Dagbreek met God uitgegee deur Carpe Diem Media

Transcriptie

1

2 Dagbreek met God uitgegee deur Carpe Diem Media 2016 Carpe Diem Media Eerste uitgawe, eerste druk 2016 ISBN Eboek ISBN Setwerk Monica Pieterse Redigeerder Ria van der Merwe Proefleser Rita van Wyk Omslagontwerp Zelda Botha Skrifaanhalings uit DIE BYBEL (Nuwe vertaling 1983, met herformulerings) tensy anders vermeld, met verlof van die Bybelgenootskap van Suid-Afrika. Alle regte voorbehou. Geen gedeelte van hierdie boek mag gereproduseer word in enige vorm of op enige manier sonder die skriftelike toestemming van die uitgewer nie. KONTAKBESONDERHEDE Carpe Diem Media Posbus 5801 Vanderbijlpark 1900 Tel (016) Faks (016) E-pos

3 DAGBREEK met God JOHANN ELS carpe diem M E D I A In samewerking met Radiokansel 657AM

4 Graag wil ek erkenning gee aan almal en alles wat oor my pad gekom het. Elke mens se stories, insigte en ervarings, boeke en Bybelse kommentare wat ek gelees het, die lewensinsidente (goed en sleg) wat ek deurgemaak het en ook aan God alle eer aan Hom om op hierdie manier sy Woord met ander te deel.

5 U luister na my stem in die môre, Here, in die môre terwyl ek voor U verskyn en op U wag. Psalm 5:4

6 Maandag BID GEDURIG EN WEES ALTYD DANKBAAR Bid gedurig. Wees in alle omstandighede dankbaar, want dit is wat God in Christus Jesus van julle verwag. (1 Tess 5:17-18). Ek hoop jou hart is vol dankbaarheid vanmôre. Hoekom sê ek so? As ons dankbaarheid verontagsaam, druis dit uitdruklik in teen God se wil want dit is sy wil dat sy kinders dankbaar sal wees. Wees dankbaar in alle omstandighede want dit is wat God in Jesus Christus van ons verwag. Paulus skryf vir die Kolossense: Met blydskap moet julle die Vader dank wat julle geskik gemaak het om deel te hê aan die erfenis wat vir die gelowiges wag in die ryk van die lig (v12). Dalk sê jy: Here, U verstaan nie my omstandighede nie en nou wil U vir my kom sê dis u wil dat ek dankbaar sal wees. Dit is jammer wanneer daar niks is waarvoor ons dankbaar voor God is nie, maar dit is onrusbarend wanneer daar iets is en ons toon nie ons dankbaarheid nie (William Still). Dis God se wil. Dis nie ek wat dit sê nie. Paulus sê dit vir die Christene in 1 Tessalonisense 5:17-18: Bid gedurig en wees in alle omstandighede dankbaar want dit is wat God in Christus Jesus van julle verwag. Snaaks genoeg, n ou kry deesdae dikwels mense wat in kerke en in Christelike organisasies, sinodevergaderings of waar hulle ook al bymekaar is, en waar jy verwag dat hulle dankbaarheid in Christus Jesus as hulle Verlosser sal bely, want dit is ons roeping hulle dit nie doen nie. Ek lees in Efesiërs 5:20: Dank God die Vader altyd oor alles in die Naam van ons Here Jesus Christus. 7

7 Dinsdag EK GEE NUWE KRAG Kyk na die ander nasies: julle sal verstom staan oor wat julle sien. Ek gaan nog tydens julle lewe iets doen wat julle nie sal glo as dit vir julle vertel word nie (Hab 1:5). Vader God, ek wil voor U staan. Ek bid dat U die lig sal wees wat oor my verlossing en hoop sal skyn wanneer die son vanoggend opkom. Deur die genade van Jesus Christus. Here Jesus, ek wil God se almagtige teenwoordigheid opnuut ontdek en alles oorgee aan Jesus Christus, my Here. Soos Habakuk wil ek ervaar die Here gee my nuwe krag: Al sou die vyeboom nie bot nie en daar geen druiwe aan die wingerde wees nie, al sou die olyfoes misluk en die lande geen oes lewer nie, al sou daar geen kleinvee in die kampe meer wees nie en die beeskrale sonder beeste wees, nogtans sal ek in die Here jubel, sal ek juig in God, my Redder. Die Here my God gee vir my krag. Hy maak my voete soos dié van n ribbok, op hoë plekke laat Hy my veilig loop (Hab 3:17-19). In die boek Habakuk word die klagtes van die profeet oor God se skynbare belangeloosheid in die optrede van die vyand afgewissel deur God se antwoord daarop. Mens moet altyd die geskiedenis in ag neem oor wat gebeur. Hulle is stom, die klomp Jode, want dit lyk asof God nie hoor nie. Dit lyk vir hulle asof hulle gebede teen die plafon vasslaan, asof God belang verloor het in sy eie mense. Om sommer in plein Afrikaans te sê: Dit lyk asof God maar net Gods water oor Gods akker laat loop. En dan antwoord die Here: Ek gee julle nuwe krag. Hy maak my voete soos dié van n ribbok, op hoë plekke laat Hy my veilig loop. 8

8 Woensdag KENMERK VAN N ONTVANKLIKE GEES Hulle het hulle heelhartig toegelê op die leer van die apostels en die onderlinge verbondenheid, die gemeenskaplike maaltyd en die gebede (Hand 2:42). Wat is die kenmerke wat jou definieer as God se kerk, die liggaam van Christus? Handelinge 2:42-47 praat van die kenmerke van n kerk gevul met die Heilige Gees. Dis n mooi storie en ek weet baie gemeentes en kerke regdeur Suid-Afrika vier gewoonlik Pinkster. Wonderlik, prys die Here vir elke geleentheid waar God se kinders bymekaar kom. Die eerste gemeente na die uitstorting van die Heilige Gees, sê Handelinge 2:42-47, het sekere kenmerke gehad. Die apostels het baie wonderwerke en tekens gedoen en dit het almal met diep ontsag vervul. Die hele volk was hierdie Christene goedgesind. Elke dag het daar nog mense tot bekering gekom. Hierdie was n lerende, onderriggewende kerk. Wanneer die Heilige Gees n mens beheer, het jy n teachable spirit. En jy ontvang graag lering, jy is soos n spons, jy wil onderrig hê. Handelinge 2 sê hierdie eerste gemeente se kenmerk was dat hulle hulle heelhartig toegelê het op die leer van die apostels. Dit laat my vra, as kind van God, het ek n teachable spirit of hou ek vas aan my eie dinge? Verder sê Handelinge 2 nadat die Heilige Gees uitgestort is, was hulle in fellowship met mekaar. n Kenmerk van fellowship, koinonia, is n kerk wat saam leef. Dis n baie sterk band van liefde wat daardie eerste Christene aan mekaar gebind het. Dit is n geesvervulde gemeente. 9

9 Donderdag AAN U MY DANKGESANGE Ek kyk op na die berge: waarvandaan sal daar vir my hulp kom? My hulp kom van die Here wat hemel en aarde gemaak het (Ps 121:1-2). Hoe gaan dit met jou vanmôre? Dit gaan mos nou nie altyd ewe goed met almal nie, maar jou hart sal sing as jy weet aan wie jy jou toevertrou het. Vroegmôre toe dink ek aan die Aandgesang (Lied 562). Ek wil dit sommer vir jou lees as n gebed: Aan U o God, my dankgesange, U wil ek in my aandlied prys. Al kwyn die sonlig teen die hange, U lig, my lig sal hoër rys. U het my met U guns versadig en as n Vader my beskerm; ook met seëninge so mildadig, U dag en nag oor my ontferm. Eens aan die einde van my lewe sal ek van dood en sonde vry vir al u seën en goedheid Here, U nuut my dank en loflied vind. Dit laat my ook dink aan Psalm 121. n Pelgrimslied, n lied wat die ou Jode gesing het wanneer hulle op reis gegaan het. n Geloofslied. n Lied wat sê ek sing, ten spyte van die gevare wat vir my wag. As mens die agtergrond hiervan verstaan, naamlik om n toekomsvenster te hê, het jy geloof nodig om God te vertrou ongeag waarmee jy gekonfronteer word. Geloof om die Aandgesang met vertroue te sing: Ek weet aan wie k my toevertrou het, al wissel dan ook dag en nag. Geloof om op God te vertrou ongeag waarmee ek en jy gekonfronteer word. 10

10 Vrydag DIE LEWE IS CHRISTUS... want om te lewe, is vir my Christus, en om te sterwe, is vir my wins (Fil 1:21). Dis vroegoggend en waarskynlik is dit in Gauteng al baie ligter as hier in die Kaap. Maar, of dit nou buite of in jou hart donker of lig is, Paulus sê hier is nou n woord wat ek met jou moet deel. Dit staan geskryf in Filippense 1:21 waar Paulus sê: Vir my is die lewe Christus. Vir my is die lewe Christus. Met net nege woorde in die Griekse teks sê Paulus wat die belangrikste is. Paulus was in die tronk toe hy die brief vir die gemeente in Filippi skryf. Al het Paulus baie dinge waardeur hy gaan, nogtans sê hy: Christus Jesus moet verheerlik word. Eintlik anders as wat mens sou verwag, nè? Ek meen, hier sit Paulus in die dodesel en hy skryf vir die mense in Filippi. Hulle is bekommerd oor hom en hy stel hulle gerus: Moet julle nie oor my bekommer nie, dit maak nie saak wat my omstandighede is nie, vir my is die lewe Christus. Paulus sê in Filippense 1:18 dat God juis die feit dat hy, Paulus, swaarkry, gebruik om die evangelie verder uit te dra. Al is sy toekoms onseker, dit maak nie saak nie. Al wat saak maak, is dat Jesus Christus verheerlik word: In elk geval, of dit met bybedoelings is of in opregtheid, op allerhande maniere word Christus bekend gemaak, en daaroor is ek bly. 11