SEZOENSBOOK Veendele, Nuie Prizzedent en nog mie

Transcriptie

1 SEZOENSBOOK Veendele, Nuie Prizzedent en nog mie

2 Inhaajd Veurwoord, Henk de Jong 2 Zoe begós t 3 Proloog, Victor Salentijn 4 Kachelpiepers 5 Vastelaovendsleedsje 6 Vastelaovendsvierder 7 Henk de Jong 8 n Dóbbel Prinseleke reünie 9 Compleminte, Suus en Rolam 10 Bezeuk sjaole 12 Wendy Wasbauer 13 Oetrope 14 ZHM Vergadering 15 e Nui presidium 16 Nuie Sirremoniemeister 18 Bezeuke 19 Beuk zörgcentra 20 Vastelaovendsstad 21 Groet Gale Prinsebal 22 Zustervereineginge 23 Trósjer 24 Henri Janssen 24 Nuie veurzitter Kanselaijraod 25 Vastelaovend 26 Nui Tempeleers 28 Foto s vaan Rolam 30 Oethaange Prinselek Veendel 31 Pegasus-orde 32 Tempeleers 33 In Memoriam 35 Leef vastelaovendsvrun, Op t momint, dat iech dizze trökblik nao de vastelaovend vaan 2018 sjrijf, mage veer in Mestreech, nao die hoeg temperature vaan juli en augustus, nog genete vaan ne heerleke naozomer. En genete deit ne mins gere! D r weurt in us stad väöl georganiseerd um vaan te genete, Mestreech leef! Ne groete chapeau veur al die vrijwilligers, die hun sjouwers dao oonder zètte! Ouch de Tempeleers höbbe, zjus wie de aander vastelaovends vereiniginge, t vastelaovend vierend volk vaan Mestreech n sjoen aktiviteite pakkèt gebooje. t Sezoen begos op de 11de vaan de 11de, dat oonder e zönneke plaots voont oppe Vriethof. Op de ierste vriedag nao dit evenemint voont de openbaar jaorvergadering vaan de Tempeleers plaots in de Bonbonnière. Dao mochte veer weer 4 nui Tempeleers installere en woort de nuie vastelaovendvierder bekind gemaak. In de dao op volgende maonde woort hel gewèrk. De nuie Vastelaovendsvlag veur Mestreech woort door de Börgemeisterse geprizzenteerd en opgehaange in de Spèlstraot. De gemeinte, de winkeleers, de horeca en eederein dee de vastelaovend e werm hart towdreug, deeg zien bès um good geprepareerd te zien veur t zier belangrieke momint vaan de demasqué vaan de nuie stadsprins op ne bomvolle Mèrret. Naotot de sirremoniemeister had gerope: Reurt noe eur trom en blaos eur dissonante toene, want noe, noe geit t gebäöre kaom stadsprins Rolam I oonder t maske oet en woort metein in t hart geslote vaan eederein. Same mèt Patrick vd Weijer, Jelke Schijlen en Nick v Oerle woort t nui vastelaovendsleedsje 2018 Gewoen e vastelaovendsleedsje oet volle boors door ederein gezoonge. De nuie stadsprins Rolam I is ouch veurzitter vaan t Reuzengilde Gigantius. Dit gilde had dit jaor hun 50 jaoreg zjubelei. De Tempeleers höbbe de Tempeleersmedajel, es n homage dao aon, opgedrage aon Gieg, de koosnaom vaan Gigantius. De dao op volgende veer weke fleurde de stad weer gans op in de kleure roed, geel en greun! Op de zaoterdag veur de Vastelaovend maakde stadsprins Rolam I ziene entree in de stad vaanaof de Stasie. De zon perbeerde de kaw get te verdrieve. Jaomergenog kaome veer stevig te laat oppe Mèrret aon en begós de Machseuverdrach op t stadhoes daodoor väöl te laat. Dit höbbe veer same mèt de Trekkers metein nao de vastelaovend opgepak. D r zien maotregele genome, zoetot dit neet mie zal gebäöre. Ouch heet de kemissie Boetegebäöre same met de Trekkers ziech geboge euver de problematiek vaan de vertraginge met betrèkking tot de optochte. Veer kinne dat neet allein oplosse mèr höbbe dao de hölp vaan t Vastelaovendvierend volk vaan Mestreech bij nudeg! Same kinne veer dat oplosse!!! Dit waor mien lèste jaor es Prizzedent vaan de Tempeleers, iech gaon noe weer gewoen weijer es Tempeleer. Gere wèl iech noe toch gebruuk make vaan dees gelegenheid, um nogmaols aondach te vraoge veur ne zaol in t centrum vaan de Hoofdstad vaan de Vastelaovend boe de vereiniginge hun diverse culturele aktiviteite kinne prizzentere aon de Mestreechse bevolking oonder aongenaome en betaolbare finansjele veurwaardes. Hawt de Mestreechse cultuur in leven!! Iech wins uuch e fantasties nui vastelaovendssezoen en mien groeten daank veur eur oondersteuning! Henk de Jong Aaijd Prizzedent-Tempeleer Zoe begós t op 10 fibberwarie

3 Umgevloge Aofgeloupe jaor t jaor vaan de Reus Gigantius neet ein mèr twie reuse in Mestreech. Stadsprins Rolam I stoond ope veur ederein en had n gedach präötsje klaor veur de jongere en seniore. n Binne stad gekleurd door de roed-geelgreune veendele die nao jaore vaan weggewees weer trök zien. Daoneve de gekleurde kiekoet etalages die de Vastelaovendsdaog veurginge. t Nui Stadhoes boe de machseuverdrach weer kos plaotsvinde. Binne us organisatie trooj Henk de Jong es Prizzedent nao twie periodes aof en kwaome Bastiaan Klomp en Wim Lousberg veur trök. Es lèste daan ouch nog n nuie Sirremoniemeister Remy Rousseau t kin neet op. Dit alles kint geer leze in dit Sezoensbook vaan t vijfde sezoen. Veer höbbe t opgesjeve en aongevöld mèt foto s en hope dat t uuch väöl leesplezeer maag geve. Kachelpiepers Compleminte naomens t team, Tempeleer Victor Salentijn 4 5

4 Gewoen e vastelaovendsleedsje vastelaovendsleedsje 2018 Dit jaor geit d n opbrings nao t IvOO n Sjaol veur Speciaol Oonderwies veur Kinder mèt n handicap (autisme) in Amy en ouch de Waffele-aktie weurt neet vergete. n Waffel veur de lui die mèt de Boonte Störm in de tent vaan t Roed Kruus op de Vriethof zitte. Op t printsje zien veer dit jaor de Vastelaovendsvierder 2016/2017 t Modderkoppel, zienen Hoeglöstegheid Prins Jérôme (mèt horeca in de verkoup) en aajd vastelaovendsvierder (2008) Prins Gaston vaan Klein Ternejje. Lèt ouch op d n achtergroond. Eeder jaor aanders. Mèt vaan links nao rechs en roontelum de nuie skyline vaan Mestreech: fiel op A2 en de fly-overs riechting Mestreech, tössenin t Vastelaovendsvierend volk vaan Mestreech euver de aw brök nao de Vriethof en gans rechs t nui Sphinxgebouw en nog e stökske vaan de nui Noorderbrök. Marvin Rosier In de zomer vaan 2017 spraok iech, bij t konzèr vaan Beppie op t Vriethof, mèt Jack Debruijn. Iech vroog häöm nao zien ervaring es winner vaan t vastelaovendsleedsje 2015 mèt Wee bringk nog n weurs nao Klara?. Iech vertèlde häöm tot t mienen druim waor um in de finaal te mage stoon vaan t MVK en dat daan mesjiens oets ins te mage winne. Tot dat zoe gaw zouw goon gebäöre, had iech noets gedach! t Waor ne geweldigen tied dee iech noets zal vergete en boe iech Patrick van de Weijer ieweg daankbaar veur bin. Iech dink trök aon de emoties nao t verlossend woord tot veer hadde gewónne, de bomvolle Mèrret boe prins Rolam d n ierste woort oetgerope oonder n strakke blow loch, t prinsegala in rokkostuum, twie aovende mèt de Philharmonie Zuid in d n Theater aon t Vriethof, t oet volle boors mètzinge vaan vastelaovendsleedsjes oonder leiing vaan Frank Stijns en Philippe Reuser bei de kerreljong bove in t Stadhoes en daan neet te vergete t lèste optrejje oonder t Mooswief op ne bomvolle Vriethof. Eve sjiek waore de optrejjes bij de buurtvereineginge, jäögvereineginge, sjaole en bejaordehoezer. Zoelang veer dees traditie in iere hawwe, zal euze Vastelaovend altied blieve bestoon! En dat is get um gruuts op te zien. Jelke Schijlen Wie Patrick veureg jaor in de zomervekantie vroog wie iech in Italië waor of iech zie leedsje same mèt Nick en Marvin es t in de finaal kaom wouw zinge, kaom nen druim oet! Tot heer miech dee kans gaof, dao bin iech häöm veur altied daankbaar veur! Wow, wat n ier um daoveur gevraog te weure. Wie veer ouch nog wónne, waor dit netuurlek geweldeg. In dien eige stad in t karnevalssezoen zoe e leuk leedsje ummertouw weer op zoeväöl speciaol en sjoen plaotse aon de lui te mage laote hure. Iech zaot in mien examejaor, meh dach dit is ne kans dee iech mèt twie han moot aonpakke. Zinge en performe is t leefste wat iech daon en dat zouw iech noe hiel dèks mage goon doen. De samewèrking mèt Marvin en Nick leep eigelek hiel good en muzikaol laoge eus stumme good bijein. V r hadde plezeer en dat zaogste good op de bühn. V r woorte euveral super enthousias oontvaange, wat t -veur us- drök sjema nog mie motiveerde um euveral ederein t nao de zin te make. V r kaome op plaotse boe iech nog noets gewees waor. V r mochte optrejje op plaotse boe iech vaan gedruimp had. Eus gelegenheidstrio sloog aon en iech had daan ouch gehoop tot v r mèt euzen 3e wijer zouwe goon. Dat is spieteg genóg neet zoe. Ederein geit weer zienen eige weeg. Iech hoop tot iech Gewoen e vastelaovendsleedsje Refrein: Kom drej veur us nog ns e vastelaovendsleedsje, gewoen zoe n lekker pleetsje...in eus eige taol! Gein hiphop, geinen disco, gein housemeziek of techno... niks vaan dat allemaol! Veur ein, twie, drei daog moot dat kinne, kom laote veer beginne...mèt eige zaank en klaank! Tradities mooste viere, meh haw ze wel in iere, mie leef Mestreech bedaank! Couplet: Loup iech zoe door Mestreech, begint t miech te jeuke. Boe moot iech toch op aon, jeh boe moot iech t zeuke? tis Zjus n discotheek, zoe hel en al doorein, krijg stèllekes n lip, nein dít is ech neet fijn! Dus kasteleins en kare-trèkkers, huur wat iech uuch vraog: Maag iech get Mestreechter Geis?, t is mer veur drie daog... brug: Meh dáán huur iech n hermenie die späölt bekinde klaanke. Iech zing en dans en spring, iech bin zoe blij! Iech wèl die lui bedaanke! in de touwkoms nog hiel väöl maag optrejje mèt mien eige nómmers, want ein dink is zeker Iech waor al volop bezeg n carrière op te bouwe, meh dit smaak zeker nao mie! V r zien us (karneval 2017 Jelke) Leef lui, Bezunder gruuts bin iech, um uuch de Vastelaovendsvierder vaan 2017 te mage annoncere. VRUNDSJAP. Vrundsjap is t aller veurnaomste in t leve vaan ne mins. En dao drejt t ouch allemaol um bij euze Vastelaovendsvierder vaan dit jaor! Ze kinne z ch al vaan de Basissjaol en vaan de voetbalclub. Dao ontstoonden al de echte vrundsjappe. Ze goon zelfs samen op vekantie, oonder andere nao Salou, Kos, Mallorca en Kreta. In Kreta hadde ze ouch ne leuken tied: zoe goejde ze eine vaan de gróp in t water, boedoor ederein in de buurt vaan t zwumbad in paniek raakde. De persoen in kwestie kaom lankzaam bove drieve, speide get water oet, terwijl de res de groetste lol had! Es ze op stap ginge spookde ze venalles oet, meh wel op n ordenteleke meneer. Vastelaovend is altied hiel bezunder veur hun. Sinds de ieuwwisseling goon ze eder jaor in n aander thema verkleid nao de hierezitting. Vaanaof 2015 wèlde ze get spesjaols doen, en dao ging hiel get wèrk aon veuraof. Meh tijdens t make vaan de nui creaties höbbe ze weer hiel väöl plezeer en weurt d r hiel get aofgelache! In 2015 waore ze verkleid es SUPER- MAAN: ze hadde zelfs ne vlegende supermaan! 2016 Mós nóg spesjaoler weurde: ze woorte SNEEUWWITJE EN DE DERTIEN DWERGE. Ze hadden hun creatie zóe gemaak es-of Sneeuwwitje éch in de glaze kis laog! Toen kaom 2017: t mós opnui beter weurde en de veurgaonde jaore euvertreffe! Umtot de hiere fan zien vaan Formule 1 race en vaan euze Limburgse Max, beslote zie um get te make wat hei mét te maken had. Eine vaan de gróp, bijnaom de Ritz, waos dit jaor Hoeglöstegheid vaan de Sjlaaibök. Toen woort beslote um t team RITZ BULL RACING TEAM op te riechte. Dit dus es ierbetoen aon Hoeglöstegheid Stefan Ritzerveld. D r woort zelfs ne Formule 1 racewagel gemaak, en door ne pitstop nao te doen en geliekertied te fèlme, woorte ze binne no time doezende kiere bekeke op de site vaan Dumpert. Zelfs de Telegraaf, Metro, t AD en SBS 6 sjoonke d r aondach aon. De groetste verrassing waos t bezeuk aon de tèllevizieoetzending vaan Staatsloterij Puur Geluk vaan RTL 4. Tijdens deze show woort hun n reis nao Monaco aongeboje, boe dat weekind de Formule 1 race plaotsvoond. En t allersjiekste waos, tot de partners vaan de hiere allemaol mèt mochte! Nao ne zwoere, heftegen aovend in t Franse Cannes, woorte ze s mörges mèt de bös opgehaold en nao t Monaco circuit gebrach. Toen ze al laank en breid in de bös zaote, kaome ze d r achter tot de touwgaangskaarte, ter weerde vaan 7500, nog in t hotèl laoge! Leef lui, g r höb mesjien al geraoje, um wee tot t dit jaor geit De vlegende supermaan, Sneeuwwitje en Max Verstappen heit GLEN! De supermanne, dwerg en crew vaan Max zien zien VRUN! Leef lui, gruuts en mèt väöl plezeer annonceer iech uuch de Vastelaovendsvierders vaan 2017 DE GRÓP SUPER-MAAN OET AMIE!!!!!!!! 6 7

5 n Dóbbel Prinseleke reünie! Henk de Jong Prizzedent tot Oetroopzoondag zaot Roger Schleipen, aajd-zizi Kwe Kwe Sousafonist, nao TV te loere. Netuurlek stoont de live-verbinding mèt de Merret op. t Zal toch neet Dat posteur. En jao huur, dao kaom aajd-zizi-collega Rolam Nievergeld oonder t maske oet! Al gaw woort ge-app mèt aajd-zizi-zenger Arthur Willems, en toen dee en dee en al gaw waor n appgróp opgezat: Hei mote v r get mèt doen!. Tege ach oor waor dudelek tot Zizi nog eine kier wouw samekoume es hommage aon hunne Prins Rolam I. Op maondagmörge zeuk Roger medein kontak mèt ne bekinden Tempeleer um te loere of get te regele vèlt in t drök sjema vaan de nuien Hoeglöstegheid. Via de sikkertaris-ginneraol Nico weurt e leukske gevoonde en mèt hölp vaan Mariska en Renaldo de smoes. Op dinsdag 30 jannewarie woort e wèrkbezeuk gepland bij de rippetitie Fanfare du Kwatsj in t t Förtsje. D n Hoeglöstegheid glunderde en späölde e stökske mèt en nao e tiedsje zouw t gezèlsjap nao de zaol deneve goon veur n Eelske. In de gaank kloonke al de klaanke vaan Kom maak plezeer boe-op Prins Rolam zeet: Och wie leuk, ze zètte Zizi op!. Groet waor de verrassing wie die dao de ganse club stoond te speule op zangeres Godelieve nao, die aander zier legitiem verpliechtinge had-. Zie zouw hiel gere wèlle aonslete, meh kos ech neet. Radioprogram Kaffee Eus Mestreech waor op de huugde vaan de surpries had belaof t gehiel te fèlme en oet te sjikke op Facebook. De verrassing waor dus live thoes te volge! Lui die thoes t spectakel zaoge kaome spóntaon nao t Förtsje um mèt te genete, dus al gaw waor de zaol vol! En vaan thoesoet höbbe mie es lui t fèlmke beloerd! Es of dat ein optrejje nog neet genóg waor, had ziech op dinsdag nao t oetrope nog eine gemelt bij Roger. Henri Hochstenbag vaan de Struys. (Zizi is oontstande oet e gelegenheidorkes bij e fieske in de Struys). Of ze de oonthölling vaan t prinseportrèt neet wouwe opluustere es verrassing Noe ederein toch weer in Zizi-modus stoont en gerippeteert gón weure, waor dit nog n extra toetje Roger Schleipen loert mèt väöl plezeer trök op dees dóbbel Prinseleke reünie. V r zaote medein in dezelfde positieve flow es in eus top jaore. Meh hei blijf t bij, of dao moot nog eine vaan us prins weure. 8 9

6 Kompleminte, Suus en Rolam Wie op ne zoondagaovend binne 11 menute alles op z ne kop kin stoon! En dat door t bezeukske vaan e paar hiere. Nao vertrèk vaan die hiere waore v r t Hoeglösteg koppel. t Oefene in bèd kós beginne: Gewoen e Vastelaovendsleedsje. Oppas regele veur de geheim bezeukskes. Kemissies doen dieste normaal neet deis, op plaotse boeste normaal neet kumps. Dat allemaol um deen euverdudeleke Vastelaovendsdraank, die fles Eels, oonopvallend in hoes te kriege. Links en rechs nog get in hoes doen veurtot de Vastelaovend t hoeshawwe euvernump. Op zoondagmörge is t aanders wakker weure es normaal. Femilie is gister op de huugde gebrach vaan wat vendaog te gebäöre steit. Fantastische reacties boe veer op dee zoondagmörge nog vaan naogenete. Papa deit al gaw de helloup-kleier aon, op nao t benkelek momint. Veer blieve thoes en goon us lankzaam veerdeg make um nao d n optoch te goon kieke. Spannend um mèt, op dat momint t groetste geheim vaan Mestreech, en drei kinder op stap te goon. De drökte in, op nao de dames vaan t Reuzengilde, t speul roontelum de Vastelaovend naodert zien hoegtepunt. Tot èlf minute euver drei zal iech nog mote lege tege ederein dee us leef is. Op nao de Merret, wachte, wachte en mer wachte, nondedzju wat doort t lang. Meh daan klink t bekind Vastelaovendvierend volk vaan Mestreech, Noe, NOE GEIT T GEBÄÖRE.... Heerlek, neet mie lege, ederein maag t noe wete. Oonderwijl op t podium de Vastelaovendsprotocolle weure oetgeveurd, weure de kinder en iech euverspeuld mèt felicitaties. Lucie, Sarah en Vic glundere vaan gruutsegheid: euze papa is de Prins!!! Wat e fantastisch geveul, zoe gruuts, zoe verierd! In de veer weke die volge, gaon iech geregeld mèt nao de bezeuke. Geweldeg mèt wat veur wermde v r euveral oontvaange weure. Oongeluifelek Sjiek. En dat maag dee vaan miech veer weke laank de gansen daag mètmake. V r weure opgewermp door de Vastelaovendsvereineginge in de wieke, de talloze bezeuke aon verzörgingshoezer en nog väöl mie fantastische eveneminte boe t plezeer en de sjariteit centraol stoon. Opgewermp veur die 3 oonvergeteleke daog, wat höbbe v r genote! En daan is t zoondag...pekskes aon en nao e fantastisch fieske veur de deur, same op weeg nao de Vriethof. Nao e paar kenonssjeut takele Rolam en Vic same t Mooswief umhoeg; d n echte Vastelaovend is begós. Wat allemaol in d n optoch mèttrek en veer die drei daog tegekoume, is werkelek oongeluifelek, heerlijke einzelgängers, zoeväöl prachtege creaties en al die Zate Hermeniekes. Daankzij de geweldege prinsewach vaan de Kachelpiepers kinne de kinder en iech mèt de drökte, lekker tösse de lui op straot meh ouch gezèlleg de kaffees in same. Heerlek um dit allemaal de kinder mèt te kinne geve. De Vastelaovend kump ech tot n ind es t Mooswief umlieg kump, ouch Vic is weer debij. Iech dink tot v r de Vastelaovendsgeis höbbe doorgegeve aon de volgende generatie binne de femilie! Leef Vastelaovendsvrun, De kinder en veer kieke mèt hiel väöl plezeer en väöl daank trök op e bitsje Euze fantastische Vastelaovend! Netuurlek is t oonmeugelek ederein persoenelek te bedaanke, meh toch wèlle v r gere n aontal lui geneump höbbe: De dames en hiere Tempeleers en al die börgermètwèrkers die zoeväöl doen en beteikene veur de Vastelaovend in Mestreech!, Garderizzjemint de Kachelpiepers, de chauffeurs Giel, Jo en???, femilie en vrun, Rolam ziene wèrkgever ENGIE Services en zien collegae, euze Stadsreus Gigantius mèt zie Gilde, alle Vastelaovendsvereineginge, alle bedrieve die de Mestreechter Vastelaovend steune en neet te vergete; t Vastelaovendvierend volk vaan Mestreech! Laote v r same dees prachtege traditie veurtzètte. ne Gigantisch groete merci aon uuch allemaol. Bedaank, bedaank, bedaank! Lucie, Sarah, Vic Susanne & Rolam 10 11

7 Bezeuke Sjaole Mien creatie door de ganse stad! Hoonderde lui drage ze gruuts op de boors roontelum de vastelaovend: de medaaljes vaan De Tempeleers. Mer wee maak die verseersele noe eigelek? Eve veurstelle: Wendy Wasbauer. t Is aprèl 2017 es Wendy Wasbauer tellefoon krijg. Medaaljesjatbewaorder Frits Jongen. Of zie de medaaljes veur de Tempeleers wèl goon make? Netuurlek, zeet Wendy, nog altied eve enthousias es toen. Veur miech n groete ier. Veureg jaor begós mèt t prinseportret vaan de Struys, en noe de medaaljes vaan de Tempeleers debij. Ech geweldeg! Wendy krijg vaanoet de Tempeleers te hure wat t motto vaan dat jaor is. Aofgeloupe jaor dus Gigantius en de Keneknab. Gigantius waor neet zoe lesteg, mer iech wis dus ech neet wat ne keneknab waor. Toen iemes miech dat verduts had, bin iech aon de geng gegaange. Op basis vaan fotomateriaol maak Wendy sjetse. Väöl eige creativiteit kin iech neet kwiet, want t is netuurlek mer e klein oppervlak. Zeker bij Gieg waor dat zoe. Mer iech probeer toch altied get eigens d rin te lègke. De oontwerpe weure vervolges gedigitaliseerd en goon vervolges naor de makers in China. Wendy: De ierste proofdrök waor eve slikke. Waor toch get aanders es iech gedach had, mer jeh, dat is ouch neet gek bij eine aon d n aandere kant vaan de wereld dee nog noets vaan vastelaovend gehuurd heet. Gelökkeg waor de twiede proofdrök gans zoe wie iech t bedoeld had. Tot hoonderde lui mèt häör creatie op de boors lepe, maakde Wendy gruutser daan gruuts. t Ierste momint waor bij t oetrope. Op de prinsewagel zaot n groete medaalje. Daan gaon iech t liefste naor ederein tow um te zègke tot dat mien oontwerp is. Ech, n geweldeg geveul. t Doog Wendy get um te zien wie gruuts sommege lui op hun medaalje zien. Dat is ech sjiek um te zien. Veureg jaor höb iech door umstandighede geine vastelaovend gevierd, en noe had iech door de medaaljes gewoen ei groet hoegtepunt. Ech, e heerlek geveul. Oeteraard kraog Wendy ouch zelf n medaalje. Dat vin iech normaal al sjiek, mer noe hielemaol! Iech bin gans veerdeg veur de nui creatie

8 Oetrope ZHM Vergadering JAN 15 JAN

9 Vernuie es n team Neet eine nuie prizzedent, meh e nui presidium. Mèt ne relatief nuien Tempeleer en ne ganse nuie. De Tempeleers goon n nui periood in mèt Bastiaan Klomp en Wim Lousberg aon t roor. Euzen einegste maotstaaf is t belaank veur de vereineging en t belaank veur de vastelaovend. Es t aon de passie en de gedrevenheid vaan t nui Presidium ligk, goon de Tempeleers n sjoen touwkoms tegemoot. Geanimeerd lègke ze oet veur wat veur taak ze stoon en wie ze hun duofunctie same goon invölle. En dat oonderwijl ze z ch pas e paar maond ech kinne. Wim: Veer hadde wel ins e glaas beer gedroonke, meh dat waor t daan ouch. Meh sinds veer aonein gekoppeld zien es Presidium höbbe veer ne klik. En wat opvèlt: veer dinke euver väöl totaol tzelfde. In de speurtoch nao nen opvolger vaan prizzedent Henk de Jong zeukde De Tempeleers zoewel in es boete de vereineging. Wim, e jaor actief es Tempeleer, en Bastiaan, stadsprins in 2016, waore kandidaot, al wiste ze dat toen neet vaanein. Bastiaan: Wim hoort tot d r nen externe kandidaot waor, miech woort gezag tot ouch gesproke woort mèt iemes vaan binne de club. Gek genóg hadde veer alletwie dezelfde reactie, naomelek tot veer geine concurrentiestrijt devaan wouwe make. Dat waor oetindelek de oplossing, want veer zien t same goon doen, naotot Henri Janssen de nobel käös had gemaak e stepke trök te zette es vice-prizzedent. Boe Wim al e jaor aon de slaag waor es Tempeleer, is Bastiaan nui. Es t nog nui maag heite es aajd-stadsprins. Iech höb de vereineging netuurlek vaan hiel kortbij mage mètmake, en metein nao mie prinssjap kaom al de vraog um Tempeleer te weure. Meh miene sjoenpa (aajd-prins Math Hameleers) lierde miech tot vreuger de mores waor: de bis e jaor prins, en e jaor prins-aof um nao alle hectiek vaan t Prinssjap eve te kinne lande. Dus dat jäörke höb iech miech gepak. De duobaon is n oetstekende käös gewees, wete Bastiaan en Wim noe al. Neet allein umtot t prizzedentsjap vaan n vereineging wie De Tempeleers eigelek allein neet te doen is neve n fulltime baon. Wim: Veer völle us prima aon. Ouch es lestege beslute mote weure genome. Want Wim en Bastiaan weite alletwie: um De Tempeleers gereid te make veur de touwkoms zien ouch lesteg beslute nudeg. Bastiaan: Euzen einegste maotstaaf is t belaank veur de vereineging en t belaank veur de vastelaovend. Dat steit veurop. En gelökkeg mèrke veer tot dat bij ederen Tempeleer veurop steit. Dit is n prachtege club mèt allemaol enthousiaste en gepassioneerde lui. Noe is t zaak um op dat enthousiasme wijer te bouwe aon n club die mèt kin mèt de gaw bewegende maotsjappij vaan allewijl. t Cultureel erfgood dat vastelaovend hèt zal noets verandere, de invölling devaan wel, zègke Bastiaan en Wim. Vernuie deiste daorum neet door, beveurbeeld, de roed-geel-greun kleure te verandere. Nein, de moos vernuie zoonder de aankers vaan de vastelaovend aon te taste. Aanders geiste zwabbere en weurste oonherkinbaar. Bastiaan haolt de fèlm Nao t Zuuje vaan Lex Uiting aon. Ederein waor oonder d n indrök vaan al die sjieke tradities. Meh die höbbe veer ouch! t Is allein zaak die weer oonder t vootleech te bringe en aon te geve veurwat die tradities zien en veurwat ze belaankriek zien. Dat alles gebäort in e bezunder krachteveld. Neet allein in de vereineging, meh ouch daoboete. Ederein viert op zien eige meneer vastelaovend, en wèlt dat veural zoe blieve doen; aon d n aandere kant weurt ouch altied nao de Tempeleers es organisator gekeke. Wim: Veer facilitere de vastelaovend en organisere e deil daovaan. Wie de stad vastelaovend viert, is evels aon ederein zelf. Meh de tradities en gebruke vaan de Tempeleers zien dao de basis vaan. Iech dink ouch tot nörges in dit land zoe fies weurt gevierd en getrokke door n vrijwèllegersorganisatie zoe wie bij us. Veer weke in aonloup nao vastelaovend, de drei daog zelf en daonoa begint t weer vaan väöraof aon mèt veurbereie. Iech dink neet tot väöl lui daobij stèl stoon. Meh dees club wèt t wel eder jaor weer klaor te speule. Vastelaovend verandert, en dao is niks mis mèt, stèlle Wim en Bastiaan. Dee lèste haolt de Mestreechter Taol aon. Iech had t dao lès mèt iemes euver, en constateerde tot väöl fout weurt gesjreve. Meh, zoe zag miene gesprekspartner terech, dat is gaar neet erg. t Geit in ierste instantie drum tot eus taol gesproke en gesjreve weurt. Denao kinste altied wijer kieke um dat te perfectionere. Bij vastelaovend is dat tzelfde. t Geit drum tot de lui t viere. t Is aon us um dat te facilitere en via eus tradities wijer in te kleure. t Jäögprinsepaar is wat t nui presidium betröf e treffend veurbeeld. Wim: Get nuits boemèt veer de jäög geriechder bij vastelaovend betrèkke. Neet tot Bastiaan en iech dat noe verzónne höbbe, want dit initiatief is al veur euzen tied ingezat. Meh t is wel e veurbeeld vaan vernuiing, boebij dien aankers versteveg weure. Belaankriek daobij is tot ederen Tempeleer ziech senang veult bij de koers dee weurt ingezat. Bastiaan maak de vergelieking mèt t Nederlands Èlftal oonder t WK Louis van Gaal had t zoe ingeriech tot ederein n rol had. Vaan de nómmer 1 tot de nómmer 22 in de selectie. Ederein had zien eige kwaliteite, en die woorte ingezat. Zoe krijgste n team. Wim knik. Dat is wat t presidium betröf ouch de opgaof veur de touwkoms. De vastelaovend wijer veraankere, vernuie boe dat kin, meh wel zoe tot ederen Tempeleer ziech dao good bij veult. Es v r dat euver e paar jaor gerealiseerd höbbe, en de club nog altied compleet is, zien veer al hiel content

10 Toeke Op weeg nao sjevraojemominte Bezeuke Rémy Rousseau maag ziech nuie sirremoniemeister vaan De Tempeleers neume. Veur de boetewereld mesjiens ne verrassende naom es opvolger vaan René Persoon. Veur de vereineging, en zeker veur Rémy zelf, minder. Iech dach metein: dit is get veur miech. In zien ierste jaor es Tempeleer heet Rémy ziech get rösteg gehawwe. In de positieve zin vaan t woord daan wel, zeet heer. De geis neet es nuikoumer metein euveral väöraon stoon. Dat waor ouch e bitteke t geveul wie de taak vaan sirremoniemeister vacant kaom. Iech dach metein: dat is get veur miech. Meh um dat metein in de vereineging te rope ging miech get wiet. Rémy spraok mèt get collega-tempeleers. Die waore enthousiast. Toen höb iech bij de zeukkemissie extra informatie opgevraog. Want tot iech gere sirremoniemeister wèl weure, stoont vas. Nao get gesprekke kraog heer akkoord vaan t bestuur. Ind augustus woort zien beneuming bekind. Iech höb t dus eve veur miech mote hawwe. Lesteg, want iech voont en vin t zoe sjiek! D n daag veur t peersberiech nao boete góng, höb iech mien vrun ingeliech. Zie vinde t geweldeg. Netuurlek is d n Euverdrach vaan de Mach t hoegtepunt veur de Sirremoniemeister. Dao stoon um naomes t volk die vaan us ne spiegel veur te hawwe vin iech ech n sjieke oetdaging. De boel weer ins op sjerp zètte in t stadhoes. Iech kiek al jaore nao de Machseuverdrach op d n tèllevisie. Eder jaor weer genete. En noe maag iech dao stoon, op mien eige meneer. Sjevraojemomint, noe al. Tot Rémy op t moment suprême einege spanning zal höbbe, steit veur häöm al vas. Daorum zeuk iech get gooj lui um miech heen die miech helpe mèt dees gewiechtege taak. n Gooj veurbereiing is hiel veurnaom. En es iech dao einmaol staon, weit iech zeker tot t goodkump. t Speul op de zaoterdag veur vastelaovend is vas en zeker neet t einegste sjevraojemomint, veurspelt Rémy. Boe iech ouch hiel erg nao oetloer, is d n démasqué vaan de Groeten Oonbekinde. Dat momint op de Merret. Die zinne die edere Mestreechteneer kin. En daan t noe, noe geit t gebäöre. Dat weurt ouch n hoegtepunt, zeker wete. En daan höb iech t nog neet euver t neerhole vaan t Mooswief op vastelaovensdinsdag. Iech gaon sjevraojemomint nao sjevraojemomint kriege

11 Bezeuk Zörgcentra Mestreech, de Karnevalsstad of neet? Karneval 2017 De stad zaog e bitsje kèl oet. t Waor Vastelaovend, t oetrope waor gewees, meh kóste wel zien tot karneval in de stad waor? e Bitsje Horecabedrieve hadde netuurlek wel n week veur karneval de zaak verseerd, meh in d n aonloup vaan t oetrope nao Vastelaovend waor t toch kaal in de stad. In samewèrking mèt Centrummanagement Maastricht en mèt mètwèrking vaan de Gemeinte Mestreech is de stad tijdens de editie 2018 e stök sjieker gewore. Want karneval en Mestreech hure bij ein en dat mooste ouch kinne zien en ervare. ne Nuie veendel woort oontworpe en mèt hölp vaan eus Börgemeisterse woort Mestreech weer e bitsje karnevalsstad. In totaol zien mie es 450 veendele opgehaange in de binnestad. Ouch höbbe v r n sjieke traditie weer nui leve ingebloze, naomelek de Kiekoetwedstrijd, boe bij n aontal oondernummers (mie es 25 winkeleers höbbe mètgedoon!) hunne kiekoet sjiek verseerd hadde. ne Kritische jury (Chrit Rousseau, Guy van Grinsven en Coen van Thor) heet de etalages beoordeild en dat heet geleid tot ne sjieken top 3 (de Bijenkorf, Schoenenwinkel Meulenhoff en Juwelierszaak Martens-van Lijf). De winner veur de editie 2018 waor zjuweleer Martens-van Lijf. De aonkleiing zal ouch veur editie 2019 e speerpunt zien. De samewèrking mèt Centrummanagement Maastricht is veur mierder jaore aongegaange. Oonder aandere zalle v r t koumend karnevalssezoen netuurlek de veendele trök laote koume, ouch de kiekoetwedstrijd kump weer trök. Masterclasses Carnavalogie weure geïntroduceerd en v r goon wijer samewèrke mèt de horeca vaan Mestreech um in aonloup nao de Mestreechter Vastelaovend de believing vaan dit sjiek cultuurfies nog mie ziechbaar te make. Mestreech, de Karnevalsstad: Zeker wete! 20 21

12 Op Bezeuk bij Zustervereineginge Groet Gala Prinsebal 22 23

13 Nuien Trósjer Kim Naotot Gerard Slakhorst n aontal jaor geleie aongegeve had tot heer wouw stoppe es Trósjer höbbe de Tempeleers de ajdste aktie vaan de vereineging aanders ingezat. De Tempeleers mooste mier de straot op. Zoe woorte köppelkes gemaak vaan nen Tempeleer mèt ne börgermètwèrker. Eder köppelke kreeg n aontal straote um bij de oondernummers op bezeuk te goon. Ederein dee deilnump aon de Trósjer-Actie ontvingk neet allein e bewies vaan deilnaome meh dingk ouch mèt nao t manjefiek broonze beeld La Folie. Dees aktie vreug väöl tied, d r moot gepland weure, administratie bijgewèrk en doorgezat um toch die aofspraok te kriege mèt d n eigeneer vaan de zaak. Oscar Vandeberg heet aofgeloupe jaor aon Kim gevraog of ze dees taak op zich wouw numme t heet super geloupe mèt de Euro s en ederein had väöl plezeer. Wee is noe dat die sjoen vrouw.. Kim? Zoonder noe te väöl bekind te make zie heet twie meidskes en woent mèt häöre vrund in Wolder. Oonder t Trósjere oonderhèlt zie häör hobby s loupe en fitness. Wèrk bij de gemeinte Mestreech es consulente vaan de WMO. Same mèt häöre vrund späölt ze in de Zate Hermenie Blamage. Veur koumend jaor heet ze nui ideekes veer laote us verrasse. De eveneminte vaan de Vastelaovend kinne jummers neet bestoon zoonder de gifte vaan t Volk vaan Mestreech. Kim vraog uuch daan ouch vruntelek: Es t Trósjer team bij uuch langskump sjik hun daan neet mèt leeg han eweg. Daank uuch. Kim van Druenen Odin Wijnhoven (40) is de nuie veurzitter vaan de Kanselarijraod. Kara, zoe wie de kemissie aofgekort hèt, zörg oonder mie veur de medaajes, t thema en kees de Vastelaovendsvierder vaan t jaor. Mer de veurnaomste taak vaan dee gróp Tempeleers: t oetzeuke vaan de nuie stadsprins vaan Groet Mestreech. n Zier wiechtege taak netuurlek, zeet Odin. Zier iervol ouch. Wie Odin veurzitter Kanselarijraod is gewore? Hiel sumpel, zeet heer: kandidere. Toen bekind woort tot dees vacature vrij koum, höb iech dao ins good euver naogedach. Iech dink tot iech miech in dees functie verdeenstelek kin make veur de Tempeleers en veur de Mestreechter vastelaovend. Es ein vaan de jongste Tempeleers hoop iech ouch get vernuijing te kinnen aonbringe hei en dao. Neet tot Odin noe mèt de groete keerbeurstel dedoor geit, gief heer aon. Wat d r steit, steit good, en d r is noe einmaol n aontal vaste zakes binne de Kanselarijraod. De prinsekäös wie gezag, mer ouch beveurbeeld t protocol. t Dèks besproke protocol, want moot dat noe allemaol zoe strikt en zoe zwoer bij een vastelaovendsvereiniging? Odin: Es Tempeleers zien veer in de veutspore getrejd vaan de Sociteiteit Momus. Dao hure aofspraoke bij, dao huurt n bepaold cachet bij. Ouch um dee stadsprins en de vereiniging zelf good neer te zette. t Moot kloppe. Zoonder t protocol kin t speul zoe wie t speul huurt, neet gespäöld weure. Dat hink same mèt tradities, mèt weerde, en dao is us protocol leidend in. Odin loert oet naor de zeuktoch vaan de nuie stadsprins. Zeker ouch umtot heer zelf wèt wie bezunder dat is. Zoe wie bekind geit t Dreigestirn eder jaor op zeuk, en eder jaor is t gelök weer de bèste prins oet te zeuke. Die traditie gaon veer zeker doorzètte. Mer dat lök neet zoonder t volk vaan Mestreech. Die mote kandidaote aondrage. De prins kump vaanoet t volk, zoe is t, en zoe zal t blieve. Henri bedaank veur de sjoen jaore es Vice Prizzedent Nuie veurzitter Kanselarijraod 24 25

14 Vastelaovendvierders 26 27

15 Nui Tempeleers Jaore woort heer getip es kandidaot-stadsprins. Meh veureg jaor zaog t vastelaovendvierend volk Iwan Bruijnzeels obbins mèt n aander möts: die vaan de Tempeleers. Tjeh, gemisde kans veur de Tempeleers, zeet Iwan lachend euver zien prinseleke ambities. Lachend inderdaod, want heer veult ziech wie ne vès in t water es Tempeleer. Sinds 2012 waor heer al actief es börgermètwèrker bij de PR-kemissie. Veureg jaor woort iech obbins gebeld door Henri Janssen. Of heer eve moch langskoume mèt Henk de Jong. Iech vermoedde toen al tot de vraog zouw zien of iech n möts wouw weure. Nao t plezereg gesprek höb iech ze nao hoes laote goon. Iech laot binne 24 oor get wete. Wie ze weg waore, höb iech Mascha eve aongeloerd en die stoont drachter, dus medein Henri gebeld: Iech daon t mèt gans mien hart!. Iech geluif tot ze d n oto nog neet gestart hadde... Iwan heet genote vaan zien ierste jaor bij de vereineging. Negatief zake zien häöm neet opgevalle. Positieve des te mie. Veural de leefde veur t organisere veur dat sjiek fies door alle lui die iech höb getroffe, neet allein bij uszelf, meh ouch in al die wieke, verzörgingshoezer en vereineginge boe v r te gas waore. Wat iech ouch hiel sjiek voont, is de sjieke band tösse Tempeleers en Kachelpiepers! Iech had inins nog ns 66 vrun debij! Iwan zuut de rol vaan de Tempeleers in de vastelaovend vrij breid. t Volk organiseert zelf, veer facilitere. Veer zörge tot Mestreech ziene Stadsprins heet, tot d n optoch georganiseerd is (veur zoe wied dee ziech liet organisere!), de kaders, zoetot t volk e fantastisch fies kin beleve. Daoneve regele veer get zake die de stumming alvas in de stad bringe in de weke daoveur. Daoneve zien plezeer en sjariteit zier wiechteg veur Iwan. Lui die zörg höbbe helpe, in de geis vaan eus veurgengers vaan de Momus. Kraanke bezeuke, lui die t neet zoe breid höbbe toch de meugelekheid beeje um beveurbeeld nao t kinderfies te goon, meh ouch zoeväöl meugelek lui betrèkke bij eus volkscultuur, dus ouch studente en expats beveurbeeld. Sjoen wäörd vaan Iwan. Prinseleke wäörd bekans. Iwan lach weer vaan oer tot oer. Ach, iech kin nog altied Prins weure op de Koepelhof Peter Regout maakde aofgeloupe vastelaovendssezoen zie debuut in Tempeleers-kostuum. Peter woort n haaf jaar daoveur benaoderd door d n toenmaolege prizzedent en ziene vize-prizzedent. Ze wouwe ins mèt miech praote. Daan wètste wel oongeveer boe dat euver geit, zeet Peter. Heer spraok al eve mèt zien Amanda euver t veurstèl dat mesjiens wel zouw goon koume. En oetindelek ouch kaom. Gein secónd höb iech getwiefeld, zeet Peter. Iech vin t ech zier iervol um n aondeil te kinne lievere aon de Mestreechter vastelaovend. Vastelaovend verandert, gooj dinger verbetere, aander gooj dinger valle weg, meh dao koume ouch weer sjieke nui activiteite veur trök. Um daobinne de traditie vaan vastelaovend levend te hawwe is n oetdaging. n Hiel sjieke oetdaging. Peter veult ziech wie ne vès in t water. Iech waor netuurlek ieder al lid vaan de Kachelpiepers en bin dao veureg jaor vize-prizzedent gewore. Iech höb altied al vastelaovend in t blood gehad. Wat iech sjiek vin, zien de tradities en de gebruke die euze vastelaovend kint. Die mote veer hoejere en vashawwe, zoelang ze de touwkoms neet in de weeg stoon. Peter ging aofgeloupe sezoen zoeväöl meugelek bezeukskes mèt. Heer wouw alles mètkriege. Dat waor zwoer, meh ouch hiel sjoen. Al die lui die vastelaovend viere en oetloere nao e bezeuk vaan d n Hoeglöstegheid en zien Tempeleers en Kachelpiepers, manjefiek. Peter waor oonder d n indrök vaan de medaalje-rege. Iech bin devaan euvertuig tot n medaalje vaan d n Hoeglöstegheid de gemiddelde Mestreechteneer mie deit es e lintsje vaan de Keuning. Die emoties bij sommege lui. Neet allein awwer lui of lui die t zwoer hadde, meh ouch de stoerste jonges, zoe wie bij de Kachelpiepers. Iech kraog dao sjevraoje vaan! Peter kin (momint vaan sjrieve is september, red.) neet wachte tot t sezoen weer begint. Iech bin zoewel bij de Tempeleers es bij de Kachelpiepers in n heerlek werm bad terech gekoume. Es iech de Kachelpiepers zeen es Prinsewach, dat is fantastisch. Of t noe dames zien of hiere, dee prins kin niks gebäöre. Meh ouch bij de Tempeleers. Tot veer n oonderdeil mage zien vaan dee manjefieke Mestreechter vastelaovend maak miech gruuts. Laot vastelaovend 2019 mer koume! 28 29

16 De Groeten Oonbekinde Same genete Gruutse awwers Oethaange Prinselek Veendel Mien Steerke In cortèsj nao t Stadhoes Mien prachtege vrouw Foto s vaan Rolam I Miene groete vrund mèt zienen eige Groet Offeceer Opveuje Femilie en vrun genete mèt 30 Same Vastelaovend viere t Is super sjoen gewees, bedaank, bedaank, bedaank 31

17 Momus Pegasus-orde De Tempeleers situatie vaan 11 nov tot 11 nov Op vriedag 19 october waor de ganse compenij Tempeleers, same mèt de Pegastiaone en aander bizunder gaste in proper gestreke wit bij t boetegood Slavante verzameld, veur de jaorlekse Momusaovend. De Momusaovend is 15 jaor geleie oontstaande es ne gezèlligen aovend in de geis vaan de aw Momussosjeteit. Bij dees aovende woorte vaanaof de Pegasus, t vlegend peerd, veurdrachte gehawwe en bij e good glaas beer of wien hiel väöl gezoonge. In de zelfde geis vierde de Tempeleers al veur de zestiende kier de Momusaovend op Slavante, boe ouch dees reis Flappinus XI naomens de Raod vaan Kommissie mèt väöl plezeer de börgemeister en gouverneur same mèt de Pegastiaone heet welkom geheite. Pegastiaone zien börgers mèt bizunder verdeenste veur de Limburgse cultuur en hiel in t bizunder veur de Vastelaovend. t Is oondertösse traditie tot tijdens de Momusaovend aon ne verdeensteleke mins de broonze Pegasus weurt oetgereik, boemèt de gelökkege d n iere-titel Pegasaurus krijg. De zegel mèt de beeldeneer hink aon e roed-wit-greun lint, wat n verwijzing is nao de kleure vaan de aw Momusmöts. Dit jaor woort de orde vaan de Pegasus oetgereik aon Karel Fiddelers veur zien boetegewoen verdeenste veur de Limburgse Vastelaovend. Flappinus XI moch ouch mèt väöl plezeer de Prizzedent vaan Burgerlust, John Prevo welkom heite, dee us haorfien oet de deuk heet gedoon wie in Eygelshoven de vastelaovend weurt gevierd. Heinao waor t oug geriech op de artistieke kwaliteite vaan de kok, dee mèt wieneg wäörd meh väöl kinnes vaan zake ne smakeleke menu wis oet te servere. Nao de nudege zaank, neet mèt Jeng meh mèt Remco aon de Moneca, en koffie mèt get aanders waor t de beurt aon Will Wintjens dee op zien eigen briljante meneer heer zag zie tegen häöm veur t vootleech brach. Mèt d n epiloog vaan de Prizzedent-Tempeleer en t Mestreechs volksleed woord mèt e kontent geveul de 16e Momusaovend beslote. Besjermvrouw Mevr. Annemarie Penn te Strake Börgemeister vaan Mestreech Iere-Tempeleer Funs Wolfs Protecteursraod (opgeheve per 18 jan. 2018) mevr. J.M. Penn te Strake vz drs. L. Brans Brabant, vice-veurzitter drs. M.A.W. Cootjans mevr. M.L.H. Depondt-Olivers dhr. G. Gach drs. G. Janssen dr. ir. J.G.M. de Jong mr. E.Q.F. Klomp drs. B.J.P. Mol Prof. Dr. L. Soete mr. E. de Vries Bestuur Henk de Jong, Prizzedent tot juni 2018 Bastiaan Klomp, Prizzedent vaanaof juni 2018 Henri Janssen, Vice-Prizzedent tot juni 2018 Wim Lousberg, vice-prizzedent vaanaof juni 2018 Marcel Franssen, Kretser Adrie Luijten, Habsjaar John Zeguers, vz. Kanselarijraod tot 19 juni 2018 Odin Wijnhoven, vz. Kanselarijraod vaanaof 19 juni 2018 en Oetbelder Rob Dohmen, vz. Binnegebäöre Iwan Bruijnzeels, vz. P.R.-kemissie vaanaof 19 juni 2018 Han van Trier, vz. Boetegebäöre Oscar Vandeberg, vz. Financieel Kemissie 32 33

18 Lede Guy Bannier, Raodshier Bert Beenkens, Raodshier /Momus aovend Jos Detisch Boetegebäöre -cortége Maurice van Engelshoven Boetegebäöre -cortége Pol Feron, Directeur Maggezijn ZHM Konkoer Wielie Fey, Raodshier Wim Fischer, Raodshier 4 aprèl 2018 Jos Gordijn, Binnegebäöre-Klevariezitting Han Hoogma, Boetegebäöre-PR marketing Henri Janssen, Binnegebäöre Henk de Jong, Binnegebäöre/Zeuten Inval Jan Janssen, Kanselarijraod- Momus aovend Frits Jongen, Kanselarijraod- medaaljesjatbewaorder Paul Joosten, PR kemissie Nico Kempeners, Sikkertaris-Ginneraol Theon Kennis, kemissie Fike Willy Massot, Raodshier Rene Persoon, sirremoniemeister tot miert 2018 Benedict Persoon, PR kemissie vaanaof sept Guido Quaden, kemissie Fike vaanaof sept 2018 Peter Regout, Kemissie Fike Remy Roussaeu, Sirremonismeister vaanaof 27 aug Victor Salentijn, PR kemissie- ZHM Konkoer Huub Stevens, Kemissie Techniek Boetegebäöre/ Marechal Vunkeleer Patrick van de Weijer, Binnegebäöre- Kinderactiviteite John Zeguers, Kanselarijraod DAANK AON EUS BÖRGERMÈTWERKERS BOGE (Boetegebäöre) Remco Frederix Daniëlle Bollen Harrie Crapels Frans Jozef Janssen Jean Rossell J. Persoon Nico Borgignons Ton van Hoof Harie Hul Jo Vlaspoel Charles Walthie Pedro Dassen Kim Willems Jan Hameleers Jean Lenaerts Pierre Dassen Roger Hameleers Trèkkers Raymond Brands Ralph Caenen Hennie Coenen Guido v.d. Dijck Yves Frissen (tot ) Peter Gense Harrie Gulikers Maurice Kertzman Jack v.d. Meulen John Munnichs Hans v.d. Plas Francois Pletsers Marcel Rassin Ralph Schrijnemaekers Peter Stroes Winnie Vrijens John Wagemans Marcel Zeegers Vincent Coomans Bert Habets Remi Frints Peter Hendrikx Servé Meerten W. Steijns FIKE (Financieel kemissie) Elfie Bergmans Marion Willen Ivo van der Zee Edwin Bruijnzeels Ton Schoenmaekers Imgriet Habets Armand Peereboom Emile Meuwissen Rob Hounjet Helma Lousberg Kim van Druenen Rene Persoon Corné Gilissen Pierre Gubbels George van Zeijl Guido Quaden Luc Theunissen Peter Harkema Lou Brans Brabant Nicole Brans Brabant BIGE (Binnegebäöre) Rick van der Aar Guido Baartscheer Marion de Bont Iris Castro Roland Daems Noël Fabry Jasmijn Fischer Ursula Garnier Evan Geraeds John Haseleers Loes Hermanns Wiel Jacobs Guido Janssen Roel Janssen Charles de Jong Rens Lasoe Tiny Lasoe Patrick Muijtjens Susanne Muijtjens- Loontjens Roel van der Nat Mieke van der Nat-Kurris Roger Niël Jef Persoon Marcel Spierts Peter Stroes Sjarel Ubachs Vincent Vanderbroeck Frank Verhees Chris van Wunnik Thijs Hamaekers Ton Hogenboom Annemie Haseleers Kretserij Henk Franssen Jopie Franssen Armand Peereboom KARA (Kanselarijraod) Pierre Brinkhuizen Jo Godding Guill Wijnands PR-kemissie Maurice Coenen Hans Hollanders Armand Peereboom Benedict Persoon Carlo Schrijnemakers Stefan Gijbels Sarah Kuiper In Memoriam Wim Fischer * 9 november aprèl 2018 Wim Fischer waor in Mestreech bekind es directeur-eigeneer vaan Maison Louis in de Groete Staat. In 1977 maakde Mestreech evels kinnes mèt Wim Fischer wie heer op de Merret woort oetgerope tot Stadsprins. Heer regeerde oonder de titulatuur Kostumandus Aquanauticus Autoquarius es WIM I es Stadsprins euver t Vastelaovendsriek vaan groet Mestreech. Aonsletend aon zie Prinssjap woort Wim Tempeleer en waor heer binne de vereineging gekind oonder de naom t Tailleurke. Vaan 1986 tot 1992 waor Wim veurzitter vaan de kemissie Publieke Relaties en maakde daomèt deil oet vaan t bestuur vaan de vereineging. In 1992 woort heer Prizzedent-Tempeleer en vervölde die functie tot Vaan 2003 tot 2012 maakde Wim deil oet vaan de Kanselarijraod. Meh neet allein veur de Mestreechter Vastelaovend waor Wim aktief. Zoe waor heer o.a. vaan 1981 tot 1985 Praeses vaan de Kon. Zangver. Mastreechter Staar. Veur zien betrokkenheid en inzat kraog Wim de Ridder in de Orde vaan Oranje Nassau oondersjeiding touwgekind. Op basis vaan ziene indrökwekkende staot vaan deens veur de Vastelaovend in Mestreech in t algemein en de Tempeleersvereineging in t bezunder zien v r Wim hiel väöl daank versjöldeg. Op zaoterdag 14 aprèl 2018 naome v r mèt Tempeleers-ier aofsjeid vaan Wim en höbbe v r häöm vaanoet de St. Servaosbaseliek begeleid nao zien lèste rösplaots op de algemein begraofplaots aon d n Toongerseweeg. Wim adie!! Bedaank volk vaan Mestreech! MEH OUCH Bedaanke veer eder jaor weer alle lui die mèt gewèrk höbbe aon dit verslaag, alle fotograve die n werm hart veur de Mestreechter Vastelaovend höbbe en invölling draon gegeve höbbe. En netuurlek bedaanke v r Stadsprins Rolam I veur zien invölling en beleving vaan zie Prinsejaor. Veer stoon weer aon de veuraovend vaan e nui sezoen. Vastelaovend vierste jummers same, same mèt t Volk vaan Mestreech, mèt alle vastelaovendsvierders, mèt de hermeniekes, de kare, mèt respek aon beids kante en passend in dezen tied, mèt behaajd vaan tradities. Want de Vastelaovend zal altied blieve bestoon, dao goon veer veur. Netuurlek zalle veer in dit sezoensbook get vergete zien en zien dao eveneminte neet of get wieneg beliech, meh al besjrieve kós neet. Veer hope tot geer toch ne sjoene kiek höb gekrege op t aofgeloupe jaor. Veer bedaanke veur hun mètwèrking aofgeloupe jaor: B & W en de Gemeinteraod vaan Mestreech d n Deens Stadsbeheer en facilitair zake Brandweer GGD Sappi Veldeke Krink Mestreech Alle Börgermètwèrkers in de versjèllende kemissies; zoonder hun kinne veer ech neet! Ederein dee door ziene/häöre financiële steun de rangatie vaan de Vastelaovend meugelek maakde COLOFON Oetgaof: Stiechting De Tempeleers, Posbös 2424, 6201 EA Mestreech Samestèlling: Tempeleers Victor Salentijn en Iwan Bruijnzeels, Börgermètwèrker Stefan Gybels Foto s: Hans Hollanders Oplaog: 400 stöks Vörmgeving: Youri Penders, MoetMoet Dutch Leterpress Drök: Drökkerij Walters Mestreech bv Plezeer & Sjariteit 34 35

19 t Vijfde sezoen kint weer beginne