De Geplökde Hin ielegaal edisie

Transcriptie

1 De Geplökde Hin ielegaal edisie Jaorgaank 49 nommer 2 26 fibberewari 2007 Vaan de Hoofredaksie Leef luij, ut is helaas weer veurbijj. En veer kinne uuch vertèlle dat veer es hoofredaksie vaan dit wawwelblaad d r weer mèt volle teuge vaan genóte höbbe. Um veur de hand liggende reijene is de aofgelaope week de naom vaan us blaad weer ins veranderd, want dee kwatsj vaan dee badjas bleek inderdaad awwe zawwel te zien. Dee jas waor sjoen gewasse en al die dreijj daog laank prominent aonwezig en heet de konkurensie vaan de bóntjas gemekelik kinne weerstoon. Dat kaom netuurlik aoch door ut fantastiese weer. De straotkorrespondent wis us zellefs te vertèlle dat ut dinsdegmiddeg oppe vriethof wel 22 graode waor. Jeh, euverdrieve is aoch e vak netuurlik, en dat is die awwoor wel towvertrowd. Wiet geer wèt is dee vale oondertösse zoe daof wie unne kwartel, dus veer hope dat heer neet te völ oonzin bijj mekaar verzonne heet um dit blaad toch weer te kinne vulle. Es hoofredaksie blieve veer al jaore hiel nederig op d n achtergroond tijjdens de vastelaovend. Dat is zoe oonstoon nao ut esjek mèt eus aw hoofredaktries, en heet tot noe tow in eeder geval deveur gezörreg dat veer nog neet oontslage zien. Veer waore daan aoch aongenaom verras toen veer door de straotkorrespondent woorte oetgenudig um op zaoterdagaovend aonwezig te zien bijj de Prinseresepsie, boe veer getuige kóste zien vaan ut dekorere vaan de twiedoezendzevecitoteskommendeur door Prins Roland d n ierste. Veer zien daobijj hiel veurziechtig op d n achtergroond gebleve, mer mochte toch mètgenete vaan dat straolend geziech vaan dee jóng dee uuch al twie jaor vaanaof begin jannewari heet bezòk mèt al die vraoge. En ut veel us aoch metein op dat die juffrow die veur die oondersjijjing gelobbied heet, daor aoch prominent mèt die jonges vaan de Tempeleers stoont te klasjenere. Ut gaof us es redaksie aoch ins de kans um al die luij zónder verkleijing te kinne bestudere en tot de konklusie te kaome dat geer uuch mer beter kint verkleije. Wat betref de inhaajd vaan dees gezèt, alle verantwoordelikheid ligk wie gewoenlik bijj de straotkorrespondent, dee hijj op goonsdegmörrege strómpelend de redaksie binne kaom, umdat heer zoegenaomp e spierke had verrèk. Dee zal toch ins móte towgeve dat heer aoch e jäörke awwer weurt, mer veer vreze dat veer dee veurleupig neet kwiet goon rake. Heer sjijjnt al veurbereijjinge te treffe um veur de kaomende jaore e paar rollatore en rolsteul in veurraod te zètte veur al die luij die ut neet mie 3 daog laank trèkke. D r zien bijj de straotkorrespondent e paar verzeuke ingedeend um ut lettertiep vaan dees gezèt aon te passe umdat d r luij bijj zien die aanders wel ins get aanders zowwe kinne leze daan d r steit. Daor kinne veer netuurlik neet aon beginne. Wat dingk geer wel dat al dat pepier kòs tegenswoordig. Die koupe ziech mer e leesbrèlke of unne loep. Trowwens, veer betwiefele ten zierste of geer al dizze sjele wawwel wel wèlt leze. Citotes zwoer oonder vuur Nao de publikasie vaan de veurige edisie vaan dees gezèt is wederum unne störrem vaan proteste euver de kommendeur oetgestruijd. Hollenders die meinde oonrechmaotig oet d n einstand gegoejd te zien, literair kannibale die ut begrip diechterlike vrijjheid neet kinne, beloftes alsnog get in te zende etc etc. D r zien zellefs luij zie mèt druug ouge dörreve te bewere noets vaan Abrahams Look te höbbe gehuurd. D r woort unnen haop gezeik euver die stekskes vaan Marjó. Heet e masjorètzje noe ei stekse of mie? Willy mót unne kursus kompjoetergebruuk vollege en sommige luij zowwe aoch wel ins get aon dee zien taolgebruuk wèlle doen. Jordi, doech ins get draon. Ingrid begós un ganse diskussie euver de vrije opdrach vaan Maud en dat zie ziech zellef toch wel e bitsje gesjendeleerd veulde door dat verhaol, boe us Maudsje zoe braaf oet naor veure kaom. Ut kommentaar vaan Maud waor, dat welk stök zie aoch oet häör daagbook gekoze had-

2 Ing daor altied wel gesjendeleerd oet naor veure zow kaome. Veer sjijne vaan Ingrid noch e stök oet häör daagbook towgesjik te kriege, boeïn dit beeld gans aanders naor veure zal kaome. De kommendeur mós echter towgeve dat de oplossing vaan Maud veur crypto 1 (biesechtig gevloge), Piereweije toch wel zoe sjoen waor dat daor punte veur gegeve hadde móte weure. Ut zellefde geit op veur de oplssing vaan Mattie veur de crypto Muziekbron. Zien oplossing trompöt (trom+put) is inderdaad errreg good gevoonde. Al mèt al is ut einigste dat in de stand verandert, dat Ron en Janneke zien opgenome in ut eindklassemint. Es lètste. Weijer höbbe zoewel Wies es Danielle ziech oetgebreijd in ut stof gewenteld en us plechtig belaof um vollegend jaor alsnog mèt te doen. En daan zal Maud de belangrieke rol vaan twiedoezendachcitoteskommendeur op ziech numme. Geweldig keend, veer verheuge us biezunder um aoch weer ins mèt te kinne doen. Eier en aander ete Ron kaom zoondegaovend in kennelike staot toes en voont zie plekske in bèd ingenome door Saar. Krómp gelege op de bèdbaank. Erreg vreug door zien vrowluij wakker gemaak en heer waor al neet zoe lekker. Kaom ut door de friet, waor ut d n draank? Enfin, Janneke pakde metein häör spesjaliteit weer op en bakde dee jóng e paar lekker eijkes. Helaas kós ziene maog dat neet verwèrreke en heer vloog naor de wc. Dat luuchde gelökkig behuurlik op. Later heet heer trowwens toch wel weer genote vaan gebakke eier. Marcel heet gein probleme vaan unne zwake maog. Dee jong ging ziech maondagnach gewoen un lekker bokweurs kaope op ut slevrowweplein. En drónk denao röstig door. En netuurlik aote veer heerlike friete mèt zoervleis. Oonder andere in ut Kneipke, dat eigelik ut Plenkske had móte zien, met aoch weer neet, umdat Maud eigelik ut Kläöske bedoelde, mer die waore tow. Wee waor d r wel/neet Veer móste ut helaas doen zónder Cas, Jol, Gem, Simoon en Chris Houben. Malon en Andrea waore d r mer eve, mer ze waore d r. Zellefs Sjarel zien veer weer tege gekaome bijj Hans. Ut wel of neet vinde vaan Funs is e verhaol op ziech. Veer krege veur de vastelaovend ut vollegend beriech vaan häöm: Zoondag bin iech jaorig, laop iech met 50 berliner bolle in m'n tes! Iech had miech zoe bedach tot iech miech d'n ganse daag receptie haw in diverse lokaties. De femilie keump um twelf oor in de perroen, um vief oor zit iech bei Hassan tot half ach. Daan de keender naor hoes tow bringe en venaof ongeveer nege oor bin iech bei Crazy Pie tot un oor of ellef en daan naor de Duke. Missjien get wiet venoaf de Kneinspiep tot Crazy Pie, mer wee wet. Mer noch bijj Crazy Pie, noch bijj de Duke waor dee gek te vinde. Gelökkig troffe veer häöm mèt zien vrow Claudia en hun jónge nog op dinsdegmiddeg veur de Belsj. Doordat Simoon d r neet bijj waor kóste Mattie en Ellen veur d n ierste kier weer al die daog zónder kinder aon de kop op stap. Nou jeh, dat had geer gedach, want Pim voont ut wel zoe gezèllig um daan aoch mer bijj hun te kaome ete en slaope. Die studente vaan tegenswoordig! Danielle waor d r dus weer en netuurlik kaome veer Jordi en zien vrow aoch nog tege. Dee jong woent trowwens wel erg sjiek, daor tegeneuver Crazy Pie! En dit jaor had Janneke un vriendin mètgenóme, Jacqueline, die ziech geweldig geammeseerd heet. Opvallend waor aoch dat veur ut iers in hiel väöl jaore d r geine vojle was mie bijj ut Forum aon de plefon hing. Zowwe ze daor unnen druger höbbe gekoch? Bijnao waor de boa van Pé d r neet mie, mer gelökkig heet Paul dee weer trök gevoonde. De spiegelkes vaan Pé en Liny waore toes gebleve, zodat die ziech mèt z n vére móste sjminke mèt dat eine kleine spiegelke vaan Miep. Mèt es gevolleg dat Mattie op zoondeg tege Pé zag dat heer ziech d r wel erreg gemekelik vaan aof had gemaak. En netuurlik waore en Ziesjoem en Beppie d r weer oppe vriethof op dinsdegaovend. En weijer zaoge veer haalf Nazareth netuurlik weer langs kaome. Mer dat is allang gei nuits mie. Knijnspiep. Veer zien dit jaor nowweliks in de Knijnspiep gewees en dat is mer good aoch. De straotkorrespondent woort daor gesjaard en in de tang genome door un aaijd vrommes en Irma heet daor aoch nog gedans mèt unne feiselike vent, dee iech later e leedsje huurde zinge boebijj iech blijj waor dat iech gesjmink waor want wat

3 in dat leedsje vol mèt pap woort geduijd, daor krege veer toch wel un kleur vaan. Veolia. De bös in Mestreech is un gezèt op ziech weert. Maud wis te verhaole vaan de sjefeur dee (oonderweeg naor Nazareth) bijj de stasie oetstapde mèt de wäörd jonges, wisseling vaan de wach, iech hoop veur uuch dat geer unnen aandere sjefeur krijjg. Toen zie al e keteer zaot te wachte, kreeg dee toch medelijje mèt häör en heet toen dee sjat zellef mer naor Nazareth gereje. Ut ligk dus neet aon de sjefeurs. Veer zaoge e sjiek böshökske mèt Mestreechse strippekaart en un versie vaan ut volksleed : Hymne aon de stadsbös Jao diech höbs us aon ut hart gelege Stadsbös daor alle jaore heen Veer zaoge diech altied gere rije En de chefeur dee had altied plezeer Veer deenke nog dèks aon die geel bösse aon t döbbeltsje en dee rubber dom Us aoge bloonke bijj de Glorie Bijj ut zien vaan die dikke pens Achter dee stuurkolom Veer zaoge zellefs unnen echten riksja (Amy-Cityhopper) dee beweerde ut sneller te kinne doen es de bös. Mer aoch ut aander openbaar vervoer sjijjnt in Mestreech probleme op te lievere, zoedat d r noe un echte universiteit in de maak is um Belsje masjiniste Mestreechs te liere. Ellen heet daor nog ekzame gedoon en veer verwachte ein dees daog d n oetslaag of zie aongenome is. SMS Veer merkte dat veer gans empaties weure in de moderrene kommunikasiemiddele. Wat dach geer vaan de vollegende sms-jes, toen veer bij ut konsèrt vaan Ziesjoem zaote te wachte op Ingrid en Marcel. Maud: enne? Ingrid: souvlaki. Ze stoont dus 10 meter weijer op. Mattie heet gein idee wie dee tillefoon vaan häöm wèrrek, mer heer mót um vaan El wel bijj ziech höbbe en um op trilfunksie höbbe stoon. Iech zaog häöm wel mierdere kiere hiel gelökzaolig kieke. Boe zow dee dat dingk op zie lief bewaore? Op de zoevölste kier de teks Boe zeet geer antwoorde Paul: Dat zow iech aoch wel ins wèlle wete. In eeder geval vaan God los. Achter de roete. De Koojstraot pak zien historiese rol weer op. Achter de roet zaot e pikant vrommes en häöre poojer stoont in unne witte boontjas boete veur de oonderhandelinge. In dit kader paste trowwens ein van de cito-opgaves: ut waor unne kerel mèt e kleidjse aon. Speulgood. Wat ze bijj sommige luij toes toch veur raar gewoentes hadde? Veer weite netuurlik allemaol dat d r nogal get vaan de jungskes vreuger es mèsdéneer gedeend höbbe. Mattie kós in dat verband bijj cafee de Poort- nog ins laote zien wie sjiek heer mèt e wierraokvaat kin zweje. Later vertelde Maud dat zie vreuger toes kèrrekske spölden. Wie aander luij ziech bezig heelden mèt Póppe en Dinky-Toys, of stóprande, hadde ze bijj de femilie Van den Hof, un altaar, kazuifels, kelleke etc. um mèt te speule. Die laoge daan aoch erreg good bijj menier Keplaon. El en Pim kóste ziech nog ammesere mèt e spölselke peste bijj de Tribunal. Pim heet netuurlik gewonne. Advies Irma woort same mèt twie aander vrowluij nog insjakeld in un terapeutiese setting, toen zie vaan e paar mansluij ut probleem krege veurgelag dat die al 5 jaor neet mie waore klaorgekaome. Veer höbbe nog geperbeerd um te hure wat ze die mansluij noe aon advies höbbe mètgegeve, want dat zowwe sommige vaan us aoch wel ins wèlle wete, met helaas, ze wow ut neet priesgeve. Toen veer Cécile maondagaovend perbeerde te euvertuige get langer te blieve en goejde mèt ervaring en zoe, hojde die us um de oere mèt: Leeftied zeet niks euver verstand. Zo, daor kóste veer ut mèt doen. Die leep trowwens al die daog al roond mèt allerleij wiesheije op vaan die sjoen greun pepèrkes. Bin benuijd of ze get gelierd heet. Zie waor de einigste die steeds vreug naor hoes ging. En de einigste die kraank is gewore.. Bijj Crazie Pie wiste e paar smeerlep us te vertèlle datste iers lekker mós ruke, veurdatse unne kans kins kriege um te pune. Oonthaw dat noe toch ins luij! Leedsjes. Ut nuij leedjse is zier dèks gehuurd en veer kóste ut good mèt zinge. Zeker Maud en Paul, die same daor e sjiek duet vaan kóste make. Mer aoch die 2 keender die

4 us bijj de Belsj vroge of ze e leedsje veur us mochte zinge, wiste Reube, Friet en Beer prachtig veur te drage. Zie waore trowwens ut bestuur vaan de ierste sjieke sjeramieke golfklup. E paar oonbekinde leedsjes. Puun miech ins en ut Ezeleke (ohohohjajajajaj). Veer zomers laank, hadde v r al gehuurd op d n 11 e vaan d n 11 e. Veer goon netuurlik us bès doen um de nuij nummers weer te verzamele en op de ein opf aander meneer weer roond te sjikke. In dit verband zien veer aoch hiel benuijd naor de vorderinge vaan Ron, dee drök bezig is um unne leedsjesbiebel te make vaan alle leedsjes. Daor wèlt dee vollegend jaor mèt op stap. Veer dinke draon um daan toch mer te beginne um un kaar mèt te numme, want dat geit oongetwiefeld e zier oetgebreijd bookwerrek weure. Nazareth Wie gewoenlik bleek haalf Mestreech weer oet Nazareth te kaome. Veer begrepe vaan insiders dat dit aoch kump umdat ste vreuger in de Liebeekstraot in Nazareth allein met mèt tèldes este es gezin minstens 5 kinder hads. Jeh, daan sjut ut wel gaw op. Zeker es die kinder daan aoch nog de gansen daag móste stóprande mèt mekaar. In dat kader vraoge veer us oprech aof of dat Nazareth noe wel of neet bijj Mestreech huurt. Ut vastelaovendleedsje is daor neet ech dudelik euver, mer es iech die luij zeen drinke, daan krijjg iech toch ut vermoede dat Nazareth al wel hiel lang geleije geannekseerd is. Ingrid wis nog te vertèlle dat zie zoe blijj waor dat ut bijj hun toes zoe lekker röstig waor. Zie lag ziech heerlik in bèd um vief menute later rechop te zitte vaan sjrik toen eine veur de deur begós te sjriewe vaan Wat is ut hij toch oongeluiflik röstig, en dat dat kin miech godverdomme lekker hielemaol niks sjele. Mieljaar wat e krepuul dach Ing bijj ziech zellef. Later bleek ut de buurmaan te zien, dee dat lètste koeplet vaan Reube, Friet en Beer wel hiel erreg letterlik had genome. Tribunal-kwestie Veer höbben ut toch mer weer ins geperbeerd en ut mót gezag, dat bezeuk veel neet tege. Paul heet d n hospes nog gekomplimen teerd mèt de meziek, mer ut belangriekste neujts waor toch wel dat veer daor eindelik nao al die jaore ins kokosneutbehaas höbbe gevoonde. Irma voont ut wel jaomer dat die gesjore waore, want volleges Irma zitte bij die vaan häör de haore d r nog op. Paul geit dat veur us aon e technies oonderzeuk oonderwerrepe. En d r waor zellefs eine mèt unne roeje jas, mer dat waor zoen grieniezer, daor gaon iech neet mèt danse. Wat kaome veer tege en creasies Veer zoage veur de Crazy Piet wie vrowluij vaan de pos die meujte hadde um aofstand te doen van de pos die zie móste bezörrege. Zeker die fluwele kaart waor te lekker um weg te geve. Ein vaan die twie laos ech alles, zie wow de luij neet oongelökkig make. Helaas laog häör ganse hoes noe vol mèt belastingbreve. Aoch zoage veer stewardesse vaan Air Ordinair en Loes Hansa. In d n optoch oonder andere veer deilnummers aon Mestreechs Next Top Model. En in plaots vaan unnen drappoo leep un sambabend mèt un prachtige Wajang póp vaan 4 meter hoeg In de Belsj waore veer getuige vaan e geweldige konsèr vaan Edith Piaf, boven op d n tap. Cécile vreug ziech nog steeds aof wat die luij noe bedoelde die aon häör awwers hadde gevreaog wee toch dee travestiet waor dee bijj hun leep. Bijj de Bok z n kloete hadde ze un ganse kolleksie cd s ligke. De kloete vaan James Last. Same strieke mèt André De Kok zien kloete Noets mie strieke mèt André, Kloete kom balt wieder etc. Aoch us eige Janneke maag in dit stökske neet oontbreke. Dat keend is mie es un haalf jaor bezig gewees um ziech e nuij pekske inein te finsternölle. Alle kleure raos, dieste mer kins vinde, mèt kräölkes, roesjes, ets etc. Ze zaog d r prachtig oet. Ut waor geluif iech de bedoeling dat Ron örreges in de towkoms aoch nog get nuijts zow kriege, met ut sjijjnt dat heer dat mèt un minder geveulige opmerking weer op losse pu heet gezat. Relasies Veer höbbe netuurlik weer oonzèttend völ gewawweld en zwoer gesprekke gevoerd. Wie gewoenlik kint geer blijj zien dat eure straotcorrespondent um neet alleijn stevig wèt te rake mèt ut beer en daordoor al gaw zien eige handsjrif neet mie kin leze, met daoneve is dee aoch nog zoe daof es unne kwartel. Dus wederom blijjf dat allemaol weer ónder de pet, en daor huurt dat netuurlik aoch. Werrek, relasies, vrun en femilie, alles passeerde de revu. Veer kaome tot de konklusie dat femilie hiel belangriek is en vrun zoe

5 meugelik nog mie. En soms höbste ut groete gelök dat die twie in mekaar euverlaope. De straotkorrespondent wèlt in dat kader gere vaan de gelegenheid gebruuk make um unne grote saluut oet te bringe aon zie zuster en zwaoger, die häöm en zien gezin al jaore in de watte lègke. Sjappoo en hiel erreg bedaank. Salut en Hommaasj Leef Vrun, ut waor weer fantastisch, terwijjl iech dit sjrief begin iech uuch en al eure sjele wawwel al weer te misse. Gelökkig hove veer neet zoelang te wachte tot de volgende kier. Mattie wis ut echter fantasties oet te drökke, dat kin iech ech neet beter: Ut waor weer sjiek, ut waor weer sjoen, ut waor om ellek jaor weer euver te doen. Ut waor relex, ut waor vol sfeer, ut waor genete vaan vrun en prachtig weer. Ut waor vol ambras en ein en allegasie ut waor um noets mie trögk te hove naor de stasie Zoonder berliner bolle, zoonder sjem Zoonder simone, jol en zoonder gem Mer mèt u reuze raad, unnen orgelmaan, väöl zon un pelske, sjoeske en unnen accordeon un ieremedaille, op u trots pekse van noe aof opgeborge in hiel speciaal vekske lui nog minder daan un jaor Stoon veer weer allemaol klaor Unne gooien saluut en sterkte met de pu! Leef Vrun, vollegend jaor goon veer weer. Sjrief alvas in d'n agenda: Vastelaovend 2008: 3-5 fibberewari 2008 Eure STRAOTCORRESPONDENT