Leesfees vir jou Gees

Transcriptie

1

2 Leesfees vir jou Gees As jy n passie het vir boeke net soos ons, gaan maak n draai op ons webtuiste en Facebookblad. Wees eerste om die nuus van al ons nuwe boeke te kry. KLIEK OP leesfeesvirjougees.co.za vir die jongste nuus, uittreksels, video s van die skrywers en om te lees van nuwe en ouer boeke. LIKE ONS BLAD Leesfees vir jou Gees op Facebook vir daaglikse inspirasie, kompetisies en om die nuus eerste te hoor. STUUR N E-POS vir enigenavrae oor ou en nuwe boeke aan boeke@carpediem.co.za. KOOP AANLYN al ons boeke enige tyd van die dag, teen spesiale afslag op voelgoedwinkel.co.za sonder om te soek en in lang rye te staan. PUBLISEER SELFDEUR n draai te maak op myboek.co.za en ons help jou om die skrywer te word wat jy nog altyd wou wees. LEES DIGITAAL al ons boeke op jou tablet of ipad deur te kliek op e-boeke.co.za. carpediem M E D I A

3 Ook beskikbaar as e-boek Kliek op God se arms om jou uitgegee deur CarpeDiem Media 2006 Carpe Diem Media Eerste uitgawe, eerste druk 2012 Tweede uitgawe, eerste druk 2015 ISBN Eboek ISBN epub ISBN Setwerk Naómi Kok Samesteller Lana van Niekerk Redigeerder Ria Nel Proefleser Emmerentia Steyn Omslagontwerp Zelda Botha Gedruk en gebind deur Skrifaanhalings uit DIE BYBEL (Nuwe vertaling 1983, met herformulerings) tensy anders vermeld, met verlof van die Bybelgenootskap van Suid-Afrika. Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel (016) Faks (016) E-pos

4 N i n a s m i t se arms om jou n Bybeldagboek carpediem M E D I A

5 Inhoud Aanbidding 7 Aanraking 13 Aanvaarding 19 Bekommernis 25 Die Bybel 31 Dankbaarheid 37 Dissipline 43 Drome 49 Foute 55 Gawes 61 Gebed 67 Gee 73 Gehoorsaamheid 79 Geld 85 Geloof 91 Genade 97 Gesin 103 Gestuurdes 109 Getuienis 115 Hartseer 121 Huwelik 127 Karaktereienskappe 133 Keuses 139 Kinders 145 Krag 151 Kreatiwiteit 157 Lewe 163 Liefde 169 Luister 175 Mawees 181 Mislukking 187 Natuurskoon 193 Omgee 199 Oumas 205 Ouderdom 211 Positiwiteit 217 Seerkry 223 Sekuriteit 229 Siekte 235 Sonde 241 Tuiste 247 Toekoms 253 Uitreik 259 Uniekheid 265 Vriendskap 271 Vrouwees 277 Verhoudings 283 Vergifnis 289 Vreugde 295 Werk 301 Woorde 307 Wysheid 313

6 Maandag Aanbidding Kom ons gaan sy woning binne, kom ons buig daar in aanbidding voor Hom. Kom, prys die Here, julle almal wat Hom dien, julle wat in die nag in die tempel van die Here staan! Hef julle hande in gebed op na die heiligdom en prys die Here! Psalm 132:7 & Psalm 134:1-2 Hierdie week gesels ons oor aanbidding. As jy tyd by God bestee, tyd maak om Hom te vertel van die dinge wat in jou hart leef en jou krag by Hom gaan soek, sal jy ook n vrou en mens wees wat uitstaan bo die res. Evelyn Underhill beskryf aanbidding mooi as sy sê: Ware aanbidding kom nie met behulp van gebedeboeke en inspanning nie. Dit is n vuur wat God self in ons hart aan die brand steek. Tog is dit nog nie genoeg om jou eie, persoonlike loflied vir God te skryf en Hom te loof wanneer dinge vir jou goed uitwerk nie, al kry jy dit soms selfs reg om sy Naam groot te maak as jy nog nie weet of dinge wel vir jou gaan uitwerk nie. Ware aanbidding vra van jou dat jy gewillig sal wees om jou hele lewe aan God se verheerliking te wy. Om alles wat jy dink en sê en doen, so te doen dat dit sy goedkeuring sal wegdra. 9

7 Dinsdag Aanbidding kom uit jou hart Loof die Here, want Hy is goed, aan sy liefde is daar geen einde nie! Wie kan die magtige dade van die Here onder woorde bring? Wie kan sy lof ten volle verkondig? Psalm 106:1-2 God kom gee sy grenslose genade vir jou heeltemal verniet! En dát jy God se genade joune kan maak, is óók genade! Niemand sal jou ooit n groter geskenk aanbied nie. Moet dan nie God se spatsels genade wat Hy elke dag oor jou lewe sprinkel, as vanselfsprekend beskou of, nog erger, heeltemal miskyk nie. Wees opnuut daarvan bewus in elke goeie ding wat na jou kant toe kom, in elke klein vreugde op jou lewenspad, en dank God daagliks daarvoor. Hierdie nuwe dankbaarheid word diep in jou hart gebore en jy kan amper nie anders as om God nou op n nuwe manier te loof en te prys en te aanbid nie. As jy rondom jou kyk en sien wat Hy alles vir jou doen, kan jy nie anders as om Hom in diepe dankbaarheid te aanbid nie. Ontvang die oomblik en alles wat aan die kom is as geskenk. God is die Oneindige Gewer. Herversier jou lewe met God se geskenke, en ontsag en verwondering omring jou, skryf CA Adams. Maar ware aanbidding vereis ook dat jy bereid sal wees om jou hele lewe aan God se verheerliking te wy. Om jou hele lewe te begin leef tot sy eer. God onderneem om dit vir jou deur die werking van sy Gees moontlik te maak. Hou jy maar net aan Hom vas. 10

8 Woensdag Dink gedurig aan God Staan stil en dink na oor die wonderdade van God. Met sy stem laat God magtige dinge gebeur. Hy doen groot dade en ons begryp dit nie. Job 37:14, 5 As n mens oor die dinge dink wat God gemaak het, wil jy altyd in nederigheid buig voor n God wat so groot en wonderlik is. Tog het baie Christene die kuns verleer om daaroor na te dink. Ons gaan soms glad te familiêr met God om. Ons bid net as ons Hom nodig het en dinge van Hom wil vra. Ons vergeet om Hom te aanbid. Voordat jy jou Bybel lees of bid, behoort jy eerstens meer tyd te maak om oor die God te dink met wie jy besig gaan raak. Om oor sy eienskappe te besin, en jou te verwonder oor die dinge wat Hy gemaak het en sy wonderdade waarmee Hy sy kinders elke keer red. In die Psalms word ons dikwels opgeroep om aan God te dink. Julle moet dink aan die magtige dade wat Hy gedoen het, aan sy wonders, aan die reddingsdade op sy bevel, staan daar in Psalm 105:5. Hierdie nadink oor God het altyd n geloofsverdieping tot gevolg: As ek aan U dink op my bed, oor U peins in die nag, dan weet ek: U is vir my n hulp, en dan juig ek oor die beskerming onder u vleuels, getuig Dawid in Psalm 63:7-8. As jy so besig was met al die dinge wat jou aandag verg, word rustig en fokus op die Middelpunt. Dink na oor Hom sodat jou eie geloof verdieping kan ondergaan en nader tot Hom in gebed. 11

9 Donderdag God luister na jou... Maar Hanna het geantwoord: Nee, Meneer, ek is maar net n vrou wat diep terneergedruk is... Ek het my hart uitgestort voor die Here. 1 Samuel 1:15 My man het dié wonderlike ding gesê wat my steeds bybly: Gebed is die verskil tussen besorgdheid en vrede. Dis volle vertroue in God se voorsiening in my daaglikse behoeftes. Om hierdie rede kan n mens met n frons op jou knieë gaan en met n glimlag opstaan. Hanna is kinderloos en diep ongelukkig daaroor. Tydens die gesin se jaarlikse besoek aan die heiligdom te Silo stort Hanna haar hart voor God uit. Sy huil só dat Eli, die priester, eers dink dat sy dronk is en haar oor haar gedrag berispe. Hanna hou niks terug nie, maar pak haar hartsbegeertes volledig voor God uit. Sy bid ook spesifiek: Sy vra God vir n seun en maak n belofte aan Hom dat as Hy haar gebed verhoor, sy hierdie seun aan Hom sal teruggee. Hanna raak swanger en n seuntjie word gebore. Sy kom haar belofte aan God na en neem klein Samuel na die tempel sodat hy vir die Here kan werk. Hoe bitter moeilik moes dit gewees het om dié seunskind vir wie sy so lank gewag en gebid het, af te staan. Dis eintlik ongelooflik om te dink dat dié God wat ons aanbid, so intens belangstel in ons as sy kinders dat Hy altyd gereed is om na ons gebede te luister. God is groot, maar ook bereid om te luister na ons klein mensies se versoeke. Ook na joune. Aanbid Hom net. 12

10 Vrydag Hersteltyd saam met God Mag die Here ons gebed verhoor wanneer ons na Hom roep. Psalm 20:10 Die meeste van ons weet nie eens meer presies wat aanbidding beteken nie. Omdat ons hierdie deel van ons gemeenskap met God verwaarloos, is ons gejaagde, ontevrede mense wat met fronse deur die lewe gaan en vergeet het wat dit beteken dat ons God moet loof en aanbid. Wat ons in ons besige lewe die heel nodigste het, is juis tyd om voor God stil te word. Sonder gebed kan jy nie God se vrede en vreugde ervaar nie, maar as jy bid, belowe God sy genade en ontferming, en ook om vir jou dié dinge te gee wat jy van Hom vra as dit in ooreenstemming met sy wil vir jou lewe is. Ons behoort nie te bid om dinge van God te kry nie, maar sodat ons God beter kan leer ken. Die doel van gebed is om die teenwoordigheid van God te openbaar, skryf Oswald Chambers. Ons kan by Bybelse vroue belangrike lesse leer wat vir ons wys hoe ons God op n vars, nuwe manier kan aanbid. Ons lees dat Mirjam vir die vroue van Israel voorgesing het (Eks. 15:20-21). Sy het dus nie net haar eie lofliedere aan God gebring nie, maar ook ander vroue aangespoor om God saam met haar te aanbid. Jy kan ook met groot vertroue op God reken, al weet jy nie wat in die toekoms op jou wag nie. 13