De Riggelaot ielegaal edisie nr. 21

Transcriptie

1 De Riggelaot ielegaal edisie nr. 21 Jaorgaank 54 nommer 3 25 fibberewari 2012 Vaan de hoofredaksie. Leef Luij, eindelik heet ut sjerriekordon sukses gehad. Geine sjerrie en Jägermeister te kriege in gans Mestreech en umstreke. En of dat get demèt te make heet gehad, wete veer netuurlik neet, mer de exhoofredaktries heet ziech neet laote zien. Veer hadde netuurlik de redaksie oet veurzörreg al wel veerdöbbel gebarrikadeerd, mer dat waor dus neet nudig. Bedaank Onno, en bedaank Harie! Of dat kordon noe aoch de reijje waor dat al die ministers oet Den Haag neet naor de Prinsezitting wowwe kaome, wete veer neet. Veer wèlle dit jaor ins eus groete waardiering oetspreke veur de Prins. Han d'n ierste (zoe ech kleijn Mestreechs menneke) goejde ziech de gansen tied dedoor. Sjappoo. En ut weer, aoch luij ut weer. Maak geer uuch die weke vaan te veure aoch zoe drök um de veurspellinge? Wis geer noe nog neet dat die noets oetkaome? Aoch unne sjappoo veur de kinder, allemaol gezoond, allemaol gooj zin, wat un opvoeding. Veer höbbe noe eindelik begrepe boerum sommige luij ut neet langer volhawwe daan dreij daog, Die wete gewoen dat ze aanders kraank weure. Dat die neet begriepe dat ze noe toch op dinsdegaovend kraank vaan de heimwee op de baank zitte, is un aander zaak. De kommendeur heet daor trowwes un ganse nuij meneer veur gevoonde. Geer mót gewoen al veur de vastelaovend kraank weure. Diech flink aonstèlle en e paar daog in bèd blieve ligke sjijjnt prima te wèrreke. Helaas höbbe veer dit jaor de assistente mote misse. Die waor sjijjnsbaar nudig um alles in de bös naor Oosteriek in de gate te hawwe. Eederein waor wel hiel kontent mèt häör beoordeilinge veur de Citotes. Veer hawwe ut kort dit jaor. Aoch veer weure getroffe door de krisis. Saoves geit hijj um zès oer ut leech al oet en daan kinne veer alleijn nog mer tiepe bijj ut leech vaan de gaasvlam vaan Minckeleers. Wie lang dat nog geit dore wete veer neet, wie geer in dees gezèt kint leze. De straotkorrespondent heet ziech wie eeder jaor al die daog neet laote zien, mer dee is hijj goonsdegmiddeg mèt un tuut vol takke en balle binnegekaome en dee bleef mer tiepe op dat aaijt tiepmesjien. Veer vraoge us aof of dat nog wel vaan dizzen tied is. Móte veer neet ins euvergoon op modernere kommunikasiemiddele? Of nog erreger, weurt ut neet ins tied dat ut stekske weurt euvergedrage. Veer wete dat geer allemaol gans weg zeet vaan die gezèt, meh dee korrespondent weurt d'r aoch neet jonger op. Allèh, laote veer neet op de zake veuroet laope en de straotkorrespondent weer ut woord geve um de res vaan de gezèt vol te kalleke mèt ziene flawwe kwatsj. Aoh nein, nog ein opmerking, wienie liert geer noe ins datste neet midde in de nach unne groepsfotos mós laote make door eine in bedinkelike staot? Geer staot al allemaol te sjöddele en es dee daan aoch nog ins neet gans zuuver van geziech is, daan is dat vraoge um probleme.

2 Mart, vaan te veure: Nog een week Eens in het jaar laten we de boel de boel, denken we even niet na over de kloof, laten we het bureau aan de craten over, spelen we muziek zo hard als we kunnen en zingen we onze kelen schor over de stad Mestreech. Drie dagen in het jaar zwieren we door de straten, van onze immer jeugdige herinneringen, dansen we voet aan voet van cafe naar cafe drinken we gestaag maar met mate de glazen met vereende krachten leeg. Vier nachten gaan we vol energie op pad, gesminckt en in goede doen. Praten over het leven en al het moois en al classionerend vallen we nooit meer stil Dat alles brengt het gevoel van samen, van vriendschap en van trouw te weeg. De Cito D'r woort eigelik behuurlik wienig gezeiverd euver d'n oetslaag vaan de tes, al begreep Ingrid ech neet boerum zie noe un medaaille kreeg vaan "De Groetste Bedeleer". De kommendeur waor erreg groets op uuch dat geer allemaol zoe good mèt kós zinge aon us eige leedsje. Wat e sukses. D'n teks daovaan steit in de ierste gezèt vaan dit jaor. Wel hoorte veer van väöl luij dat de tes get minder veur spesjaliste en mie op de gewoen luij gemaak mót weure. Dus daan krijgste dus unnen hielen haop vraoge vaan "wee mót naor bove tow kaome, boe höbbe vee sjiet aon, wat kaom daor aongedreve". Ron jong, gaank diene gaank. Want veur wee ut nog neet wèt, Ron, alias Bokito geit vollegend jaor de Citotes make. Veer zien netuurlik allemaol erreg blijj dat daor gein diskussie veur nudig waor en veer winse Giselle väöl sterrekte. Wee zaoge veer (neet)? In eeder geval waore alle deilnummers vaan de citotes present, al begrepe de paracetamollekes get te laat dat ze bijj de priesoetrieking op zoondeg móste zien. Dat höbbe zie op maondeg weer good gemaak. Weijer veel ut us allemaol op dat e dit jaor toch e stökske röstiger waor es aanders. De krisis? Aoch bijj de Minckeleers waor ut um 8 oor 's aoves al weer behuurlik leeg. Of zow dat kaome umdat Irma eederein daor aon de deur vroog of zie soms de roeje kloetzak waore? Eine waor zoe slum um te vraoge of zie naor eine op zeuk waor. Aoch bijj ut Kläöske kóste de krisis preuve, letterlik daan. Ut zoervleis daor waor dit kier mie unne es get aanders. Chris Houben waor netuurlik weer present es mafioso en zellefs zien Oma waor postuum aoch debeij umdat heer häöre sjoene jas aon had. Malon heet Lennart ins eve good ingewjjjd en Cas en Pim goejde ziech wie eeder jaor weer stevig dedoor. Al móste al die kinder op maondeg weer naor hoes um d'n daag denao weer in de operasiekamer te stoon. Es dat mer good gegaange is. En netuurlik waor Fleur weer daor, en (op get luij vaan e bowbedrief nao) haalf Nazareth en Lummel. Cécile en Arjen ginge op dinsdeg weer naor hoes, mer kaome nog wel eve naor ut concours luustere, incognito es 'Toeris". Veronique, Pien, Jaqueline, allemaol present. D'n echte Roeje Kloetzak waor zellefs in 2 versjèllende pekskes present. Dee jong zörreg good veur zien kinder. Dee sjikde zien vrow naor hoes zodat heer mèt de jong nog eve e tuutsje friete kós goon hole. Wat un geweldige smoes jong! Ron waor erreg sjiek mèt zien nuij stripfiguur kreasie. Sjappoo veur Janneke, die d'r trowwes (zjus es Saar) weer prachtig oetzag. Bokito mèt vrow en zoon waor d'r netuurlik aoch, gewapend mèt zier profesjoneel kameramaterijaol. Dat geit get geve vollegende jaor mèt de Citotes. Höb geer allemaol good um uuch heen geloerd?

3 Beriech in ut Forum: Glazer Geer höb euze Ono 'n poepkje laote ruke, toen heer besloot, um mèt karneval allein plastic glazer te gebruke. Nouw dat heet heer gewete. Wat heer allemaol te hure kreeg, zal heer neet gaw vergete. De mestreechtenere höbbe häöm wete te vertèlle, boe-um ze gein plestikke glazer wèlle. De börregemeister had good geluusterd en dach wat e gelazer, Laot mestreech mer karneval viere mèt echte glazer Wat betröf 't behaald vaan proper straote. Is geine rómmel achter te laote. Kom, wèrrek allemaol mèt, gein gezeur. 'Ne gooje karneval, dao goon veer veur. De evermennekes. Us jonges waore dit kier mer mèt zin twieje, mer ze zaoge d'r geweldig sjiek oet in hun paracetamolpekskes. Geer wèlt neet wete watste daor nog in kins verstoppe. Behalleve pèlkes, bijjsleters en zoe, kaom d'r aoch zoe mer e stök weurs teveursjijjn. Veer zaoge ze al op zoondegmörrege oppe Vriethof, en hoewel unnen Hollender ut nodig voont a look in hun pekske te howwe, die jonges lete ziech neet vaan de wijjs bringe. Wat die mèt die pekskes kinne oethole! Veer zaoge ze bijj ut forum op de kneje naor binne kroepe, en Maurice sjijjnt dat zellefs bij de Pieter gedoon te höbbe. Dee kaffee waor echter wel erreg liech! Lees de bijjsleeter elders in de gezèt. Op zoondegaovend waore ze um un of dreij (hèlt niemes die kinder in de gate?) in kaffee Zeezicht. Daor lete ze un medam (Esmeralda, de weurs bedaank!) dee bijjsleeter leze. Die ging metein veur opsie nummer twie, drejde ziech um en leet de maillot zakke. De jonges höbbe de ganse nach neet mie kinne slaope. Toch vertèlde ze miech dat ze bès sjans hadde want d'r waore vrijwilliigers genóg um hun ins eve te kretze boe ze zellef neet bijj kóste kaome. "En daan neet zuster Johanna of zoe huur". Op maondegaovend wiste ze Cécile en Arjen te euvertuige (4 oor s' nachs!) dat d'r op ut 'slevrowweplein nog e örregelmenneke zow kaome. Allèh, die twie mèt. Ut plein waor volkome leech, zellefs al gepóts. Maurice konkludeerde: "Mieljaar, zien v'r toch nog te vreug". Um haalf vijjf naor bèd, mer iech voont ze dinsdegmörrege al weer um haalf ein bijj de Lure veur te deur, boe ze in vol ornaat zaote te óntbijjte. Spek mèt ei, en netuurlik e lekker pèlske debijj. Op dinsdegmiddeag kaome Maud en Pé Daan zien echte (?) awwers tege veur de Belsj. Dat is dus die mam die vlak veur de vastelaovend mèt d'n Espace naor Dellef sjees um de pekskes op te laoje. En ze vertik ut um d'n aonhenger mèt te numme. Dee jong heet ut vaan gein vreemde. Hoewel die Mam vaan Caberg is en later vaan Heugem, voont ze toch dat de Citotes te lestig waor veur 'gewoen' luij. Bokito, de huurs ut. Giselle, haw dee jong vaan diech in de gate! Veer hadde trowwens gere aoch ins eve de aander pap en mam vaan Maurice gesproke. Dee jong studeert get hiel lestigs in Dellef. Höb geer wel ins gehuurd vaan PinEin? Dat steit veur "Propedeuse in 1 jaor". Now, uzze Maurice heet dat neet hielemaol gehaold. Bijj häöm is sprake vaan PinVijjf. Noe waor heer mer verhuis naor Den Haag um tied te kriege um te studere.! Veer höbbe weijer alleijn mer compleminte veur de opvoeding vaan dee jong, mer hijj heet iemes mesjiens toch get laote ligke. De perfessor zoag d'r in eeder geval behuurlik gesjrókke oet!

4 Partij veur de vastelaovend, Meldingsformuleer Dees melding kint geer anoniem plaotse Euverlas vaan 'ne Boel-gare? Zate en lewejerige in de Polen-naise? Onvruntelike Serviers en Serveersters oppe Vriethof? Geluidshinder vaan houfkare vol Tsjeche en Slowake? Väöl te väöl Polen water door slech weer? Altied file door carpolen op de A2 traverse? Pool centrum Tongerseweeg slete? Daan nog liever Lee Touwers en Lithouwers? Gein Kozakke mer tuute friet? Aander meldinge: Towlichting: evermennekes, höbben ut aoch gans good geregeld, die slaope bijj Maurice thoes in de Stokstraot. Hoewel die jonges oondertösse zoe bedreve zien, dat zie aoch wel in hun pekskes kinne slaope. Cécile en Arjen waore veur d'n ierste kier aon de gooj kant vaan de brök beland en dat is hun erreg good bevalle. Dat stökske laope naor Wiek liekent mejsiens niks, mer zoe s' nachs tegen haalf vijjf vèlt dat nog bès tege. Zeker este e bitteke sjeigels. Wat zaoge veer zoe al? Il pape Yvodictus X1, dee us ballonnekes oetdeilde es kondoom, mèt de wäörd "dingk d'r um!". De Partij veur de vastelaovend, mèt hun eige meldingssaait (steit örreges aanders in de gezèt). De vereiniging veur Inlievere achter ut iezere gordijn. Daor krijg geer e Russisch ei. Tradisies en hoesvesting Sommige vaan us zien erreg gehech aon hun plekske in Mestreech. Zoe slaope Pé en Ron en consorte al weer jaore in de Kepoenstraot. Zie waore in ut begin nog bang dat zie mèt ut zellefde probleem te make krege es Paul en Irma e paar jaor geleije in dat appartemint op de Wal. Sjoen, metr sterreves kaaid. Gelökkig woort de verwerming op zoondeg weer aon gezat. Paul en Irma zaote noe op sjiek, mer wel achter de merret. Mochte veer vaan Irma eindelik weer ins oetgoon op de merret. Maud had veurig jaor 's nachs in häör hotel nogal get las vaan gehurige bovebure. Die hadden ut sjijjnsbaar erreg gezèllig.. Dit jaor slepe d'r weer luij bove häör, mer dit kier hadde die e bebieke vaan e paar maond debeij. Dat kin haos gei towval zien. Ingrid en Marcel nog steeds in Nazareth, en Mart en El goejde weer wie eeder jaor Freek en Truus hun hoes oet. Veronique sleep aoch bijj häör Ma thoes. Ze heet daor e röstig plekske op de 2 e verdeeping. Häör Ma had zellefs e ummerke d'r neergezat, zoedat dat keend neet al die trappe aof hoof es ze mót plasse. Eus ut besjerremme vaan ut planteleve. Zeet geer get wat neet kin: bel 117. Dat ze in de Moriaan ekstra plaksel op de vloer höbbe gesmeerd um te veurkaome dat de luij te gaw weer weggoon. Dat d'r op de Merret eindelik aktiveit is. Hiel sjiek. Dat Irma nao häör esjek mèt de Roeje Kloetzak ziech noe op witte mansluij heet gestort. Dat Marcel es heer mer eindelik in de stad is neet mie weg te sleipe is. Dat de greun-geel-roeje luiper neet ech gans good waor veurberejd. Dat Pé, Maud en Liny same mèt nog väöl mie luij gewoen de kinderoptoch höbbe doen doorgoon. Dat ut beer weer hiel good smaakde. Dat ze tegenswoordig bijj ut Forum de was weer höbbe oethaange, mer dat veer ut wel hiel vreemp vinde dat ze dee iers gestreke hadde veurdat ze 'm ophinge. Is dat un Mestreechse gewoente gewore? En netuurlik zaoge veer prachtige pekskes en kreasies. Wat un stad, wat unne sfeer, en veural aoch dat S'Livvenhier inderdaad unne Mestreechteneer mót zien, want wat höbbe veer gebof mèt ut weer.

5 Bijsleeter PARACETAMOL 11 kg Te gebruuke bij: Pijn aan de bein, 't köpke, d'n prij, 't hertsje, d'nne straank, d'n puu en d'n veuj, sjevraoje, es geer vaan eure apropos zeet, awkute aonval vaan Hollenderigheid. Neet te gebruuke bij: de roed-geel-greune luiper, good verstand, krenkde vaan Hosse, Johnny Blenco, deflasie, get zoonder sajs. Neet gebruuke nao: asselegoonsdeg Gebruuksaonwijzinge: 1) Via d'n mojl: pak è pèlke oet de does, en steek 'm in uuche moond. Dat geit ut beste es uuche moond ope is. Aofhaankelek vaan de kleur pèl, mosse 't volgende doen. Blauw: zawwele Raed: knawwele Zwart: lekke Wit: doorslikke zoonder te knawwele Geel: oplosse in e pèlske en opdrinke Num 'n slökske vaan get en slik doamet 't pèlke door. Vergeet neet de moond tow te doen esse wèls slikke. 2) In 't votlook: buk röstig veureuver totdatse ongeveer 'nne hook vaan negetig graode mèt d'n bein bereik höbs, en wach daan röstig aof totdat iemes aanders diech e pèlke (allein ut pèlke, neet ut duuske) nao binne duijt. Han wasse veurtot se ut pötsje tow deis. Bijversjeinsele: awkute Tempelaritis, doors, slaopeloosheid, sjogkelzin, (indien vrow) spontane zin um te lebsje mèt e pèlleduuske, totse diech eine mos lufte Bewaoradvies: in d n olie Veur gebruuk in kombinasie mèt aander medisijne, alkohol en aander verdouvende middele, mot geer iers altied uugen dokter konsultere. Veer (motte door) zien neet aonspraokelek veur vals speulende zate herremeniekes, gevreigel en gewawwel, Huilendere. Boe hadde veer ut euver? Paul en Mattie make ziech noe al zörrege euver hunne awwen daag. Mattie vint dat Paul en Irma in hun nuij hoes mer metein un afdeiling móte reservere boe veer allemaol tzt terech kinne. Ingrid en Marcel verwoondere ziech d'r euver datste in Nijjmege neet door ut roed leech maags rijje en dat dat bekans net zoe deur is es de ganse vastelaovend. Ach kinder, es geer aoch nog dingk datste veur 3000 euri de ganse hoes vaan binne en boete kins laote sjèldere, daan zien d'r nog wel mie levenslèsse te liere. Ut veurdeil vaan dat sjèldere is daan weer wel dat ut ganse hoes zoe stónk dat Ingrid ziech nao de vastelaovend metein weer de tas heet ingepak en is trök gereis naor Mestreech. De gaasvlam vaan Minckeleers sjijjnt aoch te deur te weure. Dat sjijjnt mie es hoonderd euri per daag aon gaas te koste. Veer bedachte allerleij alternatieve (aonsleeting op ut riejool, e otomaatsje debijj boeste unnen euro in kins stoppe etc) mer eigelik vinde veer dat Onno dat gewoen mót betaole. Simoon heet (op aofstand) Mattie en El un slaopeloze nach bezörreg door ziech te laote opliechte veur unnen aaifoon. Eigelik waore ze netuurlik giftig op ziechzellef, want wee liech hijj noe wee op? Paul dach veur asselegoonsdeg wel unnen aofspraak te kinne make mèt de keukeboer. In Limburg. Die höbbe häöm ins hartelik oetgelache. De arbeidsmerret kaom netuurlik ter sprake. D'r stoon unnen haop baone vaan us op de toch, of veer goon meugelik vaan wèrrek verandere. Op dinsdegnach verklaorde Maud dat zie erreg content waor mèt ut leve en dat zie hielemaol gein pijjn aon de veuj had. Ingrid bedach achteraof datste zjus mie content bis este wel pijjn aon d'n veuj höbs. Daan biste aoch e bitteke blijj dat ut gedoon is? Tot Slot Leef luij, ut heet miech weer meujte gekos um de gezèt binne de perreke te hawwe. Es iech get vergete höb num miech dat daan neet koelik. Ut is aoch haos gei doen um vaan eerderein dee d'r waor fotoos op te numme, Kiek op de saait veur eederein zien fotoos. Iech höb geweldig vaan uuch genote en kin neet wachte tot veer weer mage goon. Al eur vrundsjap en werremte, daordoor kin iech weer e gans jaor d'r tegenaon. Iech bin hiel benuijd naor de Citotes vaan kaomend jaor en erreg blijj dat veer zoeväöl nuij luij debeij höbbe gekrege. Res us alleijn nog de tradisjonele hommaasj en de groepsfoto.

6 Hommaasj Al is 't in us Mestreech noe röstig of zjus hiel erreg drök, mèt de vastelaovend viere veer same altied weer ut gelök dat v'r die daog same vaan stad en mekaar mage genete en dat laote veer daan op gepasde wijjs aon eederein wete. In roed, geel en greun, euver 'ne luiper of in d'n optoch, 't maak us neet oet, de gezèlligheid hingk altied in de loch veer bedaanke 'Slevrow en 'Slivvenhier en preuve de sfeer, en wete, dit blijjf vaan us, dat viere veer eeder jaor weer. Geer zeet mien vrun, dat maak miech altied weer blijj, nao die daog höbbe veer ze allemaol weer gans op un rijj weg mèt de stress, weer eve bijjgetenk voor ut ganse jaor, Veer zien vaan Mestreech, eus hart blijf veur altied daor. Leef luij, dat waor ut weer veur dit jaor. Iech hoop dat geer nog e bitteke devaan höb kinne naogeniete. Veer móte ut weer eve demèt doen, mer vollegend jaor goon veer gewoen weer opnuij. Sjrief alvas in eure agenda, kalender, pc, tillefoon, Ipet of wat geer nog mie maag höbbe: Vastelaovend 2013: Zaoterdag 9 t/m dinsdeg 13 fibberewari 2013 Vergeet noe neet op tied e hotèl of appartemint te reservere! *Aon de gooj kant vaan de brök* Eure straotkorrespondent en twiedoezendtwellefcitoteskommendeur.