BEOOGDE GARDEN CITY NUWE-DORPSONTWIKKELING, KRAAIFONTEIN KONSEP OMGEWINGSINVLOEDVERSLAG Opsommende Dokument

Transcriptie

1 1 BEOOGDE GARDEN CITY NUWE-DORPSONTWIKKELING, KRAAIFONTEIN KONSEP OMGEWINGSINVLOEDVERSLAG Opsommende Dokument Wat is ʼn Omgewingsinvloedbepaling? Garden Cities Ingelyfde Vereniging Sonder Winsoogmerk (hierna Garden Cities genoem) en Basil Read (Edms) Bpk (Basil Read) beoog om Gedeeltes 3, 4, 7, 8 en 19 van Paarl Plaas 724, Gedeelte 3 van Paarl Plaas Nr. 168 en Gedeelte 15 1 van Paarl Plaas Nr. 724, Paarl te ontwikkel as n geïntegreerde, veeldoelige dorpsontwikkeling. In terme van die Wet op Nasionale Omgewingsbestuur (Wet Nr. 107 van 1998) (WNOB) moet ʼn Omgewingsinvloedbepaling (OIB) uitgevoer word voordat die owerhede in hierdie geval die Wes-Kaapse Provinsiale Departement van Omgewingsake en Ontwikkelingsbeplanning (DOS&OB) kan besluit of die projek gemagtig kan word. ʼn OIB is ʼn proses waartydens die omgewingskenmerke van ʼn beoogde projek, asook die gevolge van die projek op die omgewing en die mense wat daarin woon, so vroeg as moontlik beoordeel word om te bepaal of die voorgestelde projek gemagtig kan word. Indien die projek negatiewe impakte tot gevolg het, kan daar voorstelle gemaak word oor hoe om hierdie impakte te vermy, te versag of tot ʼn aanvaarbare vlak te verlaag. Die OIB-proses poog ook om die positiewe impakte van ʼn projek (daardie aspekte wat die integriteit en welstand van ʼn ekosisteem of menslike gesondheid en welstand verbeter) te identifiseer en te verbeter. Dit bied ook aan Belanghebbende en Geaffekteerde Partye (B&GPe) die geleentheid om op hoogte van sake te bly en kommentaar te lewer op enige besluite wat hulle of die omgewing mag benadeel. Hierdie dokument is ʼn opsomming van die Konsep Omgewingsinvloedverslag (OIV). Hierdie opsomming vervang nie die omvattende Konsep OIV nie, maar verskaf eerder ʼn nie-tegniese oorsig van die inligting in die volledige dokument. Wat is die verlangde resultate van die OIV? Spesialisstudies is uitgevoer om die moontlike impakte van die beoogde nuwe-dorp te ondersoek. Die bevindinge van hierdie studies, tesame met die tegniese insette van die res van die projekspan en die kommentaar wat van B&GPe ontvang is (wat sekere owerhede insluit), het bygedra tot die bevindinge van hierdie OIV, wat die volgende insluit: Die identifisering van omgewingsimpakte (biofisies en sosio-ekonomies) wat ʼn invloed het op die detail-ontwerp van die beoogde ontwikkeling op die terrein; Die identifisering van moontlike mitigasiemaatreëls wat oorweeg kan word om die betekenisvolheid van die negatiewe impakte te verlaag en positiewe impakte te verhoog; en Aanbevelings vir die pad vorentoe. Wat is die Proses van Openbare Deelname? Openbare Deelname is ʼn belangrike deel van die OIB-proses, aangesien dit B&GPe die geleentheid bied om inligting oor die beoogde projek te bekom, en op spesifieke stadiums van die proses insette te lewer en bekommernisse te opper. 1 Neem kennis dat Gedeelte 15 van Plaas Nr. 724 aan die Stad Kaapstad behoort, en dat hulle die nodige magtiging gegee het om hierdie gedeelte by die huidige OIB-proses in te sluit.

2 Beoogde Garden City Nuwe-dorpsontwikkeling, Kraaifontein 2 Die Konsep OIV vir die beoogde Garden City Nuwe-dorpsontwikkeling is vanaf 16 November 2009 by die Openbare Biblioteke te Fisantekraal en Durbanville, asook op Aurecon se webwerf ( (volg die public participation -skakels) vir kommentaar beskikbaar gestel. B&GPe het tot en met 25 Januarie 2010 tyd om hulle kommentaar op die Konsep OIV in te dien. B&GPe word uitgenooi om ʼn Openbare Vergadering / Ope Dag, waartydens die bevindinge van die OIV bespreek sal word, op een van die onderstaande datums by te woon: Datum Plek Tyd Geleentheid Woensdag, Laerskool Fisantekraal, 17h00 18h30 Ope Dag 25 November 2009 Fisantekraal 18h30 20h00 Openbare Vergadering Durbanville Stadsaal 17h00 18h30 Ope Dag Donderdag, (Kerkstraat-ingang), 26 November h30 20h00 Openbare Vergadering Durbanville Neem asseblief kennis dat die formele openbare vergaderings om 18h30 sal begin. Waarom is die beoogde nuwe-dorp nodig? Daar is ʼn aantal redes waarom daar ʼn behoefte aan hierdie die projek is. Die hoofrede is egter die voorsiening van bekostigbare behuising. Ongeveer twee-derdes van die Stad se inwoners ( ) is armlastig (maandelikse inkomste minder as R1 600). Ongeveer hiervan beskik nie oor bevredigende behuising nie ( huishoudings is in informele nedersettings geleë en word in oorbevolkte huise of agterplase gehuisves). Slegs armlastige huishoudings beskik daarom oor bevredigende behuising. Hierdie huishoudings moet egter ook die huishoudings wat geen huise het nie en in informele nedersettings woon, huisves. Dit beteken dat elke 10 arm huishoudings gemiddeld 7 verdere armlastige huishoudings huisves. Teen die huidige tempo waarteen huise voorsien word, beteken dit dat daar binne 10 jaar gemiddeld twee huishoudings in elke enkele wooneenheid sal woon. In die Groter Kaapstad is daar dus onomwonde ʼn behoefte aan geskikte behuising vir benadeelde inwoners. Ander voordele van die beoogde projek sluit ekonomiese voordele, soos ʼn toename in die BGP en die voorseining van werksgeleenthede in; asook maatskaplike voordele soos ʼn verbetering in die kwaliteit van die omgewing waarin mense woon en ʼn verbetering in gesondheid en die maatskaplike omgewing. Wat word beoog? Garden Cities en Basil Read moet reageer op die uitdaging om n volhoubare, geïntegreerde ontwikkeling wat op skaal is te voorsien op so n wyse dat dit bekostigbaar is vir inwoners en die munisipaliteit, ooreenstem met die verdigtings-strategie van die Stad Kaapstad en plaasvind binne n gesonde omgewing en sosio-ekonomiese raamwerk. Die beoogde Garden City Nuwe-dorpsontwikkeling is ʼn geïntegreerde, gemengde-gebruik en inklusiewe behuisingsontwikkeling waarbinne ʼn volledige reeks gemeenskap-, kommersiële en besigheidsgeleenthede beskikbaar gestel sal word. Dit sluit skole en crèches, parke, plekke van aanbidding, ʼn polisiestasie, kliniek, sportfasiliteite, ʼn markgebied, kleinhandelwinkels en kantore, en ʼn diensnywerheid in. ʼn Verskeidenheid behuising sal voorsien word, soos lae-inkomste HOP/BNG 2 -huise (vir families wat minder as R3 500 per maand verdien), gefinansierde huise (R3 500 R per maand) en huise onder verband (meer as R per maand). Maatskaplike behuising (i.e. huureenhede) word ook beoog. Na verwagting sal die beoogde Garden City Nuwe-dorp wooneenhede kan voorsien. Enkel-residensiële woonerwe sal tussen m 2 groot wees. Algemene woongebiede met ʼn hoër digtheid, soos meenthuise of groepsbehuising, word ook beplan. 2 Heropbou en Ontwikkelingsprogram/Breek Nuwe Grond

3 Beoogde Garden City Nuwe-dorpsontwikkeling, Kraaifontein 3 Die terrein is op die plattelandse randgebied van Durbanville/Kraaifontein geleë ongeveer 10 km noordoos van die Durbanville-stadskern en langs die R302. Paarl en Stellenbosch is onderskeidelik ongeveer 20 km en 25 km oos daarvan geleë. Garden Cities is die eienaars van Gedeeltes 3, 4, 7, 8 en 19 van Paarl Plaas 724 en Gedeelte 3 van Paarl Plaas Nr. 168, terwyl Gedeelte 15 van Paarl Plaas Nr. 724, Paarl aan die Stad Kaapstad (die Stad) behoort. Is die beoogde ontwikkeling in lyn met beplanningsbeleid? ʼn Aantal beleide en dele van die beplanningswetgewing is op die beoogde nuwe-dorpsontwikkeling van toepassing. Dit is in Tabel 1 hieronder opgesom en die versoenbaarheid daarvan met die beoogde nuwe-dorp is aangedui. Waar nodig, is kommentaar gelewer. Tabel 1: Versoenbaarheid van die beoogde nuwe-dorp met beplanningswetgewing en -beleid Beplanningswetgewin g/beleid Versoenbaar Kommentaar Stadsrand Nee 3 Aansoek is gedoen om die Stedelike Struktuurplan van die Kaapse Metropolitaanse Gebied aan te pas en die bestaande gebruik van landbou na stedelike ontwikkeling te verander. Stad Kaapstad se Ja Die projek stem ooreen met die riglyne van die konsep ROR Ruimtelike Ontwikkelingsraamwerk (ROR), 2009 (konsep) wat digtheid, die integrering van grondgebruike, die voorsiening van lae-inkomste behuising, die benutting van openbare vervoer, die voorgestelde groei-korridor ens betref. Stad Kaapstad Noordelike Distriksplan (SDP), 2009 (konsep) Nee Die projek is in lyn met die riglyne van die konsep Noordelike Distriksplan. Indien die Noordelike Distriksplan in sy huidige formaat goedgekeur word, sal ʼn aansoek vir die ontwikkeling ingedien moet word. Die oorhoofse ROR noem egter dat wysigings oorweeg sal word indien dit voorsiening maak vir staatsgesubsidieerde behuising, soos in hierdie projek voorgestel. Die applikant is van voorneme om ʼn motivering in te dien vir die wysiging van die konsep Noordelike Distrik se SDP sodat die terrein ontwikkel kan word Die tabel hierbo toon duidelik aan dat alhoewel die beoogde ontwikkeling met heelwat beplanningsaspekte versoenbaar is, dit nie ten volle met bestaande beplanning ooreenstem nie. Dit is as gevolg van die tydsberekening van die projek. Die beoogde ontwikkeling sal egter wel staatsgesubsidieerde behuising bied en sal deur toekomstige makro-beplanning (sien hieronder) ondersteun word. Dit is daarom die tipe ontwikkeling wat deur die betrokke owerhede vir ʼn wysiging aan die Stadsrand oorweeg kan word. Die Stad het aangedui dat hulle hierdie beoogde nuwe-dorpsontwikkeling as die sleutel beskou wat die ontwikkelingspotensiaal van die Noord-oostelike Ontwikkelingskorridor sal oopsluit. Is daar infrastruktuur om die beoogde nuwe-dorpsontwikkeling te diens? Die Noord-oostelike Ontwikkelingkorridor saamgestel om as vertrekpunt te dien vir die ondersoek na marko-dienste en om rigting te gee aan die ontwikkeling van hierdie korridor. Die huidige voorgestelde makrodienste sluit grootmaatwatervoorsiening en grootmaatrioolsuiwering vir die streek in, asook infrastruktuur vir stormwater en vervoer. Hierdie aspekte word omvattend in die OIV beskryf. Die beoogde ontwikkeling sal by hierdie voorgestelde dienste inskakel. Aangesien die beoogde ontwikkeling sekere van hierdie dienste vooruitloop (bv. water en afvalwater) is tydelike maatreëls voorgestel. 3 Neem kennis dat ʼn baie klein gedeelte van die terrein binne die Stadsrand geleë is.

4 Beoogde Garden City Nuwe-dorpsontwikkeling, Kraaifontein 4 Meeste van die makro-infrakstruktuur wat benodig word om die groter gebied te bedien sal ʼn OIB-proses moet deurloop, en is in sommige gevalle reeds aan die gang. Daar is ʼn aantal alternatiewe opsies vir infrastruktuur wat in omgewingsensitiewe gebiede geplaas is; en roetes kan ook verander word om hierdie gebiede te vermy. Watter alternatiewe is oorweeg? Tydens die OIB-proses is daar gekyk na verskeie alternatiewe uitlegte vir die beoogde ontwikkeling, waarvan slegs drie verskillende uitlegte uiteindelik in die Konsep OIV beoordeel is. Die grootste verskil tussen hierdie drie uitlegte kom op die suid-oostelike deel van die terrein voor. In Alternatiewe A en C is daar ʼn 100 m buffersone oorkant die hoenderslagpale, terwyl Alternatiewe B en C ʼn groter gedeelte van die vleilande by die gebied insluit. Geïdentifiseerde moontlike impakte Die volgende moontlike impakte (beide positief en negatief, onderskeidelike met ʼn (+) en (-) aangedui) sal waarskynlik as gevolg van die bedryf van die beoogde nuwe-dorp ontstaan: Impak op flora (-) Impak op akwatiese ekologie: o Impak van die verlies aan vleilande (-) o Impak op die skeidingsvlak van vleilandrande (-) o Impak van die toename in stormwaterafloop vanaf die terrein (-) o Impak van besoedeling op vleilandgebiede (-) o Impak van die versteuring op akwatiese fauna en flora en hulle gepaardgaande habitats (-) o Impak van die inbring van uitheemse plante (-) o Impak van die verandering aan die vloeipatrone van die Mosselbankrivier (-) o Impak van die fragmentasie van vleilandkorridors (-) o Impak van die pyplynroetes weg van die terrein af (-) Impak op die ekologie (-) Impak op grondwaterbronne (neutraal) Impak op die maatskaplike samestelling van omliggende gemeenskappe: o Impak op behuising (+) o Impak op huishoudings se kwaliteit van die lewende omgewing (+) o Impak op die gemeenskap se gesondheid en maatskaplike welstand (+) o Impak van in-migrasie (+) Impak op plaaslike en die streek se ekonomie: o Impak van verkope deur nuwe besighede (+) o Impak op die Stad se Bruto Geografiese Produk (BGP) (+) o Impak op werksgeleenthede (+) o Impak op plaaslike owerhede (+) Impak op erfenishulpbronne (-) Impak op visuele estetika (-) Impak van die verlies aan landbougrond (-) Impak op omliggende grondgebruik: o County Fair Foods (-) o Fisantekraal vliegveld (-) Impak op die infrastruktuur van bestaande dienste (-) Impak op verkeersvloei en padtoestande (-) Moontlike impakte tydens die konstruksie van die beoogde nuwe-dorpsontwikkeling sluit in: Impak op fauna en flora (-) Impak op erfenishulpbronne (argeologie) (-) Impakte op akwatiese ekologie (-) Impakte op die sosio-ekonomiese omgewing (+)

5 Beoogde Garden City Nuwe-dorpsontwikkeling, Kraaifontein 5 Elkeen van hierdie impakte is in die OIV beskryf en beoordeel, en die betekenisvolheid van elke impak is in Tabel 4 opgesom. Vernaamste aanbevole mitigasiemaatreëls Die vernaamste mitigasiemaatreëls wat aanbeveel word om die betekenisvolheid van moontlike negatiewe impakte te verlaag en die positiewe impakte te verhoog, word in Tabel 2 en Tabel 3 hieronder uiteengesit. Tabel 2 Vernaamste aanbevole mitigasiemaatreëls vir moontlike impakte tydens die bedryfsfase Impak op akwatiese ekologie Daadwerklike aanplanting van ʼn vleilandkorridor soos deur ʼn botanis/ akwatiese ekoloog aanbeveel. Verfraaiing van die korridor langs die suidelike grens van die terrein. Aanplanting van geharde inheemse plantegroei in buffergebiede. Samestelling van ʼn Omgewingsbestuursplan (OBP) vir die Bedryfsfase, wat insluit: Verwydering van en beheer oor uitheemse indringerplante; Rommel- en afvalbestuursplan; en Stormwater-bestuursplan (omvattend, na goedkeuring). Deurlopende monitering van die kwaliteit van die stormwater wat die akwatiese ekostelsels binnegaan. Daadwerklike bestuur van die vleilande oor ʼn tydperk van ten minste twee somers. Implementering van ʼn opvoedingsprogram om inwoners bewus te maak van die belangrikheid van vleilande. Waar moontlik moet geen fisiese strukture in die rivier of die valleibodem-vleiland geplaas word nie. Indien ʼn struktuur wel in die rivier of die valleibodem-vleiland geplaas moet word, moet dit aan ʼn vleilandekoloog voorgelê word. Die pyplyn oor die rivier moet een aaneenlopende stuk wees. Impak op flora Behou en vergroot korridors en oop ruimtes waar semi-natuurlike toestande voorkom. Implementering van ʼn Bedryfsfase OBP deur die Inwonersvereniging. Impak op die ekologie Maak voorsiening vir ʼn korridor van 50 m om die suid-oostelike vleilande met die dreineringslyne van die aangrensende eiendom te verbind. Rehabiliteer die suid-oostelike vleilandgebied met insette vanaf ʼn akwatiese ekoloog. Behou die ekologiese korridor langs die Eskom-serwituut. Ontwerp rivieroorgange sodat die ekologiese funksie van die korridor minimaal ontwrig word. Rehabiliteer alle korridors om, waar moontlik, habitats in te sluit wat ooreenstem met die gebiede waarmee hulle verbind word. Moet nie oop ruimtes toespan nie. Voorsien toepaslike duikweë, deurlate ens. sodat spesies vrylik in en uit die terrein kan beweeg. Probeer om benaderings tot stedelike beplanning te implementeer wat inwoners sal aanmoedig om ʼn positiewe benadering tot bewaring te hê. Stel ʼn OBP vir die Bedryfsfase saam wat onder andere uit die volgende bestaan, en implementeer dit: ʼn Bestuursplan vir Bewaring; Die aanstelling van ʼn voltydse Omgewingsbeheerbeampte; en Stig ʼn Inwonersvereniging. Impak op grondwater Die mitigasiemaatreëls wat in die geotegniese studie vir fondasietoestande voorgestel is, moet toegepas word. Impak op erfenis en visuele estetika Herstel en bestuur die Mosselbankrivier-korridor as ʼn skilderagtige en ekologiese hulpbron. Behou die oorblywende boomlaning na die Patrysfontein-opstal. Herstel en bestuur die Patrysfontein-opstal as ʼn gemeenskapshulpbron. Pas argitektoniese riglyne toe wat simpatiek is met die behoeftes van ʼn uitsigpad en vermy oormatige

6 Beoogde Garden City Nuwe-dorpsontwikkeling, Kraaifontein 6 hoogtes, skaal en sigbaarheid. Vestig ʼn toepaslik-aangeplante berm, 3 m hoog, langs die R312. Impak op omliggende grondgebruike Maak voorsiening vir ʼn buffergebied (soos tuine op serwitute vir dienste, terugsetgebiede vir geboue) tussen die onderskeie hoenderplase en die beoogde ontwikkeling. Maak seker dat afvalmateriaal, wat ʼn broeiplek vir siektedraers soos rotte is, gereeld verwyder word. Stig ʼn Omgewingsmoniteringskomitee (of soortgelyke organisasie) om toepaslike kwessies aan te spreek en op te los. Stel ontwerpriglyne saam waarin nie-reflekterende materiaal vir dakke en ander strukture wat opwaarts wys, gespesifiseer word. Impak op verkeersvloei en padtoestande Ontwikkel en bou ʼn voetganger- en fietspadnetwerk. Maak binne die beoogde ontwikkeling voorsiening vir openbare vervoerroetes sodat dit by die moontlike toekomstige spoorwegstasie kan inskakel. Prioritiseer openbare vervoer bo private vervoer deur die geïntegreerde snelvervoer-ontwerpstandaarde 4 vir openbare vervoerroetes in te sluit. Implementeer maatreëls om die rondjaag van voertuie in Fisantekraal se woonbuurtstrate te beheer. Impak op die maatskaplike samestelling van omliggende gemeenskappe Kommunikeer die proses vir die toewysing van huise aan die Fisantekraal-nedersetting. Stel ʼn Werkplek-vaardigheidsplan saam om die vaardigheid van die werkspan beter te bestuur. Moedig die plaaslike owerheid aan om ʼn dienstebestuursplan, wat die aanvraag na infrastruktuurdienste sal monitor, saam te stel sodat dienste betyds opgegradeer of gebou kan word. Stel arbeidskontrakte op waarin Kontrakteurs verplig word om ʼn sekere persentasie plaaslike arbeid in diens te neem. Tabel 3 Vernaamste aanbevole mitigasiemaatreëls vir moontlike impakte tydens die konstruksiefase Stel ʼn Omgewingsbestuursplan vir die Konstruksiefase saam wat ten minste die onderstaande mitigasiemaatreëls insluit: Baken alle gebiede wat nie direk op die konstruksieproses van toepassing is nie (bv. vleilande) af as geen toegang -gebiede; Verwyder en berg alle bogrond vir die heraanplantingsproses; Rehabiliteer gebiede soos die pyplynroete terug na sy oorspronklike toestand; Maak voorsiening vir slikvangers en ander maatreëls wat erosie bekamp om slikladings na die vleilande te verminder; Moniteer die kwaliteit van die water wat waterweë en vleilande binnegaan op ʼn gereelde basis; Prioritiseer die instelling van ʼn stormwaterstelsel sodat alle afloop van die terrein na ʼn aangewese dreineringsgebied vloei; Lê die pyplyn tydens die droë seisoen, indien moontlik; en Maak seker dat aanwysings en veiligheidsmaatreëls tydens die bou van die toegangspaaie voldoen aan die riglyne soos uiteengesit in die jongste uitgawe van die SADC se handleiding vir padverkeerstekens. Bevindinge en aanbevelings Die moontlike impakte van die beoogde nuwe-dorpsontwikkeling sal die gebied beide op biofisiese en maatskaplik vlak negatief beïnvloed. Sonder enige mitigasie word die betekenisvolheid van hierdie impakte as hoog of laer beskou. Indien die aanbevole mitigasiemaatreëls toegepas word, kan die betekenisvolheid van meeste van hierdie negatiewe impakte na medium of laer verlaag word. 4 Geïntegreerde snelvervoer en bus-snelvervoer is ʼn massa pad-gebaseerde openbare vervoersisteem.

7 Beoogde Garden City Nuwe-dorpsontwikkeling, Kraaifontein 7 Meer spesifiek: wat die moontlike impak op die ekologie betref (veral die akwatiese ekologie), is daar ʼn aantal versteurde vleilande wat negatief deur die beoogde ontwikkeling beïnvloed sal word. Daarby sal ʼn aantal bestaande ekologiese korridors benadeel word. Die betekenisvolheid van hierdie impakte kan van hoog na medium of laer verlaag word indien die aanbevole mitigasiemaatreëls toegepas word. Alhoewel dit nie met die menings van die akwatiese ekoloog en ekoloog ooreenstem nie, is die Omgewingbeoordelingspraktisyn om verskeie redes (wat duidelik in die OIV uiteengesit word) van mening dat dit vanuit ʼn netto omgewingsoogpunt aanvaarbaar is. Basil Read/Garden Cities is ook van plan om nuwe vleilande te vestig en die kwaliteit van die bestaande vleilande te verbeter sodat dit die langtermyn respek van plaaslike inwoners vir die natuurlike omgewing bevorder, soos wat hulle reeds by ander ontwikkelings gedoen het. Hierdie aspek word as ʼn belangrike faktor beskou by die oorweging van die impak wat die beoogde ontwikkeling op die omgewing in die algemeen, en spesifiek op die vleilande, het. Die beoogde ontwikkeling het ook heelwat substansiële positiewe impakte, waarvan die positiewe impak op die maatskaplike en ekonomiese omgewing op streeks- sowel as plaaslike vlak die grootste is en as medium of hoër beskou word. Individue op die Stad se behuisingslys sal voordeel trek uit die voorsiening van HOP/BNG-huise, terwyl individue wat minder as R per maand verdien deur die voorsiening van maatskaplike behuising bevoordeel kan word. Die ekonomie van die Wes-Kaap en die Fisantekraal/Durbanville-gebied sal heelwat voordeel trek uit die kapitale inspuiting en die werksgeleenthede wat geskep word. Na aanleiding van bogenoemde is die Omgewingsbeoordelingspraktisyn (Aurecon) van mening dat die aansoek van die beoogde Garden City Nuwe-dorpsontwikkeling gemagtig moet word, aangesien die wesenlike voordele wat dit die streek bied die plaaslike negatiewe impakte oortref. Die beoogde onwikkeling voldoen ongetwyfeld ook aan die voorgeskrewe beginsels van die WNOB. Die betekenisvolheid van meeste impakte kan by wyse van doeltreffende en toepaslike mitigasie verlaag en die positiewe impakte verhoog word, soos hier opgesom en meer volledig in die OIV omskryf. Alternatiewe Uitleg C, wat ʼn groter bewaringsgebied en aangrensende buffergebied in die noord-oostelike gedeelte voorstel, is vanuit ʼn biofisiese oogpunt die voorkeur-alternatief. Hierna volg Uitleg B aangesien dit vanuit ʼn biofisiese oogpunt ook ʼn groter gedeelte van die suid-oostelike vleiland as Uitleg A insluit. Wat die sosio-ekonomiese oogpunt betref, word A en B verkies, aangesien dit meer behuising voorsien (ook ʼn groter kapitaaluitgawe) as Alternatiewe Uitleg C. Aangesien die omgewingsbeoordeling beide die biofisiese en sosio-ekonomiese omgewings in ag moet neem, bied Alternatief C die beste kompromie. Dit word vanuit ʼn biofisiese oogpunt verkies, terwyl dit nog steeds beduidende sosio-ekonomiese voordele inhou. Pad Vorentoe Die Finale OIV, waarby alle kommentaar wat vanaf B&GPe ontvang is (sowel as die projekspan se kommentaar daarop) ingesluit is, sal aan die DOS&OB vir besluitneming voorgelê word. Geregistreerde B&GPe sal terselfdertyd 21 dae gegun word om op die Finale OIV kommentaar te lewer. Alle verdere kommentaar sal deur Aurecon bymekaargesit en aan die DOS&OB deurgegee word. Sodra die DOS&OB ʼn finale besluit oor die beoogde projek geneem het, sal alle geregistreerde B&GPe op die projek se databasis binne tien kalenderdae van die besluit in kennis gestel word. Indien enige persoon (ʼn lid van die publiek, geregistreerde B&GP of die applikant) teen die DOS&OB se besluit wil appelleer, moet ʼn Kennisgewing van Voorneme om te Appelleer, in terme van artikel 62 van die WNOB, binne 10 kalenderdae nadat die B&GP van die besluit in kennis gestel is, by die LUR van Omgewingsake en Ontwikkelingsbeplanning ingedien word.

8 Beoogde Garden City Nuwe-dorpsontwikkeling, Kraaifontein 8 Tabel 4 Opsomming van die betekenisvolheid van die moontlike impakte wat met die beoogde ontwikkeling gepaard gaan SLEUTEL: Hoogs betekenisvol Medium tot hoogs betekenisvol Medium betekenisvol Lae tot medium betekenisvolheid Lae betekenisvolheid Baie lae tot lae betekenisvolheid Baie lae betekenisvolheid Neutrale betekenisvolheid Hoë positiewe impak Medium positiewe impak Lae positiewe impak