Jaorverslaag De Tempeleers

Transcriptie

1 Jaorverslaag De Tempeleers Stiechting De Tempeleers Mestreech Kochstraot ER Mestreech 1

2 Inhaajd Proloog 3 Vastelaovendsleedsje Jaorvergadering 6 Oonthölle Prinsegalerij 9 Oetreike Orde vaan de Gulden Humor 10 Oetrope Stadsprins De kemissie Binnegebäöre - Kinderaktiviteite 15 - L.S.O. Vastelaovendskonzèr 18 - Kaffe dezeuten Inval 19 - Gala Prinsebal 20 - Nostallegasie 21 - Klevarie 22 De kemissie Financies -Gala Sponsoraovond 23 - d'n Trósjer 23 - Particuleer actie 24 - Steunpilere 24 De kemissie P.R. 26 De kemissie Kanselarijraod - Medaaljes 28 - Kachelpiepers 29 - Machseuverdrach 30 De kemissie Boetegebäöre - Inhole 33 - Insjete 33 - D'n optoch 34 - Vasteloavendsmaondag 34 - Zate Hermeniekes - Jaorvergadering 35 - Konkoer 35 Lètste Mominte 37 In Memoriam 38 De Tempeleers-organisatie 39 Epiloog 42 Colofon 43 2

3 Proloog t Sezoen is weer veurbij en wat dao gebäörde besjrieve veer hei In dit jaorverslaag is alles besjreve wat veer dit jaor höbbe mage beleve t Waor e sezoen vol sjoen eveneminte aon alle mètwèrkers eus kompleminte Veur de organisatie vaan alle activiteite vaan binne- en boetefestiviteite Ouch dit jaor höbbe veer de kemissies opgedrage aon te lievere hun eige sjoen verslage Oet hiel väöl fotoos kóste veer keze; die umlieste dit jaorverslaag oonvolpreze In alle geval woort t veur uuch opgesjreve Veer hope tot t uuch väöl leesplezeer maag geve Mestreech, 11 november 2008 Tempeleers: Guy Bannier Nico Kempeeners 3

4 Vastelaovendsleedsje 2008 Zoondag 4 november 2007 woort op väöl plaotse Allerheilege gevierd. Op de Green in Wiek leep evels de Maastricht Music Hall in rap tempo vol mèt enthousiaste Vastelaovendsvierders die getuige wouwe zien vaan de oetverkezing vaan t nui Vastelaovendsleedsje. Nog veurtot ouch mer ei leedsje waor gezoonge steeg de temperatuur in de zaol al tot t kookpunt. t Mestreechs Vastelaovends Orkes kweet ziech op n eminente meneer vaan häör taak en späölde veur, tijdens en nao t konkoer de stare vaan d n hiemel. Zoe tege keteer nao twie woort d n aoftrap verriech mèt t zinge vaan t Mestreechs Volksleed gevolg door nog eine kier t winnend leedsje vaan 2007: Reube, Friet en Beer. Vaan de 38 inzendinge had de selectiekemissie 9 leedsjes wierdeg bevoonde um aon t volk te prizzentere es kandidaot veur t Vastelaovendsleedsje De tekssjrijvers/componiste hadde zelf, middels n loterij, de volgorde vaan prizzentere bepaold. Nao de 1 ste stumrunde ginge veer leedsjes nao de finale. Die veer leedsjes woorte nog ne kier ten gehure gebrach veurtot t massaal opgekoume pebliek in de finale-stumrunde kós aongeve wat veur leedsje d n titel Vastelaovendsleedsje 2008 zouw kriege. Vaan de mie es 1500 aonwezege brachte 1185 lui hun stum oet mèt de volgenden eindoetslaag es rizzeltaot: 4e plaots mèt 109 stumme: Miene naober vaan Sanne Voorzee en Kevin Cramer; gezoonge door Eric Cruts 3e plaots mèt 119 stumme Maak t uuch toch neet te lèsteg vaan Jean Debruijn; gezoonge door Joie de Vivre 2e plaots met 355 stumme Mestreech, dat zien veer vaan Bert & Ursula Garnier; gezoonge door t Volk vaan Mestreech mèt gevolg tot mèt 602 stumme es winnend leedsje veur Vastelaovend 2008 oet de bös kaom: Dao kump Maria. Vaan Dorrie & Leo Satijn en gezoonge door t Duo X-Elle. Euvermand door emoties kaome de winners op t podium um de huldeging te oondergoon, de beker en d n 1 ste CD in oontvangs te numme en t winnend leedsje nog ne kier te zinge. t Pebliek waor, gezeen de reacties in de zaol, dol enthousias euver t leedsje. Aonsletend kraoge alle geselecteerde inzenders n oerkonde en de CD oetgereik. Daankzij d n inzat vaan Marlstone Studio kraog t pebliek de gelegenheid um metein ne CD te koupe. Vaan die meugelekheid woort grif gebruuk gemaak. De S.M.V. kint trökkieke op ne zier geslaagde middag. 4

5 Vastelaovendsleedsje 2008 Dao kump Maria Couplèt: Mèt de Vastelaovend Geit us Maria op stap Vreuger met de kinder drin Meh noe met de lek ren hap De weurs en ouch gehakbelkes En blökskes awwe kies Die deilt ze oet aon ederein Daan is t ei groet fies! Refrein: Jao, dao kump Maria Met häöre wagel op t plein Jao, dao geit Maria Vastelaovend is zoe fijn Jao, dat is Maria De zuur r euveral, En kumpste Maria tege Daan is t Carneval Couplèt: Noe nao al die jaore Heet ze m umgebouwd tot kaar Huur dao kump ze al vaan wied Verkleid wie ne clochard Meziek dee heet ze bove drop Zie drejt daan met häör koont De lui die doen daan lösteg met Mestreech springk in t roond 5

6 Jaorvergadering Jaorvergadering 18 november 2007 Twie weke nao de oetverkezing vaan t Vastelaovendsleedsje kaom Vastelaovendvierend Mestreech bijein in de Bonbonnière veur de Jaorvergadering vaan de Tempeleers. In aofwieking vaan aander jaore waor t tiedstip vaan aonvaank vervreug tot oor. Dit heel verband mèt n bezunder aktiviteit mèt de Aajd-Stadsprinse later op d n daag, meh dao-euver astrein mie. Euze Sirremoniemeister Jan Janssen maonde in n humorvolle openingsspeech de lui um t bufèt los te laote en ziech e pläötske te zeuke zoetot de vergadering vaan start kós goon. De Prizzedent-Tempeleer, Peter Reijnders, hèdde achtereinvolgens euzen Ex-Prins Roland I, eus Maria of wel Häöre Excellentie de Minister vaan Economische Zakes, Maria van der Hoeven, eus Börgermètwèrkers en t Volk vaan Mestreech vaan harte welkom bij de 62ste Jaorvergadering. Mèt in-ach-numming vaan e momint stèlte woort nog eve stèlgestande bij t feit tot us in t aofgeloupe jaor drei lui waore oontvalle. Op 21 november 2006 storf Tempeleer Lou Vleugels. Koelek drei weke later kraoge v r beriech tot Kien Frantzen euverlije waor en op 28 mei 2007 naome v r aofsjeid vaan Tempeleer Jan van den Bergh. In de loup vaan t sezoen naome v r ouch aofsjeid vaan de Tempeleers Lon Cimmermans, Servé Fey en Lou Lausberg. Um oeteinloupende reie hadde zie aongegeve neet langer besjikbaar te kinne/wèlle zien es Tempeleer. Vervolges woort kretser Nico Kempeners in de gelegeheid gestèld um nen trökblik op de Vastelaovend 2007 te verwoorde in de vörm vaan de prizzentatie vaan t Jaorverslaag. De kretser verkierde daobij in de luxe positie tot heer zie verhaol kort kós hawwe, jummers al wat heer te vertèlle had stoont besjreve in t Jaorverslaag dat veur n ederein nao aofloup vaan de Jaorvergadering besjikbaar waor. t Ierste exemplaar waor veur de Prizzedent-Tempeleer, t volgende veur Ex- Prins Roland I en t derde exemplaar waor veur Tempeleer Pie Steffens es n hommage aon t feit tot heer al 44 jaor op n veurtreffeleke meneer iefert veur de instandhawwing vaan de Mestreechter Vastelaovend. Aonsletend waor t woord aon de veurzitter vaan de Kanselerijraod, Frans Buytendijk, um ne merci oet te spreke aon t adres vaan Ex-Prins Roland I en zien eega Josien, die jaomer genóg neet present kós zien i.v.m. e verblief in China. Rech oet t hart spraok Frans ne sjieke laudatio oet euver de Stadsprins 2007 boebij heer ouch n tipke vaan de sluier oplufde wat betröf t benkelek momint boe-op Roland en Josien thoes in Wolder woorte euvervalle mèt de mies wiechtege vraog in Mestreech: Zouwt geer us es Stadsprins veur wèlle goon in de Vastelaovend?. 6

7 Jaorvergadering De merci woort oonderstriep mèt de euverhandeging vaan de Vastelaovendsveendel aon Roland. t Jaor in, jaor oet ranzjere vaan ne sjieke Vastelaovend kin neet zoonder sent. Habsjaar Marcel Janssen heel de aonwezege lui in e gloedvol betoog veur wie de Tempeleers t jaor financieel waore doorgekoume. Neve ne merci aon alle particulere, zakelui en bedrieve die, eder op hun meneer, n bijdraog hadde gelieverd, waor d r ouch ne groete merci aon alle vrijwèllegers/börgermètwèrkers veur hunnen inzat veur de Tempeleers en de Mestreechter Vastelaovend. D n Habsjaar kós trökkieke op e financieel geslaag sezoen, gelèt op t prima positief rizzeltaot. Ein vaan de oonderdeile vaan de Jaorvergadering boe eder jaor nao oetgekeke weurt, is de bekindmaking vaan de Vastelaovendsvierder. Die annoncering weurt al versjèllende jaore gedoon door euze vice-prizzedent Jean-Louis Tuinstra. Nao n zier spitsvondege annoncering bleek tot Rob Meurders oetverkore waor um d n titel vaan Vastelaovendsvierder 2007 te drage. Mèt t aonbeje vaan e fleske Tempeleerswien woort häöm de oetreiking vaan ne replica vaan t Momuskenon op Vastelaovendszoondag in t veuroetziech gestèld. Veuroetkiekend nao de Vastelaovend 2008 deilde de Prizzedent met tot de Kinderrevue oonder de nuie naom Lekker Joonk wijer door t leve zouw goon. 7

8 Jaorvergadering De Groeten Optoch trèk weer vaanoet Wiek euver de Aw Brögk nao de binnestad. Aon de Mestreechter kant vaan de Maos löp de rót daan via de Kesselskade, Hónderstraot, Merret, Groete Grach en Helmstraot nao de Vriethof. De ierste aktiviteit nao de Jaorvergadering zal zien de oetreiking vaan de Orde vaan de Gulden Humor. Dees aktiviteit weurt georganiseerd door de Tempeleers in samewèrking met de S.L.V. (= Samewèrkende Limburgse Vastelaovendsvereineginge). Es vaste bezeuker vaan de Jaorvergadering heel Guido Janssen zie gehuur op n humoristische wijze in diechvörm de spiegel veur. Heer verwees daobij nao d n teks vaan t nui Vastelaovendsleedsje; d n oproop vaan Mao en Truus um de hutekes vaan zitting de Zeuten Inval trök te bringe; d n TV-serie Flikke; t polletiek gesteggel tösse de hiere Leers, Hoen en van Rens en de nui opstèlling vaan de kraome op de Merret. Ter aofsleting vaan de Jaorvergadering woort Duo X-Elle oetgenudeg um t winnend Vastelaovendsleedsje 2008 Dao kump Maria ten gehure te bringe. 8

9 Oonthölling Prinsegalerij Oonthölling Prinsegalerij op 18 november 2007 Aajd-Stadsprins Math van Lijf z.g., dee jaorelaank n meubelzaak had in t pand de Blauw Handt op d n hook vaan de Merret en de Hónderstraot had oets de wins ge-uut um op ein of aander meneer e gedinkteike in de naoventrint vaan t pand aon te bringe dat de memorie leveteg mos hawwe tot t pand de Blauw Handt jaorelaank de plaots waor boe de Stadsprins oontvaange en verzörg woort. 3W heet de hejs opgepak en in samespraok met de Tempeleers is e monumint tot stand gekoume in de vörm vaan n broonze staar met dao-in de naom vaan Math van Lijf, de graffiaot en n aontal symbole die mèt de Vastelaovend te make höbbe. Dao-um-heen, wie confetti, zien de naome vaan alle Aajd-Stadsprinse in stein gebeiteld en is Mestreech ne Walk of Fame rieker. Oonder muzikaal begeleiing vaan t Garderizzjemint de Kachelpiepers trok op zoondag 18 november 2007 vaanoet de Bonbonnière ne cortège vaan Tempeleers en Aajd-Stadsprinse in vol ornaat en aander genudegde riechting Merret/Hónderstraot. Nao de gebrukelek touwspraoke door de Prizzedent-Tempeleer P. Reijnders, d n hier N. Eurlings vaan 3W en Ans Martens v. Lijf naomes de familie v. Lijf, waor t momint dao tot t monumint, n creatie vaan Josje Thissen, onthöld en beziechteg kós weure. Aonsletend waor in Mosae Gusto nog gelegenheid t glaas te lufte op dees gebäörtenis en woort mèt naome 3W door de veurzitter vaan de Aajd- Prinsesósjeteit, Nico I 1990, bedaank veur de sjieke realisatie vaan de Prinsegalerij. 9

10 Gulden Humor 2007 Veur t Vastelaovendssezoen mochte veer de organisatie vaan de oetreiking vaan de Orde vaan de Gulden Humor ter hand numme. Dees orde weurt jaorleks door t S.L.V. (= Samewèrkende Limburgse Vastelaovends- vereineginge) oetgereik aon iemes dee ziech bezunder verdeenstelek heet gemaak veur de bevordering vaan de levensblijheid, d n humor of de Vastelaovend en bekindheid geneet in gans Limburg. Op 21 december 2006 kaom de wèrkgróp veur d n ierste kier bijein um te bekieke wie v r die organisatie zouwe goon aonpakke. In de wetensjap tot alle Limburgse Vastelaovendsouge op us geriech waore, hadde veer us ten doel gestèld um d r e grandioos festijn vaan te make, gebruuk makend vaan de sjieke locaties die Mestreech te beje heet. De wèrkgróp lag ziech e strak vergadersjema op en kaom eder drei weke bijein um de stand vaan zakes door te numme, ideeje oet te wèrke, beslute te numme en take te verdeile oonder alle Tempeleers. Ein en aander rizzelteerde in n drejbook boe-in vaan minuut tot minuut t daagen aovendprogram woort vasgelag. t S.L.V.-bestuur, euverdonderd door de minutieus en conscientieus meneer vaan aonpak vaan dees organisatie waor t direk ins met eus veurdrach um Maria v.d. Hoeven es laureaat veur 2007 te huldege. Tijdens de veurjaorsvergadering vaan de S.L.V. woort de veurdrach door de bij de S.L.V. aongeslote vereineginge unaniem overgenome. Zaoterdag 24 november 2007 Tösse en oor voont de leste briefing plaots met t S.L.V.-bestuur en stoont ederein op sjerp. Roond 12 oor woorte de ierste gaste door t Presidium vaan de Tempeleers en t S.L.V.-bestuur welkom geheite op de 1ste locatie vaan deen daag, de Bonbonnière. De laureaat, Maria v.d. Hoeven, woort in ne sjieken old-timer veurgerije en kraog n bekans keuninkleke oontvangs compleet mèt blomme. Euze Prizzedent begeleidde Maria oonder applaus vaan de aonwezege gaste nao häör iere-plaots in de Redótzaol vaan de Bonbonnière. Oonder t genot vaan koffie mèt vlaoj waor gelegeheid um te luustere nao e woord vaan welkom door de Prizzedent-Tempeleer, Peter Reijnders en de veurzitter vaan de S.L.V., d n hier Hugo Stappers. Nao n aontal hoeshajdeleke mètdeilinge nudegde euze Sirremoniemeister Jan Janssen ederein oet um nao boete te goon um dao getuige te zien vaan de 10

11 Gulden Humor 2007 inspectie vaan de Kachelpiepers door de laureaat. Aonsletend góng t gans gezèlsjap oonder muzikaal begeleiing vaan de Kachelpiepers op weeg nao t Stadhoes oppe Merret boe euze Besjermhier Gerd Leers in z n functie vaan börgemeister de laureaat en alle aander gaste stoont op te wachte veur n officieel oontvangs door t College vaan B&W. Nao e woord vaan welkom door de börgemeister, n reactie dao-op door de veurzitter vaan de S.L.V. en e woord vaan daank door de Prizzedent-Tempeleer, waor t tied veur n dröpke en t teikene vaan t gastebook vaan de gemeinte. t Waor n zier geanimeerde bijeinkoms boe veur ederein volop gelegeheid waor um de Vastelaovendskontakte weer aon te hole en/of oet te breie. Oonder de klaanke vaan t nui Vastelaovendsleedsje Dao kump Maria gespäöld op de kerreljong vaan t Stadhoes door Stadsbeiaardeer Frank Steijns, woort op weeg gegaange nao de derde locatie vaan d n daag, n roondvaart op de Maos mèt ein vaan de beut vaan de Fa. Stiphout. Tijdens de roondvaart woort aon t gans gezèlsjap ne maoltied geserveerd. Tege oor stoont aon d n aonlègksteiger de Famfaar St. Joezep klaor um alle gaste nao de Vriethof te begeleie boe in d n Theater e spetterend aovendprogram roontelum e protocolair gedeilte waor veurzeen. D n Theater leep zoe good es gans vol mèt femilie en vrun vaan de laureaat, 11

12 Gulden Humor 2007 vertegewoordegers vaan alle bij de S.L.V. aongeslote vereineginge, S.M.V.-aofgevaardegde en aander belangstèllende die aon t begin vaan t programma getracteerd woorte op n fantastisch, door Peter Schrijen verzörg, diaklaankbeeld met beelde oet de plaotse vaan alle bij S.L.V. aongeslote vereineginge. Euze Sirremoniemeister kondegde achtereinvolgens Hugo Stappers aon dee es veurzitter vaan S.L.V. e woord vaan welkom tot ederein oetspraok, gevolg door n optrejje vaan de Pottemennekes. Veur de sirremonie-protocolair woorte, neve de laureaat, nog op de bühne oetgenudeg de Goevernäör Leon Frissen, t S.L.V.-bestuur, t Presidium vaan de Tempeleers en de Gulden Humordragers. Nao t oetspreke vaan de laudatio door Hugo Stappers en n felicitatie door de Goevernäör, voont de daadwerkeleke opnaome vaan de laureaat plaots in de Orde vaan de Gulden Humor met de oetreiking vaan de narrenkap en de bijbehurende plaquèt. Traditiegetrouw volgde e paar strofe vaan t Limburgs volksleed en e woord vaan daank vaan de laureaat, Maria v.d. Hoeven, veur de ier die häör ten deil gevalle waor. In t twiede, get löchteger deil, vaan t aovendprogramma Troje vervolgens op Beppie Kraft, de parodist Dirk Vooren, de Kaafsäck en de Kirchröädsjer Meëdsjes. Zoe tege oor waor t tied veur t informeel samezien en kós me, oonder t genot vaan n hepke en n drenkske genete vaan de meziek vaan t Mestreechs Vastelaovendsorkès oonderwijl tot de keersveerse Gulden Humordraagster de felicitaties vaan n ederein in oontvangs naom. Mèt e kontent geveul kinne de Tempeleers en de organisatiekemissie trökkieke op ne prima verloupe Gulden Humordaag. 12

13 Oetrope Stadsprins zoondag 6 jannewarie 2008 t Waor neet te geluive, meh t is wel woer!!! Op dizze zoondag 6 jannewarie 2008 woort al de nuie prins vaan Groet Mestreech oetgerope. De zon stoond hoeg aon de hiemel, t waor sjoen weer en eder jaor obbenuits de vraog Wee zal t zien?. Thema vaan t oetrope dit jaor waor De Pottemennekes. n Hommaasj aon de nudege lui die jaore laank hèl gewerk höbbe op de Sphinx. Dit groet febrik verdwijnt noe oet t straotbeeld vaan Mestreech. De Groeten Oonbekinde woort es Meister vaan de Sphinx in ne boonte stoet vaan Mestreechse Vastelaovendsvereiniginge, meziekkorpse, zate hermeniekes en aander verkleiders vaan de Spoorweeglaon nao de Merret gebrach. De lui stoonte rije dik langs de kant en op de Merret waor gei pläötske mie vrij. Veurtot t evels zoewied waor, woort iers aofsjeid genome vaan Prins Roland I en zien Prinses Josien. Nog eine kier kloonk zie liefleed Reube, friet en beer euver de Merret en toen waor t momint dao boe ederein veur gekoume waor. Oonder n hèls kebaal, geproduceerd door de nudege muzikante, woort de Groeten Oonbekinde verlos vaan zien vermomming. En dao stoont heer daan: Prins Richard I. In t dageleks leve steit de nuien Hoeglöstegheid ingesjreve bij de Börgeleke Stand es Richard Jongen. Same met zien vrouw Miranda en de kinder Fieke en Lieve, woent heer aon de Cortenstraot 9 in Mestreech. Nao de installatie op de Merret, volgde ne korten toer door de binnestad op weeg nao de Festi-Village boe aonsletend alle bij de SMV aongeslote Vaste laovendsvereiniginge hun opwachting make en n ierste kinnesmaking plaotsvindt mèt t volk vaan Mestreech. 13

14 Oetrope Stadsprins Richard I Aceronegocianticus Linguïsticus Vinophilicus Erfprins vaan de Lure tot Slevrouweplein Graof vaan de Boschpoortse pingeleers en hun naozaote Groet-Iezervreter vaan de Aankerkade Lienhier vaan de Hierlekheid Rothem Emeritus Flitskepraol vaan de Garde Grinnadeers mèt kolbak Iere-conservator vaan de gouwe kouts Zeutwater-Admiraol vaan Treech en alle watergengers Geheim Kamerhier vaan alle kousebendsjes vaan de Folies Bergères Honorair wienkletskesveger vaan Le Coq d Or Drappo-kommandant vaan alle Zate Hermeniekes Protecteur vaan de Mestreechter Vastelaovend Drappo-kommandant vaan alle Zate Hermeniekes Protecteur vaan de Mestreechter Vastelaovend 14

15 De kemissie Binnegebäöre Al waor de Keersemes nog pas aofgeloupe en zaog me de keersattribute nog euveral, de kemissie Binnegebäöre góng mèt väöl enthousiasme häör georganiseerde eveneminte oetveure. t Aofgeloupe sezoen zien de versjèllende eveneminte vaan de kemissie Binnegebäore good geslaag. Veur alle eveneminte waor n groete belangstèlling. Vastelaovend leef, dat waor te zien. Mèt daank veur de geweldege steun die dees kemissie heet gehad vaan häör börgermètwèrkers.want zoonder hun hölp geit t ech neet. Daorum waore zie oetgenudeg um nen aovend nao Kaffee De Zeuten Inval te koume um hun te fêtere. De extra zitting waor in t bezunder veur al eus Börgermètwèrkers es appreciatie veur hunnen inzat veur de Mestreechter vastelaovend. De kemissie Binnegebäöre besteit oet n aontal versjèllende subkemissies. Hun bevindinge vaan t good verloupe sezoen koume noe aon uuch veurbij. De Kinderkemissie mèt hun kinderaktiviteite. De kinderkemissie vaan de Tempeleers verzörg al jaore e vijftal activiteite. Dees activiteite numme ouch n belangrieke plaots in in t Vastelaovendsgebäöre. t Gezègkde Wee de jäög heet, heet de touwkoms is ouch vaan touwpassing op de väöl initiatieve die de kinderkemissie oonder leiing vaan Guy Bannier eder jaor weer mèt väöl enthousiasme organiseert. De kinderkemissie besteit oet 14 Börgermètwèrkers, ne gróp vrijwèllegers die zier actief zien um alle activiteite good te laote verloupe. De Jäögrevue Lekker Joonk op 13 jannewarie. Dit jaor hadde veer deveur gekoze um kinder in de leeftied vaan 4 tot 16 jaor te laote optrejje. Ze mochte live zinge, nen dans doen, n sketch, meziek make, es t mer te make had mèt de vastelaovend en carnavalistisch waor. Daoneve had de wèrkgróp de besjikking gekrege euver e prachtig decor. De titel Lekker Joonk waor zier touwpasselek. Kinder zien toch miestal e lekker joonk. Este hun zuus optrejje zeet me al snel: Dat is e lekker joonk. Dees Jäögrevue waor georganiseerd in de Festi-Village en is e groet succes gewore. Op de bühne zaot de jäögvereiniging De Sjraveleirkes es gas en zie kraoge n heuse V.I.P-behandeling. D r waore 18 optrejjes. Zoe n 100 kinder prizzenteerde ziech mèt e leedsje, denske, meziek of n act. Dat gebäörde allein, es duo of es gròp, en zelfs 2 sjaole lete hun talente zien en hure. Mestreech bars vaan t talent. Zoe n revue is n sjoen gelegeheid um al die talente ne kans te geve. Versjèllende kinderartieskes mochte ouch op aander eveneminte vaan de Tempeleers hun talente laote zien. 15

16 De kemissie Binnegebäöre De revue woort geprizzenteerd door Ursula Garnier en Patrick vaan de Weijer. Es roejen draod kaom ouch dit jaor t revue-leedsje, gesjreve door Ursula, geregeld aon bod. Dit leedsje sloog geweldeg aon en woort geregeld door de ganse zaol flink mètgezoonge en veural mètgedans. Veer wèlle zinge, danse en goon feeste! Mèt alle kinder vaan Mestreech. Want t is weer bijnao vastelaovend, Dus haw mer vas daan goon v r al op weeg. t Waor n gezèllege drökde in de zaol. Väöl awwers mèt hun kinder zörgde veur nen heerleke vastelaovends-sfeer. Opening Kinderknutselwedstrijd op 19 jannewarie. De Kinderkemissie heet ziech de lèste jaore aofgevraog of de naom vaan de expositie Kinderteikenwedstrijd nog wel good waor. De prachtige kunswerke liekende miejer op knutsel-creaties vaan hoeg orde. Daorum is dit jaor de naom veranderd in Kinderknutselwedstrijd. t Sezoen waor veur de deilnummende sjaole en peuterzaole erg kort. Toch waore d r 15 deilnummende sjaole en peuterspeulzaole. ne Chapeau aon de lierkrachte en leidsters en awwers um same mèt de kinder dees kunstwerke te verzörge. En ze hadde geweldeg hun bès gedoon. De hal weurt zoe eder jaor umgetouverd tot e zier löstig en carnavalesk gebäöre, boe zoewel de lui in t hospitaol es de väöl bezeukers mèt groet plezeer nao kieke. Op zaoterdag 19 jannewarie waor Prins Richard I in t azm present veur de offesjeel opening en um de sjoen educatief prijze, besjikbaar gestèld door väöl sponsore, oet te reike. De opening woort ouch dit jaor weer opgeluusterd door hermenie Oet de Kuns, die al jaore mètdoen aon dizze middag. Kinderartieskes oet de Jäögrevue troje op um zoe de opening miejer cachèt te geve en dat sloog aon. Bij de opening waors t gezèllig drök. De Kinderkemissie blijf zoe wijer goon en blijf dit in t azm organisere. Umtot t bekind is tot dees expositie vräög brink aon väöl zoewel kraanke es gezon lui in t azm. 16

17 De kemissie Binnegebäöre t Groet Kinderfies op 27 jannewarie. D n opzat vaan dit fies blijf e succes. Ouch dit jaor waor t weer gezèlleg drök in de Festi-Village. Kinder ammezeerde ziech in de grimeerhook, in de knutselhook, bij t button-apperaat, bij t versere vaan ne lekkere cake, bij t tuike trèkke, nöttige vaan alderlei lekker tractaties. Ze kóste n denske doen, nao acrobate kieke, nao hermenie Blamaasj luustere, meh veural sjoen verkleid ziech laote zien, danse, hosse en springe. Daoneve waore versjèllende optrejjes vaan kinder oet de Jäögrevue en vroge spontaon kinder of ze ouch mochte optrejje en nog wel live. Ouch toen woort weer dudelek tot Mestreech väöl kinder-talente heet. Zienen Hoegen Hoeglöstegheid kaom oeteraard ouch op bezeuk en góng gans op in de groete massa kinder. De hiere Tempeleers höbbe dee zoondag e record aontal knuipkes kinne oetdeile aon al die kinder, get wat eder jaor zier weurt geapprecieerd. Sjaole bezeuk op 31 jannewarie. Op donderdag veur carnaval geit Zienen Hoegen Hoeglöstegheid mèt n dèllegatie Tempeleers versjèllende sjaole bezeuke. Miestal zien dit sjaole die mètgedoon höbbe aon de kinderknutselwedstrijd. Sjaole die veur d n ierste kier mètdoen aon dizze wedstrijd kriege zeker e bezeuk. De winners vaan de kinderknutselwedstrijd kriege daan hunnen hoofpries oetgereik. t Vèlt eder jaor op wat veur meujte de sjaole numme um de Prins en zien Tempeleers te oontvaange. Sjaole prizzentere ziech daan mèt e klein optrejje, beje de Prins get aon en aon d n innerleke mins weurt good gedach. D n daag begint volges traditie bij Maison Louis oet appreciatie veur hunnen inzat en betrokkeheid bij de Mestreechter vastelaovend. Dao-opvolgend zien d r 5 sjaole bezeuk. 17

18 De kemissie Binnegebäöre Femilie-optoch 4 fibberwarie. De kinderkemissie verzörg de zjurering vaan de gróppe bij de femilieoptoch. t Is neet gemekelek veur de jury um oet al die sjoen gróppe winners oet te keze. Ze verdene eigelek allemaol ne pries. Op zaoterdag nao de carnaval kriege de winners hun prijze oetgereik in t lokaal vaan de Stadssjötterij. Door t minder weer waore d r dit jaor väöl minder gróppe. Meh eine gróp staok mèt kop en sjouwers debovenoet, de gróp Tuike Höbbe. Zie woorte de winner vaan de wisselpries t Kluiverke. Kinderkestuumwedstrijd op 5 fibberwarie. t Waor dit jaor weer ne bezunder gezèllege middeg. Door t minder weer waor t zier drök in de Festi-Village. De kinder mochte ziech zjus wie bij n echte modeshow laote zien door te loupe op ne catwalk mèt de volle sjienwerpers op hun geriech. En wat waore ze weer sjoen: pekskes gemaak door de awwers, ama s, tantes of zelf inein gefisternöld. Kinder dörfde ziech te laote zien aon de jury en aon de lui in de zaol en zellevers aon de lui vaan TV Mestreech die dao waore. Ze hadde d r väöl plezeer in en de winners kraoge op zaoterdag nao carnaval hunne pries in t lokaal vaan de Stadssjötterij. De kinderkestuumwedstrijd waors ouch dit jaor weer e groet succes. LSO konzèr. t LSO verzörgde veur de 55e kier t vastelaovends konzèr. 55 jaor geleie is dit initiatief in Mestreech oontstande en is d r n samenwèrking tösse LSO en Tempeleers. Daorum hadde op eus initiatief alle vastelaovendsvereiniginge in Limburg boe t LSO kump, ne felicitatie-wins gesjreve in t programmabeukske. Ouch dit jaor gaof t LSO twie vastelaovendskonzèrs in Mestreech. Dit jaor mèt dirizjent Jean-Pierre Cnoops en prizzentator Huub Claessens, dee zoewel musicerend es zingend zien groete talente leet zien en hure. Jean-Pierre Cnoops dörfde t aon um mèt t LSO e gevarieerd program te bringe boebij geregeld carnavaleske intermezzo s aon bod koume. e Klassiek orkes wat versjèllende meziekstijle ten gehure brach op n zier knappe meneer en ouch t canavaleske in häör program prizzenteerde 18

19 De kemissie Binnegebäöre Beppie Kraft zóng mèt t LSO häör sjoen leedsjes en de zaol doog good mèt. De pa vaan d n dirizjent Pierre Cnoops heelt n leuke buut riechting t zjubilerend orkes. Trombonis Jos Janssen (wat nen dikke mins, meh meziek make kint heer) brach geweldege meziek en leet t pebliek lache mèt zien grolle. Nog get muzikante lete ouch hun talente zien en brachte n leuke muzikaal act. t Pebliek heet genote vaan dit zjubilei-vastelaovendskonzèr vaan t LSO die zoe n traditie in iere hawwe. Kaffee de Zeuten Inval, donderdag 10 en vriedag 11 jannewarie Dizze kaffee is gesitueerd in de sjoen locatie vaan de Festi-Village aon de Boschstraot in Mestreech. Dit jaor waor kaffee de Zeuten Inval drei kier ope. t Begós op donderdag 10 jannewarie mèt n zitting boe väöl börgermètwèrkers vaan De Tempeleers es gas aonwezeg waore. Op dees meneer woorte zie in t zönneke gezat veur al t werk wat zie veur de Mestreechter Vastelaovend doen. Op vriedagmiddag waore de cliënte vaan Trajekt te gas in de kaffee en vriedagaovend mochte alle gelökkege, die n kaart hadde gekoch, ziech e pläötske in de kaffee zeuke. Aon t begin vaan de zitting bleek al gaw, tot de oetbaters vaan de kaffee, Truus en Mao Willems, op dat momint personeelsprobleme hadde. D n ober vaan de kaffee, Noël Jaegers, waor z n eige artiesteburo begonne, te vinde oonder www. noël.sterren.en-el. Wie heer daan ouch de kaffee binne kaom, begos heer dao reklaam veur te make. Daoneve had heer, es hölp veur in de kaffee, e sjoen vruike (gekleid wie ne bunny) mèt gebrach, zoetot zie Truus en Mao in de kaffee kós helpe. Mao zaog dat wel zitte, meh Truus gaaroet neet. Ze heet ziech ne aandere ober oet de zaol ingeheurd. En met t knijnske is t neet good aofgeloupe, dat kint geer uuch wel veurstèlle. Enfin, Truus en Mao hadde netuurlek n aontal artieste ingeheurd, meh Noël vaan wouw netuurlek z n eige artieste promote. Heer had Vader Abraham en z n smurfe, menier Verkade (dee vaan Toon Hermans), paoldanseres Marie-Ange, Imca Marina en Boney M(ao) mètgebrach. Dao kaome nog ns de artieste vaan Mao en Truus bij. Zij hadde Thei en Marij, Piet Knarren, Duo X-elle, t Volk vaan Mestreech, Ivo van der Bijl, de gróp vaan Patrick van de Weijer (danse met stare), Patrick en Beppie oetgenudeg. Geer kint uuch veurstelle, tot t weer ne zaolegen oonderein is gewore. n Manjefieke opmaot veur de koumende Vastelaovend. Daank aon t personeel vaan de Festi- Village, TLP productions en t orkes de Marco s. 19

20 De kemissie Binnegebäöre De kompenij vaan kaffee de Zeuten Inval wins uuch ne zaolege Vastelaovend! Louis van den Bongaert, Marion de Bont, Marjo Deckers, Adriënne Foppen, Jacky en Johnny Hendriks, Loes Hermanns, Noël Jaegers, Charles de Jong, Guido Janssen, Frits Jongen, Patrick Muytjens, Noëlle Rosier, Luc Schoonbrood, Frans Theunisz, de gróp vaan Patrick van de Weijer, Mao en Truus Willems en Henk de Jong Groet Gala Prinsebal aon de Maos. Mèt deze nuie naom wordt op 19 jannewarie nen aandere weeg ingeslaage mèt t Prinsebal. Doortot t Mecc neet besjikbaar waors veur dit geweldeg evenemint, had de Balkemissie de zwoer meh ouch oetdagende taak n nui lokatie te zeuke veur t bal der balle vaan euzen Hoege Hoegelöstegheid. In Hotel Crowne Plaza voonte veer n partner dee mètdach en mèt wouw helpe um dit fies op n grandioos meneer in de binnestad neer te zètte. En dao zien v r dachte veer good in geslaag. Tuurlek waore d r get aonloup-probleemkes zoe nen ierste kier, get werrem, get drök en aanders es aanders es tot veer in t Mecc geweend waore. De verseerkemissie stoont ouch veur n groete oetdaging wie maakste vaan n hotèl n toplokatie veur t Prinsebal? Neet eine groete zaol, meh twie zaole, ouch nog eine oonder en eine bove, ne lobby, n bar e restaurant. E groet complemint geit daan ouch oet nao de kemissie KTB veur t sjiek werk en versering wat ze in hotel Crowne Plaza höbbe neergezat. Chapeau! Alle gaste waore sjiek op tied en benuid nao de nuien opzat. Bij binnekoms kóste al neet um de levensgroete foto vaan euzen Hoege Hoeglöstegheid Richard heen. Naotot de aajd-prinse ziech ne weeg gebaond hadde door t volk vaan Mestreech, opende t prinselek paar traditioneel t bal op de Tempeleerwals gespäöld door de Peter van Kempen band. Deze band waors de groete animator en stimulator boedoor de dansvloer tot deep in de nach 20

21 De kemissie Binnegebäöre volstoont. Oonder späölde Vive-le-vink of hun leve devaan hóng, lekker swinge en danse. Dit aofgewisseld mèt DJ s. De bar en lobby woorte good gebruuk um eve röstig bij te praote, um denao weer heerlek de vloer op te goon. t Hotèl waors veur eine aovend gans vaan us, vaan t vastelaovendvierend volk vaan Mestreech! Ouch koumend jaor krijg t Prinsebal e vervolg in t Hotèl Crowne Plaza, boebij rekening gehawwe weurt mèt de lèsse vaan aofgeloupe jaor, dus minder lui en miejer ruimte. Zoonder einigen angs dörve veer de veurspelling aon tot t koumend Bal dat vaan veureg jaor geit euvertreffe, en tot t e Prinsebal weurt boe lang euver naogesproke zal weure. Meh dink draon: vol = vol. Gere tot 7 fibberwarie 2009! Nostallegasie: 26 jannewarie 2008 Veur de 16-de kier woort dit jaor t Oerfies vaan de Vastelaovend, de Nostallegasie, gehawwe.zoe wie al jaore in de sjiek verseerde Festi-Village leet t volk vaan Mestreech ziech weer vaan ziene bèste kant zien. t Naaks Geval had ziech aofgeloupe jaor neet verveeld en had n aontal dames in blij verwachting gemaak, zoe wie op de echo-foto s waor te zien. Wijer waore dao oonder aandere Rasmussen, de fietsrenner mèt ziene ploog, n heuse casino-taofel boe veur groof geld woort gekaart. Netuurlek waor de blijen aonhenger vaan Maxima ouch weer dao en zelfs de Oma vaan Paris Hilton had ziech de meujte genoome um langs te koume. Gas-optrejjes waore d r vaan Ziesjoem! en euzen eige Patrick Muytjens. t Mestreechs Vastelaovends Orkes had e groet zjubilei, veur de 11e (!) kier waore zie present um e fantastisch stökske meziek te make. Es daank kriege ze allemaol nen ingelieste foto vaan hun eige sjiek orkes. Veer hope nog jaore vaan hun te mage genete op de Nostallegasie! Zienen Hoegen Hoeglöstegheid heet dit jaor t Naaks Geval (de pries veur orzjineelste, sjiekste of apaartste creatie) touwgekind aon de hel straotewèrkers die in de pöt zaote (de sjietekojlevegers). Zie maage t Naaks Geval e jaor hawwe en aontóddele veur Leef volk vaan Mestreech, bedaank veur nen sjieken aovend en v r zien benuid wat veur creaties geer in 2009 veur us in petto höb. 21

22 De kemissie Binnegebäöre Klevarie: 31 jannewarie 2008 De Klevariezitting is en blijf ein vaan de sjoenste hoegtepunte vaan us vastelaovendstradities boe ederein mèt väöl plezeer aon mètdeit. Dees reis veur d n ierste kier mèt ouch patiënte vaan azm Herstelzorg. Hermenie Oet de kuns wermde de zaol weer good op zoetot Duo X-Elle kós beginne mèt hun èn Ziene Hoeglöstigheids leedsje Dao kump Maria. Op de foto zeet geer Oet de Kuns in aktie. Veer hadde nog get good te make zoe wie ze us sjreve in oonderstaond gediech: E klein deil vaan t Volk vaan Mestreech, dat liet eve wete Tot de Tempeleers in t veureg jaorverslaag get höbbe vergete Iemes dee altied optrejt veur kinder, awwere en kraanke Die zien zoe mer door uuch vergete um te bedaanke De gróp trejt op in t azm en op Klevarie Zoonder fraanjele en zoonder bombarie t waor ouch nog in t zjubilei vaan 33 jaor Wèt geer al wee, of is eure kop n zeibaor Hiere, Hiere wat e gekluns t is Hermenieke Oet de Kuns. Wijer waore d r sjieke optrejjes vaan Ziesjoem!, Jef Verheijde, Frans Theunisz. Zoe wie eder jaor waors de weergaloze finale weggelag veur eus eige Garderizzjemint De Kachelpiepers, die oonder leiing vaan de nuien dirizjent geweldeg opbleuje. Wat veer noets mage vergete en boe veer daankbaar veur mote blieve is tot de bewoeners dao us t vastelaovend viere höbbe gelierd! nen Hiele, hiele groete merci daoveur!!! E woord vaan daank aon de directie en mètwèrrekers vaan Klevarie/Vivre is ouch zier zeker op zien plaots. Hiel gere tot volgend jaor! 22

23 De kemissie Financies Algemein: Veer vertèlle uuch netuurlek niks nuits es veer mote zègke tot t eder jaor obbenuits n enorm opgaof is um de finansjeel tuikes aonein te knuipe. Mèr daankzij d n oonvolpreze inzat vaan eus börgermètwèrkers, die same mèt us de acties vaan de finansjeel kemissie op touw zètte, lökde t us ouch dit jaor weer um e sjiek Vastelaovendsfies veur t gans Vollek vaan Mestreech te organisere. Dit, en zeker neet in de lèste plaots, door de finansjele steun vaan datzelfde Vollek en vaan t bedriefsleve. Hei-oonder volg n korte opsomming vaan de diverse acties die de finansjeel kemissie organiseert, boebij zeker neet de inspanninge vaan Trudy Bosch, Lizette Stallinga en Emile Meuwissen m.b.t. de advertenties vaan D n Tempeleer (loer oonder P.R.-kemissie) oonvermeld mage blieve. Ouch d n inbring vaan Katja Rodts, sikkertaresse,vaan de finansjeel kemissie, is vaan groete weerde. Bedaank heiveur. De Gala Sponsoraovend Neercanne, wat mage veer hei-euver sjrieve. E fies dat z ne gelieke neet kint. Eder jaor weer wèt de kemissie us te verrasse mèt nui eleminte op dizze sjieke, zoe belangrieke Mestreechter sponsoraovend. De geweldege gewelfde umgeving, de kwalitatief hoegstaonde gastronomie, de perfecte muzikaal umliesting en, neet in de lèste plaots de aonwezegheid vaan eus zier gewaardeerde gaste, stoonte garant veur t welslage vaan dit zoe oetzunderlek fies. t Gasoptrejje vaan de Jackson 5 waor ein vaan de hoegtepunte. Es bliek vaan waardering oontvinge de dames dit jaor neet de Tempeleers- Groetofficeersorde, meh woorte zie verras mèt e sjoen, speciaol veur dees gelegeheid oontworpe, brösjke. De aonwezege hiere kraoge e sjiek duuske mèt mansjètteknuip. Op de Gala Sponsoraovend kint, in t manjefiek aongekleid Château Neercanne, oondernummend Mestreech c.s. op n sjieke en informeel wijze hun kontakte lègke c.q. aonhole en versterke. Praote, consumere, danse, t kin dao allemaol in ne geweldegen ambiance. Ouch hei netuurlek ne groete merci veur de kemissie en häör börgermètwèrkers. Veer verheuge us alweer op koumend jaor! D n Trósjer Oongeluifelek, wie deit heer dat toch? Mie es groeten daank is ouch dit jaor weer op zien plaots veur euzen trósjer Ton Dello. Eder jaor weer opnui löp heer daag in daag oet langs de Mestreechter Middenstandszake um geld op te hoole veur de Mestreechter Vastelaovend. Soms 2, 3 kier trök nao dezelfde zaak umtot de baas neet dao waor, t deit Ton allemaol niks. Ongeluifelek wat heer allein paraat bringk. Eeder jaor dinke veer weer tot Ton zie maximum bereik heet, meh nein huur, heer én de Mestreechter Middenstand verrasse us gelökkig ederskier weer! Um dee kruusweeg veur häöm get dragelijker te make 23

24 De kemissie Financies goon de lèste jaore gelökkig ouch aajd-stadsprinse en Tempeleers wel ins mèt Ton mèt. Netuurlek is ouch dit jaor weer La Folie, t broonze beeldsje, gemaak door Henriëtte Schrover, oetgereik aon nen deilnummer vaan de Trósjer-actie, te weite: d n hospes vaan t Pothuiske. De Particuleer Actie Dees, in 1984 in t leve gerope, particuleer actie heet ouch noe weer zie vervolg gekrege. n Sjoen actie, boevaan de regie in han is vaan Tempeleer Boy Olivers, die ziech riech op die (particuleer) Mestreechtenere, die de Mestreechter Vastelaovend e werm hart touwdrage. Middels n sjoen vervierdigde kaart weurt me vruntelek verzeuk um n finansjeel bijdraog te doen aon de Mestreechter Vastelaovend. Tempeleer Bert Beenkens teikent eder jaor veur d n inspirenden teks op de kaart. Dit jaor heet de gelökkig weer bijgevoogde acceptgirokaart gunsteg rizzeltaot gehad en t veur de donateurs weer gemekeleker gemaak hun bijdraog euver te make; boeveur oeteraard euze groetem daank! Veer hope ouch koumend jaor weer op t Volk vaan Mestreech te mage rekene. De Steunpilere Um eus steunpilere te bedaanke veur hunnen oonmisbare finansjele steun, waore veer dit jaor te gas in Mosae 100% Gusto. Nao La Bonbonnière en de Momus is de kemissie ne nuie weeg ingeslage en heet ne sjieke brunch en sfeervolle middag georganiseerd in Mosae Gusto. 24

25 De kemissie Financies Alle steunpileere ontvaange hei oet han vaan Zienen Hoeglöstegheid de unieke le plaquét. Daonao waor e gezèlleg samezien oonder t genot vaan n hepke, n drenkske en get muziek. Dit alles um de saamhurigheid te vergrute en de steun aon de Mestreechter Vastelaovend same te bespreke en te viere. De käös veur de Steunpileresponsoring besteit oet twie meugelijkhede t.w.: de plaquèt mèt brunch, of later in de middag (aonsletend aon brunch) allein de plaquèt. Dit alles dit jaor in de unieke locatie Mosae 100% Gusto. Veur koumend jaor zal weer bekeke weure wie d r wijer invölling en perfectie gegeve kint weure aon d n daankmiddag veur eus oonmisbaar steunpilere. Zjus wie eder jaor woort de Federatie Oondernummers Vereineging Mestreech gruuts door de Tempeleers ontvaange um Prins Richard I te felicitere. Dit geit traditioneel gepeerd mèt t opspaange vaan t Gouwe Narrekepke. E sjiek en emotioneel momint veur Zienen Hoeglöstegheid. t Manjefiek narrekepke weurt al sinds jaor en daag mèt de hand gemaak door Servé Monfrance. E woord vaan daank aon Ton Schoenmaeckers, Jo Bosch en Henri Borgignons veur hunne jaorelange en trouwen inzat vaan is hei zeker op zien plaots. 25

26 De P.R. kemissie Zjus wie eder aander kemissie n aontal take heet um oet te veure, zoe heet de P.R.-kemissie die ouch. Dees kemissie is o.a. responsabel veur t oetbringe vaan de Info-gezèt. In n aontal pagina s in Maospos, de Ster en t Zoondagsnuits weure de lezers op de huugde gehawwe vaan eus Vastelaovendsaktiviteite. Zoe weurt informatie verstrek euver boe, wienie wat te doen is en boe (veur zoewied es tot dat nudeg is) kaarte te koup zien veur de aktiviteite. Dees pagina s weure ouch gebruuk um de lui nen indrök te geve wat allemaol veuraof geit aon beveurbeeld t Oetrope, t ineinzètte vaan nen Optoch enz. Es binne eus organisatie gesproke weurt euver d n Tempeleer daan bedoele veer neet specifiek eine vaan de hiere Tempeleers, meh höbbe v r t euver de Vastelaovendsgezèt die weurt oetgebrach um de lui te ammezere en hei en dao nen toek oet te deile. Aon de basis vaan d n Tempeler steit e geheim sjrijverscollectief aongevöld met fotografe en teikeneers. Eder jaor opnui weurt halsreikend oetgeloerd nao de prizzentatie vaan die gezèt boebij veur väöl lui ein vraog belangriek is: Staon iech drin en wat weurt euver miech gesjreve?. Dit kier waor gekoze veur Café Brittanique aon de Vriethof es locatie um d n Tempeleer ten duip te hawwe. De opkoms waor, wie verwach, weer groet. n Oonderdeil vaan de prizzentatie vaan de Gezèt is t oetreike vaan de Noskaar veur de sjoenste, ludiekste Vastelaovendsadvertentie in d n Tempeleer. Veur de gezèt vaan 2008 veel die ier te beurt aon de Platielstraot-oondernummers. Ouch oonderdeil op deen aovend is t oetreike vaan t Tempeleersvläöjke aon iemes dee ziech op n bezunder meneer verdeenstelek had gemaak veur de Mestreechter Vastelaovend. Mèt ingaank vaan 2008 woort in die traditie n wijzeging aongebrach. Es n hommaaasj aon Tempeleer Frans Thewissen z.g. dee gekind waor oonder d n Tempeleersnaom de Peersplaank, woort dit jaor veur d n ierste kier e broonze beeldsje vaan de Peersplaank oetgereik aon Fons en Saskia v.d. Poel veur t door hun gemaakde program Het gevoel van. boe-in naogenóg alle facètte vaan de Mestreechter Vastelaovend in 4 deile op de Nederlandsen TV geprizzenteerd woorte. 26

27 De P.R. kemissie En toen waor t momint dao tot d n Tempeleer 2008 ten duip gehawwe kós weurde. t Ierste exemplaar waor veur d n Hoeglöstigheid Prins Richard I, gevolg door n twiede exemplaar veur de Prizzedent-Tempeleer Peter Reijnders. Nao e woord vaan daank en t oetdeile vaan n aontal medaaljes kraoge alle bezeukers vaan d n aovend n exemplaar aongereik. Aon t gegniffel en gelach te zien en hure waor de redactie weer drin geslaag um n aordege gezèt same te stèlle. Ouch oonderdeil vaan de P.R.-kemissie is t oonderhawwe vaan de kontakte mèt de studentevereineginge. n Centraal rol daobij vervölt sins 1990 Vrow Wielemösj. Op toerbeurt weurt Vrow Wielemösj aon ein vaan de studentevereiniginge besjikbaar gestèld oonder de veurwaarde häör good te behere en bewake en in de Groeten Optoch mèt te numme. t Is inmiddels traditie tot de aander studentevereiniginge d r alles aon doen um Vrow Wielemösj te sjake en losgeld te vraoge. Op donderdagaovend 17 jannewarie 2008 gaof Tempeleer Wim Fischer ne work-shop Vastelaovendsviere aon n aontal boetelandse studente bij Kumulus-Wes aon de Herbenusstraot. Tijdens die bijeinkoms woort Vrow Wielemösj door d n Hoeglöstigheid euverhandeg aon studentevereineging Saurus. Mèt de zaoleverseer- en kiekoetewedstrijd probeert de P.R.-kemissie zoeväöl meugelek zakelui te bewege hunne zaol en/of kiekoet in t 5de sezoen n sjieke Vastelaovendsoetstraoling te geve. Op maondag 28 jannewarie 2008 maakde Prins Richard I en n aontal Tempeleers e rundsje door de binnestad vaan Mestreech en Wiek. Op e veertal plaotse (Sissy-Boy Homeland; Knijff; slachterij Schürmann en Vroom & Dreesmann) woort n oorkonde en n does boules de berlins oetgereik es daank veur de sjiek verseerde kiekoet. Es lèste meh zeker zoe belangriek in d n huidege tied zien de kontake met de peers. Daoveur höbbe v r sinds n aontal jaore nen eige peersveurliechter dee deveur zörg tot alle wetenswierdeghede op n ordenteleke meneer veur publicatie bij de peers terech koume. Daoneve is t eigelek oondinkbaar tot v r neet zouwe besjikke euver ne website. Via kint n eder ziech op de huugde hawwe vaan al eus aktiviteite. t Deit däög tot väöl Mestreechtenere in den vreemde gebruuk make vaan die meugelekheid en zoe toch bij blieve vaan wat ziech in t 5de sezoen in hun moojerstad aofspäölt. 27

28 De kemissie Kanselarijraod Medaaljes 2008 Tege d n tied tot ederein ze Vastelaovendspekske weer zuver in de kas c.q. Vastelaovendskis heet opgeborge, beginne de lede vaan de Kanselerijraod alweer mèt de veurbereiinge vaan de volgende Vastelaovend. Zoe tege ind miert/begin aprèl weurt vaan gedachte gewisseld euver de naom en de vörm vaan de nui Vastelaovendsmedaaljes. Veur 2008 woort gekoze veur: t Speebekske es naom veur de Prinse-orde en t Pottemenneke es naom veur de Tempeleers-orde. De naom veur de Tempeleers-orde moot gezeen weure es n hommaasj aon al die mètwèrkers vaan de Sphinx die jaorelaank verantwoordelek waore veur de bedrijvegheid aon de Boschstraot en noe verhuis zien nao n hypermodern nui febrik in de Beatrixhaven. Naotot euvereinstumming is bereik euver de naome weurt kontak gezeuk mèt d n teikeneer Jos Krebbeks dee de gedachtes vaan de Kanselarijraod op pepier in n teikening oetwèrk. Vervolges weure de teikeninge mèt de producent vaan de medajele tot in t kleinste detaj doorgenome en weure proofmodelle geslage. V r leve daan inmiddels in augustus/september. Zoegaw de proofmodelle gans nao wins zien, weurt de opdrach verstrek um de medajele te make. Begin december krijg de Medaaljesjatbewaorder de ganse veurraod thoes aongereik en kint heer zwumme in de medaaljes. Lang kint heer dao evels neet vaan genete. In klein en groete poorsies weurde de medaaljes verdeild euver de versjèllende kemissies. Veur al de bezeuke die de Prins geit aoflègke weure emvelöpkes mèt medaaljes klaor gemaak en bij de Prinselek chauffeur in bewaoring gegeve. E groet aontal medaaljes weurt gerizzerveerd um oet te reike tijdens de groete Prinsereceptie op Vastelaovendszaoterdag nao de Machseuverdrach. Umtot t veur hiel väöl lui n groete ier is um oet han vaan de Stadsprins n sjieke medaalje te mage oontvaange, kint geer uuch veurstèlle wat n verantwoording de Medaaljesjatbewaorder op z n sjouwer heet röste um deveur te zörge tot bij eder aktiviteit de zjuste medaalje aon de zjuste persoen weurt oetgereik. De Medaaljesjatbewaorder is eder jaor blij es op t ind vaan de Vastelaovend alles weer good verloupe is en heer toch nog e paar medaaljes in z n sjatkis heet kinne euverhawwe. Neve de medaaljes zörg euze Sikkertaris-Ginneraol nog veur t Prinseknuipke, de Kindermedaalje en de Vastelaovendsspengskes. 28

29 De kemissie Kanselarijraod Um uuch n idee te geve wat in 2008 aon medaaljes is oetgegeve: 2744 Prinseknuipkes 244 Kindermedaaljes 1288 Prinse-orde t Speebekske 411 Tempeleersorde: Ridder in de Orde vaan t Pottemenneke 177 Offeceer in de Orde vaan t Pottemenneke 144 Kommandäör in de Orde vaan t Pottemenneke 399 Groet-offeceer in de Orde vaan t Pottemenneke 1800 Spengskes KACHELPIEPER ZIEN IS NEET GEMEKELIK Alles Achterein, Mars es dat kommando veur 't bufèt in de Sterzaol weurt gegeve is de rippetitie good aon de geng. De mansjappe mèt 't geweer weite daan percijs wie en wat ze mote oetvoere. Daan weurt 'n oor flink doorgewèrk op de klaanke vaan de famfaar wat aon d n andere kant vaan de sjuifpoorte in de zaol aon häör deil vaan de rippetitie is begós, same met d n drumband. Nui meziekstökker weure ingestudeerd en vaan 't aajd rippertwaar weurt de stöb aofgebloze en getrommeld. Dat geit mèt oonderbrekinge. Speule de blozers 'n valse noet wat nörges op sleit, of houwe de tamboers hun partij neet wie t z ch huurt, daan weurt obbenuits begós. Soms zien de geweerdregers vaan slaag aof umtot ze geine meziek mie hure of umtot 't ritme inins aanders is. En dat zjus op 't momint tot ze beginne aon de zgn. "Amerikaonse" geweerexercitie. Neet gemekelek. Oondertösse zit ein vaan eus merketensters ziech oet de naod te wèrke: klein ripperaties aon d'n eine of d'n aandere z nen uniform. De tamboers beginne daan lankzaam meuj te weure, want die zien al n oor 29

30 De kemissie Kanselarijraod ieder aon de rippetiesie begós veurtot de aander KP-ers ziech melle veur de wekelekse vereinigingsaovend. Gezoondheid same. Este daan nao verloup vaan tied huurs en zuus tot de club weer op nivo is gekoume, daan weurt 't stèllekes aon tied um te goon doen boeveurste Kachelpieper bis gewoorde: Zienen Hoegen Hoeglöstegheid te begeleie op z'n tochte door Groet-Mestreech. 'ne kachelpieper Momusaovend Sins n aontal jaore koume de hiere Tempeleers aon de veuraovend vaan t nui sezoen bijein in casino Slavante veur d n Hierenaovend in Momusstiel. Bij gelegenheid vaan de zesde Dies Natalis vaan de Slavanteacademie mós drs. Sjraar Cox, börgemeister vaan Sittard-Geleen-Born, ziech aon t antwoord wage wie Nar en Börgemeister ziech verdrage. Volgens de Raod vaan Kommissie waor häöm dat good gelök, gezeen t feit tot Sjraar met lof d n ierste Pegas kraog umgehaange. Machseuverdrach Stadhoes In d n tied tot d n Hoeglöstigheid vaan de Statie oonderweeg waor nao de Merret um dao de mach te goon euvernumme, woorte in t Stadhoes de gaste vaan t college oontvaange en nao hun plaotse begeleid. Bove op d n euverloup stoonte de lui die via de aofdeiling Kabinèt e keertsje hadde wete te bemachtige um live getuige te kinne zien vaan t spektakel tösse de börgemeister en de sirremoniemeister. Veur de lui die dat neet gelök waor, zörgde TV Mestreech veur n rechstreekse oetzending op TV. In aofwachting vaan de binnekoms vaan Prins en Tempeleers woorte de gaste in de stumming gebrach door t Duo X-Elle. Kort veur drei oor naome de Haagse gaste, de Gouverneur en André Rieu hun gerizzervererde plaots op de ierste rij in. Op de toene vaan t nui Vastelaovendsleedsje Dao kump Maria maakde Prins Richard I zienen entree in t Stadhoes. In zie welkomswoord naom de börgemeister metein de affair mèt Gerard van Rens en Jan Hoen op d n hak um aonsletend 30