SKRIFLESING: 2 Timoteus 3:1-9. TEKS: 2 Timoteus 3:1. Die Here gee lig op swaar tye. Psalm 98 : 2. Psalm 95 : 4, 6. Psalm 94 : 10.

Transcriptie

1 SKRIFLESING: 2 Timoteus 3:1-9 TEKS: 2 Timoteus 3:1 TEMA: INHOUD: Die Here gee lig op swaar tye. Swaar tye Psalm 98 : 2 Psalm 95 : 4, 6 Psalm 94 : 10 Psalm 98 : 3

2 2 As n mens sien dat n preek oor swaar tye gaan, verwag jy waarskynlik n preek wat na dinge soos siekte en dood en hartseer verwys en na mense wat deur finansiële ondergang of ongelukke of natuurrampe getref is. En tog is dit nie vanoggend die geval nie. Ons hoor in hierdie Skrifgedeelte van swaar tye wat mense sal belewe, maar om heeltemal ánder redes. Kom ons luister dan na wat die Here hier vir ons oor swaar tye sê, hoe Hy ons lig daarop gee. Ons gee aan die volgende aandag: 1. dat dit wat hier staan vir ons tyd geld; 2. waardeur hierdie swaar tye veroorsaak word; 3. wat hierdie lig vir ons beteken. 1. WAT HIER STAAN GELD VIR ONS TYD Die Heilige Gees laat die apostel Paulus vir Timoteus skryf dat daar in die laaste dae swaar tye gaan kom. Hierdie uitdrukking in die laaste dae verwys nie net na die kort tydjie direk voordat die Here Jesus weer kom en hierdie aardse bestaan soos ons dit nou ken, beëindig nie. Die laaste dae verwys na die hele tydperk tussen die Here Jesus se hemelvaart en Sy wederkoms. - Toe die Heilige Gees op daardie Pinksterdag 10 dae na Jesus se hemelvaart daar in Jerusalem uitgestort is, toe staan die apostel Petrus op en hy preek dat dit wat daar gebeur het, die vervulling is van iets wat die profeet Joël gesê het oor wat in die laaste dae gaan gebeur; m.a.w. die uitstorting van die Heilige Gees, byna 2000 jaar gelede al, het in die laaste dae gebeur! 1 - En as die apostel Paulus hier vir Timoteus skryf (skaars 30 jaar na Jesus se hemelvaart) oor hoe mense in die laaste dae gaan wees, dan sê hy vir hom: Bly weg van sulke mense af; 2 wat mos impliseer dat dit wat hy skryf in Timoteus se leeftyd al sal gebeur! 1 Hand 2: Tim 3:5; vgl ook Heb 1:2; Jak 5:3; 2 Pet 3:3; 1 Joh 2:18

3 3 Hierdie hele tydperk tussen die Here Jesus se hemelvaart en Sy wederkoms word die laaste dae genoem, omdat dit die laaste era van hierdie wêreld, soos ons hom ken, se geskiedenis is. Daar was (onthou u?) die paradys-era direk na die skepping, toe die era van die eerste mensdom tot by die sondvloed, toe die era van Israel as die Godsvolk, toe die kort maar intense era toe die Here Jesus hier op aarde was en toe die era waarin ons nou leef: die Nuwe Testamentiese era, die laaste era voor die einde van hierdie aarde. Die volgende era wat kom, is die era van die nuwe aarde vir God se kinders die bedeling van die ewige vreugde en heerlikheid en van die ewige straf natuurlik vir die mense wat hulle rug op God bly draai het. Ons leef in die laaste dae. Wat die apostel hier skryf, geld ook van óns tyd. 2. WAARDEUR SWAAR TYE VEROORSAAK WORD Swaar tye verwys na [vasgestelde] periodes in hierdie era waarin ons leef wat nie so lekker gaan wees nie; - mense gaan baie druk en spanning beleef; - dit gaan vir hulle moeilik wees om positief voort te gaan met hulle lewens; - moedeloosheid en depressie gaan wyd voorkom. Dit gaan swáár tye wees. Maar nou s die verrassende van hierdie verse dat dit wat hierdie tye swaar maak, nie in die eerste plek die dinge wat ons gewoonlik beproewings noem, gaan wees nie; dinge soos siekte of hartseer oor geliefdes se dood of finansiële teëspoed of natuurrampe of ander ongelukke wat mense kan tref. Wat die tye swaar maak (lees ons hier), is die manier waarop mense-in-die-algemeen in hierdie tye gaan optree.

4 4 Die lewe gaan moeilik wees as gevolg van die onbybelse, goddelose lewenspraktyk van mense. Dit is mos so dat daar waar mense die wil van die Here (Sy wette, opdragte, voorskrifte) nakom, daar kom mooi dinge mooi verhoudings, vrede tussen mense. Die koninkryk van God word in die Bybel met vreugde geassosieer; 3 - daar waar mense die hemelse Koning se wil doen, is daar vreugde; 4 - die ewige lewe van God se kinders daar in Sy volmaakte koninkryk gaan n lewe van vreugde wees. 5 Maar daar waar mense hulle nie aan die gebooie en opdragte van die Here steur nie, word die lewe sleg, kry mense swaar. Hoe lyk hierdie lewenstyl van mense wat die lewe swaar gaan maak? Die tyd laat ons nie toe om al 19 voorbeelde daarvan wat die apostel hier beskryf, afsonderlik te bespreek nie; maar so oorsigtelik kan n mens onder andere op die volgende wys: o Dat hier geskets word hoe mense op groot skaal selfgesentreerd en selfverheffend gaan wees (selfsugtig liefhebbers van hulleself, 6 grootpraterig, verwaand, hooghartig): - die lewe gaan vir hulle al hoe meer net om hulleself draai - en hulle gaan al hoe meer heeltemal te veel van hulleself begin dink n totaal oordrewe selfbeeld ontwikkel. o En hulle gaan nie net so op hulleself fokus dat hulle ander mense nie meer raaksien nie, hulle gaan ander mense doelbewus afkraak en kwaad aandoen (beledigend, kwaadpraters, verraaiers, wreed). o En jy gaan dit wat mooi en goed is, by hulle mis: - jy gaan by kinders gehoorsaamheid aan hulle ouers mis; - jy gaan dankbaarheid by mense mis; - jy gaan selfbeheersing by hulle mis; 3 Rom 14:17; Filp 4:4-8 4 Ps 128:1, 2; Hand 2:46; 11:23; 13:52 5 Openb 19:7 6 AV 1933/53

5 5 - jy gaan die gewilligheid om te versoen, om stukkende verhoudings heel te maak, mis; - jy gaan die liefde vir die goeie by hulle mis; - jy gaan selfs die natuurlike liefde vir gesin en familie en volk by mense mis! o En van ware godsdiens gaan daar nie veel oorbly nie. - Daar gaan by baie mense n totale gebrek aan godsdienstigheid en aan n besef van die heilige wees. - Selfs mense wat God nog in naam dien, gaan Hom afskuif op hulle priotiteitslys hulle gaan liewer wees vir wêreldse plesiere as vir Hom. - En baie wat Hom dien, gaan dit maar net uiterlik doen. Hulle sê dat hulle gelowiges is, maar in hulle lewenspraktyk sien jy niks wat vir jou wys dat die Here in hulle werk nie. Dís die dinge wat die lewe swaar maak in die laaste dae: - die sondige lewensbenadering en -praktyk van mense; - die selfsug, die vertrapping van ander en die gemis van die goeie en van n ware band met die lewende God. Tye gaan swaar wees as gevolg van mense se sondes Julle klein broertjies en sustertjies Weet julle wanneer die lewe nie lekker is nie? Wanneer mense verkeerde dinge doen! o Dis mos sleg by die skool as kinders stout is en die juffrou moet raas en straf. o En dis mos sleg as julle daar by die huis is en iemand baklei met iemand anders. o En dit sleg as daar mense in n land is wat ander mense se goed steel of wat hulle vermoor. Dis eers as mense lewe soos wat die Here sê ons moet, wat die lewe nie vir ons swaar is nie. Tye is swaar as gevolg van mense se sondes. Wat help dit ons om hierdie inligting te hê?

6 6 3. WAT HIERDIE LIG VIR ONS BETEKEN In die eerste plek gee hierdie stukkie van die Woord vir ons perspektief. Dit help ons om die tye waarin ons leef te verstaan en om baie van dit wat vir ons sleg is in hierdie aardse lewe te verstaan. Hoekom beleef baie mense spanning in hulle huwelike en gesinne? Nie (soos ons baie kere sal reken) omdat daar te min geld is of omdat ons te min tyd bymekaar het nie, maar omdat ons selfsugtig is en ondankbaar vir wat die ander een doen en nie wil versoen nie en omdat die kinders nie vir hulle ouers wil luister nie. Die sondes maak die lewe in ons huise swaar. Hoekom is dit sleg om in die verkeer te ry? Nie regtig omdat dit besig is of omdat daar aan die paaie gewerk word nie, maar omdat mense agter stuurwiele wetteloos is en onbedagsaam teenoor ander en roekeloos. Hoekom is dit vir baie mense swaar by hulle werk? Nie regtig omdat hulle werk moeilik of baie is nie, maar omdat daar mense is wat hulle verbeel hulle is wie en omdat kollegas mekaar beskinder en belaster en mekaar in die rug steek. Weet u wat kry mense regtig onder? Nie dat hulle partykeer siek word, of selfs by n graf moet staan of met droogtes of vloede of ander rampe of ongelukke moet worstel nie, maar dat jy in jou worsteling met hierdie dinge ook nog die liefdeloosheid en gevoelloosheid en onbetroubaarheid van mense moet beleef. Wat dryf mense uit ons land uit? Is dit nie die moord en diefstal en verkragting en korrupsie en onregverdigheid wat hulle beleef nie? Wat maak dat die kerklike lewe soms nie lekker is nie?

7 7 - Dat mense wat saam met jou al die mooi dinge oor die Here bely, in die praktyk van hulle lewe dit nie eers probeer uitleef nie. - Sulke skynheiligheid maak dat baie opregte gelowiges ook sommer begin twyfel aan dit wat hulle glo, met al die wroeging wat met twyfel gepaard gaan. Dis nie in die eerste plek moeilike omstandighede wat tye swaar maak nie, maar die onbybelse en goddelose gedrag van mense dis die perspektief wat die Here ons hier gee. Maar juis deur ons hierdie perspektief te gee, gee die Here ook (in die tweede plek) vir ons hoop; want mense se gedrag kan verander. Dis moontlik dat daar by individue en by egpare en by gesinne en selfs by gemeenskappe en volke n hartsverandering kan kom: - dat mense tot die insig kan kom dat minagting van God en selfgesentreerdheid en vertrapping van ander sonde is; - dat hulle dit voor die Here bely en vergewing by die Here Jesus kry by Hom wat juis gekom het om mense van hulle sondes te verlos; - dat hulle tot bekering kom, dat hulle slegte gedrag afsterf en goeie gedrag aanleer; dat die goeie en mooie wat jy by hulle gemis het, in hulle lewe inkom. Dis moontlik. Die Heilige Gees kan dit bewerk. En waar dit gebeur, gaan die swaar begin plek maak vir die vreugde wat jy kry daar waar die Here se koningskap erken en Sy opdragte gehoorsaam word selfs in moeilike omstandighede; want waar die Here se wil uitgeleef word, waar mense met die liefde van die Here in hulle harte teenoor mekaar optree, word selfs siekte en hartseer en ander teëspoed draaglik. As sonde die probleem is, is daar hoop, want vir sonde is daar medisyne: - die versoenende bloed van die Here Jesus Christus - en die vernuwende krag van die Heilige Gees. Die derde wat hierdie inligting vir ons beteken, is dat dit vir ons n implisiete opdrag bevat:

8 8 - moenie jy so word nie; - moenie deel word van hierdie goddelose lewenspatroon wat die lewe vir almal swaar maak nie; - wees jy iemand wat die Here opreg dien uit jou hart uit, wat Hom eerste stel, wat ander mense hoër ag as jouself, wat hulle nie trap nie, maar juis ophelp en opbou, iemand wat so vol van die goeie is, dat dit gedurig by jou uitstroom. Só kan die Here jou dan gebruik om mense rondom jou se swaar minder te maak, om solank iets van die vreugde van die koninkryk van die hemel in hierdie lewe al te saai iets van daardie vreugde wat ware kinders van God eendag volkome sal hê AMEN