ISAK BURGER Jesus is méér

Transcriptie

1

2 ISAK BURGER Jesus is méér as net kerk toe gaan, geld gee en goed doen carpediem M E D I A jou inspirasie uitgewer

3 Jesus is méér uitgegee deur Carpe Diem Media (Saamgestel en verwerk uit Die Jesus Bybel) 2014 Carpe Diem Media Eerste uitgawe, eerste druk 2014 ISBN PDF ISBN E-pub ISBN Setwerk Sam Brookes en Zelda Botha Samesteller Hanneke van Coller Proefleser Leana Cronjé Fotograaf Laurentia E Photography Fotoredakteur Yolandie Janse van Rensburg Omslagontwerp Zelda Botha Gedruk en gebind deur Skrifaanhalings uit DIE BYBEL (Nuwe vertaling 1983, met herformulerings) tensy anders vermeld, met verlof van die Bybelgenootskap van Suid-Afrika. Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel (016) Faks (016) E-pos boeke@carpediem.co.za

4 n Woord vooraf Ek weet nie hoeveel keer in my lewe ek al die Bybel deurgelees het nie. Die gedeelte wat my egter die meeste fassineer, is die Evangelies die verhaal van Jesus se lewe, woorde en werk hier op aarde. As jy deur my preekbundels sou blaai of na my multimedia-boodskappe sou luister, sou jy dit beslis agterkom. Hierdie fokus op die Evangelies, saam met talle besoeke aan die Heilige Land, het daartoe bygedra dat my liefde, bewondering en waardering vir Jesus van Nasaret oor die jare heen gegroei het. (Ek hoop jy kom dit agter wanneer jy hierdie boek lees.) Hierdie boek is n uitdrukking van hoe die Heilige Gees my gelei het om die historiese Jesus van die Bybel beter te leer ken, en om Hom in die verse van die Evangelies voor mense van vandag mense soos jy te laat gestalte kry. So baie mense gee te kenne dat hulle nie aangetrokke voel tot die volgelinge van Jesus nie. Ek glo dat wanneer mense gelei word om die ware Jesus Christus te leer ken, hulle Hom sal volg en die foute wat mense maak, sal kan vergewe. Mag die Here my help om jou aan Jesus in al sy glorie voor te stel.

5 Hierdie boek bied geen volledige oorsig oor die lewe en werk van Jesus nie. Dit verloop in chronologiese volgorde, maar behels slegs n paar van sy woorde, werke en wonders. Ek beskou dit as deel van die erfenis wat ek wil nalaat. Ek bid dat Jesus Christus deur hierdie boek vir jou n groter werklikheid sal word, net soos Hy vir my oor die jare heen deur hierdie gedeeltes n werklikheid geword het. Waar ek (in liefde) verwys na die dinge wat mense doen in die naam van godsdiens wat ander mense seer maak, is dit nie n veroordeling nie. Dis eerder bedoel om ons almal as gelowiges te bemoedig om meer en meer soos Jesus te wees sodat die wêreld Hom in ons kan sien. Isak Burger

6 Net Jesus kan mense verlos Sy sal n Seun in die wêreld bring, en jy moet Hom Jesus noem, want dit is Hy wat sy volk van hulle sondes sal verlos (Matt 1:21). Ons almal is daarvan bewus dat Kersfees feitlik totaal versekulariseer en gekommersialiseer geraak het. Die diepste betekenis het vir die meeste mense verlore geraak tussen al die tradisionele en moderne byvoegings, versierings en misbruike. Daarom is dit belangrik dat Christene telkens herinner sal word aan die wese en diepste betekenis van Kersfees. En nêrens word dit duideliker uitgespel as in die woorde van die engel aan Josef nie: Jy moet Hom Jesus noem, want dit is Hy wat sy volk van hulle sondes sal verlos (Matt 1:21). Jy moet Hom Jesus noem... Die keuse van hierdie Kind se Naam is nie aan die mens oorgelaat nie. Aan Adam is die reg gegee om aan die diere hulle name te gee; ouers kan gewoonlik self besluit wat hulle hulle kind gaan noem. Maar hierdie Kind se Naam is deur die hemel bepaal nog voordat Hy verwek is. Die naam Jesus beteken letterlik Verlosser. Dit was n redelik algemene naam onder die Jode voor Christus se geboorte. Die Hebreeuse

7 ekwiwalent daarvan is Josua. Die engel het vir Josef gesê dit is Hy wat sy volk van hulle sondes sal verlos. Niemand anders nie... Hý! Nie die kerk nie; nie n godsdiens nie; nie die wetenskap nie net Hy! Dís waaroor Kersfees gaan. Dís waaroor die evangelie gaan. Dié wat deur Hom verlos is, word sy volk genoem. Verlossing is die enigste manier om deel van sy volk te word. Johannes het dit só omskryf: Maar aan almal wat Hom aangeneem het, dié wat in Hom glo, het Hy die reg gegee om kinders van God te word. Hulle is dit nie van nature nie, nie deur die drang van n mens of die besluit van n man nie, maar hulle is uit God gebore (Joh 1:12-13). Vir Jesus is alle mense belangrik Daar was skaapwagters in daardie omgewing... Meteens staan daar n engel van die Here by hulle... Toe sê die engel vir hulle: Moenie bang wees nie, want kyk, ek bring vir julle n goeie tyding van groot blydskap wat vir die hele volk bestem is (Luk 2:8-10).

8 Hoe wonderlik dat die boodskap oor die belangrikste geboorte in die geskiedenis eerste aan onbelangrike mense, aan herders, bekendgemaak is! Hoekom is dit so wonderlik? Want ook die geringste, die kleinste, die swakste, die armste, die ongeletterdste, die eenvoudigste, die sondigste onder ons kan nou met vrymoedigheid na God toe gaan. Daar is ook iets simbolies aan die feit dat juis herders eerste van die Messias se geboorte gehoor het: Die man wat aanvanklik geroep en afgesonder is as die een uit wie se nageslag Jesus ná jaar gebore sou word (Gal 3:16), was n herder Abraham. Ook die een uit wie se geslag Hy gebore sou word, was n herder Dawid. Jesus sou Homself later die goeie herder noem (Joh 10:11). En toe word Hy die Lam wat vir ons sondes geslag is. Só iets het hierdie herders nog nooit beleef nie. Hulle het baie groot geskrik. Die engel stel hulle egter onmiddellik gerus, want die boodskap wat hy bring, is nie n slegte tyding nie, dis n goeie tyding! n Tyding van lewe, nie van dood nie; van hoop, nie van wanhoop nie. Hierdie tyding was die beste nuus wat hierdie wêreld nog ooit bereik het. In n wêreld vol stryd en sonde, wanhoop en oorlog, vrees en hartseer, is die boodskap oor Jesus steeds goeie nuus, die beste nuus ooit! Dis dalk die kortste preek wat nog ooit gepreek is, dié boodskap van die engel aan die herders. Korter as een minuut! En dis hoe die eerste Kersfees begin het met n boodskap van n engel. Dit was n boodskap aan die herders en ook aan ons, trouens, aan élke mens. Om te dink Christus het aarde toe gekom, mens geword, vir óns. Hy het gesterf, vir óns. Evangelie beteken nie verniet goeie nuus nie! Daarom is Kerstyd by uitstek vreugdetyd!

9 Vrede kan net by Jesus gevind word Skielik was daar saam met die engel n menigte engele uit die hemel wat God prys en sê: Eer aan God in die hoogste hemel, en vrede op aarde vir die mense in wie Hy n welbehae het! (Luk 2:13-14). Die engelekoor op die velde van Betlehem se loflied was eerstens tot God gerig. Waarom sou die menswording van Jesus so n Godsverering by die engele meebring? Dalk omdat hierdie wesens, wat vir God so goed geken het, met die geboorte van Christus eienskappe van God ontdek het wat hulle nog nooit vantevore so helder gesien het nie dat die liefde van God vir sondige mense so groot is dat Hy bereid is om op só n persoonlike manier na hulle uit te reik. Miskien het hulle die paradoks van God se almag beter as ons begryp dat die grote God, die almagtige Skepper, as n Baba in die arms van n jong vrou lê. Sy goedheid en barmhartigheid teenoor mense wat so sondig is, het die engele meer as ooit vantevore laat besef hoe groot sy liefde is, en hulle het sy liefde besing. Hierdie hoogs intelligente wesens het die wonder van Christus se menswording veel beter verstaan as die mens self. Hulle kon nie anders

10 as om God te prys nie. As ons die wonder van sy vleeswording beter sou verstaan, sou ons ongetwyfeld dieselfde as die engele doen. Benewens die loflied aan God, het die engelekoor se lied ook n wonderlike boodskap vir die mens ingehou: Vrede op aarde... (Luk 2:14). Die Een wat gebore is, word immers die Vredevors genoem. Dalk is dit die één woord wat die beste beskryf wat God deur die menswording van sy Seun wil bereik vrede! Vrede tussen Hom en mense dié vrede wat deur die sondeval verbreek is. Maar ook vrede tussen mense, wat sedert die sondeval nog nooit tot stand kon kom nie. Jesus se waarheid neem jou twyfel weg Nadat die engele van hulle af weggegaan het na die hemel toe, sê die skaapwagters vir mekaar: Kom ons gaan reguit Betlehem toe om te sien wat gebeur het, soos die Here dit aan ons bekend gemaak het (Luk 2:15). Ek beny die skaapwagters hulle eenvoud, geloof en gehoorsaamheid. Hulle het die voorreg gehad om die eerste Kersdiens by te woon. Daar was n kort