Luik Ze waors neet groof, ouch neet fien Meh zjus wie ze veur miech moos zien Op de boot nao Luik. (x3) 2 Iech knikde häör toen 'n uigske op de boot nao Luik Ze heel ziech zo stèl wie e muiske op de boot nao Luik Iech ging neve häör zitte hiel galant En prezenteerde häör toen beleef 'n hand Op de boot nao Luik (x3) 3 Juffrouw boe komp geer zoe allein op de boot nao Luik Kom drink get vaan miech, zègk neet nein op de boot nao Luik Toen zag ze: Menier es iech get pak Iech drink altied koffie mèt Cognac Op de boot nao Luid (3x) 4 Juffrouw boe gaet geer toch nao touw op de boot nao Luik 't Is zoe kaajd hei noondesjouw, op de boot nao Luik Wèlle veer oonder in de kajuit get zitte goon Dao kinne veer us ouch beter verstoon? Op de boot nao Luik (3x)

11 9 5 Ze zag neet jao, ze zag neet nein, op de boot nao Luik En beloerde miech zjus wie 'n aw begijn op de boot nao Luik Menier geer moot neet zoe vervelend doen Want iech bin e meidske vaan fetsoen Op de boot nao Luik (3x) 6 Iech zag: Dat weit iech leefste prei op de boot nao Luik En kneep häör evekes in häör zij, op de boot nao Luik Toen begós ze te sjriewe, wie 'ne zate sprieuw En spróng toen roond wie 'ne jónge lieuw Op de boot nao Luik (3x) 7 Ze sjol miech oet veur batteraof, op de boot nao Luik De blijfs mèt dien fikke vaan miech aof op de boot nao Luik Menneke de höbs diech lielek vergis Want iech bin de vrouw vaan de machinis Op de boot nao Lui (3x) 8 Dao stóng iech te loere wie 'ne gek, op de boot nao Luik Toen kraog iech 'ne slaag in miene nek op de boot nao Luik Dao rolde iech wie 'ne kókkerel Wie iech opstoond had iech e groet gezwel Op de boot nao Luik (3x) 9 Hiere gaot geer soms 'ns mèt mèt de boot nao Luik Welt daan ouch vaan miech liere vaan op de boot nao Luik Zeet daan neet zoe beleef wie iech Want daan sloon ze uuch ouch e dik geziech... Op de boot nao Luik (3x)

12 10 De Mestreechter Waterleiing 1Wat zal noe nog goon gebäöre In eus aw Mestreechter stad Wèlt me waterleiing make Zègk miech ins, wie vint geer dat? Refrein: Litsom Litsom falederalderiere Litsom litsom falederaldera Wèlt me waterleiing make Zègk miech ins, wie vint geer dat? 2Euvr'al geit me buize lègke Met 'nen derrem dao aon vas Um de straote te besprinkele Boe te weing graas in was Refrein... 3Poompe zien sjijns neet mie nudig Euze road, dee deit ze weg Neet umtot ze us zjenere Meh hun water waors te slech Refrein...

13 11 4Veur zjenever woort vergunning In de stad hei al betaold Meh noe weurde auch veur water Oet eur tes de cent gehaeld Refrein... 5Al eus brouwers zien tevreie 't Weurt veur hun e groet gemaak Niemand hoof daan mie te poompe Wat 't beer zo deur nog maak Refrein... 6Lijt nog iemand aon verstopping En heer moot e lavvemint Gaw d'n derrem daan genome Da's 'r bèste instremint Refrein... 7'n Fontein zal op 't Gressje En ouch aon de Brakke stoon Boe me mèt speciaol permissie Ouch nog kaan in vèsse goon Refrein... 8Sjèldwachte, die neet mankere In de Sint Katrienegaank Zalle raar stoon op te kieke Nao zoe 'ne waterstraank Refrein... 9Veur eus pompiers hèt 't mikke Meh die weurde trop gelierd Mèt deen derrem weurt 'ne sjèldwach Wie 'n niks zoe umgekierd Refrein... 10Depotwaar en Waterliing Zien twie perels aon de kroen Vaan eus stad, boe m'm de heukskes Vrij noe zien behoeft kaan doen Refrein...

14 12 Vief sent 'n oons viege Vief sent 'n oons viege Vief sent 't oons En bij Vlubet kinste ze kriege En ze smèlte d'ch in d'ne moond wie doevestroont Bij Vlubet kinste ze kriege En ze mèlte d'ch in d'ne moond

15 13 Vrouw Snel Vrouw Snel had in häör humme gesjete En häöre maan dee moch dat gaar neet wete Vrouw Snel had in häör humme gekak En 're maan, de snapde häör bij häöre nak En boeveur mie keend? Wel tot häör humme stink Tiralala, Tiralala Tiralalalala, lalala.

16 14 De wind De veurige winter toen góng 't werrek euveral slech geluif miech op mien ier de leiendèkkers vaan Mestreech maakde ziech sterrek en deenden 'n petitie in bij Slivvenier de lui mooste toch ete, sjouwe en take waore nog neet verslete, de Maan vaan heibove zou hun neet vergete, de Maan vaan hei-bove dee us zoe bemint, dee sjik de obbins 'ne fameuse wind 2 D'n Twellefde Miert, iech zal 't noets vergete Toen góng dee wind obbins aon de gaank Sjouwe en take woorten oeterein gerete 't Regende panne wel drei ore laank En de lui, die ziech hadde goon beie kroage, en dat zoonder reie Hunner hiele nek vol panne en leie En 't sjoenste vaan alles daobij zaog ich nog } Niks es sjouwe en boterpöt vloge door de loch } bis bis

17 15 3 Iech koam oppe Vriethof en bezaog Sint Jaanstore 't Waor perseis of dee moos vergoon Op tied vaan 'n haaf oor waer heer gesjore Geine haok of gein lei had trop blieve stoon Toen gòng 'r aon 't balancere umtot 'm de stad neet leet ripperere En de stadsleiendèkkers mooste dalek oonder de waopes opmasjere Zègk jonges, ach spooit uuch, lóp gaw noa St. Jaan } En haolt mer 't ierste d'n tore devaan. } bis bis 4 't Lof waer zjus oet en väöl sjoen juffrouwe Die wouwe nao hoes touw zoe gaw es me kós Meh door de felle wind kóste ze neet wie ze wouwe Gein ein, die häör velengskes mie neer hawwe kós Toen zoag me brokepiepe mèt kentsjes en mèt striepe Mie krom bein es rechte, dat kint geer begriepe Iech zaog e paar kute en woort bekans blind } bis Zoeget zuut me noets aanders es mèt zoene wind } bis 5 'ne Verleefde joonkmaan wandelde achter e sjoen juffruike Wat waor ze sjoen gekleid, vol strikskes en knuip Heer dach bij zien eige: gein aander es diech weurt mie vruike Meh obbins kaom de wind en zij op de luip Häör valse krolle zaog me wejje en ze kós neet mie drejje En oonder de peignoir kaom oet nen awwe smerige tieretejje En dee'n erreme sul, dee meinde alles waor ech } bis Meh de hèllef devaan dat weide eweg } bis 6Aon eus sjoen kemedie stoont iech gans verwoonderd Iech dach es die noe mer neet en vèlt De mellegerblök koame vaan bove aofgedonderd Dat kump umtot me ze zoe good oonderhèlt Ich zag veur d'n drommel wejde ze mer um dee klommel 't Is toch mer get awwe roomel En wejde ze um, geluif meich leef lui } bis Hie in Mestreech kraoge veer noets mie 'n nui } bis

18 16 7 De Sintervaoskèrrek in al haor kappelle Dao loijde en sloge de klokke doorein Dao hoort me niks es loeie en belle Al de fondaminte die toemelden inein De aw bissjoppe begraove dao, die repe en gaove al jao Hunne raod: 't lèste oordeil is al dao Meh de levende Ocherrem, geer zeet 't noe toch } bis De kromme Bovens staok twie gebroke bein in de loch } bis 8 Op Mevrouweplein zaog iech de lui loupe En iech leep ouch mer gaw denao touw Meh wie iech dao kaom, wat waor dao te koupe Dao zaog iech d'n awwe Brèl mèt zien vrouw De wind kaom tössebeie, links en rechs woorte ze gesjeie D'n awwe Brèl veel zie bein in dreie Meh obbins stoont iech dao hielemaol bloetskop } bis Mein möts, die wejde de Breistraot op } bis 9 In 't stadsparrek waor 't um ziech te sjaggenere Dao laog ne boum, tristig um te zien De boum, boe ziech de mösje altied in ammeseerde Ziene naom is Malchar in 't Letien Toen góng me dao aon trèkke um 'm mèt iezerdraod vas te lègke Noe is 't de stads-brand-tèllegraof zouw me zègke En gaot geer dao aon trèkke in geval vaan brand } Zien de deenders en pompiers seffes bij de hand } 10 Ze dachte vaan d'n ingel op euze stadstore de staar, die wejt 'm oet z'n hand Heer reep: Iech geef de mood verlore Mestreech dat wejt nog 'ns gans aon de kant Toen begòs heer te professeie de börregers, die zien oontevreie Meh 't is ouch neet zoonder reie Want zeet 'ns wat sjaoj veur us sjoen Mestreech } Granizoen, Tribbenaol, dat wejt hei eweeg } bis bis bis bis

19 17 11 In Wiek dao waor 't ei groet spektakel De Luiker statie wejde dao eweg Die woort opgenome en 't fien merakel dat kaom dao vlak bij de nui weer terech De Staar hoofde neet op de passe, de praeses maakde gein grimasse Want dee zaot al lang mèt St. Pieter te jasse Want gans allein en hiel oonverwach } bis trok dee obbins nao d'n hiemel op ein nach } bis 12 Väöl hiere vaan 't stadhoes, die dachte Gein hoes in de Brögkstraot zal mie blieve stoon, Dat is noe zjus boe veer jaore op wachte Noe hove veer neet aon 't oonteigene te goon Meh wat ze ouch dachte en oonderein zagte Pa Schumacher stoont in zien deur en lachde Want aon zoe 'n zake dao kump jao gein ind } 't Is of ze wachte al op zoene wind } bis 13 Bekans waor iech nog get vergete De wind kaom ouch op St. Pieter opaen Wat toen gebäörde zalt geer mesjiens wel wete Geine keigeleer heel ziech op de baon De wind heet ze opgenome en boe ze terech zien gekome Wis niemand, meh heet me iers later vernome Ze pakde en snapde ziech allemaol bijein } bis En vloge bij Krischer in, op nommer ein } bis bis 14 Drei maond denao, alles waor vergete 't Weer waors stèl en de wind had ziech gelag Toen gebäörde get, geer zalt 't wel wete De wind kaom trök op zekere nach En Kesseleer zienen hertekop. dee wejde de buro vaan Pelitie op En 'ne pompier had de gouwen hood van Zjef Banser op En 't sjoenste vaan al, daobij zaog iech nog De stievele vaan Kroll diffelere door de loch.

20 18 De Vriethof op en neer. 1 Es 's aoves de winkels geslote zien, D'n hiemel vol stare steit Daan is geine mins in gans Mestreech Dee neet nao de Vriethof geit. Es veer dao wandele op en neer Op de maot vaan de meziek Daan veule veer us Mestreechteneer En zien daan de keuning te riek Refrein: De Vriethof op en neer De Vriethof op en neer Iao op de Vriethof dao zien veer zoe geer Es echte Mestreechteneer.

21 19 2 Wieste vreuger nog in e kuitske laogs Of in e wegelke sleeps En later aon 't henneke vaan de maog D'n ierste peskes deegs Waor toen al neet d'n ierste gaank Es echte Mestreechteneer Leepste toen al neet dèks ore laank De Vriethof op en neer. Refrein... 3 Krijg e kinneke al ins e nui mentelke E nui heudsje of e nui kleid Daan deit ze dat 't ierste aon Es ze nao de Vriethof geit Daan weurt ze bekeke, beloerd, begluurd Vaan häör tiene tot häören hood En dat is sjus wie 't ziech huurt Dat vint zoe mamsèlke wel good Refrein... 4 En wieste bij de broeders waors Wat woort toen neet nao sjaol Oppe Vriethof gehuif, gekókkereld Um dee lanteriepaol Dao woort gemetsj en goolgesjot De jasse en mappe op huip Meh zaogste 'ne govie of kèttelpiejot Daan góngste gaw op de luip Refrein... 5 Es de sjeut vaan Momus gevalle zien Daan is 't Carnaval Daan is op de Vriethof lol, plezeer, Daan is op de Vriethof bal Daan weurt gesproonge, gedans, gehos, Heet eed'rein plezeer en vermaak En weurt door de gekke um de kios 'ne Spiereling gemaak Refrein...

22 20 6 En zaogste al 'ns e meidske geer, Wat Ma nog neet wete moch. Daan truusdeste diech ederskier mer weer Iech zeen 'r op de Vriethof toch! En waors 't dao daan ins get drök Waor noonk of tant soms trop Daan gónste stiekem mer de weeg Langs Dickhout 't kluusterke op Refrein... 7 En goon veer vrije ins veur vas Is 't smókkele neet mie vaandoon. Daan wèt 'n eder jao al ras: Veer same nao de Vriethof goon. En zien veer later ins getrouwd Veer blieve de Vriethof trouw En lieren eus kinder daan al gaw De weeg nao de Vriethof touw Refrein... 8 En zien veer ins aw mennekes, jao Is't haos mèt us gedoon, Es veer daan nao d'ellefore Mès In 't zönneke wandele goon. Daan dinke veer nog wel 'ns trök Aon alle vermaak en plezeer Wat veer op de Vriethof höbbe gehad Es awwe Mestreechteneer. Refrein... 9 Meh, 't sjoenste vaan euze Vriethof, jao Zouw iech dat vergete zien, De duifkes, die noe vlege dao Al in de zonnesjien. En daan de lempkes in de buim Tiendoezend wel op 'nen houp, Getuige vaan trouw aon 't keuringshoes Meh ouch aon de Stroumverkoun Refrein...

23 21 't Puupke 1. Nao dat veer us in Kanne oonlangs Ins flink hadde vermaak Voldoon jao, door de göl oontvangs Bespraoke veer die zaak 'ne Zekere vrund verzeukde miech: Zègk lollige compeer Maak us e möpke of gediech De deis us väöl plezeer Vaan tiderie tralala, lalala, la la tideri tralala, lalala, la la.

24 22 2. e Möpke dach iech erm blood Jeh hadste noe mer stof e Puupke! maakde alles good Dat moos't zien, dat trof Meh wee 't doog, iech weit 't neet 't Waor e raar geval 't Puupke is 't, wie d'r zeet Wat iech bezinge zal. Van tideri... enz. 3. 't Puupke, ach wat maak 't fris He! Wat 't uuch verliech Jao, 't is gezoond, dat is gewis Dat veul iech dèks aon miech Want höb iech soms pijn in m'n zij. Bin neet op mie gemaak Daan laot iech 'ne poep of drei Somwijle tot 't kraak Vaan tideri... enz 4. Ein damespuupke klink dèks raar Somwijle wie 'n trompöt Dat nuanceert wie 'n guitaar 't Is aordig wie dat flöt Die puupkes weure dèks versjrik Door struzak of toernuur Wat is al menn'ge poep gestik Door zoenen tureluur. Van tideri... enz 5. Soldaotepuupkes foi, foi, foi, Dat is get, da's affreus Dat kump jao door de rattetoei En door 't fien gemeus Iech stoont lès achter zoene vrund Nou 't waor de meujte weerd, Iech veel jao seffens vaan me punt En waor geklorformeerd. Vaan tideri... enz

25 23 6. e Pachterspuupke rom, bom, bom. Jao da's de meujte weerd Dat kraak soms wie e Krupp-kanon Of 'n oonweer in de veert! Iech trof zoen hierke lès in 't veld, Dee waor wel neet te pas 'r Blaosde ziech mèt väöl geweld De slippe vaan de jas Vaan tideri... enz 7. Ach dokter, dokter komp toch mèt Menier dee is vol pijn Heer krup daan in, daan oet 't bèd Gebruuk gein medicijn Wat! Wèlt 'r neet, wel sappermint En haolde gaw z'n spuit 'r Zat menier e lavvemint Dao góng 't wie 'n fluit Vaan tideri... enz. 8. Ach puupke, puupke, puupke teer Ach poep, wat deiste good, Jao diech verfris de renteneer En ouch d'n erme blood Noe puupke, ei verzeuk höb iech Kom neet miech oonverwachs Wat höbste mennig daamke liech Neet in 't verleeg gebrach. 2 Nov

26 24 Kukelekuuk en de kins meich neet. En kukelekuuk en diech kins meich neet Umtot 't vastelaovend is tralala lala lala En de kins meich lekker toch neet, trala tralala En de kins meich lekker toch neet, tralala. Viva joes, koffiedoes, Viva jas, koffiedras Hei is m'ne retchepoe

27 25 En dan hebben zij En dan hebben zij een paar laarzen aan Met van achteren een paar sporen traan Aan ieder zij een rooie bies En een lus van onderen voor het verlies

28 26 Hij zet z'n hoed opzij Hij zet z'n hoed opzij Hij gaat mij voorbij Hij kijkt me niet meer aan En de liefde is gedaan En hij wil niets meer van mij weten En hij verkleurt als mij mij ziet Hij is de liefde gans vergeten En hoe dat komt dat weet ik niet.

29 27 En jij moet niet zoo draaien En jij moet niet zo draaien Jij moet niet zo schuddelen met je gat Anders komen de kraaien En die pikken jou al in je gat En wie niet draaien wil En die staat maar stil En wie niet draaien wil En die staat maar stil En jij moet niet zo draaien Jij moet niet zo schuddelen met je gat Anders komen de kraaien En die pikken jou al in je gat

30 28 Hij is voor mij naar d'n Oos gegaan 1 Ach God waar mag mijne minnaar wezen? Ach God waar mag mijne minnaar zijn? Hij is gaan varen zo ver van hier En met een ander meisje heeft hij zijn plezier Hij is gaan varen zo ver van hier En met een ander meisje heeft hij zijn plezier 2. Hij is voor mij naar d'n Oos gaan varen Hij is voor mijn naar d'n Oos gegaan Hij is gaan varen zo ver van hier En met een ander meisje heeft hij zijn plezier Hij is gaan varen zo ver van hier En met een ander meisje heeft hij zijn plezier

31 29 Bet en Mei Geer hoof us zoe neet aon te kieke, Vaan achter vaan vaor of opzij Al hure veer neet bij de rieke, Toch eder ein kint Bet en Mei, Vaan 'smörges zès oor, winter en zomer door, Stoon veer oppe merret, dèks naat door en door, Bij us vint geer te koup, Legume mèt d'n houp, Veer rope gestiedig: gooi waor, goje koup 2 Bet: Veer stoon oonder Gaods bloeten hiemel Mei: Wie werrem 't is of wie kaajd Bet: Veer hawwe vaan merretgewiemel Mei: Meh ouch vaan joonk en 't aajd Same: Vaan 's morges zès oor Winter en zomer door Stoon veer oppe merret Dèks naat door en door. Bij us vint geer te koup Legume mèt d'n horip Veer rope gestiedig: Gooi waor, gojekoup.

32 30 3. Bet: Veer geve gein erwte veur boene Mei: Bedrog kin us neet, iech bin 'n bies Bet: Gein appele ouch veur sitroene Mei: Geine fluiter veur herrense kies Same: En trèk soms mennige póp Veur us häör neuske op Dink neet tot e mooswief Die nuffigheid verkrop Medam kin me wel zien Mevrouw soms ouch in sjien Meh ederein verdrejd Kaan nog gei mooswief zien. 4 Bet: 'nen Tieretejje rok waors de mode Mei: En heuj euver oere en de kop Bet: e Geziech vaan Hei bezeiverd me de Gode Mei: e Moelwerrek wat diech zag Pas op Same: En vruis 't tot 't kraak Vèlt de rege vaan 't taak Dink neet tot e mooswief Koed blood ziech treuver maak En sjeint 't zönneke leef Is euzen Ezzebleef Mesjiens get miet beleef Veur häöm of häör, die weurt gereef. 5 Bet: En toch heet 'n ederein us gere Mei: Al gebruke veer odeur noch pommaad

33 Bet: Al höbbe veer gein hiel fijn menere Mei: En koume neet oet 't pensjonaat Same: Bij fies en mèt hoegtij En veer stief in de zij Goon wandele reup ederein Wie sjiek zien Bet en Mei En veer met veurtgeslóf Veer lachen us 'ne króf En dinke bij us eige 't Is betaold en neet gepóf

34 31 6 Bet: A propos geer wèt Kaatsje geit trouwe Mei: Veer hawwe gein resepsie trop nao Bet: Da's good veur medams en mevrouwe Mei: Bij us zien mer mooswiever dao Same: Vaan 's mörgens zès oor D'n hiele merret door Huurste niks aanders Es Nikkela geit dedoor En iech, iech weit nog mie Zag toen de króm Sophie Nikkela trouwt mèt Kaatsje Nao de Paose noondepie 7 Bet: Op de broelof en zal niks mankere Mei: Wat mooswiever doen, dat doen ze good Bet: Wat zal us leef Kaatsje parere Mei: Sjiek getoiletteerd mèt nuien hood Same: Daan zeet de galerij Is dat e keend vaan Mei? Ze zalle goon krepere Vaan spiet en zjalouzij En Kaatsje wie 'n fee Mèt häör fleur d'oranger Geit statig door de foul Aon d'n errem vaan häören kadee. 8 Bet: Daan koume de lui felisitere Mei: En alles wat wèlt dat kump mèt

35 Bet: En veer twie, veer zalle traktere Mei: Mèt zeute curacao of anisèt. Same: Ouch kriege Bet en Mei Vaan hiel de kompenei e Boekèt vaan legume Vaan poor en selderij En wortel neet te dun Get blomkuul en 'n un Dao make veer e söpke vaan Verzeuke daan de vrun

36 32 't Stumpke. Pieke kòs mer neet verkroppe, Tot 'r neet wie ziene peer, Ziech 'n lekker piep kòs stoppe, Want nog gister zag zien meer, Zeen iech diech mèt 'n sigret Zoonder ete nao de bèd Zuut diech einen deender: vas, Duijt 'r diech daan in de kas! 2 Zuug e stumpke! dat is bóffe. Noe nog vuur daan bin iech klaor! En al gauw leep 'r te stóffe Zjus of dat niks veur'm waor. En al pitsde-n-'t op z'n tong Jeukde keel en stroot en long Lachden al de lui 'm oet: Kós niks sjele! Mer veuroet! 3 Meh 't waos 'm väölste mechtig Kinderleef, wat e geveul! M'ne kop, 't is werrechtig Of iech 'm gaaroet neet mie veul Ouch me buukske deit zoe raar. Wat is dat noe veur sigaar. Bah! Wat aak'lik, mislek dink Noe pas ruuk iech wie ze stink. 4 Thoes gong Pie haos vaan z'n stekke Wit wie kriet waor zie geziech Jao 't waos neet veur te gekke: Want de wolke hónge lieg. Beter straof bestoont 'r neet Veur dee kleinen däögeneet Meerkeleef, zag euze Pie, Iech rouk noets gei stumpke mie!

37 33 Slaop kinneke slaop 1 Slaop kinneke slaop D'n mojer is e sjaop D'ne vajer is 'nen ossekop En este neet stèl bis daan krijgste'rs trop Slaop kinneke slaop D'n meer dat is e sjaop 2 Slaop kinneke slaop Dao achter kump e sjaop Dat sjaop dat heet 'ne zwarte poet En zeet dat 't kinneke slaope moot Slaop kinneke slaop Dao achter kump e sjaop

38 34 Seldäötsje speule 't Is goonsdag middag en gein sjaol, Wat wèlt g'r noe nog mie Zègk jonges koume allemaol, in de koompe um hallef twie, Daan trèkke veer in kompenij, 't Trömke geit veurop, Kordaot mèt vere in de rij, St. Pietersberreg op. Rompete pompete pom pom pom, Rompete pom pom pom. Rompete pompete pom pom pom, Rompete pom pom pom. 2 De veendel dee is vaan de Neus Dee weurt de baas: dat sprik! Kenon, dat make veer de Reus, En peerd dat weurd de Mik. En wèt g'r wat veer speule goon? De krieg vaan sevetig! En dee daan doed blijf, wel dee sloon V'r ouch weer leventig Rompete pomete... 3 En goon v'r 's aoves trök nao hoes Daan slete v'r weer vrei Want ruizing huurt gaaroet neet thoes In eus gooi Kompenij. Meh thoes gekoume veulste pas Wie of de mäögske deit: 't Rammelt in die rammelkas of dao e trömke sleit Rompete pompete...

39 35 4 Nao 't ete gaon iech nao mie bèd Blij touw, iech bin doedmeuj! Meh miene sabel num iech mèt Dee lègk iech aon mien veuj. Lang wakker ligke daon iech neet, Iech slaop al hiel gaw vas; Meh in d'n droum: iech vech, iech sjeet Of loup sjoen in de pas: Rompet pompete... Meunier tu dors Meunier tu dors Ton moulin va trop vite Meunier tu dors Ton moulin va trop fort Ton moulin, ton moulin va trop vite } Ton moulin, ton moulin va trop fort } bis bis

40 36 Snitselbaank 1 Is dat daan geine perreplu? Jao dat is 'ne perrenlu. Is dat daan gein Bössel stru? Jao, dat is 'n bössel stru. Bössel stru, perreplu Ao dee sjoene, ao dee sjoene, ao dee sjoene perreplu. 2 Is dat daan gei wasmesjien? Jao, dat is e wasmesjien Is dat neet de brook van Fien? Jao, dat is de brook van Fien Brook vaan Fien, wasmesjien bössel stru, perreplu, Ao dee sjoene, ao dee sjoene, ao dee sjoene perreplu. 3 Is dat daan niks veur te blinke? Jao, dat is get vuer te blinke. Is dat daan niks veur te stinke? Jao, dat is get veur te stinke. Veur te stinke, veur te blinke, brook vaan Fien, wasmesjien, enz. Ao dee sjoene, ao dee sjoene, ao dee sjoene perreplu enz. Get veur te bakke, veur te kakke, veur te krolle, veur te bolle, hèllef vaan roond, bloete koont, lekker klumpke, aordig stumpke... en alles wat me nog weier traon haange wèlt.

41 37 'ne Waol Wallon Dao kaom 'ne Waol Wallon Al in mien hoes maison Dee stool 'n sjink jambon Al oet miene ketel chaudron Iech pakde 'ne stek baton En hojde dee Waol Wallon Al mèt miene stek baton Op zien sjinke jambons. Aoftèlrijmpselkes Eun deun dip Kiene kanne kip Kiene kanne botermèlk Eun deun dip Öpke döpke reubesöpke, öpke döpke knaol Moojer heet e nieteköpke Vajer heet e krabbeköpke Opke döpke reubesöpke Opke döpke knaol.

42 38 De Mestreechter Geis 1. Es iech de naom Mestreech mer huur Daan huur iech hoonderd klokke Daan steit mein hart in vlam en vuur

43 39 En huur iech de Maos weer lokke Daan zeen iech al die tores weer En daobove de kemedie Daan ruuk iech friete en joonk beer Mestreech is 'n remedie Refrein: Dat is de Mestreechter Geis, geis, geis Joonk bij alles watste deis, deis, deis Zingend boeste löps of steis, steis, steis Diech bedeis, deis, deis Mestreechter Geis, geis, geis, geis 2 Sjijnt 's Zaoterdags e bitsje zon Op buimkes en op stöpkes Daan liek de Straat 'n grabbelton Vaan proceleine pöpkes Meh sjoender, met hun leef geziech En bleusemende klèdsjes En es eint 'n uigske op diech riech Daan löpste wie op karpètsjes Refrein... 3 Processies zien dao zier geleef Ouch hieringe en vlaoje Meh gaar neet minder ezzebleef Drei daog... kint geer 't raoje? Jao drei daog boonte karnaval Vaan hosse en vaan zinge Mèt momesse en met veural 'n sjat um mèt te springe Refrein... 4 Mestreech heet ouch 'ne brave Raod Dao is noe noets ins herrie Is get kroomp? 't weurt jummers rech gepraot Wee nein zeet krijg d'n derrie Ze breke wie de beste aof Sanere wat klein en groet is Meh wat ze us allemaol höbbe belaof Dat kump zoe gaw blauw roed is Refrein...

44 40 5 En moot iech ins (iech hoop nog neet) Treech veur d'n Hiemel ruile Dat dee daan mèr get Treechters heet Want aanders weurt 't huile Daan bouw iech miech, wie me vreuger deeg Bewoend mèt au kam 'raote Aon de rand 'n eige aaid Mestreech Kompleet mèt krotte en straote Refrein... Slaop mer mie kinneke Slaop mer mie kinneke Slaop en doeg d'n uigskes touw Acherrem, acherrem } bis Kinneke heet zoe werrem } bis Slaop mer mie kinneke Slaop en doeg d'n uigskes touw Achterrem acherrem } bis 't Heet get in zienen derrem } bis

45 41 Vivat de Charleroi 1 Adieu menier Pierre Veer goon uuch noe verlaote Veur viefendaartig sent Goon veer nao de soldaote Hoera viva, veer goon nao Charleroi (bis) 2 Adieu menier Pierre Veer laoten us neet loompe die viefendaartig sent versliete veer aon eus kloompe plezeer, plezeer, veer goon nao St. Lambeer (bis) 3 Veer zien hei noe bijein Um us te ammezere Veer dinke aon gei sjagrein meh altied aon plezeer Hoera viva, veer goon nao Charleroi 4 Es veer us wèlle vermake Dat deit eus hertsje leve Daan rope veer hoera Hoera de Charleroi Hoera viva, veer goon nao Charleroi 5 De hinne zien geplök de vere zien gevloge Vaan hie tot aon de brök Ze zègke: 't is geloge Hoera viva, veer goon nao Charleroi (bis) (bis) (bis)

46 42 De Maan vaan de Belasting

47 43 1 Iech bin de maan vaan de belasting Ambteneer in deens vaan 't land Iech höb 'n zaak wie geinen aandere Ederein is miene klant Bij de erreme of de rieke In de Stokstraot of de Staat Reup me es iech miech laot kieke Ojoj 't is alweer zoe laat Refrein: Dao kump weer e breefke vaan de keuninging Dat bezörreg us noe al weke slechte zin De fiscus kin verrèks good numme Ze deit us oet tot op us humme Meh de fiscus heet die cent zoe hel vaan doon Aanders kin dat meuleke neet dreie goon Daorum kom iech noe mèt mein breve Um door dwaank 't land te geve Wat op de begroeting kump te stoon. 2 De höbs belastinge in soorte Op d'n umzat, op de wins Op d'n drekbak, op 't huiske Op 't loen vaan edere mins Belasting op 't ammezere Op de kinderkes hun sjaol Rouk of drink geer wel 'ns gere Belasting betaolt geer allemaol Refrein... 3 Ein belasting, die is biestig En gevierlijk in haor soort Die te inne zoonder waope Liekent väöl op zellefmoord 'nen Dog of Vlaomsen herder Zien noe neet eus bèste vrun Meh iech moot veur de belasting Ouch bezeuke alle hun Refrein...

48 44 Wie rijmp ziech dat tesaam? 1. D'n Hakke, de Stòts en d'n Daanjel } bis Wie rijmp ziech dat tezaam? } bis D'n Hakke, dat waors 'ne sjele De Stóts dee kós good stele En d'n Daanjel kóste ze neet vele En zoe rijmp ziech dat tesaam Refrein: En zoe rijmp ziech dit en zoe rijmp ziech dat } En zoe rijmp ziech dat tesaam } bis bis 2. De merret, de genderme en 't kerrekhof } bis Wie rijmp ziech dat tesaam? } bis Op de merret dao ligke de sevoeje En de genderme zètte diech in de boeje En op 't kèrrekhof ligke de doeje En zoe rijmpe ziech dat tesaam Refrein Pa Boonk, de seldaote en e wasmesjien } bis Wie rijmp ziech dat tesaam? } bis Pa Boonk dee leep op Kloompe De seldaote marsjeerde in de Koompe En aon e wasmesjien stoonte ze te sjroompe En zoe rijmp ziech dat tesaam. Refrein...

49 45 4. De zie, de loch en e meuleke } bis Wie rijmp ziech dat tesaam? } bis In de zie dao kin me baje In de loch dao vlege de kraaie En op e meuleke kin me lekker draaie En zoe rijmp ziech dat tesaam. Refrein De Vriethof, de Vogel en de Berekoil Wie rijmp ziech dat tezaam? Oppe Vriethof dao kós me parkere In de vogel zitte veer 'ns gere En in de koil dao zitte drei nui bere En zoe rijmp ziech dat tesaam. Refrein... Sinterklaos dee heet gezag Sinterklaos, dee heet gezag Veer mage speule, veer mage speule Sinterklaos dee heet gezag Veer mage speule de gansen daag Krik Krak sjiemlala, sjiemlala, sjiemlala Krik krak sjiemlala, sjiem la la

50 46 Sinterklaos vaan hei neve 1 Sinterklaos vaan hei neve Dee heet 'ne breef gesjreve Mèt zien linkerhand En mèt zie groet verstand 2 Sinterklaos vaan Heugem Vluig op eine vleugel Heer maak de kinder bang En stik ze mèt 'n spang 3 Sinterklaos dao achter Gong 'ns nao de slachter Koch ziech dao e stumpke En lag 't in e klumpke 4 Sinterklaos vaan oet Hare Dee leet ziech lekker vare Heer rijt van taak tot taak Al mèt e groet gemaak Zjezeke, klein Zjezeke 1 Zjezeke, klein Zjezeke, zegk höbste neet te kaajd? Dien Mojer had gein windelkes en 't dekensje is aajd Sint Joezep heet al veur d'n trèk Diech mèt z'ne mantel touw gedèk

51 47 2 Zjezeke, klein Zjezeke, boeveur bistiech zoe errem? Veer bringe diech eus öfferkes, mesjiens weurste noe werrem Veer bringe die zoe geer, zoe geer, En mörrege bringe veer 'rs weer. 3 Zjezeke, klein Zjezeke, boeveur toch al dat leid? Is't soms tot dien herteke zoe good al veur us sleit? Daan geef, al höbbe veer väöl praots, Us ezzebleef dao-in 'n plaots. Dao is e keend gebore 1 Dao is e keend gebore, Kyrieleis e Blömke tössen 't kore Zoe steit 't gans verlore Kyrie, Kyrie, Kyrieleis 2't Zal zien zäödtjes zejje, Kyrieleis En es me daan geit mejje Wee zal nao 't blömke krejje? Kyrie, Kyrie, Kyrieleis 3 Wel zal m'n 't zien bleuie, Kyrieleis En ziech demèt bemeuie Meh 't blijf gestiedig greuie Kyrie, Kyrie, Kyrieleis 4. De zäödsjes tössen 't kore, Kyrieleis Die gónge neet verlore Daoveur is 't keend gebore! Kyrie, Kyrie, Kyrieleis

52 48 Mestreech volleksleed 1 Jao diech höbs us aon 't hart gèlege Mestreech door alle ieuwen heer Veer blieve diech altied genege En deilde dreufheid en plezeer Veer huurde nao dien aw histories Te peerd op grampeer ziene sjoet Eus ouge bloonke bij dien glories Of perelde bij diene moed 2. En dee vaan diech get sjoens wèlt prijze In taol die al wie zinge klink Dat dee op nui, Mestreechter wijze Zien aajd Mestreech met us bezingk Me zóng van diech te allen tije Eus moojers zoonge bij de weeg En voolte veer us rech tevreie Daan zóng ze e leedsje vaan Mestreech

53 49 3 Diech blom vaan Nederlands landouw Gegreujd op 't graaf vaan Sintervaos Bis weerdig dobbel te besjouwe Gespiegeld in de blaanke Maos Ein staar, de witste oet de klaore Besjijnt diech met häör straole zach En, um diech zuver te bewaore, 'nen Ingel hèbt bij diech de wach. 4. Wie dèks woorste neet priesgegeve Meh heels dien kroen toch opgeriech En oongeknak biste gebleve Door euze band vaan trouw aon diech Daorum de hand us touwgestoke 't Oug geriech op 't stareleech En weurt dat oug daan ins gebroke Daan beit veur us't aajd Mestreech. Ein twie drei Pieke in de wei Pieke in zien oonderbrook Ein twie drei